07.05.2024 | 13:10
Վարչապետի աշխատակազմից արձագանքել են Բագրատ արքեպիսկոպոս Գալստանյանի հայտարարութ...07.05.2024 | 12:10
Այս «պինգ-պոնգ» դիվանագիտության շրջանակում արդեն հաջողվել է Ադրբեջանի հետ համաձա...07.05.2024 | 11:10
Փաշինյանը և Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթի...06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...Ձմռան ընթացքում Թուրքիայում կրկին H1N1 վարակի` խոզի գրիպի վարակման դեպքեր են արձանագրվել:Այս մասին հայտնել է Թուրքիայի առողջապահության նախարարությունը: 2009-2010 թվականների ընթացքում Թուրքիայում խոզի գրիպի հետեւանքով 656 մարդկանց մահը, պետք է, որ մտահոգեր երկրի առողջապահական համակարգին:
Սակայն Թուրքիայի առողջապահության նախարարության աշխատակիցն ասել է, թե` դրանք անհանգստանալու հիմք չեն տալիս, քանի որ թեթև են ընթացել, իսկ իրենք հետևողական են սեզոնային վարակների նկատմամբ:
Թուրքիայի նախագահին տված հարցազրույցը «Շարք աուսաթ» օրաթերթին, առաջին հայացքով նորություն չի բերում Հայոց ցեղասպանության նկատմամբ Անգարայի պաշտոնական կեցուածքների վրա: Հետեւյալ կետերում կամփոփվեն նախագահ Կյուլին ասածները.-
ա.- Փորձ է կատարվում Թուրքիան ավելի ժողովրդավար երկիր համարելու, քան Ֆրանսիան: Ըստ նախագահին, թուրքական պետությունը հարգանքով է վերաբերվում պաշտոնական կեցուածքներից դուրս հայտնված տեսակետների կամ այլընտրանքային մտածողների նկատմամբ: Ֆրանսիան, նման օրենքի ընդունումով, հարգած չի լինի կարծիքի ազատությունը:
բ.- 1915-ի պատահարները կարող են որակվել «պատմական իրադարձություններ» եւ ոչ ցեղասպանություն: Այդ ժամանակաշրջանում թուրքերը շատ ավելի տառապած են, քան հայերը:
գ.- Նոյն ժամանակահատվածում, Եւրոպայի իսլամները ենթարկվեցին տեղահանության. տվին 3 միլիոն զոհ:
դ.- Պատմաբանների միացյալ հանձնախմբի կազմության առաջարկի վերարծարծում:
ե.- Եթե Ֆրանսիան որդեգրի օրինագիծը, տարբեր մարզերում գոյություն ունեցող հարաբերությունները պիտի ազդվեն:
Յուրաքանչյուր կետին վրա կարելի է կեդրոնանալ եւ հակափաստարկներով ջրել առաջադրված գաղափարները, որոնք նորություն չեն համենայն դեպս: Այստեղ նշելը պարզապես, թե փորձ է կատարվում ամբողջ Եւրոպայի տարածքին իսլամ ազգաբնակչությունների տեղահան եւ ջարդված լինելը ընդգծելու` որոշ դիտավորությամբ է անշուշտ: Մոտեցումը` հարցը թրքական հարթութենեն համիսլամական հարթություն տեղափոխելու եւ Ֆրանսիայի նախաձեռնության համաեւրոպականացման փորձերը կանխարգիլելու նախանիշեր է պարփակում։
Անցնենք սակայն, որովհետեւ էականը վերջին կետն է էս դեպքում։ Վերջին կետով ուշագրավ տարբերություն, եթե ոչ հակասություն է երեվում վարչապետ Էրտողանի սպառնալիքներին եւ նախագահ Կյուլի արտահայտած «ե.» կետին միջեւ: Օրինագիծի առաջին հանգրվանի նախօրյակին վարչապետ Էրտողանի սպառնալիքներին առաստաղը բավական բարձր էր: Վարչապետ Էրտողանի վերագրվող ութ կետե բաղկացած սպառնալիքների եւ հակազդեցությունների հայտարարությունը փաստորեն գրեթե խզում էր երկու երկրների միջեւ եւ հարաբերությունների առկախումի համազոր առնվելիք քայլերի ծրագիր էր: Այժմ, խոսվում է հարաբերությունների վրա ունենալիք ընդհանուր ազդեցությունների մասին: Այն ալ գործընթացի երկրորդ հանգրվանի սեմին, մինչ առաջին հանգրվանի նախօրյակին հնչում էին ուժեղ սպառնալիքները:
Առաստաղի իջեցումը կարող է բացատրվել նախագահին եւ վարչապետին միջեւ միշտ երեւցող հայտարարությունների ոճային տարբերություններով: Այստեղ սակայն, հարցը բովանդակային է եւ ըստ էության: Եթե առաջինը խոսւմ է շարունակական հարաբերությունների վրա ունենալիք հավանական ազդեցությունների մասին, երկրորդին նշած առկախումները խստորեն խնդրո առարկան են դարձնում Անգարա-Փարիզ միջպետական հարաբերությունները: Չմոռանանք, որ սպառնալիքը հայտարարողական մակարդակե անդին անցնելու շատ տվյալներ չի փոխանցում դիպաշարին հետեւողների մոտ: Այսուհանդերձ, ըստ էության, տարբերությունը ուշագրավ է:
Այս տրամաբանությունը կարող է մտածելու տեղիք տալ , որ պաշտոնական Անգարան համոզված է այս հանգրվանին իր կրելիք քաղաքական պարտության: Գեթ այս պահի դրությամբ ֆրանսիական կողմը ետդարձի ցուցանիշեր չի դրսեւորում: Այս կացութենեն նվազագույն առավելները ձեռք ձգելու փորձ է կատարում Անգարան: Արցախյան թղթածրարը կարող է դիտվել հավասարակշռումի խաղաքարտի վերածվելու դասակարգումի տակ:
Այս գործընթացներին զուգահեռ առայժմ հարցումի կարգով, թե ինչո՞ւ հայաստանյան մի լրատուամիջոց Ֆրանսիայի ծերակույտի քննարկումների նախօրյակին շրջանառության մեջ է դնում Երեւան-Անգարա գաղտնի բանակցությունների վերսկսման լուրը, որ անմիջապես կհերքվեր պաշտոնական Երեւանին կողմե:
Նախագահ Կյուլ այդ հարցին չէր անդրադարձած իր հարցազրույցում: Կարող էր հավելել պատմաբանների միացյալ հանձնախմբի կազմության առաջարկին:
Շահան Գանտահարյան
«Ազդակ»ի գլխավոր խմբագիր
2011 թվականին Թուրքիայի ղեկավարները թույլ տվեցին լուրջ մարտավարական սխալ: Նրանց այնքան էր մտահոգել 2015 թվականի Հայոց ցեղասպանության հարյուրամյակի գալիք ցունամին, որ անտեսել էին իրենց դիմագրավող ավելի անմիջական քաղաքական փոթորիկները:
Հայերն արագորեն օգտվեցին Թուրքիայի բացթողումից` կարողանալով հասնել մի շարք հաջողությունների. 1) Ֆրանսիայի խորհրդարանն ընդունեց Հայոց ցեղասպանության հերքումը քրեականացնող օրինագիծ, 2) ԱՄՆ Ներկայացուցիչների պալատն ընդունեց մի բանաձև, որը պահանջում է Թուրքիայից վերադարձնել հայկական եկեղեցիները և այլ կալվածները իրենց օրինական տերերին, 3) Իսրայելի խորհրդարանական հանձնաժողովը հանրային քննարկումներ սկսեց անցկացնել Հայոց ցեղասպանության ճանաչման վերաբերյալ և 4) ԱՄՆ Դաշնային դատարանը կարող է շուտով հեռակա վճիռ կայացնել ընդդեմ Թուրքիայի Հանրապետության:
Հակազդելով Ֆրանսիայի անդրդվելի նախագահին, ով չէր նահանջում վիրավորանքների ու սպառնալիքների առաջ, Թուրքիան սկսեց կուրորեն աջ ու ձախ հարվածել, ավելի խորացնելով իր խնդիրները և խոչընդոտելով իր` Եվրոպական Միության թեկնածությանը: Փարիզից հետ կանչելով իրենց դեսպանին` Թուրքիայի կառավարությունը իրեն զրկեց հմուտ մի դիվանագետի ծառայությունից` այնպիսի կարևոր մի ժամանակահատվածում, երբ Ֆրանսիայի սենատը պատրաստվում է ընդունել Հայոց ցեղասպանության հերքումը քրեականացնող օրինագիծ: Դատելով նախկին փորձից` Թուրքիայի դեսպանը շուտով ետ կվերադառնա Փարիզ, որով իր թատերական հետկանչը կդարձնի փուջ գործելակերպ և կարժանանա դիվանագիտական համայնքի ծաղրանքին: Ետ կանչելով իր դեսպանին ամեն անգամ, երբ որևէ երկիր ճանաչում է Հայոց ցեղասպանությունը կամ ընդունում է Անկարայի ցանկություններին հակառակ որևէ որոշում` Թուրքիան պարզապես ինքն իրեն մեկուսացնում է արտաքին աշխարհից:
Թուրքիան իր շահերին էլ ավելի վնաս հասցրեց սպառնալով բոյկոտել «ոչ բարեկամ»համարվող երկրներից ներմուծված ապրանքները: Թուրքիան պարզապես վնասում է իր սեփական տնտեսութանը` գնելով այլ աղբյուրներից ցածրորակ ապրանքներ ավելի բարձր գնով: Ավելին, եթե Թուրքիան դադարի գնել բարձր տեխնոլոգիական ապրանքներ, ինչպիսիք են մարդատար ինքնաթիռներ և արդիական հրթիռներ այն սակավաթիվ երկրներից, որոնք արտադրում են դրանք, ի վերջո Թուրքիան կունենա միայն հնացած օդային տրանսպորտային համակարգ, ինչպես նաև թույլ ռազմական ուժ: Այնուամենայնիվ, վերջին օրերին, Թուրքիայի ղեկավարությունը վախենալով հրաժարվեց ֆրանսիական ապրանքները բոյկոտ անելու իր ճոռոմ սպառնալիքներից, երբ հասկացավ, որ Առևտրի համաշխահրային կազմակերպությունը խիստ տույժեր կկիրառի Թուրքիայի նկատմամբ, եթե խախտի իր անդամակցության պայմանները:
Անդրադառնալով եկեղեցիները վերադարձնելու ԱՄՆ ներկայացուցիչների պալատի բանաձևին` Թուրքիայի կառավարությունը և նրա մեծածախս լոբբիստական ընկերությունները լրիվ անպատրաստ էին դիմակայելու նման զգայուն մի հարցի: Նրանք մեծ փորձառություն էին ձեռք բերել Հայոց ցեղասպանության բանաձևերը տապալելու հարցում, սակայն ոչ մի գաղափար չունեին, թե ինչպես պայքարեն այսպիսի օրինագծի դեմ, որով պահանջվում էր վերադարձնել եկեղեցիները և այլ կալվածները իրենց համապատասխան քրիստոնեական համայնքներին: Հետևաբար, բանաձևն ընդունվեց 43-1 ձայների հարաբերակցությամբ Պալատի արտաքին գործերի հանձնաժողովում և ամբողջ Պալատի ավելի քանի երկու երրորդ ձայներով: Առաջին անգամ ԱՄՆ կոնգրեսը պաշտոնապես հայտարարեց, որ պահանջում է, որ Թուրքիան վերականգնի ցեղասպանության զոհերի իրավունքները, և ոչ թե պարզապես ճանաչի Ցեղասպանությունը: Գալիք տարիներին և ամիսներին, հայերը կներկայացնեն իրենց պահանջների ամբողջական ցանկը միջազգային կազմակերպություններին, բազմաթիվ երկրների խորհրդարաններին, ինչպես նաև հենց Թուրքիայի կառավարությանը:
Երրորդ դրական զարգացումը տեղի ունեցավ Իսրայելում, երբ Կնեսետի Կրթության հարցերով հանձնաժողովը նախադեպը չունեցող երեք ժամ տևողությամբ հանրային լսումներ ունեցավ Հայոց ցեղասպանության վերաբերյալ` չնայած Թուրքիայի, իր քծնող Ադրբեջանի և Նեթանյահուի կառավարության ճնշմանը: Հեռուստախցիկների առջև և ոչ թե փակ դռների ետևում կայացած այս քննարկումն ակնկալվում է, որ կշարուկակվի ավելի ուշ: Իսրայելի կառավարությանը պատիվ չի բերի, եթե շարունակի խափանել Հայոց ցեղասպանության ճանաչումը, հուսալով, որ նորից կշահի Թուրքիայի վստահությունը և զինակցությունը: Զանգվածային սպանություններ իրականացնողի հետ քաղաքական խաղեր խաղալու փոխարեն, նախընտրելի է, որ Նեթանյահուի կառավարությունը ճանաչի Հայոց ցեղասպանությունը հանուն իր իսկ հեղինակությանը:
Վերջին նպաստավոր զարգացումը ԱՄՆ դաշնային դատարանի կողմից Թուրքիայի կառավարության դեմ երկու հայցերով հավանական հեռակա վճիռ արձակելն է, որով պահանջվում է հատուցում վճարել Ցեղասպանության ժամանակ առգրավված հայկական կալվածների դիմաց: Նման վճիռը խիստ զգուշացում կլինի Թուրքիայի իշխանությունների համար առ այն, որ նրանք չեն կարող շարունակել վայելել ցեղասպանության զոհերի արյունոտ փողերից ստացված, անարդար վաստակած գումարները:
2015 թվականին սպասված հայկական ցունամիից դեռևս շատ առաջ, Թուրքիան շարունակաբար բախվում է ճնշումների, որոնք առնչվում են մարդու իրավունքների նկատմամբ ավելի մեծ հարգանքի, քրդերի ինքնիշխանության, ինչպես նաև հայկական ավելի խիստ պահանջների հետ, միևնույն ժամանակ ունենալով լուրջ խնդիրներ գրեթե իր բոլոր հարևանների հետ: Ներքին և արտաքին մեծ մարտահրավերներով ծանրաբեռնված թուրքական վարչակարգը նվազ վտանգ կսպառնա թե՛ իր բնակչությանը և թե՛ իր հարևաններին և ավելի հավանական է որ կլուծի անցյալի անարդարությունները և ներկայի հակամարտությունները:
Հարութ Սասունյան
«Կալիֆորնիա Կուրիեր» թերթի խմբագիր
Թարգմանիչ` Կարինե Գևորգյան
Նախագահի մամուլի գրասենյակը տեղեկացնում է, որ Սերժ Սարգսյանը հրամանագիր է ստորագրել Արա Բաբայանին Հայաստանի Հանրապետության վարչական վերաքննիչ դատարանի դատավոր նշանակելու մասին` դադարեցնելով նրա` ՀՀ վարչական դատարանի դատավորի լիազորությունները:
Հանրապետության ղեկավարի մեկ այլ հրամանագրով, գնդապետ Արամ Տեր-Սահակյանն ազատվել է Հայաստանի Հանրապետության պաշտպանության նախարարության ռազմական ոստիկանության պետի պաշտոնից:
Հայաստանի Հանրապետության պաշտպանության նախարարության ռազմական ոստիկանության պետ է նշանակվել գնդապետ Արմեն Սահակյանը, պայմանագիր կնքելով հնգամյա ժամկետով:
Եթե մետասանաերորդ պահուն կացություն փոխող որեւէ հիմնական միջամտություն չըլլա, ապա Ֆրանսայի Ազգային ժողովին քննարկման եւ քվեարկումի կդրվի պաշտոնական Փարիզի կողմե ճանչցված ցեղասպանություններու ժխտումի քրեականացման օրինագիծը: Անգարան խուճապի մատնված ըլլալու երեւույթներ կդրսեւորե: Ի հարկե պարագայական հակազդեցություններ չեն ցուցաբերված դրսեւորումները: Թրքական զանգվածային լրատուամիջոցներու թողարկած լրատվություններու տեսակն ու բովանդակությունը որոշ չափով կնախանշեն թրքական հակազդեցության ընդհանուր ուղղությունները:
Այսպես.երեքշաբթի առավոտ թրքական զանգվածային որոշ լրատուամիջոցներ շրջանառության մեջ դրած էին լրատվություն, ըստ որուն Ֆրանսայի Ազգային ժողովը ընդունած է Հայոց ցեղասպանության ժխտումը քրեականացնող օրինագիծը: Ինչպես կհայտներ ,թըրքիշ Էն Վայեը, օրինագիծը ընդունված էր 106 կողմ եւ 19 դեմ ձայներու հարաբերակցությամբ:
Եթե այնպես պատահած ըլլար, որ թրքական լրատուամիջոցը պարզապես հայտներ լուրը, թե Հայոց ցեղասպանության ժխտումը քրեականացնող օրինագիծը ընդունված է Ֆրանսայի Ազգային ժողովին կողմե, կարելի կըլլա՛ր մեկնաբանել, թե բոլորվին չի բացառվիր թյուրիմացությունը, շփոթը կամ թյուր ըմբռնումը հարցին:Շփոթը այս պարագային կրնար վերաբերիլ հարցին օրակարգին ներառումին կամ կառավարության համաձայնության տալուն: Թեեւ անտեղյակությունը այս պարագային եւս կրկնակի կըլլա՛ր, քանի որ քննարկման ներկայացվելիք օրինագիծին մեջ չի հիշվիր Հայոց ցեղասպանությունը, այլ` Ֆրանսայի կողմե պաշտոնական ճանաչում ունեցող ցեղասպանությունները:
Այս վարկածին հավանականությունը բացառված է, որովհետեւ լրատվության կհետեւի քվեարկության պատկեր: 106 կողմ եւ 19 դեմ քվեներու հարաբերակցության արձանագրությունը թրքական լրատվության մեջ, կմատնե ապատեղակատվության միտումը: Այստեղ եւս ճշդումի կարգով մամուլին մեջ նշվեցավ, որ քվեներու թիվի այս պատկերը որ այժմ կօգտագործվե՛ր, 2006ի քվեարկության ընթացքին արձանագրված պատկերն էր:
Ասոր զուգահեռ, Հապեր Թյուրքը կհայտներ, որ Փարիզի ,լը Կրան Հոթելե պանդոկը մերժած է տեղ տրամադրել թուրք գործարարներու պատվիրակության, որ մտադիր էր խորհրդաժողով կազմակերպել` քննարկելով Հայոց ցեղասպանության ժխտումը քրեականացնող օրինագիծը:
Շարունակենք քարոզչական այս ուղեգիծի մեջ դրսեւորված տարբերակներուն ներկայացումը:Երեկվան լրատվություններուն մեջ կերեւա՛ր ,սի Էն Էն թյուրքեի բացահայտումները, որոնց համաձայն Ֆրանսայի նախագահ Նիկոլա Սարքոզին մերժած է Թուրքիո նախագահ Ապտյուլլա Կյուլին հետ հեռաձայնային խոսակցություն ունենալ: Կյուլը ուզած է անձամբ խոսիլ Ֆրանսայի նախագահին հետ` ներկայացնելու համար իր դիրքորոշումը Հայոց ցեղասպանության ժխտումը քրեականացնող օրինագիծի վերաբերհալ:
Այստեղ ավելի լուրջ է պատգամը, որովհետեւ լրատուամիջոցը վկայակոչած է նախագահ Կյուլի աշխատակազմը, ըստ որուն Էլիզյան պալատը իրազեկված էր, որ Կյուլը կուզե՛ անձամբ խոսիլ Սարքոզիի հետ, սակայն, չէ ընդառաջված: Որուն դիմաց, Թուրքիո նախագահին պաշտոնական կայքեջին վրա հայտնված է կոչ` արգելակելու օրինագիծի ընդունումը: Նախագահ Կյուլ հայտարարած է , թե Թուրքիան կհուսա ,որ Ֆրանսան չի զոհաբերեր Անգարայի ու Փարիզի բազմամյայ բարեկամությունը, ,մանր քաղաքական հաշվարկներու համարե:
Օրինագիծի ընդունման պարագային, ըստ թրքական հրապարակումներուն, Անգարա կդիմե հակազդեցության հետեւյալ քայլերուն.-
1. Հետ կանչել Ֆրանսիայի իր դեսպանը. նաեւ պահանջել հետ կանչել Անգարայի մեջ գործող Ֆրանսայի դեսպանը: Այստեղ կար լրացուցիչ տեղեկություն, որ Փարիզի թուրք դեսպանը արդեն ապահոված է Փարիզ-անգարա օդանավի իր տոմսը եւ սպասման վիճակի մեջ :
2.Փարիզեն հետ կկանչվին թուրք զինվորական կցորդները, չեղյալ կհայտարարվին նաեւ Անգարայի մեջ ֆրանսացի զինվորական կցորդներու հավատարմագրերը:
3. թուրքիո եւ Ֆրանսայի միջեւ կդադրեցվին հետախուզական տեղեկութհուններու փոխանակումը:
4. թուրքիո օդային տարածքը ամբողջովին փակ պիտի մնա ֆրանսական ռազմաօդային ուժերու համար:
5. Պիտի արգիլվի ֆրանսական ռազմածովային ուժերու նավերու մուտքը Թուրքիո ջրային տարածք:
6. թուրքիան միջազգային կազմակերպութհուններուն մեջ հետ այսու պիտի չպաշտպանե Ֆրանսայի քաղաքականությունը:
7. Թուրքիան կդադրեցնե Ֆրանսայի հետ համագործակցությունը գիտության, արհեստագիտության եւ մշակույթի ոլորտներուն մեջ:
Թրքական ապատեղեկատվություն, սպառնալիքներ, ցույցեր եւ թուրք դիվանագետներու համար ապահովված օդանավի միակողմանի տոմսեր քարոզչքաղաքաղական ընդհանուր քաղաքականության տարբեր օղակներն են, որոնք ճնշամիջոցի զարգացման համար օգտագործելի խաղաթուղթեր են պարզապես: Եթե ոչ այս տարողությամբ, ապա միեւնույն թափով սպառնալիքներու ականջալուր եղան իրադարձություններուն հետեւողները, երբ Ֆրանսա պաշտոնապես ճանչցավ Հայոց ցեղասպանությունը եւ ժամանակավոր Անգարա ուղարկել տվավ Փարիզի մեջ գործող օրվան թուրք դեսպանը: Այս հանգրվանին եւս, եթե մետասաներորդ պահուն որոշման կեդրոններե միջատմություն չկատարվի միակողմանի տոմսը շատ հավանաբար կօգտագործվի՛:
Շահան Գանտահարյան
«Ազդակ»ի գլխավոր խմբագիր
Թուրքիան մեծ պարտություն կրեց անցյալ շաբաթ, երբ ԱՄՆ Կոնգրեսի Ներկայացուցիչների պալատը ձայների ճնշող մեծամասնությամբ նշանակալից մի բանաձև ընդունեց՝ կոչ անելով Թուրքիայի կառավարությանը վերադարձնել բռնագրավված ավելի քան 2,000 քրիստոնեական եկեղեցիներ և այլ կալվածքներ «իրենց օրինական տերերին»:
Այս հաղթանակը հատկապես նշանակալից է, քանի որ այն տեղի է ունենում հենց այն ժամանակ, երբ Թուրքիայի հեղինակությունը հասել է իր գագաթնակետին թե՛ տարածաշրջանում, և թե՛ միջազգայնորեն: Սակայն, չնայած իր հզոր քաղաքական և տնտեսական ուժին՝ ոչ թուրքական ռեժիմը, ոչ էլ իր հզոր լոբբիստները չկարողացան բացահայտ կերպով դեմ դուրս գալ Կոնգրեսի ընդունած բանաձևին, որը կոչված էր պաշտպանելու Թուրքիայում քրիստոնեական փոքրամասնությունների կրոնական իրավունքները: Սա է պատճառը, որ, հուլիսի 20-ին բանաձևը հեշտությամբ ընդունվեց ձայների 43-1 հարաբերությամբ, երբ առաջին անգամ ներկայացվեց Կոնգրեսի Ներկայացուցիչների պալատի արտաքին գործերի հանձնաժողովին, որպես Պետդեպարտամենտի արտաքին հարբերությունների լիազորման ակտում փոփոխություն:
Դեկտեմբերի 13-ին, մինչ բանաձևը կդրվեր քվեարկության Կոնգրեսի Ներկայացուցիչների պալատում Պետդեպարտամենտը Թուրքիայի խնդրանքով զգույշ, սակայն ապարդյուն փորձ կատարեց խոչընդոտելու համար բանաձևի ընդունումը: Թուրք-ամերիկյան կազմակերպությունները նաև անհաջող քարոզչական պայքար մղեցին ընդդեմ բանաձևի: Պալատի ո՛չ Հանրապետական մեծամասնական և ո՛չ էլ ժողովրդավարական փոքրամասնական կուսակցության անդամներն ուշադրություն չդարձրեցին նրանց մերժողական պահանջներին: Այս ուժեղ երկկուսակցական համախմբումը հաջողությամբ հավաքեց բանաձևի ընդունման համար պահանջվող Ներկայացուցիչների պալատի ձայների երկու-երրորդը՝ մի դժվար հաղթահարելի խոչընդոտ, քանի որ միջնորդությունը ներկայացվել էր «Կասեցման օրացույցի» հատուկ խորհրդարանական ընթացակարգի համաձայն:
Թուրքիայի կառավարությունը և իր մեծածախս լոբբիստական ընկերությունները ամոթալի կացության մատնվեցին, երբ Կոնգրեսի 435 անդամներից միայն մեկը խոսեց և քվեարկեց բանաձևի դեմ: Ավելին, Կոնգրեսի թուրք-ամերիկյան բարեկամության խմբի համանախագահ Էդ Ուայթֆիլդը պատրաստակամորեն ընդունեց, որ ոչ «շատերը դեմ կլինեն այս բանաձևին»: Հետո նա ավելացրեց. «բանաձևի ներկայացումն ինքնին որևէ անաչառ դիտորդի մոտ կթողնի այն տպավորությունը, որ կրոնական ազատությունը կանոնավոր կերպով խախտվում է Թուրքիայում»: Մի քանի րոպե այս ու այն կողմ ընկնելուց հետո, չիմանալով ինչպես ավարտել իր խոսքը, կոնգրեսական Ուայթֆիլդն իր խոսքի մնացած ժամանակը տրամադրեց իր հակառակորդներին՝ բանաձևի կողմնակիցներին:
Նման աղետալի պարտությունից հետո Թուրքիայի արտաքին գործերի նախարարությունը չէր կարող ոչինչ ասել, քան արտահայտել իր հիասթափությունը: Սա Թուրքիային բնորոշ գործելակերպ է. ի սկզբանե մեծ ուժ գործադրել և սպառնալիքներ ներկայացնել անբարենպաստ որոշումից խուսափելու համար և պարտվելուց հետո միայն բանաձևը որակել անկարևոր թաքցնելու համար իրենց ամոթալի պարտությունը: Եթե Թուրքիայի կառավարությունը կարևորություն չէր տալիս այդ բանաձևին, ապա ինչու՞ նրանք ամբողջ աշխարհն իրար խառնեցին՝ փորձելով այն տապալել:
Միամիտ հանրությանն ապակողմնորոշելու համար թուրք պաշտոնատարները պնդեցին, որ բանաձևն ընդունվել է երկուսի դեմ մեկ քվեյով, առանց բացատրելու, որ բերանացի քվեարկության ժամանակ Կոնգրեսի Ներկայացուցիչների պալատի անդամներից շատերը սովորաբար պալատում չեն լինում: Երբ երկու կողմերի ղեկավարները գալիս են համաձայնության որևէ հարցի շուրջ, միայն մի քանի անդամ են ներկա լինում և ընդունում այդ բանաձևը: Թուրքական իշխանությունները պետք է պատասխանեն հիմնական մի հարցի. այն է, թե ինչու՞ 435 կոնգրեսականներից միայն մեկն է դեմ քվեարկել բանաձևին: Այս փաստը վկայում է, որ նոր Օսմանյան կայսրը մերկ է:
Թեև այս բանաձևը պարտադիր ուժ չունի, քանի դեռ այն չի ներկայացվել Սենատին և ստորագրվել նախագահի կողմից, սա արդեն իսկ զգալի առաջընթաց է Թուքիայում ապրող բոլոր քրիստոնյա փոքրամասնությունների համար, ում կալվածքները բռնագրավված են եղել տասնամյակներ շարունակ: Ոգևորվելով այս դրական առաջընացից՝ հայկական, ասորական և հունական համայնքերը կշարունակեն իրենց ակտիվ համագործակցությունը և ճնշում կգործադրեն Թուքիայի վրա իրենց պատմական իրավունքները վերականգնելու համար:
Առաջին անգամ աշխարհասփյուռ հայության համար ԱՄՆ-ի Կոնգրեսը Թուքիայից հատուցում պահանջեց, ոչ թե սոսկ ցեղասպանության ճանաչում: Այս բանաձևը կարող է խթան հանդիսանալ մյուս երկրների և միջազգային կազմակերպությունների համար, որպեսզի նրանք էլ հետևելով այս օրինակին պահանջեն Թուրքիայում սեփականության իրավուքների վերականգնումը: Այսուհետև թուրքական կառավարությունը պետք է ավելի զգույշ լինի այդ իրավունքները ոտնահարելուց՝ քաջ գիտակցելով, որ միջազգային համայնքն աչալուրջ հետևում է իր կողմից շարունակաբար իրականացվող խախտումներին:
Այս բանաձևի հաջող ընդունումը կոգևորի աշխարհասփյուռ հայերին շարունակելու իրենց պայքարը հանուն ցեղասպանության հետևանքով առաջացած կորուստների վերականգնման: Ցավոք, Հայաստանում ոչ մի հոգևորական կամ պաշտոնատար ոչ մի հայտարարություն չարեց այս կարևոր հարցի կապակցությամբ, կարծես հայկական եկեղեցիների ճակատագիրն իրենց չի հետաքրքրում: Արդյո՞ք հայերի լավագույն շահերից չի բխում, որ Հայաստանը Սփյուռքի հետ միասնաբար փոխհատուցում պահանջի` հաշվի առնելով մասնավորապես նախագահ Սարգսյանի վերջերս Ֆրանսիայի Մարսել քաղաքում արած հայտարարությանը, որով «արդարություն» էր պահանջում Թուրքիայից: |
Հարութ Սասունյան
«Կալիֆորնիա Կուրիեր» թերթի խմբագիր
Թարգմանիչ՝ Կարինե Գևորգյան
Միացյալ Նահանգներու Ներկայացուցիչներու տան քվեարկած թիվ 306 բանաձեւը Հայ դատի աշխատանքներու մարտավարական փոփոխության արգասիքը կարելի է համարել: Բանաձեւը, առանց Ցեղասպանություն բառեզրի օգտագործման, խորքին մեջ կթեւակոխե ճանաչումի հաջորդ հանգրվանը` հատուցումներու մեկ կարեւոր բաժինը:
Ներկայացուցիչներու տունը առանց առաջադրված բառեզրին շուրջ ծավալող բանավեճի խորքին մեջ կանցնի՛ ճանաչման բուն նպատակին եւ Թուրքիայեն կպահանջե իրավունքներու վերադարձ` բուն իրավատիրոջ:
Կը վերադառնանք հատուցումի բաժինին. նախ, տառացիորեն ներկայացնենք թիվ 306 բանաձեւին հիմնական 4 կետերը.
— Դադրեցնել Թուրքիո մեջ բոլոր տեսակի կրոնական խտրականությունները:
— Արտոնել եկեղեցիներուն իրականացնել կրոնական ծեսեր, մատուցել կրթական, ընկերային ծառայություններ` առանց սահմանափակումներու:
— Վերադարձնել քրիստոնեական եկեղեցիները, կրոնական եւ կրթական կառույցները, դպրոցները, հուշարձանները, սրբավայրերը եւ այլ աղոթատեղիներ, ինչպես նաեւ շարժական գույքը (արվեստի գործեր, ձեռագիրներ, եւ այլն):
— Արտոնություն տալ քրիստոնյաներուն կատարել եկեղեցիներու, աղոթատեղիներու, այլ սրբավայրերու եւ հիվանդանոցներու նորոգության աշխատանքներ:
Առաջին կետը ուշադրություն կգրավե: Բանաձեւի որդեգրումը առաջին հայացքով կձգե այն տպավորությունը, որ որոշումը, իր ընդհանուրին մեջ, կվերաբերի քրիստոնեական կրոնի ազատության, ընդ որում հայկականին: Ուշադիր ընթերցումը առաջին կետին կնախանշե ինքնին, որ կխոսվի բոլոր տեսակի կրոնական խտրականություններուն վերջ տալու անհրաժեշտության մասին: ,բոլորե-ը այստեղ խտրականություններուն տարատեսակության չի վերաբերիր, այլ կրոններուն: Իսկ բոլոր կրոններուն մեջ կներառվի հրեականը, ինչ որ մտածել կու տա հրեական լոպիի մասնակցության, անուղղակի քաջալերանքին կամ առնվազն գործընթացը չարգելակելու մասին: Բանաձեւը բնականաբար հայկականին առընթեր վայելած է զորակցությունը երկրի թիվ 2 լոպիիստական խմբավորումին` հունական քաղաքական գործոնին: Ուրկե կընդգծվի՛ ճշդված մարտավարության երկրորդ կարեւոր հանգամանքը` լոպիիստական ուժերու կուտակումի ապահովումը, իբրեւ կարեւոր նախադրյալ հաջողության հասնելու:
Կրոնական ազատությունը, եկեղեցիներու նորոգությունը, սրբավայրերու արարողություններ կազմակերպելու իրավունքը մարդկային իրավունքի այնպիսի բաղադրատարրեր են, որոնց առաջադրումն ու պահպանումը նախապես այլ ուխտերով եւ համաձայնություններով վայելած են Միացյալ Նահանգներու աջակցությունը. հաճախ ալ` անոր հառաջատար ներգրավվածությունը նման փաստաթուղթերու ձեւավորման մեջ: Մարտավարական երրորդ արդյունավետ մոտեցումը առաջադրված միջավայրի կիրարկած արժեհամակարգի որդեգրումով նմանատիպ բանաձեւի նախագիծերու ներկայացումին մեջ կկայանա:
Ներազգային առումով եւս տակավ կձեւավորվի ճանաչումեն հատուցում հավաքական աշխատանքի անցում կատարելու անհրաժեշտությունը: Հայաստանի Հանրապետությունը իր բարձրագույն ղեկավարության մակարդակով կխոսի Սեւրի դաշնագիրի այժմեական եւ իրավական կարեւորություն ներկայացուցած ըլլալու իրողության, արդարության վերականգնման եւ Ցեղասպանության հետեւանքներու վերացման մասին, մինչ սփյուռքը հետզհետե պահանջատիրական հիմունքի վրա կշեշտե հատուցումներու իրավական թղթածրարի պատրաստության անհետաձգելիությունը: Այս ծիրին մեջ կարեւոր մեկնակետ կհամարվի սփյուռքի ազգային եւ հոգեւոր կեդրոնին` Մեծի Տանն Կիլիկիո կաթողիկոսության նախաձեռնած գիտաժողովի կազմակերպումը` միջազգային օրենքի հիման վրա հատուցումներու իրավաքաղաքական պատրաստվածության ենթահողը նախագծելու համար:
Մինչ մարտավարական այլ տեսակի փոփոխություններ այս օրերուն կնախանշեն հաջողության նախադրյալները` Ֆրանսայի մեջ Ցեղասպանության ժխտումի քրեականացումին:
Հայկական գործոնը ինքնապարտադրանքի փաստերով կպարտավորեցնե պաշտոնական Անգարան մերթ դեպի Փարիզ սպառնալու, մերթ դեպի Վաշինկթըն հակազդեցության կարգով հայտարարություններ կատարելու: Իրադարձությունները այնպես մտածել կու տան, որ դեպի 100-ամյակ ճիշդ հունով կառաջնորդվի՛ համահայկական գործոնը:
Շահան Գանտահարյան
«Ազդակ»ի գլխավոր խմբագիր
Դեկտեմբերի 16-ին Մոսկվայում տեղի ունեցավ Սևծովյան տնտեսական համագործակցության կազմակերպության (ՍԾՏՀ) անդամ երկրների արտաքին գործերի նախարարների խորհրդի 25-րդ հանդիպումը, որին մասնակցում էր նաև Հայաստանի արտգործնախարար Էդվարդ Նալբանդյանը:
Արտգործնախարարների խորհրդի հանդիպմանը մասնակցում էին նաև ՍԾՏՀ դիտորդ երկրների, մի շարք միջազգային կազմակերպությունների ներկայացուցիչներ:
ՀՀ ԱԳՆ մամուլի ծառայության հաղորդմամբ՝ նախարարական հանդիպման օրակարգում էին առևտրի, տրանսպորտի, տեղեկատվական տեխնոլոգիաների, գյուղատնտեսության, բնապահպանության, զբոսաշրջության, արտակարգ իրավիճակների արձագանքման ոլորտներում կազմակերպության անդամ երկրների համագործակցության հարցերը:
Ելույթ ունենալով նախարարական հանդիպմանը` Էդվարդ Նալբանդյանը կարևորեց ՍԾՏՀ 20-ամյակի նախաշեմին կազմակերպության գործունեության արդյունավետության բարձրացման, տարածաշրջանային կոնկրետ ծրագրերի պատշաճ իրականացմանն ուղղված տնտեսական նոր օրակարգի ձևավորման և խթանման նշանակությունը:
Նախարար Նալբանդյանը ողջունեց անցած ժամանակահատվածում ՍԾՏՀ տրանսպորտի, գյուղատնտեսության և արտակարգ իրավիճակների նախարարների կողմից ընդունված համապատասխան ոլորտներում հռչակագրերը:
Համագործակցության ձեռքբերումների շարքում նախարար Նալբանդյանը նշեց ՍԾՏՀ առողջապահության և դեղագործության հարցերի Հայաստանի կողմից համակարգվող աշխատանքային խմբի շրջանակներում ՍԾՏՀ անդամ երկրներում սանիտարական պաշտպանության բնագավառում համագործակցության հուշագրի նախագծի ընդունումը, ինչպես նաև տեղեկատվական տեխնոլոգիաների զարգացման հարցերի Հայաստանի կողմից ղեկավարվող աշխատանքային խմբում վերոհիշյալ ոլորտում համագործակցությունը խթանելու և նոր գործընկերներ ներգրավելու ուղղությամբ կատարված աշխատանքները:
Հանդիպման արդյունքում ՍԾՏՀ արտգործնախարարներն ընդունեցին 80-ից ավելի որոշումներ և առաջարկություններ:
Հանդիպման ավարտին ՍԾՏՀ-ում նախագահությունը Ռուսաստանից փոխանցվեց Սերբիային, որը կնախագահի կազմակերպությունը 2012թ. առաջին կեսին:
ԱՊՀ երկրների Երիտասարդական Միության ներկայացուցիչները մի շարք հանդիպումներ են անցկացրել ուսանողների հետ, ովքեր Համագործակցության երկրների կողմից առանձնացված քվոտաներով սովորում են Ռուսաստանում։
Նախօրեին Մոսկվայում կայացավ ակտիվիստների և ԱՊՀ երկրների Երիտասարդական Միության նախագահ` Անդրանիկ Նիկողոսյանի հանդիպումը հայ ուսանողների հետ։ Քննարկվեցին մի շարք հարցեր` կապված նոր միջավայրին հարմարվելու, իրենց ապրելու և սովորելու վերաբերյալ ։Որքան էլ տարօրինակ էր, բայց ուանողների անհանգստությունը հիմնականում վերաբերում էր լեզվական խոչընդոտներին։ Դա ցույց է տալիս, որ Հայաստանում ռուսաց լեզվի ուսուցումը դեռևս չի հասել անհրաժեշտ մակարդակի։ ԱՊՀ երկրների Երիտասարդական Միության խորհրդի որոշմամբ գալիք տարվա սկզբից Հայաստանի բոլոր մարզերում կբացվեն անվճար ռուսաց լեզվի դասընթացներ։Միության մամուլի կենտրոնից հայտնում են նաև, որ Նոր Տարվա նախօրեին Մոսկվայում կկայանա կլոր սեղան Ռուսաստանում սովորող ԱՊՀ բոլոր երկրների ուսանողների մասնակցությամբ: Այն վերաբերելու է ընդհանուր պատմական հիշողության պահպանմանը, առաջին հերթին միասին ձեռք բերած հաղթանակներին։
«Տիգրան Սարգսյանի կառավարության վիճակն այնքան է վատացել, որ այն արդեն քննադատում է օրինակ` Արժույթի միջազգային բանկը»,- այսօր «Վարկած» ակումբում լրագրողների հետ հանդիպմանն ասաց ՆԺԿ ղեկավար Արամ Կարապետյանը:
Ամփոփելով քաղաքական տարին` նա անդրադարձավ նախ Ռուսաստանին ու այնտեղ կատարվող իրադարձությունների ազդեցությանը մեր քաղաքական դաշտի վրա. «Շատ հետաքրքիր բան կատարվեց Ռուսաստանում` «Եդինայա Ռասիան» գահավիժեց: Այսինքն` իշխանությունն այդ գահավիժումը ֆիքսել է: Սա դառնալու է կարևոր խնդիրներից մեկը: Սակայն կան ևս երկու կարևոր հարցեր, որոնց պետք է ուշադրություն դարձնել: Դա համաշխարհային ճգնաժամի ավելի տարածումն է և Մերձավոր Արևելքում ընթացող գործողությունները: Մի քանի կարևորագույն խնդիր է մնացել, իսկ քաղաքական տարին ես փակված եմ համարում», -ասաց Կարապետյանը:
Բանախոսի համոզմամբ` ՌԴ Պետդումայի ընտրությունները, ցույց տվեցին, որ ռուս հասարակությունը գնում է դեպի ավելի ձախ, կոմունիստական ուղղությամբ: Հայաստանը նույնպես շատ ավելի զգայուն է դառնալու ձախ սոցիալիստական ուղղության հանդեպ: Պետդումայի ընտրությունների վերաբերյալ երկու կարծիք լինել չի կարող: Հետընտրական այս ճգնաժամը կանխատեսելի էր. կատարվում է այն, ինչ պետք է կատարվեր: Կարելի է առանձնացնել երկու պատճառ. «Ռուսաստանում կյանքի որակը այնքան բարձր չէ, որպեսզի հետընտրական գործընթացներ չլինեն, այսինքն` կա դժգոհություն: Երկրորդն այն է, որ իսկապես կա Արևմուտքի միջամտությունը: Եվրախորհրդարանը որոշում է կայացրել, որ պետք է չեղյալ համարել այս ընտրությունները: Շատ ավելի խստ իրավիճակում այսպիսի խիստ պայմաններ չեն դրվել. Հայաստանում մարդիկ սպանվեցին, և ոչինչ չեղավ»:
Խոսելով ՀՀ քաղաքական կյանքի մասին` Ա. Կարապետյանը նկատեց, որ իշխանության մեջ միասնական ցուցակով հանդես գալու շուրջ լուրջ քննարկումներ են ընթանում: «Կա կոալիցիա, որի նկատմամբ վերաբերմունքը բացասական է: Սա դառնալու է ընտրությունների գլխավոր մեխը»,- կանխատեսեց ՆԺԿ ղեկավարը:
Ըստ Ա. Կարապետյանի` Հայաստանը Վրաստանի հետ մտնում է ոչ ճիշտ խաղի մեջ, որի մի կողմը Վաշինգտոնն է:
Հաջորդ հարցերը կապված են ԼՂՀ- ի և Թուրքիայի հետ: «Ասեմ, որ պրոցեսը կանգնեցված չէ, պրոցեսը շարունակվում է: Թուքիան հիմա բավականաչափ ակտիվ գործունեության մեջ է: Մերձավոր Արևելքի պրոցեսը, հայ-թուրքական սահմանի բացումը, ԼՂ հիմնախնդրի հետ փոխկապակցված շարունակում են առաջ տանել ամերիկացիները: Նշեմ նաև, որ համաշխարհային որոշակի ուժեր Իրանի հետ բախման մեջ կարող են մտնել, ինչը չի կարող բացասական ազդեցություն չթողնել»:
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով վերահսկողությունից
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.