04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...Երեկ «Արզնի կաթ» ընկերությունը հայտարարություն էր տարածել, թե՝ Սննդի անվտանգության ծառայության կողմից կատարված իր որոշ ապրանքատեսակների փորձաքննությունը իրենց չի բավարարել: Ընկերությունն իր կողմից կրկնակի փորձաքննության է ուղարկել ՍՏԱՆԴԱՐՏՆԵՐԻ ԱԶԳԱՅԻՆ ԻՆՍՏԻՏՈՒՏ ՓԲԸ-ի փորձարկման լաբորատորիա, և ստացվել է պատասխան, որը ժխտել է Սննդի անվտանգության ծառայությանը պատկանող «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի փորձաքննության արդյունքները:
Մի կողմ թողնենք այն հանգամանքը, որ տուժողն այս դեպքում սպառողն է՝ իր՝ ոչ լիարժեք ինֆորմացիա ստանալու արդյունքում, սակայն այստեղ հետաքրքիր է մի հանգամանք. երկու լաբորոտորիա, որ պետական կառույցի համարում ունեն, ասել է թե՝ կոչված են իրենց գործունեությամբ օգտակար լինել ՀՀ քաղաքացուն, նույն ապրանքը փորձաքննելիս՝ ստացել են տարբեր արդյունքներ:
Այս հանգամանքն, անշուշտ, պետք է մտածելու տեղիք տա պատկան մարմիններին, իսկ սպառողների շահերը պաշտպանելու կոչված կառույցներին դրդի պահանջելու առավել պատասխանատու վերաբերմունք հանրության նկատմամբ:
Հիշեցնենք, որ օրերս ՍԱԾ-ն տարածել էր հաղորդագրություն, թե՝ համաձայն «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի 2013 թվականի օգոստոսի 5-ի արձանագրության՝ մի շարք ապրանքատեսակներ ցուցանիշներով չեն համապատասխանել ՀՀ կառավարության 2006 թվականի դեկտեմբերի 21-ի թիվ 1925-Ն որոշման պահանջներին:
Երեկ Արզնի կաթ ընկերությունը տարածել էր մեկ այլ հաղորդագրություն.
Համաձայն այդ որոշումների` «Արզնի կաթ» ընկերության փոխտնօրեն` Գևորգ Գևորգյանի գլխավորությամբ, վերը նշված արտադրատեսակները ՍՏԱՆԴԱՐՏՆԵՐԻ ԱԶԳԱՅԻՆ ԻՆՍՏԻՏՈՒՏ ՓԲԸ-ի փորձարկման լաբորատորիայում E-01-Q-0013-2011 ենթարկվեցին արտադրանքի նմուշների փորձարկման:
Եզրակացությունը`նմ.1-7-ի փորձարկման արդյունքները համապատասխանում են ՀՀ Կառ. Որոշում 1925 –Ն աղ.4,կ.կ.4.1,4.6,4.8,4.10,4.15 –ի պահանջներին:
Իսկ այսօր ՍԱԾ-ն կրկին հաստատել է իր փորձաքննության արդյունքները:
Ստորև շարադրվածն իմ անձնական, սուբյեկտիվ կարծիքը չէ: Շարադրվածն առավելապես հոգեբական փաստեր և մեխանիզմներ են, որոնց հետ հաշվի չնստել հնարավոր չէ:
Մեր պատկերացումները մեր մասին: Ոչ մեկիս համար էլ գաղտնիք չէ, որ մեր ազգային ինքնության, ազգային հոգեկերտվածքի (մենթալիտետ) վերաբերյալ պատկերացումներում շատ հաճախ ենք հանդիպում որակումների, կարծիքների ու գնահատականների, որոնք առավելապես բացասական բնույթ են կրում («Հայերը միասնական չեն», «Հայերն օրինապաշտ չեն» և այլն և այլն): Հարկավոր է նկատի ունենալ, որ առօրյա գիտակցության մակարդակում այդ պատկերացումները միշտ էլ առավելապես ստերեոտիպ (կարծրատիպային) բնույթ են կրում և այս հանգամանքը բնութագրական է ոչ միայն հայերիս, այլև մարդկային ցանկացած հանրության համար:
Ստերեոտիպի բնորոշումը և դրա առաջացումը: Ստերեոտիպն այս կամ այն երևույթի վերաբերյալ լայնորեն տարածված, կայուն, մակերեսային և հաճախ միանգամայն սխալ պատկերացումն է: Ստերեոտիպ պատկերացումները հենց այնպես չեն ձևավորվում, դրանք ծնունդ են առնում մարդկանց (հանրույթի) կյանքում տեղի ունեցած իրադարձությունների ազդեցության արդյունքում` որպես այդ իրադարձություններին տրվող բնական հոգեբանական ռեակցիա (հակազդում): Երբեմն այս կամ այն հանրությանը որոշակի ստերեոտիպեր դիտավորյալ կերպով ներշնչվում են նաև դրսից` համապատասխան քարոզչության միջոցներով:
Ցեղասպանության տրավման և դրա ծնած ստերեոտիպերը: Ցեղասպանությունը կորստյան տրավմա է: Ցեղասպանությունն այնպիսի ահռելի տրավմա է, որն ախուսափելիորեն բարդույթներ է ծնում ոչ միայն ցեղասպանություն տեսածների, այլև նրանց սերունդների մոտ, քանի որ այդ սերունդների ներկայացուցիչներն իրենց նույնացնում են իրենց էթնոսի հետ: Ցանկացած հանրության մեջ այդ նույնացումը շատ խորն է և ազգային/էթնիակական ինքնագիտակցությունը անհատական ինքնագիտակցության ամենակարևոր բաղադրիչներից մեկն է: Ցանկացած քիչ թե շատ նշանակալի կորստյանը հետևող բնական ռեակցիան դեպրեսիան է (ընկճախտ): Ինչպե՞ս է այն դրսևորվում: Դեպրեսիայի դրսևորումների մեջ կան հիմնական, առանցքային ախտանիշներ, որոնք կազմում են դեպրեսիայի միջուկը: Մնացած դրսևորումները խմբվում են այդ առանցքային ախտանիշների շուրջը` ինչպես խաղողի հատիկները ճութի ճյուղերի վրա: Որո՞նք են դեպրեսիայի ամենակարևոր դրսևորումները: Ցանկացած բռնությունների, ճնշումների ենթարկված մարդու մոտ անխուսափելիորեն տեղի է ունենում ինքնագնահատականի կտրուկ անկում: Այդ անկումը դրսևորվում է մեղավորության, անզորության, անարժանության, ոչ մի բանի պիտանի չլինելու, ինքն իրեն արհամարհելու, ատելու, դատապարտելու, մեղադրելու, միևնույն ժամանակ նաև վրեժի, բռնացողի հանդեպ ատելության չափազանց ինտենսիվ զգացումներով, շրջապատողներից կարեկցանք հայցելու և արդարությունը վերականգնելու սպասումներով, խնդրանքներով կամ պահանջներով: Իսկ երբ շրջապատողների (իմա` ցեղասպանություն իրականացնողների և միջազգային հանրության) վարքը չի համապատասխանում այդ սպասումներին, առաջ են գալիս հիասթափություններ, որոնք կարող են ուժեղացնել սեփական անզորության զգացումը, հուսահատությունը, լիովին իռացիոնալ բնույթ կրող ինքնախարազանումները: Տրավմային տրվող պատասխան հակազդումն ուղեկցվում է ագրեսիվ ապրումներով, ատելությամբ: Այդ ագրեսիան դրսևորվում է երկու ուղղություններով: Այն ուղղվում է մի կողմից բռնացողի, ագրեսորի դեմ, մյուս կողմից էլ` (ինչը շատ կարևոր է ու հատկանաշական) առավել մեծ չափով ուղղվում է հենց իր դեմ: Դեպրեսիան, հայտնի բնորոշմամբ, դեպի ներս ուղղված զայրույթ է, դեպի ներս ուղղված ագրեսիա: Դեպրեսիայի կարևորագույն դրսևորումը մտածողության խանգարումներն են: Մարդը միմիայն իրեն է մեղադրում իր կյանքում տեղի ունեցած բոլոր բացասական իրադարձությունների համար, ընդսմին այդպիսի գնահատումը լինում է կատարելապես իռացիոնալ և զուրկ որևէ տրամաբանական հիմնավորումներից: Բայց դեպրեսիայի վիճակում գտնվող մարդը չգիտի, որ իր մտածողությունը խանգարվել է և համոզված է լինում, որ իր այդ գնահատումները միանգամայն ճշմարիտ են և համապատասխանում են իրականությանը: Օրինակ. Երկրաշարժի ժամանակ երեխային կորցրած ծնողն իրեն էր մեղադրում երեխայի զոհվելու համար և դա պատճառաբանում էր այսպես. «Եթե ես նրան այդ օրը դպրոց չուղարկեի, ապա այդպես չէր լինի»: Բայց որտեղի՞ց նա կարող էր իմանալ, որ այդպիսի բան է լինելու:
Դեպրեսիան հանգեցնում է ընկալման ֆիլտրի (սև ակնոցի) առաջացմանը, որի արդյունքում մարդն իր կյանքից ընկալում է միմիայն բացասական, տհաճ իրադարձությունները, ապագայից որևէ դրական բան չի սպասում, ընկնում է հոռետեսության և հուսահատության գիրկը: Նա սկսում է առաջնորդվել ոչ թե իրականության փաստերով, այլ այդ փաստերը սկսում է հարմարեցնել իր խաթարված ընկալմանը, տարատեսակ «հիմնավորումներ» և «ապացույցներ» է բերում իր այդ ընկալումներն արդարացնելու համար:
Հետևանքները: Դեպրեսիայի ամենավտանգավոր դդրսևորումներից մեկն էլ այն է, որ ինքնագնահատականի կտրուկ անկումը հանգեցնում է իր մասին (տվյալ դեպքում` սեփական էթնոսի մասին) բացասական կայուն ստերեոտիպերի ձևավորմանը, արմատավորմանը և տարածմանը, իսկ տրվամայի հետևանքները չհաղթահարվելու դեպքում` նաև դրանց մշտական վերարտադրմանը: Տրավմային հաջորդող ժամանակաշրջաններում ցանկացած բացասական, տհաճ իրադարձություններ և երևույթներ ակտիվացնում են այս ստերեոտիպերը և դրանց ազդեցությունը:
Այսպիսով. դեպրեսիայի առանցքը կազմում են մտածողության խանգարումները, ընկալման լիակատար իռացիոնալությունը, ինքնամեղադրանքները (ամոթի, մեղավորության սուր, այրող զգացումները) և ինքնախարազանումները: Մարդիկ սկսում են իրենց մեղադրել ու դատապարտել այն բաների համար, որոնցում նրանք, օբյեկտիվորեն ոչ մի մեղք չունեն: Եվ սա լիովին համապատասխանում է նաև ցեղասպանության պարագային:
Մերօրյա ստերեոտիպերը: Դեպրեսիայի վերը շարադրված դրսևորումները ստանդարտ ռեակցիաներ են և ինչպես տեսնում ենք, այդ բոլոր ռեակցիաները մեզ մոտ դիտվում են ցեղասպանության համատեքստում և ազգային ինքնության վերաբերյալ պատկերացումներում: Գրեթե ամեն քայլափոխին կարելի է հանդիպել այսպիսի տեսակետների, իբր բացառապես միայն մենք ենք մեղավոր կատարվածի համար, քանի որ միասնական չենք եղել, քանի որ պարզապես թույլ ենք տվել, որ մեզ մորթեն, չենք պայքարել և այլն և այլն և այլն: Նույն դասին են պատկանում նաև «մենք շատ դավաճաններ ունեցող ազգ ենք», «մենք իրար պահող չենք, միասնական չենք» և սրանց նման ստերեոտիպերը: Ինչպես արդեն նշվեց, այսպիսի ստերեոտիպերի ազդեցության տակ գտնվող մարդիկ փորձում են անգամ հիմնավորել այդ իռացիոնալ ընկալումները` պատմական ինչ-ինչ իրադարձություններ կամ դրվագներ մատնանշելով, առանձին դեպքերի սուբյեկտիվ մեկնաբանումներն ընդհանրացնելով: Բայց նրանք իրենց դատողությունները կառուցում են առավելապես գեղարվեստական գրականությունից վերցված դրվագների, կամ էլ պատմական փաստերի սուբյեկտիվ ժամանակագրության, ինչ-որ մարդկանց սուբյեկտիվ դիտարկումների հիման վրա: Մինչդեռ իրականությունը և գեղարվեստական գրականությունը կամ պատմական իրադարձությունների սուբյեկտիվ ժամանակագրությունը բացարձակապես տարբեր բաներ են: Հավելեմ, որ դրական ձեռքբերումները, հաջողությունները չտեսնելու և արժեզրկելու հետ միասին դեպրեսիային բնորոշ է ևս մեկ մեխանիզմ. միմիայն բացասական երևույթները տեսնելը և դրանք անհիմն կերպով ընդհանրացնելու մեխանիզմը:
Եզրակացություն: Հարկավոր է չմոռնալ էթնիկական/ազգային բացասական ստերեոտիպերի երկրորդ աղբյուրի մասին ևս: Այն, որ այդ ստերեոտիպերը հաճախ մեզ ներշնչված են լինում նաև դրսից: Թեև ստերեոտիպերի ձևավորման մեջ, ըստ իս, այս աղբյուրը երկրորդային նշանակություն ունի: Բացասական ստերեոտիպերը կայուն են, հեշտությամբ տեղի չեն տալիս և դրանք հաղթահարելու համար համապատասխան ծրագրված քարոզչություն և քաղաքականություն պետք է վարվի: Հուսալը, թե ժամանակի ընթացքում այդ ստերեոտիպերն ավտոմատ կերպով կվերանան, իրատեսական չէ: Դրանք ավտոմատ կերպով չեն չքանա, այլ շարունակաբար կվերարտադրվեն, քանի դեռ տրավմայի հետևանքները վերացված չեն: Ցեղասպանության տրավմայի լավագույն բուժումն, ինչ խոսք, կլիներ ազգային և պետական մակարդակներում նորանոր նշանակալի հաջողությունների հասնելը, ձեռքբերումներ ունենալը: Դա կօգնի վերականգնելու խաթարված ինքնագնահատականը: Լիակատար բուժումը կլիներ պատմական արդարության վերականգնումը և համարժեք փոխհատուցում ստանալը: Բայց սա չափազանց դժվար խնդիր է, որի համար տևական ժամանակ և համազգային ջանքեր են պահանջվում: Հարցի լուծումը, բնականաբար, միայն մեզանից չի կախված: Բայց մենք պարտավոր ենք առավելագույն ջանքեր թափել այդ ուղղությամբ:
Բացասական ստերեոտիպերից ձերբազատվելը կարևոր խնդիր է, քանի որ հենց այս ստերեոտիպերն են մեծապես պայմանավորում մեր հավակնությունների մակարդակը, սեփական ուժերի ու հնարավորությունների նկատմամբ մեր հավատի և վստահության աստիճանը, և, ի թիվս այլ գործոնների, պայմանավորում մեր վարքն ու գործողությունները տեղական ու միջազգային մակարդակներում:
Ու թեև մինչ օրս ցեղասպանության սոցիալ-հոգեբանական որևէ լուրջ վերլուծություն չի իրականացվել, անչափ կարևոր է հասկանալը, թե ինչու և ինչպես են ձևավորվում ազգային/էթնիակական բացասական ստերեոտիպերը, որպեսզի սկսենք ձերբազատվել դրանցից:
Բարդույթներից ազատվելու ժամանակն է:
Հրաչյա Ամիրյան
Հոգեբան
Ի պատասխան մեր հարցի, թե ԱԺ պատգամավոր Աշոտ Աղաբաբյանի (Բուռնաշի) դեմ «Հրազդան Հոլդինգ» ՓԲԸ-ի աշխատակից Լիանա Շահբազյանը փաստեր է ներկայացրել այն մասին, թե վերջինս սպառնացել է վերացնել իրեն և աղջկան, իսկ նրա փեսան էլ առևանգել է իր անձնական օգտագործման «Պորշ Կայեն» մակնիշի ավտոմեքենան՝ պարտքերի պատճառով, «Հայկական Վարկածի» հետ զրույցում «Հրազդան հոլդինգ» ՓԲԸ-ի մամլո պատասխանատու Թամարա Սարգսյանն ասաց. «Այո, նա եղել է Աղաբաբյանի տնտեսուհին, պարտքով գումար է խնդրել, սակայն այդ կարգի սուտը կամ բարբաջանքը չեմ կարող մեկնաբանել, երևակայությունս չի բավարարում»:
Այսօր հաղորդագրություն է տարածվել, թե ԱԺ պատգամավոր Աշոտ Աղաբաբյանի դեմ «Հրազդան Հոլդինգ» ՓԲԸ-ի նախկին աշխատակից Լիանա Շահբազյանի հաղորդման հիման վրա Ոստիկանության Մալաթիայի բաժնում նախապատրաստված նյութերն ուղարկվել են ՀՀ Հատուկ քննչական ծառայություն։
Թամարա Սարգսյանն այս դիտարկման վերաբերյալ ասաց. «Պրն. Աղաբաբյանը գործերով բացակայում է երկրից: Վստահ եմ, որ իրավապահները կզբաղվեն և համապատասխան եզրակացություն ու մեկնաբանություններն իրենք կտան:
Ինչպես «Փաստինֆո»-ն տեղեկացրել էր, որ Լ.Շահբազյանը ոստիկանությունում հայտնել է, թե ԱԺ պատգամավոր, «Հրազդան Հոլդինգ» ՓԲԸ-ի հիմնադիր Աշոտ Աղաբաբյանը սպառնացել է վերացնել իրեն և աղջկան, իսկ փեսան էլ առևանգել է իր անձնական օգտագործման «Պորշ Կայեն» մակնիշի ավտոմեքենան՝ ունեցած պարտքերի պատճառով:
Լ.Շահբազյանը մոտ 1 տարի առաջ Աշոտ Աղաբաբյանից պարտքով վերցրել է 5 մլն. դրամ` բիզնես սկսելու համար: Գումարը Շահբազյանն օգտագործել է ու չի կարողացել վերադարձնել: Բացի այդ, կուտակել է նոր պարտքեր: 2013թ. հունիսին ազատվել է աշխատանքից, քանի որ ստացած աշխատավարձով չի կարողացել վերադարձնել ունեցած պարտքերը, եւ խնդրել Աշոտ Աղաբաբյանին իրեն տրամադրել աշխատանքի վերաբերյալ տեղեկանք, որպեսզի կարողանա իր «Պորշ Կայեն» մակնիշի ավտոմեքենան բանկում գրավադնի և ստացած վարկի գումարով փակի պարտքերը: Տեղեկանքը չի տրամադրվել, փոխարենը «Հրազդան կենտրոնական մարզադաշտ» ՓԲԸ-ի տնօրեն Գագիկ Ժամհարյանի աշխատասենյակում վերջինս առաջարկել է տալ Աշոտ Աղաբաբյանի անվամբ ավտոմեքենայի վերաբերյալ լիազորագիր, որով կգրավադրվի ավտոմեքենան «HSBC» բանկում և ստացված վարկի գումարով կփակվի պարտքերը, որին դիմումատուն չի համաձայնել:
Խոսակցությանը միջամտել է Աշոտ Աղաբաբյանի փեսան` Վարդան Հարությունյանը, ով պահանջել է շուտափույթ վերադարձնել պարտքերը: Շահբազյանը գրել է նաև պարտավորագիր՝ Աշոտ Աղաբաբյանին 20.200 ԱՄՆ դոլար պարտք լինելու մասին` դրա մեջ ներառելով նաև ընկերության մյուս աշխատակիցներից վերցված գումարները: Մինչև պարտքերը վերադարձնելը, ըստ տիկնոջ, Գագիկ Ժամհարյանն ու Վարդան Հարությունյանը առաջարկել են «Պորշ Կայեն» մակնիշի ավտոմեքենան պահել իրենց մոտ, որին չի համաձայնել, ապա նաև նկատել է, որ սեղանի վրայից բացակայում է ավտոմեքենայի բանալին, իսկ Գագիկ Ժամհարյանի աշխատասենյակից դուրս գալուց հետո իր կայանած վայրում չի հայտնաբերել ավտոմեքենան:
Լ.Շահբազյանի ենթադրությամբ հնարավոր է այն առևանգել է իրենից առաջ աշխատասենյակից դուրս եկած Վարդան Հարությունյանը:
Լիանա Շահբազյանը ոստիկանությունում տված բացատրության ժամանակ նաև հայտնել է, որ Աշոտ Աղաբաբյանն իր աշխատասենյակում պարտքի վերադարձման հետ կապված խոսակցության ընթացքում սպառնացել է իրեն, որ 2000 ԱՄՆ դոլար կտա մեկին` իրեն ու աղջկան` Դիանա Շահբազյանին, կվերացնեն, ինչից էլ ինքը վտանգ է զգում և վախենում նշված սպառնալիքից:
Սուրիկ Խաչատրյանի որդու փաստաբան, փաստաբանների պալատի նախագահ Ռուբեն Սահակյանը Aravot.am-ի հետ զրույցում հերքել է այն լուրը, թե իր պաշտպանյալ Տիգրան Խաչատրյանը դեպքի ժամանակ եղել է թմրանյութի ազդեցության տակ, նշելով, թե դա բառերի մանիպուլյացիա է. «Եթե որևէ մեկը ինձ նման եզրակացություն ցույց տա, կհրաժարվեմ Տիգրան Խաչատրյանի պաշտպանությունից»,-հայտարարել է Ռուբեն Սահակյանը:
«Հայկական Վարկած»-ը փաստաբանի հայտարարության հետ կապված զրուցեց Արտակ Բուդաղյանի պաշտպան Հայկ Ալումյանի հետ: Վերջինս չցանկացավ մեկնաբանել իր գործընկերոջ ասածները և նշեց, որ ի տարբերություն Ռուբեն Սահակյանի, ինքը կարող է հիմնավորել ,որ Տիգրան Խաչատրյանը եղել է թմրանյութի ազդեցության տակ:
«Իմ կոլեգիայի ասածներն իրենից ճշտեք. ես մնում եմ իմ կարծիքին, որ Տիգրան Խաչատրյանը եղել է թմրանյութի ազդեցության տակ, իմ ասածն ունի հիմնավորում, իրենը՝ ոչ: Իմ ասածը հիմնավորվում է փորձաքննության արդյունքով»,-ընդգծեց փաստաբան Ալումյանը:
Թիվ 38 ընտրատարածքում արդեն իսկ թեժ կրքեր են բորբոքված. այստեղ շրջանառվում են մի շարք թեկնածուների անուններ՝ մասնավորապես Քաջարանի պղնձամոլիբդենային գործարանի տնօրեն Մաքսիմ Հակոբյանի եղբորորդու` Առնոլդ Հակոբյանի, «Դավիթբեկյան ուխտեր» ԵԿ խորհրդի նախագահ Ռուդոլֆ Սարգսյանի (նա հենց Լիսկայի նախընտրած թեկնածուն է, որի համար Լիսկան պայքարում է), ԱԺ նախկին ՀՀԿ-ական պատգամավոր Մկրտիչ Մկրտչյանի, Խաչիկ Ասրյանի, ՀՅԴ-ից Արթուր Աթայանի անունները:
Սակայն «Հայկական Վարկած»-ի հավաստի տեղեկություններով, այս բոլոր թեկնածուներից նախապատվությունը տրվելու է Արմեն Կարապետյանին, որը 2002-08թթ եղել է Կապանի քաղաքապետ, 2011 թվականից Սյունիքի մարզպետի խորհրդական, իսկ նախկինում՝ «ՀայՌուսգազարդ» ՓԲԸ «Սյունիք գազ» ԳԳՄՄ պետ:
ՊԵԿ աշխատակիցների հետ հանդիպման ժամանակ երկրի նախագահ Սերժ Սարգսյանն իր գոհունակությունը հայտնեց Հարկային և մաքասային ոլորտի աշխատակիցներին՝ պետակամետ գործունեության և բյուջեի կատարողականի բարձր արդյունքների համար:
Իհարկե, նախագահը նաև նշեց, որ կա հարկային ստվեր և կոչ արեց աննահանջ ու խիստ պայքար մղել դրա դեմ:
Վերջերս, հանգստյան սեզոնին հաճախ եմ պտտվել երկրում և առնչվել եմ գազի լցակայաններում տիրող իրավիճակին, մասնավորապես՝ ֆինանսական գործունեությանը:
Նշեմ, որ բոլոր լցակայաններում աշխատակակիցներին բացի գազի գնի մուծման անդորրագիրը, առձեռն տրվում է միջինը 500 դրամ, որը ոչ մի տեղ չի գրանցվում և փաստորեն ստվերային եկամուտ է:
Իմ ունեցած հավաստի տվյալներով՝ այդ 500 դրամի 200 -ը անմիջապես գազ լցնող աշխատակիցներին է մնում, իսկ 300 դրամը՝ բազմապատկած անդորրագրերի քանակը տրվում է լցակայանի օրվա հերթապահ պետին:
Ստացվում է՝ միջինը գազի լցակայաններում ստվերային եկամուտը կազմում է մեկ միլիոն դրամ, որը տարվա կտրվածքով ստացվում է 365 միլիոն: Եթե դա բազմապատկում ենք Հայաստանում գործող բոլոր լցակայանների թվով, ապա պետական բյուջեն մուտք չի արվում տարեկան մոտավորապես 10 մլրդ դրամ: Նման խոշոր եկամուտ ստանալ թույլատրելի չէ հասարակ մահկանացուին ՝ճշմարտությանը բաց աչքերով նայենք, գազի լցակայանները ՀՀ-ում պատկանում են մարզպետներին, գործող գեներալներին ու խոշոր օլիգարխներին:
Հայաստանը, որը ֆինանսական միջոցների սուր կարիք ունի և որի թոշակառուներն ու սոցիալապես անապահով խավերն ապրում են աղքատության շեմի ամենացածր պայմաններում, չի կարող իրեն թույլ տալ նման միջոցների կորուստ, այն դեպքում, երբ այդ լցակայանների տերերն օրեցօր ավելի են հղփանում:
Ուստի հարց ենք ուղղում ՀՀ նախագահին. «Պարոն նախագահ, մի՞թե սա էլ է հեքիաթ,(Վերահսկիչ պալատի նախագահի բյուջեի թալանման հետ կապված հայտարարությունից հետո Սերժ Սարգսյանը ասել էր.«Հեքիաթ է») և համապատասխան մարմինները չգիտեն, որ լցակայան մտնող յուրաքանչյուր վարորդից պետական բյուջե հարկերի տեսքով մուտք չի արվում մոտավորապես հարյուր դրամ և այդ հարյուր դրամը մտնում է անարժան գանձագող մեծահարուստների գրպանը:
Ահա, թե ինչու թոշակառուները կոպեկներ են ստանում, աշխատավարձները չեն ապահովում քաղաքացու նվազագույն զամբյուղը, հաղթանակ կերտած ազատամարտիկներն սոցիալական լուրջ խնդիրների մեջ են, իսկ ՀՀ քաղաքացիները անդարձ լքում են իրենց երկիրը:
Երևի, սա՞ էլ է հեքիաթ, որին առնչվում են հարյուր-հազարավոր քաղաքացիներ, և որոնք այս իրականության ականատեսն են:
Արա Հարությունյան
Ամռանը Հայաստանում քաղաքական կյանքը մահանում է, սակայն այս տարի սեպտեմբերի գալուն անհամբեր սպասողները շատ են: Ընթացող աշխարհաքաղաքական պրոցեսները, որի ավարտին պարզ կլինի, թե ուր կգնա Հայաստանը` Եվրամիություն, թե՞ Եվրասիական միություն, ստեղծում են լարված իրավիճակ:
Եվ այս առումով պղտոր ջրում ձուկ որսացողների պակաս չի զգացվում: Ներկայումս տեղի ունեցող ցանկացած գործընթաց կապվում է կամ եվրամիության ջատագովների, կամ ռուսամետների հետ. դրանում, իհարկե, ճշմարտութուն կա, սակայն, թե՛ տրանսպորտի սակագնի համար մղվող պայքարը, թե՛ հայ վարորդի հետ կապված անախորժ պատմությունը, թե՛ համացանցում սրված գենդերային հավասարության և սեռական փոքրամասնությունների հետ կապված քննարկումները, մեզ բերում են այն համոզման, որ ժողովուրդն այսօր էլ պատրաստ չէ հստակ կողմնորոշվել, և ինչպես դարեր առաջ, այսօր էլ կանգնած է ճակատագրական որոշման առջև, որը սակայն ինչպես դարեր առաջ, իր համար կկայացնեն այլոք:
Այս շաբաթը երկու գույժ բերեց, մենք կորցրեցինք երկու ժողովրդական մարդու, որոնց սիրում ու նրանց արվեստը գնահատում էինք: Կյանքից անժամանակ հեռացան Մարկ Սաղաթելյանն ու Ազատ Գասպարյանը: Մարկի մտքերից մեկը՝ «Քո ապրած ամեն վարկյանից պետք է հաճույք ստանալ» մտորելու տեղիք է տալիս, իսկ մեր ակտիվիստները դա յուրովի են հասկացել. Նոր -նոր էր մարել տարոնատացյության հերթական ակցիան՝ ջրոցիով հրաժարականների պահանջով և տրանսվիստիտների մասնակցությամբ, կապված տրանսպորտի գնի թանկացման հետ, երբ երեկ՝օգորստոսի 4-ին Մաշտոցի պուրակում քննարկում է տեղի ունեցել վճարովի ավտոկայանատեղիների հարցի վերաբերյալ, որը դարձյալ հանրային լուրջ դժգոհություն է առաջացրել. ֆեյսբուքում ստեղծվել է «Ավտոկանգառային անհնազանդությունը սկսված է» խումբը:
Այս շաբաթը չի կարելի խաղաղ համարել նաև «ռազմական դաշտում»: Մենք բանակում ունեցանք երկու զոհ, ինչը սակայն, ի տարբերություն նախորդների, բողոքի ալիք չբարձրացրեց, անհասկանալի թողնելով՝ համակերպվե՞լ ենք պարբերաբար զոհեր ունենալու մտքին, թե՞ բողոքող զանգվածը զբաղված է այլ խնդիրներով:
Շաբաթվա ընթացքում ռուս-հայկական բարեկամությունը ևս մեկ ձեռքբերում արձանագրեց. մեր երկրի սահմանը խախտած հովվին ռուս սահմանապահները սպանեցին: Սա տարաբնույթ արձագանքների տեղիք տվեց, սակայն, փաստը մնում է փաստ, որ առանց այդ էլ լարված իրավիճակը հարևան պետությունների միջև՝ էլ ավելի սրվեց, իսկ Թուրքիան բողոքի նոտա հղեց Հայաստանին:
Ինչևէ, շաբաթը որպես ամառային, բավականին հագեցած էր, սակայն որևէ իրադարձություն, որ հաճելիորեն կազդեր մեր հայրենակիցների տոթ առօրեայի վրա՝ տեղի չունեցավ:
Շաբաթվա Վարկածները՝ Վահրամ Մելիքյանի
Ուշադիր կարդացի ՀՀ ԿԳՆ գիտության պետական կոմիտեի կայքում տեղադրված հաղորդագրությունը հետևյալ բովանդակությամբ:
Ամփոփվել են հերթական մրցույթի արդյունքները
ՀՀ ԿԳՆ գիտության պետական կոմիտեում ամփոփվել են գիտության ոլորտում ենթակառուցվածքի, նյութատեխնիկական բազայի արդիականացման համար գիտական սարքերի եւ սարքավորումների ձեռքբերման մրցույթի արդյունքները:
Շահառու կազմակերպությունների ցանկ
Սեղմեցի մկնիկի սլաքով վերջին տողին և հնարավորություն ունեցա ծանոթանալ նաև ցանկի հետ: Այն հետևյալն էր:
1. ՀՀ ԿԳՆ «Ա. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ,
2. ՀՀ ԿԳՆ «Քենդլ» սինքրոտրոնային հետազոտությունների ինստիտուտ հիմնադրամ,
3. ՀՀ ԿԳՆ Երևանի ճարտարապետության և շինարարության պետական համալսարան ՊՈԱԿ,
4. ՀՀ ԿԳՆ «Մատենադարան» Մ. Մաշտոցի անվան հին ձեռագրերի ԳՀԻ ՊՈԱԿ,
5. ՀՀ ԳԱԱ Ռադիոֆիզիկայի և էլեկտրոնիկայի ինստիտուտ ՊՈԱԿ:
«Տերդ մեռնի գիտությո~ւն» մտովի բացականչեցի ես: Արագ, հուսալի, շահավետ անցկացրին մրցույթը և արդյունքներն էլ չթաքցրին: Շնորհավորենք հաղթողներին և ցանկանաք նորանոր հաջողություններ: Ուղակի ցանկի ամեն տողի վերաբերյալ հարցեր են ծագում:
Ամեն ինչ պարզ է և թափանցի՞կ: Ո´չ, իհարկե: Օրինակ ՀՀ ԿԳՆ «Ա. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամի ո՞ր խմբի, ու՞մ ղեկավարությամբ, ի՞նչ սարքավորում գնելու նախագիծն է հաղթել: Հայաստանի ո՞ր կազմակերպություններն են շահագրգռված այդ սարքավորման ձեռքբերմամբ և կօգտվե՞ն այդ սարքավորման համատեղ օգտագործման իրավունքից, ՀՀ ո՞ր կազմակերպությունն է հանդես եկել նախագծում որպես համաֆինանսավորող կողմ: Վերջապես գիտության ո՞ր ոլորտի զարգացմանն է ուղղված հաղթած նախագիծը և ուստի, ո՞ր ոլորտների առաջընթաց կարելի է սպասել մոտակա ժամանակներում: Բազմապատկելով ծագած 7 հարցը 5 հաղթողների թվին` ստանում ենք, որ այդ հաղորդագրությունը ծնել է 35 հարց:
Չգիտեմ, գուցե հետագայում մրցույթի վերաբերյալ ավելի ընդարձակ տեղեկատվություն հասանելի լինի, չգիտեմ: Իսկ հիմա կներեք, պետք է ընդհատվեմ` հերթական հեռախոսազանգին պատասխանելու: Ներեցեք: Մեր լաբորատորիայի նախկին աշխատակիցն էր, ում հետաքրքրում էր մի հարց` չգիտե՞մ, արդյոք, ես Շահառու կազմակերպությունների ցանկի երրորդ կազմակերպության վերաբերյալ իր մոտ ծագած յոթ հարցերի պատասխանները: Այստեղ որոշ ազգերի ներկայացուցիչներ ասում են “No Coment !”:
Ինչու՞ է անհրաժեշտ հնչեցնել այդ 35 հարցերի պատասխանները: Նախ, ամենակարևորը, որովհետև հարակից ոլորտների գիտնականները իրազեկ կլինեն ձեռքբերվելիք նոր սարքավորումներից և կկարողանան հուսալ, որ հնարավորություն կստանան որոշ չափումներ կատարել և հետազոտություններ անցկացնել: Ոչ ոք չի ժխտի, որ կարևոր է նաև այն հանգամանքը, որ ունենալով այդ ինֆորմացիան, մրցույթի չհաղթած մասնակիցները կարող են համեմատել նախագծերը, հասկանալ իրենց նախագծի թույլ կողմերը և համոզվել, որ հաղթել են ամենաարժանավորները: Ոմանք կարող են այդպես չհամարել, բայց դա արդեն անխուսափելի է: Կառաջարկեի նույնիսկ գիտության պետական կոմիտեի կայքում տեղադրել հաղթած նախագծերն ամբողջությամբ: Դժվար թե դրանք պետական գաղտնիք են պարունակում: Եվ եթե այդ փաստի մասին հայտնի լինի մինչև հաջորդ մրցույթի արդյունքների ամփոփումը, հնարավոր է որ հայտերի գնահատումը իրականացնող հանձնաժողովը լինի ավելի բծախնդիր և անաչառ: Ենթադրություն է էլի~:
Ոչ շատ վաղուց մտքերս նաև այս մրցույթի մասին շարադրել էի մի փոքրիկ հոդվածում` ռուսերեն լեզվով (http://orer.eu/ru/archives/8264): Ցավոք ունեմ ռուսերեն կրթություն և ինձ ավելի հեշտ է մտքերս ռուսերեն շարադրել: Ուզում եմ ծանոթացնել ձեզ այդ հոդվածից երկու կոնկրետ առաջարկների, որոնք նույնպես կարող են օգտակար լինել հետագայում այս մրցույթի նոր փուլերի անցկացման ժամանակ:
Предложение №1. Ученым следует сгруппироваться по интересам, создать реально работающие общества, которые могли бы в результате обсуждений на основе не перетягивания одеяла на себя определить наиболее перспективные направления исследований, необходимое для этого оборудование и в каком институте его целесообразнее установить. Решение таких обществ (оптиков, микроскопистов, рентгенщиков, …) могли бы исключить представление повторных проектов и быть основным аргументом для экспертов конкурсной комиссии. Такое обсуждение в существующих обществах (насколько мне известно) не проводилось, что не правильно и требует исправления.
Предложение №2. Создать общество материаловедов Армении, которое могло бы объединить физиков и химиков, биологов и строителей, геологов и археологов, прикладную и фундаментальную науку, традиционные производства и высокие технологии. Кому не очевидна необходимость создания такого общества могут не затруднять себя сообщением об этом на мой e-mail: akuzan@ipr.sci.am Имеющим противоположное мнение буду рад ответить по существу их письма.
Очевидно, что Общество материаловедов Армении, может решать не только проблему модернизации экспериментальной базы армянской науки.
Ցավոք չստացա ոչ մի նամակ: Ո´չ գովերգող, ո´չ պախարակող: Գուցե ռուսերե՞նն էր մեղավոր: Դժվա՛ր թե: Չեմ հավակնում դառնալ Հայաստանի նյութագետների միության ո´չ նախագահ, ո´չ քարտուղար: Մեծ սիրով կլինեմ միության տարեկան ոչ մեծ անդամավճարը բարեխղճորեն մուծող անդամ, կազմակերպվող գիտաժողովների մասնակից, հրատարակվող ամսագրի բաժանորդ: Մի՞թե շատ բան եմ ցանկանում: Ուղղակի ես համոզված եմ, որ ժամանակակից գիտության մեջ ԹԻՄԸ մեծ առավելություններ ունի անհատի նկատմամբ: Հիշե´ք Արարատ 73-ը և ժպտացե´ք:
Արմեն Կուզանյան
Ֆիզիկական հետազոտությունների ինստիտուտ
02.08.2013
Այս պահին 38 ընտրատարածքի թեկնածուի շուրջ կրքեր են բորբոքված, և Լիսկան փորձում է ամեն ինչ անել, որ անցնի իր թեկնածուն ՝ «Դավիթբեկյան Ուխտեր» ԵՀԿ խորհրդի նախագահ Ռուդոլֆ Սարգսյանը:
Սյունիքի նախկին մարզպետն իր դիրքը պահելու վերջին ճիգերն է գործադրում, սակայն դա նրան չի հաջողվելու, քանի որ նա Սյունիքում տեղի ունեցող գործընթացների վրա ազդելու որևէ լծակ չունի. արդեն որոշված է, թե ով է լինելու 38 ընտրատարածքի պատգամավորը:
Այդ մասին կտեղեկացնենք առաջիկայում:
Սևան քաղաքն արդեն մի քանի ամիս է՝ խայտառակ վիճակում է գտնվում. այստեղ ասֆալտապատումն ու ջրագծի անցկացումը խառնվել են իրար:
Բնակիչներն արդեն չեն հավատում, որ մի օր իրենք ունենալու են նորմալ ասֆալտապատված փողոցներ և խմելու ջուր:
Տարիներով այս քաղաքում ոչինչ չի արվել, քաղաքի վրա նորմալ ղեկավար չի գալիս: Մի բուռ քաղաքն երեկ էլ, այսօր էլ անմխիթար տեսք ունի. փողոցների փոսերը, գրեթե, անհնարին են դարձնում քաղաքի երթևեկը:
Քաղաքապետը խոստացել էր գարնանն ավարտել ասֆալտապատման գործը, սակայն արդեն ամառն է վերջանում ու ոչինչ չի փոխվել: Քաղաքը երեկվա դրությամբ ավերակ էր հիշեցնում:
Սևանցիները տարակուսած են. նախ, չգիտես ինչու, աշխատանքները սարսափելի դանդաղ են ընթանում: Երկրորդ՝ մի՞թե հնարավոր չէ փողոց առ փողոց ավարտել ջրագծի աշխատանքները և կատարել ասֆալտապատում, ոչ թե, առանց այդ էլ փոքրիկ քաղաքում, ստեղծել նման խառնաշփոթ: Նրանք այս անկազմակերպ աշխատանքն ու անտարբերությունը կապում են խոսակցությունների հետ, թե՝ Սևանի քաղաքապետ Ռուդիկ Ղուկասյանը պատրաստվում է տեղափոխվել Երևան՝ այլ աշխատանքի:
Մի մասն էլ կատակում է, թե «Քաղաքապետը պագրիշկայի բիզնես է դրել, դրա համար չի շտապում քաղաքը կարգի բերել»:
-
-
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով տեղյակ ենք՝ Հայաստանը որևէ նոր քայլ չի ձեռնարկել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.