06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...Vogue-ն կազմել է 2011 թվականի ամենանրբաոճ կանանց ցուցակը: Վարկանիշը կազմելով` հրատարակչությունը որոշել է կենտրոնանալ բարեկամական կապերի վրա և թոփ-ցուցակը նվիրել է ամենանրբաոճ քույրերին: Ցուցակը ձևավովել է ընթերցողների քվեարկության արդյունքում:
Ինչպես հայտնում է Lenta.ru-ն, վարկանիշային աղյուսակը գլխավորում են Մերի-Քեյթ և Էշլի Օլսեն քույրերը: Երկրորդ տեղը զբաղեցրել են Էլլ և Դակոտա Ֆենինգները, իսկ երրորդը` Կուրտեն-Կլարա ընտանիքի ներկայացուցիչները: Աղյուսակը եզրափակել են Քեյթ և Ռունի Մարա քույրերը:
Ամսագիրը վաճառքի կհանվի նոյեմբերի 15-ին ԱՄՆ-ում: Ամենանրբաոճ քույրերի վարկանիշային աղյուսակը հասանելի է միայն Vogue-ի պաշտոնական կայքում:
Ֆինանսների նախարար Վաչե Գաբրիելյանը և «Ամայա գեյմինգ գրուպ» կորպորացիայի նախագահ Դեյվիդ Բաազովը ստորագրեցին պայմանագիր, որով նախատեսվում է մեր երկրում կազմակերպել պետական վիճակախաղ: Երկկողմ համաձայնության արդյունքում կստեղծվի նաև «Պետական լոտո» ՓԲԸ` հավասար մասնաբաժիններով: Կողմերը վստահեցրել են, որ պետական վիճակախաղը կկազմակերպվի միջազգային պրակտիկայում ընդունված լավագույն փորձին համապատասխան: Իսկ շահումով խաղերի սարքավորումների վերահսկողության միասնական համակարգի ներդրման համար կանադական կորպորացիան Հայաստանին անհատույց, սեփականության իրավունքով կտրամադրի սարքավորումներ և տեխնոլոգիաներ:
Բոլոր նրանց համար, ովքեր հավատում են, որ թվերի զուգակցումն ազդում է մարդու կյանքի վրա, «մոգական ուրբաթը» կարող է հաջողություն, հարստություն բերել։ Խորհրդավոր ամսաթվի՝ 11.11.11 գալուտը համաշխարհային լրատվամիջոցները քննարկում են այդ «սուպերպալինդրոմի» հետ կապված գերբնական կանխատեսումների տեսանկյունից։ Մինչև օրվա վերջ կտեղեկացնենք թե ինչ տեղի ունեցավ այս օրը որը կրկնվելու է 100 տարի անց:
Շատերը, սակայն, թերահավատորեն են վերաբերում նման կանխատեսումներին` հաշվի առնելով, որ այլ միստիկ թվեր ևս «եկել–անցել են»: Ոչինչ չի փոխել Երկիր մոլորակի բնակիչների կյանքում 06.06.06 կամ 07.07.07–ը:
Ինչպես գրում է իտալական La Stampa պարբերականը, վաղվա օրը պետք է անցնի բարգավաճման և ներդաշնակության ներքո, քանի որ դրանում «գերբնական մեսիջ» կա։ «Թվերի զուգակցման գերբնական ազդեցության մասին տեսության երկրպագուները խոսում են «կազդուրիչ ճառագայթի» մասին, որը նոյեմբերի 11–ին պետք է իջնի մարդկության վրա»,– գրում է պարբերականը: Մարդիկ վստահ են, որ վաղը մարդկությանը իսկական հեղաշրջում է սպասում։ Ըստ պարբերականի.«Նրանք սպասում են, որ վաղը «գերգիտակցական մուտացիա» պետք է տեղի ունենա, որը դառնալու է դեռևս զարգացման փուլում գտնվող մեր գլոբալ գիտակցության էվոլյուցիոն փուլը»:
ՀՀ կառավարությունը հավանություն է տվել «Բույսերի սորտերի պահպանության մասին» ՀՀ օրենքի, ՀՀ 3 օրենքներում փոփոխություններ և լրացումներ կատարելու օրենքների նախագծերի փաթեթին։ Նշված օրենքի նպատակը բուծողի իրավունքի տրման և դրա պահպանության հետ կապված հասարակական հարաբերությունների կարգավորումն է։
Կառավարության հավանությունն է ստացել «Ոստիկանությունում ծառայության մասին» ՀՀ օրենքում փոփոխություններ և լրացումներ կատարելու օրենքի նախագիծը, որի ընդունման դեպքում ակնկալվում է հասնել ոստիկանության պաշտոններում նշանակվող ծառայողների մասնագիտական պատրաստվածության համապատասխանությանը այդ պաշտոնների համար նախատեսված մասնագիտական ցենզերին, ոստիկանության թափուր պաշտոնների համալրմանը մասնագիտական առավել բարձր պատրաստվածություն ունեցող կադրերով և այլն։
Կառավարությունը քննության է առել ՀՀ քրեական դատավարության օրենսգրքում լրացումներ կատարելու օրենքի նախագիծը, որը օրենսդրական նախաձեռնության կարգով ներկայացրել են ՀՀ Ազգային ժողովի պատգամավորներ Արա Բաբլոյանը և Մկրտիչ Մինասյանը։ Նախագծով առաջարկվում է կրճատել անչափահաս կասկածյալներին, ձերբակալվածներին և մեղադրյալներին պահելու վայրերում պահելու տևողությունը։ Գործադիրը սկզբունքային առարկություն չի ներկայացրել օրինագծի վերաբերյալ։
Նիստում քննարկվել է նաև ԱԺ պատգամավոր Արթուր Աղաբեկյանի` օրենսդրական նախաձեռնության կարգով ներկայացրած «Զենքի մասին» ՀՀ օրենքում լրացում կատարելու օրինագիծը, որով առաջարկվում է սահմանել, որ ակոսափող որսորդական հրազեն կարող են ձեռք բերել նաև ՀՀ զինված ուժերում պարտադիր զինվորական ծառայություն անցած կամ պաշտպանության, ոստիկանության և Ազգային անվտանգության հանրապետական գործադիր մարմիններում ծառայությունից սահմանված կարգով արձակված անձինք։ Կառավարությունն իր հերթին առաջարկություն է արել` ընդգրկելու օրինագծում. այն ընդունելու դեպքում ընդունելի կհամարվի օրենքի նախագիծն ամբողջությամբ։
Իր վեց որոշումներով ՀՀ կառավարությունը անհետաձգելի է համարել ՀՀ Ազգային ժողով ներկայացված 32 օրենքների փոփոխությունների նախագծերը։
Նշված օրենքների նախագծերը, որոշումները և կառավարության եզրակացությունները սահմանված կարգով կներկայացվեն ՀՀ Ազգային ժողով։
«Երիտասարդությունը հատուկ տարիքային-սոցիալական խումբ է, որը զանազանվում է տարիքային շրջանակներով ու հասարակության մեջ ունեցած իր կարգավիճակով՝ անցում մանկությունից ու պատանեկությունից դեպի սոցիալական հասունություն: Որոշ գիտնականների կարծիքով երիտասարդությունն ընկալվում է որպես երիտասարդ մարդկանց համախմբություն, որոնց հասարակությունը սոցիալական կայացման հնարավորություն է տալիս, ապահովելով արտոնություններով, բայց միևնույն ժամանակ սահմանափակելով սոցիումի որոշակի ոլորտներում նրանց ակտիվ մասնակցությունը:
Համաձայն Երիտասարդության իրավիճակի մասին Համաշխարհային զեկույցի, 2005-ի ընթացքում երիտասարդների թիվը (15-24 տարեկան անձանց) աճել է 1995թ. 1,02 միլիարդից 1,15 միլիարդի: Ներկա պահին երիտասարդները կազմում են երկրագնդի բնակչության 18 տոկոսը, երիտասարդների 85 տոկոսն ապրում է զարգացող երկրներում, 209 միլիոնը ստիպված են գոյատևել միջոցներով, որոնք չեն անցնում օրական մեկ ամերիկյան դոլարից, իսկ 505 միլիոնը ստիպված է բավարարվել օրական 2 ԱՄՆ դոլարով: Այսօր 10 միլիոն երիտասարդ ապրում է ՄԻԱՎ/ՁԻԱՀ-ով: Չնայած երիտասարդների նոր սերունդը ողջ մարդկության պատմության ընթացքում ամենակրթվածն է, այսօր 113 միլիոն երեխա դպրոց չեն հաճախում, և այս թիվը լիովին համեմատելի է 130 միլիոնանոց անգրագետ երիտասարդների թվի հետ»:
Սա Վիքիպեդիայի տվյալներն են:
Ի՞նչ է անում մեր պետությունը երիտասարդների համար: Google համակարգում Հայաստանի վեբ-կայքերում որոնման արդյուքները երիտասարդության պրոբլեմների հետ կապված այդքան էլ շատ չէին:
Չնայած նրան, որ 2008թ. Հայաստանի Հանրապետության վարչապետի հանձնարարությամբ ՀՀ սպորտի և երիտասարդության հարցերի նախարարության երիտասարդական քաղաքականության վարչության կողմից արդեն մշակվել է «Երիտասարդության մասին» ՀՀ օրենքի նախագիծը, սակայն մինչ այսօր այդ իրենքը ոչ մի կերպ չեն կարողանում անցկացնել ՀՀ Ազգային ժողովում: Չնայած ասում են, որ Ազգային ժողովի պատգամավորներ Վիկտոր Դալլաքյանի և Վարդան Բոստանջյանի ջանքերով ձեռք է բերվել համաձայնություն առանցքային հարցերի շուրջ և նոր` միասնական «Պետական երիտասարդական քաղաքականության մասին» և «Երիտասարդության մասին» ՀՀ օրենքի նախագծի մշակման ուղղությամբ:
Այս օրենքը սահմանում է Հայաստանի Հանրապետությունում պետական երիտասարդական քաղաքականության սուբյեկտները, սկզբունքները և նպատակները, կարգավորում պետության և պետական երիտասարդական քաղաքականության սուբյեկտների միջև փոխհարաբերությունները:
«Ռազմավարության մեջ շատ կարևոր մի կետ կա, որին իրենց աջակցությունն էին հայտնել ՀՀ նախագահն ու վարչապետը՝ խոսքը երիտասարդ ընտանիքներին բնակարաններով ապահովելու ծրագրի մասին է։ Երիտասարդ ընտանիքներին կտրվի ճկուն հիպոթեքային վարկավորում, որի շնորհիվ կկարողանանք լուծել սոցիալ-տնտեսական մի մեծ խնդիր, որը մշտապես հուզել է երիտասարդ ընտանիքներին։ Ծրագրի մասին դրական կարծիք է ստացվել ՀՀ ֆինանսների նախարարությունից», գրում է «Երիտասարդական միջոցառումների կազմակերպման կենտրոն» ՀԿ-ի կայքը։
Ինչո՞ւ է այդքան երակարձգվում այդ օրենքի ընդունումը, միթե՞ երիտասարդների խնդիրները այդպես էլ շարունակելու են դիտարկվել «Սպորտի ու երիտասարդության» նախարարությունում, անհեթեթ մի համադրություն՝ սպորտ և երիտասարդություն, ինչո՞ւ պետք է երիտասարդության ու սպարտի նախարարությունը միասին լինեն: Եթե միայն դա չի տանում դեպի հետագա ռազմականացում, որն ինչպես գիտենք սպորտի հետ, թիմային ոգու հետ համաշունչ է: Իկս գուցե այդ համադրումն ունի մի այլ նպատակ՝ ազգայնականացնելու երիտասարդությանը, կուսակցականացնելու ու զոմբիացնելո՞ւ: Զանազան «Բազեներ», «Սյունյաց արծիվներ»: Պատահական չէ, որ Սպորտի ու երիտասարդության փոխնախարարը՝ Խաչիկ Ասրյանը «Սյունյաց արծիվներ» պրոհանրապետական երիտասարդական զոմբիահավաքի ու հեռախոսներով հարսանքիների ֆինանսավորմամբ հավաքագրված — գայթակղված ՀՀԿ-ական ոլորտ մղված սյունեցիների «պապան» է, ու արդեն ոչ միայն սյունեցիների, բա դարձան «Հայոց արծիվներ» չէ՞, բա փողոցներ փակեցին ու միտինգներ արեցին չէ՞, բա մարտական պատրաստակամության զորավարժություններ արեցին չէ՞: Ի՞նչ է անում նա փոխնախարարի պաշտոնում, ո՞վ է նրան նշանակել: Ինչո՞ւ պետք է մի ողջ երկրի երիտասարդության փոխնախարարը լինի ՀՀԿ-ական մանկլավիկ:
Երիտասարդությունը ամենազաատ, ամենահամարձակ տարիքն է, ջահելների վրա միշտ դրել են պարտականություններ, որոնք չեն կարողացել կատարել ահելները: Տվյալ դեպքում, ես վատ հոտ եմ առնում մեր «Սպորտի և երիտասարդության» նախարարության համադրումից: Նախ, բացի ամպագոռգոռ հաշվետվություններից այդ կառույցն ուրիշ ոչինչ չի անում երիտասարդների համար, ուրեմն, թող ավելի լավ է չլինի:
Այսինքն, մենք պետք է շնորհավորենք «Սպորտի ու երիտասարդության» օրվա կապակցությա՞մբ մեր ջահելներին, հա՞:
Չեմ ուզում խորանալ, այսօր այդ օրը չի, բայց երիտասարդները, ովքեր մեր վաղվա օրվա հույսն ու հավատն են, չպետք է լռեն անարդարություն տեսնելիս, չպետք է թույլ տան, որ իրենց նախարարեն կամ ղեկավարեն անարժանները, որպեսզի չզոմբիանան ու վաղը-մյուս օրը չդնեն իրենց զոհի տեղ, որ իբր՝ մեր կյանքը չստացվեց:
Շնորհավոր ձեր տոնը, սիրելի երիտասարդներ: Եղեք առողջ մարմնով ու ոգով, ու մի մոռացեք, որ, ինչպես ասել է Լեոնարչդո Դա Վինչին՝ «Ձեռք բեր երիտասարդ տարիքում այն, ինչը տարիներ հետո կհատուցի քեզ ծերության հասցրած վնասը: Ու հասկանալով, որ ծերության սնունդն իմաստությունն է, երիտասարդ տարիքում այնպես արա, որ ծերությունդ սոված չմնա»:
Հայկական Վարկած
Լոնդոնի Ազգային պատկերասրահում այսօր բացվել է «Լեոնարդո դա Վինչի՝ Միլանի պալատական նկարիչ» անունը կրող ցուցահանդեսը։ Ինչպես գրում է ռուսական Gazeta.ru կայքը, ցուցահանդեսում ներկայացված են իտալացի մեծն նկարչի՝ դուքս Լոդովիկո Սֆորցայի պալատում աշխատելու տարիներին (Միլանում, 15–րդ դարի վերջին) ստեղծած կտավները։
Կազմակերպիչները ցուցահանդեսի նմուշները հավաքել են 5 տարվա ընթացքում. ողջ այդ ժամանակահատվածում բանակցություններ են վարվել աշխարհի առաջատար թանգարանների հետ՝ փարիզյան Լուվրի, պետերբուրգյան Էրմիտաժի, Վատիկանի պատկերասրահի հետ, ցուցահանդեսի նմուշների մի մասն էլ թանգարանին է տրամադրել Անգլիայի թագուհին։ Արդյունքում թանգարանի այցելուները կտեսնեն դա Վինչիի՝ մինչև մեր օրերը հասած 15 կտավներից 9–ը, ինչպես նաև մեծն նկարչի ուրվանկարներն ու նրա աշակերտների գործերը։
Այցելուները չեն կարողանա «վայելել» հայտնի «Ջոկոնդան» (Լուվրի թանգարանի հետ այս կտավի առնչությամբ պայմանավորվածություն ձեռք չի բերվել), որպես սփոփանք, պատկերասրահում են լինելու «Մադոննան ժայռերում» կտավի միանգամից երկու տարբերակները (մեկը պատկանում է Ազգային պատկերասրահին, մյուսը՝ Լուվրի թանգարանին), ինչպես նաև Salvator Mundi–ին (Աշխարհի փրկիչը), որը 1959թ. աճուրդի ժամանակ վաճառվել էր ընդամենը 80 դոլարով, իսկ այժմ փորձագետներն այն 200 մլն դոլար են գնահատում։
«Սա աննախադեպ իրադարձություն է։ Այսպիսի ցուցանդես՝ այսպիսի տեսքով, հավանաբար, այլևս չի լինի։ Այնպես որ մենք բոլորս այժմ հնարավորություն ունենք ավելի լավ հասկանալ Լեոնարդոյին»,–ասել է կուրատոր Լյուկ Սայսոնը։
Նշենք,որ ցուցահանդեսն ապահավոգարվել է 2,5 մլրդ դոլարով (ևս այդքան գումար էլ պատրաստ է հատկացնել Մեծ Բրիտանիայի կառավարությունը՝ որևէ քրեական միջադեպի,կամ ֆորս –մաժորային իրավիճակի դեպքում)։
Թանգարանի աշխատակիցները հուսով են, որ որևէ բան չի խանգարի եզակի այդ ցուցահանդեսի կայացմանը, անվտանգությունն ապահովելու համար բոլոր միջոցառումները ձեռնարկվել են. 30 րոպեի ընթացքում միայն 180 մարդու է թույլ տրվելու ներս մտնել։
Ցուցահանդեսի՝ ազատ վաճառքի հանված բոլոր տոմսերը մինչև դեկտեմբերի կեսերի համար վաճառվել են։ Կազմակերպիչները, սակայն, հայտարարել են, որ օրական 500 տոմս էլ վաճառվելու է տոմսարկղերում։
ոկտեմբերի 27-29-ը Երևանում անցկացված Popok միջազգային փառատոնի կազմակերպիչները այսօր ամփոփեցին միջոցառման արդյունքերը: Նրանց բնորոշմամբ, փառատոնն «ընդհանուր գծերով լավ անցավ», և հաջորդ տարի նախատեսվում է ավելի ընդլայնել փառատոնի շրջանակները: Ներկայացված 450 աշատանքից լավագույնը ճանաչվեց և Գրան պրիի ու ԶԼՄ-ների հատուկ մրցանակի արժանացավ վրացական Windows Advertising ընկերությունը, որը բանկային գովազդային արշավ էր արել և շատ հետաքրքիր հոլովակներ էր բերել:
Խոսելով հայկական գովազդային շուկայի զարգացման մասին՝ Popok-ի կազմակերպիչները նշեցին, որ այսօր Հայաստանն նույն քայլերն է անում, ինչ Ռուսաստանը՝ 90-ականներին:
«Ի դեպ, այստեղ հարցը ոչ թե տեխիկայի և ֆանտազիայի մեջ է, այլ գործի կազմակերպման մեջ: Հայաստանում գովազդի գները շատ ցածր են, որը հնարավորություն է տալիս արտասահմանյան գովազդատուների շատ էժան գներով գովազդ տեղադրել Հայաստանում, ինչի արդյունքում հայաստանյան բանկեր զգալիորեն քիչ գումար է մտնում, քան անգամ տարածաշրջանում որևէ երկրում: Միշտ ասում ենք, որ հայերը հնարամիտ ազգ են, խելացի, և դա հենց այդպես էլ կա, բայց չգիտես ինչու, երբ հարցը հասնում է բիզնեսին, մենք չենք կարողանում ճիշտ գործել»,- ընդգծեց կազմակերպիչներից Արմեն Մարտիրոսյանը: Նա ավելացրեց, որ վարպետության դասընթացները, որ իրենք շատ կարևորում էին, այնքան էլ մեծ հետաքրքրություն չեն առաջացրել. «հայկական գովազդային ընկերությունները չօգտվեցին բացառիկ հնարավորությունից»: Այնինչ, ըստ նրա, Հայաստանի նման փոքր շուկայում, որտեղ գովազդային դաշտն այնքան էլ զարգացած չի, արտասահամանյան վարպետների թանկարժեք խորհուրդները ավելի քան տեղին կլինեին:
Փառատոնի կազմակերպիչների դիտարկմամբ՝ ներկայացված աշխատանքների կեսից ավելին սոցիալական հոլովակներ են եղել, որոնք էլ արժանացել են հիմնական մրցանակներին:
«Գովազդային մրցույթը շատ կարևոր է ներկայացվող ընկերությունների համար, որովհետև նրանք նախ և առաջ իրենց համար ռեյտինգ են ապահովում: Այս տարի Հայաստանը ընդգրկեց վարկանիշային աղյուսակի մեջ և մասնակիցները հնարավորություն ունեցան ընդգրկվելով շորթ լիստի մեջ իրենց համար միավորներ ապահովեն հետագայի համար»,- նշեց Արմեն Մարտիրոսյանը:
Հայաստանից այս տարի փառատոնին ներկայացվել էր ավելի շատ աշխատանք, քան անցյալ տարի: Հայ գովազդատուներից ամենաշատ մրցանակներին արժանացել է «Ստատուս հոլդինգը», որի նկարահանած գովազդները, հատկապես «Բիլայն» ընկերության տեսահոլովակները, անընդհատ պտտվում են հայկական եթերում:
Այս տարի փառատոնին չեն մասնակցել թուրք գովազդատուները, բայց նախատեսված էր, որ փառատոնի ղեկավարը լինի թուրքական գովազդի ամենակարկառուն դեմքերից մեկը՝ Փոլադ Քարաթը: Նա, սակայն, չի կարողացել գալ, քանի որ երեխան հիվանդացել է: «Մերոնք էլ այնքան կողմ չէին, որ փառատոնի ղեկավարի թուրք մասնագետ, քանի որ մեր մտահղացմամբ գովազդը պետք է փրկեր Նոյը և այնքան էլ ճիշտ չէր լինի, որ նա թուրք լիներ: Բայց հետաքրքիր բան եղավ. հաջորդ օրը նա եկավ ու ասաց, որ շատ էր ուզում գալ և ափսոսում է, որ չեկավ Հայաստան, որովհետև իր նախնիները հայ են եղել»,- պատմեց Արմեն Մարտիոսյանը:
Welcome to Armenia երգը, որով Դալիթան Հայաստանը ներկայացնելու է «Մանկական Եվրատեսիլ–2011» երգի միջազգային մրցույթում, արդեն տեսահոլովակ ունի։ Տեսահոլովակը համացանցում է հայտնվել երեկ։
«Մանկական Եվրատեսիլ-2011» երգի մրցույթը տեղի կունենա դեկտեմբերի 3-ին՝ Հայաստանում, Երևանի Կարեն Դեմիրճյանի անվան մարզահամերգային համալիրի Սպորտային դահլիճում։ Մրցույթը Հայաստանում է անցկացվում «Մանկական Եվրատեսիլ-2010»–ում Հայաստանը ներկայացնող Վլադիմիր Արզումանյանի տարած հաղթանակի շնորհիվ։
http://www.youtube.com/watch?v=bIqjd6sJa7M&feature=player_embedded
Պարուհի Աննայի կյանքը բարդ է և հետաքրքիր։ Ամենածանր պահերին նրան օգնել է … արաբական պարը։
Այսօր լրագրողների հետ հանդիպման ժամանակ ՀՀ Աշխատանքի և սոցիալական հարցերի նախարարության երիտասարդների մասնագիտական կողմնորոշման կենտրոնի տնօրեն Հայկուհի Գևորգյանն ասաց, որ դպրոցն ավարտելուց հետո երեխաներն ընտրում են «մոդայիկ մասնագիտություն»` առանց հաշվի առնելու դրա պահանջարկն ու իր կարողությունները:
Նրա խոսքով մասնագիտական սխալ կողմնորոշման հետևանք է,որ այսօր երիտասարդության գործազրկության մակարդակի ցուցանիշը շատ բարձր է, քան հանրապետության տարածքում ընդհանուր գործազրկության մակարդակը:
Իսկ մասնագիտության սխալ ընտրության հիմքերը գալիս են դեռևս ընտանիքից ու դպրոցից: Դպրոցներում չկան մասնագետներ, որոնք կարող են բացահայտել երեխայի հետաքրքրությունն ու «ես»-ը: Ծնողներն էլ իրենց հերթին կանխավ գծագրում են երեխայի ապագան` չթողնելով ազատ ընտրութան հնարավորություն:
Ըստ Հայկուհի Գևորգյանի` ՀՀ աշխատաշուկայում ա մենապահանջված 10 մասնագիտություններն են` ծրագրավորող, մենեջեր հաշվապահ, եռակցող, խոհարար, շուկայագետ, վարսահարդար, մատնահարդար, դիմահարդար, հրուշակագործ:
2007թ-ին ստեղծված ՀՀ Աշխատանքի և սոցիալական հարցերի նախարարության երիտասարդների մասնագիտական կողմնորոշման կենտրոնի առաքելությունը կայանում է հենց երեխայի մասնագիտական կողմնորոշման և աշխատաշուկայում իրեն համապատասխան տեղը գտնելու մեջ:
-
-
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով վերահսկողությունից -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.