04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...ՀՀ հատուկ քննչական ծառայության վարույթ է ընդունվել ՀՀ ոստիկանության Արարատի քննչական բաժանմունքում` ՀՀ քրեական օրենսգրքի 242-րդ հոդվածի 2-րդ մասի հատկանիշներով հարուցված քրեական գործը:
Նախաքննությամբ պարզվել է, որ 2014թ. հունիսի 13-ին` ժամը 19.55-ի սահմաններում, ՀՀ ոստիկանության Արտաշատի բաժնի քրեական հետախուզության բաժանմունքի օպերլիազորը իր վարած ավտոմեքենայով վրաերթի է ենթարկել անչափահաս բնակչուհուն` անզգուշությամբ մահ պատճառելով վերջինիս:
Կատարվում է նախաքննություն:
Հայաստանի Հանրապետության վարչապետ Հովիկ Աբրահամյանի որոշմամբ Գրիգոր Մուրադյանն ազատվել է Հայաստանի Հանրապետության արդարադատության նախարարի առաջին տեղակալի պաշտոնից՝ իր դիմումի համաձայն: ՀՀ վարչապետի մեկ այլ որոշմամբ Արսեն Մկրտչյանը նշանակվել է Հայաստանի Հանրապետության արդարադատության նախարարի առաջին տեղակալ՝ ազատվելով Հայաստանի Հանրապետության արդարադատության նախարարի տեղակալի պաշտոնից։
***
Արսեն Մկրտչյան
Տարեթիվ, ամսաթիվ, ծննդավայր
1973 թ., 9 հոկտեմբերի, ք. Երևան
Կրթություն
1990 – 1996 թթ. — Երևանի «Գլաձոր» կառավարման համալսարան, իրավագիտության ֆակուլտետ, իրավաբան-միջազգայնագետի որակավորում
Աշխատանքային գործունեություն
1990 – 1993 թթ. – Օպերայի և բալետի ակադեմիական թատրոն՝ համակարգչի օպերատոր
1994 – 1998 թթ. — Օպերայի և բալետի ակադեմիական թատրոն՝ համակարգչի օպերատոր
1997 – 1999 թթ. — «Թելմել» կոոպերատիվի նախագահի տեղակալ
1999 – 2000 թթ. – Հայսպառմիության Երևանի Իրավատնտեսագիտական և կառավարման քոլեջի տնօրենի օգնական, քաղաքացիական և ընտանեկան իրավունքի դասախոս
2000 – 2001 թթ. – Հայաստանի Հանրապետության տնտեսական գործերով վերաքննիչ դատարանի գրասենյակի պետ
2001 – 2003 թթ. — Հայաստանի Հանրապետության տնտեսական դատարանի գրասենյակի պետ, աշխատակազմի ղեկավարի պաշտոնակատար
2003 – 2005 թթ. — Հայաստանի Հանրապետության տնտեսական դատարանի աշխատակազմի ղեկավար
2005 թ. — Հայաստանի Հանրապետության վճռաբեկ դատարանի աշխատակազմի ղեկավար
2005 – 2006 թթ. — Հայաստանի Հանրապետության վճռաբեկ դատարանի աշխատակազմի ղեկավարի տեղակալ, Հայաստանի Հանրապետության դատարանների նախագահների խորհրդի քարտուղար
2006 թ. — Հայաստանի Հանրապետության վճռաբեկ դատարանի աշխատակազմի ղեկավարի տեղակալ, Հայաստանի Հանրապետության դատարանների նախագահների խորհրդի և արդարադատության խորհրդի քարտուղար
2006 – 2007 թթ. – Հայաստանի Հանրապետության վճռաբեկ դատարանի նախագահի խորհրդական
2007 – 2008 թթ. – Հայաստանի Հանրապետության դատական դեպարտամենտի ղեկավար
2008-2014 թթ. – Հայաստանի Հանրապետության վերաքննիչ քաղաքացիական դատարանի դատավոր
2014 թ. մայիս-հունիս — ՀՀ արդարադատության նախարարի տեղակալ
2014 թ. հունիսի 26-ից՝ ՀՀ արդարադատության նախարարի առաջին տեղակալ
Այլ տվյալներ
Զինապարտ է, պահեստազորի շարքային: Տիրապետում է ռուսերենի, անգլերենի:
Կուսակցական պատկանելություն
Անկուսակցական
Անձնական տվյալներ
Ամուսնացած է, ունի երկու դուստր
Հունիսի 20-ին Արարատի զորամասերից մեկում հրազենային վիրավորում ստանալու արդյունքում մահացած զինծառայող Գրիշա Խաչատրյանի գործի շրջանակներում ձերբակալված նույն զորամասի պայմանագրային զինծառայող, սերժանտ Վարդան Առաքելի Կիրակոսյանը կալանավորվել է:
ՀՀ ՊՆ քննչական ծառայության ավագ սպա Մերի Սարգսյանի տեղեկացմամբ, դատարանը բավարարել է Վարդան Կիրակոսյանի նկատմամբ կալանքը որպես խափանման միջոց ընտրելու՝ նախաքննական մարմնի միջնորդությունը:
Հիշեցնենք, որ 2014թ.հունիսի 20-ին` ժամը 10:35-ի սահմաններում, N զորամասի մարտական հենակետում, գլխի շրջանում մահացու հրազենային գնդակային վնասվածքներով հայտնաբերվել է ժամկետային զինծառայող, շարքային Գրիշա Մուրադի Խաչատրյանը:
Դեպքի առթիվ ՀՀ ՊՆ քննչական ծառայությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին (սպանություն) մասի հատկանիշներով:
Այսօր ՎԱՐԿԱԾ ակումբում ՀՀ ոստիկանության Կազմակերպված հանցավորության դեմ պայքարի գլխավոր վարչության, թմրամիջոցների ապօրինի շրջանառության դեմ պայքարի վարչության առաջին բաժնի պետի տեղակալ Տիգրան Սահակյանը, թմրամիջոցների դեմ պայքարի միջազգային օրվա կապակցությամբ, ամփոփեց թմրամիջոցների ապօրինի շրջանառության 5 ամսվա տվյալները:
Նրա տեղեկացմամբ, հանրապետությունում տարեսկզբից մինչ այսօր իրավապահների կողմից հայտնաբերվել է թմրամիջոցների, հոգեմետ նյութերի և դրանց պռոկուսորների շրջանառության 443 դեպք, որոնցից 244-ը վերաբերում է թմրամիջոցների ապօրինի իրացմանը, իսկ 199-ը՝ հոգեմետ նյութերի, թմրանյութերի շրջանառությանը՝ առանց դրանց իրացնելու նպատակի:
«Նշված գործերով քրեական պատասխանատվության է ենթարկվել 166 անձ, որոնցից 5-ն օտարերկյա քաղաքացիներ են»,-տեղեկացրեց Տիգրան Սահակյանը:
«Հայկական Վարկած»-ի այն հարցին, թե նշված անձանց մեջ կան արդյո՞ք անչափահասներ, ոստիկանության ներկայացուցիչը պատասխանեց. «Բարեբախտաբար, անչափահասների շրջանում շատ ցածր է թիվը, 10 անձից չի գերազանցել»:
Տիգրան Սահակյանի փոխանցմամբ, 2014 թվականի հինգ ամիսների ընթացքում առգրավվել են 859 կգ. 527 գրամ տարբեր տեսակի թմրամիջոցներ: Ամենաշատը հայտնաբերվել է հերոին տեսակի թմրամիջոց՝ 850 կգ 191 գրամ, այնուհետև՝ կոկային տեսակի թմրամիջոց 3կգ. 964 գրամ, մարիխուանա- 3կգ 260 գրամ, կանեփի թուփ- 1կգ 413 գրամ, սուբուտեքս տեսակի դեղահաբ-1999 հատ, ափիոն-95.8 գրամ, ամֆետամին-22.34 գրամ, կակաչի ծղոտ-17.2 գրամ, դեզոմորֆին-10 գրամ, մետամֆետամին- 9.5 գրամ, կոդեին-8.6 գրամ, հաշիշ-5.07 գրամ, մետադոն-2.8 գրամ, հաշիշի յուղ-0.73 գրամ և տարբեր հոգեմետ դեղեր-213 հատ:
«Հինգ ամիսների ընթացքում թրմամիջոցի ներմուծման 11 դեպք է գրանցվել: Հիմնականում՝ Եվրոպայից՝ մասնավորապես Ֆրանսիայից ներկրվում է սուբուտեքս տեսակի դեղահաբ, որն օգտագործվում է ալկոհոլի բուժման նպատակով, մեր հանրապետությունում դա արգելված է, այդ իսկ պատճառով էժան գներով առնում են, ուղարկում ՀՀ, ինչպես նաև ափիոն, ամֆետամին ու մետամֆետամին ներկրվում է Իրանից, Թուրքիայից՝ հերոին, Դոմինիկյան հանրապետությունից՝ կոկաին, ներկրումը նաև տրանզիտ ձևով է իրականացվում, օրինակ՝ անցած տարի ԻԻՀ քաղաքացին ծանրոց էր բերել Հայաստան և ուզում էր փոստի միջոցով ուղարկել Կանադա»,-նշեց բանախոսը:
Ոստիկանությունը մեծ ուշադրություն է դարձնում նաև մետադոնային բուժման ծրագրում ընդգրկված անձանց նկատմամբ:
Տիգրան Սահակյանը տեղեկացրեց, որ Նարկոլոգիական կլինիկայում հաշվառված են 264 անձ՝ 230 Երևանում, 22-ը՝ Վանաձորում, 12-ը՝ Գյումրիում, նախատեսվում է նաև բուժման ծրագիր բացել նաև Սյունիքում:
Այն հարցին, թե ինչ եղավ վերջերս հայտնաբերված մեծ քանակությամբ հերոինը, և ճի՞շտ է, որ դրա կեսը հերոին չի եղել, ոստիկանության ներկայացուցիչը հավաստիացրեց. «Նման բան չկա, դա ապատեղեկատվություն է: Իսկ ինչ վերաբերում է, թե ինչ է եղել առգրավված հերոինը, ասեմ, որ կարգն այսպես է. առգրավում են, նախաքննության ավարտից հետո, դատարանի որոշումից հետո, ոնչնացվում է. իսկ այդ գործը դեռ գտնվում է նախաքննության փուլում»:
Անդրադառնալով մարզերի վիճակագրությանը, բանախոսը հայտնեց, որ ամենաքիչ թմրամիջոց հայտնաբերվել է Վայոց ձորում, Տավուշում, իսկ ամենաշատը՝ Երևանում, ինչպես նաև Գյումրիում, Վանաձորում, Արտաշատում և Արմավիրում:
ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանի հրամաններով՝ ՀՀ ԱՆ ԴԱՀԿ ապահովող ծառայությունում տեղի են ունեցել կադրային փոփոխություններ:
Ինչպես հայտնում են ԴԱՀԿ մամուլի ծառայությունից, անձնակազմի կառավարման բաժնի պետ, արդարադատության գնդապետ Գագիկ Ասատրյանն ազատվել է զբաղեցրած պաշտոնից, վերջինիս պաշտոնում նշանակվել է ՀՀ գլխավոր հարկադիր կատարողի անձնակազմի կառավարման գծով օգնական, արդարադատության գնդապետ Լիաննա Սիմոնյանը:
Միհրան Պողոսյանի մեկ այլ հրամանով՝ Գագիկ Ասատրյանը նշանակվել է ՀՀ գլխավոր հարկադիր կատարողի խորհրդական:
ՀՀԿ-ական պատգամավոր Վահրամ Մկրտչյանը երեկ կրկին չներկայացավ Շենգավիթի ընդհանուր իրավասության դատարան, քանի որ պատրաստվում էր երեկոյան մասնակցել կնունքի: Դատարանը լսում էր ՊԵԿ օպերատիվ հետախուզության վարչության նախկին աշխատակից, առանձնապես խոշոր չափերի խարդախության մեջ մեղադրվող Արտակ Ղուկասյանի գործը, իսկ Վահրամ Մկրտչյանն այս գործով անցնում է որպես տուժող: Ըստ գործի նյութերի, նա տարադրամի փոխանակման կետերի և գրավատների բիզնես ունեցող Ղուկասյանին 80 մլն դրամ է տվել: Իսկ ըստ Ղուկասյանի հարազատների, նա 2012 թվականի մայիսի 11-ին ՊԵԿ օպերատիվ հետախուզության վարչության պետ Արման Սարգսյանի հետ կազմակերպել է Արտակ Ղուկասյանի առևանգումը, ծեծել, ստիպել են նրան 3 մլն դոլարի պարտք վերցնել իր վրա, ապա նրա ստորագրությունը պարտքի տակ ստանալով, խլել են Արտակի բիզնեսը: Պատգամավորը հերքում է այս մեղադրանքները: Ամեն ինչ կարող է պարզվել դատարանում, սակայն Վահրամ Մկրտչյանը խուսափում է դատարան գալ: Իսկ նրան բերման ենթարկել, առանց ԱԺ թույլտվության, չի կարելի, քանի որ նա օգտվում է պատգամավորական անձեռնմխելիության իրավունքից:
Դատարանին այլ բան չի մնում, քան հարցաքննել գործով մյուս տուժողներին՝ քաղաքացիների, որոնք գումարներ են տվել Արտակ Ղուկասյանին: 6 մարդ արդեն հարցաքննվել է: Ըստ Ղուկասյանի հարազատների, նրան շատերն էին տոկոսով գումարներ տվել, որոնք գործի մեջ դնելով՝ Արտակը կանոնավոր կերպով վճարում էր տոկոսները: Բայց Արտակին առևանգեցին, ստիպեցին հրաժարվել բիզնեսից, ունեզրկեցին, և պարտատերերը դարձան տուժողներ: Երեկ վկայություններ տվեցին նրանցից երկուսը՝ ՊԵԿ օպերատիվ վարչության աշխատակից, դասախոս Աշոտ Բագրատունին, որը, ըստ գործի նյութերի, 20 հազար դոլար էր տվել ամբաստանյալին, և մեքենաների բիզնեսով զբաղվող Հայկ Ասատրյանը, որն Արտակ Ղուկասյանին տվել է 150 հազար դոլար: Վերջինս ևս կապված է «մաքսայինի» շրջապատի հետ: Տպավորություն է, որ ՊԵԿ օպերատիվ վարչությունը վաշխառուական կազմակերպություն է, որի աշխատողները, թողած բուն աշխատանքը, ապօրինի եկամուտներ ստանալով են զբաղված: Իհարկե, տուժողները ժխտում էին, որ գումարներն Արտակին տոկոսով են տվել: Նրանք երկուսն էլ խոստովանեցին, որ մինչև մարտ-ապրիլ ամիսները, այսինքն, մինչև առևանգումը, Ղուկասյանից կանոնավոր կերպով գումարներ են ստացել պարտքի դիմաց: Ի՞նչ եղավ Արտակի բիզնեսի հետ հետո: Այս հարցին նրանք չէին պատասխանում, ասելով՝ փորձանք եկավ գլխին: Պատասխանելով ամբաստանյալի հարցին, թե արդյո՞ք ինքը հափշտակության նպատակ է ունեցել, նրանք երկուսն էլ ասացին՝ ոչ: Վստահ էին, որ եթե «փորձանքը» չլիներ, նա կշարունակեր իրենց փող տալ: Առևանգման և ծեծի փաստերը նրանք չէին հաստատում, թեև, ըստ Ղուկասյանի փաստաբան Հակոբ Ճարոյանի, երկուսն էլ տեսել են Արտակ Ղուկասյանին ծեծված վիճակում: Թե ինչ պայմաններով են գումար տվել Արտակ Ղուկասյանին, վկաները չէին պարզաբանում: Աշոտ Բագրատունին ասաց, որ չի էլ իմացել, որ Արտակ Ղուկասյանը «չենջեր» և գրավատներ ունի:
Իսկ Հայկ Ասատրյանը վստահեցնում էր, որ 150 հազար դոլարը փոխառության պայմանագրով է տվել Արտակին, սակայն չի էլ հաշվել, թե որքան գումար է վերջինս իրեն հետ տալիս: Ստացվում է, որ գումարները նրանք տվել են անշահախնդիր, մարդասիրությունից դրդված, առանց եկամտի ակնկալիքի: «Սուտ են ասում, բոլորն էլ տոկոսով էին տալիս, ես ինքս եմ բաժանել տոկոսները»,- վստահեցնում էր Արտակ Ղուկասյանի հայրը, իսկ քույրը՝ Լիլիթ Ղուկասյանը, պատմեց, որ պատգամավոր Վահրամ Մկրտչյանը 2004 թվականից է տոկոսով փող տվել Արտակին. «Եղբայրս նախ 5 տոկոս էր նրան վճարում ամեն ամիս, հետագայում տեսնելով, որ տուժում է, Վահրամին առաջարկեց վերադարձնել նրա գումարն ամբողջությամբ: Վահրամ Մկրտչյանը չի համաձայնել գումարը հետ վերցնել և իջեցրել է տոկոսները, դարձնելով 3 տոկոս»: Երեկ փորձեցինք զանգահարել պատգամավորին և ճշտել, թե ինչու նա չի ներկայանում դատարան և ինչու չի ցանկանում պատասխանել այսչափ կոշտ մեղադրանքներին: «Ես հիմա կնունքի եմ: Եկեք կնունքից հետո խոսենք»,- պատասխանեց Վահրամ Մկրտչյանը, և որպեսզի հավատանք, որ ինքը կնունքի է, առաջարկեց բարձրացնել երաժշտությունը: ՀՀԿ-ական Վահրամ Մկրտչյանը, որը խորհրդարան է եկել էկոնոմիկայի նախարար նշանակված Կարեն Ճշմարիտյանի մանդատով, համարվում է ամենալուռ, ոչնչի չխառնվող, ելույթ չունեցող պատգամավորներից: Մինչդեռ նրա հարստության մասին լեգենդներ են պտտվում: Միայն հայտարարագրված տվյալներով, նա 80 մլն ՀՀ դրամ, 180 հազար ԱՄՆ դոլար և 30 հազար եվրո ունի: Եղել է անշարժ գույքի կառավարման վարչության պետ, «Երևան ՋԷԿ»-ի Մաշտոց մասնաճյուղի տնօրեն, իսկ 2007թ.-ից Բարսեղ Բեգլարյանի «Բարեպաշտ սերունդ» հիմնադրամի տնօրենն է:
Սյուզան ՍԻՄՈՆՅԱՆ
Hraparak.am
Քաղաքացի Գրետա Վ.-ի բաց նամակի հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 322-րդ հոդվածի 1-ին մասի հատկանիշներով հարուցվել է քրեական գործ:
Քաղաքացի Գրետա Վ.-ն բաց նամակում հայտնել է, որ իր հարևանները, որոնց թվում են նաև պետական հատուկ ծառայություն իրականացնող անձինք, ապօրինաբար զավթել են սեփականության իրավունքով իրեն պատկանող հողատարածքը, փոխել մուտքի դարպասը, քանդել հողամասի բաժանարար պատը և իրեն արգելել են մուտք գործել տարածք:
ՀՔԾ լրատվական ծառայությունից հայտնում են, որ կատարվում է նախաքննություն:
Հայաստանի Հանրապետության Ազգային անվտանգության ծառայության կողմից ձեռնարկված օպերատիվ-հետախուզական միջոցառումների արդյունքում 2013 թվականին բացահայտվել էր ադրբեջանական հատուկ ծառայությունների պարզ և պրիմիտիվ գործելաոճը, որը, այլընտրանք չունենալու պատճառով, վերջիններս որդեգրել էին օգտագործելով ինտերնետային սոցցանցերի հնարավորությունները: Այդ կապակցությամբ զանգվածային լրատվամիջոցներում տեղեկատվություն էր հրապարակվել ինտերնետային սոցիալական ցանցերում, հիմնականում` «Օդնոկլասսնիկի» կայքում ԱՀ հատուկ ծառայությունների կողմից օգտագործվող ՙSeyran Dervishyan՚ ՙS Dr՚ և ՙTigran Dervishyan՚ կեղծանուններով հանդես եկող անձանց մասին, որոնք առասպելավորված շփումներ էին հաստատում Հայաստանի ու Լեռնային Ղարաբաղի Զինված Ուժերի նախկին ու ներկայիս զինծառայողների հետ և փորձեր էին ձեռնարկում նրանցից կորզել ռազմական բնույթի հետախուզական տվյալներ:
Վերոհիշյալ տեղեկատվությունը լայն տարածում է ստացել ազգաբնակչության, հատկապես «Օդնոկլասսնիկի» սոցիալական ցանցից օգտվող երիտասարդների շրջանում, որի արդյունքում Հայաստանի և Լեռնային Ղարաբաղի բազմաթիվ քաղաքացիներ, սեփական նախաձեռնությամբ, անմիջապես սկսել են դիմել ԱԱԾ մարմիններ ու հայտնել տվյալներ իրենց հետ «Օդնոկլասսնիկի» սոցցանցում կապ հաստատած կասկածելի անձանց մասին: Այդ կերպով ԱԱԾ մարմինների տեսադաշտում են հայտնվել նաև ադրբեջանական հատուկ ծառայությունների կողմից «Օդնոկլասսնիկի» սոցիալական ցանցում գործադրված ՙSeyran Derv՚, ՙS.S.՚, ՙSamvel Samvel՚, ՙԱ Ս՚, ՙАртем Арутюнов՚, ՙAlbert Mnacakanyan՚, ՙA M՚, ՙRuben Hayrapetyan՚, ՙ(((((((RH)))))))՚, ՙGevorg Saroyan՚, ՙAlik Mesropyan՚, ՙSergey Karapetyan՚ ու մի շարք այլ կեղծանուններով գրանցված անձնական էջեր, որոնց քողի ներքո հանդես են եկել ադրբեջանցի ՙհզոր հետախույզներ՚: Չհրաժարվելով արդեն իսկ «հնություն դարձած» ործելաոճից, ադրբեջանական հատուկ ծառայությունները նույնիսկ գլխի չեն ընկել փոփոխելու մեր քաղաքացիների հետ շփումների մեջ մտնելու համար նախատեսված առասպելները, ու գրեթե բոլոր դեպքերում շարունակել են ներկայանալ որպես Վրաստանում, Ստամբուլում կամ էլ Ռուսաստանում կահույքի աքսեսուարների, տնտեսական ապրանքների առևտրով զբաղվող կամ էլ սփյուռքահայ կազմակերպությունների հետ առնչություն ունեցող հայեր, որոնք նախկինում իբրև ծառայություն են անցել այս կամ այն հայկական զորամասերում:
Հայաստանի և Լեռնային Ղարաբաղի հայրենասեր քաղաքացիների մասնակցությամբ, «Օդնոկլասսնիկի» սոցցանցում ներդրված ադրբեջանական հետախույզների մշակման արդյունքում, ՀՀ ԱԱԾ մարմինները նրանց են մատուցել մեծածավալ ապատեղեկատվական նյութեր, որոնց հիման վրա, «ուրախությունից գլուխները կորցրած», ադրբեջանական հատուկ ծառայությունները զեկուցում են հետախուզության ոլորտում իբր ունեցած հաջողությունների մասին, այն ինչ իրականում մոլորեցնում են իրենց երկրի ղեկավարությանը, որոնք իրենց հերթին պարբերաբար հանդես են գալիս անհիմն մարտատենչ հայտարարություններով:
Հայաստանի Հանրապետության Ազգային անվտանգության ծառայությունը իր երախտագիտությունն է հայտնում հայրենասիրական դրսևորումներ ցուցաբերած մեր քաղաքացիներին և հերթական անգամ կոչ է անում զերծ մնալ սոցիալական ցանցերում պատահական շփումներից, իսկ կասկածելի անձանց հայտնաբերման դեպքում դիմել ՀՀ ԱԱԾ:
ՀՀ ԱԱԾ Մամուլի կենտրոն
Հունիսի 23-ին, ժամը 00.25-ին, հիվանդանոցից ոստիկանության Սևանի բաժնում ահազանգ էր ստացվել, որ որովայնի ձախ կեսի կտրված արյունահոսող թափանցող վերքով բուժօգնության է դիմել 1992 թ. ծնված Տիգրան Ն.-ն, որը հիվանդանոցում հայտարարել է, որ իրեն դանակահարել են:
Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ հունիսի 22-ին, ժամը 22.30-ի սահմաններում, «Սևանի հիվանդանոց» ՊՓԲԸ-ի մերձակա լճափնյա տարածքում` փայտյա տնակի մոտ, Տիգրան Ն.-ին խոհանոցային դանակով դիտավորությամբ մարմնական վնասվածք է հասցրել 1993 թ. ծնված Մխիթար Ն.-ն:
Մխիթար Ն.-ն ձերբակալված է:
Ոստիկանության լրատվական ծառայությունից հայտնում են, որ կատարվում է նախաքննություն:
Հանցագործ աշխարհում հայտնի Վստրեչի Ապերին՝ Արամ Վարդանյանին անցյալ ուրբաթ բերման ենթարկելը ժամանակի առումով համընկավ գողականների դեմ ոստիկանական ռեյդերի հետ, որի ընթացքում խուզարկություններ էին արվել, ապա քրեական հեղինակություններին բերման ենթարկել: Արամ Վարդանյանին բերման ենթարկելը, սակայն, կապ չունի ոստիկանության գործողությունների հետ: Նրան տարել են ԱԱԾ, մի քանի ժամ պահել եւ բաց են թողել: Տեղեկացված աղբյուրը հայտնում է, որ Վստրեչի Ապերին հարցեր են տվել մեկ այլ քրեական հեղինակության՝ Թեւոսիկի եղբոր՝ Արթուր Սաֆարյանի սպանության վերաբերյալ: Այս գործով քննությունը, որով նախկինում զբաղվում էր ոստիկանության Երեւան քաղաքի վարչությունը, իսկ ապրիլից տեղափոխվել է ԱԱԾ, վերջերս կտրուկ աշխուժացել է, այս մասին, դետալներ չմանրամասնելով, հայտնեց գործով կալանավորված Տիգրան Ասատրյանի փաստաբան Վարդուհի Էլբակյանը. «Շատ ակտիվ աշխատանք է գնում»: Նրանից փորձեցինք պարզել, թե ինչ կապ ունի Թեւոսիկի եղբոր սպանության գործի հետ Վստրեչի Ապերը: Փաստաբանն ասաց. «Մենք նախաքննության վերաբերյալ տեղեկություններ չհրապարակելու ստորագրություն ենք տվել եւ կաշկանդված ենք, բայց կարող եմ ասել, որ գոնե իմ պաշտպանյալին արված հարցադրումներից կհասկանայի ինչ-որ բան, սակայն որեւէ հարցադրում Արամ Վարդանյանի վերաբերյալ չի եղել»:
Ինչպես հայտնի է, Արթուր Սաֆարյանի սպանությունը կատարվել է հունվարի 27-ին, Արամի նրբանցքի 5ա շենքի բակում: Այս գործով կալանավորվեցին հանգուցյալի աղջկա քավորը՝ Տիգրան Ասատրյանը, եւ նրա թիկնապահը, «Դուքենդո» ֆեդերացիայի նախկին անդամ Իսրայել Սարգսյանը: Սարգսյանին մեղադրում են սպանության, սպանություն պատվիրելու եւ ապօրինի զենք կրելու մեջ, իսկ Տիգրան Ասատրյանին՝ ապօրինի զենք կրելու եւ նախապատրաստվող հանցագործության մասին չհայտնելու համար: Ոստիկանության վարկածը հետեւյալն է. 2009 թվականին Թեւոսիկը, գտնվելով Եվրոպայում, շուրջ 4 մլն եվրո գումար «քցում է» Իսոյին: Տիգրան Ասատրյանի միջոցով, որը, ինչպես նշեցինք, հանգուցյալ Արթուր Սաֆարյանի աղջկա կնքահայրն էր, Իսոն մտերմանում է Արթուրի հետ: Իր ընկեր Մովսես Ներսիսյանին (Մոսոյին) նա պատվիրում է սպանել Արթուր Սաֆարյանին: Երբ գործն արված է լինում, հրավիրում է Մոսոյին Դավիթաշենի հյուրանոցներից մեկը, սպանում է նրան, դին տանում, նետում է Քանաքեռավանի կոյուղու դիտահորը: Տեղյակ աղբյուրը հաղորդում է, որ այս օրերին ԱԱԾ-ն շատերին է հարցաքննել Արթուր Սաֆարյանի սպանության գործով՝ բոլորին, ով գոնե հեռավոր առնչություն է ունեցել Արթուր Սաֆարյանի հետ, իսկ Վստրեչի Ապերը եւ Թեւոսիկը նույն թաղի՝ Կայարանի, Սիլաչիի հեղինակություններ էին: Մեր տեղեկություններով, քննությունն ԱԱԾ տեղափոխելուց հետո ոստիկանության Երեւան քաղաքի վարչության աշխատանքում բազմաթիվ թերություններ են վերհանվել:
Օրինակ, փետրվարի 3-ին, երբ ձերբակալեցին Տիգրան Ասատրյանին եւ Իսրայել Սարգսյանին, նրանց 03999 պետհամարանիշի սեւ «Նիսան Մուրանո» մակնիշի մեքենայի «բարդաչոկից» 50 հազար դոլար անհետացավ: Տիգրան Ասատրյանի բնակարանի խուզարկության ժամանակ թանկարժեք ժամացույցներ եւ այլ իրեր են անհետացել: Սպանության օրը ոստիկանությունը հայտարարեց, որ սպանությանը մասնակցություն է ունեցել «Մերսեդես 124» թափք ունեցող 71111 պետհամարանիշի ավտոմեքենան, որը պատկանում էր ոմն Մոսոյի: Այլ կերպ ասած, հենց ամսի 27-ին էլ պարզ է եղել, թե ով է իրականացրել սպանությունը, բայց մինչ փետրվարի 1-ը, այսինքն՝ 4-5 օր, ոչ մի միջոցառում չի ձեռնարկվել տվյալ մեքենան հայտնաբերելու համար: Ոչ Ճանապարհային ոստիկանությանն է հարցում արվել, ոչ Մոսոյին են փնտրել: Միայն փետրվարի 1-ի գիշերը տվյալ մեքենան հայտնվել է «Արմենիա» օդանավակայանում, վրան արյան հետքերով: Ըստ ոստիկանության վարկածի, Մոսոն սպանվել է փետրվարի 3-ին, Դավթաշենում, Ծաղիկ Ռուբոյի օբյեկտում: Ապա Իսոն դիակը ավտոմեքենայով տեղափոխել է Կոտայքի մարզ, Զովունիից ոչ հեռու գտվող Քանաքեռավան, եւ նետել է կոյուղահորը:
Սակայն այն մինչ օրս չի հայտնաբերվել, եւ չի բացառվում, որ դիակ ընդհանրապես չկա: Այսպիսով, Մոսոյի դիակի բացակայության պայմաններում ոստիկանությունը սպանության հոդված է դնում Իսրայել Սարգսյանի վրա: Ամենազավեշտալին թերեւս «կովի արյունն» է: Հետքերը, որոնք հայտնաբերվել էին դիակը տեղափոխող մեքենայի վրա, 2 անգամ փորձաքննության են ենթարկվել: Առաջին անգամ հայտնաբերվել է, որ դրանք կովի արյան հետքեր են, իսկ երկրորդ անգամ՝ որ արյունը մարդու է, սակայն «չի բռնում» Մոսոյի արյան խմբի հետ:
Սյուզան Սիմոնյան
-
-
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.