06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...Բլոգեր Տիգրան Քոչարյանը քիչ առաջ Facebook-ի իր էջում գրել է. «Լավ լուր Թալիշից։ Հաստատվեց այն տեղեկատվությունը, որ Թալիշի մոտ նախկինում կորցրած դիրքը քիչ առաջ ազատագրվել է մեր զինվորների կողմից»: Կրթության և գիտության նախկին նախարարի նախկին խոսնակը` Զոհրաբ Եգանյանն էլ իր հերթին Facebook-ում հավելել է. «Մերոնք մամաները լացացնում են, խուճապ է, առավոտ հստակ կլինի, բայց կարծես թե քաղաքներ են տարհանում, ավելի ճիշտ մարդիկ խուճապահար փախնում են: Հային սպանողը չպետք է մարսի…Աստված մեր տղեքի հետ»: Տեղեկատվական տեխնոլոգիաների անվտանգության փորձագետ Սամվել Մարտիրոսյանը դարձյալ վիրտուալ հարթակում հանդես է եկել հետևյալ գրառմամբ. «Սա չեմ կարող մեկնաբանել։ Ինձ սենց լուրեր հասել էին։ Բայց մյուս կողմից, ինքներդ տեսաք, թե կորցրած դիրքերի մասին ինչքան իրարամերժ բան ասվեց էսքան ժամանակում։ Նենց որ զուտ որպես վարկած դնեմ ստեղ, բայց հուսանք վարկած չի, այլ իրական ա»:
Ստատուսի տակ Մարտիրոսյանը տեղադրել է aravot.am-ի այն հրապարակումը, համաձայն որի` կան տեղեկություններ, որ հայկական կողմը վերջին օրերին վերադարձրել է քառօրյա պատերազմում կորցրած որոշ դիրքեր: Այս տեղեկությունը ՊՆ մամուլի խոսնակ Արծրուն Հովհաննիսյանը կայքի լրագրողի հետ զրույցում ոչ հերքել, ոչ էլ հաստատել է: Ի տարբերություն հայկական վիրտուալ տիրույթի` ադրբեջանական Facebook-ում իսկական վայնասուն է բարձրացել: Բազմաթիվ ստատուսներ կան, որոնք վկայում են ադրբեջանական կողմի լուրջ կորուստների մասին: Գերակշռում են այն տեղեկությունները, որ ադրբեջանցիները Եվլախի, Ախջաբեդի, Բարդայի և Թարթառի գյուղերից այս պահին տարհանում են բնակչությանը:
Նյութի աղբյուրը ` Newsbook.am
Ադրբեջանի պաշտպանության նախարարությանը պատկանող բեռնատար օդանավը վերջին շաբաթներին երկու անգամ վայրէջք է կատարել Իսրայելում, գրում է իսրայելական Haaretz թերթը: Ըստ պարբերականի՝ թռիչքներն իրականացվել են Լեռնային Ղարաբաղում թեժ մարտերի օրերին: Ըստ հրապարակման՝ Ilyushin 76 բեռնատար օդանավը երկու անգամ՝ ապրիլի 4 և 6-ին, ժամանել է Իսրայել: AZAF8 (Azerbaijani Air Force 8) տարբերանշանով օդանավը ժամանել է Թուրքիայի կողմից՝ թռչելով Կիպրոսի վրայով և մտնելով Իսրայելի օդային տարածք՝ Թել Ավիվի վրայով: Օդանավն ամեն անգամ Իսրայելի տարածքում մնացել է 2-3 ժամ՝ կրկին վերադառնալով Բաքու:
Haaretz-ը նշում է, որ անհայտ է՝ օդանավը բեռնաթափվել է, թե բեռնվել: Իսրայելական պարբերականը հավելում է, որ Իսրայելն ու Ադրբեջանը երկար տարիներ է՝ ռազմավարական դաշնակիցներ են: «Օտարերկրյա հրապարակումների համաձայն՝ Իսյայելը վերջին տարիներին դարձել է Ադրբեջանի զենք-զինամթերքի առանցքային մատակարարը՝ վերջին չորս տարիներին վաճառելով մոտ 5 մլրդ դոլարի զենք: Ադրբեջանը Իսրայելի նավթի հիմնական մատակարարներից է»,- գրում է Haaretz-ը: —
armtimes.com — ԼՂ-ի հակամարտության կարգավորման Մադրիդյան սկզբունքներում ամրագրված դրույթներն այնպես չի, որ երջանկացրել են Հայաստանի իշխանություներին: Այս մասին այսօր ԱԺ-ում լրագրողների հետ զրույցում ասաց ԱԺ փոխնախագահ Հերմինե Նաղդալյանh՝ անդրադառնալով Սերժ Սարգսյանի վերջին հարցազրույցին, որտեղ նա ասել էր, որ Հայաստանը դեմ չի եղել 2011 թվականին զորքերը հանել Արցածի 5 շրջանից:
Նրա խոսքով՝ անհասկանալի է կամ կարող է վեճի առարկա լինի այն հարցը, որ Արցախում երկրոդ անգամ հանրաքվե պետք է իրականացվի:
«Ինչի համար պետք է Ղարաբաղի ժողովուրդը երկրորդ անգամ հանրաքվե անցկացնի, երբ ժամանակին հանրաքվեն անցկացրել է թե՛ այն ժամանակվա սովետական օրենքներին, եւ թե՛ միջազգային օրենքներին համապատասխան, նույնկերպ անցկացվել է այդ հանրաքվեն ինչպես արել են Լատվիան, Լիտվիան, Ադրբեջանը, ինքը՝ Հայաստանը, որով դուրս են եկել մետրոպոլիայի կազմից, իսկ Ղարաբաղի անցկացրած հանրաքվեն պիտի նորից կրկնվի»,- հարց է բարձրացնում ԱԺ փոխնախագահը:
Նա նշեց, որ Հայաստանը Ղարաբաղի հարցում պատրաստ է փոխզիջման գնալ:
«Մեր փոխզիջումը ոչ թե 5 գրավյալ տարածքներն են, այլ այդ համալիրն ամբողջական Մադրիդյան սկզբունքների, որտեղ մենք ներկայացնում ենք որպես մեր խաղաղ, ինքնիշխան պետության համար պայքարող ժողովուրդ, մենք չենք պայքարում ձեր հողերի համար, մենք պայքարում ենք մեր խաղաղ ինքնիշխան պետության համար: Դրա համար մենք ընդունում ենք, որ երբ որ կընդունվի, կլինի հանրաքվեն եւ կընդունվի կարգավիճակի մասին որոշում եւ աշխարհը կընդունի Ղարաբաղի անկախությունը, մենք ձեր հողերը կամ այն հողերը, որոնց վրա մենք այսօր այդ իրավունքը չունենք, մենք այդ հողերը չենք ուզում: Սա մեր բուֆերնի զոնան է եւ սա մեր անվտանգության երաշխիքն է»,- ասաց Հերմինե Նաղդալյանը:
Հարցին՝ Հայաստանը չի մերժել Կազանյան փաստաթուղթը եւ ասվում է, որ Ադրբեջանն է մերժել այն, կարո՞ղ ենք արձանագրել, որ Հայաստանն այսօր էլ դեմ չի Կազանյան փաստաթղթի կյանքի կոչվելուն, նա պատասխանեց.
«Ես կարծում եմ, որ այդ մասին պետք է խոսեն մեր արտգործնախարարը եւ ԱԳՆ-ի ներկայացուցիչները, բայց այն քննարկումները, որոնք եղել են ՌԴ ԱԳՆ Սերգեյ Լավրովի ներկայությամբ եւ այլն, կարծում եմ՝ ուղղակիորեն խոսում են այդ մասին»:
Արցախի դեմ Բաքվի սանձազերծած քառօրյա պատերազմը, իսկ այժմ էլ հայ-ադրբեջանական շփման գծում պահպանվող լարվածությունը ներկայիս Ադրբեջանի տարածքի բնիկ ժողովուրդների մոտ ազգային ինքնագիտակցության որոշակի զարթոնք են առաջացրել:
Այն բանից հետո, երբ թալիշական կազմակերպություններն ու մտավորականները օրերս Ադրբեջանում բնակվող իրենց հայրենակիցներին կոչ էին արել չծառայել Արցախի հետ շփման գծում, նրանց օրինակին հետևում են բնիկ այլ ժողովուրդների՝ լեզգիների, ավարների, ռութուլների կազմակերպություններն ու երևելի գործիչները: Ավարական ջամաաթների միությունը, Լեզգիական ժողովրդի համաշխարհային կոնգրեսը, Լեզգի սպաների համառուսաստանյան միությունը, Լեզգիական երիտասարդության համառուսաստանյան միությունը, ռութուլ գրող-հրապարակախոս Ֆազիլ Դաշլայը և մի շարք այլ գործիչներ տարածել են համատեղ հայտարարություն, որով ներկայիս Ադրբեջանի բնիկ ժողովուրդների ներկայացուցիչներին կոչ են արել չծառայել Արցախի հետ սահմանին: Հայտարարությանը կից ներկայացված են քառօրյա պատերազմում զոհված լեզգի, ավար եւ մյուս ազգային փոքրմասնությունների ներկայացուցիչ հանդիսացող զինծառայողների լուսանկարները:
«Մեր թանկագին եղբայրներ ու որդիներ, արդեն 20 տարուց ավելի է Ադրբեջանի ղեկավարությունը մեր ժողովւրդներին ստիպում է կռվել Արցախ-Ղարաբաղի հայերի դեմ: Դա ամենամեծ անարդարությունն է, որին Ադրբեջանի բնիկ ժողովուրդները իրենց կամքից անկախ մասնակցում են: : Բավական չէ իրենք մեռնում են, նաեւ սպանում են մեր դարավոր հարևաններին՝ հայերին: Եվ այդ ամենը արվում է միայն այն բանի համար, որ ամրապնդվի Բաքվի իշխանությունը մեր հայրենիքում: Ոք ոք չի կարող մեզ բացատրել, թե ինչու լեզգիները, թալիշները, ավարները, ուդիները, ռութուլները, ցախուրները պետք է կռվեն հայկական լեռներում: Բաքուն ասում է, թե մենք պետք է պաշտպանենք հայրենիքը թշնամուց: Բայց միթե Ղարաբաղը մեր հայրենիքն է: Եվ միթե հայերը մեր թշնամիներն են»,-նշվում է հայտարարության մեջ:
Այնուհետև նշվում է, որ բնիկ ժողովուրդների պատմական տարածքներն այսօր վերաբնակեցվում են Լեռնային Ղարաբաղից, Նախիջևանից ու Վրաստանից եկած ադրբեջանցիներով: «Որքան էլ ցավալի լինի ընդունելը, պետք է ընդունենք, որ դրանում կա նաև մեր մեղքը,-արձանագրել են կոչի հեղինակները, ապա շարունակել,- «Մենք իրավունք չունենք սովորել և խոսել մեր մայրենի լեզվով, իրավունք չունենք երգել մեր երգերը, գովաբանել մեզ ազգային հերոսներին: Մեզանից խլում են մեր պատմությունը, Մեզանից խլում են մեր լեզուն, մեր մշակույթը, մեզանից խլում են մեր Հայրենքիը: Եվ դրանում մեր լռությամբ ու անգործությամբ մենք օգնում ենք մեր թշնամուն: Միայն թշնամին կարող է մեզ վտարելմեր տներից ու մեր տարածքները վերաբնակեցնել եկվող ադրեջանցիներով:
Այնուհետև հայտարարության հեղինակները տալիս են իրենց կողմից վերը ներկայացված հարցապնդման պատասխանը. «Թանկագին հայրենակիցներ, մենք ամենայն պատասխանատվությամբ հայտարարում ենք, որ հայ ժողովրդի թշնամիները չենք: Մենք նաև ամենայն պատասխանատվությամբ հայտարում ենք, որ հայ ժողովրդին թշնամի չենք համարում: Հայերի ու մեր նախնիների պատմությունը հյուսվել է մեր սրբազան հողում: Մենք մեր թշնամիներին չպետք է թույլ տանք թշնմություն ու ատելություն սերմանել մեր ու հայերի միջև: Մենք վճռականորեն ձեզ կոչ ենք անում հրաժարվել Լեռնային Ղարաբաղի Հանրապետության հետ սահմանին ծառայելուց: Մենք դեմ չենք ծառայելուն, բայց կտրականապես դեմ ենք, որ նրանք կրակեն հայերի ուղղությամբ: Մեր երիտասարդները պետք է ծառայեն իրենց պատմական հայրենիքի տարածքում. Լեզգիները՝ Լեզգիստանում, թալիշները՝ Թալիշստանում, ավարներն ու ցախուրները՝ Ջարում… Մենք պատրաստ ենք պաշաժտպանել մեր հայրենիքը ցանկացած թշնամուց, սական չենք ցանկանում զավթել Ղարաբաղը նրանց համար, ովքեր ոչնչացնում են մեր պատմական ժառանգությունն ու անցյալը: Դա մեր պատերազմը չէ, և մեր երեխաները՝ մեր ապագան չպետք է տուժեն այդ պատերազմում: Եթե Ադրբեջանին հաջողվի հաղթել Լեռնային ղարաբաղի հայերին, հաջորդ թիրախը լինելու ենք մենք՝ թալիշներս, ավարներս, ուդիներս, ցախուրներս… Ադրբեջանը անպայման կօգտվի հայերի հետ պատերազմի փորձից, որպեսզի մեր իսկ ձեռքով ճնշի մեր ժողովուրդների ազատության հասնելու ձգտումը: Այդժամ մենք կզրկվենք մեր պատմական Հայրենիքում ինքնիշխանություն ունենալու հեռանկարից: Եթե մեր երիտասարդների կեսը կամ գոնե 1/3-ը նման որոշում կայացնեն, Բաքուն անզոր կլինի նրանց դեմ: Բաքվին քաջ հայտնի է, որ բնիկ ժողովուրդները թվով ավելի շատ են, քան ադրբեջանցիները: Նման ուժի հետ ոչինչ անել հնարավոր չէ: Քույրեր և եղբայրներ, ձեր որդիներին մի ուղարկեք ԼՂՀ հետ սահմանին ծառայելու: Փրկենք մեր որդիների կյանքերը»:
Ի պատասխան նման կոչերի՝ ադրբեջանական քարոզչամեքենան վերջին օրերին տարածում է լեզգիների և ազգային փոքրմասնություններին ներկայացնող այլ կազմակերպությունների ու գործիչների հայտարարություններ: Պատվիրված այդ հայտարարություններում նրանք պատրաստակամություն են հայտնում մինչև վերջ կռվել իբր ընդհանուր հայրենիքի՝ Ադրբեջանի համար, իսկ Արցախի դեմ չկռվելու կոչ անողներին անվանում դավաճաններ: Սակայն, իրականությունն այն է, որ քառօրյա պատերազմից հետո բնիկ ժողովուրդների շրջանում լուրջ զայրույթ է առաջ բերել այն փաստը, որ զոհվածների թվում հարաբերականորեն մեծ թիվ են կազմում ազգային փոքրմասնությունների ներկայացուցիչները: Վերջիններս գիտակցում են, որ դրա հետևում դիտավորություն կա:
panorama.am-ը գրում է.
Շվեդիայում բնակվող ադրբեջանցի գրող, հրապարակախոս Վախիդ Գազին «Qafqazinfo.az» կայքում հրապարակված իր բաց նամակում պատմում է, որ վերջերս գովազդային մի ցուցանակի վրա՝ «Պատերազմի քամիներ» անունով երաժշտական ծրագրում եվրոպական դասական կոմպոզիտորների շարքում նշված էր նաև Արամ Խաչատուրյանի անունը:
«Ինձ դա հիշեցրեց մանկությանս տարիները, երբ հեռուստատեսությամբ ցուցադրվող խորհրդային ֆիլմերի և ծրագրերի տիտրերում ադրբեջանցու ազգանուն էի փնտրում, և եթե մեր ազգանուններին նմանվող ազգանում էի հանդիպում, չէի կարողանում տարբերակել ադրբեջանական է, թե այլ մահմեդական ազգի: Բայց ամեն հաղորդման ժամանակ հանդիպում էի հայի ու վրացու ազգանուն: Նվազագույնը` ֆիլմի երաժշտության դիրիժորը հայ էր լինում:
Մի անգամ «Նիկոլո Պագանինի»-ի ֆիլմի գլխավոր դերակատարի` Վլադիմիր Մսրյանի անունը կարդալուց հետո հայրիկիս հարցրեցի. «Հայերն ամենուր են, նրանք շատ ե՞ն»: «Շատ չեն: Նրանք պարզապես զարգացած, ակտիվ և շրջահայաց են: Մեկը մյուսին օգնում, ընդառաջում է: Այդ պատճառով էլ ամեն տեղ երևում են»,- պատասխանեց հայրս»,-հիշում է Գազին:
Հեղինակը նշում է, որ հետագայում այդ ամենը նա տարբեր վայրերում նկատում էր. սկսած Նյու Յորքի կենտրոնական փողոցներից, որտեղ հսկայական ռեստորանի վրա փայլում է «Petrossian» ազգանունը, մինչև Շվեդիայի գյուղական գրադարանները, որտեղ գովազդվում է Օսմանական Թուրքիայում հայերի ցեղասպանության մասին պատմող գիրքը:
«1940-ական թվականներին Խաչատուրյանի՝ «Ստալինգրադի մարտը» խորհրդային ֆիլմի համար գրած սյուիտի ընդգրկվելը փոքրիկ քաղաքի նվագախմբի երգացանկում ինձ զարմանալի չթվաց: Ուզում եմ ասել, որ մենք միայն Ղարաբաղում չէ, որ պարտվել ենք, և այդ պարտության մեղավորները բոլորն են՝ Ռուսաստանը, Իրանը, Ամերիկան, քրիստոնեական աշխարհը, մասոնները, միայն թե ոչ մենք»,-նշում է հեղինակը:
Գազիի խոսքերով, ադրբեջանցիները չէին ճանաչում ոչ միայն հային, ով իրենցից ոչնչով չէր տարբերվում, այլ նաև հային, ով աշխարհի մյուս ծայրում էր գտնվում:
«Չգիտեինք, որ Ղարաբաղում պարտվել ենք ոչ միայն «միացումականներին»: Պարտվել ենք պատերազմում մարշալ Բաղրամյանին, մարշալ Բաբաջանյանին, քաղաքականության մեջ` Միկոյանին, այլախոհների մեջ` Պարույր Հայրիկյանին, իրավապաշտպանության բնագավառում` Ալիխանյան-Բոններին, դասական երաժշտության մեջ` Արամ Խաչատուրյանին, ժամանակակից երաժշտության մեջ` Միշել Լեգրանին, ջութակում` Սամվել Երվինյանին, դուդուկում` Ջիվան Գասպարյանին, ուդում` Ջոն Բերբերյանին, էստրադայում` Շառլ Ազնավուրին, գրականության մեջ` Վիլյամ Սարոյանին, նկարչության մեջ` Այվազովսկուն, կինոյում` Փարաջանովին, դերասանության մեջ` Ջիգարխանյանին, նորաձևության բնագավառում` Կիմ Կարդաշյանին, բիզնես վարելու մեջ` Քըրք Քըրքորյանին, բարեգործության մեջ` Ջերարդ Գաֆեսճյանին, կոնստրուկտորական գործում` Արտյոմ Միկոյանին, աստրոֆիզիկայում` Համբարձումյանին, վարսավիրության մեջ` Մոսեսին, փինաչիության մեջ` Աշոտին, թթու դնելու մեջ` Հայկանուշին»,-գրում է հեղինակը:
Նյութն ամբողջությամբ՝ այստեղ
Պատմական գիտությունների թեկնածու Արշավիր Գասպարյանն, Aravot.am-ի հետ զրույցում անդրադառնալով Հեյդար ու Իլհամ Ալիեւներին, ասաց. «Սարերի տարբերություն կա այս երկուսի միջեւ, հայր Ալիեւը, իմիջիայլոց, մասնագիտությամբ պատմաբան է, ԿաԳեԲե-ի դպրոց է անցել, ЦК-ի դպրոց է անցել երկար տարիներ, նա վերջիվերջո լուրջ դիվանագետ էր: Խորհրդային շրջանում, երբ որ ինքը Ադրբեջանի Կենտկոմի առաջին քարտուղարն էր, ինքն էլ հայաթափման ծրագիր իրականացնում էր, բայց դա կատարում էր խորամանկորեն, ծպտված, իսկ որդի Ալիեւը թյուրիմացություն է, էքսցենտրիկ անձնավորություն է, անկանխատեսելի կերպար է: Եթե հայրը կարողանում էր իրեն ցույց տալ, սա քաղաքականության համատեքստից իրեն լրիվ կտրում է, իրեն ապշերոնյան սուլթանիկ է կարծում, երեւի նավթի հոտից կորցրել է քաղաքական հոտառությունը:
Հոր ժամանակ, երբ ղարաբաղցիները գալիս էին Երեւան սովորելու, ավարտելուց հետո հենց վերադառնում էին Ղարաբաղ, այնպիսի պայմաններ էին ստեղծում, որ կրթված երիտասարդները թողնեին-հեռանային: Ոչ թե դնում, կոտորում էին, այլ անբարենպաստ սոցիալական, տնտեսական պայմաններ էին ստեղծում, որ թողնեին, գնային ու լավագույն դեպքում ղարաբաղցիները կամ գնում էին Սումգայիթ, կամ Բաքու, կամ էլ Ռուսաստան: Փաստն այն է, որ 1921 թվականին Ղարաբաղում հայերը 95 տոկոս էին կազմում, 1988 թվականին արդեն դարձան 75 տոկոս:
Հայաթափումը հայրը շատ դանդաղ ու կազմակերպված ձեւով էր իրականացնում, իսկ որդին մի ծայրահեղություն է. ելնում հայտարարում է՝ հայերը պիտի դուրս գան, թե չէ կսպանենք… Պարզ է, որ ինքն ունի իր հովանավորները, հրահրողները Թուրքիայում, ավագ Ալիեւն էլ ուներ, բայց գոնե գիտեր իր չափը, իսկ սա ծայրահեղությունից ծայրահեղություն է:
Զինադադարը, որ կնքեցին 1994 թվականին, 22 տարի ժամանակ շահեցին, որ զինվեին ու 10 միլիարդի զենք գնեին, որ մեր դեմ օգտագործեին, էլի Ալիեւ ավագի ծրագիրն է: Հայրը ժամանակին կարողացավ զինադադարի հարցերը կարգավորել, ժամանակ շահել, որ զինվեն. չէ՞որ 1994 թվականին բոլորս գիտենք ինչ խուճապային իրավիճակ էր Ադրբեջանում: Զինադադար մեզ՝ հայերիս, բացարձակ պետք չէր, մեր զորքերը առաջ էին գնում, իսկ Ադրբեջանում խուճապային իրավիճակ էր…
Իսկ թյուրիմացություն որդին, որ մեծ-մեծ խոսում էր, թե Ադրբեջանի ռազմական բյուջեն Հայաստանի բյուջեից երեք անգամ շատ է, այնպես արեց, որ իր երկիրը ֆիասկո ապրեց: Քառօրյա պատերազմով այս բռնապետը (սա Ադրբեջանում Ալիեւների կլանի դիրքերն է միայն ամրապնդում, ինչ ընդդիմություն, ինչ ազատ մամուլ, բերանը բացողին բանտ են նետում) ուզեց մեզ ցույց տալ իր ռազմական կարողությունները ու փորձեց ստուգել՝ արդյոք մեզ մոտ կա՞, թե՞ չկա խուճապային տրամադրություն:
Համոզվեց ու հիասթափվեց, որ նման տրամադրություն չկա, պարզ է, որ ֆիասկո ապրեց, հիմա, իմ կարծիքով, Ալիեւը ռազմական ու մարտավարական այլ մոտեցումներ պիտի արձանագրի:
Ներկա իրավիճակում, եթե գնում է ստատուս քվո, Հայաստանը պետք է հետամուտ լինի, որ անգամ այդ ստատուս քվոյի իրավիճակում էլ զինադադարը երաշխիքներով ամրապնդված լինի , որովհետեւ մենք գիտենք ինչ անկանխատեսելի հակառորդի հետ գործ ունենք », -ասաց Արշավիր Գասպարյանը:
Ամբողջական հոդվածը aravot.am
Ք
Իշխանությունները պատրաստ են Ընտրական օրենսգրքի որոշ կետերի վերաբերյալ փոխզիջումների գնալ եւ ընդունել ընդդիմության առաջարկությունները: «Իհարկե փոխզիջումներ արել ենք: Այն տարբերակը, որը բերվել է սա դոգմա չէ եւ միայն իմ հարգարժան ՀԱԿ-ի գործընկերները չեն մտահոգված՝ շատ-շատ քաղաքական ուժեր, քաղաքացիական նախաձեռնություններ մտահոգված են, կքննարկենք՝ կտեսնենք, եւ այդ իմասով քննարկումները պետք է ցույց տան այս օրենսդրական նախաձեռնության պլյուսներն ու մինուսները»,- այս մասին ԱԺ-ում լրագրողների հետ զրույցում ասաց ԱԺ փոխնախագահ Էդուարդ Շարմազանովը:
Անդրադառնալով ԸՕ-ի քննարկումներին ՀԱԿ-ի չմասնակցելու խնդրին եւ այն հարցին՝ քայլեր անելո՞ւ եք, որ ՀԱԿ-ը վերադառնա քննարկումներին, ԱԺ փոխնախագահն ասաց. «Ես կարծում եմ, որ հետ գալ կամ հետ չգալն իրենցից է կախված, որովհետեւ իրենք են որոշում եւ չեմ բացառում, որ այստեղ կա նաեւ քաղաքական հնարքի էլեմենտ, մի գուցե: Ես չեմ ուզում գնահատական տալ իմ հարգարժան գործընկերներին»: Նշենք, որ ՀԱԿ-ն այսօր հայտարարեց ԸՕ-ի հետագա քննարկումներին իր մասնակցությունը կասեցնելու մասին:
ԱԺ փոխնախագահի խոսքով՝ փոխզիջումը լինում է երկկողմանի, իսկ իշխանությունը ընդդիմության բոլոր 5 կետերով առաջարկներ արել է՝ ավելի դրական, քան այսօր կա:
Դիտարկմանը, որ ընդդիմությանը չի բավարարել իշխանության փոխզիջումները, Էդուարդ Շարմազանովը հակադարձեց. «Եթե բաժակը դատարկ է, դու ծարավ ես, ես բաժակը կիսատ լցնում եմ, բայց դու ասում ես՝ չէ, լիքը լցրու ու են կիսատն էլ ես թափում, կարծում եմ մենք զրկվում ենք նաեւ այն կիսատ բաժակ ջրից, որը ճիշտ չի»:
Առավել մանրամասն՝ տեսանյութում:
Կովկասյան թեժ կետ հանդիսացող Լեռնային Ղարաբաղում պատերազմը կարող է վերսկսվել «ցանկացած պահի», և հակամարտությունը բանակցային ճանապարհով կարգավորելու «հեռանկարը մեծ չէ». Bloomberg գործակալությանը տված հարցազրույցում ասել է ՀՀ նախագահ Սերժ Սարգսյանը: Ապրիլի 23-ին նախագահական պալատում տեղի ունեցած հարցազրույցի ժամանակ Սերժ Սարգսյանն ասել է, որ Ռուսաստանի միջնորդությամբ կայացած զինադադարը հնարավոր է՝ բավարար չլինի «էլ ավելի լայնամասշտաբ մարտեր» կանխելու համար:
Սարգսյանի խոսքով՝ Հայաստանի համար«խելամիտ» չէ վերադարձը Ադրբեջանի հետ վիճելի տարածքների շուրջ խաղաղ բանակցություններին՝ առանց անվտանգության երաշխիքների, քանի որ «իրավիճակն այժմ միանգամայն տարբեր է»:
«Մի կողմից մենք ինչ-որ մի տեղ կբանակցենք, մյուս կողմից՝ ռազմական պաշտոնյաները կներգրավվեն պատերազմի մեջ՝ փորձելով կարգավորել հակամարտությունը»,- ասել է Սերժ Սարգսյանը: Ինչպես գործակալությանն ասել է ՀՀ նախագահը, Լավրովն իր հետ «որևէ այլ նոր առաջարկներ չէր բերել», քանի որ «շատ լավ գիտակցում է, որ անիմաստ է խոսել բանակցությունների մասին քառօրյա պատերազմի ավարտից անմիջապես հետո»: «Լեռնային Ղարաբաղի 61-ամյա նախկին հրամանատար Սարգսյանը առաջին անգամ հրապարակային կերպով խոստովանեց, որ հայկական կողմը մարտերի ընթացքում որոշ տարածքներ է կորցրել»,- գրում է գործակալությունը:
ՀՀ նախագահի տեղեկացմամբ՝ ադրբեջանական զինուժը գրավել է տարածքի «շատ փոքր հատվածներ» շփման գծի հյուսիսում և հարավում, որոնք չունեին «ռազմավարական կարևորություն» հայկական զինված ուժերի համար, և վերջիններս չեն փորձել հետ բերել դրանք՝ «նոր զոհերից խուսափելու համար»: Մեկնաբանելով ԼՂ-ում ռուս խաղաղապահների տեղակայման գաղափարը՝ Սարգսյանն ասել է, որ հակամարտության գոտում ռուս խաղաղապահների համար տեղ չկա: Ըստ ՀՀ նախագահի՝ ռուս խաղաղապահների տեղակայման մասին խոսակցությունները կատարելապես «անհիմն չէին նախորդ բանակցություններում»: «Այժմ ես նման հնարավորություն չեմ տեսնում»,- հայտարարել է Սարգսյանը: «Եթե չլինեն բանակցություններ, ինչպե՞ս կարող են ռուսական զինված ուժերը հայտնվել Ղարաբաղում կամ ադրբեջանական ու ղարաբաղյան ուժերի միջև»,- հարցադրում է արել ՀՀ ղեկավարը՝ նկատելով, որ Ռուսաստանը Հայաստանի և Ադրբեջանի միջև«հավասարակշռված քաղաքականություն» է վարում՝ փորձելով կանխել «լայնամասշտաբ ռազմական հակամարտություն»:
Սերժ Սարգսյանն ասել է, որ ԵԱՀԿ-ի ամերիկացի, ֆրանսիացի և ռուս միջնորդները պետք է կյանքի կոչեն վստահության միջոցներ նախքան ցանկացած խաղաղ բանակցությունների մեկնարկը, բացի այդ, գործի դնել հրադադարի ռեժիմի խախտումների հետաքննության մեխանիզմ, որի միջոցով կպարզվի, թե որ կողմն է մեղավոր: Սերժ Սարգսյանը նաև բացահայտել է, որ 2011թ. Կազանում Ալիևի հետ բանակցություններում ինքը կողմ էր Ադրբեջանի հինգ տարածքներից հայկական ուժերի դուրսբերմանն ու խաղաղապահների տեղակայմանը:Ռուսաստանի, ԱՄՆ-ի և Ֆրանսիայի նախագահները կոչ էին անում երկու առաջնորդներին կարգավորել հակամարտությունը՝ ստորագրելով համաձայնագիր, որը նույնպես կհետաձգեր ԼՂ կարգավիճակի վերաբերյալ լուծումը, սակայն «Ալիևը հրաժարվել է»: «Դա մի ժամանակահատված էր, երբ Ադրբեջանը հարստանում էր նավթից եկած եկամուտներով և խոսում իր ռազմական բյուջեի ծավալների մասին»,- անդրադառնալով Կազանի ձախողված բանակցություններին՝ նշել է Սերժ Սարգսյանը: «Այն, ինչ տեղի ունեցավ, կարելի էր ակնկալել»,- եզրափակել է ՀՀ նախագահը:
Ամերիկայի Մացյալ Նահանգները ոչ թե մեկ, այլ մի քանի անգամ փաստացի ճանաչել է Հայոց Ցեղասպանությունը, այլ հարց է, որ ԱՄՆ-ի ներկայիս նախագահ Բարաք Օբաման չի օգտագործում «գենոցիդ» բառը: Այս մասին ապրիլի 25-ին լրագրողների հետ հանդիպման ժամանակ նշեց «Կալիֆորնիա Կուրիեր» թերթի խմբագիր Հարութ Սասունյանը:
Ըստ նրա` Հայոց ցեղասպանություն ճանաչելը նշանակում է, որ տվյալ երկրի կառավարությունն ընդունում է մի բանաձև այն մասին, որ իսկապես հայերի ցեղասպանություն եղել է:
«ԱՄՆ-ի կառավարությունը 1951 թվականին առաջին անգամ հայոց ցեղասպանությանը վերաբերող պաշտոնական փաստաթուղթ է ներկայացրել միջազգային դատարան, որում նշվել է, որ 20-րդ դարում եղել են երկու ցեղասպանություններ` հայերի և հրեաների»,- ասաց Հ. Սասունյանը` հավելելով, որ այդ թվականին հայությունը տեղյակ չի եղել նշյալ որոշման մասին, այլապես հենց 1951 թվականին կփակվեր հայոց ցեղասպանության ճանաչաման հարցն ԱՄՆ-ի կողմից:
Նրա խոսքերով` 1975 թվականին ԱՄՆ-ի կոնգրեսը միաձայն կերպով դարձյալ մի բանաձև է ընդունում, ըստ որի` ճանաչել է հայոց ցեղասպանությունը, երրորդ նման բանաձևն ընդունվում է 1984 թվականին, երբ ԱՄՆ-ի կոնգրեսը հենց «գենոցիդ» բառն է օգտագործում և ճանաչում ցեղասպանությունը, իսկ 1981 թվականի ԱՄՆ-ի նախագահ Ռոնալդ Ռեյգանը նախագահական հռչակագիր է ստորագրում, որում ցեղասպանությունն անվանում է հենց այդ բառով:
Հ. Սասունյանի կարծիքով` ԱՄՆ-ի նախագահ Բարաք Օբամայի կողմից ցեղասպանություն եզրույթի չօգտագործումը չպետք է շփոթության մեջ գցի հայությանը, քանի որ դրանով ԱՄՆ-ի նախագահն ընդամենն ապացուցում է, որ ինքը չի կատարում իր նախապես տված խոստումը և փաստացի դառնում է ստախոս:
«Կներեք, բայց երեխայական մոտեցում է, երբ հայ մտավորականը կամ քաղաքական գործիչը նշում է, թե ԱՄՆ-ն երբեք չի ճանաչի Հայոց ցեղասպանությունը, քանի որ Թուրքիայի դաշնակիցն է. պետք է նշեմ, որ ճանաչում ասելը չի ենթադրում տվյալ երկրի արտաքին քաղաքական ուղղության փոփոխություն»,- ընդգծեց Հ. Սասունյանը:
Վերջինիս պնդմամբ` Հայաստանն 100 տարի անց այլևս չպետք է միջազգային հանրությունից պահանջի ցեղասպանության ճանաչում կամ դատապարտում, այլ շեշտը դնի իրավական հարթությունում հայոց պահանջատիրության վրա. «Հատուցման հետ կապված առաջին քայլը նախորդ տարի կատարեց Արամ Վեհափառը, ով դիմելով Թուրքիայի սահմանադրական դատարան` պահանջելով Սիսի պատմական կաթողիկոսարանի կալվածքները»:
Անդրադառնալով Լեռնային Ղարաբաղի հանրապետության անկախության միջազգային ճանաչմանը` Հ. Սասունյանը նշեց. «Այս հարցում ժամանակին սփյուռքահայությունն իր անտեղյակության պատճառով ոչ մի գործունեություն չէր ծավալում, սակայն արցախյան պատերազմից հետո սփյուռքահայությունը սկսեց ցեղասպանության ճանաչմանը զուգահեռ բարձրաձայնել և միջազգային հանրությանն իրազեկել արցախահայության խնդրի մասին: Սակայն այստեղ մի նրբություն կա, երբ մենք դիմում ենք միջազգային կառույցներին Արցախի անկախության ճանաչմանը վերաբերող խնդրով, մեզ հարցնում են, թե ինչու այդ դեպքում Հայաստանը չի ճանաչում ԼՂՀ անկախությունը»:
«Կալիֆորնիա Կուրիեր» թերթի խմբագրի համոզմամբ` Հայաստանը արցախյան հիմնախնդրի հարցում պետք է ավելի խորը գնա և հայտարարի, որ Արցախը Հայաստանի մի մասն է այնպես, ինչպես ցանկացած այլ հայկական մարզ:
Նրա փոխանցմամբ` սփյուռքահայությունն ունի բավարար ներուժ այս հարցում Հայաստանին օգնելու, մասնավորապես, սփյուռքահայությունը կարող է միաժամանակ զբաղվել թե ցեղասպանության, թե Արցախի անկախության ճանաչման հարցերով:
Ըստ Հ. Սասունյանի` Հայաստանի և Արցախի բարձրագույն ղեկավարությունն իրավունք չունի թույլ և անգործունյա լինել ապրիլի 2-5-ը Արցախում կատարված ողբերգական իրադարձությունների հարցում և պատշաճ կերպով հավաքելով անհրաժեշտ փաստեր` պետք է դիմի միջազգային դատարան, քանի որ թշնամուն անհրաժեշտ է սանձել ոչ միայն ռազմական ուժով, այլև դատարանով:
ԱԺ հերթական քառօրյային ՀԱԿ խմբակցության պատգամավոր Հրանտ Բագրատյանն ասաց, որ կան լուրջ հարցեր, որոնք պետք է քննարկվեն:Խոսելով ապրիլյան պատերազմի խնդիրների ու թերությունների մասին` ասաց. «Մենք անընդհատ բողոքում ենք, որ մեր զենքը հին է, իսկ Ռուսաստանը պաշտպանում է Ադրբեջանին: Դա, իհարկե, դատապարտելի է, բայց եկեք ճիշտը հասկանանք` այդ զենքերից չենք տվել զոհեր: Չկա այդպիսի ստրատեգիական զենք, որից մենք զոհեր ենք տվել: Մենք զոհ ենք տվել, որովհետև մեր զինվորը երեկոյան 8-ից հետո չի տեսնում` չունի գիշերային սարք: Մենք զոհ ենք տվել, որովհետև հասարակ կապի միջոցը չկա, և մենք լուրջ խնդիրներ ունենք պաշտպանության` ղեկավարման ոլորտի հետ: Չե՞ք կարծում, որ պետք է քննարկենք այդ հարցերը, որ պետք է հրավիրենք գլխավոր շտաբի պետին, որ տեսնենք` ի՞նչ է կատարվում բանակում: Երբ որ մարդկանց տակ են դրվում տասնյակներով շքեղ «Ջիպ»-երը, մինչդեռ զինվորները միմյանց հետ կապվում են սովորական հեռախոսներով, որը տեղիք է տալիս լրացուցիչ զոհերի»,- վրդովված հայտարարեց Բագրատյանը:
Նա առաջարկեց հրատապ կարգով հարցը մտցնել օրակարգ և քննարկել: «Հրավիրենք այստեղ պաշտպանության նախարարին, հասկանանք, թե եղած գումարներն ինչ արդյունավետությամբ են օգտագործվում»,- ասաց Հրանտ Բագրատյանը: Անդրադառնալով Բագրատյանի մտահոգություններին` ԱԺ փոխնախագահ Էդուարդ Շարմազանովը նշեց, որ նման նուրբ հարցերն այսպես չեն քննարկվում: Նրա խոսքով` այդ թեմայով փակ քննարկում արդեն կազմակերպվել է, որին ներկա է եղել պաշտպանության նախարարի տեղակալը և պատասխանել է շուրջ 46 առավել խիստ հարցերի:
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.