16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...10.05.2024 | 12:09
Բագրատ Սրբազան. Արթմության զգացումը կա, այս բոլորն այլևս պետք է տեղափոխվի քաղաքա...09.05.2024 | 15:10
Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հա...09.05.2024 | 14:10
ՀՀ-ի ամենաերկար թունելը․ ներկայացվել է Հյուսիս-հարավի 60կմ-ոց նոր ճանապարհահատվա...09.05.2024 | 13:10
Այս շարժումն իր էությամբ քաղաքական չէ, բայց այն կրում է քաղաքացիական ներգրավվածո...09.05.2024 | 12:10
Սկիզբ է դրվում Արցախի հայկական ինքնության իսլամացման ադրբեջանական քաղաքականությա...09.05.2024 | 11:10
Մայիսի 9-ը ցույց կտա, թե որ ուղղությամբ է զարգանալու համաժողովրդական շարժումը. Ա...08.05.2024 | 15:10
Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայան...08.05.2024 | 14:10
Շտապօգնության տնօրենը պարզաբանում է բուժակի հետ կապված միջադեպը...08.05.2024 | 13:10
ՀՀ կառավարության ղեկավարը թշնամուն է հանձնել ՀՀ ինքնիշխան տարածքը` ՀՀ քր. օրենսգ...Ինչպես հաղորդում է Rusarminfo.ru-ն, հունվարի 16-ի երեկոյան Մերձմոսկվայի Սոլնեչնոգորսկ շրջանում առևանգվել է գործարար Սարգսյանի 16-ամյա դուստրը: Կատարվածից հետո տղամարդը հեռախոսազանգեր է ստանում պահանջով երկու օրում միլիոն (արտարժույթը չի հստակեցվում) փրկագին վճարել:
Հաղորդվում է, որ ութերորդ դասարանում սովորող աղջիկը գնում էր պարապմունքի, սակայն մինչ դասախոսի տուն չի հասել, հետ նույնպես չի վերադարձել: Միակ հեռախոսազանգում նա հորը հաղորդել է, որ նրան երեք երիտասարդ տղամարդ է առևանգել, բռնի նստեցնելով մեքենան ու տանելով անհայտ ուղղությամբ: Աղջիկը խնդրել է հորը, որ նա կատարի առևանգողների պահանջները:
Սարգսյանների ընտանիքի ենթադրությունների համաձայն, դա կարող էին անել պարտքատերերը կամ հոր նախկին գործընկերը, քանզի փրկագինի պահանջով հաղորդագրությունների մեջ նշված էր «Վարուժան» ընկերությունը, որին պարտք է Սարգսյանը:
Իրավապահներին դիմելուց հետո քննչական գործողություններ են ձեռնարկվել: Հայտնի է դարձել, որ սպառնալիքներով զանգերը արվել են Հայաստանից:
Վարկածներից մեկի համաձայն աղջիկը կարող էր կազմակերպել սեփական առևանգումը, թե ինչ պատճառով դեռ հայտնի չէ: Նման մտքի քննիչները հանգել են տարաբնույթ պահանջներից ելնելով, որոնք ստացվում էին առևանգողներից, ինչպես նաև աղջկա երկու անձնագրերի, երեխային արտերկիր տանելու թույլտվության մասին վկայող փաստաթղթի բացակայությունը տանը, ինչը նշանակում է, որ աղջիկը երկիրը լքելու մտադրություն ունի:
Ռուսաստանցի իրավապահները դիմել են հայ գործընկերներին գործի քննության համատեղ աշխատանքներ իրականացնելու համար:
Zham.am
SHAMSHYAN.com-ի տեղեկություններով՝ Հայաստանի քննչական կոմիտեի Սյունիքի մարզային քննչական վարչության ավագ քննիչ Նարեկ Աբգարյանի կողմից քրեական գործ է հարուցվել Կապան քաղաքի Արամ Մանուկյան փողոցի բնակիչ, 19-ամյա Աստղիկ Հ.-ի բողոքի հիման վրա։
Ինչպես հայտնում է ֆոտոլրագրող Գագիկ Շամշյանը, հունվարի 18-ին, Աստղիկ Հ.-ն ոստիկանության Կապանի բաժին հայտնել է, որ ժամը 00։30-ի սահմաններում Կապանի բժշկական կենտրոնի անեսթեզիոլոգ-ռևմատոլոգ Անուշավան Կարապետյանը իր կամքին հակառակ փորձել է բռնաբարել իրեն։ Գ. Շամշյանի տեղեկություններով՝ Ա. Կարապետյանը 53 տարեկան է, ծնունդով Երևանից, սակայն պայմանագրային հիմունքներով աշխատում է Կապանի բժշկական կենտրոնում և բնակվում է Կապան քաղաքի Թումանյան փողոցի 9-րդ շենքում։ Նրա նկատմամբ բողոք գրած Աստղիկ Հ.-ն հունվարի 16-ին, ժամը 21։10-ի սահմաններում «դեղորայքային էկզոգեն թունավորում» ախտորոշմամբ ընդունվել է նշված բժշկական կենտրոն և, ըստ նրա հայտարարության, գիշերը վերակենդանացման բաժանմունքից Ա. Կարապետյանը իրեն տեղափոխել է բժիշկների սենյակ և փորձել իր կամքին հակառակ սեռական բնույթի գործողություններ կատարել, սակայն արժանանալով դիմադրության՝ բժիշկը իր սև գործը ավարտին չի հասցրել։
Առավոտվանից Կապանի բժշկական կենտրոնի կոլեկտիվի որոշ անդամներ ի նշան բողոքի, որ Սյունիքի մարզպետ Վահե Հակոբյանը իրենց տնօրենին ազատել է աշխատանքից, հրաժարվում էին դուրս գալ աշխատանքի, մինչդեռ, եթե իրականությանը համապատասխանի Աստղիկ Հ.-ի ասածը, ապա մեղքի իր բաժինն ունի նաև տնօրենը, ով, եթե տեղում լիներ, ապա բժիշկ Ա. Կարապետյանը չէր համարձակվի իր անասնական զգացմունքներին հագուրդ տալ։
Politik.am-ը իր վերլուծություններից մեկում գրել էր, որ Սերժ Սարգսյանը ունի որոշում քաղաքականապես ոչնչացնել Գեներալ Մանվել Գրիգորյանին: ՀՀԿ-ին հավատարիմ գեներալին հեռացնելու մի քանի պատճառներ կան:Առաջինն այն է, որ նրա ծառայությունների կարիքը կարծես իշխանությունները չեն զգում, երկրորդ հանգամանքն այն է, որ Սերժ Սարգսյանը ամեն կերպ հեռացնում է իշխանական կերակրատաշտից բոլոր նրանց, ովքեր նրա հետ կարող են խոսել ինչպես հավասարը հավասարի հետ: Սերժ Սարգսյանի համար նման անձինք համարվում են վտանգավոր գործիչներ, քանի որ սասանում են նրա դիրքերը: Ամեն անգամ Սերժ Սարգսյանը ստիպված է լինում նման գործիչներին զիջումներ անել:
Սերժ Սարգսյանը ցանկանալով հեռացնել Մանվել Գրիգորյանին իր մերձավորների շրջապատից, միևնույն ժամանակ չի ցանկանում, որ նա իր հնարավորությունների սահմաններում ծառայություններ մատուցի իր քաղաքական ախոյաններին: Ահա այս նպատակով է, որ նախագահ Սերժ Սարգսյանին անհրաժեշտ է գործիք, որը կզսպի Մանվել Գրիգորյանին:
Մեր նախորդ հրապարակման մեջ մենք նշել էինք, որ նման գործիք կարող է հանդիսանալ Մանվել Գրիգորյանի քաղաքապետ որդու դեմ քրեական գործի հարուցման վտանգը: 2016 թվականի սեպտեմբերի 16-ին Էջմիածնի քաղաքապետի նախկին թեկնածու Արթուր Թումանյանի, նախկին քաղաքապետ Հրաչիկ Աբգարյանի եղբորորդու՝ Ստեփան Աբգարյանի և ԱԺ պատգամավոր, գեներալ Մանվել Գրիգորյանի որդիների՝ Կարեն և Արման Գրիգորյանների կողմնակիցների միջև տեղի էր ունեցել ծեծկռտուք: Ծեծկռտուքի մասով հարուցված քրեկան գործը հետագայում հետաքրքիր ընթացք ստացավ՝ տեղի ունեցած ծեծկռտուքի դրվագն առանձնացվեց և քրեական գործ հարուցվեց:
Այս միջադեպից հետո Մանվել Գրիգորյանի կողմնակիցները հայտարարում էին, որ հարձակումը եղել է քաղաքապետի թեկնածու Արթուր Թումանյանի կողմնակիցների կողմից ու իրենք միայն տուժող են: Հրապարակումներ եղան անգամ, որ Մանվել Գրիգորյանի որդու նկատմամբ մահափորձ է կատարվել:
Երեկ ՀՀ քննչական կոմիտեի ՀԿԳ քննության գլխավոր վարչության տարածած հայտարարությունը հետաքրքիր մեսիջ էր գեներալ Մանվել Գրիգորյանին.«Համալիր դատաձգաբանական, դատաքիմիական, դատահետքաբանական և դատակենսաբանական փորձաքննության եզրակացության համաձայն՝ փորձաքննության ներկայացված բոլոր 4 ավտոմեքենաների վրա հրազենային բնույթի վնասվածքներ չեն հայտնաբերվել, ապացույցներ ձեռք չեն բերվել՝ Արթուր Թումանյանի կամ որևէ այլ անձի կողմից ինչպես Կարեն Գրիգորյանի, այնպես էլ՝ մյուսների նկատմամբ սպանության փորձ կատարելու հանգամանքի վերաբերյալ։ Քննությամբ պարզվել են միջադեպի իրական հանգամանքները։
Նախնական քննության տվյալներով՝ 2016թ. սեպտեմբերի 16-ին` ժամը 23:30-ից 23:55-ն ընկած ժամանակահատվածում, անձնական հարցեր պարզաբանելու նպատակով, Էջմիածին քաղաքի Սպանդարյան փողոցում հետապնդման են ենթարկվել նույն քաղաքի բնակիչներ Արթուր Թումանյանը և Ստեփան Աբգարյանը: Այդ ընթացքում վերջիններս «Վազ 21-06» մակնիշի ավտոմեքենայով փորձել են դիմել փախուստի, սակայն չեն կարողացել և Էջմիածին քաղաքի Սպանդարյան և Մեխակ Մեխակյան փողոցների խաչմերուկում` թիվ 6-րդ մանկապարտեզի դիմաց, ենթարկվել ֆիզիկական բռնության։ Նշանակված դատաբժշկական փորձաքննությունների եզրակացություններով՝ Ա.Թումանյանին պատճառվել է միջին, իսկ Ս.Աբգարյանին թեթև մարմնական վնաս»,-ասվում է Քնչական կոմիտեյի հայտարարության մեջ։
Փաստորեն Մանվել Գրիգորյանի որդիների նկատմամբ իրականացված բռնության մասին տեղեկությունները հերքվել են, իսկ միջադեպի մյուս կողմը, ըստ հայտարարության, ստացել է միջին ծանրության մարմնական վնասվածք:
Ընտրություններից առաջ, սա հրաշալի հնարավորություն է Սերժ Սարգսյանի համար: Հիմա նա կարող է հեշտությամբ մեկուսացնել գեներալին և նրա փոխարեն այլ խաղացող մտցնել խաղադաշտ, իսկ Մանվել Գրիգորյանը դժգոհել չի կարող, քանի որ հակառակ պարագայում, սույն գործով կարող է ձերբակալվել նրա որդին:
ՌԴ Խաբարովսկի մարզում առևանգել և սպանել են հայազգի գործարարի որդուն՝ 25-ամյա Անդրանիկ Մուրադյանին: Նա անհետացել էր հունվարի 10-ին։
Պարզվել է, որ առևանգումը կազմակերպել է Ռաֆիկ Ղամբարովն, ով Անդրանիկի համադասարանցին է եղել և պարբերաբար նրանից գումար է պարտք վերցրել:
Ռաֆիկ Ղամբարով
Ըստ համացանցի ռուսական տիրույթում արվող մեկնաբանությունների` Ղամբարովն ադրբեջանցի է, թեև հետաքննությունը նրա ազգային պատկանելության մասին դեռևս ոչինչ չի հայտնել:
Առևանգման օրը Ռաֆիկը զանգել է Անդրանիկին ու պայմանավորվել` հանդիպել ավտոտնակում` պարտքը վերադարձնելու համար: Անդրանիկի տեղ հասնելուն պես նրան ծեծի են ենթարկել ու պահել մի քանի օր: Այնուհետև նրանք զանգել են հորն ու փրկագին պահանջել` 20 միլիոն ռուբլի: Սակայն, վախենալով, որ հնարավոր է` իրենց ճանաչեն, առևանգողները պարանով խեղդամահ են արել Անդրանիկին ու փորձել դին այրել` վերացնելով հետքերը:
2 հանցագործները, որոնք 25-26 տարեկան են, ձերբակալվել են։
Մի քանի տարի առաջ հոսանքի հարվածից մահացել էր Մուրադյանների ավագ որդին՝ Սասունը։
Ծնողներն այժմ ոչ երեխաներ ունեն, ոչ թոռներ, նրանք մնացել են միայնակ:
Ծանոթների նկարագրմամբ` Անդրանիկը եղել է բարի, հոգատար ու բոլորին օգնող երիտասարդ:
Որոշում է կայացվել, որ ավագ եղբոր մարմինն արտաշարիմվի և կրտսերի մարմնի հետ տեղափոխվի հայրենիք:
62-ամյա կնոջ բռնաբարության համար Տավուշի մարզի 50-ամյա բնակիչը դատապարտվեց 3 տարի ժամկետով ազատազրկման և 50 000 ՀՀ դրամի չափով տուգանքի:
Ըստ մեղադրանքի՝ Արամը ապրիլի 15-ին՝ ժամը 22:00-ից մինչև 23:00-ն ընկած ժամանակահատվածում, մուտք է գործել Տավուշի մարզի 62-ամյա կնոջ առանձնատուն և նույն առանձնատան ննջասենյակում մի քանի անգամ ապտակել է նրան և վերջինիս կամքին հակառակ սեռական հարաբերություն ունեցել նրա հետ:
Արամին մեղադրանք էր առաջադրվել ՀՀ քրեական օրենսգրքի 138-րդ հոդվածի 1-ին մասով և 147-րդ հոդվածի 1-ին մասով: Նրա նկատմամբ որպես խափանմա միջոց էր ընտրվել չհեռանալու մասին ստորագրությունը:
Մասնավորապես, դատարանը դատաքննությամբ հետազոտված ապացույցներով հաստատված է համարել, որ նշվածը օրը Արամն ապօրինի մուտք է գործել Տավուշի մարզի 62-ամյա բնակչուհու առանձնատուն, և տան երկրորդ հարկում ալյուրի դատարկ պարկը մտցրել է կնոջ գլուխը, միաժամանակ պարկի վրայից բերանը փակել և բռնությամբ տարել ննջասենյակ:
Այնուհետև մի քանի անգամ ապտակել է և առաջարկել սեռական հարաբերություն ունենալ իր հետ, սակայն մերժում ստանալով՝ կնոջը հրել գցել է մահճակալի վրա, հանել նրա զուգագուլպաներն ու ներքնաշորը և, վերջինիս կամքին հակառակ, բռնության գործադրմամբ, շուրջ տասը րոպե սեռական հարաբերություն ունեցել նրա հետ:
Լսելով դրսից եկող ոտնաձայները՝ տղամարդը դադարեցրել է իր գործողությունները և թաքնվել սենյակում գտնվող մանկական մահճակալի ետևում, որից հետո տուժող կնոջ աղջիկը, լսելով մոր ձայնը և մտնելով ննջասենյակ, տեսել է Արամին և հարցրել, թե ով է և ինչ է անում իրենց տանը, սակայն վերջինս ոչինչ չպատասխանելով անմիջապես հեռացել է:
Առաջադրված մեղադրանքներում Արամն իրեն մեղավոր չի ճանաչել և ցուցմունք տալով հայտնել է, որ տուժողին ճանաչում է որպես Տավուշի մարզի բնակիչ, նրա հետ թշնամություն կամ բարեկամություն չունի: Չի կարող ասել, թե ինչու է տուժողն իր դեմ նման ցուցմունք տվել, միգուցե թշնամությու՞ն է ցանկացել անել:
Ինքն ընդհանրապես տուժողի տուն երբևէ չի գնացել, նույնիսկ չգիտի, թե որտեղից է նրանց դուռը բացվում կամ քանի սենյակ ունի տունը:
Տուժողն էլ իր հերթին դատարանում ցուցմունք է տվել՝ հայտնելով, որ չի ճանաչում Արամին, նրան առաջին անգամ տեսել է դեպքի օրը՝ իրենց տանը, և պատմել է, որ տղամարդը մտել է իր տուն, հետևի կողմից գլուխը պարկ է մտցրել, միաժամանակ բերանի հատվածը փակել է ու տարել դեպի ննջասենյակ: Իրեն գցել է մահճակալի վրա, հանել է զուգագուլպան և ներքնաշորը և իր կամքին հակառակ՝ սեռական հարաբերություն է ունեցել իր հետ:
Այդ մարդը բեղեր է ունեցել, զինվորական հագուստով է եղել: Ինքը զգացել է նաև, որ նա խմած է եղել:
Ըստ տուժողի ցուցմունքի՝ դեպքի պահին ինքը տանը մենակ է եղել. ամուսինը քաղաք էր գնացել, իսկ աղջիկը՝ խանութ: Ինքն օգնություն է կանչել, սակայն ոչ ոք չի լսել: Աղջկա ոտնաձայները լսելով՝ ամբաստանյալը դադարեցրել է իր գործողությունները և թաքնվել մանկական մահճակալի հետևում: Այդ ընթացքում ինքը հագել է ներքնաշորը և զուգագուլպան: Աղջիկը բացել է ննջասենյակի դուռը և ներս մտել:
Իրենք շատ վախեցած և հուզված են եղել: Տուժողի աղջիկն անմիջապես զանգահարել է գյուղապետին՝ ասելով, որ իրենց տուն մարդ է մտել: Հաջորդ առավոտյան նա իրենց տարել է թաղային ոստիկանի մոտ, որտեղ էլ ինքը պատմել է կատարվածի մասին:
տուժողը հայտարարել է, որ հարյուր տոկոսով կարող է ասել, որ իրեն բռնաբարել է ամբաստանյալ Արամը. այն ժամանակ նա բեղեր է ունեցել, հետո մաքրել է բեղերը, որպեսզի ինքը առերեսման ժամանակ չճանաչի նրան, սակայն ինքը ճանաչել է:
Դատարանն ամբաստանյալի դատաքննության ընթացքում տված ցուցմունքներն արժանահավատ չի համարել և գտել է, որ նա փորձում է խուսափել քրեական պատասխանատվությունից ու պատժից կամ այլ կերպ մեղմել իր վիճակը:
Ոստիև դատարանը Արամին մեղավոր է ճանաչել ՀՀ քրեական օրենսգրքի 138-րդ հոդվածի 1-ին մասով և 147-րդ հոդվածի 1-ին մասով, և պատիժների համակցությամբ նրան դատապարտել 3 տարի ժամկետով ազատազրկման և 50 000 ՀՀ դրամի չափով տուգանքի:
Dialogue.am կայքն իր «Սոցիալական իրավունք» խորագրի շրջանականերում ընթերցողների խնդրանքով սկսում է շարք՝ պարտադիր զինվորական ծառայության անցնելու զինվորի իրավունքների ու օրենքով սահմանված կարգով տրվող արտոնությունների մասին:
Բնակության վայրին մոտ ծառայելու իրավունքի մասին
Ըստ Զինապարտության մասին օրենքի, պարտադիր զինվորական ծառայության զորակոչի ժամանակ բնակության վայրին մոտ գտնվող զորամասում ծառայելու արտոնությունից կարող են օգտվել այն զորակոչիկները, որոնք համապատասխանում են ստորև նշվող խմբերին:
Նշենք, որ բնակության վայրին մոտ գտնվող զորամաս է համարվում զորակոչիկի հաշվառման (հաշվառում չունեցողները՝ փաստացի բնակության) վայրից մինչև 150կմ հեռավորությամբ տեղակայված ցանկացած զորամաս:
Որ դեպքերում է գործում արտոնությունը
1. Միայնակ ծնողի միակ զավակը, եթե
ա) ծնողն անցել է տարիքային կենսաթոշակի
կամ
բ) ունի հաշմանդամության երրորդ խմբի կարգ
2) զորաոչիկը, երբ հսյրը (մայրը) կամ եղբայր (քույրը) մահացել են՝
ՀՀ սահմանների պաշտպանության ժամանակ՝ ՀՀ զինված ուժերում և այլ զորքերում ծառայության ընթացքում, ինչպես նաև ՀՀ տարածքում տեղակայված օտարերկրյա պետությունների զինվորական ստորաբաժանումներում ծառայողական պարտականություններ կատարելիս:
3) Ամուսնացած և մեկ երեխա ունեցող զորակոչիկները
4) Երկկոմանի ծնողազուրկ զորակոչիկներն, ինչպես նաև միակողմանի ծնողազուրկ զորակոչիկները, եթե չունեն չափահաս քույր կամ եղբայր:
5) ՀՀ պաշտպանության նախարարի հրամանով՝ այլ զորակոչիկներ:
Իդեպ, զինված ուժեր կամ այլ զորքեր միաժամանակ զորակոչվող եղբայրները, իրենց ցանկությամբ, նույն զորակոչի ընթացքում ծառայության կարող են զորակոչվել միևնույն զորամաս: Նման դեպքերում, երկրորդ (կամ երրորդ որդու) զորակոչվեուց առաջ ծնողը պետք է գրավոր դիմի տարածքային զինկոմիսարիատ կամ Պաշտպանության նախարարություն:
Եթե եղբայրներից մեկը ծառայության մեջ է, իսկ մյուսը զորակոչվում է 6 ամիս կամ 1 տարի հետո, այդ դեպքում օրենքի այս կետն իրենց վրա չի տարածվում:
Աշխատանքային գրքույկների բուն թվայնացման գործընթացն սկսվելու է 2017թ.-ի ապրիլ ամսից և տևելու է մինչև 2019թ. հունվար ամիսը:
2017թ.-ին նախատեսվում է թվայնացնել 100 և ավելի աշխատող ունեցող գործատուների մոտ պահվող աշխատանքային գրքույկները: Թվայնացման աշխատանքներն իրականացնում է ՀՀ աշխատանքի և սոցիալական հարցերի նախարարության սոցիալական ապահովության պետական ծառայությունը:
Աշխատանքային գրքույկների թվայնացման աշխատանքներն սկսելու են հետևյալ ժամանակացույցի համաձայն.
Վարձու աշխատողների թվաքանակը | Աշխատանքային գրքույկները ներկայացնելու ժամանակետները |
100 և ավելի անձ | 2017 թվականի ապրիլ-դեկտեմբեր (փոխհամաձայնեցված ժամկետներում) |
40-99 անձ | 2018 թվականի հունվար |
20-39 անձ | 2018 թվականի փետրվար |
14-19 անձ | 2018 թվականի մարտ |
10-13 անձ | 2018 թվականի ապրիլ |
8-9 անձ | 2018 թվականի մայիս |
6-7 անձ | 2018 թվականի հունիս |
5 անձ | 2018 թվականի հուլիս |
4 անձ | 2018 թվականի օգոստոս |
1-3 անձ | 2018 թվականի սեպտեմբեր-դեկտեմբեր |
Իդեպ, ժամանակացույցով սահմանված ժամկետները կարող են վերանայվել Ծառայության տարածքային բաժնի և գործատուի միջև փոխհամաձայնեցման դեպքում: Գործատուների վրա լրացուցիչ որևէ ծանրաբեռնվածություն այս առումով չի լինելու:
Մինչև համապատասխան աշխատանքային գրքույկների ներկայացումը Ծառայությունն իր տարածքային ստորաբաժանումների միջոցով կապ կհաստատի յուրաքանչյուր գործատուի հետ՝ ընթացքը սահուն ապահովելու նպատակով:
Գործատուները, մինչև իրենց մոտ վարվող աշխատանքային գրքույկները Ծառայության տարածքային բաժին ներկայացնելը, աշխատանքային գրքույկում լրացված վերջին էջից հետո պետք է նշեն աշխատանքային գրքույկի լրացված բոլոր էջերի թիվը և ստորագրեն (կնիքի առկայության դեպքում՝ նաև կնքեն)՝ նշելով ստորագրողի և կնքողի զբաղեցրած պաշտոնը, անունը և ազգանունը: Ցանկացած կեղծ տեղեկատվություն առաջացնելու է ՀՀ օրենսդրությամբ նախատեսված պատասխանատվություն:
Աշխատանքային գրքույկների լրացման և հանձնելու մանրամասներին կարող եք ծանոթանալ հետևյալ հրապարակմամբ՝
2017-ից ում պետք է դիմել աշխատանքային գրքույկները հանձնելու համար՝ http://www.dialogue.am/2017ic-um-petq-1-dimel-ashxatanqayin-grquyknery-handznelu-hamar/
Հարգելի շահառուներ, Ձեր իրավունքն իրացնելիս խոչընդոտների հանդիպելու դեպքում կամ հավելյալ տեղեկատվություն ստանալու համար, կարող եք դիմել
հոդվածի հեղինակին +374 55 228 107
Պատրաստեց՝ Զառա Մանուչարյանը
www.Dialogue.am
ՀՀ Ազգային անվտանգության ծառայության քննչական վարչությունում քննվող մի քանի քրեական գործերով լայնածավալ օպերատիվ միջոցառումների և քննչական գործողությունների իրականացման արդյունքում բացահայտվել են հանրապետության տարբեր ոչ պետական ԲՈՒՀ-երում բարձրագույն կամ մասնագիտական կրթության վերաբերյալ կեղծ հիմքերով ձևակերպված պետական նմուշի ավարտական դիպլոմների տրամադրման դեպքեր:
Քննությամբ ձեռք բերված նախնական տվյալների համաձայն՝ ՀՀ կրթության և գիտության նախարարության կողմից հավատարմագրված ու Երևան քաղաքում և մարզերում գործող որոշ ոչ պետական ԲՈՒՀ-երի ռեկտորներ շահադիտական դրդումներով կեղծ ավարտական դիպլոմներ են հատկացրել դասընթացներին չմասնակցած, իսկ առանձին դեպքերում՝ նաև ընթացիկ ու ավարտական քննություններին չներկայացած անձանց։ Հատկանշական է, որ կեղծ դիպլոմները տրամադրվել են ոչ միայն Հայաստանի Հանրապետության, այլև օտարերկրյա, այդ թվում՝ Իրանի, ԱՄՆ-ի, Վրաստանի, ՌԴ-ի, Ուզբեկստանի և Իսրայելի մի քանի տասնյակ քաղաքացիների, որպիսի պայմաններում իրական են եղել թե նոր իրավախախտումների կատարման, և թե այլ անբարենպաստ հետևանքների առաջացման ռիսկերը:
Առերևույթ հանցանքներ կատարելու համար ոչ պետական ԲՈՒՀ-երի երեք ռեկտորների մեղադրանքներ են առաջադրվել առևտրային կաշառք ստանալու (ՀՀ քրեական օրենսգրքի 200 հոդվածի 3-րդ մաս) և առևտրային կամ այլ կազմակերպության ծառայողի կողմից իր լիազորությունները չարաշահելու (ՀՀ քրեական օրենսգրքի 214 հոդվածի 1-ին մաս) համար:
ՀՀ Ազգային անվտանգության ծառայությունն իրազեկում է, որ վերը նկարագրված, ինչպես նաև կեղծիքների հետ կապված այլ հանգամանքներում ստացված ավարտական դիպլոմներ կամ ակնհայտ կեղծ այլ փաստաթղթեր օգտագործելը քրեորեն հետապնդելի է և պատժվում է օրենքով։
Նախաքննությունը շարունակվում է:
Ծանուցում. Հանցագործության համար մեղադրվողը համարվում է անմեղ, քանի դեռ նրա մեղքն ապացուցված չէ օրենքով սահմանված կարգով՝ դատարանի օրինական ուժի մեջ մտած դատավճռով:
ՀՀ ԱԱԾ մամուլի կենտրոն
SHAMSHYAN.com-ի տեղեկություններով՝ Հայաստանի քննչական կոմիտեի նախագահ Աղվան Հովսեփյանի հրամանով ժամանակավորապես դադարեցվել է Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժնի քննիչ Դավիթ Շահբազյանի լիազորություները:
Ինչպես հայտնում է ֆոտոլրագրող Գագիկ Շամշյանը, Հայաստանի հատուկ քննչական ծառայությունում 2016 թ.-ին տեղեկություն էր ստացվել, որ 20 մլն դրամ արժողությամբ ոսկյա և արծաթյա զարդերի ավազակային հարձակման եղանակով կատարելու մեջ կասկածվող Անդրանիկ Աբրահամյանը հաղորդում է տվել, որ քննիչ Դ. Շահբազյանը չարաշահել է պաշտոնական լիազորությունները:
ՀԿԾ-ում նախապատրաստված նյութերի ուսումնասիրությամբ պարզվել է, որ երբ ավազակային հարձակում կատարողները հայտնաբերվել են, քննիչ Դ. Շահբազյանը ավտոմեքենայի խուզարկության ժամանակ հայտնաբերել է կալանավորին պատկանող 3մլն 500 հազար դրամ արժողությամբ «Վերտու» ապրանքնիշի հեռախոսը, սակայն ելնելով շահադիտական նպատակներից՝ չի կատարել իր ծառայողական պարտականությունները, թաքցրել է թանկարժեք հեռախոսի հայտնաբերման փաստը և այն չի կցել քրեական գործի նյութերին:
ՀԿԾ-ն կարծում է, որ քննիչը չարաշահել է իր պաշտոնական լիազորությունները և էական վնաս է հասցրել ինչպես պետության, այնպես էլ ավազակային հարձակում կատարելու կասկածանքով կալանավորված Ա. Աբրահամյանի օրինական շահերին և իրավունքներին: Փաստի առթիվ հարուցվել է քրեական գործ՝ ՀՀ քր. օր.-ի 308 հոդվածի 1-ին մասի հատկանիշով: Գ. Շամշյանի տեղեկություններով՝ քննիչ Դ. Շահբազյանը ՀԿԾ-ում արդեն խնդրի վերաբերյալ բացատրություն և ցուցմունք է տվել և կարծում է, որ իրեն փորձում են շանտաժի ենթարկել:
Ինչպես ավելի վաղ Գեղարքունիքի մարզից հայտնել էր ֆոտոլրագրողը, հուլիսի 23-ին, ոստիկանության Գեղարքունիքի մարզային վարչության, ոստիկանության Սևանի և Ճամբարակի բաժինների, Ճանապարհային ոստիկանության 2-րդ սպայական գումարտակի 4-րդ վաշտի, ինչպես նաև ՀՀ ՊՆ Սևանի կայազորի ռազմական ոստիկանության բաժնի Սևանի հենակետի ծառայողները, վտանգելով իրենց կյանքը, կարողացել էին վնասազերծել շատերի կյանքի նկատմամբ վտանգավոր եղանակով ավազակային հարձակում կատարողներին:
Ոստիկանության Ճամբարակի բաժին ահազանգ էր ստացվել Ճամբարակ քաղաքի Տիգրան Մեծ փողոցի բնակիչ Համբարձում Հարությունյանից, որ 2 հոգի՝ զինված դանակներով, ներխուժել են Ճամբարակ քաղաքի Տիգրան Մեծի 9 շենքում գտնվող, իրեն պատկանող ոսկյա իրերի խանութ և սպառնալիքի տակ հափշտակել մոտ 20 մլն դրամ արժողության ոսկյա և արծաթյա զարդեր, որից հետո BMW մակնիշի ՊՆ 5776 Մ համարանիշի ավտոմեքենայով դիմել են փախուստի: Նույն պահին ոստիկանության Գեղարքունիքի մարզային վարչության պետ Արսեն Ադամյանի կարգադրությամբ ստեղծվել էին օպերատիվ հետախուզական խմբեր՝ Ճամբարակի ոստիկանապետ Սուրիկ Ջանիկյանի, Սևանի ոստիկանապետ Վիգեն Աղեկյանի գլխավորությամբ սկսվել էր հետապնդում: Արդեն Ճամբարակից դուրս գալիս հետապնդող ոստիկանների մի խումբը տեղեկացել էր, որ ավազակային հարձակում կատարողները ուղղություն են վերցրել դեպի Սևանի ուղղությամբ:
Ռադիոկապով տեղեկությունը փոխանցել էին Սևանի իրենց գործընկերներին, որտեղ էլ դարանակալում էր կազմակերպվել: Արդեն Ճամբարակ-Սևան ճանապարհին հանցագործները չէին ենթարկվել Սևանի ոստիկանների օրինական պահանջին և BMW-ով հարվածել էին Սևանի համայնքային ոստիկանության աշխատակցի Վազ 2106 մակնիշի 33 RT 039 համարանիշի ավտոմեքենային և շարունակել իրենց փախուստը:
Արդեն Ծովագյուղի խաչմերուկում հանցագործներին դարանակալել էին ռազմական ոստիկանության Սևանի հենակետի պետ, մայոր Արմեն Վարդանյանը, ավագ սպա, կապիտան Արտակ Սանամյանը, հենակետի տեսուչ, կրտսեր սերժանտ Ռաֆիկ Հարությունյանը: Սակայն նրանք նույնպես չէին ենթարկվել ռազմական ոստիկանության ծառայողների օրինական «կանգ ա՛ռ» ազդանշանին և իրենց BMW-ով հարվածել էին Ա. Սանամյանին պատկանող Վազ 21010 մակնիշի 34 PQ 560 համարանիշի ավտոմեքենային, որից հետո փախել էին դեպի Սևանի ուղղությամբ: Սակայն, հասնելով «Աղթամար» արձանի մոտ, չէին կարողացել կառավարել ավտոմեքենան և հայտնվել էին դաշտամիջյան հատվածում:
Արդեն տեղում Սևանի և Ճամբարակի ոստիկանները՝ Սևանի ոստիկանապետ Վիգեն Աղեկյանի, Ճամբարակի ոստիկանապետ Սուրիկ Ջանիկյանի, Ճամբարակի ոստիկանապետի տեղակալ Սասուն Հարությունյանի և օպերգծով տեղակալ Ավետ Հովհաննիսյանի, ինչպես նաև Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցների հետ՝ դասակի հրամանատար Արա Շահնազարյանի գլխավորությամբ կարողացել էին վնասազերծել BMW-ի միջից դուրս եկող ու փախուստի դիմած Երևան քաղաքի Ավան Դուրյան թաղամասի 32 շենքի 42 բնակարանի բնակիչ, 22-ամյա Արտյոմ Արթուրի Աբրահամյանին և Երևան քաղաքի Ավան-Առինջ 1-ին միկրոշրջանի 1/10 շենքի 37 բնակարանի բնակիչ, 23-ամյա Անդրանիկ Սոկրատի Աբրահամյանին:
Նրանք բերման էին ենթարկվել Ճամբարակի ոստիկանություն: Ոստիկանները հայտնաբերել էին նաև խանութից գողացված մոտ 20 մլն արժողության ոսկյա և արծաթյա զարդերը:
Երեկ արտակարգ ու ողբերգական դեպք է տեղի ունեցել Երևանում։ Ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Վարդանանց 28 շենքի բակում երիտասարդ տղայի դի կա։
Երևան քաղաքի վարչության քրեական հետախուզության բաժնի, ոստիկանության կենտրոնական բաժնի, ոստիկանության Մարաշի բաժանմունքի և Հայաստանի քննչական կոմիտեի Երևան քաղաքի քննչական վարչության, Կենտրոն, Նորք Մարաշ վարչական շրջանների քննչական բաժնի աշխատակիցները հսկայածավալ օպերատիվ –հետախուզական և քննչական համատեղ գործողությունների արդյունքում ոստիկանության կենտրոնական բաժին են բերման ենթարկել 21-ամյա Կարեն Չատիկյանին:
Ինչպես հայտնում է shamshyan.com-ը, վերջինս բնակվում է Կոտայքի մարզի Ակունք գյուղում և սովորում է Երևանի պետական համալսարանում: Նա կասկածվում է հունվարի 11-ին, Վարդանանց 28 շենքի բակում Երևան քաղաքի բնակիչ, 19-ամյա Վահե Մուրադյանին սպանելու և Երևան քաղաքի Սարի Թաղի 7-րդ փողոցի բնակիչ, 18-ամյա Ռաֆիկ Մարտիրոսյանին մարմնական վնասվածքներ պատճառելու մեջ:
Կ. Չատիկյանը ՀԿԳ ավագ քննիչ Վլադիմիր Ասատրյանի որոշմամբ ձերբակալվել է:
19-ամյա Վահե Մուրադյանին սպանելու կասկածանքով ձերբակալված 21-ամյա Կարեն Չատիկյանը
Ինչպես ավելի վաղ դեպքի վայրից հայտնել էր ֆոտոլրագրողը, մահացածը երիտասարդ տղա էր, ով գետնին էր և սպասում էին դատաբժշկի ժամանմանը։ Ոստիկանությունն ու քննչական բաժինը պարզում էին երիտասարդ տղայի մահվան հանգամանքները և նրա ինքնությունը։ Դեպքի վայրում հավաքվածներն ասում էին, որ երիտասարդ տղան մահացել է դանակի հարվածից կամ հարվածներից, սակայն դա պարզ կլինի դատաբժշկի զննումից հետո։
Ըստ տեղեկությունների՝ 1 հոգի էլ մարմնական վնասվածքներով տեղափոխվել էր հիվանդանոց։ Դեպքի վայր էին ժ ամանել նաև Երևանի փոխոստիկանապետ Արտակ Պողոսյանը և քրեական հետախուզության բաժնի պետ Գարիկ Ղուկասյանը։ Ոստիկաններն ու քննիչները պարզել էին, որ մահացածը 19-ամյա Վահե Մուրադյանն էր։
Վիրավորի ինքնությունը ճշտվում էր։ Դատաբժիշկը, զննելով դին, ոստիկաններին և քննիչներին հայտնել էր, որ երիտասարդը մահացել է սրտին ստացած սուր կտրող-ծակող առարկայի հարվածից։ Փաստի առթիվ քննչական բաժնի պետ Վ. Մեսրոպյանի որոշմամբ ստեղծվել էր քննչական խումբ և ՀԿԳ ավագ քննիչներ Վարդան Բադալյանի և Վլադիմիր Ասատրյանի կողմից կատարվում էր դեպքի վայրի զննություն։
19-ամյա Վահե Մուրադյանն է
Լուսանկարները և տեսանյութը՝ Գագիկ Շամշյանի
Մանրամասները՝ shamshyan.com կայքում
-
-
10.05.2024 | 02:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ» -
11.05.2024 | 01:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ուղերձը Բաքվի բանտից -
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
10.05.2024 | 01:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պետրոսյան -
11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին -
10.05.2024 | 11:23
Վարչապետի թեկնածուի տարբեր անուններ են քննարկվում ԱԺ 2 խմբակցությունների հետ -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գործընթացի մասին -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.