Վրաստանի Կենտրոնական ընտրական հանձնաժողովն արդեն հաշվել է 3 766 ընտրատեղամասերից 3 590-ի տվյալները, այսինքն՝ ընտրողների քվեների 97.03%-ը։

Trend-ի տեղեկացմամբ,  նախնական տվյալներով՝  հոկտեմբերի 1-ին անցկացված խորհրդարանական ընտրություններում ձայների 54.8%-ով (1 154 533քվե) հաղթում է ընդդիմադիր Բիձինա Իվանիշվիլիի գլխավորած «Վրացական երազանք» կոալիցիան։ Երկրորդ տեղում «Միացյալ ազգային շարժում»-ն է՝ 40.4% (845 169) քվեով։

Հաջորդում է Գիորգի Թարգամաձեի Քրիստոնեա-դեմոկրատական շարժումը՝ 2.00% (42 823), Շալվա Նաթելաշվիլիի Լեյբորիստական կուսակցությունը՝ 1.2% (26 058 քվե)։

ԵԱՀԿ դիտորդները հաղորդագրություն են տարածել, որի մեջ նշվում է, որ  հոկտեմբերի 1-ին Վրաստանում  տեղի ունեցած խորհրդարանական ընտրությունները ազատ են անցել:

Դիտորդների գնահատմամբ՝  ընտրարշավն ավելի շատ կենտրոնացած է եղել պետական պաշտոնների արտոնությունների և մասնավոր ֆինանսական միջոցների վրա, քան քաղաքական պլատֆորմների ու ծրագրերի:

Ըստ նրանց, Վրաստանը կարևոր քայլ է կատարում ժողովրդավարական ընտրությունների անցկացման գործընթացն ամրապնդելու ուղղությամբ, սակայն երկրում դեռևս կան խնդիրներ, որոնք կապված են ընտրական գործընթացների հետ:

Դիտորդների կարծիքով, ընտրությունները մրցակցային են եղել, որին ակտիվորեն մասնակցել են երկրի քաղաքացիները, հայտնում է «Նովոստի-Գրուզիա»- ն:

Եթե տեղի ունեցողի մեջ ոչ մի «պադվոխ» չկա /նման չի, որ լինի/, ապա Սաակաշվիլին ինչ էլ արած կամ չարած լինի, էսօրվնից մտավ պատմության մեջ որպես մեր տարածաշրջանի լավագույն քաղաքական առաջնորդ, որի համար սկբունքները, օրենքը և Հայրենիքը իշխանությունից բարձր են: Սերժիկ ու Ալիևը մնացին իրենց գեղական կառքին, որքան էլ ամպագոռգոռ խոսքեր շռայլեն իրենց «հզորության» մասին:  Վրաստանը դուրս եկավ սովետի կազմից: Շնորհավոր վրաց ժողովրդին, որը դեռ հազար ու մի խնդիր ունի և կունենա, բայց, որը մեզ թողեց թոււքերի հետ մի պատմական ժամանակաշրջանում, իսկ ինքը անցավ մյուսը»,- ֆեյբուքում գրել է Հրանտ Տեր Աբրահամյանը:

Վրաստանի նախագահ Միխաիլ Սաակաշվիլին ընդունելով, «Միացյալ ազգային շարժման» պարտությունը խորհրդարանական ընտրություններում,   հայտարարել է, որ կուսակցությունն արդեն ընդդիմություն է, տեղեկացնում է Russia Today-ը:
Վրաստանի Կենտրոնական ընտրական հանձնաժողովի հրապարակած տվյալների համաձայն` ընդդիմադիր «Վրացական երազանք» կոալիցիան քվեաթերթիկների 25.17%-ի հաշվարկի արդյունքում հավաքել է 53.19%-ը, Միխաիլ Սաակաշվիլիի գլխավորած կուսակցությունը հավաքել է ձայների 41.51%-ը, իսկ մյուս կուսակցությունները` 5%-ից քիչ ձայն։

Մեծամասնական ընտրակարգով «Վրացական երազանք»-ի ներկայացուցիչներն առաջատար են։  73 տեղերից 30-ում հաղթել են Բիձինա Իվանիշվիլիի կողմնակիցները, իսկ 27-ում՝ իշխող կուսակցության ներկայացուցիչները։ 16 շրջաններում  ընտրության արդյունքները դեռ չեն հրապարակվել։

«Հաշվարկի արդյունքում ակնհայտ է, որ այս ընտրություններում հաղթանակի է հասել «Վրացական երազանք»-ը։ Դա նշանակում է, որ նոր խորհրդարանական մեծամասնությունը կձևավորի նոր կառավարություն, և նախագահը, համաձայն Սահմանադրության, կօժանդակի խորհրդարանի ղեկավարի ընտրությանն ու նոր կառավարության հաստատմանը»,-նշել է նախագահ Սաակաշվիլին։

Օգոստոսի 31-ին Հունգարիայի կողմից Ադրբեջան արտահանձնած և նույն օրը ներման արժանացած մարդասպան Ռամիլ Սաֆարովն ամուսնացել է։ 1news.az -ի փոխանցմամբ, մարդասպանը ընտանիք է կազմել Շեբնեմ Մամեդովայի հետ, «ով նրան սպասել է բոլոր այս տարիներին»։

15-ամյա ռուս ծանրորդ Իգոր Տեպիկինը, մրցումներում անհաջող  հանդես գալուց հետո, ինքնասպանություն է գործել` նետվելով 17-րդ հարկից:

Իգորի ընկերների և հարազատների խոսքով` մրցաշարում ձախողվելուց հետո նա ընկճված և ինքնամփոփ է եղել:

Տղան կյանքին վերջ է տվել կեսգիշերին, երբ հարազատները քնած են եղել:

Վրաստանում ՆԳՆ-ն, 10 ամսական Բարբարա Ռաֆալյանցի սպանության կապակցությամբ, հայտարարություն է տարածել: Սպանությունը  տեղի է ունեցել նախօրեին՝ Կախեթի շրջանի Կոլագի գյուղում: Երեխայի  մարմինը գտնվել է գինու համար նախատեսված ջրով լի կավե տարայում:

Վարկածներից մեկի համաձայն՝ պատահարը կրում է քաղաքական բնույթ: Սպանված աղջկա հարազատներից մեկը «Վրացական երազանք» կուսակցության համակարգողն է: Կինը հայտարարել է, որ իր հասցեին իշխող կուսակցության ակտիվիստների կողմից բազմիցս սպառնալիքներ են հնչել:

«Վրացական երազանք» կուսակցության մեծամասնական թեկնածու Մանանա Բերիկաշվիլին արդեն քաղաքակն հայտարարություն է արել, պատահարի մեջ մեղադրելով, «Վրացական ազգային շարժում» կուսակցության կողմնակիցներին:

Վրաստանում ժամը 08.00-ին  սկսվել է խորհրդարանական ընտրությունների քվեարկությունը:  Ցուցակներում ընդգրկված են ավելի քան 3 մլն 600 հազար ընտրողներ:

Ընդհանուր առմամբ, խորհրդարան կանցնեն 150 պատգամավորներ, որոնցից 77-ը համամասնական ընտրակարգով, 73-ը` մեծամասնական (մեծամասնական ընտրատարածքներում):

Օրենսդիր մարմինը կընտրվի 4 տարով:  Քվեարկությունը կավարտվի ժամը 20.00-ին, ինչից հետո կամփոփվեն ընտրությունների արդյունքները:

Հիլարի Քլինթոնը ՄԱԿ-ի Գլխավոր վեհաժողովի շրջանակներում հայտարարել է, որ  ԱՄՆ իշխանությունները Սիրիայի ընդդիմադիրներին 30 մլն ԱՄՆ դոլար կտրամադրեն որպես մարդասիրական օգնություն,  ևս 15 մլն ԱՄՆ դոլարի սարքեր և միջոցներ որոնք ուղղակի ռազմական նշանակության միջոցներ չեն, տեղեկացնում է «Ինտերֆաքս» գործակալությունը:

«ԱՄՆ պարտավորվում է օգնել խիզախ սիրիացիներին, ովքեր ժողովրդավարական բարեփոխումների հիմքերն են դնում»,- նշել է նա:

Քլինթոնը նշել է, որ Իրանը իր դաշնակից Սիրիայի իշխող վարչակարգը  պաշտպանելու համար ամեն հնարավոր բան կձեռնարկի:

Համաձայն ՊԲ օպերատիվ տվյալների ամփոփագրի, անցած շաբաթվա ընթացքում ղարաբաղա-ադրբեջանական հակամարտ գոտու ողջ երկայնքով ադրբեջանական զինված ուժերի կողմից հրադադարի պահպանման ռեժիմը  խախտվել է ավելի քան 250 անգամ, որի ընթացքում, տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է  շուրջ 1300 կրակոց:

ՊԲ առաջապահ զորամասերը հավատարիմ են մնացել հրադադարի պահպանման ռեժիմին և անհրաժեշտ քայլեր ձեռնարկել մարտական դիրքերը հուսալիորեն պաշտպանելու համար:

Ուրբաթ օրը Շանլըուրֆա շրջանի տարածքում սիրիական թնդանոթային ռումբի ընկնելուց հետո Թուրքիան բողոքի նոտա է հղել Սիրիային, հայտնում է trend.az-ը՝ վկայակոչելով թուրքական Yenisafak թերթին:
Հիշեցնենք, որ ուրբաթ Շանլըուրֆա շրջանի Աքչաքալե գյուղում ընկել էր սիրիական թնդանոթային ռումբ: Տուժածներ չկան, վնասվել էին մի քանի բնակելի տներ և շինություններ: