04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...ՀՀ ԱՆ Նուբարաշեն քրեակատարողական հիմնարկում պահվող ցմահ ազատազրկման դատապարտվածները դադարեցրել են հունիսի 30-ին հայտարարած հացադուլը:
Դատապարտյալները հացադուլը դադարեցրել են ՀՀ արդարադատության նախարար Հովհաննես Մանուկյանի հորդորով։
Հայտնում ենք, որ ՀՀ արդարադատության նախարարությունը հետամուտ է ցմահ ազատազրկվածների խնդիրներին, դրանք ուսումնասիրման և քարտեզագրման փուլում են: Սեղմ ժամկետներում խնդիրները կամփոփվեն և հետագա անելիքները կներկայացվեն հանրությանը:
ՀՀ արդարադատության նախարարություն
Գլխավոր դատախազությունը թերի և ոչ բարեխիղճ գործողությունների կատարման արդյունքում Քաղաքագետների միության նախագահ Հմայակ Հովհաննիսյանին զրկել է իրավական պաշտպանության բոլոր հնարավորություններից:
Հովհաննիսյանը հանցագործության մասին հաղորդում էր ներկայացրել Գլխավոր դատախազություն, որն էլ հաղորդումն ուղարկել էր հետաքննության մարմնին: Սակայն քննիչը քրեական գործ չէր հարուցել՝ հանցագործության դեպքի բացակայության հիմքով:
Խնդիրը ծագել է այն բանից, որ շենքի համասեփականատերը քանդել է այն տարածքի մուտքն ու աստիճանավանդակը, որտեղ գտնվում է նաև Քաղաքագետների միության գրասենյակը: Մինչդեռ դրանք ընդհանուր օգտագործման տարածքներ են, և ցանկացած նման փոփոխություն պետք է համաձայնեցվի բոլոր համասեփականատերերի հետ:
Քաղաքագետ Հովհաննիսյանը խնդրի վերաբերյալ դիմել է Պաշտպան Կարեն Անդրեասյանին:Գործի ուսումնասիրության արդյունքում պարզվել է, որ քննիչը բացատրություն է վերցրել միայն քանդման աշխատանքները կատարած համասեփականատիրոջից, հարցում չի կատարել Անշարժ գույքի կադաստրի պետական կոմիտե՝ ընդհանուր օգտագործման տարածքների սեփականատերերի մասին տեղեկություն ստանալու համար, չի զննել դեպքի վայրը, գործում նույնիսկ չկան սեփականության վկայականները:
Մարդու իրավունքների պաշտպան Կարեն Անդրեասյանը գրություն է ուղարկել Գլխավոր դատախազին` մատնանշելով, որ քննիչը չի ապահովել գործի քննության բազմակողմանիությունը, լրիվությունն ու օբյեկտիվությունը: Սակայն Դատախազությունը միջոցներ չի ձեռնարկել Պաշտպանի նշած խախտումները վերացնելու ուղղությամբ: Արդյունքում Օմբուդսմենը կայացրել է մարդու իրավունքների խախտման մասին Որոշում:
Համաձայն Սահմանադրության, Քրեական դատավարության օրենսգրքի և «Դատախազության մասին» օրենքի՝ Դատախազությունը հսկում է հետաքննության և նախաքննության օրինականությունը: Դատախազը լիազորված է վերացնել քրեական գործի հարուցումը մերժելու մասին հետաքննության մարմնի որոշումը և հարուցել գործ:
Օմբուդսմենը Գլխավոր դատախազությանը կոչ է անում կարգապահական պատասխանատվության ենթարկել խախտումը կատարած պաշտոնատար անձանց և հորդորում է արդյունավետ միջոցներ ձեռնարկել այսուհետև նմանատիպ դեպքերը բացառելու համար:
Մարդու իրավունքների պաշտպանի գրասենյակ
Հունիսի 28-ին, ժամը 19.00-ին, Երևանի Մայրաքաղաքային փողոցի թիվ 21 հասցեի դիմաց «ՎԱԶ-2106» մակնիշի ավտոմեքենայի վարորդը վրաերթի է ենթարկել 1946 թ. ծնված Գոհար Թովմասյանին և նրան տեղափոխել հիվանդանոց:
Ինչպես հայտնում են Ոստիկանության լրատվական ծառայությունից, տուժողը, գիտակցության չգալով, ժամը 21.30-ին, մահացել է:
Կատարվում է քննություն:
ՀՀ հատուկ քննչական ծառայության վարույթում ավարտվել է ՀՀ արդարադատության նախարարության «Հրազդան» քրեակատարողական հիմնարկի աշխատակից Լեռնիկ Մելքոնյանի կողմից բնակարան ապօրինի մուտք գործելով գողություն կատարելու դեպքի առթիվ հարուցված քրեական գործի նախաքննությունը: Այս մասին հայտնում են ՀՔԾ լրատվական ծառայությունից:
Նախաքննությամբ պարզվել է, որ ՀՀ արդարադատության նախարարության «Հրազդան» քրեակատարողական հիմնարկի աշխատակից Լեռնիկ Մելքոնյանը 2013թ. դեկտեմբերի 4-ին՝ ժամը 20:00-ից մինչև 21:00-ն ընկած ժամանակահատվածում, պատուհանը բացելու միջոցով ապօրինի մուտք է գործել Գեղարքունիքի մարզի գյուղերից մեկում գտնվող առանձնատուն և այնտեղից գաղտնի հափշտակել բջջային հեռախոս և նեթբուք համակարգիչ` տուժող Ա. Մ.-ին պատճառելով զգալի չափերի գույքային վնաս:
Բացի դրանից, Լեռնիկ Մելքոնյանը 2014թ. հունվարի 19-ին՝ ժամը 22:30-ի սահմաններում, ապօրինի մուտք է գործել վերոհիշյալ մարզում գտնվող բնակարան, գաղտնի հափշտակել է նոթբուք տեսակի համակարգիչ` տուժող Գ.Գ.-ին պատճառելով զգալի չափերի գույքային վնաս:
Հիշեցնենք, որ երկու դրվագով գողություն կատարելու մեջ մեղադրվող Լեռնիկ Մելքոնյանի նկատմամբ մինչդատական վարույթում որպես խափանման միջոց ընտրվել էր կալանավորումը:
Նախաքննությունն ավարտած քննիչը քրեական գործը մեղադրական եզրակացությամբ հանձնել է դատավարական հսկողություն իրականացնող դատախազին՝ այն հաստատելու և դատարան ուղարկելու համար:
Մեզ հասցեագրված հարցերին պատասխանում է «ԱԳՐԻՄԵՆԹ» իրավաբանական ընկերության իրավաբան Աստղիկ Զոհրաբյանը:
— Եթե ամուսինը երեխայի ալիմենտը վճարելու ընթացքում զրկվում է աշխատանքից և չի կարողանում վճարել, ի՞նչ միջոցներով պետք է կատարի ալիմենտային պարտավորությունը։
Արմինե Խաչատրյան
— Ի պատասխան ձեր հարցին հայտնում ենք, որ գործում են ալիմենտային պարտավորությունների կատարման հետևյալ ընթացակարգերը.
Անհրաժեշտ է դիտարկել, որ այդ պարագայում, եթե առկա է դատական ակտ և տրվել է կատարողական թերթ, իսկ կողմն էլ այն չի ներկայացրել ԴԱՀԿ կատարման, ապա անհրաժեշտ է, որ այն ներկայացվի ԴԱՀԿ ծառայության համապատասխան բաժին կատարման:
Ալիմենտ բռնագանձելու կատարողական վարույթներով պարտապանի գույքն իրացվում է այն հաշվով, որպեսզի գույքի հարկադիր իրացումից ստացված միջոցները բավարարեն մինչև 3 տարի ժամանակահատվածի համար ալիմենտային պահանջների բավարարումը, սակայն ոչ ավելի, քան ալիմենտային պահանջների բավարարման ժամկետի ավարտը:
Բռնագանձված գումարները կապիտալացվում են և փոխանցվում հարկադիր կատարման ծառայության դեպոզիտ հաշիվ: Այդ գումարների հատկացումը պահանջատիրոջը կատարվում է կատարողական թերթով սահմանված չափով և պարբերականությամբ:
Եթե մինչև կապիտալացված միջոցների լրիվ բաշխումը պահանջատերը սահմանված կարգով հրաժարվել է պահանջից, կամ օրենքով սահմանված այլ հիմքերով դադարել է ալիմենտային պարտավորությունը, ապա դեպոզիտ հաշվում մնացած միջոցները վերադարձվում են պարտապանին:
Իսկ եթե ալիմենտ վճարողը չունի գույք` անշարժ և շարժական, ապա այդ պարագայում անգամ ԴԱՀԿ ծառայության կողմից հնարավոր չի լինի ապահովել ալիմենտի վճարումը՝ պարտապանի մոտ գույքի բացակայության պատճառով:
Ստեղծված իրավիճակի լավագույն լուծումը պարտապանի մոտ գույքի առկայությունն է: Երբ պարտապանը գույք կունենա, այն ժամանակ էլ ԴԱՀԿ ծառայությունը կկարողանա ապահովել ալիմենտային պարտավորության կատարումը:
— Բանկից վարկ եմ վերցրել այլ անձի համար, ով ինձ տվել է պարտավորագիր, ըստ որի նա պարտավորվում է վճարել գումարն ու տոկոսները, սակայն այս պահին նա կալանավորված է և մեղադրվում է խարդախություն կատարելու մեջ։ Մինչև դատավարությունը, վարկային պարտավորությունները չկատարելու դեպքում, ի՞նչ խնդիրներ կարող եմ ունենալ։
Կ. Հարությունյան
— Ի պատասխան ձեր հարցին՝ հայտնում ենք, որ եթե մինչև դատավարությունը վարկային պարտավորությունը չկատարվի, ապա վարկ վերցրողը ամբողջությամբ կկրի այն բացասական հետևանքները, որոնք նախատեսված են պայմանագրով:
Խորհուրդ 1. Այս իրավիճակում առաջարկում ենք հետևյալ լուծումները՝ քանի որ խարդախության մեջ մեղադրվող անձի կողմից տրվել է պարտավորագիր, ապա կարելի է նրա դեմ հայցով դիմել դատարան՝ գումարի բռնագանձման պահանջով:
Խորհուրդ 2. Եթե պարտավորագրի մեջ կոնկրետ նշված է, որ անձը պարտավորվում է մարել իր համար վերցրած վարկն ու տոկոսները, ապա կարելի է առաջնորդվել քաղաքացիական օրենսգ 882-րդ հոդվածի 1-ին մասով և վիճարկել գումար չստանալու հանգամանքը (անփողությունը)։
Հ.Գ. Ձեզ հետաքրքրող հարցերը կարող եք ուղարկել armv12@mail.ru էլ հասցեին: Իրավաբանական խորհրդատվությունը կմատուցեն ճանաչված փաստաբանական գրասենյակներ:
Հուլիսի 27-ին, ժամը 04.00-ին, ոստիկանության Վաղարշապատի բաժին է ներկայացել 1984 թ. ծնված Կարեն Ս.-ն և հայտնել, որ նույն օրը, ժամը 01.30-ի սահմաններում, տանը, վիճաբանության ժամանակ, խոհանոցային դանակով հարվածներ է հասցրել իր կնոջ` 1987 թ. ծնված Անժելա Պ.-ի, կնոջ քրոջ` 1980 թ. ծնված Քրիստինե Պ.-ի և վերջինիս դստեր` 1999 թ. ծնված Սիրուհի Գ.-ի մարմինների տարբեր մասերին` պատճառելով բազմաթիվ վնասվածքներ:
Նույն օրը, ժամը 04.30-ին, «Վաղարշապատ» բժշկական կենտրոնից ոստիկանություն հաղորդում է ստացվել, որ վերջիններս տեղափոխվել են բուժօգնության: Ըստ բժշկի տեղեկանքի` Անժելա և Քրիստինե Պ.-երը ի վիճակի չեն եղել հաղորդում տալու:
Հանցագործության գործիք խոհանոցային դանակը Կարեն Ս.-ն ինքնակամ ներկայացրել է բաժին:
Ինչպես հայտնում են Ոստիկանության լրատվական ծառայությունից, Կարեն Ս.-ն ձերբակալված է:
Կատարվում է նախաքննություն:
ՀՀ հատուկ քննչական ծառայությունում, ըստ մեր տեղեկությունների, քրեական գործ է հարուցվել ոստիկանների կողմից հունիսի 12-ին Կենտրոնի դատարանի բակում կրակոցներ արձակած Հայկ Կյուրեղյանի նկատմամբ բռնություն գործադրելու դեպքի առթիվ: Քրեական գործը, ըստ այդ նույն տեղեկությունների, հարուցվել է ՀՀ ՔՕ 309 հոդվածի հատկանիշներով (պաշտոնեական լիազորությունները անցնելը): Երեկ ուշ երեկոյան մեր տեղեկությունները հաստատեց ՀՔԾ լրատվական բաժնի պետ Միքայել Ահարոնյանը և նշեց, որ կատարվում է նախաքննություն:
Հայկական ժամանակ
Երևանի փոխոստիկանապետ Վալերի Օսիպյանի նկատմամբ Հատուկ քննչական ծառայությունում քրեական գործ է հարուցվել: «Փաստինֆո»-ի ունեցած այս տեղեկությունները հաստատեց ծառայության մամուլի քարտուղար Միքայել Ահարոնյանը: Իսկ թե ի՞նչ փաստով և ՀՀ քրեական օրենսգրքի ո՞ր հոդվածի հատկանիշներով է հարուցվել քրեական գործը, մեր զրուցակիցը հրաժարվեց հայտնել:
Հիշեցնենք՝ հունիսի 2-ի գիշերը 22-ամյա Վանուշ Ալեքսանյանը որովայնի հատվածում դանակահարությունից ստացած ծանր վնասվածքներով տեղափոխվել էր «Էրեբունի» բժշկական կենտրոն:
Փաստի առթիվ հարուցվել էր քրեական գործ: Ու թեև դանակահարությունից անմիջապես հետո մամուլում տեղեկություններ հայտնվեցին, թե երիտասարդին դնակահարել է Երևանի փոխոստիկանապետ Վալերի Օսիպյանի եղբորորդին` Սեդրակ Օսիպյանը, սակայն ոստիկանությունը փոխոստիկանապետի եղբորորդուն սկսեց փնտրել միայն այն ժամանակ, երբ վերջինը հասցրել էր թաքնվել իրավապահներից: Նրա նկատմամբ հայտարարվել է հետախուզում:
Ինչ վերաբերում է Վալերի Օսիպյանի նկատմամբ հարուցված քրեական գործին, ապա որոշ տեղեկությունների համաձայն՝ դրա համար հիմք է ծառայել Azatutyun.am կայքի հրապարակումն այն մաին, թե Երևանի փոխոստիկանապետը միջադեպի մասնակիցներից մեկի մոր` Սուսաննա Հովհաննիսյանի հետ փորձել է համաձայնության գալ և իր եղբորորդու կատարած դանակահարությունը բարդել նրա որդու վրա:
Փաստինֆո
«Արթիկ» ՔԿՀ-ի դատապարտյալ Համլետ Ղազարյանը երեկ դիմել է «Հայկական Վարկած»-ին` խնդրելով հանրության ուշադրությունը հրավիրել իր խնդիրներին. երեկվանից նա սպառնում է ինքնասպանության դիմել: Նրա խոսքով, իրեն նման քայլի դրդում են հիմնարկի պետի տեղակալ Աղասի Խաչատրյանը, հիմնարկի աշխատողներ Տիրան Խաչատրյանը,Վարաքյանը, Սարիբեկ Նահապետյանը, որոնց նկատմամբ, ՀՔԾ-ում գործ է հարուցվել:
Նշենք, որ պաշտոնապես ծանուցվել է, թե՝ ՀՀ արդարադատության նախարարության «Արթիկ» քրեակատարողական հիմնարկի կալանավոր Համլետ Ղ.-ի հաղորդման հիման վրա ՀՀ հատուկ քննչական ծառայությունում` ՀՀ քրեական օրենսգրքի 309-րդ հոդվածի 1-ին մասի հատկանիշներով հարուցվել է քրեական գործ:
Ըստ կալանավոր Համլետ Ղ.-ի հաղորդման` «Արթիկ» քրեակատարողական հիմնարկի մի շարք պաշտոնատար անձինք 2014թ. մարտից մինչև հունիսն ընկած ժամանակահատվածում խոչընդոտել են իրեն հաշմանդամության կենսաթոշակ նշանակելուն, տարբեր ատյաններ բողոքներ չներկայացնելու համար տվել են սպառնալիքներ, դատապարտյալների շրջանում տարածել են իրականությանը չհամապատասխանող լուրեր` իր կողմից քրեակատարողական հիմնարկի վարչակազմին դատապարտյալների և քրեակատարողական հիմնարկում կատարվող դեպքերի մասին տեղեկություններ տրամադրելու վերաբերյալ:
Գործն այս պահին գտնվում է նախաքննական փուլում:
Համլետ Ղազարյանը, որին պատիժը կրելուն մնացել է 1 տարի 8 ամիս, պատմում է. «Սուտ տեղեկություններ են տարածում, թե իբր ես ինչ տեսնում եմ դատապարտյալների մոտ, խաբար եմ տալիս ղեկավարությանը: ՀՔԾ-ն գործ է հարուցել նրանց դեմ, սակայն քննիչը միակողմանի քննություն է տանում՝ հօգուտ նրանց: Ես խնդրում եմ, որ ՀՔԾ-ն չզբաղվի այդ գործով, այլ Գլխավոր դատախազությունը: Ես դատապաշտպան եմ պահանջում, սակայն ինձ ասում են, որ վճարովի միայն կարող եմ պահանջել, ես էլ անտեր եմ՝ միայն քույր ու մայր ունեմ, ո՞նց վճարեմ:
10 տարվա մեջ գժվեցի, ճանաչեցին հոգեկան հիվանդ, թոշակ եմ ստանում, եթե ես գիժ եմ, ինչի՞ համար են ինձ պահում ՔԿՀ-ում, ես աջ ձեռքից ինվալիդ եմ՝ երեք մատ չունեմ, դրա համար էլ եմ թոշակ ստանում:
Իմ աղիքների ու փորի մեջ կան օտար մարմիններ՝ մեխեր ու ածելիներ, բժիշկները ստուգել են ու տեսել են, որ աղիքներս բորբոքվել են: Ինձ գրել են տալիս, թե իբր ես հրաժարվում եմ վիրահատությունից, գիտեն, որ հանրապետական հիվանդանոց տանեն, լրագրողները հարցազրույց են վերցնելու:
Ինձ պահում են, որ ես ցուցմունքները փոխեմ ու դրդում են, որ ստորագրեմ, սակայն ես չեմ ուզում հրաժարվել հիվանդանոցից: Քննիչի մոտից դուրս եմ գալիս, ինձ մտցնում են հիմնարկի պետի՝ Մկրտչյանի կաբինետ, ասում են՝ հիմա գրո՞ւմ ես, որ հրաժարվում ես, էլի հրաժարվեմ, բայց եթե մեռնեմ, իրենց խիղճը չի՞ տանջի:
80-90 է ճնշումս, բուժքույրերն էլ են ասում, որ վիճակս ծանր է, բայց ոչ մի քայլ չեն ձեռնարկում: Քիչ առաջ ևս բուժքրոջ ներկայությամբ ածելի եմ կուլ տվել, իսկ այս պահին պարանը ձեռքիս է, պատրաստվում եմ կախվելու միջոցով ինքնասպանություն գործել: 29 օր է հաց չեմ ուտում, իսկ բժիշկները պետի պատվերն են կատարում, ասում են՝ թողեք թող մեռնի:
Ես ու կինս բազմաթիվ բողոքներ ենք գրել, այդ իսկ պատճառով նրանք վրեժ են լուծում ինձանից: ՄԻՊ-ի մոտից էլ են եկել, բողոք եմ գրել, սակայն գնացել են ու ոչ մի նորություն չկա:
Իմ հույսը գլխավոր դատախազությունն է»:
«Հայկական Վարկած»-ը Արդարադատության նախարարության ՔԿՀ մամուլի պատասխանատու Գոռ Ղլեչյանին խնդրեց պարզաբանել դատապարտյալի հաղորդած տեղեկությունը: Վերջինս հավաստիացրեց, որ Համլետ Ղազարյանը ստորագրել է, թե հրաժարվում է բուժզննում անցնել Դատապարտյալների հիվանդանոցում:
«Իրեն առաջարկել են բուժզննում անցնել Դատապարտյալների հիվանդանոցում, սակայն հրաժարվել է, նա անօրինական պահանջներ է ներկայացնում՝ ասում է, որ ցանկանում է այլ բուժհաստատությունում բուժվել: Սակայն կարգը այնպիսին է, որ եթե Դատապարտյալների հիվանդանոցում բժշկական պայմանները չեն բավարարում, այդ դեպքում միայն առաջարկում են բուժումը կազմակերպել մեկ այլ հիվանդանոցում»,-հայտնեց Ղլեչյանը:
Մեր այն դիտարկմանը, թե հոգեկան խնդիրներ ունեցող անձին ինչո՞ւ են պահում Արթիկ ՔԿՀ-ում, Ղլեչյանն ասաց. «Ուրեմն բժիշկները նպատակահարմար չեն գտել, որ տեղափոխեն Դատապարտյալների հիվանդանոց ՔԿՀ, նրա վիճակը բավարար է, որպեսզի մնա «Արթիկում»»:
Ըստ Գոռ Ղլեչյանի Համլետ Ղազարյանին պաշտպան չի տրամադրվել, քանի որ, ինքը նման հարցով չի դիմել ՔԿՀ-ին. «Հնարավոր է քննիչի հետ է խորհրդակցել»,-ասաց նա:
Աննա Սարգսյան
2014թ. հունվարի 18-ին ոստիկանության կողմից առգրավված 928 կգ հերոինը, պարզվում է, դեռ չի ոչնչացվել: Բայց ոստիկանության հրապարակած տվյալների համաձայն՝ այս տարվա առաջին 5 ամիսների ընթացքում առգրավվել է ընդամենը 850 կգ հերոին: Թե ուր է կորել 78 կգ հերոինը՝ ոչ ոք չգիտի:
«ՉԻ» — Այն, որ հերոինը առայժմ չի ոչնչացվել՝ հասկանալի է։ Հայաստանի իշխանությունները հո հիմար չեն, որ 200 միլիոն դոլարը բաց աչքերով ոչնչացնեն: Բայց ո՞ւր է կորել 78 կիլոգրամը, որի շուկայական գինը մոտ 15 միլիոն դոլար է: Կարծում ենք Ազգային անվտանգության աշխատակիցները պարտավոր են մանրամասն հաշվետվություն ներկայացնել:
Չորրորդ ինքնիշխանություն
-
-
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով տեղյակ ենք՝ Հայաստանը որևէ նոր քայլ չի ձեռնարկել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.