06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...Այն բանից հետո, երբ ՀՀ Ազգային ժողովն ու կառավարությունը սկսել են քննարկել Արցախի անկախության ճանաչման հնարավորությունը, Բաքվում որոշել են ի պատասխան ընդունել Սյունիքի մարզի բռնակցման մասին օրենք: Համապատասխան նախաձեռնությամբ երեկ հանդես է եկել Ադրբեջանի Միլլի մեջլիսի պատգամավոր Բահթիյար Ալիեւը:
Իշխող «Նոր Ադրբեջան» կուսակցությունը ներկայացնող պատգամավորը երեկ հայտարարել է, թե առաջիկայում Միլլի մեջլիսում քննարկման է ներկայացվելու Զանգեզուրը Ադրբեջանին միացնելու մասին օրինագիծ:
Նրա խոսքով, փաստաթղթով պետք է «հիմնավորվի», թե իբր Զանգեզուրը պատմական ադրբեջանական տարածք է եւ դրա հիման վրա էլ պետք է որոշվի այն միացնել Ադրբեջանին: «Զանգեզուրը պատմական ադրբեջանական տարածք է: Այն պատկանել է Ադրբեջանին, սակայն հետագայում անօրինականօրեն փոխանցվել է Հայաստանին: Միլլի մեջլիսը պետք է օրենք ընդունի այդ տարածքը վերադարձնելու մասին: Լեռնային Ղարաբաղը եւս երբեք Հայաստանինը չի եղել, քանի որ հենց Հայաստանը ստեղծվել է ադրբեջանական տարածքների վրա»,-իր զառանցանքներն է ներկայացրել ադրբեջանցի պատգամավորը:
Այնուամենայնիվ, հարկ է նշել, որ այդ զառանցանքներով տարված է ոչ միայն Բահթիյար Ալիեւը: Նրա զառանցանքները արտահայտում են ամբողջ իշխող նախիջեւնյան կլանի դիրքորոշումը: Բավական է հիշել, որ Իլհամ Ալիեւը վերջին տարիներին իր ելույթներում քանից հայտարարել է, թե իբր Սեւանը, Զանգեզուրը, Երեւանը ադրբեջանական տարածքներ են եւ կգա ժամանակը, որ ադրբեջանցիները կվերադառնան այնտեղ: Այս ամենը վկայում է, որ պատմության մեջ առաջին անգամ 1918 թվականին աշխարհի քարտեզի վրա հայտնված եւ Իրանի Ատրպատական նահանգի անվանումը յուրացրած պետական միավորումը ավելի մեծ ախորժակ ունի եւ մտադիր չէ բավարարվել սոսկ Արցախը գրավելով, այլեւ Հայաստանի Հանրապետության տարածքները բռնազավթելու սին հույսեր է փայփայում: Իսկ Արցախի հիմնահարցի չկարգավորվածոթյունը դրա համար հարմար պատրվակ է: Ընդ որում, Սյունիքը զավթելը սոսկ նվազագույն ծրագիր է, որի իրականացումը թույլ կտա ոչ միայն ցամաքային կապ ստեղծել Նախիջեւանի հետ, այլեւ այդպիսով կյանքի կոչել պանթյուրքիստական մեծ երազանքը եւ այդ սեպի վերացմամբ աշխարհագրորեն միավորել բոլոր թյուրքալեզու երկրները:
Այնպես որ, չափազանցություն չի լինի ասել, որ արցախյան հիմնախնդիրը սոսկ Արցախի գոյությանն ու վերջինիս տարածքներին չի առնչվում: Այսօր որոշվում է նաեւ Հայաստանի Հանրապետության ամբողջականության եւ նույնիսկ գոյության հարցը: Բաքվում այնքան են լկտիացել, որ արդեն բարձրացնում են Հայաստանի Հանրապետության տարածքները զավթելու հարցը: Ընդ որում, նման նկրտումների մասին բացեիբաց հայտարավում է ոչ միայն պատգամավորի, այլեւ երկրի նախագահի մակարդակով: Իսկ այդ ամենը միջազգային հանրության անտարբերության հետեւանք է: Ալիեւը, նախկինում նման հայտարարություններ անելով, փորձել է ստուգել միջազգային հանրության արձագանքը: Իսկ արձագանք, կարելի է ասել, չի եղել, ինչն էլ ազերիներին այդքան ոգեւորվելու առիթ է տվել: Այդ առումով երազանքների գիրկն ընկած ազերիներին սթափեցնելու գործը, ինչպես այս տարվա ապրիլի սկզբին էր, ամբողջովին ընկնում է հայ զինվորի վրա:
Աղբյուրը armtimes.com
Մայիսի 5-ին՝ Ադրբեջանի վետերանները, որոնք մասնակցել են ղարաբաղյան պատերազմին հայտարարություն են տարածել, որտեղ սպառնում են հայկական կողմին և կոչ են անում ազատել այսպես ասած «Ադրբեջանի գրավյալ տարածքները», հակառակ դեպքում սպառնում են իրենց բանակով, որի մեջքին իրենք են կանգնած:
Ո՞վքեր են այդ վետերանները: Դրանք այն զինվորականներն են, որոնք 90-ական թվականներին թողնելով հակամարտության գոտին, փախան մինչև Բակու:
Ո՞վքեր են այժմ կռվում Ադրբեջանի բանակում: Դրանք այն մարդիք են, ովքեր 20 տարվա մշակված պլանով և ծախսված միլիարդներով հանդերձ դիմացան ընդամենը 4 օր: Ու այդ 4 օրերին կորցրեցի 100-ավոր զոհեր և միլիոնների տեխնիկա:
Մեջբերում եմ չեչեն գրոհայինների առաջնորդներից մեկի՝ Շամիլ Բասաևի խոսքերը:
«Մենք եկանք Ղարաբաղ կռվելու ոչ թե ավարի, այլ Ջիհադի գաղափարի համար: Սակայն տեղ հասնելով եւ իրավիճակը տեսնելով` հասկացանք, որ այնտեղ չկա Ջիհադի եւ ոչ մի նշան»,- պատմել էր Բասաեւը:
Նրա խոսքերով, ադրբեջանական բանակում քիչ էին այնպիսի բարձրաստիճան հրամանատարները, որոնց «կարելի էր վստահել»: «Բացի այդ,- ասել էր Բասաեւը,- հայերն ավելի լավ էին կռվում: Տվեք ինձ քսան հայ ֆիդայի և ես կնվաճեմ ողջ Ռուսաստանը»:
ԵՎ վերջում Բասաևը պատմում է, որ ադրբեջանցիներ հակամարտության գոտուց փախնում էին մինչև Բաքու:
https://www.youtube.com/watch?v=lJeO9JRpTIk
Հարցազրույց Արցախի ռազմական եւ քաղաքական գործիչ, նախկին պատգամավոր Վահան Բադասյանի հետ
— Պարոն Բադասյան, Հայաստանի կողմից Արցախի անկախությունը ճանաչելու մասին օրինագիծը կրկին Ազգային ժողովում է: Հայաստանի ռազմաքաղաքական ղեկավարությունը միշտ ասել է, որ Ղարաբաղի անկախության ճանաչումը մեր վերջին զենքն է, որի կիրառումը կնշանակի վերջ բանակցություններին եւ պատերազմ: Ի՞նչ եք կարծում՝ արդյոք այդ վերջին զենքը կիրառելու ժամանակն է:
— Դա ծայրահեղություն չի եւ այստեղ վերջին զենքի հարց չկա: Դա համարձակ եւ խիզախ, միակ ճշմարիտ քայլն է՝ մանավանդ ապրիլի 2-ից հետո ստեղծված իրավիճակում: Ադրբեջանը նորից անցել է ագրեսիայի՝ խախտելով հրադադարը: Ադրբեջանն ապացուցել է ամբողջ աշխարհին, որ Ղարաբաղն Ադրբեջանի տարածքային ամբողջականության շրջանակներում չի կարող լինել, որովհետեւ այդ խոշտանգումները, այդ վերաբերմունքը, էթնիկ զտման փորձերը մեզ տալիս են ռեալ իրավունք միջազգային օրենքների շրջանակներում ինքնորոշվելու եւ ճանաչվելու: Մենք ինքնորոշվել ենք 1991 թվականին: Հիմա ճանաչման ժամանակն է: Հայաստանի կողմից Ղարաբաղի անկախության ճանաչումը տրամաբանական միակ քայլն է. դրանով Հայաստանը եւ Արցախը միայն ու միայն կվայելեն միջազգային հանրության հարգանքը: Դրան կհետեւի միջազգային հանրության կողմից Արցախի ճանաչումը:
— Տեսակետներ կան, որ ճանաչման քայլին հետեւելու է պատերազմ:
— Դա թույլ եւ վախկոտ մարդկանց կարծիքն է: Այդպիսի կարծիքներ 1991 թվականին նույնպես կային. ասում էին եկեք լուռ մնանք, եկեք չզինվենք, Ադրբեջանին չհրահրենք եւ չզայրացնենք: Այդպիսի մտածելակերպ կար նաեւ 1915 թվականին՝ արեւմտահայության մեջ: Ասում էին զինված պայքար պետք չի, միասնություն պետք չի, գյուղ առ գյուղ պետք է խնդրենք, որ թուրքերը մեր նկատմամբ լինեն լոյալ: Այդպես չի լինում: Հայ ժողովուրդը միակ ժողովուրդն է, որ շրջապատված է յուրահատուկ բորենի ազգով, որոնք ընդունակ են քնած տեղը մարդուն խփել, անզեն մարդուն կոտորել: Մենք պետք է իմանանք, որ հակառակորդը միշտ զայրացած է, մանավանդ երբ մենք թույլ, քնած կամ անզոր ենք: Իսկ երբ ուժեղ ենք, զինված ենք՝ նա թույլ է եւ զսպված: Ես համոզված եմ մեր ուժեղ լինելու դեպքում առաջիններից մեկը հենց Ադրբեջանն է հաշտության ձեռք մեկնելու:
— Կարծում եք Հայաստանի խորհրդարանում կընդունվի՞ Արցախի անկախության ճանաչման մասին օրինագիծը:
— Անձամբ ես Հայաստանի Ազգային ժողովի մասին շատ մեծ կարծիք չունեմ: ԱԺ ճնշող մեծամասնությունը ընդունում է Հայաստանի համար ստորացուցիչ օրենքներ: Բայց եթե այս օրինագիծն ընդունի՝ կստացվի, որ 5-րդ գումարման Ազգային ժողովը իր վերջնամուտին կատարում է միակ պատմական խիզախ քայլը եւ դրանով քավում իր մնացած մեղքերը:
— Վերջերս շատ է քննարկվում Ռուսաստանից վարկի դիմաց գնված զենքի ուշացման հարցը: Ի՞նչ եք կարծում, որեւէ միտում կա՞ այդտեղ:
— Դրա պատճառը միանշանակ Ռուսաստանի հայկահայկական քաղաքականությունն է, որ 250 տարի շարունակվում է: Ունենալով նախադրյալներ՝ Ռուսաստանը Ադրբեջանին ավելի շատ է զինում, քան Հայաստանին՝ հաստատելով այն, որ զենքի նույնիսկ բացարձակ առավելություն ունենալու դեպքում Ադրբեջանը չի կարող հասնել առավելության մարտի դաշտում: Իսկ եթե այդ զենքի վաճառքը մի քիչ բալանսավորված արվի՝ հայկական կողմը միանշանակ հաղթանակներ կտանի: Իսկ հայկական կողմի հաղթանակը Ռուսաստանին ձեռնտու չէ, որովհետեւ դա կլինի պատերազմի ավարտ, դա կլինի իր ազդեցությունից Ադրբեջանի կորուստ: Իսկ Ռուսաստանը միայն իր շահերն է պաշտպանում, հանուն իր շահերի ցանկանում է, որ պատերազմը երկար ձգվի, որ կարողանա թե Ադրբեջանը, թե Հայաստանը որպես փորձադաշտ օգտագործել:
— Վերջերս քննարկվում է Չինաստանից զենք ձեռք բերելու հարցը: Ի՞նչ եք կարծում՝ Ռուսաստանը «թույլ կտա՞», որ ռուսական զենքին այլընտրանք գտնենք:
— Իմ ցանկությունն է, որ Հայաստանը լինի ինքնիշխան երկիր եւ ինքը որոշի, թե որ երկրի սպառազինությունը օգտագոծի եւ չօգտագործի: Մենք պետք է միշտ այլընտրանքային զենքեր ունենանք: Դա ես նորմալ եւ ռեալ եմ համարում:
— Այս ընթացքում անընդհատ խոսվում է, որ պետք է նախահարձակ գործողություններ իրականացնել, գոնե մեր կորցրած տարածքները վերադարձնել: Այս պահին տեսնո՞ւմ եք նման գործողության հավանականություն:
— Մեր կորցրածը տարածք չի, դիրքեր են: Ընդամենը մի քանի հեկտար տարածքի մասին է խոսքը:
— Վերջերս, կարծեմ, խոսք էր գնացել հազարավոր հեկտարների մասին:
— Դա այդպես չի, մի քանի հեկտար է, խոսքը գնում է մինչեւ 100 հեկտարի մասին: Մյուս տարածքները կարող են լինել Ադրբեջանի համար դիտարկելի, բայց ոչ այդ երկրի տարածքում: Եթե այդպես վերցնենք՝ մեր դիրքերից Ադրբեջանում ճիշտ այդքան (հազարավոր կիլոմետրեր-Ս.Պ.) տարածք դիտարկվում է, որովհետեւ մենք բարձունքում ենք գտնվում, նրանք հարթավայրում:
— Իսկ դուք տեսնո՞ւմ եք նախահարձակ գործողություն իրականացնելու հավանականություն՝ դիրքերը հետ վերցնելու համար:
— Դիրք վերցնելը կամ չվերցնելը հոգեբանական հարց է: Պարզապես մենք պետք է մեր հաղթական կեցվածքը պահպանենք: Ես կողմնակից եմ այդ դիրքերը հետ վերցնելուն: Որպես նախկին հրամանատար եւ նախկին զինվորական ես դա շատ ռեալ եմ համարում եւ անհրաժեշտ: Այդ գործողության անմիջական կամավոր մասնակիցներից մեկն էլ ես կլինեմ:
— Պարոն Բադասյան, ակտիվ քննարկվում է նաեւ մայիսյան եռատոնի օրերին Ադրբեջանի կողմից լայնածավալ գործողություններ ձեռնարկելու հնարավորությունը: Որպես հիմնավորում հիմնականում նշվում է սահմանին մոտ զինտեխնիկա կուտակելու փաստը, ինչպես նաեւ այն, որ այս օրերին Ադրբեջանը զորավարժություններ է իրականացվում: Ի՞նչ եք կարծում, Ադրբեջանը մայիսի 9-ին ընդառաջ կգնա՞ իրավիճակի սրման:
— Կգնա, թե չի գնա, ամեն դեպքում մենք պետք է համարենք, որ կգնա:
— Եվ դա ի՞նչ պետք է ենթադրի:
— Մենք պետք է սպասենք ամենավատին եւ ամենադժվարին, որ պիտի գնան լայնածավալ գործողությունների եւ դրան պետք է պատրաստ լինենք, ինչին էլ, կարծում եմ, պատրաստվում ենք: Թե հասարակությունն է պատրաստ, թե բանակը:
Սկզբնաղբյուր armtimes.com
Եթե հակառակորդը չի հարգել եռանախագահների երկար աշխատանքը, եթե չի հարգել 1994 թվականի մայիսին կնքած զինադադարը, հնարավոր են ցանկացած զարգացումներ: Այդ մասին հայտարարել է Լեռնային Ղարաբաղի փոխվարչապետ Արթուր Աղաբեկյանը, հայտնում է «Ազատություն» ռադիոկայանը:
«Ես գտնում եմ, որ գլխավոր շտաբի պետերի, այսպիսի ձևակերպում տամ՝ ջենտլմենական պայմանավորվածությունը դեռ շարունակում է գործել, բայց մյուս կողմից, ճանաչելով մեր հակառակորդին, կարելի է նաև ենթադրել, որ հնարավոր են ցանկացած զարգացումներ», — ասել է նա:
Պաշտպանության նախարարությունը, պաշտպանության բանակի հրամանատարությունը, ըստ փոխվարչապետի, կայացրել են ճիշտ որոշում, և այդ որոշումը հասարակությունն ընկալել է՝ թե՛ Ստեփանակերտում, թե՛ համայնքներում։ «Եթե հակառակորդն իրականում փորձի և այդ ուժերը հետ չքաշի, ապա մենք պետք է շարունակենք կատարել պաշտպանական նշանակության միջոցառումներ՝ հարձակում լինելու դեպքում առաջնագծում նորից շարունակենք ճնշել՝ թույլ չտալով հետագա բացազատում», — ասել է Աղաբեկյանը։
Անդրադառնալով այն հարցին, թե ի՞նչ ծրագրեր ունի Լեռնային Ղարաբաղը՝ ուղղվածտարհանվածների խնդիրների լուծմանը` Աղաբեկյանն ասել է. «Դեռ շուտ է այդ մասին խոսելը, բայց մենք ամեն ինչ անում ենք, որ մեր քաղաքացիներին հնարավորություն տանք, որ ժամանակավոր տեղակայված վայրերում կարողանան իրենց սոցիալական նշանակության խնդիրները լուծել, ավելին ասեմ՝ օպերատիվ շտաբում քննարկվել է, որ գնանք, գտնենք այդ ընտանիքներին, որոնք Ստեփանակերտում են, ու աշխատանք առաջարկենք՝ թեթև արդյունաբերության բնագավառում, սննդի արդյունաբերության բնագավառում։ Սպասենք հետագա զարգացումներին»։
Աղաբեկյանն ասել է, որ բնակիչներ հիմնականում տարհանվել են Մատաղիսից, Թալիշից, և որ ամեն ինչ անելու են, որպեսզի հետագայում նրանք նորից վերադառնան իրենց բնակավայրեր։ «Մատաղիսը հիմնական տեղահանվածներից մեկն է, մենք Մատաղիսում ունենք բավականին լուրջ ներդրումներ՝ թե՛ Արցախ ՀԷԿ-ի երկու հիմնական կասկադներից մեկը, մենք ունենք Շվեյցարիայից գործարար Վարդան Սրմաքեշի մեծ ներդրումը ձկնարդյունաբերության բնագավառում, մենք այնտեղ ունենք բավականին լուջ գյուղատնտեսական կատարած աշխատանքներ, և շատ ցանկալի է, որ մեր քաղաքացիները վերադառնան Մատաղիս, բայց այսօր դրա մասին խոսել չի կարելի», — ասել է Ղարաբաղի փոխվարչապետը։
ԼՂ փոխվարչապետը նշել է, որ Մարտակերտում տարհանումներ չեն իրականացնում։ «Բայց երբ արդեն տեսանելի է հակառակորդի գործողությունները խաղաղ բնակչությանը ռմբահարելու վերաբերյալ, օգնում ենք մեր քաղաքացիներին, որ շուտ տարհանվեն՝ ավելի ապահով տեղեր։ Ինչ վերաբերում է Թալիշին, Թալիշում բավականին մեծ ավերածություններ ունենք, մեր քաղաքացիները տարհանվել են՝ թողնելով այնտեղ իրենց տնտեսությունը, իրենց անասունները, ամեն ինչ թողել և հեռացել են։ Մենք միայն կարողացել ենք փրկել նրանց ֆիզիկական ոչնչացումից։ Մենք այստեղ բավականին լուրջ աշխատանք ունենք տանելու», — ասել է Աղաբեկյանը։
Փոխնախարարը նշել է, որ Ղարաբաղի սոցիալական ապահովության նախարարության ներկայացուցիչներն աշխատում են Հայաստանի աշխատանքի և սոցիալական հարցերի նախարարության, միգրացիոն ծառայության ներկայացուցիչների հետ, հանդիպել են Թալիշից տարհանված բնակչության հետ և առաջարկել են վերադառնալ Ղարաբաղ։ «Մենք Շուշի քաղաքում կազմակերպում ենք ժամանակավոր կացարաններ և առաջարկել ենք մեր քաղաքացիներին վերադառնան երկիր։ Մենք շատ երկար տարիներ զինադադարից հետո վերաբնակեցման ծրագիր ենք իրականացրել, որի արդյունքն արդեն տեսանելի է։ Այսօր Քաշաթաղի շրջանը հազարից ավել մոբիլիզացիոն ռեսուրս ունի ընդգրկված պաշտպանության բնագավառում, ամեն քաղաքացու՝ Արցախում լինելը մեզ համար շատ կարևոր խնդիր է։ Անելու ենք ամեն ինչ, որ հայրենակիցները վերադառնան Արցախ», — հայտարարել է Արթուր Աղաբեկյանը։
Պաշտպանության նախարար Սեյրան Օհանյանը երեկ խորհրդարանում փակ դռների հետեւում հանդիպեց ԱԺ փոխնախագահների, խմբակցությունների եւ հանձնաժողովների ղեկավարների ու մի խումբ այլ պատգամավորների հետ: Հանդիպումը տեւեց ավելի քան երեք ժամ, պատգամավորները հանդիպումից դուրս եկան բավական մտահոգ դեմքով:
Ներկաներից որեւէ մեկը չցանկացավ կոնկրետացնել, թե ինչ հարցեր են տվել Սեյրան Օհանյանին կամ նրանից ինչ պատասխաններ են ստացել: Սակայն նրանց կցկտուր խոսակցություններից հասկանալի դարձավ, որ հարցերի ու խոսակցության մի զգալի մասը վերաբերել է Ռուսաստանից 200 միլիոն դոլար վարկի դիմաց զինտեխնիկայի մատակարարման ուշացմանը:
Ինքը՝ Օհանյանը, հանդիպումից հետո լրագրողների հետ կարճ զրույցում անդրադառնալով ՌԴ-ի կողմից զինտեխնիկայի մատակարարման ուշացմանը, այսպիսի հայտարարություն արեց. «Համապատասխան աշխատանքներ են տարվում ռազմատեխնիկական համագործակցության շրջանակներում զենքի ձեռքբերման տեմպերի արագացման ուղղությամբ»: Օհանյանը որեւէ ակնարկ չարեց, թե ՌԴ-ն ինչու է ուշացնում մատակարարումը, կամ ի վերջո զինտեխնիկան երբ է առաքելու Հայաստան:
Հիշեցնենք, որ ՀՀ կառավարությունը դեռեւս ապրիլի 15-ի նիստում էր որոշում կայացրել պաշտպանության նախարարին հանձնարարել հստակեցնել Հայաստանին մատակարարվող ժամանակակից սպառազինության եւ ռազմական տեխնիկայի անվանացանկը, ՌԴ համապատասխան մարմինների (այդ թվում՝ ՌԴ ռազմատեխնիկական համագործակցության Դաշնային ծառայություն եւ «ՌոսՕբորոնԷքսպորտ» ԲԸ) հետ քննարկել ու ստորագրել տրամադրվող վարկի շրջանակներում ժամանակակից ռազմական նշանակության արտադրանքի մատակարարման պայմանագրերը՝ արտացոլելով մատակարարումների ծավալները, ժամկետներն ու գները:
Նախարարի խոսքերից, սակայն, երեկ պարզ դարձավ, որ ռուսական կողմը դեռ չի էլ սկսել զենքի մատակարարման գործընթացը: Ավելին՝ զենքի մատակարարման որեւէ ժամկետ դեռ հստակեցված չէ, մինչդեռ նա ընդամենը օրեր առաջ է վերադարձել ՌԴ-ից, որտեղ գնացել էր հենց այդ խնդիրը գլուխ բերելու համար: Այսինքն, ՌԴ-ն պատերազմական այս օրերին փաստի առաջ է կանգնեցրել հայկական կողմին: Հայտնի է, որ այս օրերին ադրբեջանական կողմը խոշոր ծավալի զինտեխնիկա է կուտակում ԼՂՀ սահմանին, կան փաստեր, որ Թուրքիայից ու այլ երկրներից մեծ թվով վարձու զինյալներ են բերվել: Ռազմական փորձագետները խոսում են առաջիկայում պատերազմի վերսկսման հավանականության մասին: Այդ մասին, բնականաբար, տեղյակ է նաեւ ռուսական կողմը. ինչպես ՌԴ վարչապետ Դմիտրի Մեդվեդեւն էր հայտարարել, իրենք արբանյակներով հետեւում են հայ-ադրբեջանական սահմանին կատարվող ցանկացած շարժը: Հիշեցնենք, որ ՀՀ պատկան մարմինները բազմիցս են բարձրաձայնել՝ անգամ ՌԴ պաշտոնյաների մոտ, որ ապրիլի 2-ին Ադրբեջանի կողմից պատերազմական գործողությունները վերսկսելու պատճառներից մեկն էլ եղել է ՌԴ-ի կողմից 200 միլիոն դոլարի ժամանակակից սպառազինության մատակարարման ուշացումը: Ադրբեջանն այդպիսով մտածել է, որ ուժերի հավասարակշռությունը կարող է հօգուտ իրենց լինել ու հարձակվել է: Երեկ պատգամավորները մեզ հետ զրույցում նշում էին, թե Սեյրան Օհանյանը նույնպես մտահոգություն է հայտնել, որ ՌԴ-ն չի արագացնում զենքի մատակարարումը՝ այն դանդաղեցնելով ամենատարբեր տեխնիկական պատճառաբանություններով: Անգամ դեռ հայտնի չէ, թե գոնե մեկ ամսից զենքը կուղարկի՞ Հայաստան, թե ոչ:
Այդ խնդիրը լուծելու համար նախարարը պատրաստվում է այս օրերին կրկին Մոսկվա մեկնել:
Սկզբնաղբյուրը՝armtimes.com
Ժողովրդական արտիստ, Հայաստանի Կինեմատոգրաֆիստների միության նախագահ Ռուբեն Գեւորգյանցը նախագահ Սերժ Սարգսյանի հետ հանդիպման ժամանակ բարձրացրել է պաշտոնյանների դղյակների հարցը, ինչին, Սերժ Սարգսյանն արձագանքել է՝ չեն կարող երկրում «37 թվին» ընդունված ավանդույթներով շարժվել, հաղորդում է «Ազատությունը»: «Մենք չենք կարող 37 թիվը դարձնել մեր երկիրը»,- հանդիպման ժամանակ ասել է նախագահը:
Հիշեցնենք, երեկ նախագահ Սարգսյանը հանդիպում է ունեցել Հանրային խորհրդի անդամների հետ: Նախագահի մամլո ծառայության տարածած մոտ 2 րոպե տեւողությամբ տեսանյութից չէր հասկացվում, թե ինչն է հարուցել Սերժ Սարգսյանի վրդովմունքը: Այսօր Գեւորգյանցը որոշ մանրամասներ փոխանցեց այդ հանդիպման վերաբերյալ՝ նշելով, թե քննարկել են սահմանին ստեղծված իրավիճակը, քառօրյա պատերազմի վեր հանած բացթողումներն ու խնդիրները:
Ռուբեն Գեւորգյանցը նախագահի հետ հանդիպման ժամանակ, մասնավորապես, նշել է՝ ժողովուրդը շատ լավ գիտակցում է, որ այս օրերին պետք է միասնական լինել, բայց նաեւ մատնացույց է անում պաշտոնյաների դղյակները:
«Իսկ ի՞նչ անենք այդ դղյակների հետ, դղյակների տերերի հետ, պաշտոնյաների մասին է խոսքը, բիզնեսմենների մասին չէ: Ես ռադիկալ մարդ եմ, նախագահն այդպես էլ ասեց՝ դու ռադիկալ մարդ ես, ի՞նչ ես ասում, գնդակահարե՞նք, 37 թիվ սարքե՞նք: Ես կարծում եմ՝ այո: Բայց ոչ թե գնդակահարել, ինչ-որ մտրակ ա պետք օգտագործել, որովհետեւ նախագահի ձեռքում է եւ՛ կարկանդակը, եւ՛մտրակը: Մտրակը չի օգտագործվում: Ես հիմա էլ եմ կարծում, որ անպայման պիտի դա լինի: Ասացի՝ 3 օր ժամանակ տվեք, թող իրենք որոշեն, ինչ են անում: Բայց այդպիսի բացարձակ լկտիություն արդեն չի կարելի:
Բայց մեր նախագահը, ինչքան էլ դա տարօրինակ չթվա, ինքը շատ դեմոկրատ մարդ է: Իրոք դա էդպես է: Իսկ թե [դղյակների տերերը] որտեղից են գողացել, ոնց են գողացել, դա դատախազության հարցն է: Ես գիտեմ մի բան՝ եթե դու պաշտոնյա ես, դու չես կարող ունենալ այդպիսի բաներ, ինչին հենց նախագահն ասեց՝ ես էլ եմ զզվում այդ դղյակներից, ու ասեց՝ ես դղյալ ունե՞մ, ճիշտ ա՝ ինքը դղյակ չունի»,- մանրամասնեց Ռուբեն Գեւորգյանցը:
Արցախում ապրիլյան «Քառօրյա պատերազմից» հետո բազմիցս խոսվում է այն մասին, որ Ռուսաստանի Դաշնությունը նպատակ ունի Լեռնային Ղարաբաղ խաղաղապահ զորքեր բերել: Տեսանյութում քննարկել ենք միջազգային խաղաղապահության ու մասնավորապես ռուսաստանյան խաղաղապահական օպերացիաների պատմությունը:
«Իրազեկ քաղաքացիների միավորում»
Ղբաղյան առաջին պատերազմի մի խումբ վետերաններ (այդ թվում անկասկած «փառապանծ» գերանբոյի գումարտակի) մեկնել են մերձռազմաճակատային գոտի, նրանք լինելու են զինվորական մասերում, հանդիպելու են անձնակազմի հետ: Այս մասին հաղորդում է Ադրբեջանի պաշտպանության նախարարությունը:
Մեկնելուց առաջ վետերանները եղել են պաշտպանության նախարարությունում հանդիպել գերատեսչության աշխատակիցներին, ովքեր նրանց ծանոթացրել են ռազմաճակատում գրանցված «հաջողությունների» հետ: Վետերանները վստահություն են հայտնել որ շուտափույթ կազատագրեն բռնազավթված հողերը:
Առնվազն տարօրինակ է, եթե չասենք ծիծաղելի, երբ ադրբեջանի պաշտպանության նախարարությունը զենքի է կոչում ղարաբաղյան պատերազմի վետերաններին, այն մարդկանց, ովքեր 90-ականներին խուճապահար փախչում էին՝ թողնելով զենք, զինամթերք, հանձնելով տարածք տարածքի ետևից, ում մասին չեչեն հրամանատարների պատմածները բավարար են հավերժական խայտառակության խարանը ճակատներին կրելու համար:
Որպես նշված խոսքերի ապացույց, ներկայացնում ենք հեռուստալրագրող Նեվզորովի «Գերանբոյի գումարտակ» ֆիլմը:
https://www.youtube.com/watch?v=duWLWZDQTpo
«Օրեր» եվրոպական ամսագիրը՝ էլոկտրոնային հասցեն՝ orer.eu մի դրվագ է հրապարակել ԵՄ Արևելյան գործընկերության և Վիշեգրադյան քառյակի (Լեհաստան, Չեխիա, Սլովակիա, Հունգարիա) արտաքին քաղաքական գերատեսչությունների ղեկավարների հանդիպումից, երբ Հայաստանի եւ Ադրբեջանի արտգործնախարարները ընդհարվել են: Եվրոպական ամսագրի հրապարակումն ամբողջությամբ, որը վերնագրված է «Նալբանդյանը շշպռեց մեջ ընկած Մամեդյարովին»՝ ստորեւ.
ՊՐԱՀԱ.– Չեխիայի մայրաքաղաք Պրահայում երեկ և այսօր հանդիպում անցկացրին Վիշեհրադյան քառյակի (Չեխիա, Լեհաստան, Հունգարիա, Սլովակիա) արտգործնախարարները։ Խորհրդակցությունների ու բանակցությունների համար ժամանել էին նաև Եվրամիության Արևելյան գործընկերության վեց պետությունների՝ Ուկրաինայի, Վրաստանի, Մոլդովայի, Հայաստանի, Ադրբեջանի և Բելառուսի արտգործնախարարները, ինչպես նաեւ Եվրամիության Եվրոպական հարևանության և ընդարձակման հարցերով գերագույն հանձնակատար Յոհանես Հանը, ԵՄ արտաքին գործողության ծառայության, Շվեդիայի, Նիդեռլանդների և Գերմանիայի արտագործնախարությունների ներկայացուցիչները։
Այսօր Չեխիայի արտգործնախարարության Չերնինի պալատում հրավիրված մամուլի ասուլիսին մասնակցում էին վերը նշված պաշտոնյաները։
Անշուշտ եվրոպացի պաշտոնյաների և լրագրողների ուշադրության կենտրոնում Եվրամիության անդամ պետությունների կողմից ընդունելիք փախստականների ֆիքսված քվոտաներն ու Թուրքիայի քաղաքացիների համար առանց մուտքի արտոնության` առանց վիզայի ռեժիմի սահմանման հարցերն էին։
Բնականաբար «Օրեր» ամսագրի ուշադրության միակ խնդիրը Ադրբեջանի ապրիլյան ագրեսիան ու ղարաբաղյան շրջանում աճող լարվածությունն էր։
Աննա Կարապետյան. (Orer.eu խմբագիր).– Ես ներկայացնում եմ Պրահայում տեղակայված եվրոպական «Օրեր» ամսագիրը: Եվ իմ հարցն ուղղում եմ Վիշեհրադյան քառյակի երկրների արտաքին գործերի նախարարներին: Իրականում, այժմ Կովկասում շատ լարված իրադրություն է, ուստի ես քաղաքականապես կոռեկտ չեմ լինի, իմ հարցը կլինի ուղիղ։ Ադրբեջանի զինված ուժերի մի զինվոր մեկ ամիս առաջ տեղի ունեցած քառօրյա պատերազմի ժամանակ ցուցադրաբար գլխատել է Լեռնային Ղարաբաղի ՊԲ զինվորի, այնուհետև այդ անդամահատված գլուխը ձեռքին նկարահանվել ֆոտո և տեսախցիկների առջև: Միայն մի քանի օր առաջ Ադրբեջանի նախագահը բարձրագույն պարգևի է արժանացրել պատերազմի այդ հանցագործին այնպես, ինչպես ժամանակին պարգևատրել էր ադրբեջանցի մարդասպանին, ով, ինչպես գիտեք, Բաքու էր արտահանձնվել Հունգարիայից: Ցանկանում եմ իմանալ, թե ինչո՞ւ քաղաքական գնահատական չեք տալիս այս ԴԱԻՇ-ԻԼԻՊ ոճի վարքագծին` և´ զինվորի, և´ նախագահի, հետևաբար` հենց երկրի: Շնորհակալություն:
Էլմար Մամեդյարով.- (Ադրբեջանի արտգործնախարար). – Այս հարցին հավանաբար ես պիտի պատասխանեմ։
Աննա Կարապետյան. (Orer.eu խմբագիր) .– Ոչ պարոն, Մամեդյարով, ես գիտեմ, թե Դուք ինչ եք պատասխանելու։ Ես ցանկանում եմ լսել Վիշեհրադյան քառյակի երկրների արտաքին գործերի նախարարներին։
Էլմար Մամեդյարով. – Ես էլ Ադրբեջանի արտգործնախարարն եմ։ Եթե հարց եք տալիս, ինչպե՞ս չեք կամենում պատասխան լսել…
Ադրբեջանի արտգործնախարարին բնականաբար դուր չեկավ հարցի մեր ձևակերպումը, ու նա, բնականաբար, երկար սկսեց կրկնել ՄԱԿի 4 բանաձևերի, Ադրբեջանի գրավյալ տարածքների ու մեզ ու միջազգային հանրությանն արդեն վաղուց հայտնի բոլոր նման դրույթները։ Ի մասնավորի նա նաև ասաց.
Էլմար Մամեդյարով. … ՄԱԿ-ն իր բանաձևերում պահանջում է, ոչ թե կոչ է անում, այլ պահանջում է, որպեսզի հայկական ուժերն անմիջապես ու լիովին դուրս բերվեն Ադրբեջանի հանրապետության բռնազավթված հատվածներից։ Խնդիրը Լեռնային Ղարաբաղը չէ, խնդիրն ավելացված 7 տարածքներն են, որտեղ երբևէ հայ չի բնակվել… Հիմնական խնդիրն այն է, որ բանը բանից անցել է… Ժամանակը ճիշտ է, մենք պետք է ճեղքում ունենանք։ Հայկական կողմն ի վերջո ընդունում է, որ այսօրվա ստատուս քվոն չի կարող ունենալ այլևս։ … Հայկական զորքերը պետք է վերադարձվեն զորամասեր…
Էդվարդ Նալբանդյան. (ՀՀ արտգործնախարար). – (Ադրբեջանի ԱԳ նախարար Էլմար Մամեդյարովի խոսքից հետո). Բավականին երկար դասախոսություն էր, սակայն չտրվեց շատ ուղիղ և հստակ ձեւակերպված հարցի պատասխանը: Որովհետև ես համաձայն եմ, որ արդեն բանը բանից անցել է՝ մարդասպաններին Ադրբեջանի ազգային հերոսներ հռչակել: Դա արվեց Ռամիլ Սաֆարովի դեպքում և հիմա, դուք տեղյակ եք բոլոր բռնություններին, նրանց, որոնք իրականացվել են Արցախի դեմ լայնածավալ, բավականին լավ ծրագրված և կազմակերպված ագրեսիվ ռազմական գործողությունների ընթացքում ԴԱԻՇ-ի ոճով: Միգուցե ոչ ԴԱԻՇ-ի ոճով, այլ՝ Բաքվի ոճով, որովհետև դրանից առաջ Սաֆարովի դեպքն էր: Երեք պատանդ հայ զինվորներ գլխատվել են, և նրանց գլուխները ցուցադրվել են Ադրբեջանի գյուղերում և քաղաքներում: Եվ մարդասպաններից մեկը ընդամենը երկու օր առաջ ազգային հերոս հռչակվեց Ադրբեջանի նախագահի կողմից:
Ես չեմ անդրադառնա այս հիմնահարցի ակունքներին, սակայն շատ լավ հայտնի է, որ հակամարտությունը առաջացել է Արցախի դեմ Ադրբեջանի ագրեսիայի հետևանքով՝ տխրահռչակ ահաբեկչական կազմակերպությունների հետ սերտորեն կապված վարձկանների ներգրավմամբ: Ադրբեջանի ԱԳ նախարարը վկայակոչեց ՄԱԿ-ի Անվտանգության խորհրդի չորս բանաձևերը: Ինչու՞ չորս: Որովհետև յուրաքանչյուր բանաձևի ընդունումից հետո Ադրբեջանը հրաժարվում էր դրանք հարգել: Եվ չորս բանաձևերը ընդունվել էին մեկ նպատակով՝ դադարեցնելու ռազմական գործողությունները: Ադրբեջանը չէր հարգում դրանք: Առ այսօր՝ Ադրբեջանի, Լեռնային Ղարաբաղի և Հայաստանի կողմից 1994թ. զինադադարի եռակողմ անժամկետ համաձայնագրի ձեռքբերումից հետո, երեք համանախագահ պետությունները, իմիջիայլոց, սրանք բոլորի համար քաջածանոթ փաստեր են, ՄԱԿ ԱԽ մշտական անդամները երբեք չեն արել որևէ հղում ԱԽ այդ բանաձևերին: Որովհետև ԱԽ բանաձևերն ընդունվել են, ինչպես ասացի, զինադադարի հասնելու նպատակով: Եվ զինադադարը հաստատվեց 1994թ. մայիսին՝ վերոնշյալ եռակողմ համաձայնագրով, ապա վերահաստատվեց 1994թ. հուլիսին և հետո 1995թ. փետրվարին:
Իմիջիայլոց, այս գործողության ընթացքում՝ վերջին գործողության, ադրբեջանցի դիվանագետները փորձում էին այնպես ներկայացնել իրավիճակը, թե իբր նշված համաձայնագրերը կորցրել են իրենց ուժը: Վերբալ նոտա է ուղարկվել Վիեննա՝ ԵԱՀԿ քարտուղարություն՝ նշելով, թե տվյալ համաձայնագրերը կորցրել են իրենց ուժը: Իմ գործընկերը ԵԱՀԿ Մինսկի խմբի երեք համանախագահներին հայտնել է, թե Ադրբեջանի դեսպանը նման քայլ կատարելու ցուցում չուներ, դա իր միակողմանի, անձնական նախաձեռնությունն էր: Եվ քանի որ վերբալ նոտան հետ չէր կանչվել, եռանախագահները ստիպված էին տարածել իրենց սեփական վերբալ նոտան՝ տեղեկացնելով, որ 1994 և 1995թթ. երեք համաձայնագրերը անժամկետ են, և նրանք պետք է հարգվեն և ամբողջովին կյանքի կոչվեն, իսկ 2016թ. ապրիլի 5-ին Մոսկվայում ձեռք բերված բանավոր պայմանավորվածությունը նպատակ էր հետապնդում դադարեցնելու ռազմական գործողությունները, վերականգնելու 1994 և 1995թթ. զինադադարի համաձայնագրերը:
Այնուհետև Ադրբեջանի մեկ ուրիշ դիվանագետ մեկ այլ վերբալ նոտա տարածեց Նյու Յորքում՝ ՄԱԿ-ում: Կրկին իմ գործընկերը եռանախագահներին հայտնեց, թե դա եղել է առանց իր ցուցումների, դիվանագետը դա զուտ սեփական նախաձեռնությամբ էր իրականացրել և տարածել այդ նամակը: Բայց քանի որ վերբալ նոտան հետ չէր կանչվել, երեք համանախագահները, հիշեցնեմ, որ նրանք ՄԱԿ ԱԽ երեք մշտական անդամներ են՝ Ռուսաստան, Միացյալ Նահանգներ, Ֆրանսիա, ստիպված էին նախորդ շաբաթ օրը տարածել նամակ՝ հայտնելով, որ 1994 և 1995թթ. եռակողմ զինադադարի համաձայնագրերը պետք է հարգվեն լիարժեքորեն:
Ի՞նչ ունենք այսօր: Լեռնային Ղարաբաղի դեմ ագրեսիայի՝ ապրիլի սկզբի ագրեսիայի շատ բացասական հետևանքներ: Եվ մենք պետք է շարունակենք ջանքեր գործադրել եռանախագահների հետ միասին, որպեսզի վերականգնենք բանակցային մթնոլորտը և ապահովենք, երաշխավորենք, որ չի կրկնվի այն, ինչ տեղի ունեցավ ապրիլի սկզբին: Այդ նպատակով առաջին հերթին հարկավոր է կիրառել հրադադարի խախտումների քննության մեխանիզմ ստեղծելու մասին համանախագահների առաջարկը, որը մերժվել է Ադրբեջանի կողմից և ընդունվել Հայաստանի և Արցախի կողմից: Մեկ այլ առաջարկ ևս՝ տեղում մեծացնել, ընդլայնել, ամրապնդել ԵԱՀԿ գործող նախագահի անձնական ներկայացուցչի գրասենյակի և թիմի կարողությունները, այլ ոչ թե սահմանափակել այդ թիմի կարողությունները, ինչին ձգտում է Ադրբեջանը:
Սա այն է, ինչ ունենք, և Հայաստանը կշարունակի ջանքեր գործադրել եռանախագահ երկրների հետ միասին՝ գտնելու հակամարտության բացառապես խաղաղ, բանակցային լուծում:
Լյուբոմիր Զաորալեկ. (ՀՀ Չեխիայի արտգործնախարար).- Մենք անշուշտ մեր քննարկումների ժամանակ անդրադարձել ենք բոլոր վիճահարույց խնդիրներին, Արևելյան գործընկերության տարածքի բոլոր հակամարտություններին` ՈՒկրաինայի Դոնբասի շրջանին, Մերձդնեստրին, սառեցված հակամարտություններին և բնականաբար Լեռնային Ղարաբաղի վերջին իրադարձություններին։ Կարող եմ այստեղ հստակ ու միանշանակ նշել Վիշեհրադի անդամ պետությունների դիրքորոշումը, որ բոլոր հակամարտությունները, նաև Լեռնային Ղարաբաղի հակամատրությունը, չեն կարող կարգավորվել սպառազինությունների միջոցով, այդ հակամարտությունը կարող է կարգավորվել միայն խաղաղ ճանապարհով` հիմնվելով միջազգային իրավունքի վրա։ Դրա համար ձևավորված է ԵԱՀԿ Մինսկի խումբը, ու հարկավոր է ուղիներ որոնել լարվածությունը թուլացնելու համար։ Մեր այս հանդիպումների նման հանդիպումները կարևոր են, քանի որ հարթակ են ստեղծում երկխոսության ու բանակցությունների համար։ Պետք է ասեմ, որ երկու կողմն էլ ըմբռնումով են մոտենում Վ4-ի այս մոտեցումներին, սրանում են տեսնում ապագայի հիմքերը։
***
Վերջում նշենք, որ Չեխիան այժմ Վիշեհրադյան քառյակի նախագահող պետությունն է ու հիշեցնենք, որ հենց Եվրամիության Պրահայի 2009 թվականի գագաթնաժողովի ժամանակ սկիզբ դրվեց ԵՄ Արևելյան գործընկերությանը։ Այսօր այս գործընկերության համատեղ հրապարակված հայտարարությունում ևս նշվում է, որ ղարաբաղյան հակամարտության խաղաղ կարգավորմանն այլընտրանք չկա։
Եվս մեկ կարևոր կետ` Վ4ի նախարարները շեշտել են, որ Հայաստանի, Ադրբեջանի և Բելառուսի հարաբերությունները Եվրամիության հետ պետք է ձևավորվեն առանձնակի, յուրաքանչուր պետությանը համար իր տարբերակով։
Աննա Կարապետյան Orer.eu (Հայաստանի արտգործնախարարի ելույթը թարգմանվել է ՀՀ ԱԳՆ կողմից) «Օրեր»-ի հարցը և Հայաստանի արտգործնախարարի պատասխանը։
Մայիսի 4-ին Քեյփթաունում «Բաց կառավարության գործընկերություն» կազմակերպությունում Ադրբեջանի անդամակցության կարգավիճակը լիիրավ անդամից իջեցվել է՝ հասցվելով պասիվ երկրի մակարդակի: Համապատասխան որոշումը կայացվել է նախաձեռնության ղեկավար կազմի նիստի ժամանակ: Հատկանշական է, որ որոշմանը դեմ է արտահայտվել ղեկավար կազմի 22 անդամներից միայն 3-ը: Ադրբեջանի կարգավիճակի իջեցման պատճառը երկրում մարդու իրավունքների զանգվածային ոտնահարումն ու քաղաքացիական հասարակության ինստիտուտների շարունակվող հալածանքներն են։ Ղեկավար կոմիտեն այդ գործողությունների հասարակական կազմակերպությունների գործունեության հնարավորությունների սահմանափակման վտանգ է տեսել, ինչը հակասում է կազմակերպության սկզբունքներին:
Ադրբեջանին մեկ տարի ժամանակ է տրվել մատնանշված խնդիրները վերացնելու համար: Այդ ընթացքում Ադրբեջանի ներկայացուցիչներն իրավունք ունեն մասնակցել նախաձեռնության աշխատանքներին, սակայն պասիվ երկրի կարգավիճակի պայմաններում Ադրբեջանը ձայնի իրավունքից զրկված է մնալու: Եթե առաջիկա մեկ տարվա ընթացքում Բաքուն քայլեր չձեռնարկի երկրում մարդու իրավունքների վիճակի բարելավման եւ քաղաքացիական հասարակության զարգացման համար ստեղծված խնդիրները շտկելու ուղղությամբ, բարձրացվելու է Ադրբեջանի անդամակցության դադարեցման հարցը:
«Բաց կառավարության գործընկերությունը(Open Government Partnership)»-ը միջազգային կազմակերպություն է, որը հիմնվել է 2011 թվականի սեպտեմբերի 20-ին: Կազմակերպությունը հիմնել են 8 երկրներ՝ ԱՄՆ-ն, Մեծ Բրիտանիան, Բրազիալիան, Նորվեգիան, Ինդոնեզիան, Մեքսիկան, Հարավաֆրիկյան Հանրապետությունը եւ Ֆիլիպինները: Ներկայումս կազմակերպությանն անդամակցում են 69 երկրներ, այդ թվում՝ նաեւ Հայաստանը, իսկ մեր հարեւաններից՝ Վրաստանը եւ Թուրքիան:
Կազմակերպության պատմության ընթացքում սա առաջին դեպքն է, որ անդամ երկրներից որեւէ մեկի կարգավիճակը իջեցվում է եւ նույնիսկ դրվում է անդամակցության դադարեցման հարցը:
Պաշտոնական Բաքուն առայժմ չի արձագանքել կառույցի որոշմանը, սակայն ադրբեջանական ոչ կառավարական կազմակերպություններն ու իրավապաշտպանները միաձայն հայտարարում են, որ Ադրբեջանի կարգավիճակի իջեցումը մեծ հարված է երկրի վարկանիշին: Օրինակ, «Հանրապետական այլընտրանք» քաղաքացիական նախաձեռնության անդամ Հաֆիզ Բաբալըն գտնում է, որ այդ կարգավիճակի իջեցումը ստվեր է գցում երկրի վարկանիշի վրա: Նրա խոսքով, նման հեղինակավոր կառույցում անդամակցությունը երկրի թափանցիկության այցեքարտ է համարվում եւ եթե երկրի կարգավիճակը իջեցվում է, դա բացասական կարծիք է ստեղծում օտարերկրյա անհատ ներդրողների ու վարկատուների մոտ, դժվարացնում կառավարության ֆինանսական փոխառությունները եւ օտարերկրյա ընկերությունների մասնակցությունը ներդրումային ծրագրերին:
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.