Ֆինանսների փոխնախարար Վարդան Արամյանից փորձեցինք ճշտել` կարկուտից տուժած գյուղացիների փոխհատուցման ձևն ու չափն ի՞նչ սկզբունքներով են որոշվելու, և ապա` գյուղացուն հուզող վարկերի սառեցման խնդիրը վերջնական լուծում կունենա՞, թե՞ ոչ: «Այս պահին աղետի չափերն են հաշվվում: Ինչ վերաբերում է վարկերին, ապա խոսք է գնում ոչ թե վարկերի սառեցման, այլ վարկային պայմանագրերի վերաձևակերպումների մասին, խնդիրը բանկային տիրույթում է, կարծում եմ` կողմերը կարող են Կենտրոնական բանկի հետ փոխադարձ համաձայնության գալ` որոշակի հետաձգման հետ կապված: Այդպիսի նախադեպ մենք ունեցել ենք. «Կամուրջ» վարկային կազմակերպությունը նույն Արմավիրի մարզում անցյալում մի քանի անգամ երկարաձգումների գնաց, որովհետև, եթե ժողովուրդն իրականում այդ եկամուտը չունի, որտեղի՞ց վճարի: Բայց էս դեպքում էլ կարծես մեկ այլ խնդիր առաջացավ, երբ վերաձևակերպումը կատարվեց, գերակշիռ մասով, այո, մարդիկ սկսեցին վճարել, ինչն էլ նշանակում էր` ճիշտ որոշում էր, սակայն որոշակի ալիք բարձրացավ մեկ այլ վարկատուների մասով, որոնք ասում էին` եթե նման վերաձևակերպումը հնարավոր է, ես էլ իմ խնդիրն ունեմ, իմն էլ վերաձևակերպէք, ինչո՞ւ իմ վարկը չեք հետաձգում»: Աղետներից տուժած մարդի՞կ էին դրանք: «Չէ, չէ, հենց դա եմ ասում` ոչ աղետներից, այլ ընթացիկ վարկատուներ են, այնուհանդերձ, ես կարծում եմ` հարցը կլուծվի, և այդ ճանապարհով, և սուբսիդավորման` սերմացու կտրամադրվի, վառելիք, պարարտանյութ»:

Հրապարակ

Հայաստանի ազգային հավաքականի և «Մետալուրգի» երկու ֆուտբոլիստներ՝ Կարլեն Մկրտչյանը և Գևորգ Ղազարյանը հրավիրվել են ազգային հավաքական՝ Աշխարհի 2014-ի առաջնության ընտրական փուլի երկու հանդիպման մասնակցելու համար. այս մասին տեղեկացնում է դոնեցկյան ակումբի պաշտոնական կայքը:

Հիեցնենք, որ B խմբում ընդգրկված Հայաստանի ընտրանին հունիսի 7-ին Երևանում կհյուրընկալի Մալթայի ընտրանուն, ապա հունիսի 11-ին կմեկնի Կոպեհագեն, որտեղ իր ուժերը կչափի Դանիայի հավաքականի հետ:

Չեմպիոնների լիգայի Բավարիա-Բորուսիա եզրափակիչ խաղը, եթե ավարտվի Բորուսիայի հաղթանակով, ապա  յուրաքանչյուր խաղացող կստանա 150 հազար եվրո պարգևավճար, իսկ գլխավոր մարզիչ Յուրգեն Կլոպը՝ 300 հազար. տեղեկացնում է Bild-ը:

Նշենք, որ չեմպիոնների լիգայի եզրափակիչը տեղի կունենա Լոնդոնի «Ուեմբլի» մարզադաշտում մայիսի 25-ին:

Երեկ մամուլում լուրեր շրջանառվեցին, թե Կարեն Բաբայանը` Շերիֆը, որր «Զվաթնոց» օդանավակայանի անվտանգության պետն է, փորձ է կատարել Հայաստանից դուրս տանել արվեստի բացառիկ գործեր: Գրվել էր նաև, թև ստվերավոր այդ իրերը ոստիկանությունը առգրավել է, սակայն Շերիֆին հաջողվել է հատել Հայաստանի սահմանը և հեռանալ: Պարզվում է, որ այս տեղեկությունների տարածման հետևում կանգնած է Շուշան Պետրոսյանի ոստիկան ամուսինը` Արման Հարությանյանը: Բանն այն է, որ երեկ ֆեյսբուքում բանավեճ էր ծավալվել քաղաքական մեկնաբան Մենուա Հարությունյանի և Շուշան Պետրոսյանի ամուսնու` ոստիկան Արման Հարությունյանի միջև: Պատճառն այն էր եղել, որ Մենուան անդրադարձել էր Շուշան Պետրոսյանի և այն հայտարարությանը, թե «Տաշիր» երաժշտական մրցանակաբաշխության ժյուրին կամ ընտանիքը օբյեկտիվ չէ Սիրուշոյին «Տարվա երգչուհի» ճանաչելոու հարցում. «Բայց Շուշանը մոռանում է, որ մի քանի տարի աոաջ այդ նույն ժյուրին կամ ընտանիքը իրեն բնակարան նվիրեց, միգուցե այդ ժամանակ էլ նրանք օբյեկտիվ չէին», գրել էր Մենուա Հարությունյանը: Շուշանի ամուսինն էլ հակադարձել էր. «Մենուա, այլևս կնոջս վերաբերող տեսակետներդ կարտահայտես սոցիալական ցանցերից դուրս, այն բանի համար, երբ դու չես տիրապետում իրական ինֆորմացիային և առիթ ու պայման ես ստեղծում ինչ-որ մարդկանց համար չարախոսելու, իմացիր` դա ինձ դուր չի գալիս, և դա ես անպատիժ չեմ թողնի…»: Մենուայի և Արմանի միջև ծավալվող խոսակցությունը երկար էր, բայց մեկ ուշագրավ դետալ կար այս ամենի մեջ: Խոսակցությունից պարզ է դառնում, որ կարեն բաբայանի մասին ինֆորմացիան «ընկերական զրույցի ժամանակ» հաստատել է Շուշանի ոստիկան ամուսինը: Մեջբերենք Մենուայի գրառման այն հատվածը, որը տվյալ պարագայում«ապացուցողական նշանակություն »ունի: «…Ինչ վերաբերում է սուտ լուրեր տարածելուն` դու ինքդ ես փաստում, որ Շերիֆի մասին նյութը տեղադրելուց առաջ ես քեզ խնդրել եմ, որպեսզի պարզես` այն ճիշտ է, թե ոչ»:

Չորրորդ ինքնիշխանություն

«Չի կարելի գրել, թե դատական համակարգի արդյունավետությունը պետք է բարձրացնել, քանի որ դատական համակարգը անարդյունավետ լինել չի կարող,  կամ չարժե նշել հարկային վարչարարության բարելավման մասին, քանի որ հարկային վարչարարությունը պետք է բարելավել մշտապես», -այս մասին, այսօր կառավարության ներկայացրած գործունեության ծրագրի վերաբերյալ իր կարծիքն է հայտնել պատգամավոր Հրանտ Բագրատյանը:

Բագրատյանն ասաց, թե իր վարչապետության դեպքում ինչպես կվարվեր. մասնավորապես՝ կհիմներ ներդրումային հիմնադրամ, հավաքելով սփյուռքահայերի տնօրինած 400-500 մլրդ դոլարի մի մասը՝ երաշխավորելով դրանց եկամտաբերությունն ու վերադարձը:

Ըստ Բագրատյանի՝ կառավարության նախկին 5 տարիների գործունեությունը ձախողված է եղել:

5 տարիների ընթացքում 225 հազ. մարդ հեռացել է երկրից, 5 տարում ՀՆԱ-ի աճը կազմել է 6%, այնինչ համաշխարհային միջինը 13% է: Գործնականում բյուջեի աճ չի գրանցվել. 600-700 մլրդը դարձել է 1 տրլն, սակայն եթե հանում ես հարկային վարչարարությունն ու գների աճը՝ բյուջեի աճ չկա: Նա նաև հայտարարեց, որ վիճակագրական մի շարք տվյալներ իրականությանը չեն համապատասխանում. մասնավորապես գյուղմթերքների արտադրության ծավալների մասին:

«Կարգի բերելու շատ բան կա. Օֆշոր-մոֆշոր, ավիացիան 5 րոպեում կլիբերալիզացնեմ, այնպես որ դեպի Եվրոպա 380 դոլարից ավելի թանկ տոմսի գին չի լինի»,-ասաց Հ. Բագրատյանը:

ՀՀ ֆինանսների նախարարությունը հաղորդագրություն է տարածել, որում ասվում է.

«Այսօր մամուլում տարածված տեղեկատվությունը, թե ՀՀ ֆինանսների նախարար Դավիթ Սարգսյանը պաշտոնական գրություն է ուղարկել գերատեսչություններին՝ պահանջելով կրճատել մամուլի բաժանորդագրությունը, որևէ առնչություն չունի իրականության հետ:

Պաշտոնապես հայտնում ենք, որ ՀՀ ֆինանսների նախարարությունը նման գրություն գերատեսչություններին չի ուղարկել»:

Նշենք, որ «Հրապարակն» այսօր գրել է.

«Ֆինանսների նորանշանակ նախարար Դավիթ Սարգսյանը պաշտոնն ստանձնելուց հետո մի «ունիկալ» նախաձեռնությամբ է հանդես եկել: Նա թերեւս մտածում է, որ ֆինանսների նախարարի թիվ մեկ պարտականությունը խնայողություններ անելն է, և, հավանաբար, սրան է գումարվել նաև մամուլի նկատմամբ իր և իր թիմի նեգատիվ վերաբերմունքը, ու նա որոշել է հաճելին օգտակարի հետ համատեղել` խնայողության անվան տակ արգելել թերթ կարդալը: Եվ առաջինը, ինչն արել է` պաշտոնական գրություն է ուղարկել գերատեսչություններին, պահանջելով կրճատել մամուլի բաժանորդագրությունը: Ըստ գերատեսչական թերթի աղբյուրների, այս հրահանգն առաջին հերթին վերաբերում է անկախ և ընդդիմադիր մամուլին: Մենք էլ կարծում էինք, թե այս իշխանությունն օրերից մի օր կհասկանա, որ ազատ մամուլին աջակցելը, մամուլը կայացնելը երկրի զարգացմանն ուղղված քայլ է և պետության հիմնական պարտականություններից մեկը»:

ՀՀ Սյունիքի մարզի Ճակատեն համայնքում ապրում է 144 մարդ: Գյուղում ընդամենը 8 աշակերտ է դպրոց գնում: Մինչդեռ տարիներ առաջ շուրջ 100 աշակերտ էր հաճախում դպրոց: «Ժողովուրդ»­ը Ճակատենի ղեկավար Արծրունի Հարությունյանից տեղեկացել է, որ այս տարի գյուղում արդեն մահացել է յոթ մարդ, իսկ վերջին երեխան ծնվել է հինգ տարի առաջ: «Գնում են, գնում, ամեն օր էլ ընտանիքները գնում են, չեն կարողանում ապրել: Գյուղը դատարկվում է, մնում են ծերերը, իսկ ծերերն էլ մահանում են: Կարամ ասեմ`գյուղը մարում է: Ընդամենը երկու երիտասարդ ընտանիք կա: Հիմա են անճարներն են մնացել, ով որ մի քիչ շանս է ունենում, գնում է»,-նկատել է Հարությունյանը: Նրա խոսքով`բոլոր պաշտոնյաներն էլ գիտեն գյուղի վատ վիճակի մասին. «Մինչև Մոսկվա էլ գիտեն, որ գյուղը մարում Է: Բայց ոչ ոք ոչինչ չի ձեռնարկում: Ոչ բնակիչ կա, ոչ էլ երեխա»: Իսկ գյուղացիները հիմնականում զբաղվում են հողագործությամբ ու անասնապահությամբ. «Դա էլ, ինչպես Թումանյանն է ասում, էն էլ հրեն հա` երկնքից կախված: Ստեղծած արտադրանքն էլ չեն կարողանում իրացնել, թափում են ու թափում»:

Ժողովուրդ

«Հայկական Վարկած»-ի ստացած հավաստի  տեղեկություններով, արդեն երկու օր է Սամվել Ալեքսանյանին պատկանող օղու արտադրամասում մարդիկ են թունավորվում: Աշխատակիցներից մոտ 10-15 հոգի երեկ տեղափոխվել են հիվանդանոց, սակայն թունավորման դեպքերը շարունակվում են, այսօր ևս մոտ 5 հոգի տարվել են հիվանդանոց: Աղմուկից խուսափելու նկատառումով՝ հիվանդների հետ կատարվող գործողությունները վերահսկվում են Ալեքսանյանի կողմից և գերգաղտնի են պահվում:

Թե ինչն է եղել թունավորման պատճառը, դեռ պարզ չէ:

Հայաստանի 2012/13թթ. առաջնությունում վերջին հորիզոնականը զբաղեցրեց Երևանի «Բանանցը»: Ակումբի նախագահ Սարգիս Իսրայելյանն որոշել է հրաժարական տալ: Այս մասին տեղեկանում ենք «Բանանցի» պաշտոնական կայքից:
Սարգիս Իսրայելյանը հանդես է եկել հայտարարությամբ, որում ասված է.

«Ավարտվեց ևս մեկ ֆուտբոլային առաջնություն, ևս պատմությանմեկ էջ թերթվեց «Բանանց» ֆուտբոլային ակումբի համար:Դժբախտաբար այս մրցաշրջա-նում թիմը հանդես եկավ շատ ցածրարդյունքներով, թիմը հայտվեց առաջնության ետնամասում:Ունենալով լավ տրադիցիաներով հարուստ պատմություն այսօրստացվեց այն ինչ ստացվեց:

«Բանանց» ակումբի պատմությունը սկսվում է 1992 թվականից:

Հայաստանը նոր էր ձեռք բերել իր անկախությունը, և որոշվեց անցկացնել Հայաստանի ֆուտբոլի անկախ առաջնություն, քանի որերկիրը ուներ ֆուտբոլային պատմության հարուստ էջեր : Եսլինելով աշխարհի ամենատարածված խաղերից մեկի ֆուտբոլիսիրահար և լեգենդար ՙԱրարատ՚ ֆուտբոլային թիմի երկրպագու,որոշեցի ներդնել կարողություններս, հնարավորություններս ու միջոցներս ստեղծելու մի թիմ, որտեղ կընդգրկվեին այնֆուտբոլիստները, որոնք ժամանակին տարբեր պատճառներով չէին ներգրավվել «Արարատ» թիմի կազմի մեջ: Նրանք իսկապեսբարձրակարգ ֆուտբոլիստներ էին, և օժտված էին ոչ միայն բարձր պրոֆեսիոնա-լիզմով այլ մարդկային որակներով, ես նրանցգիտեի մանկուց և վստահ էի, որ կա-րող են հանդես գալ ամենաբարձ մակարդակով և ամենաբարձրակարգ թիմերում:

1992 թվականին թիմը ստեղծվեց և իմ առաջարկությամբ անվանվեց իմ ծննդավայրի «Բանանց» անունով:

Թիմը տղաների էնտուզիազմի, հայրենասիրության և իրենց գործի մեջ ունեցած տաղանդների շնորհիվ հենց նույն տարին 1992թ. մայիսին դարձավ Հայաստա-նի առաջին գավաթակիրը և ազգային առաջնության բրոնզե մեդալակիրը:

Նորաստեղծ թիմը մասնակցելով Հայաստանի Հանրապետության առաջնությանը նոր վերելքով հանդես գալով իր փայլունանունը գրեց հայկական ֆուտբոլի պատմության մեջ, դառնալով նրա առաջատարներից մեկը:

Հայացք նետելով թիմի ելույթներին և ցույց տված արդյունքներին պարզ է դառնում, թե ինչու «Բանանցը» կարողացավ գրավելերկրպագուների սրտերը:

Երկար տարիներ իմ հովանավորությամբ և ղեկավարությամբ թիմը ցուցադրել է կայուն տեխնիկապես գրագետ խաղ ևտարբեր մասնագետների կարծիքով «Բանանց» այդ տարիներին հանդիսանում էր Հայաստանի ուժեղագույն ֆուտբոլային թիմերից մեկը:

Հետագայում երկրի սոցիալական և տնտեսական ծանր վիճակը ազդեց նաև «Բանանց» թիմի գործունեության վրա:Կարճատև դադարից հետո ի ուրախություն ինձ և թիմի երկրպագուների, ակումբը նորից վերածնունդ ապրեց ֆուտբոլիաշ-խարհում հայտնի հայրենասեր բարերար հովանավորի շնորհիվ: Նա պատրաստ էր իր անձնական միջոցները ներդնելհայկական ֆուտբոլի զարգացման գործում: Ես շատ շնորհակալ եմ նրան, որ վստահեց ինձ համագործակցել և շարունակելղեկա-վարել ակումբը: Իմ միակ խնդրանքը եղել է այն, որ պահպանվի ակումբի անունը: Նրա կողմից այն ընդունվեցըմբռնումով:

Ոգևորվելով փոփոխություններով, նոր ծրագրերով ակումբը իր առաջ դրեց ի կատար ածել ամենաբարձր նպատակներ և այդպատճառով բոլոր մակարդակներով ձգտեց բարձր պրոֆեսիոնալիզմի: Բնորոշ ցուցանիշներ կարող են համարվելառաջնություններում թիմի գրաված բարձր տեղերը և այժմյան ստեղծված ենթակառույցների առկայությունը, որտեղ կարողեն ներգրավվել և ֆուտբոլով զբաղվել տարբեր տարիքի 600 երեխաներ: Ակումբը շարունակական ճիշտ քաղաքականություն էվարել ֆուտբոլի զարգացման գործում: Ճիշտ է կարող է և թվացյալ թերացումներ են եղել, բայց դրա արդյունքները կերևանհետագայում, ժամանակ է պետք:

Տարիների ընթացքում «Բանանց» տվել է բազմաթիվ շրջանավարտներ, որոնք ընդգրկվել և այժմ էլ ընդգրկված ենհանրապետության տարբեր հավաքականների կազմերում: Այսօր հանրապետության տարբեր թիմերում հանդես են գալիսակումբի բազմաթիվ շրջանավարտներ: Սա վկայում է այն մասին, որ ակումբը մեծ աշխատանք է կատարել հայկականֆուտբոլի զարգացման և կայացման գործում: 2012թ. ակումբը ստեղծել է իր մանկապատանեկան ֆուտբոլի ակադեմիան,որտեղ փորձի փոխանակման նպատակով Հոլանդիայից հրավիրվել են ֆուտբոլի հայտնի մասնա-գետներ, ավարտվել էմարզաբազայի շինարարությունը, ստեղծվել են ֆուտբոլի զարգացմանն անհրաժեշտ բոլոր ենթակառույցներ:

Այժմ ակադեմիան լիարժեք գործում է:

Լինելով ակումբի նախագահը աշխատել եմ պահպանել ակումբի ավանդույթները, միշտ հորդորել եմ մարզչական կազմինձգտել կատարելության, զբաղվել եմ երիտասարդ մասնագետների պատրաստմամբ:

Ակումբի ձեռք բերած այս հաջողությունների ֆոնի վրա աններելի եմ համարում այս տարվա ֆուտբոլի բարձրագույն խմբերիառաջնությունում «Բանանց» թիմի անհաջող ելույթները: Ես չեմ ուզում այստեղ նշել որևէ մեկի սխալը, աշխատանքում եղածթերությունները: Ես համարում եմ, որ լինելով ակումբի նախագահը չպետք է թերանայի իմ աշխատանքի որոշ օղակներում, որը հանգեցրեց նրան, այն ինչ ունենք:

Նորից ու նորից ուզում եմ հատուկ շնորհակալություն հայտնել ակումբի հովանավորին ինձ վստահելու համար: Եսբարեխղճորեն կատարել եմ իմ պարտականությունները արդարացնելով նրա վստահությունը:

Ուզում եմ եմ շնորհակալություն հայտնել այն բոլոր մարդկանց, որոնք միշտ ինձ սատարել են, օգնել են դժվար պահերին ի կատար ածելու մեր բոլոր մտահղացումները: Վստահ եղեք, մենք բոլորս կատարել ենք շատ հայրենանվեր աշխատանք, որիարդյունքները ես համոզված եմ կգնհատվեն հետագայում:

Այս ամենից ելնելով, հաշվի առնելով «Բանանց» թիմի անհաջողությունների օբյեկտիվ և սուբյեկտիվ պատճառները ես ամբողջ պատասխանատվությունը վերցնում եմ ինձ վրա և պատրաստ եմ հրաժարվել իմ պարտականություններից:

Մոտակա ժամանակներս այս ամենի մասին պարտավորվում եմ տեղեկացնել ակումբի հովանավորին և ակումբիաշխատակազմին:

Ես ուզում եմ ներողություն խնդրել բոլոր ֆուտբոլասերներից «Բանանց» թիմի երկրպագուներից, այսօրվաանհաջողությունների համար:

Միևնույն ժամանակ հպարտ եմ, ակումբի ստեղծման, կայացման համար, հպարտ եմ, որ կարողացել եմ բարձր պահել ակումբի անունը, որ մասնակցություն եմ ունեցել Հայկական ֆուտբոլի զարգացման գործին, հպարտ եմ, որ բարեխղճորենկատարել եմ իմ բոլոր պարտականությունները»:

Արմավիրի մարզի Արևիկ, Սովետական, Շենավան, Հայկավան, Գետաշեն և Մրգաշատ գյուղերի բնակիչները փակել են ճանապարհը. նրանք չեն ցանկանում լսել գյուղատնտեսության փոխնախարարներին, այլ պահանջում են, որ իրենց այցելի կամ վարչապետ Տիգրան Սարգսյանը, կամ ՀՀ նախագահ Սերժ Սարգսյանը:

Հիշեցնենք, որ այս համայնքներում կարկուտը ոչնչացրել է ամբողջ բերքը: Գյուղերը գտնվում են ծայրահեղ ծանր սոցիալական վիճակում: