16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...10.05.2024 | 12:09
Բագրատ Սրբազան. Արթմության զգացումը կա, այս բոլորն այլևս պետք է տեղափոխվի քաղաքա...09.05.2024 | 15:10
Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հա...09.05.2024 | 14:10
ՀՀ-ի ամենաերկար թունելը․ ներկայացվել է Հյուսիս-հարավի 60կմ-ոց նոր ճանապարհահատվա...09.05.2024 | 13:10
Այս շարժումն իր էությամբ քաղաքական չէ, բայց այն կրում է քաղաքացիական ներգրավվածո...09.05.2024 | 12:10
Սկիզբ է դրվում Արցախի հայկական ինքնության իսլամացման ադրբեջանական քաղաքականությա...09.05.2024 | 11:10
Մայիսի 9-ը ցույց կտա, թե որ ուղղությամբ է զարգանալու համաժողովրդական շարժումը. Ա...08.05.2024 | 15:10
Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայան...08.05.2024 | 14:10
Շտապօգնության տնօրենը պարզաբանում է բուժակի հետ կապված միջադեպը...08.05.2024 | 13:10
ՀՀ կառավարության ղեկավարը թշնամուն է հանձնել ՀՀ ինքնիշխան տարածքը` ՀՀ քր. օրենսգ...«ՉԻ»-ի տեղեկություններով` հոկտեմբերին՝ 2012 թվականի բյուջեի քննարկումների ժամանակ մի խումբ պատգամավորներ պատրաստվում են բարձրացնել գործուղումների ժամանակ հաստատված նորմատիվների հարցը։ Բանն այն է, որ Վերահսկիչ պալատը ԱԺ-ում վերջին ստուգումների ժամանակ արձանագրել է, որ գործուղումների մեկնող պատգամավորները հյուրանոցներում որպես գիշերավարձ շատ ավելի մեծ գումար են վճարում ԱԺ-ի բյուջեից, քան նախատեսված է կառավարության հաստատած նորմատիվներով:
Ըստ թերթի, պատգամավորների փաստարկն էլ հետևյալն է. կառավարության հաստատած նորմատիվներով, օրինակ, Փարիզում մեկ օրվա գիշերավարձը 135 եվրո է, իսկ այդ գումարով, ըստ պատգամավորների, Փարիզում կամ եվրոպական որևէ այլ մայրաքաղաքում, որտեղ հիմնականում տեղի են ունենում միջազգային տարբեր միջոցառումներ և վեհաժողովներ, քիչ թե շատ տանելի պայմաններով հյուրանոց գտնել հնարավոր չէ։ Եվ չնայած կառավարության հաստատած նորմատիվները բոլորի համար են, այդ թվում` նաև նախարարների, կառավարության տարբեր պաշտոնյաներ, պատգամավորները, թերթի տեղեկություններով, պատրաստվում են բյուջեի քննարկումների ժամանակ փաստերով ապացուցել, որ բոլոր նախարարները, կառավարության տարբեր բարձրաստիճան պաշտոնյաները մշտապես խախտում են հաստատված նորմատիվները և, օրինակ, նախարարները և այլ պաշտոնյաներ սեփական գերատեսչությունների բյուջեի հաշվին եվրոպաներում գիշերում են առնվազն 400-600 եվրոյանոց հոթելներում։ Բնականաբար, գրում է ՉԻ»-ն, այդ գումարը դուրս է գրվում տվյալ գերատեսչությունների «այլ ծախսեր» տողից:
«Ժամանակ» օրաթերթին հայտնի է դարձել, որ տևական ժամանակ է լարվել են Ամենայն Հայոց կաթողիկոս Գարեգին Բ-ի և Արարատյան հայրապետական թեմի առաջնորդական փոխանորդ Նավասարդ արքեպիսկոպոս Կճոյանի հարաբերությունները։ Ըստ թերթի, վերջին շրջանում Նավասարդ սրբազանի գործունեության հանդեպ հանրային դժգոհությունները լրջորեն ազդել են նաև Վեհափառ հայրապետի և Նավասարդ արքեպիսկոպոսի հարաբերությունների վրա:
Թերթի աղբյուրի պնդմամբ՝ Ամենայն Հայոց կաթողիկոսի և Վրաստանի պատրիարք Իլյա Բ-ի միջև Վրաստանում ԶԼՄ-ների համար չնախատեսված զրույցի տեսագրության արտահոսքը կազմակերպել է Նավասարդ արքեպիսկոպոսը` շատ լավ իմանալով դրանից հետո հանրության արձագանքը Վեհափառի անձի հանդեպ»:
Մեդվեդևը հույսը չի կորցրել
Թերթի տեղեկություններով, ՌԴ-ն շարունակում է ակտիվ ջանքեր գործադրել ԼՂ կարգավորման գործընթացում։ ՌԴ նախագահ Դմիտրի Մեդվեդևը լուրջ ջանքեր է գործադրում Սարգսյան-Ալիև հանդիպումը կազմակերպելու ուղղությամբ և մտադիր է մոտ ապագայում Սոչիում անցկացնել բանակցային հերթական ռաունդը` Սերժ Սարգսյանին և Իլհամ Ալիևին համաձայնության հասցնելու, մասնավորապես՝ փաստաթուղթ ստորագրելու նպատակով։ Կհաջողվի՞ արդյոք այս հանդիպումը հնգակողմ անցկացնել, այսինքն` բանակցություններին ներկա կգտնվե՞ն Միացյալ Նահանգների և Ֆրանսիայի նախագահները, թերթի կարծիքով` սա թերևս կախված է լինելու նրանից, թե մինչ այդ կողմերից համաձայնության գնալու ուղղությամբ ինչ ճնշումներ կգործադրվեն և երաշխիքներ կստացվեն։
«Հայկական ժամանակ»-ը գրում է, որ նախօրեի գիշերը Տավուշի մարզի Տավուշ գյուղի (նախկին Շամշադինի շրջան) մերձակայքում գտնվող ՀՀ ՊՆ դիրքերի ուղղությամբ ադրբեջանական կողմը ինտենսիվորեն խախտել է հրադադարի ռեժիմը, ինչի հետևանքով պայմանագրային երեք հայ զինծառայող բեկորային վնասվածքներ են ստացել:
Թերթի ՊՆ աղբյուրները հաստատել են այս տեղեկությունը և ասել, որ զինծառայողների կյանքին վտանգ չի սպառնում: Այդուհանդերձ, գրում է թերթը, նշված միջադեպի վերաբերյալ ՊՆ-ից երեկ պաշտոնական մեկնաբանություն ստանալ չի հաջողվել:
Քաղաքական շրջանակներից թերթին հասած տեղեկություններով` մինչև սեպտեմբեր քաղաքական նոր կուսակցություն է ասպարեզ իջնելու. իշխանություն-ՀԱԿ երկխոսության և հնարավոր զարգացումների ֆոնին նախկին նախագահ Ռոբերտ Քոչարյանը, այնուամենայնիվ, որոշել է նոր կուսակցություն ստեղծել: Նոր կուսակցությունը համախմբելու է Քոչարյանի համակիրներին ու բացահայտ սատարելու է Ռ. Քոչարյանին և ստեղծվում է խորհրդարանական ընտրություններին մասնակցելու նպատակով: Ավելին` թերթին ասվել էմ է, որ Քոչարյանի կուսակցությունը հնարավոր է ղեկավարի ԱԳ նախկին նախարար Վարդան Օսկանյանը: Երեկ «Հրապարակ»-ի հարցին, թե ճի՞շտ է, որ մինչև սեպտեմբեր կուսակցություն եք ղեկավարելու, Վարդան Օսկանյանը պատասխանել է. «Դա ճիշտ չի»: Թերթի թղթակցի դիտարկմանը, թե ասվում է, որ Ռոբերտ Քոչարյանն է կուսակցություն բացում, Օսկանյանն ասաց. «Դե, էդ իրեն կհարցնեք, էլի: Ես չեմ բացում: Էդ կարող եք վստահ լինել»:
Արտահերթ` հնարավոր է, բայց ո՞րը
Ըստ «Հրապարակ»-ի, իշխանական որոշ աղբյուրներ չեն բացառում, որ աշնանը ՀՀ նախագահ Սերժ Սարգսյանը լուծարի խորհրդարանը, ինչից հետո անցկացվեն նոր խորհրդարանական ընտրություններ. հետևաբար, կլինի նաև կառավարության փոփոխություն: Թերթի կարծիքով, ըստ այդմ՝ կատարելու է ՀԱԿ–ի ու միջազգային հանրության պահանջը։
Փոխարենը, գրում է թերթը, նախագահական ընտրությունների մասով արտահերթ ընտրության պահանջի կատարումը իշխանական աղբյուրներն անհավանական են համարում»:
Եղբայրների վիճաբանության արդյունքը
Այսօր վերաքննիչ քրեական դատարանում(դատավոր Ա.Խաչատրյան)ուշագրավ դատաքննություն է: Գործին առնչվում են «Շանթ պլյուս» և «Երևան պլյուս» ՍՊ ընկերությունները,որոնք պատկանում են Վարշամ և Մանվել Ղարիբյան եղբայրներին: 2006-07թթ. Վարշամ Ղարիբյանին պատկանող «Երևան պլյուս» ՍՊԸ-ում գործադիր տնօրեն է աշխատել Վարուժան Մանուկյանը,որի աշխատանքային կենսագրությունը գրվել է ՀՀ արդարադատության համակարգում,արդարադատության փոխգնդապետ է:
Մանուկյանի «Երևան պլյուսում» աշխատելու տարիներին Ղարիբյան եղբայրների ղեկավարած մի ՍՊԸ-ից մեկին ավտոմեքենայի վաճառք է ձևակերպվել:Եվս 2 մեքենաներ են վաճառվել Ղարիբյանների ազգականին և աշխատակցին: Առքուվաճառքի ձևակերպումից մի քանի տարի անց «Երևան պլյուսի» սեփականատեր Վ.Ղարիբյանը որոշել է, որ մեքենաները վաճառվել են շուկայականից էժան գնով, հետևաբար իրեն նյութական վնաս է պատճառվել, և պատճառողն էլ տարիներ առաջ գործադիր տնօրեն եղած Վարուժան Մանուկյանն է:
Որքան էլ արտառոց լինի, Վարշամ Ղարիբյանի` իրեն պատճառված նյութական վնասի մասին դիմումի հիման վրա քրեական գործ է հարուցվում Մանուկյանի դեմ: Քրեական գործ հարուցելու որոշումն այնուհետև բողոքարկվում է դատական կարգով: Ի վերջո երեք ատյան անցնելուց հետո դատարանի որոշմամբ չբավարարվելով, ենտադրելի է ՀՀ գլխավոր դատախազ Աղվան Հովսեփյանի շահագրգիռ ուղղորդմամբ, ՀՀ դատախազության կոռուպցիայի և կազմակերպված հանցավորության դեմ պայքարի վարչության պետ Բ.Պետրոսյանը ցուցում է իջեցնում «Վ.Մանուկյանի նկատմամբ կալանավորում խափանման միջոց կիրառելու միջնորդությամբ դատարան դիմելու մասին»: Թե տարիներ առաջ Մանվել Ղարիբյանի ՍՊԸ-ից վաճառված ավտոմեքենաների հետ ընդամենը գործադիր տնօրենի հանգամանքով առնչված Վարուժան Ղարիբյանն ինչ աղերս ունի կոռուպցիայի կամ կազմակերպած հանցավորության հետ, անհնար է կռահել, սակայն դատախազության կամայականությամբ արդեն ավելի քան տասն օր մարդը կալանավայրում է, և այսօրվա դատավարությունում պետք է քննվի խափանման միջոցը, թեկուզ գրավի դիմաց փոխելու հնարավորությունը:
«Ես կարծում էի, որ ընդդիմությունն ավելի գլոբալ հարցեր կբարձրացներ և կոնկրետ կմատնանշեր այն թերությունները, որոնք իշխանություններն ունեն»,- ըստ «ՉԻ»-ի` հայտարարել է հանրապետական պատգամավոր Համլետ Հարությունյանը` անդրադառնալով այն փաստին, որ Կոնգրեսը շեշտը դնում է արտահերթ ընտրությունների վրա:
«ՉԻ»-ն հակադարձում է. «Համլետ Հարությունյանն այս անգամ սխալվում է, որովհետև պահանջելով Սերժ Սարգսյանի հրաժարականը` Կոնգրեսը փաստորեն «կոնկրետ մատնանշել է թերությունը»: Ինչ վերաբերում է «ավելի գլոբալ հարցերին», ապա անհասկանալի է, թե կոնկրետ ինչը նկատի ունի պրն Հարությունյանը։ Եթե ուղևորներով լի ավտոբուսն ամբողջ արագությամբ սլանում է դեպի անդունդը, ապա կարելի է, իհարկե, քննարկել մոլորակի գլոբալ տաքացման հիմնախնդրի կամ ամերիկյան հնարավոր դեֆոլտի հետևանքները, բայց հավատացնում ենք՝ այդ պահին ամենագլոբալ հարցը վարորդին փոխելն է»:
«Առավոտ»-ի խմբագիրը գրում է. «Ներկայիս Ամենայն Հայոց կաթողիկոսն իր անձն անհամեստորեն նույնականացնում է Հայ Առաքելական սուրբ եկեղեցու հետ: Ստացվում է, որ նրանք, ովքեր քննադատում են այդ մահկանացուին, իրականում հարձակվում են եկեղեցու վրա և ընդհանրապես` հայ ազգի թշնամիներն են: Վեհափառը, բնականաբար, ոչ առաջինն է, ոչ էլ վերջինը, ով ընտրել է քննադատությունից պաշտպանվելու այս, մեղմ ասած, խոցելի ձևը: Երկրագնդի գրեթե բոլոր աշխարհիկ և հոգևոր իշխանավորները միշտ էլ դա էին պնդում, և երբ ձեռները ճար էր լինում` այրում էին, բանտ էին շպրտում, գնդակահարում էին նրանց, ովքեր իրենց հետ համաձայն չեն՝ ոչ թե որպես իրենց անձնական ընդդիմախոսներ, այլ որպես ազգի, պետության, կրոնի կամ գաղափարախոսության թշնամիներ: Հայաստանի նորագույն պատմությունը նույնպես ունի իշխանավորների` նման մոտեցման վառ օրինակներ:
Այս պահին միտս եկավ բազմաթիվ դեպքերից մեկը, երբ 2003 թվականի հերթական կեղծված ընտրություններից հետո Եվրոպայի խորհրդում այն ժամանակվա ընդդիմադիրներ Արտաշես Գեղամյանն ու Շավարշ Քոչարյանը նպաստել էին այդ կեղծիքները դատապարտող բանաձևի ընդունմանը, իշխանությունն իր «կոմսոմոլներին» ուղարկել Էր «Զվարթնոց» օդանավակայան, որպեսզի այդ պատգամավորներին ընդունեն դավաճանության մեղադրանքներ պարունակող պաստառներով: Ստացվում է, որ ընտրություններ կեղծելը պետության համար բարիք է, իսկ դա արձանագրելը՝ չարիք: Այդպես էլ այս դեպքում. ամեն ինչի՝ «Մոսկվա» կինոթատրոնի, սուրբ Կաթողիկե եկեղեցու շրջակայքի, մշակութային հաղորդումներ հեռարձակող պետական հաճախականության վրա «աչք տնկելը» չի վարկաբեկում մեր եկեղեցին, իսկ դրա մասին խոսելը` վարկաբեկում է»:
Թերթի աղբյուրները փոխանցում են, որ Ռոբերտ Քոչարյանը արդեն մեկ ամիս է բանակցությունների համար պատվիրակություն է ուղարկում բոլոր այն մարդկանց մոտ, ովքեր Հանրապետական կուսակցության կամ անձամբ Սերժ Սարգսյանի կողմից վերջին երեքուկես տարվա ընթացքում քաղաքական կամ տնտեսական խնդիրներ են ունեցել։ Ըստ թերթի` Ռոբերտ Քոչարյանի հիմնական խնդիրը Սերժ Սարգսյանից «աբիժնիկ» մնացածներին հաշվառում անելն է՝ քաղաքական դաշտում ակտիվանալու դեպքում նրանց հետ ընդհանուր ճակատով հանդես գալու համար:
«Ժամանակ»-ի դիտարկմամբ` ամռան սկզբից ՀՀ ԱԱԾ-ն փոխել է իր գործունեության հիմնական ուղղությունը. եթե մինչ այդ Հայ ազգային կոնգրեսն ու անձամբ Լևոն Տեր-Պետրոսյանն էին համարվում ԱԱԾ-ի հիմնական թիրախները, ապա այժմ ԱԱԾ-ն իր հիմնական խնդիրն է համարում անձամբ Ռոբերտ Քոչարյանի և նրա շրջապատի շարժը՝ Սերժ Սարգսյանի իշխանության համար իրական սպառնալիք նկատելով հենց նրան:
Մինչ ՀՀ Վերահսկիչ պալատի կողմից գլխավոր դատախազություն ուղարկված նյութերի հիմքով կազմված քրեական գործի վրա միանգամից մի քանի քննիչ է գլուխ ջարդում, իսկ աշխատանքի և սոցիալական հարցերի նախարար Արթուր Գրիգորյանն էլ պետական սոցիալական ծառայության նախկին պետ, ՀՀԿ-ական Վազգեն Խաչիկյանի «զոհերին անուղղակիորեն հորդորում է վարչապետին զեկուցագրեր գրել», «Հրապարակ»-ին հասած որոշ լուրերի համաձայն՝ «հիվանդ» Խաչիկյանն իրականում վերադարձել է Գերմանիայից և «փախած տուրիստի տեսքով» շրջում է հայրենի Լոռիում։ Անցած կիրակի, օրինակ, Խաչիկյանին շորտերով ու սանդալներով Հաղպատի եկեղեցում տեսանք, գրում է թերթը։
Հորդորել է չենթարկվել պրովոկացիաների
Չնայած տարբեր ՀՀԿ-ականներ, այդ թվում` մամուլի խոսնակ էդուարդ Շարմազանովը, պնդում են, թե ՀՀԿ համամասնական ցուցակներին անդրադառնալու են դեկտեմբերին, այնուամենայնիվ, «Հրապարակ»-ի տեղեկություններով, հանրապետականներն ամառային թեժ օրերին փորձում են ստանալ «դաբրոները»: Թերթի աղբյուրների պատմելով՝ օրերս ՀՀԿ վերնախավը նախագահի հետ հանդիպման ժամանակ փորձել է ճշտել նախնական ցուցակը:
Ս. Սարգսյանն ասել է, որ շուտ է այդ մասին խոսել, բայց ակնարկել է, որ ցուցակը բավականին երիտասարդ կազմ է ունենալու: Նշել է, որ անպայման կուսակցության «աքսակալներից» էլ են լինելու, բայց հիմնականում համադրված կլինի նոր դեմքերով: Ըստ թերթի, նախագահը յուրայիններին հորդորել է չենթարկվել պրովոկացիաների՝ չհավատալ այն լուրերին, որ «թարմ ուժերը» միայն ՄԻԱԿ-ից են լինելու, կընդգրկվեն նաև ՀՀԿ երիտթևից, ինչպես և անկուսակցական ջահելներ:
«Հայկական ժամանակ»-ը գրում է, որ երեկ միանգամից երկու պաշտոնական փաստաթուղթ է հրապարակվել, որոնցից կարելի է պատկերացում կազմել երկրի տնտեսության վիճակի մասին։ Խոսքը պետբյուջեի կատարողականի և անշարժ գույքի գների զեկույցների մասին է։
Ըստ ֆինանսների նախարարության հրապարակած՝ ՀՀ պետական բյուջեի այս տարվա առաջին կիսամյակի կատարողականի, նշված ժամանակահատվածում պետական բյուջեի եկամտային մասը թերակատարվել է 0,7 տոկոսով կամ մոտ 4 միլիարդ դրամով, իսկ ծախսային մասը թերակատարվել է 11,5 տոկոսով կամ մոտ 45 միլիարդ դրամով։ Անշարժ գույքի կադաստրի պետական կոմիտեի հրապարակած տեղեկանքի համաձայն, այս տարվա հունիսին անցած տարվա համեմատ Երևանում գները նվազել են միջինը 10 տոկոսով։ Թերթի դիտարկմամբ` նշված երկու ցուցանիշներն էլ խոսում են այն մասին, որ գնալով տնտեսական վիճակը ավելի է վատթարանում: Դատելով մեր ամենաբարձրաստիճան պաշտոնյաների անհոգ ու անդարդ ճառերից, թերթը ենթադրում է, որ նրանք չեն ընկալում իրավիճակի ողջ լրջությունը։
Խնդրել է մեղմ վերաբերվել
«Կոնվերս–բանկի» Նոր Նորքի մասնաճյուղի վրա մարտի 29-ին ավազակային հարձակում գործած ոստիկանության Նոր Նորքի պահպանության բաժնի նախկին պետ, կապիտան Արթուր Հակոբյանը դատապարտվել է 8 տարվա ազատազրկման, տեղեկացնում է «ՀԺ»-ն։
Գործի նյութերով Արթուր Հակոբյանը հրաժարվել է ցուցմունք տալ, սակայն իրեն լիովին մեղավոր է ճանաչել, անկեղծորեն զղջացել է կատարած արարքի համար և խնդրել է իր նկատմամբ որքան հնարավոր է մեղմ վերաբերվել։ Համաձայն վկաների ցուցմունքների, 2011թվականի մարտի 26–ին Ա. Հակոբյանը զանգահարել և 100.000 ՀՀ դրամ խաղադրույք է կատարել Հայաստան–Ռուսաստան ֆուտբոլային խաղի վրա և պարտվել։ Հենց այդ գումարը վճարելու համար էր նա գնացել ավազակային հարձակման։ Հակոբյանին սպառնում էր մինչև 15 տարվա ազատազրկում։
«Առավոտ»-ի խմբագիրը գրում է. «Մեր կառավարությունում որևէ էական բան կփոխվի մինչև խորհրդարանական ընտրությունների ավարտը:
Տիգրան Սարգսյանի կառավարության գործունեության արդյունքները, ինչ խոսք, տխուր են. ի տարբերություն ներքին քաղաքական ոլորտի, որտեղ ինչ-որ չափով նշմարվում են ժողովրդավարության ծիլեր, տնտեսական բնագավառում դրական տեղաշարժեր չեն երևում։ Բայց խորհրդարանական ընտրությունները հենց դրա համար էլ անցկացվում են, որպեսզի տեղի ունենան ոչ թե անձերի, այլ հայեցակարգի, գաղափարախոսության, եթե հնարավոր է՝ համակարգի փոփոխություններ։ Այդ ուղղության առաջարկներն են ընտրությունների ժամանակ ներկայացնում քաղաքական ուժերը և, հասարակական վստահությունը շահելու դեպքում, իրականացնում իրենց ծրագրերը։ Նախապայմանն, իհարկե, դարձյալ արդար ընտրություններն են»:
-
-
10.05.2024 | 02:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ» -
11.05.2024 | 01:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ուղերձը Բաքվի բանտից -
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
10.05.2024 | 01:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պետրոսյան -
10.05.2024 | 11:23
Վարչապետի թեկնածուի տարբեր անուններ են քննարկվում ԱԺ 2 խմբակցությունների հետ -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գործընթացի մասին -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.