17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...10.05.2024 | 12:09
Բագրատ Սրբազան. Արթմության զգացումը կա, այս բոլորն այլևս պետք է տեղափոխվի քաղաքա...09.05.2024 | 15:10
Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հա...09.05.2024 | 14:10
ՀՀ-ի ամենաերկար թունելը․ ներկայացվել է Հյուսիս-հարավի 60կմ-ոց նոր ճանապարհահատվա...09.05.2024 | 13:10
Այս շարժումն իր էությամբ քաղաքական չէ, բայց այն կրում է քաղաքացիական ներգրավվածո...Այսօր Քրեական գործերով վերաքննիչ դատարանում դատավոր Ս. Չիչոյանի նախագահությամբ ժամը 12-ին նշանակված դատավարությունը մասնակիցներին անակնկալ մատուցեց։ Չխորանալով քննվող գործի մանրամասներ մեջ`այդ մասին մոտ օրերս ավելի մանրամասն կպատմենք, նշենք, որ զարմանալի տնավարի մոտեցում ցուցաբերվեց։
Դատական նախորդ նիստը հետաձգվեց առանց պատճառաբանության ։ Դատաքննության ավարտ չհայտարարվեց։ Այս նիստին դատավորները եկան դահլիճ և չսպասելով նույնիսկ ամբաստանյալի ներկայությունն ապահովելուն, սկսեցին հրապարակել դատավճիռը։ Ճառի կեսից ամբաստանյալին տեղ հասցրեցին, ու մինչ շնչակտուր ամբաստանյալը փորձեց տեղավորվել ու հասկանալ ինչ է կատարվում, դատավոր Չիչոյանը շարունակեց ու ավարտեց խոսքը։ Բացի այն, որ դատավորը կոպիտ դատավարական սխալ թույլ տվեց, կարծում ենք ցավալի է, որ ինքնահարգանքի ցենզը այդքան ցածր է մեր դատավորների մոտ, այլապես դիմացինի` թեկուզ ազատազրկման դատապարտված մարդու հանդեպ հարգանքը այլ վարվեցողություն կհուշեր։ Հետո էլ խոսում ենք եվրոպական արժեքներից ու մարդու իրավունքներից։
Տարբեր օգտատերերի կողմից Youtobe սոցիալական ցանցում տեղադրված «Իսահակ Մկրտչյան Արմավիրից, X-Factor Հայաստան» շոու ծրագրի ընդհանուր դիտողների թիվն անցնում է 200 000-ից։ Նախանձելի վարկանիշ ցանկացած շոու-մենի, էլ չեմ ասում՝ քաղաքական գործչի համար: Ֆեյսբուքում, ըստ Blansh-ի՝ անցած շաբաթ Իսահակի ելույթի տեսանյութը նույնպես եղել է ամենաշատ տարածվողը: Հետաքրքիր վարկանիշ է, եթե թեման էդքան տխուր չլիներ՝ «տժժոցի — ձեռառնոցի» մարդու տկարամտության վրա: Այլ կերպ ես չեմ կարող որակել «X-Factor» հեռուստաշոուի հայկական տարբերակին կոնկրետ էս տղայի մասնակցությունը:
Մենք մեզ ասում ենք, որ պետք է հասկանալ, չխղճալ, այլ կարեկցել, ձեռ չառնել, այլ փորձել իրենց լեզվով խոսալ զանազան հոգեկան ու ֆիզիկական թերություններով մարդկանց հետ, նույնիսկ հաշմանդամներ չենք ուզում անվանել, ասում ենք՝ «սահմանափակ հնարավորություններով մարդիկ»:
Նաև ասում են, որ հաղորդման ֆորմատն է էդպիսին, որ էդպիսի հաղորդումները հպարտությունն ու ավելորդ գոռոզությունը կոտրելու համար են, որ մարդը հասկանա, որ ինքը «վերջը» չի: Համաձայն եմ, պետք է դուրսպրծուկներին դաս տալ: Բայց ամեն ինչ չափի մեջ է գեղեցիկ, մանավանդ որ, էս դեպքում մենք գործ ունենք հիվանդության հետ: Ինչպես հայտնում է Science Дали-ն, ամերիկյան գիտնականները գտել են երաժշտական լսողության բացակայության անատոմիական պատճառները: Արդյունքները հրապարակվել են The Journal of Неуросциенции-ում:
«Հատուկ թեստերի օգնությամբ հետազոտողներն ըստ երաժշտական լսողության՝ առկայության փորձի մասնակիցներին բաժանել են երկու խմբի: Հետո մասնագետները մագնիսական-ռեզոնանսային տոմոգրաֆիայի օգնությամբ ուսումնասիրել են ուղեղի բաժինները, որոնք մասնակցում են խոսքի ու երաժշտության ընկալման մեջ:
Առաջին հերթին գիտնականների ուշադրությունը կենտրոնացած է եղել վերին երկայնական ճառագայթի (լատիներեն `fasciculus arcuatus) կառուցվածքի վրա: Այս կառույցը կապ է ապահովում մեծ ուղեղային կիսագնդերի ու ճակատային և կենտրոնական հատվածների միջև:
Նեյրոֆիզիոլոգները գտել են, որ երաժշտական լսողություն չունեցողների վերին երկայնական ճառագայթը ծավալով ավելի փոքր է ու ավելի քիչ նյարդային մանրաթելեր է պարունակում: Բացի այդ, ճառագայթի վերին ճյուղն աջ կիսագնդում հետազոտման “ոչ երաժշտական” մասնակիցների մոտ չէր երևում տոմագրաֆիայի ժամանակ: Հետազատողների կարծիքով՝ դա կարող է պայմանավորված լինել այն փաստով, որ վերին ճյուղը բացակայում է կամ ուժեղ դեֆորմացված է:
Գիտական խմբի աշխատանքների արդյունքները համաձայնեցվել են նախկինում կատարված հետազոտությունների հետ, որոնց ընթացքում գիտնականները ցույց են տվել, որ այն մարդիկ, ովքեր չունեն երաժշտական լսողություն, չեն կարող ադեկվատ գնահատել իրենց երգեցողությունը»:
Փաստորեն, ընկնելով էժանագին վարկանիշի հետևից, շոուի կազմակերպիչները հիվանդ տղային տարել- հասցրել են եթեր ու խայտառակ արել: Երբ նայում էի էդ խայտառակությունը, մարդկային ամենազզվելի հատկությունը՝ ուրիշի թերության վրա ծիծաղելու, ինձ թվում էր, հասկանում էի, թե ինչի ենք մենք էս օրին: Որովհետև կարեկցելու փոխարեն ձեռ ենք առնում, օգնելու,համոզելու ու տուն ուղարկելու փոխարեն՝ շոու ենք անում հայությանը հիվանդի վրա «ղժժացնելով»: Եթե նույնիսկ հաղորդման ֆորմատն է էդպիսին, միևնույն է՝ ինչն Արևմուտքում միայն կատակ է, էստեղ կարող է մարդու կյանքը կործանել: Պատկերացրեք, հոկտեմբերյանցի միամիտ տղայի վիճակը ողջ հանրապետությունով, չէ, ինչ հանրապետություն, ադրբեջանցիք են նայում ու ծիծաղում, ռուսները, վրացիք, նայում ես, Youtobe-ում շարունակում են տեղադրել էդ տեսանյութը աշխարհի տարբեր ծայրերից: Շոուն բեմում չի սկսվում, ոչ էլ ուղիղ եթերում: Ծանոթներիցս մի աղջիկ ուզել էր մասնակցել էդ շոուին, բայց նրան հետ էին ուղղարկել սպասարահից, երկու տող երգացնելուց հետո: Ուրեմն ասել, որ մինչ եթերը կաստինգ չկա, սուտ է: Ուրեմն, տղային հատուկ են թողել, որ ձեռ առնեն:
Ու անհանգստացնողը էստեղ երևւույթն է, որ մենք մարդ ենք ման գալիս, որ ձեռ առնենք, որ մեզ հաճելի է ուրիշի տկարության վրա ծիծաղելը, ու դա ընդունված է, ու դա բոլորովին անհամ, անվնաս կատակ չէ, դա Գլումովի ազգանվանն է միայն սազում որը «глумиться»= «ղժժում» ա իրա ռուսախոս ու ռուսավարի կեղծ հայասեր պճնամոլությամբ(սնոբ իմաստով) քանի տարի ա մեր եթերներից:
Իրականում, ամեն հումոր, լինի դա սև, թե սպիտակ, որի մեջ չկա մարդկայնություն ու մարդասիրություն, ինչ-որ շատ հեշտ ինտեգրվում է մեր կյանքի մեջ:
Մի՞թե նմանատիպ շուուներում կաստինգով զբաղվողները չեն խորհրդակցում բժիշկների ու հոգեբանների հետ, որ հետո հիվանդ մարդկանց չթողնեն եթեր ու շոու սարքեն: Մի՞թե կարելի է այդքան անմարդկային լինել:
ԱԼՄ-ի Կարապետիչին ենք բան ասում, նա գոնե անկեղծ էր անում ինչ անում էր, իսկ էստեղ՝ սնոբիզմը, իրեն դիմացինից վերը դասելու մղումը, տկարին ու անգրագետին, երաժշտական լսողությունից զուրկ մարդուն, երիտասարդին, տղամարդուն, մի քիչ պաթոսն էլ չի խանգարի ստեղծված իրավիճակում, ինչո՞ւ չէ, Հայրենիքի պաշտպանին ստորացնում են ու խայտառակ անում ազգովի:
Ու բոլորը ծափահարում են մարդկային ամենաստոր դրսևորմանը՝ ձեռ առնելուն: Դրա համար էլ սաղ աշխարհը մեզա ձեռ առնում, մոռանալով, որ մենք քաղաքացիական լսողությունից ենք զուրկ, իսկ դա անատոմիական թերություն է՝ հաշմվածություն:
Լուսինե Վայաչյան
Երբ այսօր մենք փորձեցինք Էջմիածնում տեղի ունեցած միջադեպերի վերաբերյալ տեղեկություն ստանալ ոստիկանության Վաղարշապատի բաժնի պետ Գևորգ Խաչատրյանից`մասնավորապես Էջմիածնի քաղաքապետ Կարեն Գրիգորյանի կողմից ծեծի ենթարկված քաղաքացու վերաբերյալ, բավական հետաքրքիր իրողություններ բացահայտեցինք:
Նախ, երբ ներկայացա, ու խնդրեցի պատասխանել հարցին, պարոն Խաչատրյանը միանգամից ասաց, թե չի ճանաչում ինձ: Ես դա նորմալ համարեցի և ասացի, որ կարող է և չճանաչել, միայն խնդրում եմ հարցերիս պատասխանել: Պարոն Խաչատրյանը` գավառի ոստիկանին հատուկ խոսելաոճով, հազիվ փորձելով գրագետ նախադասություններ ձևակերպել, հայտարարեց, թե ինքը ոչ մի բան ասելու իրավունք չունի (ի դեպ, առանց լսելու հարցը) և որ իրենք «ըտենց բաժին ունեն` լրատվության ու ընտեղից կարող եք իմանալ»: Երբ պնդեցի թե պարզապես ցանկանում էի հենց Էջմիածնի ոստիկանապետից ճշտել իրողությունը` կապված գեներալ Մանվելի որդու իրականացրած հաշվեհարդարների հետ, Էջմիածնի ոստիկանապետ Խաչատրյանը բացահայտեց ինքն իրեն.
«Ես Ձեզ ասելու բան չունեմ, էդ Ձեր գրածը անհեթեթություն էր, ո՞նց եք դուք գրել ըտենց բաներ, երբ մեզ մոտ անգամ ամփոփագրում նման բան չկա»:
Ինչպես տեսնում ենք, Էջմիածնի ոստիկանապետի` ոչինչ չիմանալն ու մեզ չճանաչելն ընդամենը ձև էր: Նա մեկ-երկու նախադասությամբ այնպես մատնեց իր վախն ու կաշկանդվածությունը, որ մի պահ նույնիսկ կասկած առաջացավ, թե մարդ խոսում է քաղաքացիների անվտանգության երաշխավոր մեկի հետ:
Սակայն այն, ինչ հերքում էր Էջմիածնի ոստիկանապետը կամ փորձում հերքած լինել` հղում անելով, թե ամփոփագրում նման բան չկա, դեռ չի նշանակում, թե չէր էլ եղել: Եթե ոստիկանությունը ջնջել է ամփոփագրում եղած նշումը կամ պարզապես չի էլ նշել, դա չի նշանակում, թե «անհեթեթությունը» չի եղել իրականություն:
«Անհեթեթությունը» սկսվել է նրանից, որ Երևանի բնակիչ Արմեն Ալբերտի Հայրապետյանը` Դավիթ Անհաղթի 6-96 հասցեում բնակվող, չճանաչելով Կարեն Գրիգորյանին` «տեղը չի բերել» Էջմիածնի դրվածքը: Բանն այն է որ վերջին շրջանում լայն թափ առած ավտոմեքենաների ապահովագրման գործը Էջմիածնում ամբողջությամբ իր ձեռքն է կենտրոնացրել Գրիգորյանների ընտանիքը: Իսկ Արմեն Հայրապետյանը, չիմանալով այդ մասին, տարածք է վարձակալել Էջմիածնում և ցանկացել է ԱՊՊԱ կետ բացել: Երբ Հայրապետյանը փորձել է իր վարձակալած տարածքի վրա գովազդային պաստառ փակցնել, հայտնվել է Կարեն Գրիգորյանը և պահանջել դադարեցնել: Հայրապետյանը չիմանալով` ով է դիմացինը, բնականաբար, չի հնազանդվել և, իբրև հետևանք, ենթարկվել է դաժան ծեծի:
Հենց այս պատմությունն է, որ ամբողջ ուժերով փորձում է կոծկել ոստիկանությունը: Սակայն, ինչպես երևում է, ոստիկանությունը բավական դժվար և փորձություններով լի ուղի է մտել, քանի որ այդ ծեծին հաջորդած իրադարձությունները ցույց են տալիս, թե Կարեն Գրիգորյանը քաղաքը ղեկավարելու իր ընտրած գործելաոճով ամեն օր նորանոր զոհեր է ունենալու և ոստիկանությունն էլ ստիպված ամեն օր նոր կոծկումների անհրաժեշտության առաջ է կանգնելու:
Գեներալի որդու հերթական զոհը Էջմիածնի ավագանու անդամ, ՀՀԿ-ական Արման Մկրտչյանն է, որ, ի տարբերություն Արմեն Հայրապետյանի, ընդամենը անզգուշություն է ունեցել տարածք տրամադրել մեկ այլ ԱՊՊԱ գործակալի: Սա ևս կատաղության է հասցրել Կարեն Գրիգորյանի որդուն, սակայն ՀՀ այս քաղաքացու բախտը մի փոքր բերել է և նա շատ դաժան չի ծեծվել գեներալի որդու կողմից: Գեներալ Գրիգորյանի որդին, այնուամենայնիվ, հրապարակավ հայտարարել և սպառնացել է հաշվեհարդար տեսնել բոլոր նրանց հետ, ովքեր կփորձեն իր բիզնեսին խանգարել:
Իսկ այն, թե ինչպես է պետական պաշտոնյան անպատիժ կերպով հաշվեհարդար տեսնում սրա-նրա հետ քաղաքում, որի բնակիչները ընտրել են վերջինիս իրենց կյանքը բարելավելու համար և թե ինչպես է մի պաշտոնաթող գեներալ մի ամբողջ մարզ ստրկության մատնում և այդ ամենից հետո անպատիժ մնում, պարզ երևում է ՀՀ ոստիկանության աշխատակիցների պահվածքից:
Գևորգ Խաչատրյանը մարմնացումն է Արմավիրի ոստիկանության, նրա աշխատակիցների լոյալության բացատրությունը դեպի գեներալ Մանվելի հաշվեհարդարները, ավելի քան ակնառու են դառնում այս ոստիկանի կաշկանդված պատասխաններից:
ԼՈՒՍԻՆԵ ԿԵՍՈՅԱՆ
Վերաքննիչ քրեական դատարանի երեկվա նիստը սկսվեց մեկ ժամ ուշացումով: Դատը` նախագահող դատավոր Եվա Դարբինյան։
Պաշտպանական կողմը բողոք էր բերել առաջին ատյանի դատարանի վճռի դեմ փաստարկելով, որ իր պաշտպանյալը մտավոր հետամնաց է, որի արարքները չեն կարող համարվել հանրության համար վտանգ ներկայացնող և խնդրել պատիժը պայմանականորեն չկիրառել, քանի որ ամբաստանյալն ունի բազմանդամ ընտանիք, բնույթով հանցագործ չէ , լավ է բնութագրվում և իր բազմամարդ ընտանիքը մի կերպ պահելու համար զբաղվում է անասնապահությամբ: Նրա խնամակալության տակ են գտնվում կինը, երկու անչափահաս երեխաները , մայրը և երկորոդ կարգի հաշմանդամ հայրը: Իսկ տուժողն ապաքինվել է և ոչ մի բողոք չի ներկայացրել Հովհաննիսյանի դեմ:
Արագածոտնի մարզի բնակիչ Արայիկ Հովհաննիսյանը մասնավոր կարգով զբաղվել է անասնապահությամբ և պահել նույն գյուղի բնակիչ Նորիկ Բարսեղյանի անասուններին: Դեպքի օրը նրանք վեճի են բռնվել, որի արդյունքում Ա.Է. Հովհաննիսյանը դանակով ծակած-կտրած վերքի ձևով կյանքի համար վտանգ հանդիսացող հարվածներ է հասցրել Նորիկ Բարսեղյանին և անօգնական թողելով` հեռացել: Ա. Հովհաննիսյանի պատմելով` նրանք եղել են մենակ, գյուղից մոտավորապես մեկ մետր հեռավորության վրա: Նորիկ Բարսեղյանը հանդիպման ժամանակ հայհոյել է իրեն, փայտով հարվածել, բայց ինքը չի պատասխանել նրան, քանի որ ֆիզիկապես ավելի թույլ է: Այնուհետև Բարսեղյանը հայհոյանքներ է տեղացել Հովհաննիսյանի կնոջ և ընտանիքի մյուս անդամների հասցեին: Վերջինիս նյարդերը տեղի են տվել և նա մշտապես իր մոտ պահվող խոհանոցային դանակով հարվածել է Բարսեղյանին: Դեպքից հետո տուժողը գնացել է եղբոր տուն, որտեղ, տեսնելով նրա վիճակը, հասցրել են հիվանդանոց:
Պաշտպան Արսեն Գալստյանն ասաց, որ իր պաշտպանյալի արարքները սխալ են գնահատված: Նա միջնորդություն ներկայացրեց` փոխել Արագածոտնի մարզի Առաջին ատյանի դատարանի վճիռը:
Մեղադրող կողմն առարկեց ` ասելով, որ վերաքննիչ բողոքն անհիմն է , քանի որ ամբաստանյալը մեղավոր է ճանաչվել ՀՀ Սահմանադրության 112 հոդվածով` ապացույցների հիման վրա, և ըստ ՀՀ Սահմանադրության 53, 54, 372 հոդվածների` խնդրեց դատարանի դեմ բողոքը մերժել և թողնել առանց բավարարման:
Դատարանը վճռեց վերաքննիչ բողոքը մերժել և ամբաստանյալին դատապարտել 3 տարի ազատազրկման:
Եվս մեկ ընտանիք, որի միակ խնամակալին և օրվա հացը վաստակողին դատապարտեցին ազատազրկման։Այն կորցրեց իր լավ թե վատ հենարանը ու երկու անչափահաս երեխա մնացին կարիքի մեջ։ Հետաքրքիր է մեր իրավապահների մոտեցումը. աչքի փոխարեն ունքը հանելու և այդ ամենը օրենքի վրա բարդելու նրանց արդարացումը քանի՞ ընտանիք է քանդել, քանիսին որբացրել ու չքավոր դարձրել։
Սյունիքի մարզի ընդհանուր իրավասության դատարանում 2010թ. դեկտեմբերի 3-ին տեղի ունեցավ Սերգեյ Զավիկի Մանուկյանի ինքնասպանության գործով հերթական դատական նիստը:
Հիշեցնենք, որ Սյունիքի մարզի Նորավան գյուղում գտնվող զորամասի ժամկետային զինծառայող շարքային Սերգեյ Զավիկի Մանուկյանը 2009թ. նոյեմբերի 10-ին սպանված հայտնաբերվել է զորամասի տարածքում: Նրա մահվան համար մեղադրվում են զորամասի հրամանատար` Գեղամ Ասատրյանը և երկու սպաներ` պաշտոնական դիրքը չարաշահելով Մանուկյանին ինքնասպանության հասցնելու համար: Ուշագրավ էր, որ զորամասի հրամանատարը գտնվում էր ազատության մեջ, սակայն 2010թ. դեկտեմբերի 3-ին դատարանը բավարարեց Սերգեյ Մանուկյանի իրավահաջորդների ներկայացուցիչ փաստաբան Տիգրան Մուրադյանի միջնորդությունը և զորամասի հրամանատար Գ. Ասատրյանին դատական նիստերի դահլիճից կալանավորեց:
Հանգուցյալ Ս. Մանուկյանի մայրը` Լամարա Մանուկյանի հետ զրույցում նշվեց, որ որդու սպանության պատճառը մինչ օրս իր համար անհասկանալի է` ինչպե՞ս է որդին ինքնասպանություն գործել իրեն կրակելով, երբ նրա դիակից 16 մետր հեռավորության վրա հայտնաբերվել են նրա արյան հետքերը, ինչպե՞ս է որդին կանգնած վիճակում կրակել իր գլխին և ընկել երկու պատերի արանքում, այն դեպքում, երբ պատերին արյան հետքեր չեն հայտնաբերվել:
Զինվորի մայրն ասաց նաև, որ իր որդու նկատմամբ զորամասի սպաների կողմից դրսևորվել է անմարդկային վերաբերմունք, որդուն ծեծել են, հայհոյել, նսեմացրել և այդ ամենը կատարվել է առանց որևէ պատճառի: Որդին ծխախոտ է խնդրել սպայից, վերջինս հայտնել է, որ չունի, այնուհետև հանել է ծխախոտը և ծխել, իսկ Սերգեյի հարցին, թե ինչու իրեն ծխախոտ չի տալիս, սպան սկսել է տղային հայհոյել, նսեմացնել և հարվածել: Մեկ այլ դեպքում, զորամասի հրամանատարը դարպասների մոտ սպասելու համար իջել է իր մեքենայից և դարպասները 20 վայրկյան ուշ բացելու համար բռունցքով հարվածել որդուն: Զորամասի մյուս սպաները, ովքեր քաջատեղյակ են եղել զինծառայողներին ծեծելու, նվաստացնելու և ծաղրուծանակի ենթարկելու մասին, լռել են և չեն հայտնել իրավապահ մարմիններին:
Հերթական որդեկորույս մայրն իր խոսքով դիմում է ՀՀ բարձրաստիճան պաշտոնյաներին, «Ո՞վ է մեղավոր բանակում տիրող այս բարձիթողի վիճակի, ամենաթողության և անպատժելության համար, ու՞մ ձեռքն ենք տալիս մեր զավակներին, ու՞մ ենք վստահում հազիվ կյանք տեսած 18 — 20 տարեկան մեր երեխաներին»: Տիկին Լամարան հավելեց նաև, որ Սյունիքի մարզի ընդհանուր իրավասության դատարանում գործի դատաքննությունն իրականացվում է գրեթե արագացված ընթացակարգով, դատավոր Հ. Դավթյանի` գործի քննությունն արագ ավարտելու ցանկությունից և ամբաստանյալների` դատավորի հետ համաձայնեցված գործողություններից հետևում է, որ դատավճիռն արդեն իսկ որոշված է և իր որդու մահվան մեջ մեղավորների համար նախատեսված է առավել քան մեղմ պատիժ:
Այսօր Կենտրոն և Նորք- Մարաշ շրջանների ընդհանուր իրավասության դատարանում՝ դատավոր Կարինե Ղազարյան, հրապարակվեց առանձնապես խոշոր չափի խարդախության մեջ մեղադրվող Հրանտ Բարամյանի դատավճիռը ։
Այս շատ հետաքրքիր դատավարության հիմքում ընկած է առավել քան հետաքրքիր պատմություն։ Բանն այն է, որ խարդախության համար 7 անգամ դատապարտված Հրանտ Բարամյանը կարողացել է «Վարդաշեն» ՔԿՀ-ից բջջայինով զանգահարել «Բարի Սամարացի» ընկերության տնօրենին և ներկայանալով որպես Սերժ Սարգսյանի թիկնազորի աշխատակից ,ասել, թե պետք է վերևներում` Նոր տարվա նվերների հարց լուծել: Իսկ 50- ական եկեղեցու հավատացյալ Հովհաննես Հովակիմյանը սիրահոժար համաձայնվել է և պայմանավորված տեղում ու ժամին «նախագահի» վստահված անձին փոխանցել օծանելիք, 45 և 15 հազար դոլարանոց ժամացույցներ, որոնք գնել է Պետական եկամուտների նախագահ Գագիկ Խաչատրյանին պատկանող «Խրոնոգրաֆ» խանութից:
1959 թվականին ծնված Հրանտ Բայրամյանը Էջմիածնի Գրիբոյեդով գյուղից է, նախկին ազատամարտիկ է, կռվել է Մանվել Գրիգորյանի գլխավորած 5-րդ ջոկատում: Հրանտն ինտերնետի միջոցով պարզելով «Բարի Սամարացի» ընկերության տվյալները և, հավանաբար, վստահ լինելով, որ նա շաատ բարի կլինի, զանգել է `ներկայանալով Սերժ Սարգսյանի թիկնազորի պետ: Պայմանավորված վայրում վստահված անձին է փոխանցվել նվերները։ Սակայն գործը բացահայտվել է։
Դատավարությանը «Բարի Սամարացու» տնօրենը չէր մասնակցում։ Նրա ներկայացուցիչ Ռուբեն Խոջոյանը դատարանից պահանջեց վերադարձնել թանկարժեք իրերը, սակայն ամբաստանյալն ասաց, որ ինքը 5միլիոն 550000 դրամ արժողության ժամացույցը վաճառել է գեներալ Մանվելի եղբորը ՝ 5 հազար դոլարով։ Վերջինս վճարել է, հետո կասկածել, թե նման ժամացույցն այդ գումարով չի կարող իսկապես ֆիրմային լինել, որոշել է հետ վերադարձնել ֆալշ ապրանքը, բայց պարզվել է՝ 2000 դոլարն արդեն ծախսել են գումարից։
Մեղադրող Ղալեչյանը մեղադրական եզրակացության մեջ նշեց, որ նվերներ անելու պատրվակով Բարամյանը Հովակիմյանից հափշտակել է 5միլիոն 550000 դրամ արժողության ժամացույց, մեկ ուրիշ` 15 միլիոն 540000 դրամ արժողությամբ ձեռքի ժամացույց և 540 000 դրամ արժողությամբ տղամարդու օծանելիք, և դատարանից պահանջեց խարդախին դատապարտել 9 տարվա ազատազրկման։
«Ես հանցագործ չեմ, չնայած հանցանք եմ կատարել, ձեզ թվում ա ես ռեցեդևիստ եմ, չէ, կարգին տղա եմ։ Այդ քայլին եմ գնացել, որովհետև ունեմ երեք երեխա, քաղցկեղով հիվանդ եղբայր»,- ընդունելով մեղքը, իր խոսքում ասաց ամբաստանյալ Բարամյանը և միջնորդեց գործը քննել արագացված դատավարության կարգով։ Պաշտպան Հայկուշ Դավթյանը դիմեց դատարանին հաշվի առնելու Բարամյանի մարդկային որակները, հայրենիքին մատուցած ծառայությունները, որոնց համար ստացել էր բազմաթիվ շքանշաններ և մեղմացնել պատիժը։ Սակայն դատարանը որոշեց բավարարել մեղադրողի պահանջը`դատապարտելով Բարամյանին 9 տարի ազատազրկման ,առանց գույքի բռնագրավմամբ։
Որոշվեց նաև վերադարձնել թանկարժեք իրեղեն ապացույցները։ Հովակիմյանը խնդրել էր ապահովել հատկապես այդ մասը։
Հետաքրքիր է երկու հանգամանք. նախ` որտեղից է Հրանտին հայտնի դարձել, որ նախագահ Սարգսյանը հատուկ սեր ունի թանկարժեք ժամացույցների նկատմամբ։ Բացի այդ, «Բարի Սամարացին» իր ներկայացուցչի միջոցով հայտնել է թե. «Աստված իր հետ, ես ներում եմ իրեն» ու ասել, որ եթե 5հազար դոլար էր պետք Հրանտին, թող ասեր՝ ինքը նրան կտար։
Հ.Գ. Բանն այն է, որ այն փողոցը, որտեղ ապրել ու այժմ իր բիզնեսն է զարգացնում Հովակիմյանը, սարսափելի անմխիթար վիճակում է գտնվել տարիներ շարունակ, անգամ խուլ գյուղական ճանապարհն ավելի բարեկարգ է քան այն, ու ինչ է արել բարի հավատացյալ ու շռայլ սամարացին` բոլորովին վերջերս ասֆալտապատել է փողոցի միայն իր տան դիմացի հատվածը, երևի իր քույրիկ -եղբայրների աղոթքը տեղ է հասել, որ գոնե նրանց ոտքի տակ է մաքրվել պատմական ցեխից։
Կարծում ենք՝ այս իմանալուց հետո Հրանտն այնքան խելք կունենա, որ չի հուսա ստանալու նրա առաջարկած 5հազար դոլարը, ինչքան էլ կարիքի մեջ լինի։
Ազնիվ Կարապետյան
Հերթական անգամ ՀՀ «արդար և անկախ» դատավարություն իրականացնող դատարանները «փոսը քցեցին» հայրենի կառավարությանը: Այսօրվա նիստում կառավարությունը ՀՀ արդարադատության նախարարությանը գումար է հատկացրել. Մարդու իրավունքների եվրոպական դատարանի կողմից «Մամիկոնյանն ընդդեմ Հայաստանի» թիվ 25083/05 գանգատով 2010թ. մարտի 16-ին կայացրած վճռի պահանջները կատարելու համար` մեկ հազար եվրոյին համարժեք ՀՀ դրամ, և «Աշոտ Հարությունյանն ընդդեմ Հայաստանի» թիվ 3434/04 գանգատով 2010թ. հունիսի 15-ին կայացված վճռի պահանջները կատարելու նպատակով` 16.000 եվրոյին համարժեք ՀՀ դրամ:
Վերջին տարիներին հատկապես շատացել են Հաագա ուղղվող Հայաստանի քաղաքացիների հայցերը: Անցնելով հայաստանյան դատական համակարգի բոլոր օղակներով` այդպես էլ արդարություն չգտնող քաղաքացիները դիմում են եվրոպական դատարան և, որպես կանոն, շահում դրանք: Ամենավառ օրինակը Ա1 պլյուսինն էր: Իսկ պարտված հայցերի դիմաց վճարողը, ցավոք, ոչ թե կաշառակեր և խիղճն ու օրենքը գրպանը դրած, գործ սարքող իրավապահներն են ու նրանց կամակատար դատավորները, այլ դարձյալ ՀՀ քաղաքացիները. այդ գումարները գանձվում են պետական բյուջեից, այն գումարներից, որոնք կարող էին ծախսվել ի բարօրություն սեփական ժողովրդի:
1996 թվականին բժշկական ինստիտուտի ատամնաբուժության ֆակուլտետի 3-րդ կուրսի ուսանող Մհեր Ենոքյանին մեղադրել են համակուրսեցու` Իոսիֆ Աղաջանովին շահադիտական նպատակներով սպանելու մեջ, դատապարտելով մահապատժի, որն այնուհետև փոխվեց ցմահ ազատազրկման։ Սա այն Ենոքյանն է, որ երկու անգամ խցակից ընկերոջ հետ կալանավայրից դիմեց փախուստի։
Դեկտեմբերի 1-ին Երևանի Աջափնյակ և Դավիթաշեն վարչական շրջանների ընդհանուր իրավասության դատարանում անորոշ ժամանակով հետաձգվեց ցմահ ազատազրկման դատապարտված Մհեր Ենոքյանի՝ հերքման իրավունքի պահանջով քաղաքացիական հայցն ընդդեմ «Կենտրոնե հեռուստաընկերության։
Ենոքյանի փաստաբանը` Վահագն Մանուկյանը դիմել էր համապատասխան մարմիններին՝ դատական նիստին հայցվորի` Մհեր Ենոքյանի ներկայությունն ապահովելու խնդրանքով, ինչը չէր բավարարվել առանց որևէ պատճառաբանության։
Բանն այն է, որ դեռևս օգոստոսի 29-ին նույն հեռուստաընկերության «Հետաքննությունե հաղորդաշարի ժամանակ հրապարակվել էր սխալ տեղեկատվություն, ըստ որի հանցագործը սպանել և մասնատել է իր զոհի դին: Մհեր Ենոքյանը սխալ տեղեկատվությունը հերքելու պահանջով դիմել էր հեռուստաընկերություն։
«ԶԼՄ-ների մասինե ՀՀ օրենքի 8-րդ հոդվածի 1-ին կետի համաձայն` հերքումը պիտի հրապարակվի առավելագույնը մեկամսյա ժամկետում։ Իսկ նույն հոդվածի 2-րդ կետով, անճշտությունը տարածած ԶԼՄ-ն, հերքման պահանջը ստանալուց հետո, մեկշաբաթյա ժամկետում պարտավոր է տեղեկացնել հերքման եղանակի, օրվա ու ժամի մասին։
Սահմանված բոլոր ժամկետները լրանալուց հետո էլ , «Կենտրոն» հեռուստաընկերությունից որևէ պատասխան չի ստացվել։ Հաղորդման շրջանակներում ևս Հերքում չեղավ։ Դա էր պատճառը, որ արդեն նոյեմբեր ամսին Մհեր Ենոքյանը դիմեց դատարան՝ «հերքման իրավունքի պահանջով»։
Դրանից հետո, դատավարությունից ընդամենը երեք օր առաջ՝ նոյեմբերի 28-ին, «Հետաքննությունե հաղորդաշարի շրջանակներում տեղ գտավ օգոստոսի 29-ին եթեր հեռարձակված անճշտության հերքումն առ այն, որ Մհեր Ենոքյանը համակուրսեցու դին չի բաժանել 17 մասի։ Մեջբերվեց հատված 1996 թ. ՀՀ Գերագույն դատարանի կողմից կայացված դատավճռից, ըստ որի` Ենոքյանի պահանջով իր հանցակից Արամ Հարությունյանն է դանակով հարվածել Իոսիֆ Աղաջանովի պարանոցին։
Նշենք, որ նույն դատավճռով Մհեր Ենոքյանը դատապարտվեց մահապատժի, որը 2003-ին ՀՀ նախագահի հրամանագրով փոխարինվեց ցմահ ազատազրկման, իսկ Արամ Հարությունյանը դատապարտվեց 15 տարվա ազատազրկման։ Սակայն Ենոքյանը դատարանում իրեն մեղավոր չճանաչեց։
Այսօր «Կենտրոն» հեռուստաընկերության ներկայացուցիչը դատարան ներկայացրեց նամակ-միջնորդություն, որով ՀԸ–ը խնդրում է կարճել հայցը՝ պատճառաբանելով, որ նոյեմբերի 28-ին «Հետաքննություն» հաղորդման շրջանակներում պատրաստվում են եթեր հեռարձակել հերքման տեքստը։ Ի դեպ, ՀԸ ներկայացուցչի խոսքով` նամակը դատարան է ուղարկվել դեռևս նոյեմբերի 27-ին՝ դատարանի կողմից ծանուցագիր ստանալուց հետո։ Սակայն դատարանը նշեց, որ առանց հայցվորի կարծիքն իմանալու, սխալ կլինի որևէ որոշում կայացնել։
«Այս անգամ դատը կարճ տևեց, և մենք չկարողացանք ներկայացնել մեր երկրորդ պահանջը, անդրադառնալ ևս մեկ կարևորագույն սխալմունքի, որ տեղի է ունեցել 2006 թ-ին»,- ասաց Վահագն Մանուկյանը։
Նշենք, որ խոսքը 2006-ին Սյունիքի մարզի առաջին ատյանի դատարանում կատարված Մհեր Ենոքյանի «մայր» գործի վերանայման մասին է, ըստ որի` նոր քրեական օրենսգրքի հետ համապատասխանեցվել են որոշակի հոդվածներ: Ըստ այդմ, Մհեր Ենոքյանին վերագրվել է երկու և ավելի անձանց սպանություն կատարելու մեղադրանք, նաև ավազակային հարձակում։
Մինչդեռ օգոստոսի 31-ին ՔԿՀ-ից փախուստի դիմելու գործով Վերաքննիչ բողոքի քննության ժամանակ Ենոքյանն այս մասին ասել էր. «Նման արարքներում ես ընդհանրապես չեմ մեղադրվել, և ընդհանրապես նոր եմ տեղեկանում, որ ինչ-որ տեղ երբևէ վերանայվել են քրեական գործեր»։
Անազատության մեջ գտնվող դատապարտյալը պահանջելու է բացահայտել իր դեմ հարուցված քրեական գործի նյութերը լրատվամիջոցին տրամադրելու աղբյուրը:
2010թ. նոյեմբեր-դեկտեմբեր ամիսներին պարտադիր զինվորական և այլընտրանքային ծառայությունների զորակոչ անցկացնելու և զորացրում կատարելու մասին նախագահ Սերժ Սարգսյանի հրամանագրից հետո, Գլխավոր դատախազ Աղվան Հովեսփյանը ցուցում է տվել մարզերի և համայնքների դատախազներին՝ անհապաղ փոխել ընտրված խափանման միջոց կալանավորումը, դադարեցնել հետախուզումը և քրեական հետապնդումը այն զորակոչիկ մեղադրյալների նկատմամբ, ովքեր զորակոչի ընթացքում կամովին կներկայանան ոստիկանություն կամ զինկոմիսարիատ և ցանկություն կհայտնեն ծառայելու ՀՀ զինված ուժերում:
ՀՀ պաշտպանության նախարարի մամուլի քարտուղար Դավիթ Կարապետյանը հայտնեց , որ մինչ այդ էլ նման ցուցումներ Գլխավոր դատախազության կողմից պարբերաբար եղել են, մոտավորապես` տարին մեկ պարբերականությամբ: «Շատերը չեն գալիս` վախենալով քրեական պատասխանատվությունից: Տվյալ դեպքում, մենք ոչ օրինական դաշտում գտնվողներին հնարավորություն ենք տալիս իրենց կարգավիճակը փոխել և կատարել պարտքը հայրենիքի նկատմամբ: Նրանց ոչ օրինական դաշտում պահելով՝ հայրենիքը չի շահում»,-ասաց Դավիթ Կարապետյանը։
Սա արդյո՞ք չի նշանակում, որ պետական մոտեցմամբ ավելացնում ենք դասալիքների բանակը՝ խրախուսելով անկանոնությունն ու անպատասխանատվությունը զորակոչի նկատմամբ։
Մարդիկ կմտածեն, որ կարող են թաքնվել զորակոչից, ու եթե ուրիշ ավելի հարմար տարբերակ չգտնեն առհասարակ չծառայելու, սպասելով առավել հարմար ժամանակների, հանգիստ կվերադառնան ու ծառայության կանցնեն ։ Միթե՞ կարելի է այս պատասխանատու ժամանակահատվածում նման կերպ վարվել, երբ երկսայրի սուրը կարող է վնասել երկուստեք։
Դավիթ Կարապետյանն ընդունելի չհամարեց նման մեկնաբանությունը։ Նա նույնիսկ ասաց, որ նման քայլը էֆեկտիվություն ունի, այլապես՝ չէին անի:
Ի պատասխան հարցի, թե կա՞ն թվեր, որոնք թույլ կտան պարզել, թե դատախազության «հայտարարած համաներման» հետևանքով քանի դասալիք է վերադառնում օրինականության դաշտ,և քանիսն է փախչում ծառայությունից, Դավիթ Կարապետյանն առաջարկեց դիմել դատախազություն։
Այսօր ավարտվեց ոստիկանության Չարենցավանի բաժանմունքում սպանված Վահան Խալաֆյանի՝ մոտ 8 ամիս տևած դատավարությունը։
Կոտայքի մարզի ընդհանուր իրավասութան դատարանում` Հրազդան քաղաքում դատավոր Մակյանը հրապարակեց ապրլի 13-ին կասկածելի հանգամանքներում սպանված Վահան Խալաֆյանի գործով կալանավորված Չարենցավանի ոստիկանության աշխատակիցների դատավաճիռը: Ի դեպ, դատավճռի հրապարակմանը ներկա չէին մեղադրողները`Կորյուն Փիլոյանն ու Հարություն Հարությունյանը, և դատարանում չէր նաև ամբաստանյալ Աշոտ Հարությունյանի փաստաբան Սեդա Սաֆարյանը:
Ըստ դատավճռի՝ Չարենցավանի քրեական հետախուզության բաժանմունքի պետ Աշոտ Հարությունյանը դատապարտվեց 8 տարվա ազատազրկման։
Մորես Հայրապետյանը, ում, ի դեպ, Վահան Խալաֆյանի շահերի պաշտպան Արտակ Զեյնալյանը համարում է Խալաֆյանին սպանողը, դատապարտվեց 2 տարի պայմանական ազատազրկման, իսկ մյուս ամբաստանյալներին դատարանն արդարացրեց:
Դատավճռի հրապարակումից հետո դատարանի դահլիճում ներկա գտնվողները սկսեցին փոխադարձ մեղադրանքներ շպրտել միմյանց հասցեին: Բայց բոլորը միաձայն պնդում էին, որ դատավարություն որպես այդպիսին, չի կայացել, որ արդարադատությունը մեր երկրում որոշվում է մեկ վայրում` դատախազությունում, իսկ դատավորն ընդամենը կամակատար է։
-
-
11.05.2024 | 01:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ուղերձը Բաքվի բանտից -
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գործընթացի մասին -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին -
11.05.2024 | 02:10
Այո՛, երկքաղաքացի եմ․ Բագրատ Սրբազանը հաստատեց՝ ՀՀ-ի և Կանադայի քաղաքացի է -
14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատրյանը՝ Արսեն Թորոսյանին -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.