Թերթը զրուցել է զինդատախազ Գեւորգ Կոստանյանի հետ, ով ներկա խահին գտնվում է ԼՂՀ-ո եւ փորձում է անձամբ ճշտել «Եղինիկներ» զորամասում Աղասի Աբրահամյանի սպանության մանրամասները: Ներկայացնում ենք զրույցից մի հատված:

Պարոն Կոստանյան, այս պային ի՞նչ նոր մանրամասներ կարող եք հաղորդել: Որպես զինդատախազ Ձեր գնահատականը կատարվածի վերաբերյալ:

Դեպքի առնչությամբ ես կարող եմ ասել, որ դա մեծ դժբախտություն է եւ մեծ ցավ բոլորիս համար, որովհետեւ մերզինվորին արդյունքում սպանել են: Հետեւաբար` ես եւ քննչական ծառայության պետը անմիջապես մեկնեցինք դեպքի վայր:  Այս պահի դրությամբ ձեռք բերված նյութերը խոսում են այն մասին, որ, այնուամենայնիվ, դեպքի ամբողջ նկարագիրը դեռ չգիտենք, բայց պարզելով՝ գնում ենք դրվագ առ դրվագ, եւ կարծում եմ, որ կարճ ժամանակ անց մենք կունենանք հանցագործության ամբողջ պատկերը: Վստահաբար ասում եմ, որ բոլոր մեղավորները ծայրահեղ պատասխանատվության են ենթարկվելու այդ հանցագործության եւ ոճրագործության համար:

Ներկա պահին ձեռքի տակ եղած փաստերը վկայո՞ւմ են, որ կատարվածը սպանություն է:

Ես ասեմ, որ քրեական գործը հարուցվել է 112-րդ  հոդվածով:  Այսինքն`  դիտավորությամբ  ծանր մարմնական վնասվածք հասցնել,  որը  առաջացրել է  զինվորի մահը: Ընդամենը նկատի ունենալով, որ ոչ թե տեղում   անձը սպանվել է կամ տեղում է մահացել, այլ նրան այնպիսի մարմնական վնասվածքներ են հասցրել, որ

տեղում առաջացրել են անձի մահը:Սա ամենեւին էլ չի նշանակում, որ քննության որևէ փուլում որակումը կարող է փոխվել, այդ թվում՝ սպանության կամ որեւէ  այլ հոդվածով: Եթե մենք ընդամենը ելակետային տվյալները նկատի ունենալով, դեպքին առնչվող տեղեկատվությունը  հիմք  ընդունելով՝  որակել ենք  այդ հոդվածով,  այս քննությունը, բնականաբար, ավելի հստակություն կմտցնի  յուրաքանչյուր  մեղավորի հայտնաբերման արդյունքում, յուրաքանչյուրի գործողությունները գնահատելուարդյունքում արդեն կպահանջվեն կոնկրետ եզրակացություն   եւ կոնկրետ մեղադրանք առաջադրելու միջոցով դրա պատասխանատվությունը:

Վերջին դաժան և դժբախտ դեպքը «Եղնիկներում» տեղի ունեցող առաջին դեպքը չէր: Կարելի՞ է ասել, որ տվյալ  զորամասում  կարգապահության  առումով  բարձիթողի  վիճակ է:

Գիտեք ինչ, ցանկացած դեպքում, երբ կա հանցագործություն և հատկապես նման ոճրագործություն` ծեծել ու արդյունքում  մարդու  սպանություն,  սա  արդեն խոսում է կարգապահության ցածր մակարդակի մասին: Այսինքն՝ եթե կա հանցագործություն, ուրեմն մենք ունենք կարգապահության ցածր մակարդակ: Սա փաստ է՝ անկախ նրանից դա կլինի «Եղնիկներում» կամ  որեւէ այլ զորամասում,որովհետեւ միայն կարգապահության բարձր մակարդակի երաշխավորվածության արդյունքում մենք կարող ենք բացառել կամ առնվազն նվազեցնել հանցավոր վարքագծի դրսեւորումները  զինված  ուժերում:   Հետեւաբար, եթե հանցավոր վարքագծի դրսեւորումներ կան զինված ուժերում, ուրեմն կարգապահությունը պատշաճ մակարդակի չի:

Թերթը զրուցել է Երեւանի գլխավոր ճարտարապետ Նարեկ Սարգսյանի հետ: Ներկայացնում ենք զրույցից մի հատված:

Պարոն Սարգսյան, մեր թերթի հետ ունեցած նախորդ զրույցում ասել էիք, որ ապամոնտաժվելու են Աբովյան փողոցում գտնվող «Գարդերոբ», «Բիզոն» եւ այլ կարգի խանութները: Նախ` պնդո՞ւմ եք դա, եւ հետո, այսպես ասած` աչքներս ե՞րբ կտեսնի:

Այդ որոշումը Աբովյան փողոցի մի քանի խոշոր տաղավարներ, կառույցներ ապամոնտաժելու մասին, եղել է դեռ Գագիկ Բեգլարանի քաղաքապետ լինելու շրջանում: Հիմա վերանայվում են ժամկետները, որպեսզի դա ավելի արագ արվի:

Այսինքն` ոչ բոլորը կապամոնտաժվե՞ն:

Կապամոնտաժվեն բոլոր խոշոր կառույցները եւ նաեւ մի քանի կրպակներ, որոնք էլի իրենց դարն ապրել են: Վերջնական ժամկետները կճշտվեն առնվազն 10 օրվա ընթացքում, որովհետեւ դրանք գործող օբյեկտներ են: Ժամկետների մասին լրացուցիչ կասվի, բայց դա չի լինի շատ ուշ:Կարծում եմ, որ ամիսների խնդիր է:

Իսկ կոնկրետ ո՞ր խանութների մասին է խոսքը:

Ինչ որ տեսնում եք մայթերի վրա: Մայթերի վրա կառուցված բոլոր շինությունները:

Թերթը գրում է, որ ՀՀ կառավարությունը պատրաստվում է կնքել միջազգային մի համաձայնագիր, որով նախատեսվում է Հայաստանից աշխատուժ արտահանել դեպի Արաբական Միացյալ Էմիրություններ:

«Խնդիրն այստեղ միայն այն չէ, որ Հայաստանի իշխանությունները փաստորեն պետական մակարդակով խրախուսում են արտագաղթը: Բանն այն է, որ այսօր Հայաստանի ցանկացած «իրեն հարգող» պաշտոնյա Էմիրաթներում սեփական բիզնես ունի, այդ թվում`նաեւ շինարարական: Այսինքն`նրանց շատ ձեռնտու է, որ այդ շինարարությունների վրա աշխատեն Հայաստանից տարած «մալյարները», «սվաղչիները», «կաֆելչիկները» եւ այլն, որովհետեւ նրանք հաստատ «էժանով» կաշխատեն:

Պարզապես Հայաստանից հավաքագրված «ուստեքին» իրավական կարգավիճակ է պետք, ինչով եւ, ըստ էության, զբաղված են Հայաստանի իշխանությունները: Պարզ ասած`նրանք կամաց-կամաց ոչ միայն իրենց բիզնեսներն են տեղափոխում արտասահման, այլեւ իրենց ճորտերին, որովհետեւ արտասահմանում հազիվ թե ճորտեր գտնեն: Եվ դա, ցավոք, կատարվում է պետական մակարդակով, այն պարզ պատճառով, որ այս իշխանությունները Հայաստանի բնակչությանը նույնպես իրենց սեփականությունն են համարում»,- գրում է «Չորրորդ ինքնիշխանություն»-ը:

Սեպտեմբերի 1-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն երկօրյա այցով մեկնեց Լեռնային Ղարաբաղի Հանրապետություն, ուր կմասնացի ԼՂՀ հռչակման 20-ամյակին նվիրված միջոցառումներին:

Այցի ընթացքում Նորին Սրբությանն ուղեկցում են Ֆրանսիայի հայոց թեմի առաջնորդ Տ. Նորվան արքեպիսկոպոս Զաքարյանը, Նոր Նախիջևանի և Ռուսաստանի հայոց թեմի առաջնորդ Տ. Եզրաս եպիսկոպոս Ներսիսյանը, ՀՀ Զինված ուժերի հոգևոր առաջնորդ Տ. Վրթանես եպիսկոպոս Աբրահամյանը և գավազանակիր Տ. Անանիա աբեղա Ծատուրյանը:

Թերթը զրուցել է Մարգար Օհանյանի եղբոր` Մուշեղ Օհանյանի հետ:

ՊարոնՕհանյան ճի՞շտէ,որ ձեր եղբոր ձերբակալությունից հետո աշխատանքից ազատվելու դիմում է քգրել:

Ոչ: Այդպիսի բան չկա: Ես շարունակում եմ աշխատել իմ պաշտոնում, այսպահին էլ իմ աշխատասենյակում եմ:

Դուքտեղյա՞կեքայնգործից, որումայժմկասկածվումէՄարգար Օհանյանը:

Ոչ, տեղյակ չեմ եղել:

Հնարավորհամարո՞ւմեք,որ ձեր եղբոր ձերբակալությունը թյուրիմացության արդունք լինի, կամ հակառակը`նրան քավության նոխազ դարձնելու փորձարվի:

Չգիտեմ: Հիմա քննչական գործողություններ են գնում, պետք է տեսնենք; Բայց ես համոզված են, որ իմ եղբայրը մաքուր ա:

Թերթը ներկայացնում է վերլուծաբան Ռիչարդ Կիրակոսյանի գնահատականները Հայաստանի տնտեսական զարգացման վերաբերյալ: «Մեծահարուստ տխրահռչակների կենսակերպը» ենթավերնագրի ներքո` Ռ. Կիրակոսյանը գրում է. «Այն պահից սկսած, երբ հարուստ վերնախավը Հայաստանի քաղաքական կյանքում ձեռք բերեց նոր, պետական դերակատարություն, անպատժելիության մթնոլորտը էլ ավելի արմատացավ:

Միունույն ժամանակ, կառավարումը Հայաստանում սկսեց ավելի շատ նմանվել «իշխանական մեծամտության», ինչի հետեւանքով պետությունը ինքն իրեն ազատեց ժողովրդին ծառայելու պարտավորությունից: Բնականաբար, սա հանգեցրեց երկրի շարքային քաղաքացիների անտարբերությանն ու մեկուսացմանը:

Այդ պայմաններում Հայաստանի ներկա իշխանությունները բախվում են մի շարք արտաքին մարտահրավերների` սկսած արտասահմանում աշխատող հայերի դրամական փոխանցումների նվազումից մինչու տնտեսկան անկում, որը միայն ավելի է խորանում: Այդ մարտահրավերները, որոնք համընդհանուր տնտեսկան ճգնա-ամի հետուանք են, լուրջ սպառնալիք են Հայաստանի տնտեսության համար: Ներքին խնդիրները ներառում են հարկահավաքության թերությունները, անպատշաճ մաքսային ռեժիմը, անշարժ գույքի շուկայում արհեստականորեն ուռճացված գները, ինչպես նաեւ նոր աշխատատեղերի սակավությունը:

Ավելի լուրջ վտանգ են ներկայացնում, սակայն, կառուցվածքային թերթությունները, երբ տնտեսական աճը խիստ կախված ենայնպիսի սահմանափակ հատվածների տնտեսական աճից, ինչպիսին են` ծառայությունների ոլորտը կամ ադամանդագորխությունը, ինչպես նաեւ առավելապես ֆինանսական մուտքերից կախված տնտեսական գոյատեւումը»:

Մենք Թերթը գրում է, որ նախընտրական աշնանը քաղաքական դաշտի նոր վերաձեւումներ են սպասվում: Միավորված աշխատանքային կուսակցությունը` ՄԱԿ-ը նույնպես մասնակցելու է 2012-ի խորհրդարանական ընտրույուններին, սակայն ՄԱԿ-ի ղեկավար Գուրգեն Արսենյանը մասնակցության ձեւի եւ ֆորմատի վերաբերյալ դեռ հստակ չի կողմնորոշվել: «Մեր հարցի` այդուամենայնիվ իշխանակա՞ն, թե՞ ընդդիմադիր դաշտին է հարում ՄԱԿ-ը, Արսենյանը պատասխանեց. «ՄԱԿ-ը մշտապես եղել ա չափավոր կառուցողական դաշտում: Սկսենք նրանից, որ մենք հեղափոխական կուսակցություն չենք: Մենք գտնում ենք,որ մեր պոտենցիալը կարող ենք առաջարկել հանրապետության ընտրողներին, սակայն այդ պոտենցիալըոչ միայն քանդելուն եւ նորը սարքելուն է ուղղված, այլեւ բարեփոխումներին»: Այսինքն չի բացառվում, որ հենց ՀՀԿ-ի՞ն միավորվեք:

Արսենյանն արձագանքեց. «Ես նման բան չհայտարարեցի, կգա ժամանակը` մեր քննարկումների արդունքում եւ, վերլուծելով իրավիճակը հանրապետությունում, խնդիրների շարքը,որ մեր երկրի առջեւ կանգնած կլինի, էդ ժամանակ մենք կընտրենք ամենաողջամիտ տարբերակը»,- գրում է «Հրապարակ»-ը:

Թերթի տեղեկություններով, Սերժ Սարգսյանը որոշում է կայացրել, որ ՀՀԿ նախընտրական շտաբի պետը լինելու է ԱԺ նախագայ Հովիկ Աբրահամյանը;

Խոսակցություններն այն մասին որ Հովիկ Աբրահամյանը  ընկալվում է, որպես Ռոբերտ Քոչարյանի թիմի մարդ, այնքան էլ համոզիչ չեն թվացել Սերժ Սարգսյանին, եւ նրա ընտրությունը` շտաբի պետի մասով, կանգնել է Հովիկ Աբրահամյանի վրա:

Թերթը գրում է, որ իր տեղեկություններով երեկ ձերբակալված Ճանապարհային ոստիկանության պետ Մարգար Օհանյանի եղբայրը` Նոր Նորքի ոստիկանության պետ Մուշեղ Օհանյանը, այսօր-վաղը աշխատանքից ազատվելու դիմում է ներկայացնելու: «Ուշ երեկոյան տեղեկացանք,որ նա իր աշխատասենյակում իրերն է հավաքում: Հիշեցնենք, որ, ըստ մամուլի հրապարակումների, Ճանապարհային ոստիկանության պետ Մարգար Օհանյանի ու ոսոտիկանապետ Ալիկ Սարգսյանի միջեւ հակասությունները սրվել են այն բանից հետո, երբ Մուշեղ Օհանյանն իր աշխատասենյակի պետից հանել է ոստիկանապետի լուսանկարը»,- գրում է «Հրապարակ»-ը:ց

Թերթը գրույմ է, որ Ոստիկանության քննչական վարչությունը Հայ ազգային կոնգրեսի ակտիվիստներ Արտակ Կարապետյանին, Սարգիս Գեւորգյանին եւ քաղբանտարկյալ Տիգրան Առաքելյանին երեկ տեղեկացրել է, որ նրանց մասով գործի նախաքննությունը ավարտվել է: «Եթե վերահսկող դատախազը գործը հաստատի, ապա առաջիկայում կուղարկվի դատարան` ըստ էության քննվելու:

Օգոստոսի 9-ին Կոնգրեսի յոթ ակտիվիստների դեմ ոստիկանների կազմակերպած հարձակումներից հետո հարուցված քրգործով Տիգրան Աառաքելյանին եւ Արտակ Կարապետյանին մեղադրանք է առաջադրվել իշխանության ներկայացուցչի նկատմամբ բռնություն գործադրելու ու խուլիգանության մեղադրանքով: Սարգիս Գեւորգյանին առաջադրված է միայն խուլիգանության մեղադրանք:

Արեգ Գեւորգյանի, Վահագն Գուրգյանի, Դավիթ Քիրամիջյանի եւ Սահակ Մուրադյանի մասով քրեական գործի նախաքննությունը ֆորմալ առումով շարունակվում է: Բացառված չէ սակայն, որ նրանց մեղադրանքը կառճվի: Իսկ Տ. Առաքելյանի կալանավորման որոշումը նրա փաստաբան Վարդուհի Էլբակյանը օգոստոսի 19-ին բողոքարկել է ՀՀ վճռաբեկ դատարանում», -գրում է «Հայկական ժամանակը»: