18.05.2024 | 12:10
Կիրանցեցիներին ասել են՝ պետք է լքեք ձեր տները. Գառնիկ Դանիելյան...18.05.2024 | 11:10
Ինչ են առաջարկում քաղաքական ուժերը Բագրատ Սրբազանին․ «Հրապարակ»...17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...10.05.2024 | 12:09
Բագրատ Սրբազան. Արթմության զգացումը կա, այս բոլորն այլևս պետք է տեղափոխվի քաղաքա...09.05.2024 | 15:10
Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հա...ՀՀ կառավարության բարեգործական ծրագրերի համակարգման հանձնաժողովի նախագահ Սիմոն Տեր -Սիմոնյանին հանդիպեցինք մի առիթով, որը կներկայացնենք մեկ այլ հրապարակման մեջ: Մեր զրույցը ծավալվեց նաև ստորև բերվող թեմաների շուրջ, որն էլ ներկայացնում ենք «Հայկական Վարկած»-ի ընթերցողին.
-Քա՞նի անդամ ունի հանձնաժողովը.
-27 անդամ: Նրանցից 17 -ը նախարարի առաջին տեղակալներն են, 10-ն էլ՝ հասարակական կազմակերպությունների ղեկավարներնը: Դրանք են՝ Հայ օգնության ֆոնդ, Կարմիր խաչ, Հայ Ավետարանչական ընկերություն, Մայր Աթոռ եկեղեցի, Համահայկական հիմնադրամ, Բարեգործական ընդհանուր միություն, այս բոլորի տնօրենները հանդիսանում են մեր հանձնաժողովի անդամներ: Այսինքն, մեզ մոտ որոշումը կայացվում է թափանցիկ, բոլոր հասարակական կազամակերպությունների քվեարկությամբ:
-Մայր Աթո՞ռն էլ է ՀԿ-ի կարգավիճակում. չէ՞ որ այն ազգային կառույց է, ազգային գործունեություն է իրականացնում.
— Բոլոր այն կազմակերպությունները, որոնք գրանցված են ՀՀ-ում, դրանք առևտրային գործունեությամբ զբաղվող, կամ հասարակական կազմակերպություններ են: Չկա ուրիշ տարբերակ: Իսկ Մայր Աթոռն, այո, հասարակական գրանցված կազմապերպություն է:
Երկրագնդում մի հասարակական կազմակերպություն կարողանում է պետություն ճանաչել, և ամբողջ աշխարհը այդ պետությունը ճանաչում է պետություն: Դա ՄԱԿ-ն է: 1946 թվականի մայիսի 14-ին ՄԱԿ-ի եզակի որոշմամբ ճանաչվեց Իսրայելը՝ որպես պետություն, և ամբողջ աշխարհը ճանաչեց այդ պետությունը:
Հայաստանի Հանրապետության համար էլ հեղինակավոր պետություն ճանաչվում է Մայր Աթոռը: Մայր Աթոռն առևտրային գործունեություն իրականացնելու իրավունք ունի, որովհետև բոլոր հասարակական կազմակերպությունները, եթե իրենց կանոնադրությունում ունեն, որ իրենք իրավունք ունեն զբաղվելու առևտրային գործունեությամբ, իրենք իրավունքը ձեռք են բերում՝ արդեն պետական ռեգիստրում գրանցվելուց հետո:
Մենք կանոնադրության մեջ նայում ենք, եթե կան կետեր, որ իրենք իրավունք ունեն առևտրային գործունեությամբ զբաղվել, մենք էտ նույն բանը տեղեկացնում ենք նաև Արդարադատության նախարարության պետական ռեգիստրին, որ մեզ մոտ գրանցվել է մի կազմակերպություն, որը իրավունք ունի նաև առևտուր անել: Այսինքն, եթե նա իրականացնի առևտրային գործունեություն, նա պետք է վճարի բոլոր հարկերը: Իսկ ինչը-որ կիրականացվի մեր հանձնաժողովի որոշմամբ, և իր գործունեությունը կորակվի բարեգործական, ապա այդ մասով հարկերից կազատվի:
Մենք այնպես ենք արել, որ կրոնական խտրականություն չլինի, որ չորոշենք, թե Ավետարանական եկեղեցու որևէ ծրագիր մերժում ենք, իսկ Մայր Աթոռի բոլոր ծրագրերը անցկացնում: Այդ պատճառով Վեհապարտելին ևս մեր հանձանաժողովի անդամներից է:
-Բայց վերաբերմունքը հավասարաչա՞փ է, և այդպե՞ս պետք է լինի.
-Լրիվ հավասար է մեր հանձնաժողովում: Մենք Մայր Աթոռին էլ ենք մերժել շատ անգամ: Եղել է Մայր Աթոռի կողմից ներկրվող ապրանք, որը հանձնաժողովը չի գտել, որ բարեգործական է: Շատ բան մերժել ենք նաևԱվետարանչականին:
-Անցյալ տարվա և այս տարվա ի՞նչ բարեգործական ծրագրեր կան.
-Այս տարվա ծրագրերի մասին ոչինչ չեմ կարող ասել, ինֆորմացիա տրամադրել, հիմա ընթացքի մեջ են հաշվետվությունները: Մենք մինչև ապրիլի 15-ը պետք է հաշվետվություն ներկայացնենք կառավարությանը:
-Իսկ կարո՞ղ եք ներկայացնել ընդհանուր պատկերը.
— 2012 –ին թվականին իրականացված ծրագրերի 80 տոկոսը գնացել է հիմնականում առողջապահական ոլորտ: Միայն ներկրումները չեն, մենք ծրագրեր ունեինք 2013-ին, որի ծրագիրը հաստատվել է դեռևս 2012-ին: Շատ մեծ գումար է դրվել, Ստեփանակերտ քաղաքում հիվանադանոցի կառուցման համար: Ունենք 2012-2013 թթ ընթացքում՝ Գորիսի սրտաբանական հիվանդանոցը, որը կառուցվեց ֆրանսիացների կողմից, դա էլ շատ մեծ գումար է: Եվ դրա հետ միասին նաև Հայաստանի համահայկական հիմնադրամի գումարները նույնպես օգտագործվեցին Մարտակերտում հիվանդանոցի կառուցման համար և նաև Հայաստանում՝ մոր և մանկան կենտրոնի կառուցման նպատակով: Գլոբալ ֆոնդն իրականացնում է ծրագրեր սպիդի, տուբերկոլյոզի դեմ պայքարի շրջանակներում:
Եթե համեմատենք 2001-2014 թթ.-ը, կարող եմ ասել, որ 2001-2004 թթ ունեինք մեծ քանակությամբ բեռների ներմուծում, ասենք, մի անգամվա օգտագործելու ապրանքներ, ինչը մեզ զարգացման չէր տանում, իսկ այսօր մենք ունենք մեծ քանակությամբ շինարարություն իրականացնելու ծրագրեր` դպրոցների ջեռուցման, բարեկարգման, վերանորոգման ծրագրեր համարյա բոլոր համայքներում:
Մեծ ծրագրեր են իրականացվում գյուղական համայանքերի զարգացման հետ կապված, ծրագիրը հաստատել ենք 2013-ին, որը շարունակվում է 2014-ին: Իրականացնում է «Հայաստանի մանուկներ» հիմնադրամը՝ դոկտոր Կարո Արմենի գլխավորությամբ, որը բժիշկ է:
Նախանցյալ տարվա և անցյալ տարվա մեջ ունեինք 6 համայնք Արմավիրի մարզում, Քարակերտից սկսելով ծրագիրն անցավ մյուս համայնքներին: Այս տարի արդեն մենք ունենք 30 համայնքներ, որտեղ ծրագիր կիրականացնենք, հիմնական սահմանամերձ հատվածում ընկած գյուղական համայանքների զարգացման ծրագիր է, որ գյուղերից մարդիկ չթողնեն, դուրս չգան, ունենան հիմնական զբաղմունքներ: Ջրագծերի կառուցումն է , դպրոցներ, մանկապարտեզներ, խաղահրապարակներ և կուլտուրայի տներ: Այսինքն, կարվի այնպես, որ կոնկրետ այդ համայնքներում մարդիկ ունենան զբաղմունք, ունենան հնարավորություն՝զբաղվել տնտեսությամբ, ունենան հանգստի գոտիներ:
-Գործունեության ընթացքում նեգատիվ երևույթներ եղե՞լ են՝ գումարների չարաշահում և այլն, իրավապահներին հանձնելու գործեր.
— Անկեղծ ասած, չկա գործ, որ մարդիկ չպրպտան՝ մեջը բան գտնելու, բայց երբ լինում է էդպիսի բան, մենք միանգամից դիմում ենք իրավապահ մարմիններին:
-Քա՞նի ընթացիկ գործ կա դատախազությունում.
— Այս տարի դեռ ոչ մի գործ չենք ուղարկել: Անցյալ տարվա գործերից մեկ- երկուսը կան, որոնք ոչ թե մենք ենք ուղարկել, այլ իրենք են հետաքրքրվել: Մենք չենք զբաղվում, եթե մեզանից պահանջում են տեղեկատվություն, մենք տալիս ենք:
-Ասացիք, որ 70-ից ավել գործ եք ուղարկել դատախազություն.
-Դա այս տաս տարվա մեջ:
-Հետևո՞ւմ եք, թե ուղարկում եք և վերջ.
-Եթե գործը ընթացքի մեջ է եղել, մենք անպայման մասնակցել ենք դատական պրոցեսներին, իսկ եթե կասեցվել է, մեզ անպայման հիմնավորում է ուղարկվել: Քրիստոնեական մշակութային ծառայությունների հետ ինչ-որ հարցեր կար, Կոշիկի տուփ ծրագրի վերաբերյալ, որտեղ չարաշահումներ էին եղել, դրա հետ կապված մտանք դատարան, և 3 դատով կարողացանք հաղթել:
Եթե մենք ենք դիմում, այսինքն կասեցնում ենք, նոր դիմում ենք գործունեությունը դադարեցնելու, իսկ եթե դատախազությունն է զբաղվում, արդեն չգիտենք, կասեցնում է գործունեությունը, թե՞ ոչ: Բայց ես գիտեմ, որ դա իրավապահ մարմինների իրավունքն է, ստուգել բոլոր այն կազմակերպություններին, որոնք արտասահմանյան միջազգային կազմակերպություններ են հանդիսանում: Մենք տեղեկատվություն ենք տալիս բանկերին, Կենտրոնական բանկին, այն գումարների մասին, որոնք գալիս են՝ որտեղից են, որ բարեգործի կամ կազմակերպության կողմից: Դրանով փողերի լվացման և հակատեռորիզմի դեմ պայքարի հանձնաժողովն է զբաղվում, մենք նրանց անպայման ուղարկում ենք, եթե մի կազմակերպության գումարը 100.000-ից անցնում է, իրենք ճշտում են, կոնկրետ կազմակերպությունն ինչով է զբաղվում դրսում, այդ գումարները որտեղից են գալիս ՀՀ: Այդ տարբերակները մենք անպայման ուղարկում ենք ստուգելու և պատասխանն էլ ստանում ենք: Սակայն դեռ հանձնաժողովից չենք ստացել պատասխան՝ որևիցե կազմակերպության գործունեության դադարեցման վերաբերյալ: Բայց, քանի որ օրենքը գրված է, մենք պարտավոր ենք ուղարկել:
Հոդվածի առիթ հանդիսացավ Սահմանադրական դատարանում քննարկվող կենսաթոշակային պարտադիր կուտակային համակարգի մասին օրենքը, որի ժամանակ ելույթ ունեցավ Աշխատանքի և սոցիալական հարցերի նախարարը:
Ինքը՝ նախարարը խոստովանեց, որ հասարակությունը դեմ է պարտադիր կուտակային կենսաթոշակային համակարգին, որովհետև տեղյակ չէ օրենքին: Ակամայից հիշեցի, որ դեռևս հունվար ամսին երկրի նախագահը տարբեր գերատեսչություններում, հանդիպումների ժամանակ, պահանջեց, ժողովրդին լայնորեն տեղեկացնել նոր օրենքի դրական և անհրաժեշտ բաղադրիչների մասին:
Մի՞թե կառավարությունը իր ողջ ներուժով ու գերատեսչություններով չկարողացավ ստեղծել մասնագետների մի խումբ, որոնք կկարողանային կազմակերպել քննարկումներ ու հանդիպումներ՝ ժողովրդին տեղեկացնելու կենսաթոշակային բարեփոխման դրական կողմերը և համապետական նպատակահարմարությունը:
Այսինքն՝ երկրի նախագահի պահանջը կարևորագույն բարեփոխման մասին անտեսվել է: Այն, որ ՀՀ նախագահի խոսքն արդեն արժեք չունի երկրում, մտորելու տեղիք է տալիս, սակայն ծանոթ լինելով, թե ինչպիսի քաղաքական ուժերի վրա է հենվում ՀՀ նախագահը, ակամայից հարց է ծագում, թե՝ այդ քաղաքական հենարանը նրան բարեկամ է, թե՞ դավաճան:
Բերենք մի քանի օրինակներ. հասարակական բուռն շարժումների շրջանում, երբ մարդիկ օգտվելով իրենց ազատությունից, տարբեր հավաքների, երթերի, միտինգների ժամանակ իրենց կարծիքն են արտահայտում, Գալուստ Սահակյանը, մեջբերելով Հովհաննես Թումանյանի խոսքերը, այդ շարժումները բնութագրում է որպես կործանարար ամբոխի ելույթ, իսկ Կրթության և գիտության նախարար Աշոտյանը կարևորագույն նշանակության հարցերի քննարկման ժամանակ, ինքնավստահ ցինիզմով, (որը նրան տվել է իշխանական աթոռը և ոչ նրա անձի արժանիքը), վիրավորում է պատգամավորներին: ՀՀԿ անդամները իրենց պահվածքով ցույց են տալիս, որ նրանք հասարակության հետ չեն, և ժողովրդավարական ցանկացած շարժում ընդունում են թշնամաբար:
Վերջին շրջանում, բոլոր կարևորագույն հարցերի քննարկման ժամանակ իշխանության ներկայացուցիչներ ՀՀԿ-ական պատգամավորներն ու կառավարության անդամներն ամբարտավան կեցվածքով փողոցի տղայական պահվածքով հարցերի քննարկումը տանում են վիրավորանքների դաշտ, որովհետև նրանց մոտ բացակայում է հարցերի խորը համակողմանի վերլուծությունների ունակությունը և հստակ պատասխանները:
Այսպիսի հասարակական -քաղաքական իրականության մեջ առավել, քան դրական են երևում ընդդիմադիր պատգամավորներն՝ իրենց գիտական ու ազգային մոտեցմամբ:
Բոլորին է հայտնի, որ ՀՀԿ-ն՝ որպես կուսակցություն, քաղաքական դաշտում գոյություն ունի միայն իշխանության թույլտվությամբ ու հովանավորությամբ, սակայն ՀՀԿ-ն այսօր խանգարում է անգամ իշխանություններին՝ իր ոչ ազգային ու թույլ պրոֆեսիոնալ պահվածքով: Որպես քաղաքական կուսակցություն՝ այն հենվելով Աշոտ Նավասարդյանի ու Անդրանիկ Մարգարյանի ստեղծած գաղափարական հենքի վրա, չզարգացրեց այն, որովհետև մերօրյա ՀՀԿ -ականներին ոչ թե գաղափարներն են հետաքրքրում, այլ կուսակցության ընձեռած իշխանական և բիզնես հնարավորությունները:
Կառավարությունը հանրության կողմից բարձրացված ոչ մի հրատապ հարցի չի կարողանում պատասխանել և փորձում է խոհափիլիսոփայական կամ ամբարտավան խոսքերով ծածկել հասարակական հետաքրքրություն ներկայացնող խնդիրներն ու դժվարությունները:
Երբ փոխվարչապետն ի լուր Հայաստանի Հանրապետության, Ազգային ժողովի ամբիոնից հայտարարում է, որ կառավարության ուշադրության կենտրոնում են սահմանամերձ բնակավայրերը, և հսկայական միջոցներ են ծախսվում՝ կրթակենցաղային շինությունների վերանորոգման ու ճանապարհների բարեկարգման վրա, այդ նույն սահանամերձ բնակավայրերի բնակիչները հիասթափվում են և իշխանություններից, և երկրի նախագահից, որովհետև նրանք մի կերպ են քանդուքարափ ճանապարհներով, հասնում իրենց բնակավայր, տեսնում փակված դպրոցներ ու մանկապարտեզներ, երկաթյա կողպեքներով փակված դարպասների դռներ և հասկանում են, որ իրենք ոչ ոքի պետք չեն: Մինչդեռ իշխանավորները ստում են և էլ ավելի լկտիանում ու թալանում:
Մի՞թե դա դավաճանություն չէ երկրի նախագահի նկատմամբ, երբ իրական պատկերը ներկայացնելու և բարեփոխումների ուղիներ ծրագրելու փոխարեն՝ ոչինչ չասող հայտարարություններ են անում նպաստելով երկրի կործանմանը:
Սերժ Սարգսյանն այսօր չունի քաղաքական հենարան, նա հենվում է մարդկանց վրա, ովքեր իրենց անգործությամբ ու անհատական թույլ որակներով դավաճանում են իրեն:
Շարունակելի…
Պատմաբան-հասարակագետ,
Արցախյան ազատամարտի մասնակից Վոլոդյա Հովհաննիսյան
Այսօր ՎԱՐԿԱԾ ակումբում Քեսաբից նոր ժամանած եղբայրներ Սերժ և Արամ Քալլուկյանները տեղեկացրեցին, որ սոցցանցերում տարածված տեսանյութերն ու լուսանկարները Քեսաբից չեն և դրանցում սպանված կամ բռնության ենթարկված անձիք քեսաբահայեր չեն:
Նրանց վերջին տեղեկությունները ստացվել են այսօր առավոտյան:
«Քեսաբում ոչ մի կապի միջոց չի աշխատում, ուստի իբր այնտեղից տեղադրված և տարածված բոլոր նյութերը չեն կարող համապատասխանել իրականությանը: Կխնդրեինք չտարածել այդ սուտ տեղեկությունները, որովհետև դրանք միայն վնասում են քեսաբահայերին: Քեսաբում երեխաներ չեն սպանվել և ոչ մի հայ զոհ, բարեբախտաբար, չի եղել»,-նշեց Սերժ Քալլուկյանը:
Ինչ վերաբերում է այն հարցին, թե արդյո՞ք կան կորածներ, Արամ Քալլուկյանը հայտնեց, որ կորածների թիվը մոտ 30-40 հոգի է: Նրա խոսքով, անվանացուցակ է կազմված, սակայն ճշգրտված չէ:
Նշենք, որ երիտասարդների ծնողներն օրեր առաջ են տեղահանվել Քեսաբից՝ նրանց մորեղբայրների, մորաքրոջ և պապիկի հետ միասին:
«ՎԱՐԿԱԾ» ակումբում լրագրողներին տրամադրվեցին բացառիկ լուսանկարներ և տեսաձայնագրություն քեսաբյան իրական իրադարձություններից, որոնք արվել են վերջին օրերին:
[nggallery id=147]
Երևանի Կենտրոն և Նորք-Մարաշ շրջանների դատարանում՝ դատավոր Արշակ Վարդանյանի նախագահությամբ, տեղի ունեցավ Էլհամ Շիրխանիի և Զոհրաբ Ստեփանյանի դատական նիստը:
Իրանի Իսլամական Հանրապետության քաղաքացի Էլհամ Շիրխանին, 2013 թվականի նոյեմբերի 8-ին, ՀՀ պետական սահմանի Մեղրիի մաքսակետով Իրանից ժամանելով Հայաստան, մաքսային հսկողությունից իր հեշտոցում թաքցրել է ապահովիչի մեջ փաթեթավորված 13,744 գրամ քաշով «մետամֆետամին», 86 հատ՝ ընդհանուր 0,43 գրամ քաշով «մեթադոն» տեսակի թմրամիջոց հանդիսացող հաբեր, որոնք տեղափոխել է Երևան՝ իր ծանոթին՝ Զոհրաբ Ստեփանյանին իրացնելու նպատակով:
Վերջինս, սակայն, չի հասցրել թմրամիջոցները գնել, քանի որ նույն օրը ՀՀ Ոստիկանության Կազմակերպված հանցավորության դեմ պայքարի վարչության աշխատակիցները, օպերատիվ տվյալները իրացնելով, բերման են ենթարկել Զոհրաբ Ստեփանյանին և էլհամ Շիրխանիին, որի անձնական խուզարկությամբ թմրամիջոցները հայտնաբերվել են։
Է.Շիրխանիի մոտ հայտնաբերվել է նաև հոգեմետ նյութ հանդիսացող, ընդհանուր 0,39 գրամ քաշով 39 հաբ «Նորտրիպտիլին» անվանումով դեղամիջոցներ, որոնք վերջինս ապօրինի, մաքսային հսկողությունից թաքցնելով, Հայաստան էր ներկրել՝ իր կողմից օգտագործելու նպատակով:
Ըստ Զոհրաբ Ստեփանյանին առաջադրված մեղադրանքի՝ նա, 2013 թվականի օգոստոս ամսին ծանոթանալով Իրանի Իսլամական Հանրապետության քաղաքացի էլհամ Շիրխանիի հետ և տեղեկանալով, որ վերջինս զբաղվում է Իրանից Հայաստան ներկված թմրամիջոցների իրացմամբ, ցանկացել է նրանից ապօրինի ձեռք բերել «մեթադոն» և «մետամֆետամին» տեսակի թմրամիջոցներ։
Դատարան բերված էլհամ Շիրխանիին նիստերի դահլիճ չբերեցին, քանի որ չէր ներկայացել նրա թարգմանիչը:
Զոհրաբ Ստեփանյանն իրեն զգում էր ինչպես տանը, իսկ նրա ընկերները, որոնք կամ թմրամոլներ էին, կամ ալկոհոլի ազդեցության տակ, միմյանց հետ ողջագուրվելուց հետո մեղադրողի հետ մի կարճ «ընկերական» զրույց ունեցան: Դատական նիստը հետաձգվեց մինչև սույն թվականի ապրիլի 11-ը: Չէր ներկայացել նաև Զոհրաբ Ստեփանյանի պաշտպանը:
Մարիանա Պետրոսյան
Նորակառույցներում բնակարանների բազմակի վաճառքի ամոթալի փաստի վերաբերյալ Հայաստանում պայթած սոցիալական բունտերից մեկի դատավարությունը շարունակվում է շուրջ 2 տարի, և մինչ օրս իր տրամաբանական լուծումը չի ստացել:
Երևանի Կենտրոն և Նորք-Մարաշ վարչական շրջանների դատարանը՝ դատավոր Արշակ Վարդանյանի նախագահությամբ, որոշում ընդունեց գործի քննությունը շարունակել ամբաստանյալներից մեկի՝ Սիմոն Աղազարյանի մասով:
Հիշեցնենք, որ բնակարանների հետ կապված խաբեության մեջ Սիմոն Աղազարյանին մեղադրանք է առաջադրվել այն բանի համար, որ նա, հանդիսանալով «Գապբնակշին» ՍՊԸ-ի փոխտնօրեն, նույն ընկերության տնօրեն Գագիկ Պապոյանի հետ նախնական համաձայնությամբ, Արամի փողոցի 72-80 հասցեում հիշյալ ընկերությանը հատկացված 3850 քմ մակերեսով հողատարածքում կառուցվող բազմաբնակարան շենքում բնակարաններ վաճառելու պատրվակով, 2005-2011թթ ընթացքում, բազմաթիվ քաղաքացիների վստահությունը չարաշահելով, միասնական դիտավորությամբ հափշտակել են 1.253.891.550 ՀՀ դրամ:
Աղազարյանը շուրջ 65 քաղաքացիների հետ կնքել է անշարժ գույքի նախնական առքուվաճառքի մասին պայմանագրեր, սակայն մինչ օրս նրանցից և ոչ մեկին բնակարանով չի ապահովել:
Դատարանում զրուցեցինք Աղազարյանի գործողություններից տուժած քաղաքացիներից մեկի՝ Սոնիկ Մաղաքյանի հետ:
«Ես մի ամբողջ կառավարության կողմից եմ տուժած, քանի որ այս գործում մեկ կամ երկու հոգի չեն խառնված: Ինքս գումարը տվել եմ անձամբ Պապոյան Գագիկին, նա իմ գումարով շենք է կառուցել, իսկ Սիմոն Աղազարյանի կեղծ, վաշխառու գնորդն էլ իմ տունը տարել է: Ինձ ասում են, որ եթե փողը տվել եմ Գագիկին, ուրեմն նրանից եմ տուժել,սակայն ես համամիտ չեմ, քանի որ այստեղ մի ամբողջ համակարգ է գործում: Այս երկուսը պարզապես խամաճիկներ են: Հափշտակել են մեր գումարները,իսկ մեզ ձևական պայմանագրեր տվել: Կարող եմ ասել ,որ Գագիկ Պապոյանն այս ամբողջ համակարգում «չարյաց փոքրագույնն է»,-նշեց նա:
Տուժածների և վկաների մեծ մասի բացակայության պատճառով՝ դատը նորից հետաձգվեց մինչև սույն թվականի ապրիլի 4-ը, և որոշում կայացվեց նորից ծանուցել տուժած կողմերին, իսկ չներկայանալու դեպքում՝ արդեն բերման ենթարկել:
Հ.Գ. Դատավարությունը բավականին երկար տևեց, քանի որ դատավորը «դասը լավ չէր սերտել», և ստիպված էինք սպասել մինչ նա ծանոթանար գործի ընթացքին: Այնպիսի տպավորություն էր, թե նա չի հասկանում գործի նյութերի ձեռագիրը: Բացի դա, նա անընդհատ ծարավում էր, և կարգադրիչները ջուր էին հասցնում դատավորին:
Մի հանգամանք էլ. նիստին չներկայացած տուժածների մեծ մասը գտնվում էին արտերկրում:
Մարիանա Պետրոսյան
Քեսաբում տեղի ունեցող իրադարձությունների մասին «Հայկական Վարկած»-ը զրուցեց արևելագետ Արմեն Պետրոսյանի հետ:
—Կասե՞ք Քեսաբից վերջին տեղեկություններին ծանոթ եք, ի՞նչ իրադրություն է այնտեղ.
-Ինչպես գիտենք՝ Քեսաբում, ինչպես նաև հարակից շրջանում, շարունակվում են մարտական գործողությունները: Տեղեկատվությունները հակասական են, իրարամերժ: Սիրիական կառավարական լրատվամիջոցները հայտնում են իրենց հաջողությունների մասին, ընդդիմադիրները փորձում են հերքել պետական լրատվամիջոցների տեղեկատվությունը: Մշակութային, կրթական, եկեղեցական, համայնքային կառույցների մասին լուրերը ևս հակասական են՝ որոշ աղբյուրներ նշում են, որ վնաս են հասցվել, իսկ որոշ ընդդիմադիր աղբյուրներ նշում են, թե անգամ մատով չեն դիպչել մեր հայկական հաստատություններին:
Ինչպես գիտենք, շրջանից բնակչությունը տարհանված է, տարածքը գրեթե դատարկ է, և բնականաբար, մարդկային կորուստների մասին ևս չկա տեղեկատվություն: Հայտնի է նաև, որ շրջանում ընթացող ռազմական գործողությունների ընթացքում զինյալների շարքերում սպանվել են նաև ազգությամբ թուրքեր, ադրբեջանցիներ, ռուսախոս «ջիհադականներ»:
-Ի վերջո, ո՞րն էր պատճառը, և ո՞վ է մեղավոր. ինչո՞ւ պետք է Թուրքիան նման կերպ վարվեր՝ Ցեղասպանության տարելիցին ընդառաջ, այդ կերպ ևս մեկ անգամ սևացնելով իր անունը.
-Քեսաբը ռազմավարական նշանակություն ունեցող դիրք ունի, և վաղ թե ուշ, այդ հարձակումն իրականացվելու էր: Հարձակումը պետք է կապել մի քանի գործոնների հետ. Նախևառաջ, աշխարհաքաղաքական իրավիճակի՝ մասնավորապես Ղրիմի, և ընդհանրապես Ուկրաինայի շուրջ տեղի ունեցող իրադարձությունների հետ, երբ գերտերությունները զբաղված էին ուկրաինական հակամարտությամբ, և մենք գիտենք, որ Ղրիմի հարցում շահեր ուներ նաև Թուրքիան, իսկ ստեղծված իրավիճակում, բնականաբար, տարածաշրջանային խաղացողները փորձում են այլ կերպ լուծում Սիրիայի հիմնախնդրին:
Սիրիա, Իրան, Իրաք, «Հիզբալլահ» շիական առանցքի՝ մի կողմից, Պարսից ծոցի միապետությունները և Թուրքիան մյուս կողմից՝ նրանց միջև է տեղի ունենում հակամարտությունը և, բնականաբար, իրենց ազդեցությունն ունեն և փորձում են իրենց ծրագրերն իրականացնել սիրիական հակամարտության շրջանակներում, յուրաքանչյուրն իր հովանավորյալ կողմի վրա ազդելով. շիական առանցքը՝ վարչակարգի վրա խաղադրույք կատարելով, իսկ սուննիական պետությունները՝ ընդդիմության և դրան հարող տարաբնույթ խմբավորումների միջոցով:
Ասածս գործընթացների շրջանակներում՝ տեղի ունեցավ հարձակումը Լաթակիայի դեմ: Լաթակիան հիմնականում ալավիներով բնակեցված նահանգ է (դա իսլամի այն ուղղությունն է, որին պատկանում է նաև Բաշար ալ Ասադը) և սիրական հակամարտության ողջ ընթացքում կառավարական զորքերը փորձել են անառիկ պահել այն: Այդ գրոհն ուղղված էր հենց սիրական իշխանությունների դեմ և նպատակ ուներ ուժգին հարված նրանց դիրքերին արդեն երկրի հյուսիս-արևմուտքում: Մարտավարական քայլ էր, և նպատակը երկրի հարավից և հարավ-արևմուտքից ռազմական ստորաբաժանումների տեղափոխումն էր դեպի Լաթակիա, քանի որ դրանից առաջ վերոնշյալ շրջաններում տեղի ունեցած ռազմական գործողություններում առավելությունը բացարձակապես կառավարական ուժերի կողմն էր: Իսկ Թուրքիայի պարագայում, բնական է, որ ամենաառաջնային նպատակներից մեկը՝ Քեսաբի հայաթափումն էր և շրջանի վրա իր ազդեցության տարածումը, չեմ բացառում նաև Սիրիայում արտաքին ներխուժման հրահրումը:
-Աժ պատգամավորների այցի մասին ի՞նչ կասեք, իրոք արժեր գնալ այնտեղ. Ինչքանո՞վ է նպատակահարմար այցը և ի՞նչ կարող է այն տալ.
-Կարծում եմ, որ նման այցելություն պետք է ավելի վաղ տեղի ունենար: Նախ՝ առաջին հերթին, լուրջ հոգեբանական նշանակություն կարող է ունենալ, բոլորս գիտենք, շատ է խոսվում այդ մասին. պատմության տարբեր ժամանակներում արդեն երրորդ անգամ տեղահանվող քեսաբահայերի տարբեր սերունդների համար էական կարևորություն ունի թիկունքում Հայաստանի Հանրապետության ներկայությունը, նրանց աջակցելուն ուղղված գործողությունների հանգամանքը: Երկրորդ կարևոր նշանակությունը մեր հայրենակիցների խնդիրներին առավել հրատապ և նպատակային օգնություն ցուցաբերելու հարցն է՝ սիրիական իշխանություններից ստացված երաշխիքների պարագայում, իսկ տեղում ստացված տեղեկատվություն ու փաստերն օգտակար կլինեն դիվանագիտական տարբեր հարթություններում՝ խնդրի վերաբերյալ գործնական առաջարկություններ անելու համար:
-ՀՅԴ-ն նույնպես պատվիրակություն է ուղարկել, սակայն առանձին, ըստ ձեզ, ինչո՞ւ հաշվի չեն առել տեղի դաշնակցության գործոնը.
-Սիրիական հակամարտության ողջ ընթացքում Դաշնակցությունը բավականին լուրջ դերակատարություն է ունեցել համայնքի հետ կապված հարցերի վերհանման հարցում, Դաշնակցության տեղական մարմինը ևս բազմիցս բարձրաձայնել է այդ խնդիրների մասին:
Մի քանի անգամ ՀՅԴ ներկայացուցիչներն այցելել են, իրականացրել են իրավիճակի մշտադիտարկում, հանդիպումներ են ունեցել և վերադարձել առաջարկություններով, իսկ թե ինչու են առանձին գնացել, դա չգիտեմ, միգուցե այն պատճառով, որ պատգամավորների մասնավոր այցի շրջանակներում պատվիրակության մեջ դաշնակցական չի ներգրավվել, երևի թե դա է պատճատը, կամ ներքին խնդիրներ են, որոնց մասին ես տեղյակ չեմ:
Աննա Սարգսյան
Քեսապի ուղղությամբ իրականացվող ներթափանցման զինվորական գործողությունները, անկախ հետապնդած ռազմավարական առաջնային նպատակներից, աղետալի հետեւանքներ են ունենում տեղի հայ ազգաբնակչության համար:
Պետք է արձանագրել, որ դեպի Քեսապ թուրքական անցակետերից նախաձեռնվող նման թափանցման լայնամասշտաբ գործողության հաւանականությունը սիրիական պատերազմի առաջին օրերից գոյություն ուներ հայկական կողմի համար: Երբ Թուրքիան բացահայտ զինում և ֆինանսավորում է զինյալ խմբաւորումներին, ապա այս դեպքում Քեսապի շրջանը պոտենցիալ կարեւոր միջավայրերից էր նկատվում եւ շարունակում է նկատվել թափանցման, բայց մանաւանդ Սիրիա-Թուրքիա տվյալ սահմանի շփման գծին տիրապետելու համար: Զինվորական այս ծրագրի պահն էր պարզապես, որ չէր ճշտվել: Թուրքական տարածքներից Սիրիա հարձակման 0 ժամը:
Այս մտահոգությունը, աւելի ճիշտ պիտի լիներ ասել վտանգը, առկա էր Քեսապի համար. հայտնաբար մնայուն այս սթափ եւ համապատասխան պատրաստվածության իրականությունն էր, որ դեպքերի սկսմանը զուգահեռ շատ արագ կազմակերպվեցին տարհանման գործողությունները: Պաշարված շրջանները եւս, երբ բանակի մարտերի թեժացման եւ որոշ դիրքերի վերագրաւման հետ նկատելի դարձաւ պայմանների համեմատական փոփոխությունը, ճեղքվեցին եւ այդ տեղերը եւս ապաստանած հայրենակիցները տեղափոխվեցին համեմատաբար աւելի ապահով վայրեր:
Պետք է աւելացնել, որ տարհանման նման տարողության ընկալման պատրաստ էր նաեւ Լաթաքիայի շրջանի հայկական շտաբը, որ անմիջապես տարհանված հայրենակիցներին ընդունելու միջոցառումների դիմեց: Փաստորեն, մի քանի հանգրվանով իրականացած տարհանման գործողություններըը, հակառակ ծանր բախումներին, ռմբակոծումներին, հրացանաձգություններին եւ բնակավայրերի ուղղությամբ արձակազենների արձակած կրակահերթերին, անցան առանց մարդկային վնասների:
Մյուս կողմից սակայն, ամբողջ մի հայկական գյուղի ամայացումը մռայլ հուսահատական գույներով պարուրեց ոչ միայն շրջանի հայությանը, այլ նաեւ հայկական աշխարհը: Քեսապահայության արմատները ձգվում են մինչեւ 10-րդ դար: Երկու օրվա ընթացքում արագ ամայացումը եւ մինչ այժմ նաեւ գյուղի եւ հայկական կառույցների ճակատագրի անորոշությունը, մեղմ ասած, մխիթարական հեռանկարներ չեն ուրվագծում հայրենիքի սահմանամերձ գաղթօջախների հեռանկարին:
Հրատապ աշխատանքների հրամայականը աւելի քան գերակա օրակարգ է Հայաստանի Հանրապետության եւ սփիւռքահայ հոգեւոր եւ քաղաքական կենտրոնների համար: Քաղաքական-հարաբերական աշխատանքներ, զինյալ խմբաւորումների չեզոքացման եւ գյուղի անդորրի վերահաստատման նպատակով օպերատիւ հանդիպումներ, կոչեր: Բայց մանաւանդ Լաթաքիայում ժամանակաւոր հաստատված քեսապահայության օժանդակության աշխատանքների արտակարգ թափ:
Քաղաքական տրամաբանությունը եւ նրան ուղեկցող Սիրիայի տարածքում ծաւալվող զինվորական գործողությունների հաջորդականությունն ու ընդհանրապես երեւացող ռազմավարությունը կարող են հուշել, որ թեկուզ Թուրքիայից սանձազերծված լինելուն այս գործողությունները քեսապահայությունը չունեն իբրեւ առաջնային թիրախ: Որ քեսապահայության տարհանումը (այս դեպքում` տեղահանությունը), գյուղի ամայացումը, հաւանական թալանն ու հայ կազմակերպված համայնքի չեզոքացումը եւս բխում են սահմանից այն կողմ գործող պետության շահերից, վիճարկման խնդիր չէ անշուշտ: Ռազմավարական նշանակություն ունեցող հենակետերի գրաւումն ու հայության հասանելիք վնասները իբրեւ թուրքական տարածքներից կառավարվող ծրագրերի հետապնդած համատեղելի շահեր աւելի համոզիչ կարող է դարձնել գործողությունների պատճառահետեւանքային մղումները:
Հայկական կողմին վերապահված նշված աշխատանքներից բացի, քարոզչաքաղաքական աշխատանքները բոլորից աշխույժ ձեւով կարող են կենտրոնանալ միջազգային ահաբեկչության դեմ միջոցառումներ որդեգրած, դրա դեմ աննահանջ պայքար հայտարարած միջազգային ընտանիքի առնչված կառույցների վրա` Թուրքիայի այս առումով ունեցած փաստացի դերակատարությունը լույսի բերելու նպատակով եւ համարժեք հակազդեցություն ակնկալելով։ Դժվար չէ ենթադրել, թե Անկարայի ի՜նչ տեսակ ծառայությունների համապատասխան լայնածիր օժանդակություններ է ստացել Թուրքիայում գործող, ֆինանսաւորվող, ռազմափորձերի մասնակցող աշխարհաքաղաքացիական ահաբեկչությունը:
Շահան Գանտահարյան
«Ազդակ» թերթի գլխավոր խմբագիր
Այս հոդվածի նպատակն է դասեր քաղել Սիրիայի Քեսապ հայկական քաղաքի վրա վերջերս կատարված հարձակումներից:
Անցյալ շաբաթ Թուրքիայի վարչապետ Ռեջեփ Թայիփ Էրդողանը երկու հանդուգն քայլեր ձեռնարկեց. նախ՝ փակեց Թուրքիայում 12 միլիոն անդամ ունեցող «Թվիթեր» սոցիալական լրատվական կայքը՝ իր և իր ներքին շրջապատի կոռուպցիայի մասին բացահայտումները քողարկելու համար, երկրորդ՝ աջակցեց և հրահրեց ջիհադական զինյալների ներխուժումը Սիրիայի հյուսիսարևմտյան հատվածում գտնվող, Թուրքիային սահմանակից Քեսապ քաղաքը:
Ի՞նչ ընդհանուր բան կարող է լինել այս, թվում է թե, իրար հետ կապ չունեցող երկու իրադարձությունների միջև:
Էրդողանն անձամբ անուղղակիորեն պատասխանեց այս հարցին մարտի 20-ի քարոզարշավի հանրահավաքի ընթացքում. «մենք կվերացնենք Թվիթերը: Ինձ չի հետաքրքրում, թե միջազգային հանրությունն ինչ է ասում: Բոլորը կտեսնեն Թուրքիայի Հանրապետության ուժը»:
Ակնհայտ է, որ Թուրքիայի վարչապետին չի մտահոգում, որ նա կքննադատվի խոսքի ազատության ժողովրդավարական սկզբունքը ոտնահարելու և որպես բռնակալ խուլիգան հանդես գալու համար: Նա ասում և անում է այն ամենը, ինչը, նրա կարծիքով բխում է Թուրքիայի կամ իր սեփական շահերից:
Միացյալ Նահանգների պաշտոնյաների հակազդեցությունը Էրդողանի համացանցային ճնշումների հանդեպ սին խոսքերից այն կողմ չանցավ: Միավորված ազգերի կազմակերպությունում ԱՄՆ դեսպան Սամանտա Փաուերն իր թվիթերյան էջում գրեց հետևյալ մեկնաբանությունը. «Խորապես մտահոգիչ է, որ Թուրքիան փակել է «Թվիթերը»: Տեղեկատվության հասանելիության արգելափակումն անհամատեղելի է ժողովրդավարության հետ. աջակցեք այն վերաբացելու քաղաքացիների պահանջին»: ԱՄՆ պետքարտուղարի հասարակայնության հետ կապերի գծով օգնական, «Լոս Անջելես թայմս» թերթի նախկին գործադիր խմբագիր Դուգլաս Ֆրանցը, որն ստիպված հրաժարական էր տվել Հայոց ցեղասպանության վերաբերյալ հոդվածի հրապարակման արգելափակումից հետո, Էրդողանի հակաթվիթերյան քայլը բնութագրեց որպես «21-րդ դարի գրքի այրում»: Նմանատիպ միամիտ քննադատություններ հնչեցին նաև Պետդեպարտամենտի խոսնակ Ջեն Փսակիի, Սպիտակ տան մամուլի քարտուղար Ջեյ Քարնիի և Եվրամիության հեռահաղորդակցության հարցերով հանձնակատար Նելլի Քրուսի կողմից:
Արդյոք Էրդողանը մտահոգվո՞ւմ է այս բանավոր խարազանումներից: Ամենևին էլ ոչ: Նա արհամարհում է դրանք: Էրդողանն արդեն երկու տարով արգելափակել էր «Յութուբը», քանի որ կայքում տեղադրվել էին Քեմալ Աթաթուրքի հասցեին վիրավորական տեսանյութեր: Թուրքիայի վարչապետն սպառնում է նաև արգելել «Ֆեյսբուքը» և «Յութուբը» մարտի 30-ի ընտրություններից հետո:
Ինչո՞ւ հայ ղեկավարները՝ Հայաստանում և Սփյուռքում, ավելի հանդուգն չեն վարվում Էրդողանի նման, հատկապես, երբ վտանգի տակ է հայերի գոյությունը: Ամենահարմար պահն է նման հարց բարձրացնելու` ջիհադիստների կողմից Քեսապ ներխուժելուց, հայերին պատանդ վերցնելուց, նրանց տները թալանելուց և եկեղեցիները պղծելուց հետո:
Ցավոք, ամերիկահայ կազմակերպությունների կողմից ԱՄՆ պաշտոնյաներին ուղղված բազմիցս խնդրանքները` օգնելու հայերին և մյուս սիրիական քրիստոնյաներին, անարձագանք են մնում: Մարտի 24-ին Ամերիկայի Հայ Դատի հանձնախումբը մեկ այլ խիստ նամակ հղեց նախագահ Օբամային, պահանջելով Սպիտակ տան և Կոնգրեսի անհապաղ միջամտությունը` կանգնեցնելու համար Քեսապի վրա հարձակումները: Չի թվում է, որ ԱՄՆ կառավարությունը հետաքրքրված է սիրիահայերի և այլ փոքրամասնությունների աղետալի վիճակով, քանի որ Վաշինգտոնը համակված է Բաշար ալ-Ասադի վարչակարգը տապալելով և անտեսում է անմեղ կյանքերի կորուստը:
Հայերը չպետք է բավարարվեն միայն գլուխները թափահարելով և բողոքելով միմյանց Սիրիայից եկող ողբերգական լուրերի մասին: Նրանք պետք է արթնանան համընդհանուր թմբիրից և համարձակ քայլեր ձեռնարկեն: Պետք է ամենօրյա ցույցեր կազմակերպել ամերիկյան խոշոր քաղաքներում, և ամերիկյան, բրիտանական, ֆրանսիական, սաուդական և թուրքական դեսպանատների ու հյուպատոսարանների առջև ամբողջ աշխարհում, բողոքելով նրանց կողմից, այսպես կոչված, ապստամբների զինման դեմ, որոնք առևանգում և սպանում են սիրիահայերին, ի թիվս այլոց:
Պետք է անհապաղ հանդիպումներ անցկացնել ամերիկյան, բրիտանական և ֆրանսիական բարձրաստիճան պաշտոնյաների հետ, պահանջելով, որ նրանք անմիջապես դադարեցնեն բոլոր տեսակի զենքերի մատակարարումն ու ֆինանսական աջակցությունը «ապստամբներին» Սիրիայում, մինչև նրանց կողմից խաղաղ բնակչության վրա հարձակումների դադարեցումը:
2002 թվականին ես մի հոդված էի գրել հետևյալ վերնագրով` «Հայ «մուկը» պետք է ավելի հաճախ մռնչա»: Ըստ էության, այն կոչ էր ավելի համարձակ գործողությունների: Ես անդրադարձել էի Վիլյամ Սարոյանի «Հայ մուկը» պատմվածքին, որտեղ խիզախ մուկն իր վճռական վարքագծով կարողանում է պաշտպանել ինքն իրեն ավելի վայրագ գազաններից:
Լուռ ու անտարբեր մնալն անընդունելի է, մանավանդ այն ժամանակ, երբ մեր հայրենակիցները կոտորվում են Սիրիայում: Երկչոտ պահվածքը միայն քաջալերում է հայ ժողովրդի թշնամիներին:
Հայերը պետք է նախաձեռնող լինեն, այլ ոչ թե արձագանքող: Հայոց ցեղասպանության հարյուրամյակի նախաշեմին նրանք չեն կարող լուռ ականատեսներ լինել, մինչ թուրքական կառավարությունը և նրա դաշնակիցները ուղղակիորեն կամ անուղղակիորեն ձեռնամուխ են լինում հայերի մի նոր բնաջնջման Սիրիայում:
Հայերը պետք է բարձրաձայնեն, բողոքեն և ավելի ազդեցիկ միջոցներ ձեռնարկեն իրենց հայրենակիցներին պաշտպանելու համար աշխարհի չորս անկյուններում: Նրանք պետք է դառնան ՄՌՆՉԱՑՈՂ «մուկ»:
Թարգմանությունը՝ Ռուզաննա Ավագյանի
Հարութ Սասունյան
«Կալիֆորնիա Կուրիեր» թերթի հրատարակիչ և խմբագիր
«Հարսնաքարի» գործով դատավճիռը բավականին բուռն կրքեր հարուցեց. այն արդարացի չեն համարում ոչ տուժող կողմը, ոչ մեղադրյալները:
Գործի նախաքննության ընթացքը տարվեց այնպես, որ դուրս մնաց ռեստորանային համալիրի սեփականատեր Ռուբեն Հայրապետյանի անունը, իսկ բարոյական պատասխանատվություն՝ մեր օրենսգիրքը չի սահմանում:
Եթե նույնիսկ ընդունենք, որ Ռուբեն Հայրապետյանը սպանելու ուղղակի ցուցում չէր տվել, միայն այն, որ իր օբյեկտի տարածքում կարող էին իր գիտությամբ՝ մարդ ծեծել, նման դաժանությամբ վարվել մարդ արարածի հետ, և որ տարիներ շարունակ նման արնախումներ են բուծվել նրա հովանու ներքո, բավարար է, որ փաստենք, թե՝ արդարադատությունը չիրականացավ:
12 տարվա ազատազրկումը ամբաստանյալների համար, իսկապես, անակնկալ էր: Ինչ խոսք, թե՛ նրանք, թե՛ նրանց հարազատները ավելի մեղմ պատիժ էին ակնկալում, հույս ունենալով, որ Ռուբեն Հայրապետյանը դատարանում կօգնի նվազեցնելու պատիժաչափը. դատարանում տեղի ունեցած բուռն ռեակցիան հենց դրա արձագանքն էր:
Ըստ դատավճռի, գործով 6 ամբաստանյալների նկատմամբ սահմանվեց 12-ական տարվա ազատազրկում և 100.000-ական դրամ տուգանք: Բոլորը ստացան հավասարաչափ պատիժ, իսկ թե կոնկրետ ով է կատարել սպանությունն, այդպես էլ չբացահայտվեց: Դատարանը չպարզեց այն գազանի անունը, որը Վահե Ավետյանի գլուխը անմարդկային դաժանությամբ 70 և ավելի անգամ հարվածել էր կարուսելին:
ՀՀ ԱՆ հիվանդությունների վերահսկման և կանխարգելման ազգային կենտրոնի թիվ 3 մասնաճյուղի աշխատակիցները փետրվար ամսվա աշխատավարձը դեռևս չեն ստացել. այս մասին տեղեկացնում են աշխատակիցները՝ «Հայկական Վարկած»-ին հղած իրենց բողոքում:
ՀՀ առողջապահության նախարարի օգնական Սեդա Մանուկյանը մեզ հետ զրույցում տեղեկացրեց, որ Կառավարության որոշմամբ՝ Առողջապահության նախարարության ու Սոցապ նախարարության տեսչությունները միավորվել են և դարձել առողջապահական պետական տեսչություն, դրան զուգահեռ՝ ստեղծվել է հիվանդություների վերահսկման և կանխարգելման կենտրոն, և ուշացումները կապված են կենտրոնի վերակազմավորման աշխատանքների հետ:
«Աշխատավարձերի ուշացման պատճառը վերակազմավորման աշխատանքներն են՝ աշխատակիցների հետ կնքվում են նոր պայմանգրեր, այս երկու օրվա ընթացքում գումարը կփոխանցվի»,-վստահեցրեց նա:
Արդյո՞ք սա արդարացում է. մարդիկ սպասում են իրենց աշխատած օրերի վարձավճարին: Աշխատողն ապրում է այդ գումարի հաշվին, և վերակազմավորման աշխատանքները չպետք է խոչընդոտեին աշխատավարձերի փոխանցմանը:
-
-
11.05.2024 | 01:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ուղերձը Բաքվի բանտից -
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
11.05.2024 | 02:10
Այո՛, երկքաղաքացի եմ․ Բագրատ Սրբազանը հաստատեց՝ ՀՀ-ի և Կանադայի քաղաքացի է -
14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատրյանը՝ Արսեն Թորոսյանին -
17.05.2024 | 01:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.