Հայաստանի ազգային հավաքականի ֆուտբոլիստ Հենրիխ Մխիթարյանն այսօր կմեկնի «Լիվերպուլ»:

Ինչպես տեղեկացնում է Daily Mirror-ը, Մխիթարյանն այսօր բուժզննում կանցնի «Լիվերպուլի» կազմում  և կքննարկի պայմանագրի կետերը:

Հայ կիսապաշտպանի տրանսֆերային գինը կկազմի 23 մլն ֆունտ: Տրանսֆերը կիրականանա շաբաթվա վերջում:

«Գարեգին Նժդեհ» հայրենակցական նախաձեռնությունը (ք․ Գորիս) նամակով դիմել է Հայաստանի Նախագահ Սերժ Սարգսյանին՝ մտահոգություն հայտնելով Սյունիքի մարզպետի պաշտոնում սյունեցիների կողմից անընդունելի անձի նշանակումը կանխելու հարցով: Մամուլում շրջանառվող անունները նախաձեռնության անդամներին տագնապի տեղիք են տալիս:

Նամակում ասվում է, որ Սյունիքի մարզպետը պետք է լինի հայրենասեր, սյունեցիներին նվիրյալ, սյունեցիների կողմից ընդունված և հարգված, պետական համակարգում փորձառություն ունեցող գործիչ, ում կճանաչեն Սիսիանի Գոռհայքից մինչև Մեղրու՝ Իրանի սահմանի բնակիչները: Ցավոք, հնչող անունները հեռու են այս չափանիշներից: Սյունիքին զինվորականներ և գործարար-մեծահարուստներ չէ, որ պետք են․ Սյունիքին պետք են նվիրյալներ:

Ինչ վերաբերում է Սուրիկ Խաչատրյանի շրջապատից մեկին (օրինակ՝ այժմյան պաշտոնակատար Դոլունցին) նշանակելուն, ապա դա կլինի ոչ այլ ինչ, քան հաղթանակած սյունեցու արժանապատվության նսեմացում Հայաստանի բարձրագույն ղեկավարության կողմից:
Հավատում ենք, որ ճիշտ որոշում կկայացնեք:

Եկող շաբաթվա ընթացքում հերթական էլիտար հարսանիքն է տեղի ունենալու։ ԱԺ ՀՀԿ–ական պատգամավոր Մանվել Բադեյանի դուստրն ամուսնանում է «Բարս» անշարժ գույքի գործակալության սեփականատեր Մարինա Չատինյանի որդու հետ։ Չատինյանի մյուս որդին էլ ամուսնացած է Ռոբերտ Քոչարյանի դստեր հետ։ Բադեյանի դստեր հետ Չատինյանի պսակադրությունը մեկ այլ ուշագրավ կողմ էլ ունի։ Հարսանիքը տեղի է ունենալու ԲՀԿ նախագահ Գ. Ծառուկյանին պատկանող նորաբաց «Փարավոն» զվարճանքների համալիրում։ Հարսանիքին հրավիրված է հանրապետության ողջ էլիտան։ Ովքեր կգնան, դեռ հայտնի կլինի:

Հայկական ժամանակ

«Վահե Ավետյան» հասարակական շարժման նախաձեռնող խումբը հայտարարություն է տարածել, որում ասվում է.

«ՀՀ բանակի սպա, զինվորական բժիշկ Վահե Ավետյանի մահվան տարելիցի կապակցությամբ՝ 2013 թվականի հունիսի 29-ին (շաբաթ օրը)՝ ժամը 19:00-ին, նրան մահ պատճառած դաժան խոշտանգման վայրում` «Հարսնաքար» ռեստորանային համալիրի տարածքում, տեղի է ունենալու հիշատակի մոմավառություն, որին հետևելու է բողոքի երթ Ավան թաղամասում:

Հորդորում ենք Ձեր ներկայությամբ հարգել Վահե Ավետյանի հիշատակը և միանալ քրեաօլիգարխիկ համակարգի բռնության հակամշակույթի հանդեպ հանրային համատարած մերժման, պարսավանքի և անհանդուրժողականության շարժմանը»:

Այսօր՝ հունիսի 15-ին, ողբերգական ավտովթար է տեղի ունեցել Սյունիքի մարզում: Ժամը 16:40-ի սահմաններում «Mercedes» մակնիշի` 19 LU 555 համարանիշի ավտոմեքենայի վարորդը Կապան Գորիս ավտոճանապարհի 58-րդ կմ հատվածում Կապանի ոլորաններում դուրս է եկել ճանապարհի երթևեկելի գոտուց, գլխիվայր շրջվելով հայտնվել գետի ափում:

Ինչպես հայտնում է ֆոտոլրագրող Գագիկ Շամշյանը, վթարի հետևանքով մեկ հոգի մահացել է և երկու հոգի տեղափոխվել են Գորիսի բժշկական կենտրոն: Այս պահին վթարի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի աշխատակիցները՝ վաշտի հրամանատար Արամ Գալստյանի գլխավորությամբ:

Տեղում են նաև Ոստիկանության Գորիսի բաժնի օպերատիվ-քննչական խումբը՝ քննիչ Մխիթար Տիգրանյանի գլխավորությամբ: Այս պահին ոստիկանությունը պարզում է վարորդի, մահացած և վիրավոր անձանց ինքնությունները:

Ֆոտոլրագրողը հայտնում է, որ նշված ավտոմեքենան հաշվառված է Երևան քաղաքի Բրյուսովի փողոցի 20 շենքի բնակիչ 50-ամյա Սուրեն Թադևոսյանի անվամբ և ըստ տեղեկությունների վարորդը եղել է Ս. Թադևոսյանը, իսկ մահացածը նրա որդին է:

shamshyan.com

Անգլիական «Լիվերպուլն» իրականացրել է Դոնեցկի «Շախտյորի» և Հայաստանի հավաքականի կիսապաշտպան Հենրիխ Մխիթարյանի տրանսֆերը՝ Մխիթարյանի համար վճարելով 18 միլիոն ֆունտ ստերլինգ, հայտնում է Caughtoffside:

Ֆուտբոլիստի տեղափոխության մասին պաշտոնապես կհայտարարվի առաջիկա օրերին։

Հայաստանի հավաքականի և Դոնեցկի «Մետալուրգի» կիսապաշտպան Գևորգ Ղազարյանը տեղափոխվում է ղազախական «Շախտյոր» (Կարագանդա): Այս մասին armsport.am-ին հայտնի է դարձել խաղացողին մոտ կանգնած աղբյուրից:

Դոնեցկի «Մետալուրգի» մամուլի քարտուղարությունից armsport.am-ին հայտնել են, որ Ղազարյանի տեղափոխության մասին պաշտոնական տեղեկություն կհրապարակվի միայն երկուշաբթի օրը՝ հունիսի 17-ին:

«Շախտյորը» Ղազախստանի գործող չեմպիոնն է և հուլիսին մասնակցելու է Չեմպիոնների լիգայի որակավորման 2-րդ փուլին: Ղազախստանի ընթացիկ առաջնությունում «Շախտյորն» ընթանում է 5-րդ տեղում:

Հիշեցնենք, որ ղազախական «Ակտոբեում» է հանդես գալիս Հայաստանի հավաքականի կենտրոնական պաշտպան Ռոբերտ Արզումանյանը, իսկ առաջիկա օրերին «Կայրաթի» հետ պայմանագիր է կնքելու է հենակետային կիսապաշտպան Արթուր Եդիգարյանը:

Թուրքիայում դաժանորեն սպանված ազգությամբ եզդի, ՀՀ քաղաքացի և Գյումրու բնակչուհի Մայայի քույրը դատապարտում է Թուրքիայում իր քրոջ դաժան սպանությունը և դիմում է միջազգային հանրությանը՝ ասելով, որ թուրքական արդարադատությունը մեկ ժամվա դատաքննություն է իրականացրել և որոշել, որ քրոջը սպանողը պետք է մնա ազատության մեջ:

«Իմ քրոջը սպանել են, սպանելը քիչ է, գնդակահարել են, իսկ հանցագործը՝այս երեխաների հորեղբայրն է, նրա՝ ազգությամբ թուրք  ամուսնու եղբայրը, ով ազատության մեջ է»:

Սպանված կնոջ կրտսեր քույրը պատմեց, որ ինքը ամուսնու և երեխաների հետ գնացել է Ստամբուլ՝ երեխաներին կնքելու մուսուլմանական օրենքներով և նրան սպանել են Թուրքիայում:

«Հավաքեց իր երեխաներին, գնաց՝ ուրախ, զվարթ իր մարդու հետ, իրանց մեքենայով, որ ենտեղ երեխու սունատը պտի անեին, այսինքն՝ մուսուլմանական կնունքը՝ ամսի 7-ին: Բայց ամսի 12-ին ինձ զանգեց իրա մարդը ասաց՝ քուրդ շատ վատ ա, արի հասի, ես ասի՝ուրեմն իրան սպանել եք, միանգամից իմացա, որ խփել են իրան: Չգիտեմ հիմա ասում են, որ ծիտիկ են ուզեցել խփել»,-պատմեց սպանված կնոջ քույրը:

«Ինքը ամուսնու հետ շատ ջերմ էր, բայց իրան ընդեղ չէին ընդունում, չէին սիրում, որովհետև Մայան շատ սիրուն էր, սիրուն էլ հագնվում էր, սաղ նախանձում էին. իրանց կնիկները նման չէին Մայային:

Ես ասում էի՝ մի գնա, որովհետև քեզ չեն սիրում, իրանց կնիկները քո նման չեն, սիրուն ես, լավն ես, մի գնա, չէր հավատում: Իրա մարդու խաթրի համար էր անում, ինչ անում էր մարդու խաթեր համար էր անում: Մարդու խաթեր իրանց կրոնը ընդունեց:

Դե ինքը որ ասում էր՝ ես գնում եմ ենտեղ, շատ են խոսում, ասում են՝ Էրլենիշլի սիրուն կնիկ ունես, սիրտս վախ ուներ, ինչից էր՝ չգիտեմ:

Ես որ թռա Ստամբուլ, ասացին, մարդը չի բողոքել ախպոր վրա  և դատն էլ չկա, արդեն փակվելա, տվեցին ձեռքս, թե տար: Եղավ պրծավ դատ ու դատաստանը մեկ օրվա՝ մեկ ժամվա մեջ, տարան ու հետ բերին, ժամանակ է պետք ինձ, ես տեսնեմ ինչ է լինելու:

Իրանք գիտեին, որ մենք եզդի ենք, ու կարծում էին՝եզդին էլ նույն քուրդն է և ասում էին մենք քուրդ չենք, մենք մուսուլման չենք դառնա, իրա մարդը մուսուլման դարձրեց և հավատքն էլ ընդունեց քույրը, ասեմ, որ զոռեցին, չէ, ինքն իրա ցանկությամբ ու ուզելով դարձավ ամուսնու նման»:

Galatv.am

Սյունիքի նախկին մարզպետ Սուրիկ Խաչատրյանի տան մոտ տեղի ունեցած միջադեպի հետևանքով հրազենային վնասվածք ստացած N զորամասի հրամանատար, գնդապետ Արտակ Բուդաղյանի վիճակը գնահատվում է միջին ծանրության, բավարարին մոտ: Այդ մասին «Փաստինֆո»-ի թղթակցի հետ զրույցում ասել է Կենտրոնական կլինիկական հոսպիտալի պետ Արամ Ասատուրյանը:

Հարցին, թե արդյո՞ք գնդապետը արդեն տեղյակ է եղբոր սպանության մասին, Կենտրոնական կլինիկական հոսպիտալի պետը դժվարացել է պատասխանել նշելով, որ իրենք չեն ասել, իսկ թե հարազատները ասել են, թե ոչ, տեղյակ չէ:

ՀՀ ՊՆ մամուլի խոսնակ Արծրուն Հովհանիսյանի խոսքով էլ՝ Արտակ Բուդաղյանը դեռ ի վիճակի չէ ցուցմունք տալու:

Հիշեցնենք, որ Արտակ Բուդաղյանը հրազենային վնասվածքը ստացել է լյարդի շրջանում, գնդակը խրվել է գոտկային մկանային հյուսվածքների մեջ և դեպքի հաջորդ օրն իսկ, երբ նա տեղափոխվել է կենտրոնական կլինիկական հոսպիտալ, գնդակը հեռացվել է նրա մարմնից: Այս ընթացքում գնդապետը վիրահատվել է երեք անգամ:

5-ամյա Դավիթ Պառավյանը Բուլղարիայի Ոսկե Ավազներ առողջարանում անցկացվող 2-րդ «Մեծ Եվրոպա» օփենում 4 հնարավորից վաստակել է 3,5 միավոր: Նա կես միավորով է ետ մնում երեք առաջատարներից՝ գրոսմայստերներ Զբինեկ Հրաչեկից (Չեխիա), Վլադիսլավ Նեվեդնիչիից (Ռումինիա) եւ Տամիր Նաբատիից (Իսրայել):

Ավետիք Գրիգորյանը, Տիգրան Լ. Պետրոսյանն ունեն 3-ական, Գրիգոր-Սեւակ Մխիթարյանը, Վալենտին Փամբուկչյանը՝ 2-ական միավոր, տեղեկացնում է armchess.am-ը: