31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...18.05.2024 | 13:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանի...Ողբերգությունը տեղի է ունեցել Ռուսաստանի Վորոնեժի մարզի Նեչաևկա ավանում: Հուլիսի 4-ին կինն իր 15-ամյա դստեր հետ եկել է ամուսնու տուն` հավաքելու իր իրերը: Կինն իր հետ բերել էր նաև իր ծանոթին, որը պետք է օգներ ծանր կահույքը մեքենայի մեջ դնել, սակայն դեպքերի նման ընթացքը տանտիրոջ սրտով չէր:
Ամուսինը վերցրել է որսորդական հրացանը և կրակել սկզբում կնոջ, ապա նաև դստեր վրա. նրանք տեղում մահացել են:
Ինչպես հաղորդում է Life News-ը, ողբերգությանն ականատես է դարձել սպանված կնոջ 52-ամյա ծանոթը: Նրա ուղղությամբ նույնպես տղամարդը կրակել է, բայց նա միայն ուսի թեթև վնասվածք է ստացել:
Տղամարդը հասկանալով, թե ինչ է կատարել, ինքնասպան է եղել` կրակելով իր կրծքին:
Թերթի գլխավոր խմբագիրն այսօրվա համարում գրել է. «Երեկ lragir.am-ում կարդացի` բացառված չէ, որ Ռուբեն Հայրապետյանը «փոշմանի» և որոշի իր մանդատը վայր չդնել` տեղի տալով իր ընկերոջ` Սամվել Ալեքսանյանի խնդրանքներին: Դա ինձ քիչ հավանական է թվում, ավելի շուտ հնարավոր է հակաոակը` նա համոզի իր գործընկերոջը հրաժարվել պատգամավորությունից: Եթե նման բան տեղի ունենա, դա դրական կերպով կբնութագրի երկուսին էլ: Ի դեպ, կարծում եմ, պետք է տարանջատել օլիգարխների քաղաքական և հասարակական գործունեությունը: Առաջին դեպքում միանշանակ է, որ նրանք այդ ոլորտից պետբ է հեռանան: Երկրորդ դեպէում, երբ խոսէը, օրինակ, Ֆուտբոլի Ֆեդերացիայի կամ օլիմպիական կոմիտեի մասին է, այդ բնագավառում ընդգրկված մարդիկ, տվյալ դեպքում՝ սպորտսմենները, մարզիչները պետք է որոշեն` ուզո՞ւմ են նրանք, որ իրենց կազմակերպության ղեկավարը փոխվի, թե՞ չէ:
Ինչ մնում է քաղաքականությանը և դեպուտատությանը, ապա միանգամայն պարզ է, թե ինչու են օլիգարխներն այնտեղ խցկվել: Ռուսաստանում, որին մենք շատ բանով ընդօրինակում ենք, դա վաղուց արդեն անցած էտապ է’ Ուսմանովը, Լիսինը կամ Մորդաշովը Դումայի պատգամավորներ չեն և այժմ նման կարգավիճակ ձեռք բերելու ցանկություն, կարծես թե, չունեն: Միամտություն կլիներ, իհարկե, կարծել, թե նրանք քաղաքական դաշտում ազդեցություն չունեն, պարզապես նրանք գտել են դրա ավելի քաղաքակիրթ ձևերը, այդ թվում` մեդիայի միջոցով: Մեր մեծահարուստների ֆինանսական կարողությունները հիշյալ բիզնեսմեններից առնվազն 20 անգամ փոքր են, և գուցե դրանից է գալիս իրենց անվստահությունը վաղվա օրվա նկատմամբ և ձգտումը անձամբ քաղաքական «տանիքի» տակ մտնելու: Մյուս կողմից` ռուսաստանցի օլիգարխների մշակութային մակարդակը զգալիորեն ավելի բարձր է, քան իրենց հայ գործընկերներինը, և այսօր նրանց մտքով անգամ չի անցնում զարմացնել հասարակությանը իրենց կատաղած, կապը կտրած «ախրաննիկներով»: Այդ մերոնք են, որ մնացել են 90-ականների «բրատոկների» և «նոր ռուսների» մակարդակին:
Մեր այդ բոլոր հանգամանքները, բնականաբար, պայմանավորված չեն մեր ազգային առանձնահատկություններով կամ նույնիսկ «ռեժիմների» տարբերությամբ, հակառակը` մեր երկրում ներկայիս ռեժիմը նույնիսկ փոքր-ինչ ավելի ազատական է, քան Ռուսաստանում: Ավելի շուտ ես հակված եմ դա վերագրել մեզ մոտ 90-ականների առաջին կեսին ստեղծված ծայրահեղ էքստրեմալ վիճակով, երբ պետական կարգը` իր դրական ու բացասական կողմերով, ձևավորում էին ուժային կառույցները:
Բայց ինչ եղել` եղել է. վաղուց արդեն ժամանակն է անցնել նորմալ «քաղաքացիական» կյանքին: Դրա առաջին քայլը կարող էր լինել օլիգարխներին խորհրդարան չթողնելը: Բայց, ըստ երևույթին, ՀՀԿ-ն դա չէր կարող անել, քանի որ կարծր մրցակցության մեջ էր ԲՀԿ-ի հետ. որտեղ նույնպես մեծուփոքր օլիգարխներ կան: Հիմա, հաշվի առնելով Ռուբեն Հայրապետյանի քայլը, գուցե կա՞ տարբերակ, որ հիշյալ երկու կուսակցությունների օլիգարխները վայր դնեն իրենց մանդատները: Ինչների՞դ է պետք անընդհատ քննադատության և ծաղրի թիրախ լինելը: Գնացեք ձեր դղյակները, զբաղվեք բարեգործությամբ: Ուզո՞ւմ եք բարոյապես կամ նյութապես սատարել ներկայիս նախագահին` խնդիր չկա: Ցանկանո՞ւմ եք օգնել նախկին երկու նախագահներից որևէ մեկին` էլի ձեր գործն է: Բայց հանգիստ թողեք օրենսդիր գործունեությունը` դա ձեր խելքի բանը չի»:
Առավոտ
Այսօր տեղի ունեցավ Հանրային խորհրդին կից ձևավորված փոքր և միջին ձեռնարկատիրությանն հարցերով զբաղվող հանձնաժողովի առաջին բաց նիստը, որին մասնակցում էին հանրային խորհրդի անդամները, ՀՀ Էկոնոմիկայի փոխնախարար Կարինե Մինասյանը, մի շարք տնտեսագետներ և գործարարներ: Նրանք հանգամանորեն անդրադարձան ՓՄՁ ոլորտում գրանցած հաջողություններին, փորձեցին վեր հանել առկա խնդիրները և տալ դրանց լուծումները:
Նշենք, որ սա քննարկումների առաջին օրն էր, դրանք լինելու են շարունակական և նպատակն է ձևավորել հստակ ծրագիր, որն ուղղված կլինի ոլորտի զարգացմանը և խոչընդոտների հնարավորինս կրճատմանը:
Սակայն… հնչեցին տարբեր կարծիքներ, որոնք ավելի շատ ուղղված էին իրականացված միջոցառումներին, այլ ոչ թե առկա խնդիրներին և տպավորությունն այնպիսին էր, թե յուրաքանչյուրը փորձում էր առաջ քաշել իրեն հուզող հարցերը` շատ դեպքերում շեղվելով քննարկման բուն խնդիրներից:
Քննարկման մանրամասները կներկայացնենք առաջիկայում:
«Պահանջում ենք պատժել «Հարսնաքարում» տեղի ունեցածի բոլոր մեղավորներին» քաղաքացիական նախաձեռնությունը նամակով դիմել է ՀՀ գլխավոր դատախազ Աղվան Հովսեփյանին, պահանջելով ՀՀԿ-ական գործարար պատգամավոր Ռուբեն Հայրապետյանին ներգրավել հարուցված քրգործում, որպես կասկածյալ:
Դիմումում ասվում է.
«Ձեզ ենք դիմում հունիսի 17-ին «Հարսնաքար» ռեստորանային համալիրում կայացված ինքնադատաստանի գործով, որի տուժածներից Վահե Ավետյանը դաժան ծեծի ու խոշտանգման արդյունքում մահացավ հունիսի 29-ին:
Սույն դեպքի առթիվ հարուցվել է քրգործ, որը քննվում է Ոստիկանության քննչական գլխավոր վարչությունում, կա 6 կալանավորված:
Դեպքի առաջին իսկ պահից հանրության մոտ ձևավորվել է այն կասկածը, որ ինքնադատաստանի հրամանը տվել է Հանրապետական կուսակցության անդամ, Ազգային ժողովի նախկին պատգամավոր Ռուբեն Հայրապետյանը: Դեպքից անցել է արդեն երկու շաբաթ, սակայն դեռևս չի քննարկվում նրան գործում որպես կասկածյալ ներգրավելու վարկածը: Ավելին, հանցագործության ոչ բոլոր մասնակիցներն են կալանավորվել. ըստ տուժողների հրապարակային հայտարարության` ինքնադատաստանին մասնակցել է 10-15 հոգի:
Հաշվի առնելով, որ ՀՀ Դատախազության սահմանադրական գործառույթն է` պաշտպանել հանրային իրավունքը և պետական շահը, պահանջում ենք հետևյալը.
Դեպքի առնչությամբ հարուցված քրեական գործում Ռուբեն Հայրապետյանին ներգրավել որպես կասկածյալ և ձերբակալել նրան: Ըստ մամուլի կալանավորվածների մեջ կան նաև նրա անձնական թիկնազորի անդամներ: Իր կողմից նախկինում հրավիրված ասուլիսի ժամանակ Ռուբեն Հայրապետյանը հրապարակավ հանդես է եկել բռնության կոչերով և հայտարարել է, որ մարդկանց պատժում է ծեծի միջոցով, ինչը հիմք է տալիս մեզ եզրակացնելու, որ «Հարսնաքարի» հանցագործության պարագայում ևս նա ընդունակ էր նման հրաման տալու: Բացի այդ, հուլիսի 3-ին Ազգային Ժողովի մանդատից հրաժարվելու հայտարարության մեջ նա ընդունել է իր մեղավորությունը:
Քրեական գործում ներգրավել հունիսի 17-ի հանցագործության հետ առնչված բոլոր անձանց:
Փաստի առթիվ հարուցված քրեական գործը վերցնել ոստիկանության վարույթից և տեղափոխել Հատուկ Քննչական Ծառայության վարույթ, քանի որ այս ընթացքում ոստիկանության քննչական գործողությունները չեն համապատասխանում անկողմնակալ հետաքննություն անցակացնելու հանրության պահանջին: Ավելին, դեպքի առաջին իսկ օրերին մի քանի բարձրաստիճան ոստիկաններ ի սկզբանե հայտարարել են, որ Ռուբեն Հայրապետյանն անմեղ է` առանց հետաքննության ավարտի եզրակացության: Մամուլում նաև շրջանառվել է այն լուրը, որ Երևանի ոստիկանապետ Ներսիկ Նազարյանը բարեկամական կապեր ունի Ռուբեն Հայրապետյանի հետ:
Հստակ քայլեր կատարել և որոշումներ կայացնել` թույլ չտալու, որ Ռուբեն Հայրապետյանը լքի Հայաստանի Հանրապետության տարածքը մինչև քննության ավարտը և չկարողանա փախչել Հայաստանից` խուսափելով արդարադատությունից: Եթե Ռուբեն Հայրապետյանը լքի Հայաստանի Հանրապետությունը և խուսափի հնարավոր պատժից, ապա դրա ողջ պատասխանատվությունը կրելու է ՀՀ դատախազությունը` ի դեմս ձեզ:
Պահանջում ենք հստակ, վճռական և շտապ գործողություններ ու որոշումներ մեր պահանջներն ի կատար ածելու վերաբերյալ, պահանջում ենք նաև հրապարակային կերպով պատասխանել մեր պահանջներին և տեղեկացնել հանրությանը գործի բոլոր մանրամասների և զարգացումների վերաբերյալ, գործել թափանցիկ և հաշվետու:
Այս գործը քննություն կլինի ՀՀ դատախազության համար`փաստելու, որ ինքը կատարում է իր Սահմանադական գործառույթները` պաշտպանում է հանրության իրավունքներն ու պետական շահը, այլ ոչ թե փոքրաթիվ արտոնյալ խավի քրեաօլիգարխիկ շահերը: Հակառակ պարագայում մենք կփաստենք, որ ՀՀ դատախազությունը անգործության է մատնված` իր բոլոր հետևանքներով, և հնարավորություն կստանանք քաղաքացիական ուղիղ գորոծողություներով ինքներս հասնելու արդարության հաստատամանը` իրավունքի գերակայության և սահմանդրական գործառույթների իրականացման հիման վրա»:
ՀՀ Կենտրոնական ընտրական հանձնաժողովն այսօր` հուլիսի 4-ին, գումարել է հերթական նիստ:
ԿԸՀ մամուլի ծառայությունից հայտնում են, որ նախքան նիստի օրակարգին անցնելը ՀՀ կենտրոնական ընտրական հանձնաժողովի նախագահ Տիգրան Մուկուչյանը ներկայացրել է տեղեկատվություն` 2012թ. հուլիսի 8-ին կայանալիք տեղական ինքնակառավարման մարմինների ընտրությունների վերաբերյալ:
Տեղական ինքնակառավարման մարմինների ընտրություններ են անցկացվելու հանրապետության 9 ընտրատարածքների 17 համայնքում, որոնցից 16-ում` անցկացվելու են հերթական և մեկում` արտահերթ ընտրություններ:
Արմավիրի, Գեղարքունիքի, Լոռու, Կոտայքի և Վայոց Ձորի մարզերի 16 համայնքում անցկացվելու են համայնքի ղեկավարի, իսկ մեկ համայնքում (Լոռու Ահնիձոր)` ավագանու անդամի ընտրություններ: 16 համայնքներից երկուսում միաժամանակ անցկացվելու են նաև ավագանու անդամի ընտրություններ: 6 համայնքում գրանցվել են համայնքի ղեկավարի 1-ական թեկնածու, 6 համայնքում` 2-ական, 3 համայնքում` 3-ական և մեկ համայնքում` 4 թեկնածու: Գրանցված համայնքի ղեկավարի թեկնածուներից երկուսը կին են:
Տիգրան Մուկուչյանը տեղեկացրեց նաև, որ համաձայն ՀՀ ընտրական օրենսգրքի` իրականացվել են ընտրությունների նախապատրաստական բոլոր աշխատանքները, կազմավորվել են ընտրական տեղամասերը, և սահմանվել են տեղամասային կենտրոնները:
Սուսաննա Տոնոյանը զբաղեցնում էր ՀՀ Կապի և տրանսպորտի նախարարի մամուլի խոսնակի պաշտոնը, և անցած շաբաթ իր դիմումի համաձայն ազատվել էր այդ պաշտոնից:
ՀՀ Կառավարության մամուլի ծառայության տարածած մամուլի հաղորդագրությունից տեղեկանում ենք, որ այսօր` հուլիսի 4-ին, նա նշանակվել է Հայաստանի Հանրապետության կառավարության աշխատակազմի տեղեկատվության և հասարակայնության հետ կապերի վարչության պետ:
«Վահե Ավետյանի սպանության գործում, ինչպես միշտ, խառնվել են իրավական, քաղաքական և բարոյական ասպեկտները: Եթե ինձ պատկանող «Առավոտի» որևէ աշխատակից, Աստված մի արասցե, որևէ մեկին սպանի, դա դեռ չի նշանակում, որ ես մարդասպան եմ, և որևէ մեկն իրավունք ունի ինձ այդպես անվանելու: Բայց բարոյական պատասխանատվություն ես, բնականաբար, դրա համար կրում եմ, որովհետև ես պետք է իմանամ` ում և ինչի համար եմ գործի ընդունում: Ռուբեն Հայրապետյանն, իհարկե, այդ բարոյական ծանր բեռի տակ է, և ինչպես է նա այս իրավիճակից դուրս գալու` առայժմ չեմ պատկերացնում:
Քաղաքական ասպեկտի մասին: Պարզ է, որ քաղաքական ուժերն այս ողբերգությունից կքամեն ամեն ինչ, մինչև վերջին կաթիլը` քարոզելու նպատակով: Պարզ է նաև, որ քաղաքականապես ակտիվ երիտասարդների համար «Նեմեց` մարդասպան» վանկարկելը կայացման ձև է և խիզախության դրսևորում: Բայց երբ իշխանության ներկայացուցիչները կոչ են անում այդ զարհուրելի հանցագործությունը չքաղաքականացնել, դա էլ է երեսպաշտություն: Ես չեմ կարող չքաղաքականացնել երկու պատճառով. 1/ սպանությունը 90-ականների կեսերից (այսպես կոչված` երկրապահների ժամանակաշրջանից) ստեղծված համակարգի արդյունք է. իշխանությունը բուծել է օրենքի վրա թքող իր սիրեցյալներին, առաջին հերթին` օլիգարխներին, վերջիններս էլ բուծել են թիկնապահ կոչվող զոմբիներին, 2/ «Առագաստ» սրճարանում համանման հանցագործություն կատարած նախագահի թիկնապահը ստացել է երեք տարի պայմանական, քանի որ Կուկուին «պլստացրել» են, դա կարող են անել նաև այս մարդասպանի հետ:
Եվ, վերջապես, ահաբեկչության մասին: Նախ` ինձ թվում է, եթե մարդը որոշել է ինչ-որ մի շենք պայթեցնել, նա գնում և պայթեցնում է, ոչ թե մտնում է տարածք և հայտարարում է, թե ուզում է պայթեցնել` ինչ-որ անհասկանալի բանակցություններ վարելով: Բայց դա` մի կողմ: Ենթադրենք, ահաբեկչության վտանգն իրական էր: Ի՞նչ կա այստեղ ողջունելու և ուրախանալու: Եթե ռեստորանն իսկապես պայթեցվեր և զոհվեր, ասենք, «Հարսնաքարում» մաքրություն անող հավաքարարը, ապա ո՞րն է նրա մեղքը, ինչի՞ համար է նա փոխհատուցելու: Ինչո՞վ է այդ հանցագործությունը տարբերվելու Վահե Ավետյանի սպանությունից:
Մենք, կարծես թե, պայքարում ենք ընդհանրապես բռնության դեմ և հանուն նրա, որ Հայաստանում գործեն օրենքները: Այդ ֆոնի վրա վառելու, պայթեցնելու, քառատելու կոչերն ինձ հասկանալի չեն: Հանցագործների հետ ոչ մի բան պետք չէ անել` բացի նրանից, ինչը նախատեսված է օրենքով, և ինչը հնչելու է դատարանում որպես վճիռ: Խնդիրը հենց այն է, որ առայսօր նման դատավճիռներ չեն հնչել: Իսկ այն, ինչ հնչել է, ամենևին չէր համապատասխանում կատարված հանցագործություններին:
Նորվեգիայի հասարակությունը չի ընդվզում այն իրողության դեմ, որ Բրեյվիկը մահապատժի չի ենթարկվելու»:
Արամ Աբրահամյանն
Սուքիաս Ավետիսյանը, որն ընդգրկված է Հանրապետական կուսակցության համամասնական ընտրացուցակում, դարձավ ԱԺ-ի պատգամավոր:
Հայաստանի Հանրապետության կենտրոնական ընտրական հանձնաժողովն այսօր գումարել է հերթական նիստ, որի ընթացքում, հիմք ընդունելով Հայաստանի Հանրապետության Ազգային ժողովի նախագահի` 2012 թ. հուլիսի 3-ի «Հայաստանի Հանրապետության Ազգային ժողովի պատգամավոր Ռաֆիկ Գրիգորյանի պատգամավորական լիազորությունները դադարած համարելու մասին» N 3 արձանագրությունը, կազմել է արձանագրություն` ընտրված և լիազորությունները վաղաժամկետ դադարած պատգամավորի մանդատը Հայաստանի Հանրապետական կուսակցության ընտրական ցուցակի հերթական հաջորդ թեկնածու Սուքիաս Հեգելի Ավետիսյանին տալու մասին:
Հերթական նիստում ՀՀ կենտրոնական ընտրական հանձնաժողովն ուժը կորցրած է ճանաչել Հայաստանի Հանրապետական կուսակցության համամասնական ընտրակարգով ընտրական ցուցակում ընդգրկված պատգամավորի թեկնածու Կարինե Վիլիկի Հարությունյանի գրանցումը` հաշվի առնելով նրա կողմից ներկայացրած ինքնաբացարկի մասին դիմումը:
Հիշեցնենք , որ Գեղարքունիքի մարզպետ է նշանակվել Ռաֆիկ Գրիգորյանը:
Այսօր տաղանդավոր դերասան Մհեր Մկրտչյանի ծննդյան օրն է:
Հպարտ ենք, որ ունեցել ենք նման շնորհալի ու հրաշալի արտիստ, մարդ, որը սակայն անձնական կյանքում երբեք երջանիկ չեղավ:
Ինչ էլ ասվի այսօր նրա մասին, ինչպես էլ մեծարվի, լավ ու ջերմ խոսքեր հնչեն, միևնույն է, ինչ որ տեղ այդ ամենը կեղծ կլինի, քանի որ մարդու՝ նրա հիշատակի նկատմամբ հարգանքը խոսքերով չի որոշվում:
Դա կոնկրետ գործ է՝ վերաբերմունք, որ այդպես էլ չցուցաբերվեց նրա մերձավորների՝ կնոջ ու երեխաների հանդեպ, թե՛ պետական մակարդակով թե՛, հարազատների կողմից.
Կարծում ենք վերատպելով հոգեբուժարանում տարիներ շարունակ անտեսված ու լքված Մհեր Մկրտչյանի կնոջ՝ վերջերս մահացած Դոնաարա Մկրտչյանի մասին հրապարակումը մեկ անգամ ևս կհիշեցնենք, որ երբ խոսքերը գործ չեն դառնում, մնացյալը կեղծ ու տգեղ է լինում:
Դոնարա Մկրտչյանի անունը ծանոթ է հատկապես միջին տարիքի հայ հանդիսատեսին: Այսօր շատերը նրան գիտեն միայն որպես Ֆրունզիկ (Մհեր) Մկրտչյանի կնոջ և շատ քչերը` այն դաժան ճակատագրի մասին, որ բաժին ընկավ շնորհալի դերասանուհուն:
Տարիներ առաջ նրան հանդիպեցի Սևանի հոգեբուժարանում, ուր Նորքի հիվանդանոցից, արդեն որպես անբուժելի հիվանդ, տեղափոխել էին 20 տարի առաջ: Հոգեբուժարան կատարած այցի ժամանակ կրկին առիթ եղավ գլխավոր բժիշկ Արամ Ալեքսանյանի հետ զրուցել դերասանուհու մասին: Նա տառապում էր շիզոֆրենիա հիվանդությամբ: Ավելորդ է ասել, որ երկար տարիներ լինելով հոգեբուժարանում` նա արտաքնապես շատ էր փոխվել: Իսկ դա ըստ բժիշկ Ալեքսանյանի`յուրահատուկ է նշված հիվանդությանը: Սակայն Դոնարա Մկրտչյանը մեր սերնդի հիշողության մեջ մնացել է այնպիսին, ինչպիսին կար երիտասարդ տարիքում` շնորհալի դերասանուհի, հյութեղ խառնվածքով գյումրեցի կին:
Ցավոք, շատերը մեծարելով Մհեր Մկրտչյանին` մոռանում են, որ նրա երբեմնի կողակիցը և երկու երեխաների մայրը սարսափելի վախճան ունեցավ լքված ու ու մոռացված: Բայց նրանց թվում կա մեկը, որը դրա իրավունքը չուներ նախևառաջ բարոյապես. ԽոսքըՄհերի եղբոր Ալբերտ Մկրտչյանի մասին է, ում վերելքն ու դիրքն ապահովել է Ֆրունզիկի տաղանդը: Նա տեր դառնալով ոչ միայն Ֆրունզի թողած ոչ նյութական ժառանգությանը, տեր էր դարձել նաև եղբոր բնակարանին ու ունեցվածքին, սակայն հոգեբուժարանում գտնվելու 20 տարիների ընթացքում, այստեղ չէին հիշում, որ Ալբերտ Մկրտչյանը երբևէ այցելած լիներ հարսին, կամ գոնե ծանրոց ուղարկեր:
«Նրան սկզբնական շրջանում թատրոնի դերասանուհիներից ոմանք գալիս էին տեսնելու»,— պատմում էր պարոն Ալեքսանյանը:
Սունդուկյանի անվան թատրոնում հարցուփորձի ժամանակ պարզեցի, որ նրանց մեջ եղել է նաև Դոնարայի մտերմուհին` դերասանուհի Ջուլիետ Բաբայանը: Նրան էլ խնդրեցի պատմել, թե ինչ է նախորդել հոգեբուժարանին և առհասարակ` խոսել Դոնարա Մկրտչյան դերասանուհու մասին:
— Ես չեմ վարանում ասել, որ Դոնարան տաղանդավոր դերասանուհի էր: Եթե նա չհիվանդանար` այսօր մեծ բարձունքների հասած կլիներ: Աճեմյանը նրա հետ մեծ հույսեր էր կապում: Բազմաթիվ գլխավոր դերերում էր խաղում, իսկ «Պաղտասար աղբար»-ում Անուշի դերը Ֆրունզի հետ էր խաղում, «Ծիրանի ծառը» նրա վերջին ներկայացումը եղավ: Նույնիսկ այն ժամանակ խաղաց, երբ մի անգամ արդեն հիվանդանոցում բուժվել ու դուրս էր գրվել: Նա մեծ ավանդ ուներ նաև հեռուստատեսությունում և ռադիոյում, ուր բազմաթիվ կրկնօրինակումներ էր կատարել: Այն ժամանակ այսպես չէր, ով պատահեր` չէր կարող դեր կարդալ: «Կովկասի գերուհին» հայտնի ֆիլմում նա մի փոքրիկ դրվագում էր խաղում: Սակայն գլխավոր հերոսուհուն` Նինային, ինքն էր կրկնօրինակել:
— Կարծիք կա, որ Դոնարան իր դերերով պարտական է եղել Մհերի կինը լինելու հանգամանքին:
— Ես չեմ կարծում. նա շնորհալի դերասանուհի էր և եթե այդպիսին չլիներ` Աճեմյանը նրան հենց այնպես գլխավոր դեր չէր վստահի: Գուցե ինչ-որ տեղ Ֆրունզի անվան կողքին դրված նրա անունը շոյիչ էր, բայց դրանով դերեր ստանա՞լ: Ոչ, այդպես չէր:
— Իսկ նա` որպես անհատ, ինչպիսի՞ն էր:
— Շատ կենսուրախ, լավ մարդ, լավ ընկերուհի: Սակայն դժբախտ կին էր: Ոչ ոք չուներ. մայրը մահացել էր, հայր չուներ, տղան ևս հոգեկան խնդիրներ ուներ (այդ հիվանդությունը ժառանգական էր, կարծեմ մորեղբայրն էլ է հիվանդ եղել, վերջերս մահացավ հոգեբուժարանում): Աղջիկն էլ Արգենտինայում մահացավ: Նա կոմպոզիտոր Տերտերյանի հարսն էր: Վերջերս թոռնուհին էր եկել, գնաց տատին տեսության: Աղջիկը` Նունեն, տեղեկություններ էր հավաքում, հավանաբար ինչ-որ բան էր ցանկանում գրել, սակայն կիսատ մնաց: Այժմ թոռնուհին ուզում է մոր գործը շարունակել:
— Մինչև հիվանդությունը Դոնարային կարելի՞ էր երջանիկ կին համարել:
— Կարծում եմ` այո: Ֆրունզը լավ էր վերաբերվում նրան: Ուղղակի Ֆրունզի լավ տարիներն էին, նրան շատ էին սիրում, ամբողջ օրը դրսում էր: Հաճախ նաև հրավիրում էին Մոսկվա` նկարահանումների: Հյուրախաղերի գնաց Բեյրութ, Հնդկաստան: Դոնարան այդ ընթացքում շատ էր մենակ մնում, գուցե այդ էր պատճառը, որ ահավոր խանդում էր ամուսնուն: Մինչև տղայի` Վահագնի ծնունդը, հաճախ էինք հանդիպում, հավաքվում էինք իրենց տանը: Եթե չեմ սխալվում` 1975-ից (ծնվել է 1941 թվականին) սկսեցին ի հայտ գալ հիվանդության նախանշանները` կասկածամտություն, խանդ, մտածում էր, թե ուզում են իրեն թունավորել:
— Ֆրունզը հոգատա՞ր ամուսին էր:
— Սկզբնական շրջանում` այո, հիվանդանոցում հետևում էր, ուշադիր էր, հետո երբ վիճակը վատացավ` արդեն Դոնարան չէր ուզում ոչ ոքի տեսնել:
— Դուք ավելի լավ գիտեք թատերական ոլորտը: Այս բոլոր տարիների ընթացքում ինչպիսի՞ վերաբերմունք է ցուցաբերվել նրա հանդեպ: Այ, նշվեց Մհեր Մկրտչյանի 70-ամյակը, այդ շրջանակներում Դոնարա Մկրտչյանի հանդեպ որևէ ուշադրություն եղե՞լ է:
— Թատրոնը երկար ժամանակ նրան պահեց, աշխատավարձ էր վճարում: Հետո հիվանդության ընթացքը երկարեց, և դա այլևս հնարավոր չէր: Երբ «Նորքում» էր պառկած` մի քանի մտերիմներով հաճախ էինք այցելության գնում: Բայց վիճակը ծանրացավ, նրան տեղափոխեցին Սևան, և հաղորդակցվելը դարձավ անհնարին: Հիվանդանոցում ահավոր պայմաններ էին` մռայլ սենյակները, այդ գորշությունը սարսափելի էր: Հիմա հոգեբուժարանում շատ բան է փոխվել: Իսկ ինչ վերաբերում է պետական մակարդակով կամ թատերական որևէ կառույցի միջոցով նրա հանդեպ ցուցաբերված ուշադրությանը, ցավոք, այս տարիներին երբևէ նման դեպք չի եղել:
Ազատազրկման վայրերում խոշտանգումների և վատ վերաբերմունքի զոհերին իրավական օժանդակություն կտրամադրվիԱյսօր՝ հուլիսի 4-ին Մարդու իրավունքների պաշտպան Կարեն Անդրեասյանը և Հայաստանում Գերմանիայի դեսպանի ժամանակավոր պաշտոնակատար Քրիստոֆ Բրոյնիգը ստորագրել են համագործակցության հուշագիր, որն ուղղված է ազատազրկման վայրերում խոշտանգումների և վատ վերաբերմունքի զոհերին իրավական օժանդակություն տրամադրելուն։
Հուշագրի շրջանակներում Գերմանիայի դեսպանության ներդրումը կազմում է 22. 300 եվրո, որը ներառում է շրջիկ իրավաբանների ներգրավում՝ ազատազրկման վայրերում խոշտանգումների և վատ վերաբերմունքի զոհերին իրավական խորհրդատվություն տրամադրելու նպատակով։ Նախագիծն իրականացվում է «Մարդու իրավունքների տուն» ՀԿ-ի հետ համատեղ։ Նշվում է նաև, որ վերջին մեկ ամսում սա արդեն երրորդ հուշագիրն է, որն ուղղված է առանձին խոցելի խմբերի աջակցությանը։ Հուշագրեր են ստորագրվել ՄԱԿ-ի փախստականների հարցերով գերագույն հանձնակատարի հայաստանյան գրասենյակի հետ՝ ուղղված Հայաստանում փախստականների իրավունքների պաշտպանությանը վերաբերող մի շարք խնդիրների լուծմանը, ինչպես նաև Շվեյցարիայի դեսպանության հետ՝ կանանց և երեխաներին բռնությունից պաշտպանելու նպատակով։ |
Տեղեկացնենք, որ «Մարդու իրավունքների տան» հիմնադիրներ անդամներից մեկն է ՓԻՆՔ Արմենիան: « 2010 թվականի նոյեմբերին այս կազմակերպությունը սկսեց «Բազմազանություն» ծրագիրը` Նորվեգիայի արտաքին գործերի նախարարության ֆինանսական աջակցությամբ: Այս ծրագիրը ՓԻՆՔ Արմենիայի անձնակազմի նվիրվածության արտահայտումն է այն արժեքներին և սկզբունքներին, որոնք ընկած են կազմակերպության առաքելության ու տեսլականի հիմքում»,- գրված է վերոնշյալ ՀԿ-ի գործունեության պարզաբանման մեջ:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.