07.05.2024 | 11:10
Փաշինյանը և Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթի...06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...Ինչպես հաղորդում է ԱՊԱ գործակալությունը Ադրբեջանի Գյոյգյոլի շրջանում տեղակայված զորամասերից մեկում զինված միջադեպ է տեղի ունեցել: Ադրբեջանցի զինծառայող Վյուգար Մամեդովը ինքնաձիգից կրակ է բացել ծառայակից ընկերների ուղղությամբ, ինչի հետևանքով զոհվել են Պյուղան Նագիաձեն և Մուսեիբ Հուսեյնովը: Վիրավորները նույնպես երկուսն են` Էլչին Ռահիմովն ու Մելիք Մելիքովը: Այլ մանրամասներ չեն հաղորդվում:
Ինչպես գրում է paranormal-news.ru-ն անցած շաբաթվա վերջին Պակիստանի Սուկուր քաղաքում վեցոտանի երեխա է ծնվել: Երեխան ծնողների առաջին զավակն է, նրանք ամուսնացած են արդեն 4 տարի:
Տեղական ԶԼՄ-ների փոխանցմամաբ, թե’ երեխան, թե’ մայրը իրենց լավ են զգում, սակայն բժիշկները նշել են, որ պետք է անհապաղ հեռացնել ավելորդ ոտքերը: Ծնողներն այժմ բարեգործների են փնտրում` վիրահատության գումարը վճարելու համար:
Ինչպես փոխանցում է Իրանական Mehr News լրատվական գործակալությունը այսօր Իրանի հարավարևելյան Քերման նահանգում առավոտյան նամազի ժամանակ սպանվել է ցեղի առաջնորդ Հոդաբյաշ Հաշեմ Զեհին:
Սպանությունը կատարվել է տեղական ժամանակով ժամը 06.25-ին, երբ Զեհին առավոտյան նամազ կատարելու համար դուրս է եկել տնից: Այդ ժամանակ նրան մոտոցիկլետով մոտեցել են երկու զինված անձինք, ապա կրակելուց հետո թաքնվել են մոտակա լեռնային տեղանքում:
Նշվում է, որ ցեղի առաջնորդը կարևոր մասնակցություն ուներ տվյալ շրջանի անվտանգության ապահովման հարցում: Ենթադրվում է, որ սպանությունն իրականացրել է «Սաբեկի» խմբավորումը, որի անդամները մեղադրվում են տվյալ շրջանում բազմաթիվ սպանություններ կատարելու մեջ: Սպանված առաջնորդը կատաղի պայքար էր մղում նրանց դեմ: Տարվում է հետաքննություն:
Հայաստանի կենտրոնական ընտրական հանձնաժողովի նախագահ Տիգրան Մուկուչյանն այսօր ընդունել է ԱՊՀ դիտորդական առաքելության շտաբի ղեկավար Եվգենի Սլոբոդային եւ նրա տեղակալ Օլեգ Կուլեբային:
ԿԸՀ մամլո ծառայությունից հայտնում են, որ շնորհակալություն հայտնելով հանդիպման համար` Եվգենի Սլոբոդան ՀՀ կենտրոնական ընտրական հանձնաժողովի նախագահին է ներկայացրել ԱՊՀ դիտորդական առաքելության կազմը եւ գործունեության կազմակերպման սկզբունքները: Նրա փոխանցմամբ` առաքելության նպատակն է գնահատել ընտրությունների կազմակերպման եւ անցկացման ընթացքը, ընտրական մթնոլորտը եւ ընտրություններից հետո հանդես գալ համապատասխան առաջարկություններով:
ՀՀ կենտրոնական ընտրական հանձնաժողովի նախագահ Տիգրան Մուկուչյանը, բարձր գնահատելով միջազգային դիտորդական առաքելությունների դերը ընտրական գործընթացներում, ընդգծել է վերջիններիս կողմից հրապարակվող` ընտրությունների վերաբերյալ զեկույցների կարեւորությունը: Տիգրան Մուկուչյանը ԱՊՀ դիտորդական առաքելության շտաբի ղեկավարի խնդրանքով ներկայացրել է ընտրական օրենսգրքի նոր կանոնակարգումները, նախընտրական քարոզչության ընթացքը եւ կենտրոնական ընտրական հանձնաժողովի կողմից իրականացվող ընտրությունների նախապատարաստական աշխատանքները:
Հանդիպման ավարտին Եվգենի Սլոբոդան հաջողություն է մաղթել ՀՀ կենտրոնական ընտրական հանձնաժողովին գալիք խորհրդարանական ընտրությունները նախապատրաստելու եւ ժողովրդավարական չափանիշներին համապատասխան անցկացնելու գործում:
Թուրքիայում, Գազիանթեպ քաղաքի գործարաններից մեկի բանվորներին տեղափոխող ավտոբուսը շրջվել է. զոհվել է 3, վիրավորվել 20 մարդ:
Ըստ նախնական տեղեկությունների` ավտոբուսը կտրուկ արգելակել է` առջևից ընթացող միկրոավտոբուսին չբախվելու համար և շրջվել:
3 բանվոր տեղում մահացել է, իսկ 20 մարդ տարբեր վնասվածքներով տեղափոխվել է տարբեր հիվանդանոցներ: Վիրավորներից մի քանիսի վիճակը ծանր է:
Վրաստանի նախագահ Սահակաշվիլին Զատիկի նախօրեին ներում է շնորհել 200 բանտարկյալի: Վրաստանում համաներումը պարբերաբար կրկնվում է. դատապարտյալներին ներում է շնորհվում եկեղեցական տոների, Նոր տարվա, և այլ նշանակալի տարեդարձերի կապակցությամբ:
Վրաստանի պատիժների իրականացման նախարար Խաթունա Կալմախելիձեին արդեն հայտարարել է այս մասին: Նախարարն ասել է, որ ներման արժանացած դատապարտյալների թվում կան կանայք, նրանք ազատ կարձակվեն այսօր երեկոյան:
Թուրքիայի արտգործնախար Ահմեդ Դավութօղլուն Ստամբուլի «Հիլթոն» հյուրանոցում հանդիպել է ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Քեթրին Էշթոնի հետ: Հանդիպումը տևել է կես ժամ և անցել է դռնփակ պայմաններում: Այս մասին գրում է Թուրքական Dünya Bülteni կայքը:
Այն միաժամանակ տեղեկացնում է որ, Էշթոնը Թուրքիա է ժամանել՝ մասնակցելու համար վաղը Ստամբուլում կայանալիք Իրանի և «Վեցյակի» միջև «միջուկային» բանակցություններին:
Արտաքին գործերի նախարար Ահմեդ Դավութօղլուն՝ Թուրքիայի «անընդհատ վազքի մեջ գտնվող մարդը», իր խիստ զբաղված օրակարգին ավելացրել է նոր պարտականություն. ճանապարհորդել աշխարհով մեկ՝ փորձելով հավաքագրել «տրամաբանական» հայերին։
Դավութօղլուն ձեռնամուխ է եղել նման հուսահատ նախաձեռնությանը այն բանից հետո, երբ հայերին մասնատելու և նվաճելու, ինչպես նաև իրենց արդար դատի պայքարը թուլացնելուն ուղղված Թուրքիայի փորձերը ձախողվեցին։ Թուրքիայի արտաքին գործերի նախարարը խոստովանեց, որ իրեն այս հրատապ ջանքերին մղել է Հայոց ցեղասպանության մոտալուտ100–րդ տարելիցը, որը Դամոկլեան սուրի նման կախված է իր երկրի վրա։
Թուրք–հայկական հաշտեցման հանձնաժողովի լուծարումից և աշխարհով մեկ «բարեկամ» հայեր փնտրելու անօգուտ փորձերի ձախողումից հետո, Անկարան ձեռք քաշեց սփյուռքից և իր ուշադրությունը սևեռեց դեպի «ավելի մեղմ թիրախ»՝ Հայաստանի կառավարությանը։
Ի սկզբանե, Թուրքիան որոշ հաջողության հասավ, երբ երկու երկրները ստորագրեցին հայ–թուրքական արձանագրությունները՝ համատեղ սահմանները բացելու պատրվակով։ Այնուամենայնիվ, այս վերջին փորձը սեպ խրելու «մեղմ» հայ պաշտոնատարների և «անզիջող» սփյուռքահայերի միջև ևս ձախողության մատնվեց, երբ այդքան շատ գովազդված արձանագրությունները չվավերացվեցին։
Գիտակցելով, որ Թուրքիան ցեղասպանության հետ կապված հարցերը լուծելու համար ստիպված է գործ ունենալ ոչ թե պարզապես Հայաստանի, այլ նաև սփյուռքի հետ՝ Դավութօղլուն կրկին իր ուշադրությունը սևեռեց աշխարհասփյուռ հայկական համայնքների վրա։ 2010 թվականի մարտի 24–ին՝ «CNN–Turk»-ի հետ հարցազրույցի ժամանակ, նա հայտարարեց, որ Թուրքիայի իշխանությունները երկխոսություն կնախաձեռնեն «տրամաբանական» սփյուռքահայերի հետ։
Իր այս հնարամտությունը գործադրելու համար՝ 2010 թվականի ապրիլին Դավութօղլուն Վաշինգտոնում հանդիպեց Միացյալ Նահանգներում և Կանադայում Թուրքիայի դեսպանների, ինչպես նաև Չիկագոյուն, Հյուստոնում, Լոս Անջելեսում և Տորոնտոյում գլխավոր հյուպատոսների հետ։ Ըստ թուրքական «Today’s Zaman» թերթի՝ նախարարը հրահանգեց նրանց կապնվել այն հայերի հետ, ովքեր պատրաստ են մտնել երկխոսության մեջ և խուսափել «անզիջող խմբերից»։
Մի քանի շաբաթ անց, Հուրիեթը հաղորդեց, որ արտաքին գործերի նախարարությունը մշակել է 10 կետից բաղկացած մի ծրագիր, ըստ որի թուրք դիվանագետներն աշխարհում պետք է՝
1. հրավիրեն և ներգրավեն տեղի հայերին թուրքական միջոցառումներին,
2. մասնակցեն հայկական համայնքների կողմից կատարվող աշխատանքներին,
3. կապնվեն այն հայերի հետ, ովքեր ֆինանսական շահ ունեն ցեղասպանության պահանջ ներկայացնելուց, ինչպես նաև Թուրքիայից վերջերս արտագաղթածների հետ և Թուրքիա հրավիրեն նրանց, ովքեր տարածում են հակաթուրքական հայտարարություններ,
4. հաստատեն լավ հարաբերություններ հայ դիվանագետների հետ և մասնակցեն նրանց պաշտոնական միջոցառումներին,
5. օգտվեն տեղի համայնքներում և համալսարանական միջոցառումներին խոսելու հնարավորություններից Հայոց ցեղասպանության պնդումների վերաբերյալ Թուրքիայի դիրքորոշումը ներկայացնելու համար,
6. կապ հաստատեն տեղի մտավորականների հետ՝ Թուրքիայի դիրքորոշումը ներկայացնելու համար,
7. զարգացնեն կապերը Թուրքիայի հարևան երկրների դիվանագետների հետ և ծանոթացնեն նրանց Հայոց ցեղասպանության վերաբերյալ Թուրքիայի դիրքորոշմանը,
8. խրախուսեն «պատմաբանների համատեղ հանձնաժողովի» ստեղծումը,
9. խթանեն հայ–թուրքական հարաբերությունների կարգավորումը,
10. ընդգծեն, որ Ղարաբաղի հակամարտության խաղաղ կարգավորումը կնպաստի հայ–թուրքական հարաբերություններին։
2011 թվականի դեկտեմբերին Թուրքիան հայտարարեց «սփյուռքի» վերանայված իր հայեցակարգը, որը ներառում էր Անատոլիայի բոլոր «հետնորդներին»՝ անկախ նրանց կրոնից կամ դավանանքից։ Դավութօղլուն հրահանգեց բոլոր թուրք դիվանագետներին «առերես» հանդիպումներ ունենալ այդ անձանց հետ, որպեսզի քննարկեն իրենց «համատեղ պատմությունը» և «Համաշխարհային առաջին պատերազմի շրջանի իրադարձությունների ընթացքում բոլոր օսմանյան ժողովրդի տառապանքը»։
Գոհ չլինելով իր դիվանագետների աշխատանքից՝ Դավութօղլուն որոշեց անձամբ զբաղվել այս նոր նախաձեռնությամբ։ Անցյալ ամիս, նա մի քանի ժամ անցկացրեց Վաշինգտոնում առանձին հանդիպումներ ունենալով Լոս Անջելեսից մի քանի հայերի և ոչ հայերի հետ՝ քննարկելու համար «հայ–թուրքական հաշտեցման» հնարավորությունը։ Թուրքիայի արտաքին գործերի նախարարը հրավիրեց իր հյուրերին այցելել Անկարա և իրենց հետ բերել այլ «ականավոր» հայերի։ Այդ ժամանակից ի վեր Դավութօղլուն այլ վայրերում ևս ունեցել է նման հանդիպումներ։
Մինչ այդ, թուրքական նախաձեռնությամբ «Հայ–թուրքական հաշտեցման» հարցերով զբաղվող մի նոր խումբ կստեղծվի Վաշինգտոնում ապրիլի 12–ին։ «HasNa» խումբը հանդիպումներ կունենա Թուրքիայի կառավարության կողմից վարձված լոբբիստական ընկերության «Արնոլդ էնդ Փորթեր» գրասենյակներում։ Մասնակիցների շարքում կլինեն որոշ հայեր և թուրքեր, ԱՄՆ պետական պաշտոնատարներ, լրատմամիջոցների ներկայացուցիչներ, հասարակական կազմակերպությունների անդամներ, մտավորականներ և այլոք։
Այն հայերը, ովքեր կներգրավվեն Թուրքիայի հավաքագրման պլաններում, հավանաբար ձգտում են համբավի կամ հարստության, կամ բարի մտադրություն ունեցող միամիտ լավատեսներ են։ Այնուամանայնիվ, անկախ նրանից, թե որոնք են վիճահարույց գործելակերպերում ներրգրավվելու նրանց դրդապատճառները, պետք է ուշադիր լինեն իրենց գործողությունների հետևանքների մասին՝
1. Երկխոսությունը հանուն երկխոսության կարող է ավելի շատ վնաս, քան թե օգուտ հասցնել հայկական հարցին։ Թուրքիայի կառավարությունը կօգտագործի այդ ջանքերը, որպեսզի ստեղծի թյուր տպավորություն, որ հայերն ու թուրքերը հաշտեցման փուլում են՝ դրանով իսկ շեղելով Հայոց ցեղասպանության ճանաչումը այլ երկրների կողմից։
2. Եթե նախօրոք չհամաձայնեցվի, թե ինչ դրական արդյունքի են հասնելու այս բանակցություններում, հայ մասնակիցները ամենայն հավանականությամբ կմնան ձեռնունայն։
3. Միայն դիվանագիտական լուրջ փորձ ունեցող Հայաստանի պաշտոնատար անձինք և վստահելի սփյուռքի ղեկավարները պետք է բանակցեն խորամանկ և հմուտ թուրք դիվանագետների հետ։ Հակառակ դեպքում թուրք պաշտոնատարները խելամտորեն գործարք կկնքեն այն անձանց հետ, ովքեր հակված են ավելի քիչ պահանջկոտ և ավելի շատ զիջող լինելու։
Հարութ Սասունյան
«Կալիֆորնիա Կուրիեր» թերթի խմբագիր
Թարգմանիչ՝ Կարինե Գևորգյան
Ինչպես տեղեկացնում է «Լայֆ Նյուզ»-ըՄոսկվայի Քրեական հետախուզության աշխատակիցները Պենզայում և Ռոստովի մարզում իրականացրած մի շարք սպանությունների կասկաանքով ձերբակալել են հայազգի դիպուկահարի:
Քննիչները պարզել են, որ 52-ամյա տղամարդը 2006թ-ից հետախուզման մեջ է գտնվել:
«Երբ հանցագործը եկավ Մարյինո շրջանի բնակարաններից մեկը, այնտեղ նրան ձերբակալեցինք»,- նշել են ՄՔՀ-ի մամուլի ծառայությունից:
Մերսեդես մակնիշի մեքենայում, որով եկել է դիպուկահարը, հայտնաբերվել է «Մակարով» տեսակի ատրճանակ և 7 փամփուշտ:
Հետախուզելով նրա բնակարանը, քննիչներն այնտեղ գտել են CZ տեսակի ատրճանակ, խլացուցիչ, ինչպես նաև տարբեր տրամաչափերի 644 փամփուշտ:
6 մայիսի խորհրդարանական ընտրութիւններուն նախընտրական քարոզարշաւը պաշտօնապէս սկսած է արդէն: Երեւոյթները ցոյց կու տան, որ համամասնական թէ մեծամասնական ընտրակարգերով առաջադրուած կուսակցութիւններն ու պատգամաւորական թեկնածուները իւրաքանչիւր օր ու ժամ լիարժէք օգտագործելու ուղղութեամբ յստակօրէն տրամադրուած են: Եւ ասիկա հասկնալի է անշուշտ, մանաւանդ նկատի ունենալով քարոզարշաւի սահմանափակ ժամանակը եւ այդ ժամանակի ընթացքին հասարակութեան համոզիչ ու հաւաստի ներկայանալու նպատակի իրականացման համար թափուող առաւելագոյն ճիգերը:
Քարոզարշաւի այս ժամանակահատուածի բովանդակային բաժինը կրնա՞յ արդեօք նախանշել բուն ընտրութեան օրուան էութիւնը, յատկապէս յայտարարուած հրապարակային յանձնառութիւններու առարկայացման առումով` ընտրական համակարգին եւ ա՛յս ընտրութիւններուն նոր որակ հաղորդելու եւ նոյնիսկ աննախընթացութիւն ապահովելու իմաստով:
Եւ անմիջապէս երկրորդ հարցը. քարոզարշաւին բերած քաղաքակիրթ բնոյթը, հանդուրժողականութիւնն ու ժողովրդավարական երկիրներուն յարիր ընտրարշաւի մշակութային նորարարութիւնը բաւարա՞ր են ընտրութիւններուն նոր որակ հաղորդելու եւ աւելի յստակ` արդար, ազատ եւ թափանցիկ ընտրութիւններ ապահովելու:
Կարեւոր փուլ է անշուշտ ընտրարշաւի հանգրուանը: Կարճ ժամանակի վրայ երկարող յետադարձ հայեացքը կրնայ նախանշել ընտրական համակարգի հետագայ հանգրուաններու եղելութիւնները: Իշխանութիւններուն կողմէ կատարուած հրապարակային յայտարարութիւնները այս ընտրութիւններուն որակական յեղափոխութիւն յառաջացնելու, ամէն մարդէ առաջ իշխանութիւններունը սեպելու արդար ընտրութիւններ կազմակերպելու հրամայականը եւ եւրոպական կառոյցներու ներգրաւուածութեան եւ համարկման համապետական քաղաքականութեան իրականացման համար ընտրութիւններու կազմակերպման թէ՛ մեքենականութեան եւ թէ՛ բովանդակութեան նախանձախնդիր ըլլալու հրապարակային ելոյթները. տակաւին` համաձայնական կառավարութեան մաս կազմող ուժերու առանձին ցուցակներով ներկայանալու փաստն ու մանաւանդ այդ կուսակցութիւններու ընտրական համագումարներու կազմակերպման համար ապահովուած նոր տարողութիւններն ու ձեւերը կ՛ընդգծէին համընդհանուր մօտեցում մը` այս ընտրութիւններուն առայժմ գէթ իբրեւ ձեւ նորարարութիւններով ներկայանալու փաստերը:
Այս բոլորին զուգահեռ սակայն, 100 առ հարիւր համամասնական ընտրակարգ որդեգրելու մերժումը` խուսափողական ոչ հիմնաւորեալ առարկութիւններով, խորհրդարանական ընտրութիւնները անմիջականօրէն կանխած տեղական ինքնակառավարման մարմիններու ընտրութեան ցուցաբերուած օրինակները, թեկնածուներու գրանցումի կամ մերժումի քաշքշուքները, հրապարակուած ընտրացուցակներու ցայտուն անճշդութիւնները. տակաւին` ազատ ընտրութիւններ կազմակերպելու համար միջկուսակցական կեդրոնի կառոյցէն իշխող կուսակցութեան խուսափումը մտածել կու տան, որ որակական յեղափոխութիւն ձեռք բերելու աշխատանքները պիտի հանդիպին արգելակիչ խոչընդոտներու:
Նախընտրական, աւելի ճիշդը նախաքուէարկական քարոզարշաւին քաղաքակիրթ էութիւն ապահովելը բազմակողմանի յանձնառութիւններ կ՛ենթադրէ անշուշտ: Քարոզարշաւը չսկսած թեկնածուի մը նկատմամբ բռնութեան կիրարկումը հանգստացնող նախաբան չէ անշուշտ հետագայ դիպաշարը գնահատելու առումով: Այսուհանդերձ, ամբողջ պետութեան շահերէն կը բխի ներկայ ժամանակահատուածին փոխադարձ հանդուրժողականութեան երեւումը: Մնացեալը հաւաստի դառնալու խնդիր է. եւ խորքին մէջ չորս շաբթուան ժամանակամիջոցը իրականացուած-չիրականացուածի առարկայական հանրագումարի ներկայացումն է եւ ոչ թէ խոստումներու տեղատարափը: Խոստումներու բարձրաձայնումը, մանաւանդ չափի հասկացողութեան կորուստով, կրնայ հարուածել նոյնինքն հաւաստիութիւնը:
Առանց իրագործման միջոցներու համոզիչ նշումներուն, առանց դժուարութիւններու յաղթահարման համար ճիշդ ուղիները տեսանելի դարձնող խոստումները, առանց ապացուցուած գործի, ընտրազանգուածը չյարգելու համազօր արարքի կրնան վերածուիլ, ժամանակաւոր հրապարակային ընտրակաշառքի ազդեցութիւն կը գործեն եւ որեւէ կերպով չեն նպաստեր տեղեկացուած քաղաքացիի կազմաւորման առաջադրանքներու իրականացման:
Կարեւոր փուլ է նախընտրական քարոզարշաւը: Անիկա ըստ ձեւի քաղաքակիրթ բնոյթ կրելով հանդերձ պէտք է ըստ բովանդակութեան ծառայէ նաեւ ընտրազանգուածի յարգումին եւ տեղեկացուած քաղաքացիի ձեւաւորման առաջադրանքին:
Շահան Գանտահարեան
«Ազդակ»ի գլխաւոր խմբագիր
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով վերահսկողությունից
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.