03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...Հայաստանի ոստիկանությունը պարզաբանող հաղորդագրություն է տարածել` Ներսիկ Նազարյանին քաղաքային վարչության պետի պաշտոնից հեռացնելու մասին:
«Ոստիկանության համար սկզբունքային է ծառայության և բիզնեսի համատեղման բացառումը, այսպես ասած՝ սերտաճումը հասարակության որոշակի շերտերի հետ, ինչը անխուսափելի է նույն տեղում տևական աշխատանքի դեպքում ու բացասաբար է ազդում օպերատիվ իրավիճակի և ծառայողական գործունեության արդյունքների վրա: Տվյալ դեպքում, մեր ուսումնասիրությունները ցույց են տվել, որ Երևան քաղաքի կայազորի աշխատանքի արդյունավետությունը նվազել է, ինչն անթույլատրելի է, և պետք է անհապաղ միջոցներ ձեռնարկվեին իրավիճակը շտկելու համար»,-ասված է ոստիկանության հաղորդագրության մեջ:
Քսան տարի զբաղվում եմ քաղաքականությամբ, սակայն առաջին անգամ եմ հանդիպում, որ Հայաստանում պետական ծառայողն աշխատանքից ազատվի` բիզնեսով զբաղվելու պատճառաբանությամբ, թեև` սահմանադրությունն անհամտեղելի է համարում պետական պաշտոնը, ծառայությունը բիզնեսով զբաղվելու հետ, ու այս առումով` ոստիկանության փաստարկը միանգամայն տեղին է:
Ի դեպ, հայտարարության տեքստում ուղիղ չի ասվում, սակայն ակնարկվում է նաև Նազարյանի կապն, այսպես կոչված, քրեաօլիգարխիկ շրջանակների հետ: Սա այն դեպքն է, երբ իրերը կոչվել են իրենց անուններով:
Ոստիկանության այս հաղորդագրության քաղաքական, իրավական նշանակությունը չափազանց մեծ է, և ահա, թե ինչու:
Բոլորը՝ նաև երեկ, մի տարի առաջ, տարիներ առաջ գիտեին, որ Երևանի ոստիկանապետը տիրապետում է բիզնեսի, նրա ընտանիքին է պատկանում «Մոսկվիչկա» սուպերմարկետների ցանցը, շինարարական բիզնես և այլն, հայտնի էին նաև գեներալի կապերը քաղաքական և մերձքաղաքական օդիոզ կերպարների հետ:
Սակայն այդ մասին հիշում են հիմա` Սերժ Սարգսյանի երկրորդ պաշտոնավարման արշալույսին: Շատերն ասում են, որ արտառոց ոչինչ չփնտրեմ ոստիկանության հաղորդագրության մեջ. իբրև թե` դե մարդուն հանել են, մի պատճառ պիտի մոգոնեին:
Ես այս տեսակետը չեմ կիսում: Նազարյանը տաս տարի պաշտոնավարել է, հաստատ հրեշտակ չի եղել, հազար հանցագործություն է քողարկել, հազար անմեղի էլ` մեղավոր դարձրել: Ասածս այն է, որ` եթե պատճառ ուզեին գտնել, դրա պակասը չէին ունենա:
Եվ ուրեմն` տարածված հաղորդագրությունը յուրօրինակ մեսիջ է, քաղաքականության փոփոխության նշան, հայտ: Եվ սա ամենևին չի վերաբերում միայն ոստիկանությանը: Սա պետական նոր քաղաքականության հայտ է` պետական մարմինները օլիգարխներից ու նրանց դրածոներից բեռնաթափելու փորձ:
Գուցե ես լավատես եմ, բայց այդպես եմ հասկացել ու ոստիկանության հաղորդագրությունն էլ նախադեպային եմ համարում:
Նախադեպային այն առումով, որ շուտով չեմ բացառում նման դեպքերի կրկնությունը` նույն մոտիվացիայով: Ասենք, մի պատգամավոր կարող է վայր դնել մանդատը և հայտարարել, որ իր բիզնես գործունեությունն անհամատեղելի է օրենսդիր աշխատանքի հետ: Մի նախարար կարող է չվերանշանակվել, որովհետև, ենթադրենք, բուլկու բիզնես ունի: Մի դեսպան էլ կարող է հետ կանչվել, որովհետև պարզվել է,որ նա դիվանագիտական առաքելությունը շփոթել է կոնկրետ երկրում իր բիզնես հետաքրքրություններն առաջ տանելու հետ:
Գուցե ռոմանտիկ եմ, բայց պետական համակարգի բարեփոխման հոտ եմ առնում: Աստված տա` չսխալվեմ…
Սուրեն Սուրենյանց
Հայաստանում սայլը տեղից չի շարժվում ու չի էլ շարժվելու, քանի դեռ մեզ մոտ ղեկավարների պոստում հարգի են շոպլիկներն ու ստուկաչները, որոնք ամեն բանի պատրաստ են ջրի երեսին մնալու, ու տարրական մարդկային բարոյականությունը նրանց համար ամենավերջին պլանում է:
Փետրվարի 18-ի ՀՀ նախագահական ընտրությունների արդյունքները ցույց տվեցին նաև, թե ինչպիսի վերաբերմունք ունեն քաղաքացիները համայքների ղեկավարների, մարզպետների և մյուս չինովնիկների նկատմամբ:
Սերժ Սարգսյանի դեմ քվեարկած ընտրողների մեծամասնությունը` նրան մերժելով, ցանկացավ ուշադրության հրավիրել իրենց բնակավայրում տիրող բարոյահոգեբանական լարված մթնոլորտի, ապօրինությունների և ոմանց անպատժելիության վրա:
Առանձնացնել որևէ մարզ, կամ համայնք, արդարացի չի լինի, սակայն այս պահին խոսենք թշվառության եզրին հայտնված Սիսիան քաղաքի մասին, որտեղ մարդիկ ու նրանց խնդիրներն անտեսված են, որտեղ արտագաղթն ահռելի չափերի է հասել: Մեր ունեցած տեղեկությամբ, երբեմնի համախմբված պետականամետ Սիսիանում ևս՝ ի օգուտ ՀՀ նախագահի գրանցվեցին ցածր արդյունքներ:
Պատճառները, հնարավոր է, տարբեր լինեն, բայց կարևորագույնը, ըստ մեզ հասած տեղեկությունների, եղել է Սիսիանի ժողովրդի վզին փաթաթված ԲՀԿ-ական քաղաքապետ, սակայն մի քանի խաղ խաղացող Աղասի Հակոբջանյանի գործոնը:
Նրա անցյալի, նրա խարդավանքների, բազմաթիվ «հերոսությունների» մասին տարիներ ի վեր շատ է խոսվել Սիսիանում:
Աղասու մասին խոսելիս՝ բոլորը հստակ գիտեն նրա ուտող — ուրացող կերպարի մասին: Սիսիանցիները պատմում են, որ նա իր գիտակցական կյանքում միշտ վատություն է արել հատկապես նրանց, ովքեր աջակցել են իրեն. նրանք հիշում են, որ դրանցից ամենաարտառոցը դեռևս Խորհրդային Հայաստանում Սիսիանի էլ. ցանցի պետի պաշտոնին նրան աշխատանքի տեղավորած ՀԿԿ Սիսիանի շրջկոմի առաջին քարտուղար Շչորս Դավթյանի վերաբերյալ է եղել:
Տարիներ հետո Աղասին հրապարակավ մրոտել ու անգամ հանրապետական մամուլով վարկաբեկել է իր բարերարին, թե՝ իբր կաշառք է վերցրել, ու իրեն նշանակել է այդ պաշտոնին:
Այնուհետև Արցախի հերոսամարտի ժամանակ, երբ նրա հայրենակիցներն առաջին գծում էին, նա կապի հանգույցի տնօրենն էր: Նրան այդտեղ տեղավորեցին Հովիկ Ազոյանը և շրջգործկոմի նախագահ Մայիս Պողոսյանը: Լինելով շրջխորհրդի պատգամավոր՝ նոր պոստի անցնելուց հետո, Աղասին փոխեց ճամբարը՝ հայտնվելով նոր թիմում: Որպես պատիժ՝ Ազոյանը Աղասուն ներառեց եռամսյա հավաքների մեջ, սակայն նա փախավ և հանգրվանեց Մոսկվայում:
Որոշ ժամանակ անց Աղասու դասընկեր Քոչար Դավթյանն ընտրվեց գործկոմի նախագահ և նրա քենակալ Ռազմիկ Դանիելյանին նշանակեց Սիսիանի միլպետ. այս հանգամանքներն էլ նպաստեցին Աղասու վերադարձին Սիսիան: Հետագայում՝ մարտի 1-ի դեպքերի հետ կապված, նրա ցուցմունքով՝ Դանիելյանը պաշտոնանկ արվեց:
Աղասին իր «առաջընթացի» ճանապարհին ոչ ոքի չխնայեց. ժամանակին իրեն կապի հանգույցի տնօրենի պաշտոնին տեղավորած ընկերոջը՝ Քոչար Դավթյանին, երբ նա արդեն պաշտոնի չէր, նրա դեմ ինչ-ինչ պատվերներ կատարելով, տնտեսական ոլորտի հետ կապված դատի տվեց:
Շուրջ 10 տարի Սյունիքի ներկայիս մարզպետ Սուրիկ Խաչատրյանը «ձեռքից բռնած» պահում էր Աղասուն, հովանավորում, բայց երբ շանս ունեցավ նոր՝ ավելի հզոր տեր ունենալ, քցեց նաև նրան ու փախավ՝ նետվելով ԲՀԿ գիրկը:
Սիսիանցիերը շատ լավ են հիշում, որ 2008 — 2012 թթ, երբ Աղասին Ծառուկյանի շնորհիվ դարձավ Սիսիանի քաղաքապետ, պաշտոնավարման ամբողջ 4 տարիներին նա ամեն կերպ խուսափեց Ծառուկյանից, և երկակի խաղ խաղացող Աղասին ոչ մի անգամ նրան չհրավիրեց Սիսիան՝ այն դեպքում, երբ Ծառուկյանն իր հիմնադրամի միջոցով մեծ ծրագրեր էր իրականացնում տարբեր համայնքներում, բայց ոչ մի լումայի ներդրում չարվեց Սիսիանի տարածաշրջանում:
Պատմում են, որ ԱԺ ընտրություններին նախորդող ժամանակաշրջանում մի քանի տրակտոր բերվեց Սիսիան, իսկ նախընտրական հանդիպումից հետո, նա Ծառուկյանին հրավիրեց իր տուն՝ փորձելով դրանով նոր հարաբերություն ստեղծել, սակայն Աժ ընտրությունների արդյունքներն ավելի խորացրեցին անդունդը: 4 տարվա քաղաքապետի ղեկավարած քաղաքում ԲՀԿ-ն ավելի քիչ ձայն հավաքեց, քան, ասենք, Գորիս քաղաքը, որտեղ ԲՀԿ շտաբ ձևավորեց ընտրություններից ընդամենը 20 օր առաջ:
Իսկ ՀՀ նախագահական ընտրություններին նախորդած ժամանակահատվածում այդպես էլ տարբեր պատճառաբանություններով չմասնակցեց Բարգավաճի խորհրդի որևէ նիստի: Ընդհակառակը՝ տակից փորձում էր օգնել ՀՀ նախագահ Սերժ Սարգսյանին, ըստ սիսիանցիների, քաղաքապետի պաշտոնավարման տարիներին թույլ տրված ապօրինությունից պաշտպանվելու: Սակայն հենց նրա իմիջի պատճառով էր, որ իր հայրենի գյուղում Սերժ Սարգսյանը պարտվեց (ընդ որում, Սիսիանում 2-3 գյուղում է նախագահը պարտվել):
Սիսիան քաղաքում, նորանկախ պետության պատմության մեջ առաջին անգամ, սիսիանցիները դեմ քվեարկեցին գործող նախագահին:
Սիսիանի ղեկավարման պատմության մեջ առաջին անգամ էր նաև՝ դատվեց քաղաքապետի տեղակալը:
Դժվար է հավատալ, որ Աղասին տեղյակ չէր տեղակալի՝ Աշոտ Գրիգորյանի կատարած ապօրինությունների մասին, կամ որ առանց քաղաքապետի գիտության՝ նա կհամարձակվեր 2 տարվա ընթացքում շուրջ 20 հողակտոր ձեռք բերել:
Քաղաքն ամայացրած քաղաքապետը շատ ճիշտ անվանում է գտել իր օբյեկտի համար. Սիսիանի միակ «Օազիս»-ն էլ է նրան եկամուտ բերում. նա հենց իր ռեստորանում է կազմակերպում համայնքային բոլոր խնջույքները:
ԲՀԿ-ական քաղաքապետը, չի էլ խուսափում կիսաքաղց սիսիանցու աչքի առաջ հսկայական գումարներ ծախսել, արտասահմանյան այցերի ընթացքում բյուջեի հաշվին կռուիզի տանել նաև կնոջը և տղային:
Վերջերս, Սյունիքի մարզպետարանը քաղաքապետարանում ստուգումների ընթացքում այնպիսի բացահայտումներ արձանագրեց, որ անգամ փորձառու վարչության պետը զարմացած էր մնացել, սակայն Սյունիքի քաջ մարզպետը համարձակություն չունեցավ դիմելու համապատասխան մարմիններին:
Աղասու կատարած ապօրինությունների մասին կարելի է երկար խոսել, դրանք կատարվում են բոլորի աչքի առջև՝ բաց, առանց վախի ու անթաքույց, ու քանի դեռ Սիսիանում դատախազի տեղակալը նրա սանիկ Հայկ Կարապետյանն է, ինչ փաստեր էլ ներկայացվեն Աղասու դեմ՝ միևնույնն է, շրջանցելու են ջրից միշտ չոր դուրս եկող քաղաքապետին:
ԱԺ ՀԱԿ խմբակցության պատգամավոր Հրանտ Բագրատյանը ֆեյսբուքի իր էջում գրել է.
«Քիչ առաջ ԱՎԾ-ն հրապարակել է 2013թ վիճակագրական տվյալները։ Ըստ այդմ 2013-ի փետրվարին 2012-ի նույն ժամանակի համեմատ արձանագրվել է աճ 8,1%, իսկ եռամսյակում (հունվար-մարտ)’ 8.8%։ Հետաքրքիրն այն է, որ եթե 1 ամիս առաջ 2013-ի փետրվարը 2012-ի փետրվարի համեմատ 6,9% էր, իսկ հունվարը հունվարի նկատմամբ 9,1%, ապա հիմա այդ աճերը աճել են (ճշգրտել են)` 8.8% և 9.4%։
Այսպիսով, Տիգրան Սարգսյանի համար «ապահովվել» է Սերժ Սարգսյանի հրամայած 7%-ի սահմանը։ Արա դե լավ էլի»:
Երևանի ավագանու ընտրություների քարոզարշավի շրջանակներում, անդրադարձ է եղել նաև մի շատ չարչրկված թեմայի՝ մայրաքաղաքի կենտրոնական զբոսայգիներից մեկը՝ կոմայգին, տրանսվեստիտներից մաքրելու հարցին:
Այս խոստումն այսօր տվել է ՕԵԿ քաղաքապետի թեկնածու Արմեն Երիցյանը: Նա Aravot.am-ի հետ զրույցում ասել է, թե քաղաքապետ ընտրվելու դեպքում Կոմայգին մաքրելու է գիշերներն այնտեղ հավաքվող սեռական կողմնորոշումը փոխած տղաներից. «Կարճ լուծում կա դրան: Այգին լուսավորում ենք, տեսախցիկներ ենք տեղադրում և այգում կատարվածը միանգամից online youtube ենք գցում: Չեղավ պահանջարկ, չեն լինի նաև մարմնավաճառներ: Սա առաջին լուծումներից մեկն է: Իսկ լուծում համար երկու, պետք է անպայման խնդրենք` մեր ոստիկաններին ակտիվացնեն ծառայությունը այգում և մեր երևանցիները ոստիկանների հետ միասին շրջեն, որ մեր երեխաները նման բաներ չտեսնեն»:
Դժվար է պատկերացնել, թե ինչպես պետք է լուծվի հարցը, հատկապես, երբ նման սպառնալիքներից, դժվար թե, տրանսները վախենան, նրանք ակնհայտորեն ոչ յութուբում հայտնվելու, ոչ էլ ոստիկաններից վախենալու խնդիր չունեն: Եթե վախենալու հարց է դրված, ավելի շատ նրանց կլիենտները պետք է վախենան:
Այս հարցը տարիներ շարունակ չի հաջողվել լուծել քաղաքային և ոչ մի իշխանության: Շատ ժամանակ չի անցել, երբ քաղաքապետ Գագիկ Բեգլարյանը նույնպես հրապարակավ խոստացավ լուծել հարցը, սակայն այդպես էլ սայլը տեղից չշարժվեց: Իսկ, որ ոստիկանությունը տրանսների հարցում անզոր է, փաստվել է ոչ մեկ անգամ:
Ինչո՞ւ հիմա ոստիկաններն իրենց ծառայությունը չեն ակտիվացնում, և ինչո՞ւ Տարոն Մարգարյանն այդ խնդրին ուշադրություն չի դարձնում, հարցին, նախկին բարձրաստիճան ոստիկան Երիցյանը պատասխանել է. «Չեմ մտածել այդ մասին, որովհետև արտակարգ իրավիճակների նախարար եմ և իմ խնդիրներն ունեմ: Ես առաջարկում եմ` ինչ կարելի է անել հետո»:
ՕԵԿ քաղաքապետի թեկնածուն ասել է, թե՝ «այգում հավաքված միասեռականներն ու տրանսվեստիտներն, այլևս չեն խանգարելու հարակից շենքերի բնակիչների քունը», ինչն այնքան էլ համոզիչ չէ: Չէ որ տարիներ շարունակ, նաև այն ընթացքում, երբ Արմեն Երիցյանը փոխոստիկանապետ էր, կոմայգում տեղի էին ունենում բազմաթիվ միջադեպեր, սակայն տրանսները մինչ այսօր տիրապետում են իրենց «սեփականաշնորհած» տարածքը և օրեցոր բազմանում են մեր օրինաց երկրում:
Ռ. Ավոյան
ՀՀԿ պատգամավոր Կարեն Ավագյանը ֆեյսբուքի իր էջում գրել է.
«Օսկանյանին պատել են change the world իրավիճակները։ Մարդը սկսել է մտածել փոփոխությունների, արդարության, բարձր արժեքների մասին։ Գովելի փաստ է. փոփոխության գիտակցումն արդեն իսկ դրական է հենց Օսկանյանի համար։ Պարզապես կա մի ճշմարտություն, որ ժամանակին արդեն ձևակերպել է Ուինսթոն Չերչիլը։ Մեջբերենք Չերչիլի խոսքերը հատուկ Օսկանյանի համար. «Երբ երիտասարդ էի, ուզում էի բարեփոխել աշխարհը, հասուն տարիքում ցանկանում էի փոխել իմ երկիրը, երբ տարիքս առա, ուզում էի ընտանիքս բարեփոխել, բայց միայն մահվան մահճում հասկացա, որ պիտի փոխեի ինքս ինձ, արդյունքում գուցե փոխվեին իմ ընտանիքը, երկիրն ու աշխարհը»:
Պարոն Օսկանյան, փոփոխությունները սկսեք ինքներդ Ձեզնից, գուցե դրանից հետո աշխարհն ու իրականությունն այլ կերպ երևան Ձեր աչքերին։
Բուն ընտրարշավի պահով. ԲՀԿ-ն շարունակում է խաբել ընտրողներին։ Երևանցին մինչ այժմ չգիտի, թե ձայն տալով ԲՀԿ-ին՝ ով է այս կուսակցությունից դառնալու Երևանի քաղաքապետ։ Այս հարցը բացառապես որոշելու է ԲՀԿ առաջնորդը՝ միանձնյա (թեև ըստ «Երևան քաղաքում տեղական ինքնակառավարման մասին» օրենքի՝ ավագանու համամասնական ցուցակը գլխավորողը մեխանիկորեն դառնում է Երևանի քաղաքապետ)։ Հավանաբար ԲՀԿ-ում էլ համոզված չեն, թե էական արդյունքներ կգրանցեն ընտրություններում, հակառակ դեպքում ավելի կողմնորոշված կլինեին ընտրապայքարում։ Այդ է պատճառը, որ այս կուսակցության համամասնական ցուցակի առաջին երեք հորիզոնականները զբաղեցնող թեկնածուներից յուրաքանչյուրն ընտրարշավում իր խաղն է խաղում»:
Նախագահի նախկին մամուլի քարտուղար Արմեն Արզումանյանը վերադարձել է ստեղծագործական աշխատանքի: Լրագրողները նրա պետական ծառայությունից ընդհանուր առմամբ, համենայնդեպս, լուրջ բողոքներ չեն լսել, ինչը ինձ, որպես 20 տարի առաջ այդ պաշտոնում աշխատած մարդու, հաճելի է արձանագրել: Բայց ես կուզեի անդրադառնալ Արմենի այն մտքին, որը նա երեկ արտահայտել է իր հետագա պլանների` հեռուստատեսության հետ կապված, «ժամանակակից տեխնոլոգիաների զարգացումը և ամենակուլ ինտերնետի տարածումը նոր մարտահրավեր է նետել հեռուստատեսությանը: Եկել է հեռուստատեսության` անխուսափելի քայլ անելու ժամանակը: Մեծ քայլ»: Իսկապես, շատ մարդիկ իմ շրջապատում անկեղծության այս կամ այն աստիճանով հայտարարում են` «Ես հեռուստացույց չեմ նայում»: Մի մասը իրականում նայում է, պարզապես ամաչում է խոստովանել, որ դիտում է միայն սերիալներ և հումոր: Բայց այն, ինչ ես եմ հասկանում հեռուստատեսության տակ, ոչ սերիալ է, ոչ էլ հումոր` դա այն արտադրանքն է, որը ձևավորում է հասարակական-քաղաքական օրակարգը: Եվ այսօր վստահաբար կարելի է ասել, որ հեռուստատեսությունը դա չի անում, դա անում են կայքերը և սոցցանցերը: Վերջիններս են տալիս մտքի, լուրի առաջնային խթանը, իսկ հեռուստատեսությունը կամ տալիս է երկրորդականը, կամ չի տալիս: Պատճառը մասամբ, իհարկե, այն է, որ հեռուստաընկերությունները որոշ չափով վերահսկվում են, իսկ համացանցը` ոչ: Բայց նախ` վերահսկողությունն այնքան վայրագ չէ, որքան, ասենք, 10 տարի առաջ: Երկրորդ` խնդիրը նաև հեռուստատեսության «արտահայտչամիջոցների» պահպանողական լինելու մեջ է: Քանի որ ես աշխատում եմ երկու ոլորտներում էլ, կարող եմ փաստել, որ որպես հեռուստալրագրող` ավելի «դանդաղաշարժ» եմ քան որպես կայքի հեղինակ ու սեփականատեր: Վկան` նախագահի հետ լրագրողների վերջին հանդիպումը: Այդպես չպիտի լինի, և խոսքն այստեղ հեռուստատեսության ոչ այնքան տեխնիկական, որքան հոգեբանական, մասնագիտական վերազինման մասին է: Իրոք որ մեծ քայլ է պահանջվում:Վերջերս իր պաշտոնին հրաժեշտ է տվել ՀՌԱՀ նախագահ Գրիգոր Ամալյանը, որի գլխավոր առաքելությունն էր «Ա1 + »-ը եթեր չթողնելը` եթե նրա անունը երբևէ արծարծվի պատմության մեջ. ապա միայն այդ համատեքստում: Մի 5-7 տարի առաջ այդ իրադարձությունը կարևոր նշանակություն կունենար, քննարկման առարկա կդառնար: Լրատվամիջոցները կսկսեին կանխագուշակել, թե ով է զբաղեցնելու նրա տեղը: Այսօր դա բացարձակապես կարևոր չէ, որովհետև «կապուղի» և «եթեր» հասկացությունները արդեն փոխել են իրենց նախկին նշանակությունը, իսկ 2 տարի հետո մենք դրա տակ լրիվ ուրիշ բան ենք հասկանալու: Այսօր կայքերը այդ թվում` «Ա1 + »-ը և «Առավոտը» համացանցում եթեր են դուրս գալիս առանց արտոնագրերի և կապուղիների, և չեմ կարծում, որ այս կամ այն հաջորդ իշխանությունը այս առումով գնա սահմանափակումների: Եվ այդ գործոնների ազդեցության տակ, ինչ մեղքս թաքցնեմ, իմ չարությունը Ամալյանի նկատմամբ պակասել է:
Առավոտ
Կոտայքի մարզի Պռոշյան գյուղում 300-ից ավելի բնակիչները հավաքվել են գյուղապետարանի առջև և իրենց բողոքն են հայտնում՝ կապված ապրիլի 2-ին Պռոշյանի գյուղապետ Հրաչ Մուրադյանի սպանության փաստով ձերբակալված նույն գյուղի բնակիչներ, եղբայրներ Արայիկ և Արտակ Պետրոսյանների կալանավորման փաստով:
Նրանք շարժվել են դեպի Աշտարակ-Երևան մայրուղին և սպառնացել են փակել ճանապարհը:
Լարված իրավիճակը մեղմել է եղբայրների փաստաբան Գիվի Հովհաննիսյանը, որը գյուղացիներին տեղեկացրել է, որ այսօր վերաքննիչ դատարանը քննելու է իր միջնորդությունը՝ կապված եղբայրների՝ որպես խափանման միջոց կալանավորումը փոխելու հարցը:
Երկու շաբաթ առաջ, մասնավոր մի առիթով, զանգահարել էի Ներսես Նազարյանին: Այդ օրն ոչինչ չէր հուշում նրա՝ Երևանի ոստիկանապետի մոտալուտ պաշտոնանկության մասին. ոչ ինքնավստահ ձայնը, ոչ էլ՝ տրամադրությունը:
Նազարյանն օրեր առաջ աշխատանքից ազատվել է անակնկալ: Այլապես՝ առաջինն այդ մասին չէր իմանա լրագրողից և անհեթեթություն չէր որակի մեր գործընկերոջ հայտնած լուրը:
Ներսիկ Նազարյանը ոստիկանության աստիճանակարգում պատահական մարդ չէր, հետևաբար՝ նրա ազատումն ինչ-որ բանի վերջ է և ինչ-որ նոր բանի սկիզբ:
Ինչո՞ւ աշխատանքից ազատեցին գեներալին. այսօր Երևանում այս հարցը հետաքրքրում էր բոլորին՝ հասարակ տաքսիստից սկսած՝ մինչև քաղաքական գործիչն ու լրագրողը:
Ինձ միշտ զարմացրել է հակառակ հարցը՝ այդ ինպե՞ս է մինչև հիմա պաշտոնավարում Ներսիկ Նազարյանը: Առնվազն մի քանի պատճառով՝ նա վաղուց պետք է հրաժեշտ տված լիներ իր պաշտոնին:
Հայաստանի նախկին և ներկա նախագահներ Ռոբերտ Քոչարյանը և Սերժ Սարգսյանը հանրապետության ոստիկանապետի պաշտոնում գերադասելի են համարել թույլ պետերի ներկայությունը: Ներսիկ Նազարյանը լուրջ հակասություններ է ունեցել իր նախկին երկու վերադասների հետ, բայց դրանից նրա դիրքերը չեն սասանվել, ազդեցությունը չի պակասել: Ընդունված էր համարել, որ նա համակարգի ղեկավար է համակարգի ներսում: Ոստիկանության գործող պետը՝ Վլադիմիր Գասպարյանն ուժեղ պետ է և այս վիճակը չհանդուրժեց: Գասպարյանը փորձում է առավելագույն վերահսկողության տակ պահել համակարգը, իսկ այդ վիճակն անհամատեղելի էր Ներսիկի ինքնուրույնության հետ: Սա թերևս Նազարյանի պաշտոնանկության առաջին վարկածն է:
Երկրորդ. ոստկանությունում սկսվել էին բարեփոխումներ, որոնց պարագայում՝ չէր նայվում դեսպոտիզմի հետ ասոցացվող Նազարյանն այդքան պատասխանատու պաշտոնում:
Երրորդ. Ներսիկ Նազարյանը քավոր-սանիկական հարաբերություններ ունի ԱԺ նախկին մականունավոր պատգամավոր Ռուբեն Հայրապետյանի հետ, տալիս-առնում էր քրեական հարուստ անցյալ ունեցող մեկ այլ նախկին պատգամավոր Լևոն Սարգսյանի(Ալրաղացի Լյովիկ) հետ: Մի խոսքով՝ Նազարյանն ոստիկանությունում ներկայացնում էր, այսպես կոչված, քրեաօլիգարխիկ շերտերին: Սերժ Սարգյանը, գոնե հրապարակավ, փորձում է հրաժարվել նման կադրերից:
Չորրորդ. Ներսիկի պաշտոնանկությունը կարող է կապված լինել մամուլում օրերս տեղ գտած մի հրապարակման հետ, ըստ որի՝ ոստիկանության բարձրաստիճան սպաների հովանավորությամբ գործել է ֆինանսական մի բուրգ, որը տարբեր մարդկանցից կորզել է մոտ 2,5 միլիոն դոլար: Եթե Երևանի նախկին ոստիկանապետի անունն այս գործի հետ կապ ունի, այս պատմությունը, հազիվ թե, ավարտվի միայն պաշտոնանկությամբ:
Հինգերորդ. Երևանի ոստիկանապետի պաշտոնազրկությունը, ինչքան էլ տարօրինակ է, կարող է կապված լինել «Կարֆուրի» գործի հետ: Հայտնի է, որ հենց Նազարյանի ընտանիքին է պատկանում «Մոսկվիչկա» խանութների ցանցը: Հնարավոր է՝ Նազարյանը նույնպես խոչընդոտել է հայաստանյան շուկա «Կարֆուրի» մուտքին: Հայաստանի իշխանությունը՝ միջազգաին ճնշման ներքո, փորձում է վերացնել այն խոչընդոտները, որոնք կան մեծածախ առևտրի համաշխարհային գիգանտներից մեկի հայաստանյան գործունեության ճանապարհին: Ըստ այդմ, «խոչընդոտներից» մեկը զրկվեց պետական, վարչական ռեսուրսից:
Եվ վերջապես, ասում են, որ Վլադիմիր Գասպարյանը և Ներսիկ Նազարյանը լուրջ վեճ են ունեցել ապրիլի 9-ին: Նազարյանը կողմ է եղել ցուցարներին բռնի ուժով ցրելուն, Գասպարյանը դրան ընդդիմացել է: Եթե այս ինֆորմացիան ճիշտ է, ապա կարող ենք արձանագրել, որ դա նրանց վերջին վեճն էր, համենայն դեպս՝ համակարգի ներսում:
Վլադիմիր Գասպարյանն ոստիկանության ներսում հասել է այնպիսի ազդեցության, ինչպիսին ժամանակին ուներ Վանոն:
Վանոն Հայաստանը մաքրեց «օրենքով գողերից», հանցաշխարհի ներկայացուցիչներից:
Ասում են, որ Վովան նույնն անելու է օլիգարխների, նրանց հետ սերտաճած կրիմինալի հետ:
Կապրենք՝ կտեսնենք:
Սուրեն Սուրենյանց
Սերժ Սարգսյանի նախկին մամլո խոսնակ Արմեն Արզումանյանը Ֆեյսբուքի իր էջում գրել է.
«Երեք տարի առաջ, երբ նշանակվեցի Նախագահի մամուլի քարտուղար, ինձ փորձառու մասնագետ էի համարում: Կատակ բան չէ, շուտով կլրանա քառասունամյակս, որից 26-ը լրագրության մեջ, կամ ավելի ճիշտ լրագրողների կողքին եմ եղել: 10 տարուց ավելի աշխատելով հանրային հեռուստատեսությունում՝ հնարավորություն եմ ունեցել հետևելու խոսքի ազատության սպարեզում մեր ունեցած բոլոր ձեռքբերումներին ու տապալուներին: Շփվել եմ բոլոր կամ գրեթե բոլոր հայտնիների հետ: Ու կարող էր թվալ, թե ամեն ինչ գիտես բոլորի մասին: Բայց լրագրությունը չէր լինի աշխարհի ամենահետաքրքիր մասնագիտությունը, եթե այնտեղ ամեն ինչ այդքան պարզ լիներ…
Երեք տարի անց կարող եմ արձանագրել, որ սրանք իմ կյանքի ամենահետաքրքիր ու պատասխանատու տարիներն էին: Նախագահ Սարգսյանը բացառիկ պետական գործիչ է: Նրա քայլերի արդյունքների ճնշող մեծամասնությունը կերևան միայն ապագայում: Դրանում է նրա բացառիկությունը. այսօրը կարևոր է, իսկ ապագան՝ կենսական: Ափսոս իհարկե, որ նախագահական առաջին ժամկետը Սերժ Սարգսյանն ստիպված եղավ ծախսել տնտեսական ճգնաժամի դեմ պայքարելով…
Ես հպարտ եմ, որ պատիվ եմ ունեցել լինել այդքան տաղանդավոր, կրթված ու հայրենասեր մարդկանցից կազմված թիմի մի մասնիկը: Հսկայական փորձ ու գիտելիք եմ ձեռք բերել այս երեք տարիների ընթացքում ու դրանում մեծ է նաև գործընկերներիս դերը: Եթե չտեսնեի, երբեք չէի հավատա, որ զոռբաների այս ժամանակներում, այսքան համեստ են Նախագահի օգնականները:
Այս տարիների ընթացքում Նախագահ Սարգսյանի ու նրա թիմի ամենամեծ ձեռքբերումներից մեկը խոսքի ազատության ամրապնդման, ԶԼՄ-ների և լրագրողների հետ հարաբերություններում տեղի ունեցած հեղափոխական առաջնթացն է: Վստահ եմ, որ այլևս երբեք Հայաստանում չի կարող հետադարձ լինել, չի կարող որևէ իրադարձության լուսաբանման «չի կարելի» լինել: Մեր երկրում այլևս որևէ իշխանության մտքով չի անցնի, որ հնարավոր է ինչ-որ բան թաքցնել: Սա ամենակարևորն է: Ուրախ եմ, որ համեստ մասանկցություն եմ ունեցել այս կարևորագույն գործում: Լավ է, երբ զավակներիդ առաջ գլուխ գովելու թեմա ունես:
Ես չեմ կարող ինձ պատկերացնել առանց հեռուստատեսության: Ժամանակակից տեխնոլոգիաների զարգացումը և ամենակուլ ինտերնետի տարածումը նոր մարտահրավեր է նետել հեռուստատեսությանը: Եկել է հեռուստատեսության՝ անխուսափելի քայլ անելու ժամանակը: Մեծ քայլ: Այսօրվանից ես միանում եմ նման նպատակադրումներով պրոֆեսիոնալների խմբին: Ինձ ոգևորում են նոր դժվարություններն ու խնդիրները, ես հավատում եմ նոր ձեռքբերումների բերած գոհունակությանը: Շնորհակալ եմ»։
Լրագրող Կարմեն Դավթյանը ֆեյսբուքի իր էջում գրել է.
«Եվ այսպես թանկագիններ. Հովիկ Արագամիչը հենց այն օրվա նախօրյակին, երբ պետք է հնչեր նոր վարչապետի անունը, կարծում ենք` նաև` ազգանունը, դուրս եկավ տանից… ոմանք հույս ունեն, որ գուցե և վերադառնա:
Նազուկն է մեր Արգամիչի սրտիկը, շատ նազուկը. եթե արձակուրդվում է, ուրեմն` մարդն անհուսորեն հավատացել է, մինչև վերջին վայրկյանը, որ այդ Խաչիկյանը ինքն է գուցե և լինլու:
Ինքը չէր:
Իրականում կարող է և ինքն էր: Մույս Խաչիկյանը, որն արձանագրել է Տրանսփերնս ինթերնեշնալը, բայց մենք սովոր չենք մտնել մատի ու մատանու արանքը, մանավանդ որ արդեն սիրում ենք մեր ոստիկանությանը, որովհետև նա զբաղված է ոչ թե ոչխարների գողությամբ զբաղվողներով, այլ` գառներին փրկելով:
Հ.Գ. Թանկագին իմ ընկերներ. պրիվատ նամակներ մի գրեք ինձ , թե Արգամիչն իմ դարդից գնաց էս երկրից: Արձակուրդ: Իմ սիրտն էլ նազուկ. նեղվում եմ, որովհետև սիրում եմ… ոստիկաններին:ճճճ»:
-
-
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել -
03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան -
03.05.2024 | 01:10
Հայաստանի հետ բարեկամությունը լավ, բայց դատարկ երազանք է․ Թուրք վերլուծաբան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.