23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Մենք արդեն գրել ենք, որ Թալինում ընտրություններն անցնելու են բավականին հետաքրքիր իրավիճակում: Օգոստոսի 5-ին կայանալիք ընտրություններում առաջադրվել են 7 թեկնածու: ՀՀԿ-ն այստեղ պաշտպանում է 2000 թվականից ՀՀԿ Թալինի տարածքային կառույցի ղեկավար Ժորա Գրիգորյանի թեկնածությունը: Նախկին քաղաքապետ Մնացական Մնացականյանը պատգամավոր դառնալուց հետո էլ իր աթոռին ցանկանում է տեսնել յուրայինի ՝ ինչպես արդեն նշել էինք, իր աշխատակազմի ղեկավարին:
Ընտրություններին շատ ժամանակ չի մնացել, առաջադրումների հետ կապված խմորումներն արդեն ավարտվել են: Առաջադրվել են թեկնածուներ նաև ՀԱԿ-ից, ԲՀԿ-ից և Դաշնակցությունից: Թե 7 թեկնածուից ո՞վ կգնա ինքնաբացարկի, կպարզվի հուլիսի կեսերին:
Հետաքրքրական է Թուրքիայի զինված ուժերու ընդհանուր հրամանատարության հայտարարությունը, ըստ որուն, Անկարա կհերքե թրքական հետախուզական օդանավին սուրիական ուժերու կողմե կործանված ըլլալը:
Դամասկոսը ամբաստանելե, պատերազմի սպառնալիքներ կատարելե եւ Սիրիայի հետ սահմանին վրա զորքերու կուտակում ապահովելե ետք, այժմ` այս հայտարարությունը, իբրեւ արդյունք քրեագիտական փորձաքննության:
Մինչ այդ, Անկարա եւ Դամասկոս իրարամերժ հայտարարություններ կկատարեին, ոչ թե օդանավի կործանման պատճառ հանդիսացող կողմին մասին, այլ կործանումի տուն տվող պատճառին հիմնավորումներուն շուրջ: Մինչ Անկարա կպնդեր, որ օդանավը կործանված էր միջազգային ջուրերու սահմաններուն մեջ, Դամասկոս կշարունակեր հայտարարել, որ թրքական օդանավը ներխուժած էր իր երկրի օդային տարածք: Սիրիայեն նույնիսկ հնչած էին պատահածին նկատմամբ ցավ հայտնելու խոսքեր:
Հերքումը ուրեմն եթե Դամասկոսեն ըլլար, որոշ տրամաբանություն պարփակած կըլլար: Այժմ ամբաստանող կողմը, պնդողը, որ միջազգային տարածքներու մեջ կործանված է իր օդանավը, կհերքե մինչ այժմ իր կատարած հայտարարությունները եւ պատասխանատվությունը կվերցնե Սիրիայի ուսերեն:
Ի՞նչ կարելի է հետեւցնել: Կամ այն է, որ թրքական օդանավը որոշ խանգարումի հետեւանքով ինքնակործանված է կամ ալ … թրքական հակաօդային հարուածներու զոհ գացած է: Հետաքրքրական է, որ սիրիական արձագանգ ցարդ չկա Անկարայի այս հերքումին դիմաց:
Այս օրերուն հասարակական վիճակագրություններու արդյունքներ կհրապարակվեին Թուրքիայում` բարձրաձայնելու համար, որ հարցախույզներու պատասխաններուն մեծ մասը չի բաժներ Թուրքիայի իշխանություններուն քաղաքականությունը Սիրիայի նկատմամբ: Թուրքիայի պաշտպանության նախարարութենեն եկող այս հերքումը եւս կարելի է հակադրել Էրտողանի վարած քաղաքականության:
Առաջին հայացքով ներթրքական հակասություններով կրնա մեկնաբանվիլ այս հերքումը եւ քարոզչական առումով նաեւ նման հարցախույզներու արդյունքներու հրապարակումը: Չէ բացառված սակայն, որ ներթրքական համաձայնության արդյունք ըլլա ցուցադրվող այս հակասությունը` զինվորական եւ քաղաքական թեւերու միջեւ կատարված դերերու բաշխումով:
Այս վարկածը չբացառելու մոտեցումը ավելի հող կշահի, երբ մտաբերենք պաշտոնական Անկարայի թիվ մեկ դիվանագետին կատարած հայտարարությունը, ուր հոխորտանքներով հատկանշվող պաշտոնատարը հստակորեն կխոստովաներ Սիրիայի նկատմամբ Անկարայի կիրարկած քաղաքականության ձախողությունը` հատկապես վարչակարգը տապալելու ուղղությամբ:
Ռուսական գործոնի տիրականությունը՞, թե՞ քրտական շարժումի հավանականության տեսանելիությունը կմղե Անկարան նման նահանջ արձանագրելու, տակավին կանուխ է հաստատելը: Համենայն դեպս նման հերքումներ, նահանջներ կամ ձախողած ըլլալու խոստովանանքներ հետագային առնվելիք քայլերուն վրա պայման չէ, որ լույս սփռեն: Ընդհակառակն` կրնան միտիլ ապակողմնորոշման, այլ սադրանքներու նախապատրաստության սեմին:
Սիրիական զսպվածությունը կամ լուռ մնալը այս բոլորին դիմաց այս առումով ինքնաբացատրական է: Առայժմ հստակը այն է, որ Արեւմուտքի եւ հատկապես Միացյալ Նահանգներու կողմե օղակի սեղմումին եւ ռուսական-չինական վեթոներու միջեւ թուրքական երեւութական եւ հայտարարողական նահանջ մը կնկատվի: Խաբուսի՞կ նահանջ: Անպայմա՛ն:
Շահան Գանտահարյան
«Ազդակ»ի գլխավոր խմբագիր
ԵԱՀԿ Մինսկի խմբի համանախագահները Ռոբերտ Բրադտկեն (ԱՄՆ), Իգոր Պոպովը(Ռուսաստան), Ժակ Ֆորը(Ֆրանսիա) և դեսպան Անդջեյ Կասպշիկը (ԵԱՀԿ գործող նախագահի անձնական ներկայացուցիչը) ամփոփել են հունիսի 10-13 տարածաշրջան կատարած այցը: Նրանք նշել են, որ Ստեփանակերտում օդանավակայանի բացման առթիվ իրենք կողմերից երաշխիք են ստացել, որ վերջիններս կհրաժարվեն քաղաքացիական ինքնաթիռների նկատմամբ ուժի կիրառման կամ դրա սպառնալիքից և բոլոր հարցերը կլուծեն դիվանագիտական ճանապարհով:
Համանախագահները հաստատել են այն հանգամանքը, որ օդանավակայանի գործունեությունը չի կարող օգտագործվել Լեռնային Ղարաբաղում ստատուս քվոն փոխելու պահանջներին սատարելու նպատակով և կողմերին կոչ են արել գործել միջազգային իրավունքի և իրենց տարածքների վրայով կատարվող թռիչքների առկա պրակտիկայի համաձայն։
ԵԱՀԿ համանախագահները նշում են, որ Ադրբեջանում, Լեռնային Ղարաբաղում և Հայաստանում ունեցած բոլոր հանդիպումների ընթացքում իրենք վերահաստատել են իրենց դիրքորոշումը՝ Ղարաբաղյան հակամարտության խաղաղ լուծման վերաբերյալ:
Համանախագահները նաև նշում են, որ քննարկել են հունիսի 18-ին Փարիզում Ադրբեջանի և Հայաստանի արտգործնախարարների հետ կայացած հանդիպումը և իրենց մտահոգությունն են հայտնել սահմանում վերջերս տեղի ունեցած միջադեպերի կապակցությամբ, ինչպես նաև կոչ են արել կողմերին քաղաքական կամք ցուցաբերել խաղաղության հասնելու համար՝ հարգելով 1994թ-ին հրադադարի մասին կնքած պայմանագիրը:
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Բելգիայի Թագավորության նորանշանակ արտակարգ և լիազոր դեսպան Գի Տրուվըրուան (նստավայրը՝ Մոսկվա):
Նախագահը շնորհավորել է դեսպանին պաշտոնն ստանձնելու կապակցությամբ և մաղթել հաջողություններ: Սերժ Սարգսյանը գոհունակությամբ է նշել, որ հայ-բելգիական հարաբերությունները գտնվում են բարձր մակարդակի վրա, և Հայաստանը շահագրգռված է այդ հարաբերությունները ԵՄ հիմնադիր անդամ Բելգիայի հետ առավել զարգացնելու գործում:
Հանրապետության ղեկավարը շնորհակալություն է հայտնել Բելգիայի իշխանություններին և ժողովրդին՝ անկախացումից ի վեր անցած 20 տարիներին մեր երկրին ցուցաբերած աջակցության, նաև բելգիահայ համայնքի նկատմամբ մշտապես բարյացակամ վերաբերմունքի համար: Սերժ Սարգսյանը երախտագիտությամբ է խոսել անցյալ դարասկզբին ցեղասպանությունից փրկված մեր հայրենակիցներին, ում սերունդներն այսօր կազմում են բելգիահայ համայնքի կորիզը, ապաստան տալու և ապրելու ու արարելու պայմաններ ստեղծելու մասին:
Նախագահն ընդգծել է նաև, որ Հայաստանը և հայ ժողովուրդը բարձր են գնահատում Բելգիայի կողմից Հայոց ցեղասպանության պաշտոնապես ճանաչումը:
Դեսպան Գի Տրուվըրուան երկկողմ կապերի ամրապնդման գործում մեծապես կարևորել է Բելգիայի հայ համայնքի դերը՝ ընդգծելով, որ իր երկրում նաև այդ համայնքի շնորհիվ մեծ հարգանքով և համակրանքով են վերաբերվում հայ ժողովրդին և նրա հարուստ պատմությանն ու մշակույթին:
Հանդիպմանը երկուստեք կարևորվել է միջազգային կազմակերպությունների, ԵՄ Արևելյան գործընկերության ծրագրի շրջանակներում ևս հայ-բելգիական համագործակցության զարգացումը:
Երևանի և ղազախական քաղաքների միջև համագործակցության հարցեր են քննարկվել Երևանի քաղաքապետ Տարոն Մարգարյանի և ՀՀ-ում Ղազախստանի դեսպան Այիմդոզ Բոզժիգիտովի հանդիպման ընթացքում:
Քաղաքապետ Տարոն Մարգարյանը, առանձնակի կարևորելով հայ-ղազախական միջպետական հարաբերությունների շրջանակում համագործակցության և գործընկերության բարձր մակարդակը, նկատել է, որ չնայած երկու երկրների մայրաքաղաքների միջև այդ համատեքստում առկա ջերմ ու բարեկամական հարաբերություններին, այդուամենայնիվ երկուստեք փոխշահավետ համագործակցության տեսանկյունից դեռևս շատ անելիքներ կան:
«Վստահ եմ, որ երկու քաղաքների միջև համագործակցությունը պետք է դրվի առավել գործնական հիմքերի վրա, հատկապես հաշվի առնելով մի շարք ուղղություններով փոխշահավետ համագործակցություն ծավալելու այն ներուժը, որ առկա է թե Երևանում և թե Աստանայում: Մենք բազմիցս հայտարարել ենք, որ բաց ենք և պատրաստակամ փոխշահավետ ծրագրերի քննարկման ու դրանց կյանքի կոչման հարցում: Բարձր գնահատելով հայ-ղազախական հարաբերությունների ամրապնդման հարցում Ձեր անձնական ներդրումը, վստահ եմ, որ այս դեպքում էլ կանեք հնարավորը Հայաստանի և Ղազախստանի մայրաքաղաքների միջև համագործակցությունը ևս պատշաճ մակարդակի բերելու ուղղությամբ», նշել է Տարոն Մարգարյանը:
Դեսպանն իր հերթին, կարևորելով Աստանայի ղազախական քաղաքների և Երևանի միջև առավել գործնական հարաբերությունների հաստատման անհրաժեշտությունը, նշել է, որ իր լիազորությունների շրջանակում ըստ ամենայնի կնպաստի այդ հարաբերությունների հաստատմանն ու զարգացմանը։
Հայաստանի Հանրապետության պաշտպանության նախարար Սեյրան Օհանյանը երեկ ընդունել է ՀՀ-ում Իրանի Իսլամական Հանրապետության նորանշանակ արտակարգ և լիազոր դեսպան Մոհամմադ Ռեիսին:
Ըստ ՊՆ մամուլի հաղորդագրության՝ ՀՀ պաշտպանության նախարարը շնորհավորել է դեսպանին ՀՀ-ում Իրանի դիվանագիտական առաքելության ղեկավարությունն ստանձնելու կապակցությամբ և հաջողություն մաղթել հայ-իրանական հարաբերությունների զարգացման գործում:
Հանդիպման ընթացքում կողմերը քննարկել են հայ-իրանական բազմակողմ համագործակցությանը վերաբերող, ինչպես նաև տարածաշրջանային խնդիրներին ու հակամարտությունների կարգավորմանն առնչվող հարցեր:
Հուլիսի 13-ին արտգործնախարար Էդվարդ Նալբանդյանն ընդունել տարածաշրջանային այցի շրջանակներում Երևան ժամանած ԵԱՀԿ Մինսկի խմբի համանախագահներ Ռոբերտ Բրադկեին, Իգոր Պոպովին, Ժակ Ֆորին և ԵԱՀԿ գործող նախագահի անձնական ներկայացուցիչ Անջեյ Կասպրչիկին:
ՀՀ ԱԳՆ մամլո գրասենյակից հայտնում են` համանախագահները նախարար Նալբանդյանին ներկայացրել են Բաքվում և Ստեփանակերտում կայացած հանդիպումների արդյունքները:
Զրույցի ընթացքում անդրադարձ է արվել առաջիկայում նախատեսվող հանդիպումների ժամանակացույցին:
ՀՀ Ազգային ժողովի փոխնախագահ Էդուարդ Շարմազանովն այսօր ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Թիան Չանչունին:
Ըստ ԱԺ հասարակայնության և տեղեկատվության միջոցների հետ կապերի վարչության հաղորդագրության՝ հանդիպման ժամանակ կողմերն արձանագրել են Հայաստանի և Չինաստանի միջև առևտրատնտեսական, քաղաքական փոխգործակցության, միջխորհրդարանական կապերի ամրապնդման և հումանիտար ոլորտներում վերջին տարիներին գրանցված հաջողություններն ու միջպետական հարաբերությունները տարբեր բնագավառներում էլ ավելի զարգացնելու` երկու երկրների ունեցած մեծ ներուժն ու հնարավորությունները:
Չինաստանի դեսպանի գնահատմամբ` հայ-չինական տնտեսական համագործակցության ամենախոշոր նախագծերից մեկի` քլորոպրենային կաուչուկի արտադրության «Շանսի-Նաիրիտ» համատեղ ձեռնարկության բացումն ու արդյունավետ աշխատանքը լավ օրինակ կարող են դառնալ հետագայում էլ ավելի զարգացնելու համատեղ ձեռնարկատիրությունը, իսկ երկու երկրների մայրաքաղաքների միջև ստեղծված ամուր կապերը միջտարածքային զարգացման հիանալի հեռանկարներ կարող են բացել:
Անդրադառնալով ղարաբաղյան հիմնախնդրի կարգավորման հարցում Հայաստանի իշխանությունների վարած քաղաքականությանը` դեսպանը բարձր է գնահատել խաղաղ բանակցությունների ճանապարհով խնդիրը կարգավորելու Հայաստանի պատրաստակամությունն ու վճռականությունը, ինչը, նրա գնահատմամբ, միակ արդյունավետ և իր երկրի ու միջազգային հանրության համար ընդունելի տարբերակն է:
Էդուարդ Շարմազանովը նույնպես կարևորել է երկու երկրների տնտեսական փոխշահավետ համագործակցության զարգացումը, միջխորհրդարանական կապերի ակտիվացումը հատկապես խորհրդարանական բարեկամական խմբերի արդյունավետ փոխգործակցությամբ և բարձր գնահատեց Չինաստանի իշխանությունների հավասարակշռված քաղաքականությունը Լեռնային Ղարաբաղի հիմնախնդրի կարգավորման հարցում:
Նա երկու բարեկամ երկրների արդյունավետ համագործակցությունն ու տնտեսական զարգացման հեռանկարները պայմանավորել է նաև իշխանությունների որդեգրած հստակ, իրատեսական դիրքորոշմամբ ու դրանք իրագործելու հետևողականությամբ:
Հանդիպմանը քննարկվել են փոխադարձ հետաքրքրություն ներկայացնող այլ հարցեր ևս:
Այսօր ԱԺ-ում լրագրողների հետ հանդիպման ժամանակ նորընտիր պատգամավոր Արտաշես Գեղամյանը Ռուբեն Հայրապետյանի մանդատը վայր դնելը գնահատեց այսպես. «Ռուբեն Հայրապետյանը շատ բարձր տղա է, շատ բարձր մարդկային հատկանիշներ ունեցող մարդ և հիմա, երբ չորս կողմից ինչ-որ հարձակումներ են գործում , հասել են նրան, որ իրա օջախի առաջ պիկետ անեն, Աստված կտա, ամեն ինչ կպարզվի, կպարզվեն այդ ստորները, որոնք Հայաստանում գրանցում չունեն և որոնք այս ամենը հրահրել են:Չնայած, ես հասկանում եմ, երբ քաղաքական մտքի տեսանկյունից որևէ նոր բան ասելու չունեն, հարկադրված են նման ստոր քայլերի դիմել»:
Գեղամյանի հայտարարությունը նորություն չէ, վերջերս հաճախ է հնչում, թե՝ որոշ ուժեր այս ողբերգությունը քաղաքականացնում են. «Ավաղ, ստորաբար փորձում են ենթարկել իրենց քաղաքական նպատակներին, և ողբերգությունը դարձրել են շահարկումների առարկա»:
Սակայն փաստն այն է, որ մինչ օրս որևէ մեկը, այդ թվում և Գեղամյանը, չի կոնկրետացրել, թե ովքեր են այդ «ստորները», որոնք քաղաքականացնում են կամ շահարկում Հարսնաքարի ողբերգությունը: Չնայած դժվար չէ, ոչ Գեղամյանին, ոչ էլ մյուսներին անուներ տալ, (իրենք հաստատ գիտեն) որպեսզի մարդիկ ի վերջո իմանան, թե ովքե՞ր են շահարկողները, ի՞նչ ուժերի կողմից են ուղղորդված և ինչ նպատակ ունեն:
Չէ որ Ավետյանի ողբերգությունն իրավմամբ նաև շատ ազնիվ մարդկանց վրդովմունքն առաջացրեց ու նրանք ևս այսօր պայքարի հրապարակում են: Ասել է թե՝ ազգընտիր Գեղամյանը և մյուսները կարող են օգնել հանրությանը թացը չորից ջոկել:Սակայն մինչ օրս մենք միայն դատարկ ու մշուշոտ հայտարարություններ ենք լսում:
Չնայած Գեղամյանն ասել է, թե՝ իրեն ծանոթ հայտնի դեմքերին տեսնելով Վահե Ավետյանի հուղարկավորության և բողոքի ակցիաների ժամանակ, ակամայից հիշել է մեկ ուրիշ ողբերգության` «Առագաստ» սրճարանում Պողոս Պողոսյանի սպանության մասին, որից հետո, այդ քաղաքական լիդերներից և ոչ մեկը չի գնացել թաղմանը, և ոչ ոք հարցազրույցներ չի տվել:
Բայց միևնույնն է, դա հարցի պարզաբանում չէ, եթե չեն ուզում դատարկ դհոլի տպավորություն թողնել, պետք է ի վերջո իրերը կոչեն իրենց անուններով.հանրությունը կոնկրետացում է սպասում:
Ինչու պետք է ՀԱԿ-ը նախագահական ընտրություններում պաշտպանի ԲՀԿ թեկնածուին, և ով կարող է լինել այդ թեկնածուն: Ինչպես արդեն գրել էր թերթը, վերջին հանրահավաքում Լևոն Տեր-Պետրոսյանը հստակորեն հայտարարեց, որ Ռոբերտ Քոչարյանն իրենց համար չի կարող նախագահի ընդունելի թեկնածու լինել, քանի որ նրա շուրջ համախմբում կայացնելն անհնարին գործ է: Ամենահարմար և բոլորի համար ընդունելի թեկնածուն կարող է լինել Վարդան Օսկանյանը: Համոզել ՀԱԿ ակտիվին, որ պետք է պաշտպանել Վարդան Օսկանյանին, դժվար չի լինի, մանավանդ որ կան այլ ավելի ծանրակշիռ փաստարկներ ևս:
Թերթին հասած տեղեկությունների համաձայն, ըստ ՀԱԿ-ԲՀԿ պայմանավորվածության, Վարդան Օսկանյանի նախագահ ընտրվելու դեպքում վարչապետ է նշանակվելու Ռոբերտ Քոչարյանը, ով, հասկանալի է` ամբողջովին իր ձեռքում կկենտրոնացնի իշխանությունը: Բայց այդ իշխանությունից որոշակի մասնաբաժին կտրվի ՀԱԿ-ին: Մասնավորապես փոխվարչապետի պաշտոնը խոստացվել է ՀԱԿ համակարգող Լևոն Զուրաբյանին, իսկ ՀՀ գլխավոր դատախազինը` Գագիկ Ջհանգիրյանին: ՀԱԿ-ին կառավարությունում կտրվեն ևս մի քանի նախարարական պաշտոններ: Այս հեռանկարը բավական ոգևորիչ է ՀԱԿ ակտիվի ներկայացուցիչների համար, քանի որ նրանք մի կողմից չեն ցանկանում ընդդիմություն լինել, մյուս կողմից էլ այլևս չեն հավատում, որ ՀԱԿ-ը կարող է հաղթել որևէ ընտրությունում:
Հրապարակ
Այս պայմանավորվածության կողմ կարող է դառնալ նաև ՀՅԴ-ն: Դաշնակցությունը մի տեսակ խանդով է վերաբերվում այն բանին, որ կարող է Տեր-Պետրոսյան-Քոչարյան դաշինք կայանալ, և այդ դաշինքում իրենք ունեն ոչ թե առանցքային, այլ, ավելի շուտ` օժանդակ նշանակություն: Բայց ի վերջո նրանք համոզվելու են, որ այլընտրանք գոյություն չունի, և պետք է հարմարվել իրերի գործող վիճակի հետ: Միակ խորհրդարանական ընդդիմությունը, որը չի միանա այս դաշինքին, «Ժառանգությունն» է, քանի որ այս ուժի ներկայացուցիչները, գոնե առայժմ, չեն միացել ԲՀԿ-ՀԱԿ դաշինքին, միևնույն ժամանակ ընդդիմադիր լինելով գործող իշխանությանը: Չնայած սա իրադարձությունների զարգացման միակ սցենարը չէ: ԲՀԿ վերնախավում հնարավոր են համարում, որ հասարակությունը չընդունի Օսկանյան այլընտրանքին, և նրա շուրջ «համազգային» համախմբում չկայանա: Այդ դեպքում ԲՀԿ-ն կգերադասի պաշտպանել Սերժ Սարգսյանին` պայմանով, որ նախագահական ընտրություններից հետո վարչապետ նշանակվի ԲՀԿ-ի համար նախընտրելի որևէ գործիչ: Այդ դեպքում ՀԱԿ-ը կհայտնվի լուսանցքում, և կհայտարարվի, որ խառնակիչները հաջողության հասան ու ԲՀԿ-ին մղեցին Սերժ Սարգսյանի գիրկը:
Հրապարակ
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.