03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...«Սասնա ծռեր» խմբի անդամ Արայիկ Խանդոյանի («Միայնակ գայլ») եղբայրը՝ Արարատ Խանդոյանը, արդեն քանի օր է կալանավորված է: Նրա մայրը՝ տիկին Ռիման, որը բնակվում Ծաղկահովիտ գյուղում, ոստիկանության դռներն ընկած, չի կարողանում ստույգ տեղեկություն ստանալ՝ թե իրավապահները որդուն ինչի՞ համար են պահում: Արարատ Խանդոյանն ու նրա երեք եղբայրները Արցախյան պատերազմի հերոսներ են:
Ոստիկանական բաժանմունքում տիկին Ռիմային վախեցրել են` ասելով, թե մի որդուն, որն այս օրերին պարեկապահակային գունդը գրավված անձանց թվում է, ցմահ դատելու են, իսկ Արարատին տասը տարի են տալու:
Aravot.am-ի հետ զրույցում այս մասին ասաց տիկին Ռիման, որի ինքնազգացողությունը գնալով վատանում է: Զրույցի ընթացքում նա անդադար լաց էր լինում եւ խնդրում, որ որդուն ազատ արձակեն, քանի որ առողջություն չունի. «Ես Արարատի մայրն եմ, Արայիկի մայրն եմ, ես 4 զավակ եմ տվել հայրենի հողը պաշտպանելու համար, մեկ տղաս զոհվել է, մյուսը հաշմանդամ է, Արարատիս վրա փոր չկա, ավտոմատի հինգ փամփուշտ փորից են հանել: Լյարդ չունի, փայծախ չկա, երիկամի մեկը հեռացված է, հաստաղիքը 30 սանտիմետր պլաստմասե դրած, ինքն առողջություն չունի»:
Տիկին Ռիման անընդհատ կրկնում էր, որ ինքը չի կարող դիմանալ, եւ որ այս պահին ընտանիքի միակ կերակրողը Արարատ որդին է, քանի որ մյուս որդին հաշմանդամություն ունի:
«Ես ո՞նց դիմանամ, ինքն է իմ կյանքը, իմ արեւը, բա որ հանկարծ իմ էրեխին չթողեցին տուն գա, ես կարող ա մեռնեմ: Ինքն իր եղբոր համար է գնացել այնտեղ, Արարատիս աչքերը վիրավորվել են այս օրերին, հետևից ինչ-որ բան է պայթել, մարմինը վառվել է, շորերը պատռվել-վառվել են»:
Տիկին Ռիման համոզված է, որ որդին՝ Արարատը, ոչ մի հակաօրինական բան չի արել. «Ընդհակառակը ինքը խաղաղեցրել է ժողովրդին: Կադրերում էդ ամեն ինչը կա: Ինքը վատ բան չի անի, ինքը հայրենիք է պաշտպանել, իմ որդիների նկարները ամբողջ աշխարհի գրքերում ու թերթերում կան, թող էդ ամենը հանեն արխիվներից ու տեսնեն, թե իմ էրեխեքն ինչ հերոսություններ են արել»,-ասաց Ռիմա մայրիկը:
Հերոսների մորը Ծաղկահովիտում հենց այսպես՝ Ռիմա մայրիկ են կոչում: Նրա խոսքերով, ապրիլյան պատերազմին առաջիններից մեկն իր երկու տղաներն են գնացել. «Իմ երեխաները ո՛չ ազգի դավաճան են, ո՛չ էլ մի բան, նրանք մի բան են միայն ասում՝ եթե հողերը մենք ենք վերցրել, ինչի՞ պիտի ազատագրված տարածքները հետ տանք, կարո՞ղ ա մտածում են, որ Հայաստանն առանց հայերի պիտի հանձնեն թուրքերին: Իմ միակ հույսն են իրենք: Ինսուլտ տարած կին եմ, չգիտեմ ինչ կլինի մեր վիճակը, եթե Արարատին բաց չթողնեն»:
Տիկին Ռիման որդիների սխրագործությունների համար բազմաթիվ պարգեւների է արժանացել: Aravot.am-ի հետ զրույցում Արարատ Խանդոյանի կինը` Սոնա Թամարյանն ասաց, որ, եթե մինչեւ երկուշաբթի Արարատին բաց չթողնեն, ապա Արարատին, նրա մյուս եղբայրներին եւ Ռիմա մայրիկին տված մեդալները, պարգեւները «հետ է շպրտելու»: «Երկու օր առաջ Արարատին ձերբակալել են անհիմն, քանի որ Արայիկի եղբայրն է, նա ցույցերին ներկա է եղել, բայց ոչ մի անօրինական քայլ չի արել, Արայիկի հետ խոսել է, ու հավաքվածներին փոխանցել է Արայիկի խոսքերը՝ թե հողը հանձնողին՝ հողին կհանձնեն: Այդտեղ բոլորը ձայները բարձրացրել եւ ողջունել են: Այդ ժամանակից սկսած ոստիկանությունը մեր տան պատերի տակից չէր գնում, որ Արարատին բռնեին: Սուրճ խմելու տեղից Արարատին տարել են, ասել են՝ 72 ժամը լրանա, նրան բաց կթողնենք: Մայրը մեծահասակ, հիվանդ կին գնացել է ոստիկանություն, ասել են՝ մի տղայիդ ցմահ ենք տալու, մի տղայիդ տաս տարի ենք տալու, հետո իբր խղճացել են ասել՝ լավ տղայիդ կբերենք, բայց խոսք տուր, որ տղայիդ չես թողնի գնա ցույցերին: Արարատի մայրը հույսով գալիս է տուն, որ տղային պիտի բաց թողնեն, հետո զանգում ենք քննիչին, ասում է՝ Արարատի դատը լսվել է, երկու ամսով կալանքի են վերցրել: Մեկ էլ թե՝ բայց կարող է երկու ամիս չպահեն, ինքը լավ տղա է, վատ բան չի արել, կադրերում կա, որ ինքը չի խփել, բաժանել է: Կարող է կրքերը հանդարտվեն՝ իրեն շուտ թողնեն»:
Արարատի կնոջ խոսքերով, «Արարատն առողջություն չունի, Արցախյան պատերազմում վիրավորվել է, մեկ երիկամը չկա, ինքը ինչպե՞ս է նստելու քարին, երկաթին, իրա փորը լրիվ քարտեզ է, եթե շապիկը բարձրացնի, մարդ կվախենա նայի: Մայրը ծեր կին է, չի կարողանում խոսել, անընդհատ ասում է՝ ես կմահանամ, բայց իմ խիղճը բոլորի վրա, թող տղայիս ազատ արձակեն ինձ տան»:
Ամբողջական հոդվածը՝ aravot.am
«Փաստինֆո»-ի տեղեկություններով՝ քիչ առաջ զինված խումբն ազատ է արձակել նաեւ հուլիսի 17-ից պատանդի կարգավիճակում գտնվող ՀՀ փոխոստիկանապետ Վարդան Եղիազարյանին եւ Երեւանի փոխոստիկանապետ Վալերի Օսիպյանին։
Այսպիսով՝ բոլոր պատանդներն ազատ են արձակվել։
«Ազատություն» ռադիոկայանի տեղեկություններով՝ ավելի վաղ ԼՂ Ազգային ժողովի պատգամավոր, Արցախի հերոս Վիտալի Բալասանյանի միջնորդությամբ տեղի է ունեցել հանդիպում ՊՊԾ գնդի տարածքը գրաված զինված խմբի անդամ, «Հիմնադիր խորհրդարանի» խոսնակ Վարուժան Ավետիսյանի և Ազգային անվտանգության ծառայության տնօրեն Գեորգի Կուտոյանի միջև:
«Այն տղաները, որոնք գտնվում են զորամասում` մեր մարտական ընկերների և երիտասարդ այդ տղաների հետ համատեղ որոշում ենք կայացրել, որպեսզի քայլ անենք, շարքային երկու ոստիկաններին առանց որևէ պայմանավորվածության ազատ ենք արձակել», — ռադիոկայանի փոխանցմամբ՝ «Շանթ» հեռուստատեսության եթերում քիչ առաջ ասել է Վիտալի Բալասանյանը, ում միջնորդությամբ այս օրերին բանակցություններ են վարվում ԱԱԾ-ի և զինված խմբի միջև:
Ավելի վաղ տեղեկացրել ենք, որ հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահել այնտեղ գտնվող անձանց` պահանջելով ազատ արձակել մոտ մեկ ամիս առաջ մի խումբ անձանց կողմից ապօրինի կերպով զենք և ռազմամթերք ձեռ բերելը, փոխադրելը և պահելը կազմակերպելու մեղադրանքով կալանավորված Ժիրայր Սեֆիլյանին:
ՀՀ ոստիկանության պարեկապահակային ծառայության գնդի վրա հարձակման հետևանքով զոհվել է Ոստիկանության գնդապետ Արթուր Վանոյանը: 6 անձ վիրավորվել է, որոնց թվում հրազենային վնասվածքներ են ստացել ՀՀ Ոստիկանության գնդապետ Արամ Հովհաննիսյանը, Ոստիկանության փոխգնդապետ Հրաչ Խոստեղյանը, Ոստիկանության ենթասպա Գագիկ Մկրտչյանը:
Մի շարք անձինք զինված խմբի կողմից վերցվել էին որպես պատանդ եւ բանակցությունների արդյունքում հաջողվել է նրանց բոլորին ազատ արձակել եւ խուսափել նոր զոհերից։
Արցախի հերոս, ԼՂՀ ԱԺ պատգամավոր Վիտալի Բալասանյանը Շանթ հեռուստաընկերության «Հորիզոն»-ի եթերում պատմել է երեկ «Սասնա ծռեր» խմբի կողմից գրավված ՊՊԾ գունդ իր այցելության մասին: «Ամենաբարդ ու ամենալուրջ խնդիրը կայանում է նրանում, որ ոչ մի կաթիլ արյուն չթափվի, համար մեկ խնդիրը դա է»,-ասել է նա:
Ինչ վերաբերում է սննդի խնդիրների հետ կապված լուրերին, Վիտալի Բալասանյանը նշել է, որ այդ բողոքները իրականությանն այնքան էլ չեն համապատասխանել, որովհետև սնունդը ոստիկանությունը և Ազգային անվտանգության ծառայությունը մատակարարում է ինչպես զինծառայողներին: Նա նաև պատմել է, որ ինքն անձամբ է Պավլիկ Մանուկյանին հեռախոս տրամադրել:
«Երեկ առավոտյան մենք մեզ հետ տարել են բժշկական խումբ և պատանդներին այնտեղ բուժզննում են կատարել»,-ասել է և նշել, որ այնտեղ երկու վիրավոր կա, որոնցից մեկը ազդրոսկրից է վիրավորված Սմբատն է, ում ազգանունը Վիտալի Բալասանյանը չէր հիշում, և մյուսը Մխիթար Ավետիսյանն է:
«Բժշկական առումով պատանդների վիճակը նորմալ է, մի քիչ տատանումներ կան, խորը բուժզննում պետք է կատարեն»,-ասել է նա և նշել, որ «Սասնա ծռեր» խմբի տղաներին ևս առաջարկվել է, որ բոլորն անցնեն բուժզննում, բայց մեծամասնությունը հրաժարվել է, սակայն կան նաև այնպիսինները, ովքեր օգտվել են այդ առաջարկից:
Անդրադառնալով բանացկություններին, Վիտալի Բալասանյանը նշել է, որ գտնում է, թե իշխանությունների առաջարկները կոմպետենտ են, սակայն խմբի տղաները դեռևս դրանք քննարկում են և այլ բաներ են առաջարկում:
«Իրենք առաջարկում են Սերժ Սարգսյանի հրաժարականը, միջանկյալ կառավարության ձևավորում, սակայն ամենակարևորը հարցը դրել են Ժիրայր Սեֆիլյանի խափանման միջոցի քննարկումը, որն այս պահի դրությամբ ներկայացված է իշխանություններին և գտնվում է օրակարգային ամենակարևոր հարցերում: Նույնը նրանք ներկայացրել են քաղբանտարկյալների մասին, ճիշտն ասած ես այդ «քաղբանտարկյալ» բառը չեմ ուզում օգտագործել, որովհետև քաղբանտարկյալ Հայաստանում ընդհանրապես չկա»,- ասել նա և նշել, որ չակերտավոր քաղբանտարկյալ ներկայացվող մարդկանց հարցը ևս օրակարգում է, որպեսզի վերանայվի, թե ում դեպքում մեղմացուցիչ ինչ հանգամանքներ է հնարավոր կիրառել:
«Մի խոսքով՝ այս պահի դրությամբ ես գտնում եմ, որ իշխանությունների ձեռնարկած քայլերը մի քայլ առաջ է և պետք է ընդունել: Համոզված եմ, որ Ժիրայր Սեֆիլյանը և տղաները կընդունեն այդ առաջարկները և կգնան մեկը մյուսին ընդառաջ»,- ասաց նա:
Վիտալի Բալասանյանը նշել է, որ ներկայումս ամեն ինչ հանգիստ է և՛ ուժային կառույցների կողմից, և՛ զինված խմբի տղաների կողմից, երեկ նույնպես հանգիստ է եղել, իսկ նախանցած օրվա երեկոյան, երբ որ եղավ ընդհարում, ըստ նրա, սադրանքների արդյունքում եղան այդքան վիրավորներ:
«Տղաները համոզվել են, որ պրովոկացիաները հրահրում են ոչ թե իրավապահ մարմինները, այլ միտինգից»,-ասել է նա և նշել, որ կա օրենք, որը պետք է պարտադրել և՛ իշխանություններին, և՛ իրավապահ մարմիններին, և՛ ուժային կառույցներին, և՛ զինված խմբերին, և՛ քաղաքական կուսակցության առաջնորդներին, որ պահեն օրենքի տառը:
«Անկախ ամեն ինչից՝ ապստամբել են, չեն ապստամբել, իշխանությունները ճիշտ են արել, սխալ են արել, առ այսօր գտնում եմ, որ պետք է ձեռնպահ մնանք ցանկացած գործողութունից, մանավանդ զինված ընդհարումներից: Իմ կոչը և հանրապետության ղեկավարներին է, և՛ քաղաքացիներին է, և՛ զինված խմբին»,-ասաց նա:
«Ենիգոմշյանին ասեք, որ զոհված գնդապետի հիշատակը ոչ թե հարգել էր պետք, այլ պետք չէր թույլ տալ, որ նա արնաքամ լինելով՝ 3 ժամ՝ մահանա ու պատանդ պահել շտապ օգնության մեքենայի վարորդին, որը եկել էր վիրավորներին հանելու»,-իր ֆեյսբուքյան էջում այսպիսի հրապարակում է արել «Բլոգնյուզի» գլխավոր խմբագիր Կոստանտին Տեր-Նակալյանը:
Aravot.am-ի հարցին, թե արդյոք հուլիսի 17-ին «Սասնա ծռեր» խմբի անդամների՝ պարեկապահակային գնդի վրա կատարած հարձակման հետեւանքով սպանված գնդապետ Արթուր Վանոյանը երեք ժամ արնաքամ է եղել, քանի որ շտապօգնության վարորդին պատանդ էլ են պահել, ՀՀ ոստիկանության հասարակայնության հետ կապերի եւ լրատվության վարչության պետ Աշոտ Ահարոնյանն ասաց՝ դա միայն քննությունը կպարզի:
«Սասնա ծռեր» խմբի անդամ, «Հիմնադիր խորհրդարանի» մամլո խոսնակ Վարուժան Ավետիսյանը ԳԱԼԱ-ին փոխանցեց, որ հանդիպում է տեղի ունեցել ԱԱԾ տնօրեն Գ. Կուտոյանի հետ՝ Արցախի հերոս Վիտալի Բալասանյանի միջնորդությամբ եւ որոշում է կայացվել ազատ արձակել պատանդներին՝ պայմանով, որ ստեղծվելու է մամուլի կետ:
«Երեկոյան լրացուցիչ քննարկելով, որոշեցինք որպես բարի կամքի լրացուցիչ դրսեւորում առաջ քայլ կատարել եւ նախապես, մինչ մամուլի կետի ստեղծումը ազատ արձակել երկու երիտասարդ ոստիկաններին: Հիմա այդ արարաողությունը կատարվում է պարոն Բալասանյանի ներկայությամբ: Որոշվել է, որ կետի տեղակայման հարցը թողնում ենք պարոն Բալասանյանի իրավասությանը: Մամուլին կանչում ենք հետեւյալ սկզբունքով. մենք պայմանավորվում ենք մամուլի միջոցների հետ, իրենք գալիս են, վարչախմբի կողմը ապահովում է նրանց ազատ ելումուտը:
Հերթապահությունը առաջարկում ենք շուրջօրյա: Օգտվելով առիթից, առաջինը ԳԱԼԱ-ին ենք առաջարկում, որ այստեղ այդ կետը ստեղծեն:
Երկու ոստիկաններին, հիմա ենք ազատ արձակում, մյուս երկուսին՝ գեներալին եւ գնդապետին՝մամուլի կետը բացելու պահին»,-ԳԱԼԱ-ին փոխանցեց Վարուժան Ավետիսյանը:
Արդեն տեղեկացրել ենք, որ ՀՀ ոստիկանության ՊՊԾ գնդի տարածք է մուտք գործել սնունդով բեռնված ավտոմեքենա: Առաքումն իրականցվել է «KFC» ընկերության առաքման մեքենայով: Ընկերության տնօրեն Աննա Ավետիսյանը Armtimes.com-ի հետ զրույցում որոշ մանրամասներ ներկայացրեց սննդի փոխանցման գործընթացից:
—Տիկին Ավետիսյան, տեղյա՞կ եք, որ այսօր ՀՀ ոստիկանության ՊՊԾ գնդի տարածք է մուտք գործել «KFC»-ի առաքման մեքենան:
-Այո, տեղյակ եմ:
-Սա առաջի՞ն դեպքն է, որ վերջին 6 օրում այդ տարածք առաքում է լինում:
-Այո:
-Ո՞վ է եղել պատվիրատուն:
-Իրավասու չեմ պատասխանել, գաղտնիք է:
-ՀՀ ԱԱԾ-ից կամ ոստիկանությունից տվյալ տարածք առաքում իրականացնելու վերաբերյալ բանակցություններ վարվե՞լ է ձեր կամ ձեր ընկերության այլ ներկայացուցչի հետ:
-Եղել է հեռախոսով պատվեր, այլ մանրամասներ չեմ կարող տրամադրել:
-Կարող ե՞ք հիմա առաքում իրականցնել ՀՀ ոստիկանության ՊՊԾ գունդ, եթե զանգահարենք:
-Եթե մեքենան ներս թողեն, կարող ենք:
-Ո՞ր մասնաճյուղից է առաքումը եղել:
-Առաքում ունեցող:
-Որքա՞ն սնունդ է տեղափոխվել:
-Գաղտնի ինֆորմացիա է:
—Կնկարագրե՞ք, թե ինչ են պատվիրել:
-Գաղտնի ինֆորմացիա է:
-Վաղվա համար պատվեր եղե՞լ է:
-Դեռ՝ ոչ:
-Առաքիչի անվտանգությունն ո՞վ է երաշխավորել:
-Վտանգ չենք տեսել:
-Ո՞վ է վճարել առաքման համար եւ որքա՞ն (առաքումը ներառյալ):
-Գաղտնի ինֆորմացիա է:
Armtimes.com-ն հայտնի դարձավ, որ սնունդը փոխանցվել է խմբավորման անդամներին:
«Նոր Հայաստան» հանրային փրկության ճակատի անդամ, կալանավորված Ժիրայր Սեֆիլյանը գտնում է, որ ստեղծված իրավիճակը խաղաղ ճանապարհով պետք է լուծում գտնի եւ արյունահեղություն չլինի:
«Իր կողմից պատրաստ է անել հնարավորինս, որպեսզի իրավիճակի հանգուցալուծումը գտնվի: Ժիրայր Սեֆիլյանն ամեն ինչ փորձում է անել, որ իրեն դարձնեն բանակցությունների մասնակից»,- այս մասին «Ա1+»-ին հայտնեց Ժիրայր Սեֆիլյանի պաշտպան Արա Զաքարյանը:
Իր պաշտպանյալի հետ երեկ տեսակցած Արա Զաքարյանը փոխանցում է Ժիրայր Սեֆիլյանի խոսքերը, ըստ որի՝ իր մասնակցությունը կարող է շատ դրական ազդեցություն ունենալ եւ հարցը խաղաղ ձեւով լուծում կգտնի:
Հիշեցնենք, որ «Սասնա ծռեր» խումբը հուլիսի 17-ին բեռնատար մեքենայով մտել էր ոստիկանության պարեկապահակային ծառայության գունդ եւ պահանջում է Սերժ Սարգսյանի հրաժարականը ու Ժիրայր Սեֆիլյանի ազատ արձակումը:
Ժիրայր Սեֆիլյանը հունիսի 20-ից կալանավորված է: Նա մեղադրվում է մի խումբ անձանց հետ, զենքի գործադրմամբ, զավթել շենքեր, շինություններ, հաղորդակցության և կապի միջոցներ, այդ թվում՝ Երևանի հեռուստաաշտարակը, ինչի ընթացքում էլ վերջինս կազմակերպել է մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և տարբեր վայրերում դրանք ապօրինի կերպով պահելը:
Պաշտպան Արա Զաքարյանը նշում է, որ գործի հետ կապված որեւէ նորություն չկա եւ որեւէ գործողություն չի կատարվում Ժիրայր Սեֆիլյանի մասնակցությամբ:
ՊՊԾ գունդը գրաված «Սասնա ծռեր» խմբի ներկայացուցիչների հետ կապն ընդհատվել է, այսօրվանից արդեն չի սպասարկվում այն միակ հեռախոսահամարը, որով լրատվամիջոցները կապ էին հաստատում «Սասնա ծռեր»-ի անդամների հետ:
Հիմնադիր խորհրդարանի ներկայացուցիչները կարծում են, որ այդպիսով ԱԱԾ-ն փորձում է սահմանափակել լրատվամիջոցների հետ «Սասնա ծռեր»-ի անդամների կապը, որպեսզի վերջիններիս խոսքը հանրությանը հասանելի չդառնա:
ԱՍԱԼԱ-ի մարտիկ, Հիմնադիր խորհրդարանի անդամ Ալեք Ենիգոմշյանը ԳԱԼԱ-ի հետ զրույցում ասաց, որ գիշերը ՊՊԾ գնդի տարածքում հանգիստ է անցել: Ենիգոմշյանն ասաց նաեւ, որ իրեն եւս այսօր չի հաջողվել կապ հաստատել տղաների հետ:
Ինչ վերաբերում է բանակցություններին, որին որպես միջնորդ ինքն էր մասնակցում, ապա նշեց.
«Այն բանակցությունները, որոնց ես մասնակցում էի, հիմա արդեն երկու օր անցել է, ու դրանք արդյունքի չեն հասել, հիմա արդեն բոլորը գիտեն՝ երեկ Վ. Բալասանյանը գնաց հանդիպեց, եւ հիմա այդ ընթացքը, ճիշտ է, տեղեկացված եմ բանակցություններից, այս պահին դեռեւս չեմ մասնակցում այդ բանակցություններին, բայց տեղեկացվում եմ այդ մասին»,- փոխանցեց Ալեք Ենիգոմշյանը:
Ինչ վերաբերում է Արցախի հերոս Վ. Բալասանյանի կողմից տարվող բանակցություններին, ապա Հիմնադիր խորհրդարանի ներկայացուցիչն ասաց. «Ցանկացած բանակցող պետք է երկու կողմերից էլ ընդունելի լինի, այսինքն երկու կողմերն էլ պետք է ընդունեն, որ տվյալ անձը երկու կողմի հետ բանակցի: Եթե ինքը հնարավորություն ունեցել է մտնել տղաների մոտ, նշանակում է ուժային կառույցների պատասխանատուները համաձայնվել են, անկախ նրանից՝ նախաձեռնությունն ում կողմից է եղել, արդյոք իրեն հանձնարարել են, թե ինքն է ինքնառաջադրվել, դա երկրորդական է այս դեպքում, իրեն թույլատրել են, ներսի տղաներն էլ համաձայնվել են իրեն ընդունել»:
Հետաքրքրվեցինք նաեւ, թե արդյոք ՊՊԾ գնդի տարածքում գտնվող «Սասնա ծռեր» խմբի ներկայացուցիչների սննդի հարցը կարգավորված է.
«Դա եւս կապված է Վ. Բալասանյանի հետ, երեկ ուշ երեկոյան Վ. Բալասանյանը որ հանդիպեց, սնունդով մտավ ներս, եւ կարգադրություններ արվել են, որպեսզի այս առավոտ եւս ավելի նորմալ չափաբաժնով սնունդ տարվի»,- եզրափակեց մեր զրուցակիցը:
Հայկական կարմիր խաչի ընկերության շենքի դիմաց այս պահին հավաքվել է մեկ տասնյակ մարդ։ Հիշեցնենք՝ «Ժառանգություն» կուսակցության մամուլի քարտուղար Դավիթ Սանասարյանը նախաձեռնություն է ցուցաբերել դիմել այս կառույցին՝ միջամտելու «Սասնա ծռերի» տղաներին սնունդ փոխանցելու հարցում:
«Ա1+»-ի թղթակիցն ակցիայի վայրից հայտնում է, որ Կենտրոնի գլխավոր քարտուղար Աննա Եղիազարյանը ասել է, թե իրենք տեղյակ չեն եղել, որ տղաները սնունդի խնդիր ունեն ու նման հարցով դեռևս բողոք չեն ստացել։
Հավելյալ պատասխան ստանալու համար Դավիթ Սանասարյանը որոշել է դիմել Կարմիր խաչի միջազգային գրասենյակ և ՄԻՊ:
Ակցիայի մասնակիցներն այս պահին շարժվում են դեպի ՄԻՊ գրասենյակ։
Հիշեցնենք, որ ՊՊԾ գունդը արդեն 5 օր գրաված «Սասնա ծռեր» խմբի անդամները զրկված են սնունդից:
-
-
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել -
01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի անկախության -
02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ընթացքը․ Վազգեն Մանուկյան -
01.05.2024 | 01:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման համակարգերի դուռը, ու նաև բոլոր նրանց, ովքեր սխալմամբ իրենց ապահով են զգում
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.