02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...«Բնակչության պետական ռեգիստրի մասին» ՀՀ օրենքի համաձայն.
Բնակչության պետական ռեգիստրում ընդգրկվելու համար Հայաստանի Հանրապետության բնակիչը պարտավոր է սահմանված կարգով և ժամկետներում համապատասխան տեղական ռեգիստրին տրամադրել իր մշտական բնակության վայրի (կացարանի) հասցեն, ինչպես նաև «Բնակչության պետական ռեգիստրի մասին» ՀՀ օրենքի 5-րդ հոդվածի 1-ին մասով նախատեսված հետևյալ անհատական տվյալները.
1) հանրային ծառայությունների համարանիշը.
2) անունը, ազգանունը, ինչպես նաև հայրանունը, եթե ներկայացված են հավաստող փաստաթղթեր.
3) կարգավիճակը (կացության կարգավիճակը կամ փախստական լինելը).
4) քաղաքացիությունը.
5) ծննդյան օրը, ամիսը, տարին և ծննդավայրը.
6) սեռը.
7) մշտական բնակության վայրի (կացարանի) հասցեն.
8) Հայաստանի Հանրապետության քաղաքացիությունը և (կամ) օտարերկրյա պետության քաղաքացիությունը և Հայաստանի Հանրապետությունում բնակության իրավունքը հավաստող փաստաթղթի տվյալները (տեսակը, համարը, տալու ամսաթիվը, վավերության ժամկետը և տրամադրող մարմինը).
9) մահվան օրը, ամիսը, տարին և վայրը.
10) կենսաչափական տվյալները, եթե դրանց մշակումն ուղղակիորեն նախատեսված է օրենքով: Մշտական բնակության վայր (կացարան) է համարվում այն տարածքը, որտեղ բնակիչն ունի բնակվելու իրավունք, որը նա համարում և հայտարարում է որպես իր կացարան:
Մշտական բնակության վայրը (կացարանը) փոխելիս անձը պարտավոր է յոթնօրյա ժամկետում գրավոր տեղեկացնել այն համայնքի տեղական ռեգիստրին, որտեղ գտնվում է նրա նոր կացարանը: Բնակիչը կարող է հաշվառվել միայն մեկ կացարանում:
Հայաստանի Հանրապետության տարածքից դուրս վեց ամսից ավելի ժամկետով բնակության մեկնող կամ վեց ամսից ավելի ժամկետով բնակվող Հայաստանի Հանրապետության քաղաքացին պարտավոր է այդ մասին գրավոր տեղեկացնել Հայաստանի Հանրապետության համապատասխան հյուպատոսական ծառայությանը կամ դիվանագիտական ներկայացուցչությանը, որը յոթնօրյա ժամկետում այդ մասին պաշտոնապես տեղեկացնում է կենտրոնական ռեգիստր վարող մարմնին:
Տեղեկացնենք, որ բնակչության պետական ռեգիստրը բնակչության վերաբերյալ օրենքով սահմանված անհատական հաշվառման տվյալների տեղեկատվական համակարգ է, որն ստեղծվում է Հայաստանի Հանրապետությունում բնակվող անձանց (անկախ քաղաքացիությունից), ինչպես նաև օտարերկրյա պետություններում բնակվող Հայաստանի Հանրապետության քաղաքացիների (այսուհետ՝ բնակիչների)՝ ըստ բնակության վայրի հաշվառման նպատակով:
Հայաստանի Հանրապետության քաղաքացիություն ձեռք բերած, Հայաստանի Հանրապետությունում մշտական բնակության վայր չունեցող և մշտապես կամ առավելապես օտարերկրյա պետությունում բնակվող անձը Հայաստանի Հանրապետության քաղաքացու անձնագրով փաստաթղթավորվելիս բնակչության պետական ռեգիստրում հաշվառվում է օտարերկրյա պետությունում իր բնակության վայրի հասցեով:
Աղբյուրը՝iravaban.net
2001 թվականին Մոսկվայում սպանություն կատարելու մեղադրանքով ՌԴ իրավապահ մարմինների կողմից հետախուզվում է 1982 թ. ծնված Հովհաննես Հարությունի Հովհաննեսյանը:
Նրա մասին տեղեկություն ունեցողներին խնդրում ենք դիմել ոստիկանության քրեական հետախուզության գլխավոր վարչություն կամ զանգահարել 010 56-48-21, 010 56-12-32, 055 00-22-09 հեռախոսահամարներով:
Տեղեկություն տրամադրող անձի գաղտնիությունը երաշխավորվում է:
Տեղեկություն տրամադրողին խոստացվում է դրամական պարգև:
Պայծառատես Անի Գրիգորյանի հայտարարությունների վերաբերյալ մեկնաբանություն ստանալու նպատակով Life.panorama.am-ը խոսել է Մայր Աթոռի տեղեկատվական համակարգի պատասխանատու Տեր Վահրամ քահանա Մելիքյանի հետ:
«Անշուշտ, հասկանալով հանդերձ, որ «6-րդ զգայարանը» ընդամենը հեռուստաշոու է, սակայն այդ ծարգիրը մեզ մոտ լուրջ մտահոգություններ է առաջացնում: Այդ իմաստով ունենք բազում բողքոներ մեր հավատավոր ժողովրդի կողմից, նրանք դիմումներ են մեզ ուղարկել, որպեսզի Մայր Աթոռ Սուրբ Էջմիածինը դիմի այդ հեռուստաըներությանը՝ կասեցնելու այդ հաղորդումը, որը պատճառ է դառնում բազում գայթակղությունների եւ իր տեսակի մեջ ճիշտ չէ: Իհարկե, մենք քայլեր կձեռնարկենք, որպեսզի հեռուստաընկերությունը վերանայի եւ հաղորդաշարը, որը շահավետ չէ մեր ժողովրդի հոգեւոր-բարոյական կյանքի համար, ուղղակի դուրս բերվի հեռուստածրագրից: Անշուշտ, ես չեմ հետեւում այդ հաղորդմանը, սակայն, ծանոթանալով ոմն պայծառատես Անի Գրիգորյանի հարցազրույցին, կասեմ, որ անձը չի կարող նման մերկապարանոց հայտարարություններ անել՝ ասելով, որ այսօր շատ ապացույցներ կան, թե ինչ է կարտարվում ճեմարաններում, ինչ է կատարվում այդ տղա երեխեքի հետ եւ այլն, եւ այլն: Նմանօրինակ հայտարարություններն ուղղակի պատճառ կարող են դառնալ մարդու դատապարտության, որովհետեւ որեւէ նման ապացույցներև չկան, մենք լիարժեք գիտենք՝ ինչ է կատարվում ճեմարաններում եւ անձը բարոյական իրավունք չունի նման հայտարարություններով ստվերել մի ամբողջ հաստատության հեղինակություն, առավել եւս, որ նա անգամ մեկ քար չի դրել այդ հաստատության կառուցման եւ կայացման համար»,-ասաց Տեր Վահրամ քահանա Մելիքյանը:
Շարունակելով խոսքը՝ քահանան հավելեց. «Ինչ վերաբերվում է նրա ասած մյուս հարցերին, ես որեւէ կարեւորություն չեմ տալիս, որովհետեւ ակնհայտ է, որ անձը առանց գիտակցելու՝ ինչ է խոսում, ուղղակի բարբաջանքներ է դուրս տալիս եւ որեւէ լուրջ բան նրա ասածի մեջ չկա»:
Անդրադառնալով պայծառատեսի այն մտքին, թե առաջիկայում օրենք է ընդունվելու, համաձայն որի՝ եկեղեցին կնքելու է համասեռամոլներին, Տեր Վահրամն ասաց. «Տեղեկություն չունենք, թե ինչ օրենք` այն էլ առաջիկայում ընդունվելիք, նկատի ունի նա, սակայն նշեմ, որ Եկեղեցին և եկեղեցականները, երբ չափահաս անձը իր հավատից մղված գալիս է մկրտվելու, չեն զբաղվում այդ անձի սեռական կողմնորոշումների քննությամբ: Ամեն անձ ազատ է՝ գալու դեպի Աստված եւ մկրտվելու: Քննվում է, թե արդյոք այդ անձը գիտակցում է իր քայլի կարևորությունը, որքանով պատրաստ է դրան, բայց ոչ թե ինչ սեռական կողմնորոշում ունի։ Այլ հարց է, եթե անձը բացահայտ հայտարարում է իր կողմնորոշման մասին. այն ժամանակ հոգևորականը նրան ապաշխարության շրջան է նշանակում, ապա մկրտում: Սակայն պետք է հավելել, որ շատ մարդկանց համար հենց մկրտությունն է այն հանգրվանը, որով Աստծուն դառնալով վերափոխվում է ողջ կյանքը:
Աղբյուրը՝life.panorama.am
«Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին» ՀՀ օրենքով մի շարք փոփոխություններ են կատարվել ՀՀ աշխատանքային օրենսգրքում:
Մասնավորապես, կարևոր նոր փոփոխություններից է միջին ժամային աշխատավարձի հաշվարկման կարգի կիրառական տեսանկյունից առավել պարզեցումը: Ստորև ներկայացնում ենք ՀՀ աշխատանքային օրենսգրքում այդ մասով կատարված փոփոխությունները.
ՀՀ աշխատանքային օրենսգրքի համաձայն միջին ժամային աշխատավարձի չափը որոշվում է միջին ամսական աշխատավարձի և միջին ամսական աշխատավարձը հաշվարկելու համար հաշվառված ամիսների արտադրյալը բաժանելով միջին ամսական աշխատավարձը հաշվարկելու համար հաշվառված ամիսների ընթացքում տվյալ աշխատողի փաստացի աշխատած ժամերի քանակին:
Մեկ ամսից պակաս աշխատած աշխատողների միջին ժամային աշխատավարձը որոշվում է` աշխատած օրերի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը Հայաստանի Հանրապետության օրենսդրությամբ կամ կոլեկտիվ պայմանագրով կամ աշխատանքային պայմանագրով կամ գործատուի իրավական ակտով տվյալ աշխատողի համար սահմանված աշխատանքային ժամերի թվի վրա բաժանելու միջոցով: Աշխատանքային պայմանագրի լուծման դեպքում միջին ժամային աշխատավարձի չափը որոշվում է միջին ամսական աշխատավարձի և միջին ամսական աշխատավարձը հաշվարկելու համար հաշվառված ամիսների արտադրյալը բաժանելով միջին ամսական աշխատավարձը հաշվարկելու համար հաշվառված ամիսների ընթացքում տվյալ աշխատողի փաստացի աշխատած ժամերի քանակին:
Մեկ ամսից պակաս աշխատած աշխատողների միջին ժամային աշխատավարձը որոշվում է` աշխատած օրերի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը Հայաստանի Հանրապետության օրենսդրությամբ կամ կոլեկտիվ պայմանագրով կամ աշխատանքային պայմանագրով կամ գործատուի իրավական ակտով տվյալ աշխատողի համար սահմանված աշխատանքային ժամերի թվի վրա բաժանելու միջոցով:
Միջին աշխատավարձի մասին ավելի ամբողջական կարծիք կազմելու համար, լրացուցիչ տեղեկացնենք, որ ՀՀ աշխատանքային օրենսգրքի համաձայն.
1. Հայաստանի Հանրապետության օրենսդրությամբ, կոլեկտիվ կամ աշխատանքային պայմանագրով նախատեսված դեպքերում աշխատողներին երաշխավորվում է միջին աշխատավարձ: Սույն օրենսգրքով նախատեսված միջին աշխատավարձի չափը որոշելու բոլոր դեպքերի համար սահմանվում է հաշվարկման միասնական կարգ: Միջին աշխատավարձի հաշվարկման համար հաշվի են առնվում աշխատանքի վարձատրության բոլոր տեսակները (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն), որոնք կիրառվում են տվյալ կազմակերպությունում` անկախ վճարման աղբյուրից:
2. Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:
Հաշվառման ենթակա տասներկու ամիսներում չպետք է ներառվեն այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում:
Եթե սույն մասի երկրորդ պարբերությունում նշված պատճառներից որևէ մեկով տասներկու ամիսները չեն ձևավորվում կամ միջին ամսական աշխատավարձը հաշվարկելու պահանջն առաջացել է մինչև աշխատողի առաջին աշխատանքային տարին լրանալը, ապա աշխատողի միջին աշխատավարձի չափը հաշվարկվում է` տվյալ ժամանակահատվածում մյուս բոլոր ամիսների ընթացքում աշխատողի համար հաշվարկված աշխատանքի վարձատրության բոլոր տեսակների (բացառությամբ պարգևատրման գումարների) ընդհանուր գումարն այդ ամիսների թվի վրա բաժանելու միջոցով, իսկ պարգևատրման գումարները միջին աշխատավարձի մեջ հաշվի են առնվում 1/12-ի չափով:
Այն դեպքում, երբ միջին ամսական աշխատավարձի հաշվարկման պահանջ առաջանալու ամսվան նախորդող տասներկու ամիսներում աշխատողը չի ունեցել փաստացի հաշվարկված աշխատավարձ, կամ տասներկու ամիսներում առկա են սույն մասի երկրորդ պարբերությունում թվարկված դեպքերը, միջին աշխատավարձի փոխարեն հաշվարկման համար հիմք է ընդունվում աշխատողի համար օրենսդրությամբ սահմանված պաշտոնային դրույքաչափը կամ աշխատանքային պայմանագրով կամ աշխատանքի ընդունման մասին իրավական ակտով սահմանված ամսական աշխատավարձը:
Եթե սահմանված է ժամային դրույքաչափ, ապա հաշվարկների համար հիմք է ընդունվում ժամային դրույքաչափը: Եթե միջին աշխատավարձի հաշվարկման ժամանակ սույն մասի երկրորդ պարբերությունով սահմանված կարգով հաշվարկից հանված ամիսներում աշխատողի համար հաշվարկվել են պարգևատրումներ, ապա պարգևատրման գումարը միջին աշխատավարձի մեջ հաշվի է առնվում սույն մասի երրորդ պարբերությունով սահմանված կարգով:
3. Հնգօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 21-ի: Վեցօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 25-ի:
Մեկ ամսից պակաս աշխատած աշխատողների միջին օրական աշխատավարձը որոշվում է` աշխատած օրերի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը աշխատած օրերի թվի վրա բաժանելու միջոցով:
Աղբյուրը՝ iravaban.net
ՀՀ ոստիկանությունը կարևորում է քաղաքացիների իրավական իրազեկվածության մակարդակի բարձրացումը, որը մի կողմից զերծ է պահում վարչարարության բնագավառում կազմակերպվող գործընթացում իր համար անորոշությունից կամ բարդություններից, մյուս կողմից նվազեցնում կոռուպցիոն ռիսկերը: Հաճախ կրկնվող հարցերից են, թե արդյոք մերժվում են անձնագրային գործողությունները, եթե պարտապանը կամ նրա գույքը հետախուզվում են ԴԱՀԿ ծառայության կողմից: ՀՀ ոստիկանությունը տեղեկացնում է.
Պարտապանի կամ նրա գույքի հետախուզումը արգելք չէ անձնագրային գործողությունների կատարման համար: Ի համեմատ սովորական պայմաններում իրականացվող անձնագրային գործողությունների, նշված դեպքում առաջանում են որոշ կազմակերպական խնդիրներ:
Հաշվի առնելով այն, որ բնակչության պետական ռեգիստրի տեղեկատվական բազայում անձի նկատմամբ հսկողություն իրականացնելու համար սահմանված է լինում տեխնիկական արգելք, հետագա գործողությունները շարունակելու համար անձնագրային ծառայության կողմից զեկուցագիր է ներկայացվում վարչություն, որպեսզի ժամանակավորապես վերացվի արգելքը:
Այնուամենայնիվ հորդորում ենք, խնդիրներ ունենալու դեպքում կատարել առկա պարտավորվածությունը, որպեսզի հանրային ծառայություն մատուցելիս չառաջանան բարդություններ:
Այս մասին Իրավաբան.net–ը տեղեկանում է ՀՀ ոստիկանության անձնագրային և վիզաների վարչության պետ, ոստիկանության փոխգնդապետ Մնացական Բիչախչյանից:
ՌԴ Ստավրոպոլի շրջանի Գեորգիեւսկ քաղաքում ուրբաթ օրը բողոքի ակցիա է տեղի ունեցել, որի ժամանակ մարդիկ պահանջել են օբյեկտիվ քննություն իրականացնել տեղի բնակչուհի, հայ կնոջ դաժան սպանության վերաբերյալ։
Նախնական տեղեկություններով՝ Լուսինեին անդամահատել եւ սպանել է նրա գործընկերուհին՝ իր բարեկամուհու հետ։ Սպանության պատճառ է դարձել պարտքը։ Բողոքի ակցիան տեղի է ունեցել քաղաքի կենտրոնում։ «Հարյուրից ավելի քաղաքացիներ հավաքվել էին, որպեսզի իրավապահ մարմիններից պահանջեն բազմազավակ մայր Լուսինեի դաժան սպանության օբյեկտիվ քննություն։ Որպեսզի մեղավորները խստորեն պատժվեն»,- պատմել է ակցիայի մասնակիցներից մեկը։
3 երեխաների մայր Լուսինե Առուստամյանը Ամանորից առաջ անհետ կորել էր։ Հունվարի 11-ին հայտնաբերվել էր նրա մասնատված դին՝ Պոդկումոկ գետի հատակին։ Քննիչների կարծիքով՝ երիտասարդ կնոջ դաժան սպանությունը կազմակերպել է նրա բիզնես-գործընկերուհին։ Կանայք առեւտրով էին զբաղվում։ Աիդա անունով կինը պարտք է եղել Լուսինեին 600 հազար ռուբլի եւ որպեսզի չվերադարձնի այն, սպանել է վերջինիս: Սպանության հարցում Աիդային օգնել է նրա բարեկամուհին՝ Անժելա անունով, ով տեղի կենտրոնական հիվանդանոցի թերապիայի բաժանմունքի վարիչն է։
Ներկայում Անժելան վկայի կարգավիճակում է, ողջ մեղքը իր վրա է վերցրել Աիդան։ Նա ասում է, որ միայնակ է դանակահարել ու անդամահատել Լուսինեին։ Սակայն Գեորգիեւսկի բնակիչները վստահ են, որ Անժելան եւս մասնակից է սպանությանն ու այդ պատճառով էլ բողոքի ակցիաներ են իրականացնում։ «Հանցագործության մեջ նրա մասնակցությունն ակնհայտ է, իսկ նա շարունակում է աշխատել, ասես ոչինչ չի եղել»,- ասում են Լուսինեի բարեկամները, ովքեր պատրաստվում են դիմել Անդրեյ Մալախովի «Թող խոսեն» հաղորդաշարին։
Աղբյուրը http://past.am/?p=41312&l=am
Հայաստանի Միգրացիոն պետական ծառայությունը 2015 թվականին ընդունել է 7 հազար 843 դիմում այն քաղաքացիներից, ովքեր իրենց թույլ տված խախտումների պատճառով ունեցել են Ռուսաստան մուտք գործելու արգելանք: Այս մասին “Արմենպրես”-ի հետ զրույցում նշեց Միգրացիոն պետական ծառայության պետ Գագիկ Եգանյանը: Նրա խոսքով, ստացված դիմումների մեծ մասը` 7 826-ն, արդեն ներկայացվել է Ռուսաստանի Դաշնություն: Դրանցից 7 հազար 262-ի վերաբերյալ պատասխան է ստացվել: Գագիկ Եգանյանի տեղեկացմամբ, 3 հազար 932 դիմումի հետ կապված մուտքի արգելքը հանվել է:
“Այսինքն` մոտ 4 հազար ընտանիքի համար կարևոր խնդիր է լուծվել: Այլ երկրում մեր քաղաքացու կողմից թույլ տված սխալի համար սահմանված պատժամիջոցը վերացվել է: Պարզ լինելու համար ասեմ, որ ամեն մի գործ ենթադրում է մանրամասն ուսումնասիրություն: Նախ մեր կողմից հսկայական աշխատանք է տարվում, փաստաթղթերի մի մեծ տրցակ ուղարկվում է Ռուսաստան: Նրանք էլ ամեն մի գործի հետ կապված նայում են տվյալ անձի ունեցած պատմությունը: Դրանից հետո նոր մեզ ուղարկվում է դրական կամ բացասական պատասխանը”,- ասաց Գագիկ Եգանյանը:
Միգրացիոն ծառայության պետը նշեց, որ մերժված դիմումների վերաբերյալ տրվել է հետևյալ պարզաբանումը: 2 հազար 124 դիմումի դեպքում Ռուսաստանից պատասխան է եկել, որ գործը վերանայելու հիմքեր չկան: Այսինքն՝ կամ տվյալ անձը կատարել է անհամեմատ ավելի խիստ խախտումներ, կամ այլ հանգամանքեր են ի հայտ եկել: 713 դիմումի դեպքում նշվել է, որ առկա է դատարանի վճիռ, հետևաբար քաղաքացին միայն դատական ճանապարհով այդ հարցը պետք է լուծի: 392-ի դեպքում էլ նշվել է, որ անձի մուտքի արգելանքի վերաբերյալ տեղեկություն չունեն, որովհետև լինում են դեպքեր, երբ արգելանքն այլ մարմին ն է սահմանում:
“Արդեն զգալի աշխատանք է կատարվել: Այն դեպքերը, որոնք հենց միգրացիոն ծառայության իրավասության մեջ են մտնում, դրանց վերաբերյալ մեր ուղարկած գործերի 64 տոկոսի վերաբերյալ դրական պատասխան է ստացվել: Երբ 2014 թվականին սկսեցինք այս գործընթացը, դրական պատասխանների ցուցանիշը 29 տոկոս էր կազմում”,- ասաց Գագիկ Եգանյանը:
Ընթացիկ տարում Միգրացիոն ծառայությունը մուտքի արգելանք ունեցող քաղաքացիներից ստացել է 297 դիմում, որից 276-ն ուղարկվել է Ռուսաստան: Գագիկ Եգանյանը նկատեց, որ դիմումների ստացման գործում նվազման միտում է նկատվում: Նախ` ընդհանուր առմամբ արդեն մեծ թվով դիմումներ դրական պատասխան են ստացել, դրանից բացի, Ռուսաստանում Հայաստանի քաղաքացիները ձգտում են խախտումներ թույլ չտալ:
Այսօր արդեն 5-ամյա Էմիլի ծնունդը տարիներ առաջ ընդունել է «Շենգավիթ» ԲԿ-ի մանկաբարձ-գինեկոլոգ Շուշանիկ Բախշյանը. երեխան ծնվել էր կյանքը վտանգող ծանր վնասվածքներով:
Երիտասարդ կնոջ առաջին հղիությունն էր, իսկ հղիության ողջ ընթացքը հսկել է մանկաբարձ-գինեկոլոգ Շուշանիկ Բախշյանը: Երեխան ծնվել է ծայրահեղ ծանր վիճակում, ինչի մեջ հարազատները բժշկուհուն են մեղադրում:
«Փաստինֆո»-ի թղթակցի հետ զրույցում կինը պատմեց, որ հղիության ընթացքում իր մոտ որևէ առողջական խնդիր մանկաբարձ-գինեկոլոգ Շուշանիկ Բախշյանը չի նկատել, պտուղն է մեծ եղել, որը պարզվել է դեռևս հղիության 35-րդ շաբաթականում՝ ուլտրաձայնային հետազոտության (ЭХО) ենթարկելու արդյունքում: «ЭХО» բժիշկը հղիին ասել է, որ պտղի մեծ չափերի մասին անպայման տեղեկացնի հղիությունը հսկող բժշկին` հայտնելով նաև, որ անհրաժեշտություն կա կեսարյան հատմամբ ծննդալուծել և չսպասել 40 շաբաթը լրանալուն: Խորհուրդը բարկացրել է Շուշանիկ Բախշյանին, ով տեղեկանալով այդ մասին` մեր զրուցակցի ներկայացմամբ, արձագանքել է շատ կոպիտ` տվյալ բժիշկը չէ քո բժիշկը, որ որոշում կայացնի:
Վստահելով Շ. Բախշյանին` հղիին մնում էր սպասել:
38 շաբաթականում Շուշանիկ Բախշյանը որոշում է կնոջը ծննդալուծել՝ այն էլ բնական ճանապարհով, աննկարագրելի դժվարություններով ծնվում է տղա երեխա՝ 5 կիլոգրամ քաշով: Քանի որ պտուղը մեծ էր և չէր կարող ծննդաբերությունը ընթանալ բնականոն, ստիպված են եղել կիրառել բոլոր հնարավոր ու անհնար հնարքները՝ երեխային դուրս բերելու համար: Բազմակի քաշքշոցների ու սեղմումների հետևանքով երեխան ստացել է աջ բազկային բոլոր հյուսվածքների վնասվածք (тотальный акушерский парез правого плечевого сплетения), բոլոր 5 նյարդերը պոկվել էին, որից երկուսը՝ ողնուղեղից:
Երեխայի մոր խոսքով՝ նորածին որդու ամբողջ մարմնի վրա եղել են եղունգների ճանկռած հետքեր, կապտուկներ, որոնց հետքերը մինչև օրս կան նրա մարմնի վրա: «Նա որոշեց, որ ես կարող եմ ինքնուրույն ունենալ երեխայիս, իսկ վերջում ասաց, որ տեղյակ չէր, որ երեխայի քաշը 5 կիլոգրամ էր և որ շատ թիկնեղ է»,- ասաց Էմիլի մայրը՝ հավելելով, որ իր երեխան ծնվելուց շատ ծանր վիճակում է եղել, չի կարողացել դուրս գալ, խեղդվել է, և հաշվել են, որ նորածինը ծնվել է մահացած: Աբգարի սանդղակով գնահատել են – 1:
Էմիլի ծնողների խոսքով՝ 1 շաբաթ երեխան մնացել է «Շենգավիթ» ԲԿ-ում, և նրա ծանր վիճակի մասին իրենց տեղյակ չեն պահել, իսկ երբ մայրը հարցրել է, թե ինչու՞ երեխան ձեռքը ընդհանրապես չի շարժում, Շուշանիկ Բախշյանը ասել է, որ ուսի շրջանում կապտուկի գեմատոմա է առաջացել, ցավի պատճառով երեխան չի կարողանում շարժել ձեռքը, ավելացնելով՝ «հիմա դա է կարևոր, գոհ եղիր, որ դու ողջ ես մնացել», այդպես էլ չընդունելով, որ կեսարյան հատման միջոցով կնոջը ծննդալուծելու դեպքում չէին լինի այդ ծանր խնդիրները:
Միայն 7-րդ օրը ծննդատան բաժանմունքի վարիչը խոստովանել է, որ ծնվելու ժամանակ երեխային տրավմայի են ենթարկել, և որ դա իրենց մեղավորությունն է` հավելելով, որ այս պահին դա չէ կարևորը, կարևորը՝ երեխան ողջ մնա».- ասաց Էմիլի հայրը :
«Շենգավիթ» ԲԿ-ից 7-րդ օրն երեխային ծայրահեղ ծանր վիճակում տեղափոխում են թիվ 1 համալսարանական հիվանդանոց, որտեղ փոքրիկը գտնվել է 1 ամիս կոմայի մեջ, իսկ արդեն 5 ամսական Էմիլը Գերմանիայում ենթարկվել է բարդագույն վիրահատության, որը տևել է 10-ը ժամ, երեխայի բուժումը շարունակվում է, և դեռ առջևում սպասվում են բազմակի ծանր վիրահատություններ:
Ծնողների խոսքով՝ լինելով բազմակի անգամ Գերմանիայի Դաշնությունում բուժման նպատակով, բժիշկները որևէ երաշխիք չեն տալիս, որ մի օր Էմիլը կկարողանա ձեռքը շարժել և նշում են, որ իրենց պրակտիկայում նյարդերի այդպիսի վնասվածքի չեն հանդիպել:
Անզեն աչքով անգամ տեսանելի է, որ երեխայի աջ ձեռքը ձախից կարճ է, իսկ շարժումներն ամբողջությամբ բացակայում են: Անասելի մեծ ցավ կար ծնողների աչքերում: Նրանք հոգեբանական ապրումների մասին չեն էլ ցանկանում խոսել:
Երեխայի ծնողներն ուրախ էին միայն նրանով, որ, անցնելով այդ դժվարագույն ճանապարհը, երեխան ունի միայն ձեռքի շարժման խնդիր: Իսկ Էմիլի տված հարցերին պատասխաններ գտնելու համար, թե ինչո՞ւ իր ձեռքը չի շարժվում, մնում է պատկերացնել, թե ծնողը ինչ կարող է զգալ այդ պահին:
Էմիլի ծնողների խոսքով՝ իրենց անասելի ցավ պատճառած բժիշկ Շուշանիկ Բախշյանն այս տարիների ընթացքում որևէ անգամ չի էլ հետաքրքրվել երեխայով:
Երեխայի ծնողներն այս տարիների ընթացքում երբևէ չեն բարձրաձայնել այս մասին: Իրենց ցավը լուռ տանելով, նրանք իրենց ապրած յուրաքանյուր րոպեն ու ժամը նվիրաբերել են իրենց զավակի ապաքինմանը, սակայն այսօր արցունքն աչքերին մայրը նշում է, որ «ոչինչ չի մոռացվել», և հույս հայտնեց, որ Բախշյանն ի վերջո պատասխանատվության է ենթարկվելու իր գործողությունների համար, որպեսզի հետագայում ճակատագրեր չխեղվեն:
Խմբագրությունը պատրաստ է հրապարակել դեպքի վերաբերյալ բոլոր կողմերի դիրքորոշումները:
աղբյուրը `pastinfo.am
Համաձայն Հայաստանի Հանրապետության կառավարության 2016 թվականի հունվարի 20-ի նիստում ընդունված որոշման՝ կենսաթոշակառուի մահվան դեպքում տրվող թաղման նպաստը կարող է վճարվել նաև Նախարարության հետ համապատասխան համաձայնագիր կնքած բանկի միջոցով. տեղեկացնում է ՀՀ աշխատանքի և սոցիալական հարցերի նախարարության հասարակայնության հետ կապերի բաժինը։
Բանկը ընտրում է քաղաքացին, այդ մասին նշելով տարածքային բաժին ներկայացրած դիմումի մեջ: Դիմումի հիման վրա վճարման ենթակա գումարը և համապատասխան տեղեկատվությունը փոխանցվում է բանկին, իսկ շահառուն կարող է անձնագրով ներկայանալ բանկի ցանկացած մասնաճյուղ և ստանալ գումարը:
Առաջիկայում (որոշումն ուժի մեջ մտնելուց և բանկերի հետ համապատասխան համաձայնագիր կնքելուց հետո) վերը նշված ընթացակարգով թաղման նպաստի գումարը կարող է վճարվել որոշում կայացնելունհաջորդող 5-րդ օրվանից սկսած (անձը կարող է համապատասխան դիմում ներկայացնելուց հետո՝ 5-րդ աշխատանքային օրը այցելել բանկի որևէ մասնաճյուղ և ստանալ գումարը):
Հնարավորինս կկրճատվեն նաև թաղման նպաստը վճարելու որոշում կայացնելու ժամկետները: Թաղման նպաստը վերը նշված ընթացակարգով վճարելու ժամկետների և համաձայնագիր կնքած բանկերի վերաբերյալ կտրվի լրացուցիչ տեղեկատվություն:
«Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին» ՀՀ օրենքով մի շարք փոփոխություններ են կատարվել ՀՀ աշխատանքային օրենսգրքում:
Իրավաբան.net-ը շարունակում է աշխատողներին իրազեկել ՀՀ աշխատանքային օրենսգրքում կատարված փոփոխությունների մասին:
Մասնավորապես, կարևոր նոր փոփոխություններից է աշխատողի հետ վերջնահաշվարկի կատարման կարգի ամբողջականացումը:
Ստորև ներկայացնում ենք աշխատողի հետ վերջնահաշվարկի կատարման փոփոխված կարգը: ՀՀ աշխատանքային օրենսգրքի համաձայն.
1. Աշխատանքային պայմանագիրը լուծվելու դեպքում գործատուն պարտավոր է աշխատողի հետ կատարել լրիվ վերջնահաշվարկ աշխատանքային պայմանագրի լուծման օրը, եթե սույն օրենսգրքով, օրենքով կամ գործատուի և աշխատողի համաձայնությամբ վերջնահաշվարկի այլ կարգ նախատեսված չէ:
1.1. Եթե աշխատողը նույն գործատուի կամ օրենքով սահմանված կարգով իրավահաջորդ ճանաչված գործատուի մոտ փոխադրվում (տեղափոխվում) է այլ աշխատանքի, գործատուն աշխատողի հետ վերջնահաշվարկ չի կատարում:
2. Գործատուն վերջնահաշվարկի օրը պարտավոր է աշխատողին վճարել աշխատավարձը և դրան հավասարեցված այլ վճարումներ, իսկ եթե այդ պարտավորությունը գործատուից անկախ պատճառներով հնարավոր չէ կատարել, ապա աշխատողի աշխատավարձը և դրան հավասարեցված վճարումները կատարվում են աշխատողի կողմից նման պահանջ ներկայացնելուց հետո՝ հինգ աշխատանքային օրվա ընթացքում:
2.1. Ֆիզիկական անձ գործատուի մահվան դեպքում վերջնահաշվարկ կատարելու պարտականությունը փոխանցվում է ժառանգությունն ընդունողներին, իսկ ժառանգների բացակայության կամ ժառանգների կողմից ժառանգությունն ընդունելուց հրաժարվելու դեպքում այն անձին կամ մարմնին, որն ընդունում է այդ գույքը` դրա արժեքի սահմաններում:
3. Աշխատողի ցանկությամբ գործատուն պարտավոր է նրան տրամադրել տեղեկանք աշխատանքային գործառույթների (պարտականությունների), աշխատավարձի, վճարված հարկերի ու պետական սոցիալական ապահովության վճարումների չափի և աշխատանքի գնահատականի վերաբերյալ:
Աղբյուրը՝ iravaban.net
-
-
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել -
02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ընթացքը․ Վազգեն Մանուկյան -
01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի անկախության -
01.05.2024 | 01:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման համակարգերի դուռը, ու նաև բոլոր նրանց, ովքեր սխալմամբ իրենց ապահով են զգում
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.