Հայաստանը գլխապատառ նետվում Է դեպի Մաքսային միու­թյուն: Երեկ լրագրողների հետ զրույցում ՀՀ վարչապետ Տիգ­րան Սարգսյանը հայտարարել Է, թե Մաքսային միությանը Հա­յաստանի անդամակցության «ճանապարհային քարտեզի» նախագիծը արդեն պատրաստ Է: Դա այն գործողությունների և դրանց ժամկետների հերթականությունն Է, որոնց իրակա­նացման արդյունքում Հայաստանը կդաոնա ՄՄ-ի լիարժեք անդամ: Ել ուրեմն, ի՞նչ Է ստացվում: Այն, որ Հայաստանը «մանկուց երազել Է» դառնալ ՄՄ-ի անդամ, հանկարծ ու անս­պասելիորեն պարզվեց այս տարվա սեպտեմբերի 3-ին, երբ Սերժ Սարգսյանը հանդես եկավ համապատասխան հայտարարությամբ: Դրանից ընդամենը երկու ամիս անց` նոյեմբերի 6-ին, Հայաստանը Եվրասիական տնտեսական հանձնաժողո­վի հետ արդեն ստորագրեց փոխգործակցութւան խորացման մասին հուշագիրը և «ճանապարհային քարտեզն», ինչպես երեկ հայտարարեց վարչապետը, արդեն պատրաստ Է:

Դժ­վար Է գտնել պատմության մեջ նման մի նախադեպ, երբ որևէ երկիր մի օր առավոտյան անսպասելի հայտարարի այս կամ այն միության մեջ ընդգրկվելու մտադրության մասին ու այս­պիսի արագությամբ գործողություններ սկսի այդ մտադրու­թյունը կյանքի կոչելու ուղղությամբ: Համեմատության համար նշենք, որ օրինակ Առևտրի համաշխարհային կազմակերպու­թյանը Հայաստանի անդամակցության գործընթացը տևեց 12 տարի: Եվ դա այն դեպքում, որ Առևտրի համաշխարհային կազմակերպությունը շատ ավելի «փափուկ» պայմաններով կառույց է, քան Մաքսային միությունը, որը ըստ էության, արմա­տապես փոխում է երկրի կարգավիճակը, վերցնում ինքնիշխա­նության զգալի մասը: Նույնիսկ հենց Մաքսային միությանը անդամակցելու մտադրություն ունեցող երկրները ամենևին էլ շտապողականություն չեն ցուցաբերում: Օրինակ՝ Ղրղըզստանը Մաքսային միությանը անդամակցելու գործընթացը պաշ­տոնապես սկսել է 2011 թվականի ապրիլի 11-ին, բայց Եվրա­սիական տնտեսական հանձնաժողովի հետ փոխգործակցու- թյան խորացման մասին հուշագիրը ստորագրել է միայն երկու տարի անց՝ 2013 թվականի մայիսին:

Տաջիկստանը 2012 թվականի սեպտեմբերին է պաշտոնապես հայտարարել ՄՄ-ին անդամակցելու մտադրության մասին, բայց մինչ օրս այդ ուղղությամբ որևէ ուրիշ քայլ չի արել: նույնիսկ Աբխազիան 2010 փետրվարին, հայտարարելով ՄՄ-ին անդամակցելու որոշման մասին, մինչ օրս որևէ այլ գործողություն չի արել: Հայաստանի՜ ՄՄ-ին անդամակցելու ուղղությամբ կատարվող քայլերի արագությունը զարմացրել էր նույնիսկ Պուտինին, ով Հայաստան կատարած վերջին այցի ժամանակ անկեղծորեն ասաց այդ մասին: և ուրեմն, ո՞րն է նման շտապողականու­թյան պատճառը: «Տեսնում եմ լայն հնարավորությունների առ­կայություն»,- օրերս հայտարարեց Սերժ Սարգսյանը Մաքսա­յին միության անդամակցության հեռանկարների մասին խոսե­լիս: Ի՞նչ լայն հնարավորությունների մասին է խոսքը: Յուրա­քանչյուր ոք, ով կուսումնասիրի Մաքսային միությունում գործող մաքսային միասնական օրենսդրութւունր, կարոդ էփաստե|, որ այդ «լայն հնարավորությունները» ստանում են խոշոր հերկ րողները մեզ բոլորիս հայտնի տխրահռչակ օլիգարխները Եթե հիմա նրանց բիզնեսի մոտ կեսը ստվերում է. ապա ՄՍ-ին անդամակցելուց հետո նրանք հնարավորություն կստանան 80- 90 տոկոսով մտնել ստվեր: Մասնավորապես, Հայաստանի սահմանին գանձվող մաքսատուրքերը ՄՄ-ին անդամակցելուց հետո, պատկերավոր ասած, ուղղվելու են ՄՄ-ի ընդհանուր բյու­ջե, ապա այնտեղից նախօրոք սահմանված չափաբաժնով վե­րադառնալու ՀՀ .պետական բյուջե: Անկախ նրանից, թե որքան մաքսավճար կմուծեն օլիգարխները ապրանքներ ներկրելիս, միևնույնն է՝ ՄՄ-ի ընդհանուր բյուջեից Հայաստանը ստանալու է իր չափաբաժինը: Իսկ դա նշանակում է, որ որևէ շահագրգռ­վածություն՝ հնարավորինս շատ մաքսատուրք հավաքելու հա­մար, այլևս չի լինելու:

Շատ ավելի հեշտ կլինի պայմանավոր­վել մաքսավորների հետ ապրանքները էժան մաքսագերծելու շուրջ: Սա ավելի է խորացնելու կոռուպցիան, ավելի է սահմա- նափակելու փոքր ներկրողների հնարավորությունները և այլն և այսպես շարունակ: Սա իրոք չափազանց «լայն հնարավորու­թյուններ» է ստեղծում Սերժ Սարգսյանին սպասարկող օլի­գարխների համար: Եվ այդ «հնարավորությունները» այնքան «լայն» են, որ գործող իշխանությունը օր առաջ ձգտում է դառ­նալ ՄՄ-ի լիարժեք անդամ:

Հոդվածն  ամբողջությամբ՝ «Հայկական ժամանակ» -ի այսօրվա համարում:

Իրազեկ աղբյուրների վկայությամբ՝ առաջիկայում մի շարք պետական գերատեսչություններում սպասվում են կառուցվածքային փոփոխություններ, ստեղծվելու են Մաքսային միության հետ համագործակցության առանձին ստորաբաժանումներ։ Այդ գերատեսչություններից մեկն էլ ՀՀ էկոնոմիկայի նախարարությունն է, որտեղ կա «միջազգային տնտեսական համագործակցության» և առանձին «ԵՄ-ի հետ համագործակցության» վարչություն։

Նախարարության տեղեկատվության և հասարակայնության հետ կապերի վարչության պետ Անահիտ Խեչոյանը «Ժողովուրդ»-ի հետ զրույցում ասել է. «Մեր գերակայություններից ելնելով՝ հնարավոր է, այո, նախարարությունը որոշ կառուցվածքային փոփոխությունների ենթարկվի։ Բայց դա չի նշանակում, որ դադարեցրել ենք ԵՄ-ի հետ համագործակցությունը, որովհետև ԵՄ-ի հետ միասին մի շարք ծրագրեր ենք իրականացնում»:

Հոդվածն ամբողջությամբ՝ «Ժողովուրդ»-ի այսօրվա համարում:

Պարբերականի տեղեկություններով՝ գործարար Խաչատուր Սուքիասյանն աջակցում է և հնարավոր է՝ անդամակցի ԱԺ պատգամավոր Նիկոլ Փաշինյանի կողմից նախաձեռնված «Քաղաքացիական պայմանագիր» միավորմանը, իսկ ընտրությունների ժամանակ նաև կարող է գլխավորել ստեղծվելիք կուսակցության ընտրական ցուցակը:

Քաղաքացիական պայմանագրի Կառավարման խորհրդի անդամ Արայիկ Հարությունյանը թերթի հետ զրույցում, սակայն, հերքել է այդ լուրը՝ նշելով, որ Խ.Սուքիասյանն առնչություն չունի իրենց հետ և նախկինում Քաղաքացիական պայմանագրի անդամների ու Սուքիասյանի միջև քննարկումներ չեն եղել. «Նա ոչ անդամ է, ոչ էլ՝ աջակից»:

Հոդվածն ամբողջությամբ՝ կարդացեք «168 ժամ» պարբերականի այսօրվա համարում:

Օրաթերթի լավատեղյակ աղբ­յուրները փոխանցում են, որ երեկ ԲՀԿ առաջնորդ Գագիկ Ծառուկյանը հան­դիպել է Աժ ԲՀԿ խմբակցության մի քանի անդամների հետ ու քննարկել, թե այսօրվա Աժ արտահերթ նիստում ԲՀԿ-ն ինչ պահվածք պիտի ունենա:

Թերթը նշում է, որ այսօր ԱԺ-ում քննարկվելու է 2014թ. բյուջեն: Ըստ «Ժողովուրդ»-ի տեղեկությունների այսօր՝ մինչ ԱԺ նիստի մեկնարկը, Ծառուկյանը հանդիպելու Է խմբակցության բոլոր անդամների հետ ու հրա­հանգելու Է, որ իրենց ելույթներում շատ չփնովեն ՀՀ վարչապետին ու նրա գործունեությունը:

Հոդվածն ամբողջությամբ՝ կարդացեք «Ժողովուրդ»-ի այսօրվա համարում:

Մեզ շատ է խանգարում կասկածամտության մթնոլորտը: Այս շրջանում քաղաքականացված մարդիկ իրար մեղադրում են կամ «ռուսական իմ­պերիալիզմի», կամ Էլ «այլասերված Արևմուտքի» գործակալ լինելու մեջ: Իսկ հնարավոր չէ՞, արդ­յոք, անկեղծորեն, աոանց որևէ դավադրության մասնակցելու՝ լինել այս կամ այն տեսակետի կողմնակիցը:

Վստահություն չկա նաև ընդդիմադիր շրջա­նակներում: Ենթադրենք, որևէ ընդդիմադիր երդվում է՝ «կյանքիս նպատակը Սերժ Սարզսյանի հրաժարականն է»: Մյուս ընդդիմադիրը հակա­դարձում է. «Չէ, եղբայր, ես քեզ չեմ հավատում, դու միայն ասում ես, իրականում դու Բաղրամյան 26-ի նախագիծն ես: Այ, ես՝ ուրիշ բան, ես հոգով-սրտով պայքարում եմ իշխանափոխության համար: Տես, թե ինչ ուշունց եմ տվել Սերժ Սարգսյանին»:

Դրան աոաջին ընդդիմադիրը պատասխանում է. «Քո ուշունցը բավականին թույլիկ էր՝ հիմա կտեսնես, թե ինչ հայհոյանքներ են իմ ակտիվիստները գրելու Ազատության հրա­պարակի ասֆալտին: Սկի կոմունիստների ժա­մանակ հասարակական զուգարանների պատե­րին նման բաներ չէին գրում»:

«Դա հեչ՝ իմ ակ­տիվիստներն այնպես են թռնելու ոստիկանների վրա, որ նրանց մի քանի ժամով քաղմաս կտա­նեն: Այ, այդպես են պայքարում իշխանափոխության համար»:

Խմբագրականն ամբողջությամբ՝ կարդացեք «Առավոտ»-ի այսօրվա համարում:

ՀԱԿ պատգամավոր Հրանտ Բագրատյանը ֆեյսբուքի իր էջում գրել է.

«Երեկ չէ մյուս օրը հայտնի դարձավ, որ ԱՄՆ տնտեսությունն այս տարվա 3-րդ եռամսյակում աճել է 3.6%։ Սա եռամսյակային աճի ռեկորդներից մեկն է վերջին 9 տարիների համար։ Չինաստանի տարեկան տնտեսական աճն էլ ճշտվել է. 7.8%։ Մինչդեռ ՀՀ 2014թ բյուջեն ներկայացնելիս վարչապետն ԱԺ-ում հայտարարեց, որ ՀՀ խոստացված տնտեսական աճը չի ստացվում, քանի որ համաշխարհային տնտեսության աճը դանդաղել է։ Պարզապես ստում էր։ Կիևում շատ, շաաաաատ մարդիկ հավաքվել են Մայդանում և փոփոխություններ են ուզում։ Նրանք էլեկտրաէներգիայի համար հիմնականում վճարում են 5.5 դրամ (Հայաստանում՝ 37), եթե շաաատ ես վառել՝ 13 դրամ, գազի համար այստեղ վճարում են 35.5 հազար դրամ (Հայաստանում 158000 դրամ), իսկ եթե շատ –շաաատ ես վառել (տես նախորդ գրառումս)՝ ընդամենը 53.7 հազար դրամ։ Հայաստանում մենք գազի համար վճարում ենք 158000 կամ 391 դոլար, եթե դարձնում ենք եվրոպական կալորիականության՝ 496 դոլար, իսկ եթե նկատի ունենանք, որ ըստ էներգետիկայի նախարարի այդ ամենը վճարելուց հետո էլ 90 դոլար պարտք ենք մնում ՌԴ-անը՝ 586 դոլար։ Մինչդեռ իբր թե մենք գազը 2.3 անգամ ավելի էժան ենք ստանում։ Ի՞նչ կլիներ, եթե այս ամենը Մայդանի ժողովուրդն իմանար»։

ԱԺ ԲՀԿ խմբակցության պատգամավոր Վարդան Օսկանյանը ֆեյսբուքյան իր էջում գրել է.

«Երևանում է Եվրոպայի և Եվրասիայի հարցերով ԱՄՆ պետքարտուղարի տեղակալի օգնական Էրիկ Ռուբինը: Այսօր ես և Ալեքսանդր Արզումանյանը հանդիպեցինք նրա հետ: Հանդիպմանը ներկա էր նաև Հայաստանում ԱՄՆ դեսպան Ջոն Հեֆերնը: Քննարկվեցին հայ-ամերիկյան հարաբերությունների ներկա վիճակը, Մաքսային միություն մտնելու Հայաստանի որոշումը, ինչպես նաև հայ-թուրքական և Լեռնային Ղարաբաղի խնդիրները:

Եվրոպայի պահպանողականների և բարեփոխիչների ալյանսի (AECR) հրավերով չորեքշաբթի ես մեկնում եմ Ստրասբուրգ՝ Եվրոպական խորհրդարան, քննարկելու «Բարգավաճ Հայաստան» կուսակցության և Ալյանսի միջև համագործակցության խնդիրները և, առհասարակ, Հայաստանի եվրոպական գործընթացների ներկա վիճակը և հեռանկարները:

Ի դեպ, ասեմ, որ տարածված լուրը, թե ես դուրս եմ եկել «Բարգավաճ Հայաստան» կուսակցությունից և պատրաստվում եմ նոր կուսակցություն ստեղծել, իրականության հետ որևէ կապ չունի»:

Երեկ Parliamentmonitoring.org կայքը հրապարակել է ԱԺ 5-րդ գումարման 4–րդ նստաշրջանի (09.09.2013) տվյալները, որտեղ ներկայացված է, թե հայրենի օրենսդիրներն ինչ գործունեություն են ծավալել այս ընթացքում։ Մոնիթորինգի տվյալների համաձայն՝ այս նստաշրջանի ընթացքում ամենաշատը բացակայած պատգամավորների եռյակը գլխավորում են ԲՀԿ-ականները՝ ԱԺ ԲՀԿ խմբակցության ղեկավար Գագիկ Ծառուկյանը, Գուրգեն Արսենյանն ու Աբրահամ Մանուկյանը։ Իսկ ահա ՀՀԿ-ական պատգամավորներն աչքի են ընկել ամենաշատ կողմ քվեարկություններով․ Աժ ՀՀԿ խմբակցության ղեկավար Գալուստ Սահակյանը, Հայկ Գրիգորյանը, Ռազմիկ Զոհրաբյանն ու Մկրտիչ Մինասյանն ամենաշատը կողմ քվեարկած պատգամավորներն են։

Ներկայացնենք նաև հաջորդ «անվանակարգերը»։ Աժ ամբիոնից ամենաշատը ելույթներ ունեցել են Աժ ՀՅԴ խմբակցության անդամ Արծվիկ Մինասյանը (86), խմբակցության անդամ Խոսրով Հարությունյանը (68) և անկախ պատգամավոր Էդմոն Մարուքյանը (59)։ Իսկ ամենաշատը «դեմ» են քվեարկել Աժ ՀԱԿ խմբակցության անդամներ Նիկոլ Փաշինյանը, Գագիկ Ջհանգիրյանը և «Ժառանգություն» խմբակցության անդամ Թևան Պողոսյանը։

Ներկայացված տվյալների շուրջ «Ժողովուրդ»-ը զրուցել է Աժ պատգամավորների հետ:

Հոդվածն ամբողջությամբ՝ «Ժողովուրդ» օրաթերթի այսօրվա համարում:

Օրաթերթի լավատեղյակ աղբյուրների տեղեկացմամբ՝ նախօրեին ՀՀԿ ԳՄ նիստում Սերժ Սարգսյանն անդրադարձել է ԱԺ փոխխոսնակ Էդուարդ Շարմազանովի ու պատգամավոր Նիկոլ Փաշինյանի միջև ԱԺ նիստում տեղի ունեցած վիճաբանությանը:

Թերթի աղբյուրների փոխանցմամբ՝ Ս. Սարգսյանը հանդիմանել է Շարմազանովին իր պահվածքի համար ու հույս հայտնել, որ հաջորդ անգամ նման բան չի կրկնվի: Տեսակետ կա, որ Ս. Սարգսյանին դուր չի եկել այն փաստը, որ երբ Շարմազանովը Փաշինյանի վրա մատ է թափ տվել ու դիմել «արա»-ով, ինչին Փաշինյանը հակադարձել է «արան դու ես ու շեֆդ ա», դրանից հետո Շարմազանովը չի կանգնել «շեֆի թիկունքին»:

Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում:

Եվ կրկին ծայրահեղությունների մասին: Կամ մոլեռանդ նվիրվածություն կայսերապաշտական գաղափարներին ու ծրագրերին, որոնք իբր պետք է մեզ պաշտպանեն թուրթերից և ադրբեջանցիներից, կամ՝ ագրեսիվ ատելու­թյուն «պուտինյան ռեժիմի» նկատմամբ, որն իբր մեզ ստրկացնում է: Չնայած ՌԴ նախա­գահն այստեղ բացարձակապես մեղք չունի՝ եթե չուզենանք ստրկանալ, մեզ հետ դա ոչ մեկը չի կարողանա անել:

Կամ քաղքենիական արհամարհանք մայրենի լեզվի հանդեպ՝ արձանագրումներ, որ Հայաստանում ստացած դիպլոմը ոչ մի տեղ գրոշի գին չունի, ինչը միայն մասամբ է ճիշտ, իսկ եթե նույնիսկ 100 տոկոսով ճիշտ լիներ, ապա դրա պատասխանատուն ոչ թե հայոց լեզուն է, այլ մեր անարդյունավետ կրթական համակարգը: .

Կամ էլ՝ կաղապարված «պու­րիզմ», որը քիչ է մնում բոլորից «հայեցի» մո­րուք և տրեխներ պահանջի:

Կամ կեղծ ահազանգեր՝ իբր, «այլասերված Եվրոպայից» ներմուծված LGBT համայնքը քանդում է մեր ազգային ինքնությունն ու ըն­տանիքը: Կամ նույնքան կեղծ ահազանգեր՝ իբր, Հայաստանում միասեոականներին հե­տապնդում են:

Խմբագրականն ամբողջությամբ՝ կարդացեք «Առավոտ»-ի այսօրվա համարում: