23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Սպորտի ասպարեզում Գագիկ Ծառուկյանի մենաշնորհին վերջ է դրվում: Երևանի ավագանու խորհրդի այսօրվա նիստում համաձայնություն տրվեց Երևանի քաղաքապետի 2010թ. մայիսի 5-ի հ. 1784-Ա եւ հունիսի 3-ի հ. 2149-Ա որոշումներին` “Երևանի սպորտ կոմիտե” համայնքային ոչ առևտրային կազմակերպության կանոնադրությունը, կառուցվածքը, աշխատակիցների թվաքանակը, հաստիքացուցակը, պաշտոնային դրույքաչափերը հաստատելու մասին:
Ստեղծվելիք “Երեւանի սպորտի կոմիտեն” իր ղեկավարության տակ է վերցնելու Երեւանի 25 մարզադպրոցները. դրանք այսուհետ ենթարկվելու են ոչ թե Օլիմպիական կոմիտեի, այլ Երեւանի կոմիտեի նորանշանակ ղեկավարին: Մեր ունեցած տեղեկություններով, այն ղեկավարելու է Երեւանի քաղաքապետի խորհրդական, մինչ այդ քաղաքապետարանի Սպորտի եւ երիտասարդության նորաստեղծ եւ այդպես էլ անհասկանալի պառճառներով չգործող բաժնի ղեկավար Գոռ Վարդանյանը:
Այլ կերպ ասած, սպորտը, որ մինչ այժմ համարվում էր ԲՀԿ-ի եւ նրա ղեկավարի մենաշնորհը, քանի որ հենց նա էր ի պաշտոնե եւ իր նախասիրություններից ելնելով այստեղ ներդրումներ կատարում, հովանավորում առանձին մարզաձեւեր, պարգեւներ հանձնում, միաժամանակ տնօրինում այս ասպարեզում պտտվող գումարները, այլեւս վերցվում է ու տնօրինման է հանձնվում հանրապետականներին, դրանով իսկ, մեկ անգամ եւս հավաստելով, որ Հայաստանում արդեն հիմնովին հաստատվել են հանրապետական կարգեր:
Հատկապես, եթե հաշվի ենք առնում այն հանգամանքը, որ Երեւանը ոչ թե սոսկ Հայաստանի մայրաքաղաքն է, այլ տարածքային անհամաչափ զարգացման պատճառով հենց Երեւանին է բաժին ընկնում հանրապետության բոլոր բնագավառների բոլոր օբյեկտների գերիշխող մասը, ապա կարելի է ավելի պարզ պատկերացնել, թե ինչ ասել է Երեւանի մարզադպրոցների հանձնումը այլ կառավարման: Սա նշանակում է, որ հանրապետության մարզադպրոցների հիմնական մասն արդեն տնօրինելու են հանրապետականները: Ավագանու նիստում Գագիկ Բեգլարյանն, ի պատասխան ԲՀԿ -ական ավագանու հարցադրման, թե նոր կոմիտեի ստեղծումով կկրճատվե՞ն աշխատատեղերը, պարզաբանեց, թե դա չի լինելու սոսկ կրճատում, այլ ավելի շուտ տեղի է ունենալու հաստիքացուցակի ավելի արդյունավետ կազմակերպում, որովհետեւ քաղաքապետարանը պարզել է, որ նույն մարզիչներն ու բժիշկները գրանցված են մի քանի մարզադպրոցներում եւ բոլոր տեղերից աշխատավարձ են ստանում:
Մեր ունեցած տեղեկություններով, հենց այս հարցն էր ընկած Գագիկ Բեգլարյանի եւ ավագանու ԲՀԿ խմբակցության արդեն նախկին ղեկավար Արման Վարդանյանի տարաձայնությունների առանցքում: Վարդանյանը մինչեւ վերջ փորձել է պաշտպանել իր ղեկավարի “մենաշնորհի իրավունքը”, ինչը սակայն, ինչպես տեսնում ենք, չի հաջողվել:
Հայաստանի ավանդական կուսակցություններից մեկը վերջնականապես գնում է կործանման ճանապարհով: Այն օրից, երբ ատենապետ Լյուդմիլա Սարգսյանը մնաց առանց կուսակցության, այստեղ կրքերը չեն դադարում եռալ: Վահան Շիրխանյանը կարողացավ հասնել նպատակակետին` չեզոքացնել Լյուդմիլա Սարգսյան-Գուրգեն Եղիազարյան զույգին` իր շուրջը համախմբելով երիտասարդ հնչակյաններին, նրանցից ատենապետ ընտրեց Գևորգ Պերկուպեկյանին եւ, փաստորեն, Սոցիալ-դեմոկրատ հնչակյան կուսակցության կենտրոնական վարչության ատենապետ Սեդրակ Աճեմյանի բարեհաճությունն ու Հայաստանի իշխանությունների հետ առանձնապես չգժտվելու նրա ցանկությունն օգտագործելով` կուսակցությունը վերցրեց իր ձեռքը: Միակ բանը, որ պահպանեց Լյուդմիլա Սարգսյանը, կուսակցության կնիքն էր, որի շուրջ էլ սկսվեցին դատական գործընթացներ: Հնչակյան նոր ղեկավարությունը պահանջում էր նախկին ատենապետից հանձնել կնիքը, ով ի պատասխան` դատարանից պահանջում էր իրեն վերադարձնել իշխանությունը: Ու թեեւ Հայ ազգային կոնգրեսը դեռ ճանաչում է Լյուդմիլա Սարգսյանին` իբրեւ Հնչակյան կուսակցության ղեկավար, ներկուսակցական խառնաշփոթ իրավիճակը դեռ շարունակվում է և իրականում Սարգսյանին այս կուսակցության հետ կապող ոչ մի բան էլ չկա:
Ցանկացած կուսակցության համար այն էլ` առանձնապես մեծ թվով անդամներ ու վարկանիշ չունեցող քաղաքական ուժի` նման երկփեղկված վիճակում լինելը անցանկալի է։ Բոլորն էլ հասկանում են, որ այս իրավիճակը չի կարող երկար շարունակվել: Սակայն, ինչպես երևում է, հնչակյանները չեն էլ գիտակցում, որ միմյանց բզկտելու քաղաքականությունը ոչ այլ ինչ է, եթե ոչ կուսակցության` դեպի կործանում մղվելու արագընթաց ճանապարհ: Ինչպես երևում է, բզկտելու մոլուցքը ժամանակի հետ ոչ թե թուլանում է, այլ մի նոր թափ է հավաքում: Այսօր Լյուդմիլա Սարգսյանի դեմ մի ջախջախիչ նամակ է տարածել ՍԴՀԿ «Սարգիս Տխրունի» ուսանողական երիտասարդական միության ատենապետ Գագիկ Մելիքյանը. «Տիկին Լյուդմիլա»
Այսօրվա մամուլում կարդացի, որ իբր թե դուք, չունենալով միջոցներ, ստիպված եք եղել գրասենյակում նշել Հնչակյան 20 կախաղանների նահատակության տարելիցը, իսկ մենք, որ ձեր վառ երևակայության արդյունքում «տիրապետում ենք անսահմանափակ միջոցների» կարողանում ենք հրապարակային միջոցառումներ անցկացնել: Անկեղծ ասած, անգամ չէի էլ անդրադառնա ձեր հերթական հերյուրանքին, մանավանդ, որ ձեզ սպասարկելու հրահանգ ունեցող լրատվամիջոցներն առիթը բաց չեն թողնում «լուրջ դեմքով» խոսել համարյա ռահվիրայացած Լ. Սարգսյանի մասին: Բայց քանի որ խոսել եք Հերոսների մասին, որոնց անուններն անգամ կամ սխրանքների մի տոկոսը, վստահ եմ, չգիտեք, այլևս որոշեցի ձեզ ու ձեր «աջակիցներին» պատասխանել ձեր իսկ ոճով: Ուրեմն, Ծիծեռնակաբերդում ծաղիկ դնելու համար մեծ հնարավորություններ պետք չեն, իսկ դուք մի մոռացեք, որ ձեզ քաղաքական գործիչ եք համարում եւ տանտիկնոջ պես լրագրողների առաջ մի անկեղծացեք, որ սուրճի եւ ծխախոտի փող չունեք: Ունենայիք անգամ միլիոններ (իսկ ես այն ձեզ անկեղծ ցանկանում եմ, գուցե այդ դեպքում կդադարեիք երևակայել ձեզ քաղաքական գործիչ օգուտ տալով դրա կայացմանը), միևնույն է, երբեք էլ չէիք հիշի Քսանների մասին, այնպես, ինչպես ձեր տխրահռչակ ղեկավարման տարիներին գեթ մեկ անգամ չայցելեցիք Եռաբլուր, որտեղ ի թիվս հայ ազգի այլ հերոսների հետ, ննջում են նաեւ այն հնչակյանները, ովքեր իրենց կյանքը նվիրեցին Արցախի ազատագրման սուրբ գործին: Ձեր այս show-ները, «Ազատության» հրապարակում ցուցադրած փայլուն թատրոնները բոլորն էլ լավ գիտեն եւ հասկանում են: Առաջին անգամը չէ, որ մեզ` երիտասարդներիս, ասում էիք, որ երազում եք բանտ ընկնել այնտեղից, հերոսացած դուրս գալու ցանկությամբ: Վստահ ենք, որ իշխանություններն այնքան գիտակցություն կունենան, որ ձեզ եւ ձեր նմաններին նման հաճույք չեն պարգևի:Մենք ձեզ լավ ենք ճանաչում, գիտենք նաեւ ձեր բնավորությունը, որի անտանելիության պատճառով հարյուրավոր հրաշալի ընկերներ ենք կորցրել: Ձեր շուրջը նայեք, մարդ չի մնացել Ձեր կողքին, ոչ մի ընկեր, ով ունի կուսակցական հավատամք, իսկ դուք դեռ Քսաններից եք խոսում:Միայն մի խնդիր ունեք. Ձեր քաղաքական տերերի ողորմածությամբ մտնել խորհրդարան. Այս ողջ թատրոնի իմաստն էլ հենց դա է, եւ բոլորն էլ դա շատ լավ գիտակցում են: Դիմում եմ ձեզ հիշեցնելու, որ մերժված մարդ եք ողջ կուսակցության համար, ինչպես Հայաստանում, այնպես էլ Սփյուռքում:
Վստահ եմ, որ րոպե առաջ կզանգահարեք մի լրագրողի եւ ,կպաղատեք ձեր պատասխանն էլ գրել, որպեսզի եւս մեկ անգամ ձեր «մեծապատիվ» քաղաքական գործունեության մասին հիշեցնեք:
«Իսկ մենք եղել ենք, կանք եւ կլինենք հնչակյաններ»:
Մեկ այլ կուսակցության դեպքում նման խժդժությունները ինչ-որ տեղ կարող էին ներելի լինել, բայց այն հանգամանքը, որ Հնչակյան կուսակցությունը բավական մեծ տարածվածություն եւ հեղինակություն ունի Սփյուռքում, իսկ Հայաստանի ՍԴՀԿ-ն գոյաեւևում է հենց սփյուռքյան կառույցների ֆինանսավորման հաշվին, առավել քան խայտառակում է ավանդական կուսակցության պատկերը: Եթե Սեդրակ Աճեմյանը շուտափույթ քայլեր չձեռնարկի` իր ղեկավարության ներքո գործող կուսակցության մասնաճյուղում իրավիճակը շտկելու համար, երեւի թե միակ փրկարար միջոցը կլինի հայաստանյան ՍԴՀԿ-ի փակումը, ինչը մեծ թվով սփյուռքահայ հնչակների հնարավորություն կտա ազատ շունչ քաշել:
20 միավոր են ստացել 2 շրջանավարտ
Եթե դիմորդների շրջանում հարցում անցկացվի եւ փորձ արվի պարզել, թե գիտե՞ն նրանք արդյոք լոկշ, զաչումարիտ, հաբռգել, գյաբռլամիշ բառերի իմաստը, կարելի է չկասկածել, որ կգտնվեն միայն հազվագյուտ չիմացողներ: Բայց եթե նույն հարցման շրջանակում խնդրվի պարզաբանել, թե ինչ ասել է գուլ, պարտասուն, լառ, մի մասը գուցե իմանա, քանի որ այս տարվա հայոց լեզու եւ գրականություն առարկայի թեստեր կազմողների մտքով անցել է, որ դիմորդները պետք է անպայման իմանան այդ բառերը, այլապես նրանք չեն կարող բարձրագույն կրթություն ստանալ: Թեստերի հեղինակներ Փառանձեմ Մեյթիխանյանն ու Աշխեն Ջրբաշյանը գտել են նաեւ, որ դիմորդները պետք է անպայման անգիր իմանան նաև Րաֆֆու «Սամվելը», «Անլռելի զանգակատան» բոլոր ղողանջները։ Բայց երբ երեկ գնահատման եւ թեստավորման կենտրոնում կազմակերպված քննարկմանը թեստերի անհեթեթությունից բողոքող մասնագետներից մեկը ընթերցեց նույն «Անլռելի զանգակատնից» մի հատված, տիկիններից ոչ մեկը գլխի չընկավ, թե դա որ ղողանջից է: Հիշյալ տիկնանց մտքի «թռիչքը» պատճառ դարձավ, որ քննությունը չհանձնելու սթրեսից դիմորդը ինքնասպանություն գործի:
Մասնագետներն ասում են. «Թեստերը բարդ չեն, թեստերը խրթին են, անորակ, բուրում են անգրագիտությամբ, առաջադրանքները` սխալ ձեւակերպումներով են, չեն համապատասխանում դասագրքերին, դուրս են ծրագրից, պատասխանները միակը չեն, մանկավարժորեն, հոգեբանորեն ճիշտ չեն ձեւակերպված, կարծես կազմողները թշնամական հուժկու հարձակման նպատակ հետապնդած լինեն»:
Երեկ թեստերի բարդությունը հրապարակավ խոստովանեց նաեւ Կրթության եւ գիտության նախարար Արմեն Աշոտյանը` դիմորդներին ու ծնողներին հավաստիացնելով, որ բողոքները հաշվի կառնվեն եւ գնահատականները կբարձրացվեն: Այսօր Գնահատման եւ թեստավորման կենտրոնի խորհրդի նախագահ, ԿԳ փոխնախարար Մանուկ Մկրտչյանը շտապել է խմբագրել նախարարի հայտարարությունը ասելով, թե շատ բանի հույս չունենաք, բարձրացնել ասելով չի նշանակում 3 — 4 բալ կբարձրացնենք, խոսքը կարող է գնալ ընդամենը 0,5-1 բալի մասին, քանի որ ընդամենը 3 — 4 առաջադրանք է սխալ եղել: Մասնագետները փոխնախարարի բերած թիվը առնվազն 10-ով են բազմապատկում եւ հավաստիացնում, որ ավելի քան երեք տասնյակ առաջադրանքներ են սխալ եղել:
Մանուկ Մկրտչյանն ասում է. «Պետք չէ թեստեր գրողներին համարել Հայաստանի եւ հայ ազգի թշնամիներ: Նրանք ունեն իրենց պատասխանատվությունը, Գնահատման եւ թեստավորման կենտրոնը` իրենը: Եթե թեստերը բարդ են, դա թեստ կազմողների դիտավորությունը չէ, դա իրենց կողմից հանձնարարությունների կատարում է: Այն, որ թեստերն այդ որակի են, միջին գնահատականներն` այս սահմաններում, դա` հանձնարարություն է, պետական քաղաքականություն»: Պետական նման քաղաքականության արդյունքում Հայոց լեզու եւ գրականություն առարկայից հունիսի 4-ի քննությանը մասնակցած 10574-ից 10,89 տոկոսը ստացել է անբավարար, 68,27 տոկոսը` 8-13 միավոր: 13,5-17 միավոր է ստացել դիմորդների 17,48 տոկոսը, իսկ 17,5-20 միավոր` ընդամենը 3,38 տոկոսը: Առավելագույն` 20 միավոր ստացել է դիմորդների 0,01 տոկոսը` 2 շրջանավարտ:
Ինչ է ցույց տալիս մայրենիի քննության այս պատկերը: Ցույց է տալիս մի բան` կա´մ Հայաստանի կրթական համակարգը վերջնականապես կործանվել է, քանի որ այս երկրում սեփական լեզուն գերազանց գիտեն ընդամենը երկու հոգի, այն էլ` ամենայն հավանականությամբ` ոչ դպրոցական գիտելիքների հաշվին, քանի որ որոշ ժամանակից սկսած միայն դպրոցի գիտելիքներով Հայաստանում բուհ ընդունվելը դարձել է անհնար և դիմորդները անպայմանորեն պարապում են կրկնուսույցների մոտ, կա´մ այս տարի Կրթության և գիտության նախարարության թույլտվությամբ այնպիսի սխալ է կատարվել, որի հետևանքով բազմաթիվ դիմորդները հոգեկան ծանր ապրումների մեջ են, նրանց հետ սթրեսային վիճակում են նրանց ծնողները, իսկ դիմորդներից մեկի համար այդ ամենն ավարտվեց եղերական վախճանով: Հարց է ծագում` արդյո՞ք հենց սա էր մշակված պետական քաղաքականության հետապնդած խնդիրը, սրա՞ն էին ձգտում հասնել վերևներում, եթե ոչ` ապա ո՞վ է մեղավոր երկու տիկնանց կազմած թեստերը շրջանառության մեջ մտցնելու և նման հետևանքներ ունենալու համար:
Արարատի մարզպետ Վարդգես Հովակիմյանը աշխատանքից ազատվելու դիմում է ներկայացրել: Անցած հինգշաբթի կառավարության նիստին քննարկվում էր Վայոց Ձորում նոր մարզպետի նշանակման հարցը, վաղվա նիստում ևս գործադիրում հերթական մարզպետի նշանակման հարցն է որոշվելու: Արարատի մարզպետ է նշանակվելու Արտակարգ իրավիճակների նախարարության փոխնախարար, Փրկարար ծառայության պետ Էդիկ Բարսեղյանը:
Բարսեղյանը Արտակարգ իրավիճակների նախարարության թիվ մեկ ֆիգուրն է: Մհեր Շահգելդյանի ազատումն անգամ վերագրվում էր հենց նրան, որ նա այդպես էլ չկարողացավ նախարարությունում վերահսկողություն իրականացնել և, որ հսկայական գումարների շրջանառությունը կարգավորում էր միմիայն Բարսեղյանը:
Արմեն Երիցյանի գործուղումն այս նախարարություն բացատրվում էր հենց նրանով, որ նախագահ Սերժ Սարգսյանը ցանկանում է այս նախարարությունում, ի վերջո, կարգ ու կանոն հաստատել: Եվ հիմնականը, որ պետք է կարողանար անել` Երիցյանը, դա Էդիկ Բարսեղյանի ազդեցության նվազեցումն էր: Հիմա, փաստորեն, Բարսեղյանն ընդհանրապես լքում է նախարարությունը և Արմեն Երիցյանը ստանում է ազատ գործունեության լայն դաշտ: Ոչ շիշը վառվեց, ոչ` խորովածը։ Խնդրի նման լուծման մեջ չի բացառվում Երիցյանի ազդեցության գործոնը։
Մյուս կողմից, Բարսեղյանի տեղափոխումը Արարատի մարզպետի պաշտոնին, այդքան էլ պատահական չի կարելի համարել: Ճիշտ է, նա ժամանակին` 2000-2004թթ., զբաղեցրել է Սյունիքի մարզպետի պաշտոնը, ծնունդով էլ ղափանցի է, սակայն Բարսեղյանը բավական լավ հարաբերություններ ունի Արարատի մարզում ազդեցիկ գործիչներից թե´ Հովիկ Աբրահամյանի, թե´ Ալիկ Սարգսյանի հետ: Վերջիններս մարզը ղեկավարել են. Հովիկ Աբրահամյանը` 1998-2000թթ- ին, Ալիկ Սարգսյանը` 2000-2008թթ –ին, պաշտոնավարումից հետո էլ շարունակելով` մարզի կարևորագույն լծակները պահել իրենց ձեռքում:
Էդիկ Բարսեղյանի տեղափոխումն էլ Արարատի մարզ պետք է վերագրել հենց Աբրահամյանի և Սարգսյանի միջնորդությանը: Ճիշտ է, մամուլում անընդհատ խոսվում է Հովիկ Աբրահամյան -Ալիկ Սարգսյանի հակամարտության մասին, սակայն դա, կարծես թե, այդքան էլ չի խանգարել Բարսեղյանին նպատակին հասնելու: Էդիկ Բարսեղյանը հատկապես մտերիմ է Ալիկ Սարգսյանի հետ, նրանք գործընկերներ են եղել թե´ ոստիկանական համակարգում, (Ալիկ Սարգսյանը քննչական ղեկավար տարբեր պաշտոններ էր զբաղեցնում, իսկ Էդիկ Բարսեղյանը նույն համակարգում ղեկավար պաշտոններ էր փոխում պետավտոտեսչության ոլորտում), թե´ գործադիրի կառույցում, երբ երկուսն էլ մարզպետի պաշտոն ունեին: Նրանց հաճախակի կարելի է տեսնել միասին, բացի դրանից չի բացառվում նաև Բարսեղյանի որոշակի դերը Ալիկ Սերգեյիչի փեսայի` Արտակարգ իրավիճակների նախարարի խորհրդականի պաշտոնում հայտնվելու հարցում :
Այնպես որ, ինչպես ժողովուրդն է ասում, ձեռքը ձեռք է լվանում…իսկ այս դեպքում տղերքը հայոց աշխարհի «շախմատ» են խաղում ու չի կարելի չասել` բավականին խելացի, միայն թե դրանից մարզի ժողովրդի համար գրեթե ոչինչ չի փոխվում ։ Ցավալին այն է, որ տեղական բդեշխները մարզերը բաժան — բաժան են արել ու տնօրինում են ոնց քեֆները տալիս է։
Լուսինե Կեսոյան
Այսօր ՍԴՀԿ ատենապետ Լյուդմիլա Սարգսյանը մամլո ասուլիս էր հրավիրել:
Ասուլիսի մեխը Լյուդմիլա Սարգսյանի դեմ նախկին ՍԴՀԿ-ականների դատական հայցն էր, որը դատարանը վարույթ չվերցրեց`այն համարելով վաղեմության ժամկետից դուրս: Հիշեցնենք, որ ըստ հայցվոր կողմի 2004 թվականին տեղի ունեցած ՍԴՀԿ համագումարին ընտրված ատենապետ Լյուդմիլա Սարգսյանը կեղծիքներով էր ընտրվել, և վերջիններս նրան ատենապետությունից զրկելու դատական հայց էին ներկայացրել:
Անջատողական թևից Նարեկ Գալստյանը, արձագանքելով դատարանի որոշմանը, նկատել էր, որ եթե չլիներ վաղեմության ժամկետի պատճառաբանությունը, ապա բոլոր հիմքերը կային դատը շահելու և Լյուդմիլա Սարգսյանին զրկելու ատենապետությունից:
Լյուդմիլա Սարգսյանը համոզված է, որ սկսած ՍԴՀԿ պառակտման փորձից, դատական հայցից մինչև այլ անձնական առաջարկներ, իշխանությունների ձեռքի գործն է, ինչը նպատակ ունի Հայ Ազգային Կոնգրեսից անջատել ՍԴՀԿ կուսակցության նման լուրջ գործոնի:
« Սա, փաստորեն, չհաջողվեց նրանց, քանի որ Հնչակյան կուսակցությունը մտադիր չէ շեղվել իր քաղաքական ուղղությունից, այն է` Հայ Ազգային կոնգրեսի կազմում պայքարել Հայաստանի Հանրապետությունում Սահմանադրական կարգի վերականգնման և քաղաքացիական հասրակության ձևավորման համար»,- ասաց Լյուդմիլա Սարգսյանը: Իսկ ինչ վերաբերում է նախկին կուսակիցների հետ հարաբերությունների վերականգնմանը, ապա Լյուդմիլա Սարգսյանը հայտարարեց, թե տեղական կառույցի անջատողական թևի բոլոր անդամներին պատրաստ է վերականգնել ու համագործակցել նրանց հետ:
Ա.Գ.
«Ոսկե ծիրան» կինոփառատոնում քաոսային իրավիճակ է:
Այն, ինչ տեղի է ունենում փառատոնը սպասարկող տոմսարկղներում, այլ կերպ, քան քաոս բնորոշել անհնար է:
Այս տարի «Ոսկե ծիրանը» 7 տարեկան է:
Փառատոնի կազմակերպիչները կազմակերպչական աշխատանքներ են իրականացնում գրեթե ամբողջ տարվա ընթացքում։ Փառատոնը դեռ չավարտված արդեն նախապատրաստվում են հաջորդ տարվան, ողջ տարվա ընթացքում տասնյակից ավելի ասուլիսներ են հրավիրում, հանրությանը տեղեկացնում, թե ինչ քրտնաջան աշխատանք են տանում, ինչ հյուրեր են ակնկալում ընդունել, ինչ ֆիլմեր բերել և այլն: Մի խոսքով, Հարություն Խաչատրյանն ու նրա թիմը կլոր տարին մի լավ քրտնում են` մի շաբաթ իրենց մասին խոսել տալու համար: Ի դեպ, նրանք նաև հասցրել են այս 7 տարիների ընթացքում մեծ թվով հովանավորներ ներգրավել, պետական աջակցության պակաս էլ կարծես չկա. Ասել կուզի`պատշաճ մակարդակ ապահովելու համար առանձնապես փողի կարիք չունեն, ժամանակի` նույնպես:
Այստեղ ինչ որ բան, իհարկե, անում են բայց առաջին իսկ օրից զգալի էին կազմակերպչական բազմաթիվ բացեր։
Չի կարելի անտեսել, որ կինոփառատոնի կազմակերպիչները հոգացել և բավական գումարներ են ծախսել նաև փառատոնի ծրագիրը ներկայացնող բրոշյուրներ տպագրելու և հետաքրքրվողներին բաժանելու վրա:
Սակայն ծրագրի առկայությունն անգամ կինոսիրողներին հնարավորություն չի տալիս նախապես տոմսեր գնել, քանի որ թե´ «Մոսկվա», թե´«Նաիրի» կինոթատրոններում չգիտեն, թե ի՞նչ ֆիլմ է ցուցադրվելու հաջորդ օրը: Ծրագրում ներկայացված են բոլոր օրերի ֆիլմերը` ըստ ժամի և ցուցադրման վայրի, բայց, ինչպես ցույց տվեց մեր ուսումնասիրությունը, «Ոսկե ծիրան» կինոփառատոնի ծրագիրը շատ նման է մեր քաղաքական ուժերի նախընտրական ծրագրերին: Խոստումներ` ինչքան ասես, բայց թե դրանից ո՞րը կկարողանան իրագործել մեկԱստծուն է հայտնի, մեկ էլ` երևի իրենց:
Ո´չ «Մոսկվա», ո´չ էլ առավել ևս «Նաիրի» կինոթատրոնում հանձն չառան նախապես տոմսեր վաճառել. չնայած ընդամենը երկու օր է, ինչ սկսվել է փառատոնը, բայց արդեն տոմսարկղներում հասկացել են, որ ծրագրում նշված ֆիլմերը կարող են փոփոխվել և անհնար է կինոդիտողին նախապես ասել, թե տվյալ օրը, որ ժամին ինչ ֆիլմ կցուցադրվի: Երկու տոմսարկղերում էլ խորհուրդ տվեցին տոմս ձեռք բերել նույն օրը` ֆիլմը սկսվելուց առաջ: Եթե բոլոր կինոսիրողները շարժվեն տոմսարկղերի աշխատակիցների հորդորով, ապա կարելի է չկասկածել, որ յուրաքանչյուր ֆիլմից առաջ, տոմսարկղների մոտ պարզապես քաոս կլինի:
Եվ սա` միջազգային համարում ձեռք բերելու ձգտող, կինոփառատոնի կազմակերպիչների մի ամբողջ տարվա «քրտնաջան» աշխատանքի արդյունքում։
Լ.Կ.
ԱԺ պատգամավոր Վիկտոր Դալլաքյանը, ելույթ ունենալով §Լեզվի մասին¦ օրենքում փոփոխություններ կատարելու օրինագծի քննարկմանը, ասել է, թե դա օրինագիծ է 30 արծաթի կամ հայ մարդուն զոմբիացնելու մասին: “Թմրամոլը 1 տոկոս ընդունի, թե 99 տոկոս, նրա անունը թմրամոլ է: Կինն ամուսնուն մեկ անգամ դավաճանի, թե 10 անգամ, անունը մարմնավաճառ է”:
Թմրամոլների նկատմամբ վերաբերմունքը հասկացանք, իսկ ի՞նչ են արել կանայք Վիկտոր Դալլաքյանին, որ նա այդքան անողոք է եղել գնահատականներ տալիս: Որքան հայտնի է, նա, իբրև նորմալ տղամարդ, բավական լուրջ հակում ունի քնքուշ սեռի ներկայացուցիչների նկատմամբ և արտամուսնական կապեր հաստատելիս չի բավարարվում մեկ կնոջով, այլ միանգամից կարող է մի քանի սիրուհի ունենալ, իսկ ամեն անգամ նոր կանանց հանդիպելուց հետո էլ յուրայինների մոտ գլուխ գովել, թե “ընենց ծտե՜ր եմ կպցրել”:
Եթե Վիկտոր Դալլաքյանը սիրում է նման կապերը, ապա ինչու՞ կանայք էլ չեն կարող սիրել և ի՞նչ հիմքով մեկ անգամ ամուսնուն դավաճանած կինը կարող է մարմնավաճառի համարում ունենալ: Ի՞նչ է` բոլոր այն կանայք, ում հետ այս տարիներին §գործ է ունեցել¦ Դալլաքյանը, մարմնավաճառնե՞ր են եղել. չէ՞ որ նա բոլորի հետ չէր կարողօրինավոր կապված լինել և ոչ էլ այդ բոլոր կանայք կարող էին Վիկտորին ցմահ հավատարմության երդում տալ ու պահել խոսքը:
ԱԱԾ պետի տեղակալ Հրաչյա Հարությունյանին ՊՊԾ պետի պաշտոնում նշանակելուց հետո թափուր էր մնացել ԱԱԾ պետի առաջին տեղակալի պաշտոնը։ Այսօր այդ պաշտոնին նշանակվել է ԱԱԾ պետի տեղակալներից` Ռոմիկ Հարությունյանը։ Նրա տեղը կզբաղեցնի ԱԱԾ-ը քաղաքային կառույցի ղեկավարը`Արզուման Հարությունյանը։
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.