Այսօր ՀՀ կառավարության նիստում ՀՀ Կենտրոնական բանկի նախագահ Արթուր Ջավադյանը ներկայացրեց որոշման նախագիծ, ըստ որի՝ վթարի դեպքում կողմերն այլևս ստիպված չեն լինի սպասել ԱՊՊԱ-ի ժամանմանը:

Կառավարությունում հաստատվեց ապահովագրական պատահարի մասնակից ավտոտրանսպորտային միջոցների վարորդների կողմից լրացվող հայտարարագրի ձևը: Ըստ դրա՝ ավտոպատահարների մասնակից վարորդներին հնարավորություն է տրվելու չսպասել ապահովագրական ընկերությունների մասնագետներին, այլ հեռանալ պատահարի վայրից՝ լրացնելով համապատասխան հայտարարագրի ձևը լուսանկարելով պատահարի մանրամասները: Սա այն պարագայում է, երբ ընդհանուր վնասի չափը չի գերազանցում 50 հազար դրամը:

Սակայն վարչապետը գտնում է, որ եթե գումարի չափը դարձնեք 100 հազար, լուրջ խնդիր լուծած կլինենք. «Իհարկե, Դուք մեծ ջանք եք ներդրել՝ ապահովագրական ընկերությունների հետ քննարկելիս: Ես Ձեզ հորդորում եմ, որ աշխատեք իրենց հետ, փորձեք համոզել գոնե մինչև 100 հազարի պարագայում, որ խցանումների խնդիրը լուծվի, թե չէ դա մեծ խնդիրներ է ստեղծում երթևեկության համար: Իրենք առաջարկում են, որ մի երկու ամիս աշխատենք, հետո մեկ անգամ ևս քննարկենք: Միգուցե 2-3 ամիս հետո նորից անդրադառնանք այդ հարցին, բայց փորձեք համոզել, եթե հնարավոր է»:

Ոստիկանության Մալաթիայի բաժնի աշխատակիցները փետրվարի 10-ին պոռնկությամբ զբաղվելու կասկածանքով Երեւանի մերսման սրահներից մեկից բերման են ենթարկել 21-ամյա եւ 23-ամյա երկու կանանց:

Նրանցից վերցրած բացատրություններով պարզվել է, որ մերսման սրահի տնօրեն 25-ամյա Սահակ Դավթյանը նպաստել է սրահում պոռնկությամբ զբաղվելուն:

Հունվարի 29-ին ոստիկանության կենտրոնական բաժնում հաղորդում են տվել երկու կին, նրանք հայտնել են, որ սեպտեմբեր եւ դեկտեմբեր ամիսներից որպես մերսուհի աշխատում են այդ մերսման սրահում, որտեղի տնօրինությունը իրենց դրդել է սեռական բնույթի ծառայություններ մատուցել հաճախորդներին:

Փաստի առթիվ հարուցվել է քրեական գործ:

SHAMSHYAN.com-ի տեղեկություններով՝ փետրվարի 11-ին ծեծկռտուք է տեղի ունեցել Շիրակի մարզում:

Ինչպես հայտնում է ֆոտոլրագրող Գագիկ Շամշյանը, Գյումրի քաղաքի Ռուսթավելու փողոցի 63/1 «Հրաշքների աշխարհ» մանկական սրճարանում վիճաբանություն է տեղի ունեցել Գյումրի քաղաքի Մայակովսկի փողոցի 39 տան բնակիչ, 55-ամյա Վարդան Կոլյայի Ղուկասյանի, նույն հասցեի բնակիչ, 33-ամյա Սպարտակ Վարդանի Ղուկասյանի, Գյումրի քաղաքի Շահումյան փողոցի 188 ա շենքի բնակիչ, 30-ամյա Պատվական Հովհաննեսի Մադոյանի, Գյումրի քաղաքի Աճեմյան փողոցի 26 տան բնակիչ, 37-ամյա Նորայր Գագիկի Սոլոյանի, Գյումրի քաղաքի Օզանյան փողոցի 4/5 տան բնակիչ, 37-ամյա Գարիկ Սամվելի Բաղդասարյանի միջև:

Ֆոտոլրագրողի տեղեկություններով՝ նույն օրը, արդեն կեսգիշերին Գ. Բաղդասարյանը գնացել է Վ. Ղուկասյանին պատկանող Աբովյան փողոց 256 հասցեում գտնվող նախկին դատարանի տարածք, որտեղ շարունակվել է վիճաբանությունը, որի ժամանակ Վ. Ղուկասյանի թիկնապահները ծեծի են ենթարկել Գ. Բաղդասարյանին:

Ըստ տեղեկությունների՝ նույն օրը Վ. և Ս. Ղուկասյանները ծեծի են ենթարկել նաև Գյումրի քաղաքի Ղորղանյան փողոցի 149 տան բնակիչ, 46-ամյա Արթուր Սուրենի Թումանյանին, իսկ Գյումրի քաղաքի Աճեմյան փողոցի 55 տան բնակիչ, 34-ամյա Կոլյա Գևորգի Ղուկասյանը ծեծի է ենթարկել Սլաբոտկա թաղամասի բնակիչներից մեկին:

Ֆոտոլրագրողը հայտնում է նաև, որ փաստի առթիվ ոստիկանության Կումայրիի բաժնի հետաքննչական բաժանմունքի հետաքննիչ Սեդրակյանի կողմից նյութեր են նախապատրաստվել և ոստիկանություն են հրավիրվել Պ. Մադոյանը, Ա. Թումանյանը, Ն. Սոլոյանը և Գ. Բաղդասարյանը, ովքեր ոստիկանությունում հայտնել են, որ այդ օրը իրենք որևէ մեկի հետ չեն վիճաբանել և ոչ ոքի կողմից ծեծի չեն ենթարկվել:

Հետաքննիչի կողմից վերջիններիս տրվել է դատաբժշկի ուղեգիր, իսկ Վ. և Ս. Ղուկասյանները ազատ են արձակվել:

Կումայրիի ոստիկանությունը որոնում է Կ. Ղուկասյանին, իսկ ձեռնարկվում են անհրաժեշտ օպերատիվ գործողություններ՝ Վ. Ղուկասյանի թիկնապահների ինքնությունը պարզելու ուղղությամբ: Գ. Շամշյանի տեղեկություններով՝ Վ. Ղուկասյանը Գյումրու նախկին քաղաքապետն է, իսկ Սպարտակը՝ նրա որդին: Ն. Սոլոյանն աշխատում է «Անման» ՍՊԸ-ում՝ որպես գազալցակայանի հերթափոխի ավագ, իսկ Գ. Բաղդասարյանը՝ «Օլիմպիական Հայաստան» մարզական միության մարզիչ:

shamshyan.com

Պատվի սպանությունը ընտանիքի անդամի՝ հաճախ իգական սեռի (բայց դա անպայման չէ) սպանությունն է, որն իրականացվել է բարեկամների կողմից ընտանիքին «անպատվություն» բերելու համար: «Անպատվության» տակ սովորաբար հասկանում են տվյալ մշակույթում արգելված սեռական բնույթի գործողությունները՝ ամուսնական դավաճանություն, նախաամուսնական սեքսը և այլն:

ՄԱԿ-ի հիմնադրամներից մեկի տվյալներով՝ ամեն տարի աշխարհում իրականացվում է մինչև 5000 պատվի սպանություններ՝ չնայած այն հանգամանքին, որ վերջին տարիներին շատ երկրներ խստացնում են պատիժները այդ հանցագործության համար:

https://www.youtube.com/watch?v=8cKtopHEDn4

Iravaban.net. Մարտի 1-ին ուժի մեջ են մտնում «Պետական կենսաթոշակների մասին» օրենքում կատարված վերջին փոփոխությունները, որոնցով կենսաթոշակի անցնող անձիք կազատվեն կարևոր մի պարտականությունից:

Ներկայումս աշխատանքային գրքույկի կամ դրանում համապատասխան գրառումների կամ ստաժը հաստատող փաստաթղթերի բացակայության դեպքում աշխատանքային ստաժը հաստատվում է արխիվային տեղեկանքով, իսկ դրա բացակայության դեպքում` դատական կարգով: Արխիվային տեղեկանքները հենց կեսնաթոշակառուն է ստանում:

Համաձայն մարտի 1-ից ուժի մեջ մտնող փոփոխությունների՝ աշխատանքային ստաժը հաստատող արխիվային փաստաթղթերը արխիվից կստանա լիազոր մարմինը՝ հարցման միջոցով, եթե դիմումին կից ներկայացվել են հարցման համար անհրաժեշտ տվյալներ:
Հարցման համար անհրաժեշտ տվյալների ցանկը և դրանք ներկայացնելու կարգը սահմանելու է ՀՀ կառավարությունը:

«Պետական կենսաթոշակների մասին» ՀՀ օրենքի 9–րդ հոդվածի համաձայն սահմանված է. «Տարիքային աշխատանքային կենսաթոշակի իրավունք տվող տարիքից մեկ տարի շուտ տարիքային կենսաթոշակ նշանակվում է, եթե անձն ունի առնվազն 35 տարվա աշխատանքային ստաժ և չի աշխատում»։

https://www.youtube.com/watch?v=t-G0tNVffdY

ՀՀ կառավարության 1734–Ն որոշմամբ սահմանվել է, որ ՀՀ կառավարությունը որոշել է սահմանել`

1) աշխատանքային կենսաթոշակի չափը հաշվարկելու համար հիմնական կենսաթոշակի չափը՝ 16000 դրամ.

2) աշխատանքային ստաժի մեկ տարվա արժեքը՝ առաջին տասը տարվա համար 800 դրամ, տասը տարին գերազանցող յուրաքանչյուր տարվա համար 500 դրամ.

iravaban.net