18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...18.05.2024 | 13:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանի...18.05.2024 | 12:10
Կիրանցեցիներին ասել են՝ պետք է լքեք ձեր տները. Գառնիկ Դանիելյան...18.05.2024 | 11:10
Ինչ են առաջարկում քաղաքական ուժերը Բագրատ Սրբազանին․ «Հրապարակ»...17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...Կառավարությունն այսօրվա նիստին հայտարարել է, որ Հունվարի 1-ից 10%-ով կբարձրանան տրամադրվող նպաստներն ու կենսաթոշակները: Նվազագույն կենսաթոշակը 28 հազար դրամ կլինի, իսկ նվազագույն ընտանեկան նպաստը 35 հազար դրամ:
Իսկ առայժմ քաղաքացիները պետք է բավարարվեն 3 շիշ ձեթով:Սարգսյանի կառավարությունը հավանություն է տվել 116 000անապահով ընտանիքներին 3–ական շիշ արևածաղկի ձեթ տրամադրելու աշխատանքի և սոցիալական հարցերի նախարարության առաջարկը։ «Ես չեմ կարծում, թե այս ընտանիքներին միայն արևածաղկի ձեթ էր հարկավոր և դրանով նրանք կբավարարվեն: Բայց ձեթը, որն ունեինք պահեստավորված, գոնե հատկացնում ենք այդ ընտանիքներին, և ինձ թվում է` դա վատ չէ»,- ասել է նախարարը տեղեկացնելով, որ այդ ձեթը կառավարության պահուստներից է, այն ամռանը Ռուսաստանից ներկրել էր արտակարգ իրավիճակների նախարարությունը: Ձեթը պետք է վաճառվեր, իսկ գումարը մուտք արվեր պետբյուջե, սակայն, չվաճառվեց և այժմ հատկացվում է անապահով ընտանիքներին:
Աշխատանքի և սոցիալական հարցերի նախարարն ասել նաև, որ սոցիալական ծրագրերին 2012 թվականի բյուջեյով 2011-ի համեմատ 35 միլիարդ դրամ լրացուցիչ գումար է հատկացվել:
Իսկ վարչապետը տեղեկացրել է, որ «Կառավարությունը համալիր ծրագիր է մշակել, որով 2012 թ. ընթացքում մի շարք սոցիալական ծրագրեր կիրականացվեն»:
Կառավարությունը հավանության է արժանացրել նաև ծերերի խնամքին վերաբերող նոր չափորոշիչներ:
«Եթե այլընտրանքային ուժ ներկայանա, ապա պետք է նրան աջակցել»,- այսօր լրագրողների հետ հանդիպմանն ասաց կառավարման փորձագետ Հարություն Մեսրոբյանը, ժողովրդին խորհուրդ տվալով զուր հույսեր չունենալ, քանի որ դաշտում այն մարդիկ են, որոնցից յուրաքանչյուրի մասին ցանկացածը իրականությունը գիտի:
Նա 100%-ով համոզված է, որ այս ընտրությունները կլինեն ներկայացվածի ճիշտ հակառակը։ Փորձագետը ոչ թե կանխատեսում է այլ հիմնավորում՝ նկատի ունենալով իշխանության վարած քաղաքականությունը. «Ներկայացնում են, թե վարում են սոցիալական քաղաքականություն, մինչդեռ բնակչության աղքատությունը 35%–ն անցել է։ Ներկրումը 4 անգամ ավելին է, քան արտահանումը: Իսկ պատճառաբանությունը, թե անցումային փուլում ենք և շրջափակման մեջ, հիմնավոր չեն:Անցումային փուլը, միջազգային փորձի համաձայն, ոչ թե 20 տարին է, այլ 10»:
Փորձագետը որպես կանխատեում ` ներկայացրեց. առաջիկայում քաղաքական ուժերը կսկսեն իրենց թանկացնել, խորհրդավոր քաղաքականություն վարել, սակայն ըստ նրա, այդ ամենը ոչ թե ապագան կառուցելու, այլ սեփական գինը արհեստականորեն բարձրացնելու համար է:
«Այս ուժերը ոչ թե ծրագրեր են ներկայացնում, այլ բաժակաճառեր»,-ասաց փորձագետը: Այս ամենը ըստ նրա` կբերի նորանոր դաշինքների:
Իսկ հարցի միակ լուծումը Մեսրոբյանը,այնուամենայնիվ, տեսնում է այլընտրանքային հնարավորության պարագայում:
կամ ինչպես «սկումբրիևիչները» գրպանեցին 60 միլիոն դոլար…
Պարոն վարչապետ, իմ նախորդ ֆաքսերում ձեզ նախազգուշացնում էի, որպեսզի լուրջ պատրաստվեք «հարցաքննությանը», բայց դրա փոխարեն իմ դեմ զինվորիկներ եք ուղարկում, որոնք ավելի շուտ շոումենների տպավորություն են թողնում (խոսքս քաղաքական անտունիներ Հ.Ավետիքյանի և Է.Անտինյանի մասին է): Ասեմ նաև, որ լրագրողներն ասում էին, որ նրանց կազմակերպած «միավորման» ֆուրշետի ուտելիքից կաուչուկի հոտ էր գալիս… Ձեր պահվածքը «խոսում» է այն մասին, որ լուրջ չեք վերաբերվում ձեր ապագային կամ թերահավատ եք իմ ուսումնասիրությունների արդյունքներին:
Լավ, ասենք նրանք ինձ վիրավորեցին և վարկաբեկեցին ՀՌԱԿ-ը, ասեցին` իբր ես վատ մարդ եմ, հետո՞… բայց դրանից չբացահայտվեց չէ՞, թե ուր է կորել «Նաիրիտի» «վաճառքից» գոյացած 31 միլիոն դոլարը, կամ գործարանի պայթյունից առաջ որտեղի՞ց հայտնվեց 35 միլոն դոլարը և ո՞ւր այն «ուղղորդվեց», կամ ինչո՞ւ է «Նաիրիտ»-ը 12 միլիոն դոլարով գնում մեկ այլ գործարան, որն իրեն պետք չէ, կամ ինչպե՞ս է ստացվում, որ պարսկական ընկերությունը հաղթում է դատն ընդդեմ «Նաիրիտի» և չի պահանջում 13 միլիոն դոլարը:
Այն, ինչ կներկայացնեմ ստորև իսպառ կվերացնի թերահավատությունը և կսթափեցնի ձեզ ու համոզված եմ, որ այսուհետև կլծվեք ձեր պաշտպանական ճառը գրելու գործին հենց այսօրվանից:
Եվ այսպես, ինչպես խոստացել էի` այսօր հատելու ենք 100 միլիոն դոլարի «սահմանը» և որքան էլ ՀՀ Կառավարության ներկայացուցիչները մամուլին ներկայացնում էին, թե «Նաիրիտի» սեփականատեր «Ռայնովիլ փրոփերթի լիմիթեդ» ընկերությունն իր արտադրած կաուչուկը Հայաստանից արտահանել է մեկ տոննայի դիմաց առավելագույնը 2500-2700 դոլար արժեքով և հարկերը վճարվում էր այդ գումարի կտրվածքով, քանի որ իբր շուկայական արժեքը դա է և «խորհուրդ» էին տալիս «ուրիշի ջեբի լոբիները չհաշվել», այնուամենայնիվ ինձ հաջողվեց պարզել, թե կաուչուկ սպառող ռուսական ընկերություններն ինչ արժեքով են գնել «Նաիրիտի» արտադրանքը «միջնորդ» կազմակերպություններից 2006-2009 թթ. ընկած ժամանակահատվածում: Այդ կազմակերպություններից են բաշկիրական «Վիմպել» ձեռնարկությունը, Չեբոկսարի քաղաքի «Չապաևի անվան արտադրական ձեռնարկությունը» և Օրենբուրգ քաղաքի «ՕՌՏ» ձեռնարկությունը:
Իմ ուսումնասիրությունները պարզեցին, որ ՀՀ կառավարության ներկայացուցչի հայտարարած 2500-2700 դոլար մեկ տոննայի դիմաց շուկայական արժեքը չի համապատասխանում իրականությանը, քանի որ բաշկիրական «Վիմպել» ձեռնարկությունը «Նաիրիտի» արտադրանքը «միջնորդներից» գնել է ստորև ներկայացված արժեքներով.
2006 թվականին – 111.000 ռուբլով, որն ըստ այդ տարվա դոլար/ռուբլի միջինացված կուրսի (1$-27 ռուբ.) կազմում է 4100 դոլարից առավել գումար մեկ տոննայի դիմաց,
2007 թվականին – 113.000 ռուբլով, որն ըստ այդ տարվա դոլար/ռուբլի միջինացված կուրսի (1$-25 ռուբ.) կազմում է 4500 դոլարից առավել գումար մեկ տոննայի դիմաց,
2008 թվականին — 188.800 ռուբլով, որն ըստ այդ տարվա դոլար/ռուբլի միջինացված կուրսի (1$-24 ռուբ.) կազմում է 7800 դոլարից առավել գումար մեկ տոննայի դիմաց,
2009 թվականին — 180.000 ռուբլով, որն ըստ այդ տարվա դոլար/ռուբլի միջինացված կուրսի (1$-30 ռուբ.) կազմում է 6000 դոլար գումար մեկ տոննայի դիմաց:
Չեբոկսարի քաղաքի «Չապաևի անվան արտադրական ձեռնարկությունը» «Նաիրիտի» արտադրանքը «միջնորդներից» գնել է
2006 թվականին – 110.000 ռուբլով, որն ըստ այդ տարվա դոլար/ռուբլի միջինացված կուրսի (1$-27 ռուբ.) կազմում է 4000 դոլարից առավել գումար մեկ տոննայի դիմաց,
2007 թվականին – 130.000-ից մինչև 164.000 ռուբլով, որն ըստ այդ տարվա դոլար/ռուբլի միջինացված կուրսի (1$-25 ռուբ.) կազմում է 5200 — 6500 դոլարից առավել գումար մեկ տոննայի դիմաց,
2008 թվականին — 188.800 ռուբլով, որն ըստ այդ տարվա դոլար/ռուբլի միջինացված կուրսի (1$-24 ռուբ.) կազմում է 7800 դոլարից առավել գումար մեկ տոննայի դիմաց,
2009 թվականին — 188.800 ռուբլով, որն ըստ այդ տարվա դոլար/ռուբլի միջինացված կուրսի (1$-30 ռուբ.) կազմում է 6200 դոլար գումար մեկ տոննայի դիմաց:
Օրենբուրգ քաղաքի «ՕՌՏ» ձեռնարկությունը «Նաիրիտի» արտադրանքը «միջնորդներից» գնել է`
2006 թվականին – 110.000 ռուբլով, որն ըստ այդ տարվա դոլար/ռուբլի միջինացված կուրսի (1$-27 ռուբ.) կազմում է 4000 դոլարից առավել գումար մեկ տոննայի դիմաց,
2007 թվականին – 130.000-ից մինչև 165.000 ռուբլով, որն ըստ այդ տարվա դոլար/ռուբլի միջինացված կուրսի (1$-25 ռուբ.) կազմում է 5200 — 6500 դոլարից առավել գումար մեկ տոննայի դիմաց,
2008 թվականին — 188.800 ռուբլով, որն ըստ այդ տարվա դոլար/ռուբլի միջինացված կուրսի (1$-24 ռուբ.) կազմում է 7800 դոլարից առավել գումար մեկ տոննայի դիմաց,
2009 թվականին — 188.800 ռուբլով, որն ըստ այդ տարվա դոլար/ռուբլի միջինացված կուրսի (1$-30 ռուբ.) կազմում է 6200 դոլար գումար մեկ տոննայի դիմաց:
Սույն «ֆաքս-4»-ին կից ներկայացնում եմ վերը նշված կազմակերպությունների կողմից տրամադրված փաստաթղթերը ( JPG տարբերակով):
Հարց 1. Ի մի բերելով այս «Ֆաքս-4»-ում ներկայացված ուսումնասիրությունները, ձեզ համար (որպես «Նաիրիտ» գործարանի 10 տոկոս պետական բաժնեմասի հիմնական պատախանատու) արդյո՞ք պարզ չի, որ 2006 – 2010 թթ. ժամանակահատվածում «Նաիրիտ» գործարանի կողմից արտադրված մոտ 30.000 տոննա պատրաստի կաուչուկը Հայաստանից արտահանվել է «Ռայնովիլ փրոփերթի լիմիթեդ»-ին և այլ «սկումբրիևիչյան» կազմակերպություններին, որի արդյունքում նրանք մեկ տոննայից ստացել են նվազագույնը 2000 դոլար գերշահույթ, իսկ պարզ հաշվարկի դեպքում ստացվում է 60 միլիոն դոլարին համարժեք գերշահույթ (կրկնում եմ նվազագույնը): Եվ սա այն պարագայում, երբ «բարիք ստեղծող»` «Նաիրիտ» գործարանում կյանքի համար վտանգավոր թունավոր արտադրամասերում աշխատող բանվորները ամիսներով աշխատավարձ չէին ստանում, իսկ ստացածներն էլ զուտ գոյությունը պահպանող սիմվոլիկ գումար էր:
Հարց 2. Ձեր եղբայրը, որը զբաղեցնում է «Նաիրիտ» գործարանի կոմերցիոն հարցերով փոխտնօրենի պաշտոնը տեղյա՞կ չէր կաուչուկ սպառող կազմակերպություններից, որպեսզի «Նաիրիտի» արտադրանքը առանց միջնորդի առաքվեր նրանց և բարձր շահույթներն էլ ուղղորդվեին Հայաստան:
Հարց 3. Դուք, որպես ՀՀ վարչապետ հաշվե՞լ եք, թե՞ «Նաիրիտ» գործարանի արհեստականորեն վնասով աշխատացնելու պարագայում որքա՞ն է տուժել ՀՀ պետական բյուջեն … այսինքն` ու՞մ եմ հարցնում…
Հաջորդ «ֆաքսով» դեռ կանդրադառնամ գործարանի ուռճացված աշխատավարձի ֆոնդին և ՀՀ Նախագահից մի քանի անգամ բարձր աշխատավարձ ստացող ձեր փոխտնօրեն եղբոր ու նրա «շրջապատի» գործունեությանը:
Իսկ այժմ մեկ անգամ ևս հորդորում եմ առավել լուրջ նախապատրաստվել «հարցաքննությանը»: Իսկ եթե չեք հասցնում, ապա մի ամաչեք, ասեք և ես կերկարաձգեմ «ֆաքսերի» հրապարակման պարբերականությունը:
ՀՀ քաղաքացի Հարություն Առաքելյան
Համատեղությամբ՝ Աշխարհասփյուռ Ռամկավար Ազատական Կուսակցության գործադիր-փոխատենապետ, ՀՌԱԿ ատենապետ
Ռուսաստանի նախագահական ընտրությունների նպատրաստվում են նաև լիբերալ — դեմոկրատական կուսակցության առաջնորդ Վլադիմիր Ժիրինովսկին և միլիարդատեր Միխայիլ Պրոխորովը: ՌԴ նախագահական ընտրություններին ժիրինովսկու կուսակցությունը առաջադրել է նրա թեկնածությունը:
Ժիրինովսկին կուսակցության համագումարում, հայտարարել է, որ Ռուսաստանի քաղաքական իրավիճակի զարգացման ներկայիս սցենարը կարող է հանգեցնել նախագահական ընտրությունների երկրորդ փուլին և ոչ կրեմլյան թեկնածուի հաղթանակին: Այս մասին հաղորդում են ռուսական լրատվամիջոցները:
Մեկ այլ թեկնածու` վերջերս ակտիվ քաղաքականություն մտած Միխայիլ Պրոխորովը հայտարարել է, որ առաջադրելու է իր թեկնածությունը և չի խնայելու իր միլիարդները Ռուսաստանի նախագահի պաշտոնին հասնելու ճանապարհին:
«Սա, հավանաբար իմ կյանքի ամենալուրջ որոշումն է։ Ես գնում եմ նախագահական ընտրությունների»,- գրել է Պրոխորովը:
Ի դեպ, նրան սատարում են ռուսական շոու բիզնեսի հայտնի դեմքերը.սիրված հաղորդավարուհի Քսենիա Սոբչակն Twitter միկրոբլոգի իր էջում սատարել է Պրոխորովի որոշմանը:
Այսօր` լրագրողների հետ հանդիպել է «Ժառանգություն» կուսակցության առաջնորդ Րաֆֆի Հովհաննիսյանը, և հայտարարել, որ «Ժառանգություն» կուսակցությունը որեւէ այլ կուսակցության հետ չի քննարկել առաջիկա ընտրություններին իրենց մասնակցության հարցն ու ձեւաչափերը։ «Ժառանգությունն» ունի ներքին հակում միասնական առաջ ընթանալու: Մեր դժբախտությունն էլ որոշ ուժերի առանձին գնալու ցանկությունն է եղել: Յուրաքանչյուր սթափ մտածող կուսակցություն պետք է հասկանա, որ ընտրություններին միայնակ գնալը սխալ է: Կամ վեր կկանգենք հատվածաբար մոտեցումներից, կա’մ կշարունակենք խարխափել»,-ընդգծել է Րաֆֆի Հովհաննիսյանը:
Անդրադառնալով 2012-ի մայիսին կայանալիք խորհրդարանական ընտրություններին և «Ժառանգության» մարտավարության խնդրին, կուսակցության հիմնադիրն ասաց. «Մենք ոչ ֆորմալ քննարկումներ կատարում ենք տարբեր ուժերի հետ, բայց ոչ մի քննարկմանը ցուցակների հարց չի քննարկվել։ Ինձ թվում է առաջիկա մեկ-երկու ամսվա ընթացքում պարզ կլինի: Մենք պատրաստ ենք համագործակցության, բայց հավասարը հավասարի հետ»:
Ինչ վերաբերում է ՀԱԿ-ի հետ համագործակցությանը, նա նշեց. «Մենք բաց ենք բոլորի համար, բայց հաշվի առնելով մարտի 1-ի միտինգը, հացադուլը, կոնգրեսի վերաբերմունքը, կարող ենք ասել, որ իրենք վերապահում ունեն: Խնդիրը մեր մեջ չէ, իրենք մտածում են, որ կարող են զինաշարժել ժողովրդին, դա հարգանքի արժանի է։ Բայց ինչ վերաբերում է համագործակցությանը, «Ժառանգությունը» փաստել է, որ հավատավոր գործոն է, դաշտը միավորելու ուղղությամբ։ Միգուցե մեր ներկայացուցիչները երբեմն անտեղի սրել են, բայց անմիաբան վիճակի համար հիմնական պատասխանատվությունը «Ժառանգությունից» դուրս է», — ասաց Հովհաննիսյանը:
Ըստ նրա Հայաստանը մեծ փոփոխություների նախաշեմին է եւ մտել է մի շրջան, որն ավելի մեծ պատասխանատվություն է պահանջում քաղաքական ուժերից: «2011 թվականը հագեցած տարի էր, նաեւ բաց թողնված հնարավորություներով տարի: Բոլոր ուղղություններով պարտություն տանող տարի էր, անգամ Արցախի քսանամյակին իմացանք, որ ձերբակալվել է Նարեկ Հարութունյանը, ( դեկտեմբերի 9-ին, ՊԵԿ-ի երկու աշխատակիցներ բերման են ենթարկել «Նարեկացի» արվեստի միության հիմնադիր նախագահ Նարեկ Հարթունյանին: Նույն օրը, կեսգիշերին մոտ, Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանը երկամսյա կալանքի որոշում է կայացրել նրա նկատմամբ), ով օրինապաշտ մարդ է»,-հայտարարեց Րաֆֆի Հովհաննիսյանը, շարունակելով. «Մեր ժողովրդին պետք է դուրս բերենք ճակատագրապաշտական վիճակից: Օրենքը հատվածաբար է կիրառվում, փոխանակ սկսեն իրենցից, սլաքի տակ են վերցնում այն մարդկանց, ովքեր իրենց գիտակցական կյանքում շատ բան են արել մշակույթի համար։ Իհարկե, օրենքը պիտի գործի, բայց գործի բոլորի համար»:
Ինչ վերաբերվում է առաջիկա ԱԺ-ի ձևավորմանը. «Ժառանգություն» կուսակցությունը կողմ է խորհրդարանական կառավարման, ինչը թույլ կտա բարձրացնել խորհրդարանի դերը: Այսօր Ազգային Ժողովը «կանխորոշված արդյունքների կաճառ է եւ չի իրականացնում պետական հիերարխիայում իր դերը եւ դա պետք է փոխվի: Մենք նաեւ կողմնակից ենք 100 տոկոս համամասնական ընտրակարգին, որն ավելի արդյունավետ կլինի»,- ասաց Րաֆֆի Հովհաննիսյանը:
Նա անդրադարձավ նաեւ Լեւոն Տեր-Պետրոսյանի հայտարարությանը ` ԲՀԿ-ի հետ հնարավոր համագործակցության վերաբերյալ, եթե վերջինս լքի կոալիցիան: Ինքը դա այս պահին ֆանտաստիկայի ոլորտից է համարում, թեպետ կողջունի ԲՀԿ-ՀԱԿ երկխոսությունը։ «Ես որեւէ հիմք չունեմ պնդելու, որ ԲՀԿ-ի մեր գործընկերները դուրս կգան կոալիցիայից»,- նշեց Րաֆֆի Հովհաննիսյանը:
Ազատության հրապարակում Մարդու իրավունքների համընդհանուր հռչակագրի օրվա կապակցությամբ ՀԱԿ-ը ակցիա էր կազմակերպել: «Ոչ մի չինովնիկ չի տրամադրելու մեզ մեր իրավունքները: Քաղաքացիները պարտադիր պետք է պահանջեն իրենց իրավունքները»,- ասաց «Հայկական ժամանակ» օրաթերթի գլխավոր խմբագիր Նիկոլ Փաշինյանը, իր ելույթում:
Փաշինյանի կոչ արեց երթը սկսելուց առաջ. «Փետրվարին կսկվի ընդվզման նոր ալիք, այն բանի համար, որ չընտրված իշխանությունները հեռանան Հայաստանից: Առաջ դեպի անսերժ Հայաստան, առաջ դեպի ժողովրդավարություն»:
Այսօրվանից ուժի մեջ է մտել թուրք-վրացական սահմանի հատման մեղմացված ռեժիմը: Թուրք-վրացական սահման հատող քաղաքացիները այսուհետ կարող են Թուրքիայի սահմանը հատել, կամ շրջել երկրում առանց անցագրի: Նրանց պետք չի գա նաև միջազգային անձնագիրը։ Այս մասին հաղորդում է Թուրքական Zaman-ը:
Հիշեցնենք, որ պայմանավորվածությունը ձեռք էր բերվել այս տարվա մայիսի 31-ին՝ Սարփիում կայացած Թուրքիայի վարչապետ Էրդողանի և Վրաստանի նախագահ Սաակաշվիլու հանդիպման ժամանակ։
Երկու երկրների քաղաքացիները թուրք-վրացական սահմանը կհատեն միջազգային չափորոշիչներին համապատասխան փաստաթղթի` երկլեզու ինքնության վկայականով, որն արդեն իսկ գործում է Վրաստանում։ Իսկ երկու երկրների նավաստիներն ու օդաչուները կարող են միջպետական սահմանը հատել իրենց ծառայողական փաստաթղթերով։
Սա ուղղակի լրացումն էր մի փաստաթղթի, որ 2006 թվականի սկզբից սկսել է գործել, Թուրքիայի ու Վրաստանի միջև: Խոսքը անցագրային ռեժիմի վերացման մասին է, ըստ որի` երկու երկրների քաղաքացիները կարող են արտասահմանյան անձնագրերով հատել միջպետական սահմանը և 90 օր առանց անցագրի գտնվել տվյալ երկրում:
Չմեռանք` դա էլ տեսանք. Նեմեց Ռուբոն` բողոքի ցույցի մասնակից: Բողոքի ցույցն էլ ընդդեմ մեկ այլ օլիգարխի է` Աշոտ Աղաբաբյանի (Բուռնաշի), որը մտադիր է «Հրազդան» տոնավաճառի տարածքում` հենց մարզադաշտի կողքին, 20 մետր բարձրությամբ առևտրի կենտրոն կառուցել:
Ահա ինչ է ասում ինքը` Ռուբեն Հայրապետյանը. «Նման կառույցի կործանումը չի ներվի սերունդների կողմից: Ես ամեն ինչ անելու եմ` ընդհուպ էքսկավատորի տակ պառկելը: Այս պահին միջազգային որեւէ խաղ չենք կարող անցկացնել: Շատ կարեւոր է մարդկանց տարհանումը, որին կարող է խոչընդոտել առեւտրի կենտրոնը: Բացի այդ խոտածածկը պետք է փոխվի: Գալիք մրցափուլում Մալթային եւ Բուլղարիային հյուրընկալվելիս 6 միավոր վաստակելուց հետո` հայ ֆուտբոլասերներին հնարավոր չի լինի զսպել, քանի որ հաջորդ խաղը Երեւանում է լինելու Իտալիայի հետ»:
Պատկերացնո՞ւմ եք`մի օլիգարխը կարող է պառկել մեկ այլ օլիգարխի էքսկավատորի տակ: Մեր կյանքը ռեա՞լ է, թե՞ ապրում ենք հայտնի ֆիլմի «մատրիցայի» ներսում:
Մեկ ուրիշ հետաքրքիր դրվագ. ԱԱԾ-ն, բերման է ենթարկել պոռնոսկանդալի հերոսուհի Անժելա Սարգսյանի նախկին (կամ իբր նախկին) ամուսնուն` ԵՊՀ փիլիսոփայության դասախոս Ղազար Ավետիսյանին, և նա հարցաքննվել է ԱԱԾ-ում` կեղծ վկայականներ տրամադրելու գործի շրջանակներում: Առայժմ ազատ են արձակել: Դե ԱԱԾ-ն ժամանակին այլոց էլ էր ազատ արձակում հարցաքննություններից հետո, բայց դա որոշ դեպքերում 15 տարվա ազատազրկման դատավճռով… Կհետևենք, տեսնենք, թե սա ինչքան ջուր կքաշի:
Հա, քանի որ հիշեցինք Անժելին, չենք կարող չհիշել և ռուսական ժողովրդավարության մերկաստինք պաշտպաններին` ուկրաինական «Ֆեմեն» կազմակերպությունից: Այդ նպատակով Մոսկվա ժամանած երեք աղջիկներին չի կանգնեցրել նույնիսկ դեկտեմբերյան ցուրտը: Նրանք մերկացել են Սուրբ Փրկչի եկեղեցու մոտ, կոնքերին փաթաթել Ռուսաստանի դրոշի տեսքով պարկերի կտորներ: Բոլոր աղջիկների մարմիններին նկարված է եղել ուղղափառ խաչ: Բացի այդ, նրանցից մեկի ձեռքին եղել է մտրակ: Աղջիկների ձեռքին եղել են պաստառներ, որոնց վրա անգլերեն եւ ռուսերեն գրված է եղել: «Աստված, քշիր թագավորին»: Աչքիս, սրանք էլ ինչ-որ աղանդի հետ կապ ունեցող են, այլապես…
Սակայն մեր քաղաքական դաշտն էլ առանձնապես չի տարբերվում այդ մերկ աղջիկներից: Հանուն քաղաքական իրավիճակի վրա ազդելու ինչի ասես կգնան մեր քաղաքական այրերը: Ճիշտ է, ՀԱԿ-ի ակտիվիստուհիները «հանուն ավազակապետության կազմաքանդման» դեռևս «ֆեմինիստուհիների» պես հրապարակավ չեն մերկանում, սակայն նրաց առաջնորդ Լևոն Տեր-Պետրոսյանի`հրապարակ նետած ՀԱԿ-ԲՀԿ դաշինքի գաղափարն, արդեն երկու շաբաթ է, ինչ ալեկոծում է ամբողջ քաղաքական դաշտը: Լուրջ-լուրջ խոսում են դրա մասին, նաև քաղաքագետ կոչված մարդիկ են դա «վերլուծում» որպես հնարավոր տարբերակ: Այդ վիրտուալ բլեֆը այնքան է տարել ոմանց, որ էլ դու սուս… Բայց անգամ իշխանության ներսում է այդ բլեֆը ազդեցություն թողնում:
Գագիկ Ծառուկյանն ու ԲՀԿ-ն այդպես էլ հրապարակավ չեն հայտարարում, որ դա կատարյալ էշություն է: Իբր թե չհայտարարելով կարող են վախեցնել ՀՀԿ-ին ու Սերժ Սարգսյանին, թե եթե հանկարծ իրենց հատկացվելիք տեղերից դժգոհ մնացին, մեկ էլ տեսար ՀԱԿ-ի հետ ընկերություն կանեն: Մեկ էլ նույն ձևով ոչ հաստատում են, ոչ հերքում այն լուրերը, թե Ռոբերտ Քոչարյանը կարող է գլխավորել ԲՀԿ ցուցակը: Բայց չէ՞ որ, ինչպես նկատեց Բառադի Համո մականունով հանրապետական պատգամավոր Համլետ Հարությունյանը, «Քոչարյանը թիմ չունի, էդ մարդը իրենց տանը նստած է»: Բայց հանրապետականներն էլ պակաս չեն` այն բանի համար, որ ԲՀԿ-ն հրապարակավ չի ասում, որ ՀԱԿ-ի հետ դաշինք հնարավոր չի, Ռոբերտ Քոչարյանն էլ իրենց ցուցակում չի լինի առաջին տեղում, ԲՀԿ-ում ինչքան «պլանքաշ» կա` բոլորի վրա գործ հարուցեցին: Դե ձեր սեփական «պլանքաշներին» էլ հավաքեք…
Ստացվեց աբսուդային խաղ. «Ասա»-«Չեմ ասի», «Չէ, կասես»-«Չեմ ասի»: Գրողը տանի, իշխող կոալիցիայի լուրջ կուսակցություննե՞ր եք, թե՞ «կազակի-ռազբոյնիկի» խաղացող 10-12 տարեկան մանչուկներ: Կարճ ասած, ընկղմվում ենք մի վիրտուալ «Մատրիցայի» մեջ, ուր հասարակ ողջամտությունն ու առողջ տրամաբանությունը հեչ հագի չեն:
Վարկածները քննեց ԱՐՍԵՆ ՎԱՀԱՆՅԱՆԸ
Այն, որ ցանկացած իրեն անկախ համարող կազմակերպության աշխատանք, այս կամ այն չափով թելադրվում է իշխանության կողմից, ու մեր երկրում չկան անկախ կառույցներ, պարզ դարձավ այսօր` «Վարկած» ակումբում տեղի ունեցած ասուլիսի ժամանակ:
Հյուրերը երկուսն էին. մտահոգ մարդիկ մեր երկրի ճանապարհների, և դրանցից անբաժան վարորդների խնդիրներով` Հայաստանի Միջազգային փոխադրողների ասոցիացիայի (TIR) նախագահ Հերբերտ Համբարձումյանը և Երևանի թիվ 1 ճանշին կազմակերպության նախկին պետ Վահան Առաքելյանը.
«Բլոկադան սկսվեց նրանից, որ Կապի և տրանսպորտի նախարարության փաստացի հրահանգի արդյունքում, Համբարձումյանը հրաժարվեց նույն`բանավեճի սեղանի շուրջ նստել Առաքելյանի հետ: Առաջ անցնելով նշենք, որ ասուլիսին ներկա ոչ քիչ թվով լրատվամիջոցները խուսափել են ներկայացնել Վահան Առաքելյանի բացահայտումները, թեպետ մինչև վերջին պահը ներկա են եղել և նույնիսկ ասուլիսից հետո էլ մնացել էին հարցեր տալու:
Ինչևէ, պարոն Առաքելայնը զիջեց Համբարձումյանին և նա առաջինը միայնակ նստեց ֆոտոխցիկների առջև.«Ռուս-վրացական սահմանին գտնվող Վերին Լարսի անցակետի փակումը վրացական կողմից նոյեմբերի սկզբներին պայմանավորված չէր քաղաքական շարժառիթներով», — հայտարարեց նա ի պատասխան այն հարցի, թե վարորդները պնդում են, որ վերաբերմունքը հայերի և մյուս բեռնափոխադրողների միջև տարբեր են եղել և անցակետում խնդիրներ են ունեցել հատկապես հայերը:
Չնայած դրան Համբարձումյանը խոստովանեց, որ խնդիրներ, այնուամենայնիվ, եղել են: Նախ, վրացական կողմը անցակետում հայտարարություններ չէր փակցրել, թե երբվանից է փակում անցակետը, ինչպես սովորաբար վարվում էր նախորդ տարիներին: Այդ պատճառով հայ վարորդները հանկարծակի են եկել` տեսնելով փակ անցակետը: Երկրորդ` այս տարի բավական երկար ժամանակ չէր գործում Փոթի-Նովոռոսիսյսկ լաստանավը, ինչի հետևանքով բեռնատար մեքենաները պարզապես այլընտրանք չունեին: Եւ վերջապես, երրորդ`ձմեռն այս տարի եկավ ժամանակից շուտ ու շատ անականկալ:
Եւ արդյունքում` մոտ 200 հայկական բեռնատարներ Դոնի Ռոստովից մինչեւ Վերին Լարս ճանապարհներին հայտնվեցին սպասողական վիճակում:
«Սակայն, բարեբախտաբար դեկտեմբերի 2-ին եւ 3-ին տեղումները դադարեցին, ինչը հնարավոր դարձրեց բեռնատարների փոխադրումը քարշակներով: Իսկ որպես վարձ այդ ծառայության համար յուրաքանչյուր մեքենայից գանձվել է 220 դոլար» — ասաց նա:
Ըստ Համբարձումյանի այս պահին այդ անցակետի շրջանում այլեւս կուտակված մեքենաներ չկան` հայկական բեռնատարները փոխադրվում են լաստանավով, թեև դա մոտ 40 տոկոսով ավելի թանկ է: Երեւան-Մոսկվա 1 բեռնատարի ուղերթը Վերին Լարսով արժե 4000 դոլար, լաստանավով` մոտ 5700 դոլար, որից 1500 դոլարը լաստանավի «տոմսի» արժեքն է:
Իսկ Վահան Առաքելյանը, որպես փորձառու ճանապարհաշինարար եկել էր զգուշացնելու, որ առաջիկայում հնարավոր են նոր սողանքներ: Քանի որ «Տավուշի» հայտնի ողբերգությունից հետո էլ, ոչ մի աշխատանք չի կատարվել: Նա ասաց, որ Ճանշին-ը չի կարող այլ կերպ աշխատել, քանի դեռ այն ղեկավարում են դիլետանտ մարդիկ, ովքեր թույլ տվեցին, որ սննկացած ընկերության բազան վերածվի վետերոկների: Վարչությունը բաժանվեց առանձին ստորաբաժանումների, ստեղծվեց ՊՈԱԿ, որը ղեկավարում է նախկին մարզպետ Հենրիկ Քոչինյանը, որն առհասարակ կապ չունի Ճանշինի հետ:
Սա այն տարբերակն է, որ մարդուն գործ էր պետք տվեցին, սակայն ճանապարհների հարցը, որտեղ կարող է վտանգվել մարդկանց կյանքը, ռազմավարական խնդիր է, որի լուծումը, պրն Առաքելյանը տեսնում է մեկ տարբերակով. Վերահսկողություն սահմանել այն կցելով կամ նախագահի, կամ վարչապետի ինստիտուտին, ինչպես նախկին ԱՊՀ մի շարք երկրներում է:
«Ամենաթողությունը կարող է ամեն պահ վթարային իրավիճակ ստեղծել է Ախուրյանի ճանապարհին, որտեղ Ախուրյան ճանշինը մաքրում է միայն իր սպասարկելիք հատվածը, իսկ մինչև Բավրա տանող ճանապարհը առաջին իսկ ձյան դեպքում վերածվում է ռեալ վտանգ հանդիացող սահադաշտի: Դիլիջանում ևս կան վտանգավոր հատվածներ և այս պես կարելի է թվել»,- զգուշացրեց ճանապարահաշինարարը:
Հ.Գ. Տրանսպորտի նախարարությունը, Հենրիկ Քոչինյանին թույլ չտվեց մասնակցելու բանավեճին, ասելով թե նպատակահարմար չեն գտնում, ոչ նրա, ոչ էլ առհասարակ որևէ մեկի ներկայությունը, պարզաբանելով, թե` մեր կայքում ամեն բան դրված է:Հետաքրքիր է վերընշված հարցերից քանի՞սն են արծարծված կայքում:
Ջավախքի հայաթափումը կործանարար կլինի Հայաստանի համար: Ջավախքը միայն ջավախքցիներինը չէ, այլ բոլոր հայերինը: Այսօր լրագրողների հետ հանդիպմանն ասաց «Ջավախք» հայրենակցական միության նախագահ, ԱԺ պատգամավոր Շիրակ Թորոսյանը:
Նա համոզված է, որ ՀՀ նախագահի այցը Վրաստան որոշակի առաջընթաց էր և դա հույս է առաջացնում վիրահայության խնդիրների գոնե մի մասի լուծման համար:
«Մենք բազմիցս ասել ենք այդ խնդիրների լուծման ձևը: Նախագահական պաշտոնական հանդիպումների ժամանակ նախ դրանք պետք է դարձնել օրակարգային թեմա: Հայ-վրացական հարաբերությունները պետք է ջերմ լինեն, բայց պետք է հասկանալ, որ առանց վիրահայության իրավունքները պաշտպանելու, չեն կարող այդ հարաբերությունները զարգանալ»,- ասաց ԱԺ պատգամավորը:
«Ջավախքի համար մենք պետք է պայքարենք այնպես, ինչպես պայքարել ու պայքարում ենք Ղարաբաղի համար: Մենք կորցնելու ենք մեր հյուսիասային դարպասը: Չէ՞ որ դա նաև մեր պատմական հայրենիքի մի մասն է»,- նկատեց Թորոսյանը:
-
-
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
18.05.2024 | 01:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատրյանը՝ Արսեն Թորոսյանին -
17.05.2024 | 01:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ) -
16.05.2024 | 12:10
Գործողությունները լինելու են կետային, թիրախային. Բագրատ Սրբազան -
16.05.2024 | 01:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.