06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...Դեռևս 2012-ի հոկտեմբերի 16-ին Գյումրիի քաղաքապետարանում կատարված չարաշահումների փաստի առթիվ քրեական գործ է հարուցվել քրեական օրենսգրքի 179 հոդվածի (յուրացում, վատնում) 2-րդ մասի 1-ին, 2-րդ և 3-րդ կետերի հատկանիշներով (պաշտոնեական դիրքի չարաշահում, մի խումբ անձանց ներգրավմամբ չարաշահումներ, խոշոր չափերի յուրացում): Այս մասին երեկ «ՀԺ»-ի թղթակցին հայտնել են ոստիկանության հա-սարակայնության հետ կապերի և լրատվության վարչությունից: «Այդ քրգործի շրջանակներում նախաքննություն է կատարվել և նախաքննության ընթացքում ֆինանսների նախարարությանը հանձնարարվել է ստուգումներ իրականացնել և այդ ստուգումների արդյունքներն ուղարկվել են ոստիկանություն: Նախաքննությունն ընթացքի մեջ է»,- փոխանցել է վարչության աշխատակիցը: Ըստ թերթի աղբյուրների, այս գործի շրջանակներում Վարդան Ղուկասյանը դեռ չի հարցաքննվել: Արդյո՞ք նա քրգործում որևէ կարգավիճակ կստանա, թե կհամալրի այն նախկին պաշտոնյաների շարքը, ովքեր նմանատիպ հոդվածներով քրգործերով, նույնիսկ, որպես վկա չեն անցնում, ցույց կտա ժամանակը:
Հայկական ժամանակ
Հայաստանի Հանրապետության Սահմանադրության 30-րդ հոդվածի համաձայն` Հայաստանի Հանրապետության` 18 տարին լրացած քաղաքացիներն իրավունք ունեն կամքի ազատ արտահայտությամբ մասնակցելու ընտրություններին:
Ընտրողի կամքի ազատ իրականացմանը խոչընդոտելը, այդ թվում` թեկնածուներից որևէ մեկի օգտին կողմ կամ դեմ քվեարկելու, ընտրություններին մասնակցելու կամ ընտրություններին մասնակցելուց հրաժարվելու պայմանով կաշառք տալը կամ ստանալը ՀՀ քրեական օրենսգրքի 1542-րդ հոդվածով սահմանված հանցագործություններ են, որոնց կատարման համար նախատեսված է քրեական պատասխանատվություն` ընդհուպ ազատազրկման ձևով:
Հայաստանի Հանրապետության Նախագահի` 2013թ. փետրվարի 18-ին կայանալիք ընտրությունների ընթացքում կարեւորելով մարդու եւ քաղաքացու իրավունքների ու ազատությունների պաշտպանությունը եւ նպատակ ունենալով նախականխել ընտրական իրավունքի հնարավոր խախտումները` ՀՀ գլխավոր դատախազությունը կոչ է անում այդօրինակ հանցագործությունների մասին անմիջապես իրազեկել ՀՀ իրավապահ մարմիններին:
Միաժամանակ երաշխավորում ենք, որ ընտրակաշառք ստացած այն անձինք, ովքեր նախապես, կամովին այդ մասին կհայտնեն իրավապահներին եւ կաջակցեն հանցագործության բացահայտմանը, ՀՀ քրեական դատավարության օրենսգրքով նախատեսված հիմքերով կազատվեն քրեական պատասխանատվությունից:
ՀՀ գլխավոր դատախազություն
«Հրազդան» քրեակատարողական հիմնարկում դատապարտյալ Համլետ Ռաֆիկի Ղազարյանը որովայնի շրջանում 29 ասեղներ է մտցրել և հրաժարվում է դրանք հանել, քանի դեռ իրեն չեն այցելել լրագրողները, ՀԿ-ների ներկայացուցիչներ և չեն լսել իր բողոքը: Դատապարտյալը ներկայումս գտնվում է «Դատապարտյալների հիվանդանոց» ՔԿՀ-ում, ասեղներից մի մասը հեռացրել են, սակայն մնացածը չի թողնում հանեն, քանի դեռ իր պահանջը չի բավարարվել: Գողության համար 6 տարի առաջ դատապարտված Համլետ Ղազարյանը նման ծայրահեղ քայլի, իր խոսքով, գնացել է «Հրազդան» ՔԿՀ-ի պետի` Տիգրան Նավասարդյանի պատճառով: «Ինձ անընդհատ ծեծում էր, դժոխք էր ստեղծել իմ համար: էն բանի համար, որ ես ու կինս բողոքներ էինք ներկայացրել նախագահին: Ինքը ստիպում էր, որ հետ վերցնեմ նախագահին գրած դիմումներս, արդարադատության նախարարին գրած բողոքները»,-հուզված պատմել է խմբագրություն զանգահարած դատապարտյալը: Նա հիմնարկի պետին ասել է, որ եթե ճնշումները շարունակվեն, կդիմի ինքնասպանության: Հիմնարկի պետն էլ հեգնանքով հակադարձել է, թե ո՞ւր է քեզ այդքան տղամարդկություն: Ինքն էլ գնացել է այդ ծայրահեղ քայլին: «Ուզում էի ինքնասպան լինել, պրծնել»,-պատմել է դատապարտյալը: Ղազարյանի խոսքով, «Հրազդան» ՔԿՀ-ի պետը, բացի դիմումները հետ վերցնելու պահանջից, ստիպել է նաև կեղծ ցուցմունքներ տալ: «Ինքն ինձ ստիպում էր կեղծ ցուցմունք տալ, քանի որ մեր խցում ջահել էր մահացել, ղումար էր խաղացել, կրվել էր, սպանել էին: Պետն էլ ստիպում էր, որ սուտ ցուցմունք տամ»,-ավելացրել է դատապարտյալը:
Հրապարակ
2012 թվականին արձանագրվել է հանցագործությունների բացահայման մակարդակի աճ, այն կազմել է 96,2 տոկոս. այս մասին այսօր, ՀՀ գլխավոր դատախազության կոլեգիայի ընդլայնված նիստում նշել է գլխավոր դատախազի տեղակալ Մնացական Սարգսյանը:
Ըստ Դատախազության տվյալների, անցած տարի արձանագրվել է 15776 հանցագործությունը, ինչը 796-ով պակաս է 2011-ի ցուցանիշից, իսկ մարդու դեմ ուղղված հանցագործությունների թիվն ավելացել է ` 3499-ից հասնելով 4536-ի:
Ավելացել են դիտավորյալ առողջությանը վնաս հասցնելու՝1359-ից հասել է 1640-ի, սեռական անձեռնմխելիության դեմ հանցագործությունների՝ 71-ից հասել է 105-ի, բռնաբարությունների և բռնաբարության փորձերի՝ 15-ից հասել է 19-ի, դեպքերը: Միաժամանակ, կրճատվել է սպանությունների (60-ից իջել է 50-ի), սպանության փորձերի (29-ից իջել է 25-ի) դեպքերը
Երեկ ողջ օրը լուրեր էին շրջում, թե Պարույր Հայրիկյանի մահափորձի գործի քննությունն ընդհուպ մոտեցել է ՀՀ նախագահի թեկնածու, էպոսագետ Վարդան Սեդրակյանին:
Թերթը նշում է, որ օրվա ավարտին այդ մասին հայտարարել է նաև ինքը՝ թեկնածուն, ասելով, որ ընտրություններին հաջորդող օրերին իրեն ձերբակալելու են: Նշենք, որ սոցիալական ցանցերում տեղեկություններ են տարածվել, որ Հայրիկյանի վրա մահափորձ կատարած անձինք աշխատել են Սեդրակյանի մոտ:
Սա, իհարկե, ոչ պակաս սկանդալ է, քան բուն մահափորձը: Հուսանք, որ նման ծանր մեղադրանք առաջ քաշելու համար իրավապահներն անառարկելի ապացույցներ կներկայացնեն:
Հրապարակ
Երևանի Մալաթիա-Սեբաստիա վարչական շրջանների դատարանը փետրվարի 11-ին շարունակել է ԱԺ նախկին պատգամավոր Հակոբ Հակոբյանի (մականունը`Լեդի) եղբոր որդու` Ստեփան Հակոբյանի գործով դատաքննությունը: Հիշեցնենք, որ վերջինս մեղադրվում է ապօրինի ռազմամթերք պահելու և Մալաթիայի նախկին թաղապետ Վահան Զատիկյանի որդու՝ Սեդրակ Զատիկյանի սպանությունը կազմակերպելու մեջ:
Եվ այսպես, Սեդրակ Զատիկյանի սպանության պատվիրատուներից Ստեփան Հակոբյանի գործով վերջին երկու նիստերը շարունակվել են «Նուբարաշեն» քրեակատարողական հիմնարկում: Դատարանն արտագնա նիստում ակնկալում էր հարցաքննել այս գործով արդեն դատապարտված երեք անձանց` սպանությունը կատարող Արսեն Առուշանյանին, նրան օժանդակող Արթուր Հովհաննիսյանին և Լուսինե Ղևոնդյանին(նրանց մասն անջատվել էր պատվիրատուների` Ստեփան Հակոբյանի և Նարեկ Խաչատրյանի գործից և ավելի վաղ ուղարկվել դատարան): Սպանված Սեդրակ Զատիկյանի իրավահաջորդի ներկայացուցիչ, փաստաբան Վաղարշակ Գևորգյանը «Հայկական վարկածի»-ի հետ զրույցում տեղեկացրեց, որ վերոնշյալ անձանցից ցմահ ազատազրկման դատապարտված Արսեն Առուշանյանը և 8 տարվա ազատազրկման դատապարտված Լուսինե Ղևոնդյանը հրաժարվել են կրկին ցուցմունք տալ և պատասխանել կողմերի հարցերին` պնդելով նախկինում տված նախաքննական և դատաքննական ցուցմունքները:
Այսինքն, դա նշանակում է, որ նրանք իրենց ցուցմունքները փոխելու, իրենց վրա սուտ մատնության համար ավելորդ հոդված` պատիժ վերցնելու և Ստեփան Հակոբյանին ինչ-որ կերպ արդարացնելու որևէ մտադրություն չունեն. այլ կերպ ասած` պնդում են, որ իրենք Ստեփան Հակոբյանի «սպանության պատվերը» կատարելու համար են հայտնվել ճաղերի հետևում: Դատարանը հրապարակել է նրանց նախաքննական և դատաքննական ցուցմունքները:
Հիշեցնենք, որ Արսեն Առուշանյանի, տաքսու վարորդ Արթուր Հովհաննիսյանի և նրա ընկերուհու` Լուսինե Ղևոնդյանի վերաբերյալ 2008-ից օրինական ուժի մեջ մտած դատավճռով հաստատվել էր հանցագործության հետևյալ պատկերը: Ըստ նախաքննական մարմնի առաջ քաշած մեղադրանքի`Արսեն Առուշանյանը, 2001-ին գտնվելով կալանավայրում, թղթախաղով տարվել և 3500 դոլարի պարտք էր կուտակել, իսկ երբ արդեն գտնվել էր ազատության մեջ, այս գործով տուժող Սեդրակ Զատիկյանը նրանից պահանջել էր այդ պարտքը մարել իրեն, սակայն Արսենը հայտնել էր, որ պարտքը մարված է: Դրանից մեկ տարի անց Սեդրակն իր ընկերների հետ Երևան-Աշտարակ մայրուղուն հարակից տարածքում ծեծի էր ենթարկել Արսենին, որը մարմնական վնասվածքներ էր ստացել: Վերջինս որոշել էր վրեժխնդիր լինել` սպանել Սեդրակին, բայց դրա համար նպաստավոր պայմաններ չէին եղել: Հետո ինչ-ինչ հանգամանքներում հայտնվել էին Արսենի հոր ընկերոջ որդին` Նարեկ Խաչատրյանը և նրա ընկեր Ստեփան Հակոբյանը:
Ընդ որում` Հակոբյանների և Զատիկյանների միջև հարաբերությունները տարիներ շարունակ տարբեր պատճառներով միշտ լարված էին եղել:
Արդյունքում` 2006-ի սկզբին Արսենը Ստեփան Հակոբյանի դրդմամբ և նրանից հետագայում նյութական խրախուսանք ստանալու ակնկալիքով` նախապատրաստվել էր սպանության. պարզել էր Սեդրակի շարժման երթուղիները, աշխատանքի գնալու ժամանակը, բնակության վայրը և ընտրել սպանության համար հարմար վայր: Այդ ընթացքում նա պատահաբար հանդիպել էր իր վաղեմի ծանոթին` նախկինում դատված Արթուր Հովհաննիսյանին, որն իր մեքենայով տաքսի ծառայություններ էր մատուցել: Նրան հայտնել էր իր մտադրության մասին, վերջինս էլ` իր հետ փաստական ամուսնական կապի մեջ գտնվող Լուսինե Ղևոնդյանին, և նրանց հետ միասին պարզել Սեդրակի հետ կապված մանրամասները: Որպես սպանության հարմար վայր` սկզբում ընտրվել էր ՀԱԹ-ում գտնվող Սեդրակին պատկանող սրճարանը, որին հարակից պուրակում դիրքավորվելով` Արսեն Առուշանյանը` ինքնաձիգով զինված, սպասել էր զոհին, իսկ Արթուրին հրահանգել էր Լուսինեի հետ սպասել հեռվում և մեքենայով մոտենալ միայն իր զանգից հետո: Սեդրակը սրճարան էր մտել 10 հոգու ուղեկցությամբ, և այդ հանգամանքը ստիպել էր Արսենին այդ օրը ետ կանգնել իր մտադրությունից:
Առաջին անհաջողությունից հետո վերջինս անցել էր «Բ» տարբերակին. ճշտելով Սեդրակի` տանից դուրս գալու ժամն ու երթուղին` որոշել էր սպանությունն իրականացնել Սեբաստիա-Տիչինա փողոցների խաչմերուկում, որտեղ Սեբաստիա 27 շենքի բակ մտնող կամարը դիրքավորվելու համար եղել էր հարմար թաքստոց` զոհին սպասելու և ապա փախուստն իրականացնելու համար: Արսենը դիրքավորվել էր նշված հատվածում, Լուսինեն «սադկի էր նստել» Սեդրակենց տան մոտ, որպեսզի հեռախոսով հայտնի վերջինիս` տնից դուրս գալու մասին, իսկ Արթուրը մեքենայով կանգնել էր Լենինգրադյան փողոցի վրա և սպասել Արսենի` մոտենալու հրահանգին: 2006-ի հունիսի 22-ին՝ ժամը 14.40-ի սահմաններում, Լուսինեն հայտնել էր Սեդրակի` տանից դուրս գալու մասին, Արսենն անմիջապես մտել էր իր թաքստոցը, պայուսակից հանել լիցքավորված ինքնաձիգը, հագել աջ ձեռքի ձեռնոցը և համոզվելով, որ ղեկի մոտ Զատիկյանն է, Տիչինա-Սեբաստիա փողոցների խաչմերուկում, դիմահար կրակոց էր արձակել վերջինիս ուղղությամբ, և քանի որ Սեդրակն այդ ընթացքում շարունակել էր արագ վարել մեքենան, Արսենը զուգընթաց վազել էր մեքենայի աջ կողմով և մոտ մեկ պահունակ փամփուշտները դատարկել մեքենայի ուղղությամբ: Կրակոցների հետևանքով սպանվել էր նաև պատահական մի անցորդ` երեք երեխաների մայր Կարինե Սարգսյանը, իսկ Սեդրակ Զատիկյանը, ով հասցրել էր Տիչինայից թեքվել Սեբաստիա փողոց, ծանր մարմնական վնասվածքներից կորցրել էր գիտակցությունը և ավտոմեքենայի կառավարումը, դուրս եկել հանդիպակաց երթևեկելի գոտի և բախվել «ՄԱԶ» մակնիշի ավտոմեքենային: Արդյունքում բեռնատարի վարորդը` Կարեն Պարսամյանը, մարմնական վնասվածքներ էր ստացել:
Արսեն Առուշանյանն այդ ընթացքում հասցրել էր վերադառնալ իր թաքստոց, վերցնել այնտեղ թողած պայուսակը, նրա մեջ խցկել ինքնաձիգն ու ձեռնոցը և դուրս գալով Սեբաստիա փողոց` նստել երթուղային տաքսի և հեռանալ դեպքի վայրից: Այնուհետև զանգահարել էր համախոհներին, կանչել Արգավանդի խճուղի և միասին գնացել էին Ջրվեժ, որտեղ էլ` գերեզմանատանը թաքցրել էին հանցագործության գործիքն ու իրեղեն ապացույցները: Դեպքի օրը` գիշերը, նրանք մեկնել էին Լեռնային Ղարաբաղ` Հաթերք, նպատակ ունենալով թաքնվել Առուշանյանի հայրենի գյուղում: Սակայն հետո վերադարձել էին Հայաստան` Գեղարքունիքի մարզում գտնվող հյուրանոցներից մեկը, որտեղ էլ Արսեն Առուշանյանն արդեն սկսել էր դժգոհել, երբ պարզել էր, որ պատվիրատուները մտադիր չեն 30.000 դոլարից ավելի փող տալ իրեն, չնայած`խոստացած են եղել 100.000 դոլար:
Ուստի, շատ բնական է, որ Ստեփան Հակոբյանը պետք է հույսը կտրի արդեն դատապարտված ու մասամբ «խաբված» այս երեք ամբաստանյալներից:
Ի դեպ, նրանցից Արթուր Հովհաննիսյանի հարցաքննությունը նշանակված է փետրվարի 15-ին:
Էլմիրա Մարտիրոսյան
2013 թ. փետրվարի 12-ին՝ ժամը 11:15-ին, ՀՀ վերաքննիչ քրեական դատարանում նշանակված է դատական նիստ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի որոշման դեմ:
2013 թ. հունվարի 8-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը մերժել է տուժողներ Ռ. Հովհաննիսյանի, Ա. Սարգսյանի և տուժողների իրավահաջորդների ներկայացուցիչ Ա. Սաքունցի դիմումն ընդդեմ ՀՀ ՊՆ ՀԿԳ քննչական բաժնի ՀԿԳ ավագ քննիչ Մ. Բուլղադարյանի 2012 թ. հուլիսի 28-ի քրեական հետապնդում չիրականացնելու և քրեական գործի վարույթը կարճելու մասին որոշումը վերացնելու պահանջի մասին:
Գործի էությունը կայանում է նրանում, որ 2010 թ. հուլիսի 28-ին Լեռնային Ղարաբաղի Մարտունի 2-րդ թիվ 56534 մարտական դիրքերում հրազենային մարտական վնասվածքով հայտնաբերվել են ավագ լեյտենանտ Վարդգես Արարատի Թադևոսյանի և ժամկետային զինծառայողներ Գարեգին Հովսեփյանի, Անդրանիկ Սարգսյանի, Ռոբերտ Հովհաննիսյանի, Կարո Այվազյանի և Արտեմ Մանասյանի դիակները:
ՀՀ ՊՆ քննչական ծառայության 2-րդ կայազորային քննչական բաժնում հարուցվել է քրեական գործ: Հարուցված քրեական գործի վերաբերյալ շուրջ 2 տարի կատարվել է նախաքննություն:
2012 թ. հուլիսի 28-ին ՀՀ ՊՆ ՀԿԳ քննչական բաժնի ՀԿԳ ավագ քննիչ Մ. Բուլղադարյանի կողմից կայացվել է քրեական գործի վարույթը կարճելու մասին որոշում՝ հաշվի առնելով Կարո Այվազյանի և Վարդգես Թադևոսյանի մահացած լինելու հանգամանքը:
Իրավահաջորդների ներկայացուցիչ Արթուր Սաքունցը որոշումը բողոքարկել է դատական կարգով:
Հելսինկյան Քաղաքացիական Ասամբլեայի Վանաձորի գրասենյակ
Քրեական վարույթն իրականացնող մարմինը, նպատակ ունենալով ապահովել քրեական գործով ներգրավված անձանց իրավունքների ու քննության շահերի պաշտպանությունը, Պարույր Հայրիկյանի դեմ կատարված մահափորձի փաստի առթիվ ՀՀ ԱԱԾ քննչական վարչությունում իրականացվող նախաքննության ընթացքի վերաբերյալ հայտնում է հետևյալը.
Ինչպես արդեն տեղեկացվել էր, Պարույր Հայրիկյանի դեմ մահափորձի կատարելու կասկածանքով ձերբակալվել էր երկու անձ, որոնցից մեկի բնակարանում հայտնաբերվել էր «Նագան» տեսակի ատրճանակ: Ատրճանակը հայտաբերվել է կասկածյալ Խաչատուր Պողոսյանի կնոջ հայտնած տեղեկությունների հիման վրա: Առգրավված զենքն ուղարկվել էր դատաձգաբանական փորձաքննության:
Քրեական վարույթն իրականացնող մարմինն արդեն ստացվել է փորձագետի եզրակացությունը, որով պարզ է դարձել, որ դեպքի վայրի զննությամբ և տուժող Պարույր Հայրիկյանի վիրահատությամբ մարմնից հայտնաբերված 2 հատ 7,62 մմ տրամաչափի գնդակներն արձակվել են դատաձգաբանական փորձաքննության ուղարկված «Նագան» տեսակի թմբուկավոր ատրճանակից:
Նախաքննությունը շարունակվում է, դրա ընթացքի վերաբերյալ տեղեկատվությունը պարբերաբար կտրամադրվի հանրությանը:
Ինչ վերաբերում է իրականացվող նախաքննության ոչ լիարժեքության վերաբերյալ շրջանառվող լուրերին, ապա հայտնում ենք, որ քննության առաջին իսկ օրից կիրառվել և կիրառվում են օրենքով նախատեսված մատչելի և անհրաժեշտ բոլոր միջոցները դեպքի յուրաքանչյուր հանգամանք անվերապահ հաստատելու համար: Հավաստիացնում ենք, որ պատշաճ իրավական ընթացակարգի շրջանակներում կստուգվի ցանկացած ողջամիտ կասկած կամ կքննարկվի ամեն մի պահանջ, որը կբխի գործի համակողմանի և օբյեկտիվ քննության շահերից:
ՀՀ ԱԱԾ Մամուլի կենտրոն
Փետրվարի 11-ին, ժամը 10.30-ին Երևանի Կենտրոն և Նորք Մարաշ վարչական շրջանների ընդհանուր իրավասության դատարանում կսկսվի քաղաքական գործիչ, ՀՔՄ նախագահ Հմայակ Հովհաննիսյանի դեմ հարուցված քրեական գործով դատաքննությունը: Նա մեղադրվում է Սենիկ Ջուլհակյանին անզգուշությամբ միջին ծանրության վնասվածք հասցնելու մեջ: Ըստ մեղադրանքի` Հմայակ Հովհաննիսյանը 2012թ. ապրիլի 21-ին, ժամը 10:30-ի սահմաններում Երևանի Մոսկովյան 34ա հասցեում տեղակայված «Հայհիդրոէներգանախագիծ» ինստիտուտի մուտքի դիմաց, վիճաբանության ժամանակ, հանցավոր անփութություն դրսևորելով իր գործողության և դրա վտանգավոր հետեանքների նկատմամբ, հրել է նույն ինստիտուտի տնօրենների խորհրդի նախագահ Սենիկ Ջուլհակյանին, ինչի հետևանքով վերջինս նախ մարմնով և ձախ ձեռքով համահարվածվել է մուտքի դռան եզրային մետաղյա շրջանակին, ապա կորցնելով հավասարակշռությունը գլորվել է բազալտապատ աստիճանահարթակից` ստանալով միջին ծանրության վնաս ձախ սրունքի շրջանների արյունազեղման, ձախ ձեռքի 3-րդ և 5-րդ մատների հիմային ֆալանգների չտեղաշարժված կոտրվածքների ձևով:
Դեռ այն ժամանակ, ըստ մամուլում հայտնված տեղեկությունների, սույն քրեական գործն այսպիսի նախապատմություն ունի: «Հայհիդրոէներգանախագիծ» ՓԲ ընկերությունը 27.03.2012թ. նամակով դիմել էր ՀՔՄ նախագահ Հմայակ Հովհաննիսյանին և պահանջել` ազատել ապօրինի զբաղեցրած` ընկերությանը պատկանող տարածքը: Ըստ ընկերության աշխատակազմի տեղեկատվության` դա զայրացրել էր Հմայակ Հովհաննիսյանին և վերջինս, դրանից օրեր անց, ՙՀրապարակ՚ օրաթերթի միջոցով «զրպարտանքներ» էր տարածել անձնակազմի և տնօրենների խորհրդի նախագահ Սենիկ Ջուլհակյանի հասցեին: Ապրիլի 21-ի առավոտյան, «Հայհիդրոէներգանախագիծ» ՓԲԸ անձնակազմը պատրաստվել էր այդ հոդվածին պատասխանել «Հենարան» մամուլի ակումբում կազմակերպված ասուլիսով: Այդ օրը, Ընկերության շենքի բակում հանդիպելով Հմայակ Հովհաննիսյանին` անձնակազմն առաջարկել էր նրան իրենց հետ մասնակցել լրագրողների հետ հանդիպմանը: Ըստ Ընկերության աշխատակազմի` Հ. Հովհաննիսյանը սկզբում համաձայնել էր, իսկ հետո` հերքել իր խոսքերը և սկսել վիրավորել ընկերության վաստակաշատ կանանց. նրանց անվանել էր ՙԼֆիկ Սամոյի ծախու կանայք՚: և երբ Սենիկ Ջուլհակյանը փորձել էր վիճարկվող տարածքի ներսից բացել դուռը, այդ պահին Հ. Հովհաննիսյանը ուժեղ հրելով հարվածել էր և վայր գցել Ս. Ջուլհակյանին` վերջինիս պատճառելով մարմնական վնասվածքներ:
Այս քրեական գործով դատաքննությունը մեկնարկում է, և եթե հաստատվի առաջադրված մեղադրանքը (քր. օրի 121 հոդված 1-ին մաս), Հմայակ Հովհաննիսյանը կպատժվի 50.000-150.000 դրամի տուգանքով կամ` առավելագույնը երկու ամսվա կալանքով: Փետրվարի 2-ին կայացած դատական նիստում քաղաքական գործչի պաշտպան Կարեն Ղազարյանը բացարկ էր հայտնել նախագահող դատավոր Գագիկ Պողոսյանին, ինչը մերժվել էր: Փետրվարի 11-ի նիստում էլ պաշտպանական կողմը ինքնաբացարկի միջնորդություն կներկայացնի մեղադրող կողմի դեմ:
Ի դեպ, Հմայակ Հովհաննիսյանը իր դեմ հարուցված քրգործը որակել էր որպես իշխանությունների կողմից ձեռնարկված քաղաքական հալածանք` խորհրդարան մտնելու իր ճանապարհը փակելու նպատակով: «Ապրիլի 21-ին ես պատգամավորության թեկնածու էի, և իմ դեմ հարուցվեց երկու քաղաքացիական մեղադրանքներով և մեկ քրեական գործեր, որի պատճառով ստիպված եղա ինքնաբացարկ հայտնել: Սա իշխող ուժի կողմից է արվել, որովհետև սարսափում են իմ խորհրդարանում լինելուց, սա քաղաքական հալածանք է իմ նկատմամբ»,-«Այսօր»-ի հետ զրույցում նշել էր Հմայակ Հովհաննիսյանը:
Նշենք նաև, որ քրեական գործին զուգահեռ, նույն Կենտրոն և Նորք-Մարաշ վարչական շրջանների ընդհանուր իրավասության դատարանում` դատավոր Արայիկ Մելքումյանի նախագահությամբ, սկսվեց նաև նույն կողմերի միջև քաղաքացիական գործով մեկ այլ վարույթ: Սենիկ Ջուլհակյանը Հմայակ Հովհաննիսյանից պահանջում է ներողություն խնդրել և որպես երրորդ կողմ ներգրավված 8 ԶԼՄ-ներով հերքել իր հասցեին հնչեցրած ՙզրպարտությունները՚, ինչպես նաև փոխհատուցել դրանց համար օրենքով նախատեսված տուգանքները:
Էլմիրա Մարտիրոսյան
2012թ. ընթացքում ՀՀ գլխավոր դատախազության ընդհանուր բնույթի հանցագործությունների գործերով վարչության կողմից անմիջական դատախազական ղեկավարում և: Նախապատրաստված նյութերից 14-ով հարուցվել են քրեական գործեր և 32-ով քրեական գործ հարուցելը մերժվել է` բոլորը արդարացման հիմքով, 30-ն ուղարկվել է ըստ ենթակայության: Այս մասին տեղեկանում ենք Գլխավոր դատախազության կայքից:
Քննված քրեական գործերից 3-ը` 4 անձի նկատմամբ, ուղարկվել է դատարան, 10 -ը կարճվել է, 2-ը` կասեցվել, 2 քրեական գործ ուղարկվել է այլ մարմիններ, 5 քրեական գործերի նախաքննությունը մնացել է անավարտ:
Բացի այդ, վարչության կողմից ստուգվել է 155 նյութերով քրեական գործ հարուցելը մերժելու մասին որոշումների օրինականությունը, որոնցից 1-ով վերացվել է որոշումը և հարուցվել քրեական գործ:
Ստուգվել է նաև 852 քրեական գործերով վարույթը կարճելու և 481 քրեական գործերով վարույթը կասեցնելու որոշումների օրինականությունը: Ստուգման արդյունքում վերացվել են 20 որոշումներ, 3 քրեական գործով տրվել են նախաքննության լրիվությունը, ամբողջականությունն ու օբյեկտիվությունը ապահովելու, խախտումները վերացնելու վերաբերյալ ցուցումներ:
2012թ. ընթացքում վարչության կողմից հսկողության են վերցվել արձանագրված 364 դեպքեր, որոնցով նյութերի նախապատրաստման, քրեական գործերի քննության և դատարանում մեղադրանքի պաշտպանության ողջ ընթացքը եղել է վարչության դատախազների վերահսկողության տակ:
2012թ. վարչության դատախազները 5 քրեական գործերով 8 անձի նկատմամբ դատանարում պաշտպանել են մեղադրանքը: 5 քրեական գործրով` մինչդատական վարույթի ընթացքում, 8 քրեական գործերով` վերաքննիչ դատարանում և 5 քրեական գործերով` վճռաբեկ դատարանում մասնակցել են դատական ակտերի դեմ բերված բողոքների քննարկմանը:
2012թ. վարչությունում մուտք է եղել և քննարկվել 1170 դիմում-բողոք, այդ թվում` 58-ը` ՀՀ նախագահի աշխատակազմից, 13-ը` ՀՀ ազգային ժողովից, 7-ը` ՀՀ կառավարությունից, 40-ը` մարդու իրավունքների պաշտպանից, 1-ը` զանգվածային լրատվության միջոցներից և 1051-ը` քաղաքացիներից:
-
-
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.