Երեկ, Էրեբունի թաղապետարանում մի կին խնդրում էր, որ իրեն, բացառության կարգով,  նախապես տան «զրոյացված» կոչվող տեղեկանքը, որ դրանով աշխատավարձ ստանա ու հետո նոր վճարի առաջիկա 6 ամսվա հարկերը:

Բյուջեն լցնելուն միտված այս խայտառակ գործարքը մեկ ուրիշ երկրում մարդկանց ըմբոստացման կմղեր, բայց մեր ժողովուրդը մի հետաքրքիր ու անտրամաբանական  համբերատարություն ունի, որն արդեն ընկալելի չէ:

Բանն այն է, որ կոնկրետ այս դեպքում Էրեբունի վարչական շրջանի ուսուցիչներից  և մանկապարտզի աշխատակիցներից (ենթադրելի է, որ վարչական հիմնարկների բոլոր աշխատողներից ) պահանջում են մուծել մինչև 2013 թվականի դեկտեմբեր, (ասել է թե փակել տարին) կոմունալ ծախսերի՝ աղբի, հողի, գույքահարկի, մեքենայի գույքահարկի, վարձակալած տարածքների հարկերը: Դրանց անդորրագրերը թաղապետարան ներկայացնելուց հետո միայն, տարվա կտրվածքով պարտքեր չունենալու դեպքում՝ ստանալ «զրոյացման» տեղեկանք և միայն այդ տեղեկանքի առկայության դեպքում՝ ստանալ այս ամսվա աշխատավարձը:

«Մինչև տեղեկանք չներկայացվի աշխատավարձ չեն ստանա, իսկ ուսուցիչները կզրկվեն արձակուրդայինից». ասվել է, որ սա Երևանի քաղաքապետ Տարոն Մարգարյանի հրամանն է:

«Հնարավոր է, չէ՞, որ ասենք մեքենան վաճառենք առաջիկա 6 ամիսների ընթացքում կամ, տունը, հողը վաճառենք, կամ մի գուցե մահանում ենք, ոնց կարելի է պարտադրել կոպեկներ ստացող մարդկանց 6 ամսվա հարկը նախապես վճարել,  ինչ է թե՝ բյուջե են լցնում: Մարդիկ էլ խելոք տանում- մուծում են, ինչ անեն, հակառակ դեպքում աշխատավարձ չեն ստանա: Չեն էլ հավատում, որ բողոքելով ինչ որ բան կփոխվի, ու ամենավատը դա է»,- ասում էր թաղապետարանից  իր աշխատավարձը խնդրող կինը:

«Թուրքի նման ընտանիք է, թուրքին, ադրբեջանցուն գիտե՞ս, իրենց ո՞նց ես վերաբերվում, սա է իմ պատասխանը»: Այսպես է պատասխանել է գնդապետ Արտակ Բուդաղյանի եղբայրը՝ Արայիկ Բուդաղյանը Aysor.am-ի թղթակցի հարցին, թե  ինչ հարաբերություններ են եղել իրենց և Սյունիքի նախկին մարզպետ Սուրիկ Խաչատրյանների ընտանիքի միջև:

Հարցին՝ արդյոք ճի՞շտ էին լուրերը, որ ինքը Մոսկվայից ժամանել է Հայաստան և հեղինակություն վայելող մարդկանց հետ հավաք կազմակերպել այս դեպքի հետ կապված, Ա. Բուդաղյանը նշել է. «Ի՞նչ վենդետա, ի՞նչ հավաք: Առաջին անգամ եմ նման բան լսում: Ես հիմա ոչ լուրեր եմ կարդում, ոչ էլ գիտեի այդ մասին»:

Հարցին, արդյոք ճի՞շտ է, որ ինքն ու ՀՀ ոստիկանապետ Վլադիմիր Գասպարյանը մանկության ընկերներ են, նա ասել է. «Ես իրենից ավելի փոքր եմ, մենք մանկության ընկերներ չենք»,- ասել է Բուդաղյանը և հերքել, որ Վ. Գասպարյանն է իրեն դիմավորել օդանավակայանում:

Ա. Բուդաղյանը նշել է, որ  եղբոր՝ Արտակ Բուդաղյանի առողջական վիճակը լավ է, իսկ հոգեբանականը` «ո՞նց կարող է լավ լինել»: Նա ասել է, որ ինքն ու գնդապետը խոսում են այս դեպքի մասին, սակայն դա հրապարակման ենթակա ինֆորմացիա չէ:

Նա նաև հրաժարվել է կարծիք հայտնել դեպքի առնչությամբ հարուցված քրեական գործի մասին:

Հիշեցնենք, որ հունիսի 1-ին, ժամը 23.40-ին, անհայտ քաղաքացուց ոստիկանության Գորիսի բաժնում ահազանգ է ստացվել, որ Գետափնյա թաղամասից լսվել են կրակոցներ: Մեկնած օպերատիվ խումբը պարզել է, որ հունիսի 1-ին, երեկոյան, Դավիթ-Բեկի փողոցի թիվ 1 հասցեում գտնվող առանձնատան դիմացի հատվածում տեղի են ունեցել կրակոցներ, ինչի արդյունքում 1970 թ. ծնված Ավետիք Բուդաղյանը ստացած հրազենային վնասվածքներից տեղում մահացել է, իսկ 1971 թ. ծնված Արտակ Բուդաղյանը և 1975 թ. ծնված Նիկոլայ Աբրահամյանը հրազենային վնասվածքներով տեղափոխվել են հիվանդանոց:

Գորիսում տեղի ունեցած սպանության գործով ձերբակալվել է Սյունիքի նախկին մարզպետ Սուրիկ Խաչատրյանի որդին` Տիգրան Խաչատրյանը։

Ադրբեջանը հունիսի 26-ին զորահանդես անելուց և այդ զորահանդեսում տեխնիկայի տեսականիով մեզ վախեցնելուց առաջ թող հիշի, որ իրենց բանակի օրը, իրենց բանակի փառահեղ պարտություններից մեկի օրն է: 1993թ. այս օրը ազատագրվեց Մարտակերտ քաղաքը, ընդ որում դա մի փայլուն ռազմագործողություն էր: Աշխարհում դեռ ոչ մի երկիր զենքի քանակով, առավել ևս տեսականիով պատերազմներում չի հաղթել:

ՊՆ մամուլի խոսնակ Արծրուն Հովհաննիսյանի ֆեյսբուքյան էջից

Հայաստանի ազգային հավաքականի ֆուտբոլիստ, Դոնեցկի «Շախտյոր»-ի  առաջատար Հենրիխ Մխիթարյանին հնարավոր է փոխարինի Բիլբաոյի «Ատլետիկ»-ի կիսապաշտպան Իկեր Մունիաինը:

Ինչպես տեղեկացնում է ukrainefootball.net-ը, Շախտյոր»-ը պատրաստ է բանակցություններ սկսել բասկյան թիմի հետ:

Իսպանիայի երիտասարդական հավաքականի ֆուտբոլիստի տեղափոխության դիմաց «Շախտյոր»-ը պաստրաստ է 25 մլն եվրո վճարել:

Երևանի «Հաղթանակ» զբոսայգում տիրող բարձիթողի վիճակի մասին Երևանի ավագանու «Բարև Երևան» խմբակցության անդամ Արթուր Գասպարյանը նամակով դիմել էր քաղաքապետ Տարոն Մարգարյանին: Նա հայտնել էր, որ այգու ծառուղիների ու հրապարակների մեծ մասը վերածվել է ավտոկայանատեղիի, որտեղ վարորդներից ապօրինաբար գանձում են տեղ-տեղ՝ 100, տեղ-տեղ էլ՝ 200 դրամ գումար. ««Մայր Հայաստան» հուշարձանին հարակից ամբողջ սալաքարապատ տարածքում, այդ թվում՝ բաց երկնքի տակ գտնվող Հայրենական մեծ պատերազմի ռազմական տեխնիկայի թանգարանի տարածքում տեղակայված ավտոկայանատեղի մուտք գործելուց առաջին իսկ արտաքին լուսավորության հենասյունին փակցված է վահանակ՝ «Քանաքեռ-Զեյթուն թաղապետարան», «Ավտոկանգառ՝ 200 դրամ» գրառումը, որը կոչված է վարորդներին հուշել, որ «Մայր Հայաստան» հուշարձանի և բաց երկնքի տակ գտնվող Հայրենական մեծ պատերազմի ռազմական տեխնիկայի թանգարանի տարածքը հանդիսանում է 200 դրամ արժողությամբ ավտոկանգառ»:

Նամակում նշված է նաև, որ այգու կենտրոնական մուտքից դեպի «Հիշատակի մշտական կրակ» և «Մայր Հայաստան» հուշարձան տանող քարեսալապատված զբոսանքի ծառուղում գումար է վաստակում «Վոլցվագեն Գոլֆ» մակնիշի կապույտ ավտոմեքենայի տերը, ով ուսումնական մեքենայի «У» տարբերանշանը փակցրած՝ անչափահասներից ստանում է համապատասխան վարձավճար և թույլատրում է վարել մեքենան նշված ուղու ողջ երկայնքով: Նամակի հեղինակն ընդգծում է նաև, որ զբոսայգում գիշերային արտաքին լուսավորության, ոռոգման, աղբահանության և այլ ծախսեր հոգում է քաղաքապետարանը՝ իր միջոցների հաշվին. «Մինչդեռ «Հաղթանակ» զբոսայգին շահագործման նպատակով հանձնված է ինչ-որ կազմակերպության(ների), որը ոչ մի պայմանագրային պատասխանատվություն չունի կամ եղածն էլ չի իրականացնում, որովհետև, սուբյեկտիվ պատճառներով, վերահսկող չկա: Վերջինս(ներս) ունի(են) միայն իրավունքներ, բիզնես է անում, գումար է աշխատում, սակայն չի իրականացնում այգու վերը նշված սպասարկման ծախսերը: Այդպիսի արտոնյալ պայմաններում 15-ամյա որդիս էլ կարող է հաջողակ ու խոշոր բիզնեսմեն դառնալ»: Նամակում նշված է նաև, որ այգու սրճարանների և այլ օբյեկտների տերերը դուրս են եկել թույատրելի սահմաններից, բետոնապատել կամ ասֆալտապատել են նույնիսկ բազմամյա հաստափոր ծառերի շուրջը՝ թողնելով մի փոքր շառավղով հողատարածք:

Արթուր Գասպարյանը քաղաքապետին առաջարկել է քաղաքապետարանի աշխատակազմում և/կամ ավագանու անդամներից ստեղծել համապատասխան հանձնաժողով, որը կուսումնասիրի այգում առկա բոլոր խնդիրները, կիրականացնի պատշաճ վերահսկողություն, պատասխանատվության կենթարկի համապատասխան անձանց:

Ի պատասխան քաղաքապետարանի Կազմակերպական վարչությունը տեղեկացրել է, որ քաղաքապետարանի Վերահսկողական վարչությանը և մյուս համապատասխան կառույցներին հանձնարարվել է ուսումնասիրություններ կատարել «Հաղթանակ» զբոսայգում և նրա հետագա շահագործման վերաբերյալ առաջարկություն ներկայացնել: Այդ ուսումնասիրությունների ընթացքում կանդրադառնան նաև ավագանու անդամի դիտարկումներին:

Որքա՞ն են վճարվում միասնական քննությունների թեստեր կազմող մասնագետները։ Այս հարցի պատասխանը Գնահատման և թեստավորման կենտրոնը պետական գաղտնիք է համարում և կտրականապես հրաժարվում որևէ թիվ հայտնել։

ԳԹԿ արտաքին համագործակցության բաժնի պետ Արա Իսպիրյանը երեկ մեր թղթակցի հետ զրույցում ասել է, որ թեստերի համար վճարվող գումարների չափը չեն հրապարակվում այնպես, ինչպես չեն հրապարակվում թեստ կազմողների անունները։ Պետական բյուջեից վճարվող գումարների հետ կապված այսպիսի գաղտնապահության վերաբերյալ տարակուսանքին ի պատասխան Իսպիրյանն առաջարկել է դիմել հաշվապահին, վերջինս էլ նախ խորհրդակցել է ԳԹԿ տնօրեն Գագիկ Մելիքյանի հետ, ապա հրաժարվել է տեղեկատվություն տրամադրել:

Հայկական ժամանակ

Վերջին չորս տարվա ընթացքում աշխարհի լավագույն ֆուտբոլիստ, արգենտինացի Լիոնել Մեսսին ներկայացրել է 2010 և 2011թթ իր եկամուտների չափը՝ ազատազրկումից կամ խոշոր չափի տուգանքից խուսափելու համար:

«Բարսելոնա» -ի առաջատար ֆուտբոլիստը մի քանի օր առաջ 10 մլն եվրո է վճարել Իսպանիայի հարկային ծառայությանը:

Նշենք, որ Մեսսիին մեղադրում են 2007-09թթ հարկերի վճարումից խուսափելու մեջ: La Vanguardia-ի փոխանցմամբ՝ արգենտինացին դեռ պետք է վճարի մոտ 4 մլն եվրո:

Ի դեպ, այսօր արգենտինացի ֆոտբոլիստ Լիոնել Մեսսին դառնում է 26 տարեկան:

Նիոնում տեղի ունեցավ Եվրոպայի լիգայի առաջին փուլի վիճակահանությունը:

Հայկական 3 ակումբները պարզեցին իրենց մրցակիցներին:

Ինչպես տեղեկացնում է ՈւԵՖԱ-ի պաշտոնական կայքը, «Փյունիկը» կմրցի «Տոտեքսի» հետ, «Գանձասարի» մրցակիցը կլինի «Ակտոբեն», որի կազմում խաղում է Ռոբերտ Արզումանյանը, իսկ «Միկայի» մրցակիցը՝ «Ռուդարը»:

«Գորիսի աղմկահարույց դեպքից հետո, ահա թե ինչ տեսք ունի Լեռնային Ղարաբաղի Հանրապետության մուտքի մոտ ՝տեղադրված Արցախյան հերոսամարտում տարած հաղթանակի հուշակոթողում գտնվող խաչքարը»,- «Ա1+»-ի «Քո աչքերով» հովելվածին տեղեկացրել է ընթերցողներից Ջանիկը։ Նա երկու լուսանկար է ուղարկել «Ա1+»-ին՝ «Գիրս չմնա հիշատակող» խորագրով։

Լուսանկարները ներկայացնում ենք առանց մեկնաբանության։

Ֆեյսբուքյան «Հենրիխ Մխիթարյան» էջը հաղորդագրություն է տարածել, որում ասվում է.

«Մեր հավաքականի լավագույն ֆուտբոլիստ Հենրիխ Մխիթարյանը, ով իր փայլուն խաղով մեզ բազմաթիվ երջանիկ պահեր և հպարտություն է պարգևել, այսօր ունի մեր օգնության կարիքը: Նա այսօր դարձել է Ռուբեն Հայրապետյանի քրեաօլիգարխիկ համակարգի մի զոհ և գերի: Այս հրեշի անկուշտ ախորժակի պատճառով մեր փայլուն կիսապաշտպանը չի կարողանում տեղափոխվել եվրոպական լավագույն ակումբներից մեկը՝ Լիվերպուլ: Նա միայնակ չի կարող պայքարել Ռուբեն Հայրապետյանի դեմ, քանի որ վերջինս բազմիցս նշել է, որ շատ մեծ ներդրում է ունեցել ֆուտբոլիստի հաջող կարիերայի մեջ և ունի իրավունք հանդես գալ որպես որոշիչ կողմ՝ Հենրիխի տրանսֆերի մեջ:
Հենրիխի կարիերան վտանգի տակ է, բազմաթիվ մասնագետներ նշել են, որ այսպիսի էմոցիոնալ հարված և հիասթափություն ստանալուց հետո, որոշ ֆուտբոլիստներ կարող են կորցնել իրենց լավագույն հատկանիշները և ֆուտբոլ խաղալու ցանկությունը:
Օգնենք Հենրիխին միասին ազատվել մեր ֆուտբոլի ոլորտը սեփական բիզնես դարձրած Ռուբեն Հայրապետյանից՝ Նեմեցը պետք է հեռանա:
Երբ ռուսական սպորտային հաղորդման մեջ հարցրեցին Հենոյին, թե որն է նրա երազանքը, նա ասեց, որ երազում է հայտնի դառնալ եվրոպական ֆոիտբոլի ասպարեզում, որպեսզի բոլորը ճանաչեն Հայաստանը:

Այսպիսով բոլորս միասին երկուշաբթի օրը, ժամը 13:00-ին հավաքվում ենք ՀՖՖ-ի շենքի դիմաց և պահանջում ենք Նեմեց Ռուբոյի հրաժարականը: