Թերթը զրուցել է «Ժառանգություն» կուսակցության նախագահ Րաֆֆի Հովհաննիսյանի հետ եւ հետաքրքրվել, թե առաջիկա խորհրդարանական ընտրություններում արդյոք առաջադրվելո՞ւ է մեծամասնական ընտրակարգով: Հովհաննիսյանը պատասխանել է:

— Որոշում չկա: Մենք պիտի ամեն ինչ անենք` թեկուզ Ազգային ժողովում արտահերթ քննարկման միջոցով համամասնականի հարցը լուծել տալու, որովհետեւ դա բխում է համապատեկան շահերից:  Մենք մեծամասնականի դեմ բան չունենք, ես ծնվել եմ այն երկրում, որտեղ մեծամասնական  համակարգ է: Բայց մեզ մոտ մեծամասնականը ծածկագիր է ֆեոդալականի, ստրկատիրական համակարգի, եւ մենք պետք է այդ նույնացումը մերժենք:

Այսինքն` եթե արդյունքի չհասնեք, չի՞ բացառվում, որ մեծամասնականով կառաջադրվեք թե դուք, թե ձեր մյուս կուսակից ընկերները:

— Կյանքում ոչ մի բան չի բացառվում, բայց նախընտրելի է, որ չհասնենք այդ որոշմանը:

Իսկ «Ազատ դեմոկրատների հետ» դաշինքի հարցում որեւէ նորություն կա՞:

— «Ժառանգությունը» կգումարի իր համագումարը մարտի 2-ին, եւ հիմանական ուղենիշները այնտեղ կհայտարարվեն:

Թերթը գրում է, որ ԱԺ ընտրություններում Հայ ազգային կոնգրեսի համամասնական ցուցակի կազմավորման հարցր Կոնգրեսի քաղխորհրդում եւ ապա Կոնգրեսի անդամ կուսակցություններում քննարկվելուց հետո, այժմ քննարկվում է միջկուսակցական ֆորմատով: «Ինչպես «ՉԻ»-ին տեդեկացրեցին Կոնգրեսից, այժմ տեղի են ունենում միջկուսակցական քննարկումներ, որի րնթացքում Կոնգրեսի անդամ կուսակցությունները փորճում են գտնել Կոնգրեսի համամասնական ցուցակի ձևավորման մեկ ընդհանուր առաջարկ: Բանն այն է, որ Կոնգրեսի անդամ կուսակցությունները համամասնական ցուցակի ձեւավորման վերաբերյալ ներկայացրել են տարբեր առաջարկներ, եւ այժմ նրանք փորձում են միավորել այդ բոլոր առաջարկները մեկ ընդհանուր առաջարկի մեջ, որը ընդունեի կլինի բոլորի համար»,- գրում է «Չորրորդ ինքնիշխանություն»-ը:

Թերթը գրում է, որ իր տեղեկություններով` օրերս ՀՀ ոստիկանապետ Վլադիմիր Գասպյանը հավաքել է ոստիկանության աշխատակիցներին եւ նրանց նոր հրահանգներ է տվել ծառայությունը լավացնելու ուղղությամբ: «Մեր աղբյուրների փոխանցմամբ` Գասպարյանը շատ կոպիտ է խոսել հավաքվածների հետ: «Ես մաքուր եմ, իսկ դուք բոլորդ սատանաներ եք»,- բարկացած հայտարարել է ՀՀ ոստիկանապետը: Ի դեպ` հայտնի է, որ Վլադիմիր Գասպարյանը Հայ Առաքելական Եկեղեցու մոլի հետեւորդներից է եւ իր հրապարակային հայտարարություններում հաճախ է հիշում Աստված, ինչպես նաեւ աստվածաշնչյան որոշ տերմիններ»,- գրում է «Չորրորդ ինքնիշխանություն»-ը:

Թերթը գրում է, որ  բազմիցս անդրադարձել է հայաստանյան մի քանի թռչնարտադրող ընկերությունների ահազանգին, որով թռչնաբույծներն իրենց անհանգստությունն ու մտահոգությունն են հայտնում ոլորտում ստեղծված որոշ բացասական երեւույթների վերաբերյալ, մասնավորապես` որ Հայաստան ներմուծվող սառեցրած հավերը վերափաթեթավորվում եւ վաճառվում են տեղական` թարմ կամ սառեցրած հավի անվան տակ: Թեմայի հետ կապված «Աոավոտի» հարցերին պատասխանում է Սննդի անվտանգության ծառայությաՆ պետ Աբրահամ Բախչագուլյանը: Ներկայացնում ենք մի հատված զրույցից:

Պարոն Բախչագուլյան, հայաստանյան թռչնարտադրող որոշ ընկերությունների ղեկավարներ հավաստիացնում են, որ ոլորտում վերջին շրջանում արձանագրված որոշ բացասական երևույթների մասին տեղեկացրել են նաև Ձեզ: Ի՞նչ քայլեր է իրականացրել Ձեր ղեկավարած ծառայությանը` իրողությունը բացահայտելու ուղղությամբ և ի՞նչ փուլում են դրանք:

Թռչնաբույծների ահազանգի հետ կապված հանդիպել ենք նրանց, առարկայորեն քննարկել առկա իրավիճակը: Ծառայության կողմից ստեղծվել է աշխատանքային խումբ: Հանդիպումներ ենք ունեցել նաեւ թոչնի միս ներկրող բոլոր տնտեսվարող սուբյեկտների հետ, նրանց առաջադրանք է տրվել` իրենց կողմից ներմուծված հավի մսի իրացման հետագծելիությունն ապացուցող փաստաթղթերի ներկայացման վերաբերյալ: Խնդիրը դեռ ուսումնասիրության եւ վերլուծությունների փուլում է: Այս տարի առավել ուշադրություն ենք դարձնելու թռչնի միս արտադրող, ներմուծող եւ իրացնող կազմակերպությունների գործունեության վրա, այդ իսկ պատճառով արդեն սկսել ենք ստուգումներ իրականացնել նաեւ թռչնաբուծարաններում: «Արաքս» թռչնաֆաբրիկայում իրականացվում են լայնամասշտաբ ստուգումներ: Ստուգվում են ոչ միայն թռչունների պահվելու եղանակները, վակցինացիային, մորթին եւ դրանց ներկայացվող պահանջների կատարման համապատասխանությունը, այլ նաեւ իրացման հետագծելիությունը: Խնդիրը մեկ օրում լուծելու խնդիր չէ, այն պետք է հասկանալ եւ կարողանալ տնտեսվարողների հետ մշակել այն խաղի կանոնները, որով բացասական իրողությունները իսպառ կվերացվեն: Թռչնամսի հետ կապված խնդիրը լուծելի է արտադրման և իրացման հետագծելիության կարգի պահպանմամբ: Ձվի հետ կապված գործողությունները եւ թյուրիմացությունները կանխելն առավել հեշտ է, քանի որ ձուն մեր հանրապետություն ներմուծվում է մեր հսկողության ներքո, եւ մակնշման պահանջի կատարումը առավել հեշտ է իրականացնել եւ վերահսկել: Ինչ վերաբերում է հավին, ապա թռչնամսի նույնականացումը` սառեցրածը թարմի անվան տակ վաճառելը, այդքան էլ դյուրին խնդիր չէ: Եվ դա կարող է պարզվել միայն վերլուծության լաբորատոր լայնածավալ հետազոտության արդյունքում: Մեր կողմից, թռչնաբույծների հետ միասին, ուսումնասիրվել են նաեւ խանութներում առկա բոլոր հավերի տեսականիները, նաեւ թռչնաբույծները փաստեցին, որ դժվար է սառեցված հավը վաճառել թարմի անվան տակ, քանի որ սառեցված հավը իր ապրանքային տեսքը եւ որոշ հատկանիշներ կորցնում է եւ սպառողի համար դա նկատելի է: Խնդիրն ավելի շատ ներկրված՝ սառեցրած եւ տեղական սառեցրած հավերի նույնացման մասին է: Փորձելու ենք այդ խնդիրը լիովին լուծել:

Իսկ այն, որ ներկրված` սառեցրած հավերը հատուկ սարքավորումներով եւ բաղադրություններով վերամշակվում են` թարմի «նմանեցնեի համար», չի՞ կարող սպառողին թյուրիմացության մեջ գցել։

Այդ սարքավորումներով թարմացումները ևս շատ թանկ հաճույք է և կազդի հավի ինքնարժեքի վրա: Դա ապացուցելի չէ: Ապացուցելի չէ նրա տեսականին:

Ե՞րբ եք սկսել զբաղվել խնդրով եւ, ի վերջո, ե՞րբ հայտնի կլինեն ուսումնասիրությունների արդյունքները:

Ուսումնասիրությունները սկսել ենք փետրվարի 2-ին եւ մինչեւ անսի 20-ը դրանք կավարտենք: Վերջում կկազմվի սռտուգման, մեր կողմից արձանագրված խախտումների, եւ այլ լաբորատոր ստուգումների արձանագրություն, որը կտրվի տնտեսվարող սուբյեկտին,կազմակերպվելու է վարչական վարույթի քննարկում, եւ այդ ամենի մասին կտեղեկացվի հանրությունը:

Թերթը գրում է, որ Հայ ազգային կոնգրեսի մաս կազմող Ս.Դ.Հնչակյան կուսակցությունը, որի ատենապետն է Լյուդմիլա Սարգսյանը, ՀՀ արդարադատության նախարարությունից գրություն է ստացել, համաձայն որի` կուսակցությունն ունի նոր ատենապետ: «Արդարադատության նախարարությունը նման տիտղոս է շնորհել Գեւորգ Պերկուպերկյանին: Սա նման է մի իրավիճակի, երբ կառավարությունը որեւէ մեկին որեւէ կուսակցության նախագահ նշանակի»,- գրում է «Հայկական ժամանակ»-ը:

Թերթը գրում է, որ գյուղնախարար Սերգո Կարապետյանի որդուն` Վաչագան Կարապետյանին պատկանող «Արտաշատի պահածոների գործարան» ընկերությունում ամիսներով փող չեն տալիս բանվորներին: «Վերջին անգամ նրանք ստացել են 2011 թվականի նոյեմբերի աշխատավարձը: Այս մասին մեզ հայտնել են գործարանի մի խումբ աշխատողներ, որոնք իրենց անունները չեն հայտնել, զգուշանալով, որ լրագրողների հետ սեփական նախաձեռնությամբ շփվելու համար կարող են ազատվել գործից:

Նրանք պատմում էին, որ դեկտեմբերի աշխատավարձը ստացել են միայն այն աշխատողները, որոնք տանն ամուսնացած զույգեր ունեն եւ «Տրնդեզ» են նշել: Վերջիններս դիմում են գրել տնօրինությանը, խնդրելով գոնե դեկտեմբերի գումարը վճարել, քանի որ տոնի հետ կապված ծախսեր ունեն: Իսկ նրանք, ում «Տրնդեզը» չի վերաբերում, արդեն երրորդ ամիսն է` աշխատավարձի երես չեն տեսնում: Գործարանում լսելով «Հրապարակի» անունը, հրաժարվեցին աշխատավարձերի ուշացումների վերաբերյալ որևէ բացատրություն տալ, իսկ բանվորներից լսածը չմեկնաբանեցին, բայց և չհերքեցին: Թե ինչի հետ են կապված ուշացումները, անհասկանալի է: «Արտֆուդ» ապրանքանիշը, որը ներկայացնում է Արտաշատի պահածոների գործարանը, դրված է բոլոր խոշոր սուպերմարկետների վաճառասեղաններին և վատ չի վաճառվում: Մնում է հավատալ արտաշատցիների մեկնաբանությանը, թե նախարար հոր տանիքի տակ որդին իրեն պաշտպանված է զգում: Ի դեպ, նրանք պատմում են նաև, որ հայր-Կարապետյանն էլ չէր սիրում ժամանակին վճարել բանվորներին: Բայց հիմա ընկերությունում երանությամբ են հիշում Սերգոյի ժամանակները, երբ փողն ուշացնում էին ընդամենը մեկ ամիս: Կարապետյան որդին ավելացրել է ժամկետը երեք անգամ, եւ այժմ Արտաշատի պահածոների գործարանում ահով են սպասում թոռ-Կարապետյանի գալստյանը, քանի որ եթե այսպես շարունակվի, ապա նրա տիրապետության օրոք կես տարին մեկ են աշխատավարձ բաժանելու»,- գրում է «Հրապարակ»-ը:

Թերթը գրում է, որ 2007 թվականից Հայաստանում ավտոմեքենանաների, այսպես կոչված, «գոլդ» պետհամարանիշները տրամադրվում են աճուրդով: «ՀՀ ոստիկանությունը որոշել է վերացնել այս կարգը եւ «գոլդ» համարների համար սահմանել հաստատագրված վճարներ: Նայած «գոլդ»-ության աստիճանին, մեկ պետհամարանիշի գինը կլինի նվազագույնը 120 հազար դրամ, առավելագույնը` 5 միլիոն դրամ: Իր այս առաջարկը ոստիկանությունը քննարկման կներկայացնի այսօրվա կառավարության նիստին: Ըստ ոստիկանության հիմնավորումների, աճուրդները ձեռնտու չեն, քանի որ դրանցով պետհամարանիշների ձեռքբերումը երկարատեւ գործընթաց է, եւ գնորդները ստիպված են լինում մինչ «գոլդ» պետհամարանիշներ ձեռք բերելը երկար ժամանակ երթեւեկել հասարակ մահկանացուների համար նախատեսված սովորական պետհամարանիշներով մեքենաներով: Իսկ դա, ինչպես հասկանում եք, անթույլատրելի երեւույթ է: Կառավարությունը եւ ոստիկանությունը պետք է ամեն ինչ անենք «գոլդ» համարանիշների սիրահար խավի համար առավելագույն հարմարավետություն ստեղծելու համար»,- գրում է «Հայկական ժամանակ»-ը:

Թերթը գրում է, որ  բազմիցս անդրադարձել է հայաստանյան մի քանի թռչնարտադրող ընկերությունների ահազանգին, որով թռչնաբույծներն իրենց անհանգստությունն ու մտահոգությունն են հայտնում ոլորտում ստեղծված որոշ բացասական երեւույթների վերաբերյալ, մասնավորապես` որ Հայաստան ներմուծվող սառեցրած հավերը վերափաթեթավորվում եւ վաճառվում են տեղական` թարմ կամ սառեցրած հավի անվան տակ: Թեմայի հետ կապված «Աոավոտի» հարցերին պատասխանում է Սննդի անվտանգության ծառայությաՆ պետ Աբրահամ Բախչագուլյանը: Ներկայացնում ենք մի հատված զրույցից:

Պարոն Բախչագուլյան, հայաստանյան թռչնարտադրող որոշ ընկերությունների ղեկավարներ հավաստիացնում են, որ ոլորտում վերջին շրջանում արձանագրված որոշ բացասական երևույթների մասին տեղեկացրել են նաև Ձեզ: Ի՞նչ քայլեր է իրականացրել Ձեր ղեկավարած ծառայությանը` իրողությունը բացահայտելու ուղղությամբ և ի՞նչ փուլում են դրանք:

Թռչնաբույծների ահազանգի հետ կապված հանդիպել ենք նրանց, առարկայորեն քննարկել առկա իրավիճակը: Ծառայության կողմից ստեղծվել է աշխատանքային խումբ: Հանդիպումներ ենք ունեցել նաեւ թոչնի միս ներկրող բոլոր տնտեսվարող սուբյեկտների հետ, նրանց առաջադրանք է տրվել` իրենց կողմից ներմուծված հավի մսի իրացման հետագծելիությունն ապացուցող փաստաթղթերի ներկայացման վերաբերյալ: Խնդիրը դեռ ուսումնասիրության եւ վերլուծությունների փուլում է: Այս տարի առավել ուշադրություն ենք դարձնելու թռչնի միս արտադրող, ներմուծող եւ իրացնող կազմակերպությունների գործունեության վրա, այդ իսկ պատճառով արդեն սկսել ենք ստուգումներ իրականացնել նաեւ թռչնաբուծարաններում: «Արաքս» թռչնաֆաբրիկայում իրականացվում են լայնամասշտաբ ստուգումներ: Ստուգվում են ոչ միայն թռչունների պահվելու եղանակները, վակցինացիային, մորթին եւ դրանց ներկայացվող պահանջների կատարման համապատասխանությունը, այլ նաեւ իրացման հետագծելիությունը: Խնդիրը մեկ օրում լուծելու խնդիր չէ, այն պետք է հասկանալ եւ կարողանալ տնտեսվարողների հետ մշակել այն խաղի կանոնները, որով բացասական իրողությունները իսպառ կվերացվեն: Թռչնամսի հետ կապված խնդիրը լուծելի է արտադրման և իրացման հետագծելիության կարգի պահպանմամբ: Ձվի հետ կապված գործողությունները եւ թյուրիմացությունները կանխելն առավել հեշտ է, քանի որ ձուն մեր հանրապետություն ներմուծվում է մեր հսկողության ներքո, եւ մակնշման պահանջի կատարումը առավել հեշտ է իրականացնել եւ վերահսկել: Ինչ վերաբերում է հավին, ապա թռչնամսի նույնականացումը` սառեցրածը թարմի անվան տակ վաճառելը, այդքան էլ դյուրին խնդիր չէ: Եվ դա կարող է պարզվել միայն վերլուծության լաբորատոր լայնածավալ հետազոտության արդյունքում: Մեր կողմից, թռչնաբույծների հետ միասին, ուսումնասիրվել են նաեւ խանութներում առկա բոլոր հավերի տեսականիները, նաեւ թռչնաբույծները փաստեցին, որ դժվար է սառեցված հավը վաճառել թարմի անվան տակ, քանի որ սառեցված հավը իր ապրանքային տեսքը եւ որոշ հատկանիշներ կորցնում է եւ սպառողի համար դա նկատելի է: Խնդիրն ավելի շատ ներկրված՝ սառեցրած եւ տեղական սառեցրած հավերի նույնացման մասին է: Փորձելու ենք այդ խնդիրը լիովին լուծել:

Իսկ այն, որ ներկրված` սառեցրած հավերը հատուկ սարքավորումներով եւ բաղադրություններով վերամշակվում են` թարմի «նմանեցնեի համար», չի՞ կարող սպառողին թյուրիմացության մեջ գցել։

Այդ սարքավորումներով թարմացումները ևս շատ թանկ հաճույք է և կազդի հավի ինքնարժեքի վրա: Դա ապացուցելի չէ: Ապացուցելի չէ նրա տեսականին:

Ե՞րբ եք սկսել զբաղվել խնդրով եւ, ի վերջո, ե՞րբ հայտնի կլինեն ուսումնասիրությունների արդյունքները:

Ուսումնասիրությունները սկսել ենք փետրվարի 2-ին եւ մինչեւ անսի 20-ը դրանք կավարտենք: Վերջում կկազմվի սռտուգման, մեր կողմից արձանագրված խախտումների, եւ այլ լաբորատոր ստուգումների արձանագրություն, որը կտրվի տնտեսվարող սուբյեկտին,կազմակերպվելու է վարչական վարույթի քննարկում, եւ այդ ամենի մասին կտեղեկացվի հանրությունը:

Թերթը գրում է, որ ՀՀ կրթության եւ գիտության նախարար Արմեն Աշոտյանը կարծես վճռական է տրամադրված հեթանոս Անահիտ աստվածուհու բրոնզաձույլ գլուխը Լոնդոնի Բրիտանական թանգարանից Հայաստան բերելու հարցում:

«Նախարարը օրերս նման ցանկություն է հայտնել ֆեյսբուքյան իր էջում: Սոցիալական այդ ցանցի իր ընկերներին առաջարկել էր միանալ եւ մի ընդհանուր գրությամբ` համապատասխան ստորագրություններով, դիմել ՀՀ-ում Մեծ Բրիտանիայի դեսպանատուն` պահանջելով Հայաստանին վերադարձնել Բրիտանական թանգարանում պահվող Անահիտ աստվածուհու հանրահայտ արձանի բեկորները` գլուխն ու ձեռքերը:

Երեկ փորձեցինք պարզել Արմեն Աշոտյանը կոչից գործի անցե՞լ է, եւ ի՞նչ արձագանք է գտել նրա հայտարարությունը: Աշոտյանը մամուլի քարտուղարի միջոցով փոխանցեց միայն, որ իր կոչը մեծ արձագանք է գտել հատկապես երիտասարդների եւ ուսանողների շրջանում: Հենց նրանք էլ ստորագրահավաք են սկսել, որի ավարտին նրանց կմիանա նաեւ նախ նախարար Արմեն Աշոտյանը, եւ կդիմեն Մեծ Բրիտանիայի դեսպանատուն:

Հավելենք, որ Մեծ Բրիտանիայի դեսպանությունը արձագանքել է ԿԳ նախարար Արմեն Աշոտյանի կոչին` դարձյալ ֆեյսբուքյան իր էջում: Դեսպան Քեյթի Լիչի, մեկնաբանելով Անահիտ աստվածուհու բրոնզաձույլ  գլուխը Հայաստան վերադարձնելու ցանկությունը, գրել է. «Բրիտանական թանգարանն, իրավամբ, պատկանում է աշխարհին. ամեն տարի մոտ 6 մլն այցելու անվճար մուտք ունի այնտեղ, եւ երկար տարիներ հնարավորինս տրամադրել է իր եզակի նմուշները` աշխարհով մեկ ցուցադրելու համար: Հրաշալի կլինի եթե փոխանակման այդպիսի ծրագիր իրականացվի Բրիտանական թանգարանի ու Հայաստանի պատմության պետական թանգարանի միջեւ»: Դեսպանն այսպիսով, փաստորեն, ակնարկել է արձանը ոչ թե վերադարձնելու, այլ` ժամանակավոր ցուցադրության ուղարկելու հնարավորության մասին»,- գրում է «Հայկական ժամանակ»-ը: