Ազգային ժողովում բարիկադներ են գցվել ընդդիմության և իշխանության միջև։ Երեկ Նաիրա Զոհրաբյանն է «ռազբորկա» արել ՀՀԿ-ական Շուշան Պետրոսյանի հետ, որը նախորդ՝ վարչապետի ընտրության օրը, Զոհրաբյանի ելույթի ժամանակ ռեպլիկ է թողել․ «Էլ ո՞վ խոսար»։ Իսկ Միքայել Մելքումյանի ելույթի պահին էլ նետել է․ «Մնում էր էս կաշառակերը խոսեր»։

Նաիրա Զոհրաբյանը, տեսնելով երգչուհի պատգամավորին, օտար անձանց ներկայությամբ հարձակվել է նրա վրա՝ անվանելով դինոզավր․ «Եթե մեկ էլ կփորձես իմ կամ իմ խմբակցության անդամներից մեկի ելույթի ժամանակ ռեպլիկ թողնես կամ ինչ-որ բան անես, ձեռքիցս չես պրծնի»:

Շուշան Պետրոսյանը փորձել է արդարանալ, թե նման բան չի ասել, բայց դե՝ դիմացը լրագրողներ չէին կանգնած, որ շշպռեր, ինքը՝ Նաիրա Զոհրաբյանն էր»։

«Հրապարակ»

Հոդվածն ամբողջությամբ կարող եք կարդալ այսօրվա համարում:

«Հրապարակ» թերթը գրում է. «Հարգելի խմբագրություն, խնդրում եմ հրապարակեք իմ բաց նամակը Նիկոլ Փաշինյանին՝ հույսով, որ նա կկարդա և եզրակացություններ կանի: Երկրում կամաց-կամաց իրավիճակը դուրս է գալիս վերահսկողությունից, այս ամենից վատ հոտ է գալիս, վախենում եմ մտածել, որ գա այն օրը, երբ երանի տանք Սերժ Սարգսյանին: Որպես Նիկոլ Փաշինյանի ակտիվ համակիր, փողոցային պայքարի մասնակից՝ ուզում եմ սրտացավորեն մի քանի բան առանձնացնել:

1. Նիկոլ ջան, խնդրում եմ, մենք պայքարել ենք ու պայքարելու ենք, բայց դու մի սերժացիր: Մենք չենք պայքարել, որ երկրում մի դիկտատուրան փոխարինվի մյուսով, ի՞նչ է նշանակում արգելել այս կամ այն կուսակցությունը: Ես այս պայքարի մասնակից եմ, սակայն պետք է սթափ նայել ամեն ինչին, չի կարող ՀՀԿ-ն չունենալ ընտրազանգված, ինչպե՞ս կարող ես արգելել որևէ կուսակցություն, ո՞ր թիվն է: Սա նշանակում է, որ ապագայում, գալով իշխանության, կախաղան կհանես քեզ քննադատողներին, քո դեմ ակցիաներ անողներին:

2. Նիկոլ ջան, կասկածելի գործընկերներ են ի հայտ գալիս, հայտարարում են, որ միանում են շարժմանը, էյֆորիայի մեջ մի ընկնի, նրանք եթե միացող լինեին, շուտ կմիանային, երբ դուք ամենից շատ աջակիցների կարիք ունեիք, ախր, դա շատ ծիծաղելի է, սթափվիր:

3. Նիկոլ ջան, դու ո՞նց կարող ես Ծառուկյանի հետ հանդիպել, համագործակցել, եթե ժամանակին Լևոն Տեր-Պետրոսյանին ձեռք ես առել Ծառուկյանի հետ համագործակցելու համար, մյուս հայտարարություններդ էլ չասեմ: Անլուրջ է, ԱԺ-ում դու էիր միշտ թարմացնում սրա-նրա հիշողությունը, քո հիշողությանն ի՞նչ եղավ:

4. Նիկոլ ջան, տատս ասում էր՝ եթե ուզում ես մարդուն ճանաչել, նրան իշխանություն տուր, ինձ թվում է՝ ես քեզ ճանաչել եմ, դրա համար եմ միշտ աջակցել, խնդրում եմ չհիասթափեցնես ինձ: Երեկվա ասուլիսում ես այլ Նիկոլ տեսա, ցավում եմ, կուզենայի տեսնել պայքարի առաջին օրերի Նիկոլին՝ ժողովրդի աջակցությունը հայցող, ոչ թե ինքնավստահ, ցինիկ, մեծամիտ, պաշտոնամոլ, անկուշտ:

5. Ի՞նչ է քո նպատակը՝ իշխանությունը միանգամից ու ամբողջությամբ վերցնե՞լը։ Այդպես չի լինում, Նիկոլ ջան, համը դուրս է գալիս, նստեք, նորմալ խոսեք, մանկական կապրիզները թողեք մի կողմ, ժամանակավոր իշխանություն ձևավորեք, մինչև նոր ընտրություններ կլինեն: Մենք այնքան ուժեղ երկիր չենք, որ մի ամիս դիմանանք նման անկայուն վիճակին:

6. Նիկոլ ջան, հիշիր, քո իշխանափոխության մեջ մեծ դեր է ունեցել մեդիան, եթե այդքան չլուսաբանեին, պրոպագանդա չանեին, հաջողության չէիր հասնի, 2008-ը՝ քեզ օրինակ, երբ մեդիադաշտը փակ էր: Հուսով եմ՝ լինելով լրագրող, հաշվի կառնես այս հանգամանքը և, ի տարբերություն ՀՀԿ-ական իշխանությունների, լրագրողներին չես վիրավորի, չես ասի, որ քեզ խանգարում են, տոնդ փչացնում են, գաղջ մթնոլորտ են ստեղծում։ Ընտրովի ասուլիսներ չես հրավիրի, հանդուրժող, լսող կլինես քննադատություններին, ոչ թե լռեցնող, ագրեսիվ:

7. Նիկոլ ջան, խոստումներ տալիս զգույշ եղիր, մենք եկել ենք՝ հաստատելու օրինական երկիր, ինչպե՞ս ես հայտարարում, թե «ծռերին», բոլոր-բոլորին ազատելու ես, ախր, նրանք հանցանք են կատարել, փաստը կա, ապացույցները կան, այլ հարց է, որ նրանց խիստ պատժի էր ենթարկում իշխանությունը: Դու եկել ես առաջնորդվելու օրենքներով, ստեղծելու իրավական պետություն, ոչ թե ախպերավարի հարցերը լուծելու։ Այդ դեպքում գուցե օրենքները վերացնենք, ուժային կառույցները փակենք, ով քո ընկերն է, համակիրն է, ինչ ուզում է, թող անի և ներվի: Մտածե՞լ ես՝ ինչ տարբերություն կլինի քո և ՀՀԿ-ականների իշխանության միջև, նրանք ևս յուրայինների հանցագործությունների վրա աչք են փակել: Ես ինքս էլ մասնակցել եմ ՊՊԾ գնդի գրավման օրերի ակցիաներին, բայց շատ լավ հասկանում եմ, որ նրանց և լիքը հանցագործություններ գործած մարդկանց Սերժ Սարգսյանին հայհոյելու համար ազատ արձակելով՝ քաոսի կվերածվի մեր երկիրը:

Թավշյա հեղափոխությանը մասնակից, այժմ խիստ մտահոգ ՀՀ քաղաքացի»:

. «Հրապարակ»

Ամբողջությամբ կարող եք կարդալ թերթի այսօրվա համարում:

Վերջին շրջանում շատ է խոսվում Նախիջեւանից հնարավոր ռազմական հարվածի մասին: Բազմիցս նշվել է այդ վտանգի եւ հակազդող գործողություններ ձեռնարկելու անհրաժեշտության մասին: Սակայն, մի կողմ թողնելով հարցի զուտ ռազմական բաղադրիչը, «Հայկական ժամանակ»-ի լրագրող Վլադիմիր Մարտիրոսյանը կենտրոնացել է նախիջեւանյան խնդրի նաեւ քաղաքական մասի վրա եւ փորձել ավելի լայն՝ տարածաշրջանային մակարդակով դիտարկել այն:

ՀԺ-ի լրագրողն անդրադարձել է նաեւ Նախիջեւանից սպառնացող վտանգի մասին արտակարգ եւ լիազոր դեսպան Արման Նավասարդյանի օրերս հրապարակած հոդվածին:

Նավասարդյանը նշել էր, որ Նախիջեւանում տեղակայված ադրբեջանական ռազմական ստորաբաժանումների եւ նրանց գերազանցող թուրքական 3-րդ բանակային կորպուսի հաշվարկները հիմնված են Հայաստանի հետ հնարավոր ռազմական բախման դեպքում մեր ԶՈՒ-ին երկու ճակատով պատերազմ պարտադրելու տրամաբանության վրա, ինչը թույլ կտա ճնշման տակ պահել հիմնական ճակատի թիկունքը։

Իրատեսակա՞ն է դա եւ ինչ վտանգ է մեզ սպառնում Նախիջեւանից:

«Հայկական ժամանակ»

Հոդվածը կարող եք կարդալ  օրաթերթի այսօրվա համարում:

«Սովորողների ռազմահայրենասիրական դաստիարակության ռազմավարության» նախագիծը, որը մշակել եւ մարտի 28-ին հրապարակել է ՀՀ Կրթության եւ գիտության նախարարությունը, հանրության շրջանում արժանացել է բավական կոշտ գնահատականների, եւ շատերը դրա մեջ տեսնում են վտանգավոր միտումներ:

ԿԳ նախարարության պաշտոնյան «Հայկական ժամանակ»-ի լրագրող Աննա Զախարյանին տված հարցազրույցում պատասխանել է ներկայացված մեղադրանքներին, խոսել «դպրոցահասակ երեխաների մոտ փողոցային արատավոր վարքագծի դրսեւորումների աճը», «թմրամոլությունը», «սեռական այլասերվածությունը» եւ նախագծում տեղ գտած այլ խնդրահարույց դրույթների մասին:

«Ես խնդրում եմ դուք ուշադիր նայեք, այսօր շատ երկրներում այնպիսի արժեքներ են ձեւավորվում, որոնց մեր հասարակությունը պատրաստ չէ: Օրինակի համար՝ միասեռ ամուսնությունները: Դա մեր հասարակությանը հարիր երեւույթ չէ: Դա վաղը-մյուս օրը դառնում է այդ երկրների մշակութային մասը, այն արդեն գնահատված է, ոչ ոք չի կարողանում դրան ձեռք տալ, որովհետեւ արդեն արժեք է: Իսկ այդ արժեքին մենք այսօր պատրաստ չենք: Եթե մենք գնում ենք դրան, այո, ես չեմ խորշում եւ չեմ վախենում ասել, սկսում ենք մեր բանակը թուլացնել»,- ասել է ԿԳՆ պաշտոնյան եւ մի շարք ուշագրավ բացատրություններ տվել:

«Հայկական ժամանակ»

Հարցազրույցը կարող եք կարդալ  օրաթերթի այսօրվա համարում:

 Կատարվածից երկու տարի անց կարգի է բերվել միայն սահմանի առաջնագիծը. այն համալրվեց նոր սարքավորումներով, բնականաբար, ՀՀ քաղաքացիների եւ սփյուռքահայերի ֆինանսական ահռելի ներդրումների շնորհիվ: Հայաստանը ՌԴ-ից վերցրած վարկային միջոցներով նոր սպառազինություններ ձեռք բերեց: Իսկ ահա պաշտոնյաները, որոնք պատասխանատու են եղել այս իրավիճակի համար, որեւէ քրեական պատասխանատվության չենթարկվեցին, այլ նրանց ընդամենը պաշտոնանկ արեցին: Ապրիլյան պատերազմը նաեւ իր քաղաքական դասերը «տվեց»` ապացուցելով ԼՂ խնդրի շուտափույթ կարգավորման անհրաժեշտությունը:

 «Ժողովուրդ»

 Մանրամասն՝ թերթի այսօրվա համարում։

«Մարդու ամենադրական կողմը այն է, որ նա թերություններ ունի, իհարկե, եթե այդ թերությունները ուրիշ որեւէ մեկին չեն վնասում»,-NEWS.am-ի հետ զրույցում ասել է ՀՀԿ խմբակցության պատգամավոր Գալուստ Սահակյանն՝ անդրադառնալով Հայկազ Բաղմանյանի՝ ՀԱՊԿ միացյալ շտաբի պետի տեղակալի պաշտոնում նշանակվելուն:

Այս ուշագրավ ձեւակերպումը կարելի է համարել մաեստրոյի երթական գլուխգործոցն ու պարզապես շրջանցել նույնպիսի նրբանկատությամբ՝ ինչպես զառամախտով մարդու պարագայում է արվում:

Բայց ամբողջ հարցն այն է, որ այս տեսակետը հենց իշխող կուսակցության՝ հանրապետականի դիրքորոշումն է: Ստացվում է, որ Հայկազ Բաղմանյանի «թերությունները»՝ զորօրինակ  զինվոր խոշտանգելը, բանակի փողերը գողանալը, ապօրինի բիզնես իրականացնելը, ուրիշ ոչ մեկին չեն վնասել: Քարը պայթի՝ Հայաստանին ու ՀՀ քաղաքացիներին:

Բայց Հայաստանն ու հայ զինվորը հո ուրիշ չե՞ն Հայկազի համար: Իր բոստանն է, իր քարը: Հիմա էլ թող մի քիչ ՀԱՊԿ-ում վարուցան անի: Ի՞նչ է պատահել»:

«Չորրորդ իշխանություն»

Առավել մանրամասն՝ թերթի այսօրվա համարում

«Սերժ Սարգսյանի վարչապետության դեմ դուրս եկած քաղաքական ուժերի միջեւ ընդհանուր գործողությունների եւ ծրագրերի շուրջ կոնսենսուս չկա: Ինչպես եւ սպասվում էր, բոլորը իրենց համարում են առաջնորդներ եւ պահանջում, որ մյուսները համախմբվեն իրենց շուրջ:

«Հանուն Հայաստան պետության» ճակատը, «Քաղաքացիական պայմանագիրը», «Ժառանգությունը» եւ մյուս կուսակցություններն ու քաղաքացիական նախաձեռնությունները այդպես էլ չեն կարողացել միասնական օրակարգ ձեւավորել:

Չի բացառվում, որ առաջիկայում մենք ականատես լինենք այս ուժերի կողմից միմյանց եւ ոչ թե Սերժ Սարգսյանի դեմ մղվող պայքարին»:

«Ժամանակ»

Ամբողջությամբ կարող եք կարդալ  թերթի այսօրվա  համարում։ 

«Սոցիալական ցանցերում եւ ԶԼՄ-ներում պարբերաբար լուրեր են շրջանառվում, թե Արեւմուտքը Հայաստանում իշխանափոխության նպատակով աջակցում է ընդդիմադիր խմբերին, անգամ զինված խմբավորումներին, ինչպիսիք են «Սասնա ծռերը»:

Մեկնաբանության եւ պարզաբանում ստանալու խնդրանքով Aysor.am-ը դիմել է Հայաստանում ԱՄՆ դեսպան Ռիչարդ Միլզին: Դեսպանի պատասխանում ասվում է. «Շրջանառվող այս լուրերն իրականությունից ավելի հեռու չէին էլ կարող լինել: Մենք չենք աջակցում այնպիսի խմբերի, որոնք փորձում են անօրինական ճանապարհով տապալել ընտրված իշխանություններին: Եվ հատկապես այնպիսի խմբերի, ինչպիսին «Սասնա ծռերն» են, որոնք բռնությունը գերադասում են երկխոսությունից, մենք միանշանակ դատապարտում ենք: Մենք չենք հանդուրժում «Սասնա ծռերի» եւ մյուսների գործողությունները, ովքեր դիմում են բռնության, կամ ովքեր սպառնում են վնաս պատճառել մյուսներին՝ իրենց քաղաքական օրակարգն առաջ տանելու համար: Անցած տարի «Սասնա ծռերի» անդամների գործողությունների հետեւանքով մարդկային կյանքեր կորսվեցին, իսկ մերձակա համայնքի բնակիչները անհարկի հայտնվել էին սոսկալի իրավիճակում»,-ասել է Միլզը:

ԱՄՆ դեսպանի պատասխանը խիստ ուշագրավ է՝ ինչքան էլ կանխատեսելի լինի նրա պատասխանի բովանդակությունը: Որեւէ բանական մարդ չէր կարող ակնկալել, որ ԱՄՆ-ը կամ ժողովրդավարական որեւէ այլ երկիր կարող է աջակցել ահաբեկչությանը, քաղաքական բռնությանը: Մյուս կողմից՝ Միլզի գնահատականը միանշանակ է եւ որեւէ տարընթերցման տեղիք չի տալիս:

ԱՄՆ դեսպանի խոսքի բովանդակությունից զատ՝ շատ ավելի էական է այն կոնյունկտուրան, ժամանակային միջակայքը, որում հնչեցվել է հայտարարությունը: Բանն այն է, որ «ծռության» քաղաքական խոսափող համարվող «Հանուն Հայաստան պետության» ճակատն այս օրերին ակտիվ փողոցային պայքար է ծավալում Սերժ Սարգսյանի իշխանավարման դեմ, եւ տեղի ունեցող հանրահավաքներում հնչում են հայտարարություններ, որոնք, մեղմ ասած, գտնվում են քաղաքականության եւ բռնության սահմանագծին: Ավելին՝ օրեր առաջ «Սասնա ծռեր» խմբավորման խոսնակ Վարուժան Ավետիսյանը բանտից իրենց կողմնակիցներին, ըստ էության, զինված ապստամբության կոչ արեց: Ահա այս համատեքստում ԱՄՆ դեսպանի հայտարարությունը կիրառական քաղաքական նշանակություն է ստանում. Վաշինգտոնը թափանցիկ ակնարկում է, որ չի հանդուրժելու իշխանության տապալման հակասահմանադրական որեւէ փորձ:

Իրադարձությունների նման սցենարը մենք կանխատեսել էինք. երբ Ազատության հրապարակի հարթակը քաղաքացու կեցվածք չի ունենում, նույնիսկ գործող ավտորիտար, օլիգոպոլ իշխանությունը միջազգային հանրության աչքերում լեգիտիմացվում եւ ավելի քաղաքակիրթ է երեւում:

Մյուս կողմից՝ քաղաքական արկածախնդրությունն ըստ էության լեգիտիմացնում է խիստ դատավճիռները Ժիրայր Սեֆիլյանի, «Սասնա ծռերի» գործերով: Ժիրայր Սեֆիլյանն ու նրա կողմնակիցները միջազգային հանրության աչքերում նույնանում են ահաբեկչության հետ. պատահական չէ, որ Սեֆիլյանի՝ քաղաքական հաշվեհարդար հիշեցնող դատավճիռը չարժանացավ միջազգային արձագանքի:

Այս ամենի համատեքստում ակնհայտ է, որ Սերժ Սարգսյանի վարչապետության դեմ ծավալվող պայքարը չի արժանանալու ոչ միայն մեր հասարակության, այլ նաեւ միջազգային հանրության աջակցությանը՝ ըստ էության նպաստելով Սերժ Սարգսյանի նոր իշխանության լեգիտիմությանը»:

«Ժամանակ»

Առավել մանրամասն՝ թերթի այսօրվա համարում

Մարտի 28-ին Ադրբեջանի պաշտպանության նախարար Զաքիր Հասանովը մեկնել է Թուրքիա, որտեղ մարտի 31-ին կմասնակցի Ադրբեջանի, Թուրքիայի եւ Վրաստանի պաշտպանության նախարարների եռակողմ հանդիպմանը:

Թեեւ հանդիպման օրակարգում քննարկվելիք հարցերը չեն հրապարակվում, ամենայն հավանականությամբ կողմերը քննարկելու են տարածաշրջանային անվտանգության, համատեղ զորավարժությունների եւ Թուրքիայի մասնակցությունը վրացական ու ադրբեջանական ԶՈւ-ի ամրապնդման գործում: Այդպիսին են եղել նախորդ եռակողմ հանդիպումների գլխավոր թեմաները:

Չի բացառվում նաեւ, որ եռակողմ, կամ մինչ այդ տեղի ունեցող թուրք-ադրբեջանական երկկողմ հանդիպումների ընթացքում մանրամասն քննարկվի նաեւ Աֆրինի գրավման թեման: Բանն այն է, որ նախօրեին ադրբեջանամետ կայքերից մեկում տեղեկություններ էին տարածվել, որ Աֆրինի պաշտպանության գիծը կազմակերպված էր Արցախի պաշտպանական գծի մոդելով եւ Հասանովին միգուցե հետաքրքրեն Աֆրինի պաշտպանության ճեղքման մարտավարական մանրամասները:

Ինչու է պետք առնվազն զգոնությամբ վերաբերվել Թուրքիայի եւ Ադրբեջանի հետ ցանկացած երկրի ռազմական համագործակցությանը:

«Հայկական ժամանակ»

Վլադիմիր Մարտիրոսյանի նյութը կարող եք կարդալ օրաթերթի այսօրվա համարում:

«Հանուն Հայաստան պետության ճակատի» անդամ Արմեն Մարտիրոսյանն օրերս չբացառեց, որ իրենց կմիանա նաեւ Սեյրան Օհանյանը, որի հետ հանդիպելու եւ բանակցելու համար պատվիրակված է հենց ինքը՝ Մարտիրոսյանը։

Մեր հարցին` ՕՐՕ դաշինքի ղեկավար Սեյրան Օհանյանը, ի վերջո, կմասնակցի՞ Սերժ Սարգսյանի վարչապետության դեմ պայքարին, ճակատի անդամ Պետրոս Մակեյանը պատասխանեց․ «Կարծեմ հանդիպում եղել է, սակայն Օհանյանը մեր նիստերին չի մասնակցում»։

Նա հայտնեց նաեւ, որ Օհանյանը հարցն «առկախ» է թողել՝ ո՛չ մերժել է, ո՛չ ընդունել, սակայն ասել է, թե պայքարը ժամանակավրեպ է։ Մինչդեռ Մարտիրոսյանը կտրուկ հերքեց հանդիպման մասին լուրը, ինչից կարելի է կարծել, որ Սեյրան Օհանյանը դեռեւս չի ցանկանում ասպարեզ ելնել։ Թեեւ դա չի նշանակում, որ հաջորդ պահին չի ցանկանալու»:

«Հրապարակ»

Առավել մանրամասն՝ թերթի այսօրվա համարում