Հոլանդիայի Վեյկ ան Զեե քաղաքում մեկնարկել է «Տատա Սթիլ» փառատոնի գլխավոր մրցաշարը:

Առաջին տուրում հայ գրոսմայստեր Լևոն Արոնյանը սևերով ոչ ոքի է խաղացել Հարիկրիշնայի հետ:

Այսպիսով, Արոնյանն իր ակտիվում ունի 0,5 միավոր:

Հայ գրոսմայստերի հաջորդ մրցակիցը Կարուանան է:

Երևանում կանցկացվի Հայաստանի 74-րդ առաջնության բարձրագույն խմբի մրցաշարը:

Մրցաշարին  կմասնակցեն տասը գրոսմայստերներ’ Տիգրան Լ. Պետրոսյանը, Հրանտ Մելքումյանը, Զավեն Անդրիասյանը, Արման Փաշիկյանը, Ռոբերտ Հովհաննիսյանը, Կարեն Գրիգորյանը, Սամվել Տեր-Սահակյանը, Ավետիք Գրիգորյանը, Լեւոն Բաբուջյանը եւ Տիգրան Քոթանջյանը:

Առաջնությունը տեղի կունենա հունվարի 12-21-ը, տեղեկացնում է  armchess.am-ը:

Տարբեր ապրանքների թանկացման մասին տեղեկատվությունն այլևս զարմանալի չէ ՀՀ քաղաքացիների համար։ Գրեթե ամեն օր մամուլում հրապարակվում է այս կամ այն ապրանքի այսքան կամ այնքան տոկոսով թանկանալու մասին տեղեկատվություն։

Բայց որ Հայաստանում կթանկանա շախմատ խաղալը, ճիշտն ասած՝ անակնկալ էր։

Շախմատի ակադեմիայում պարբերաբար անց են կացվում արագ շախմատի մրցաշարեր, որին մասնակցելու ցանկություն ունեցող անձինք վճարում էին 1500-ական դրամ։ Դեկտեմբերի 30-ին կայանալու է «Ակադեմիայի գավաթ» արագ շախմատի մրցաշարի եզրափակիչ փուլը, որի մուտքավճարը սահմանվել է 2000-ից 3000 դրամ՝ կախված մասնակցի վարկանիշից։ Փաստորեն, շախմատ խաղալու գնաճը կազմում է 33-ից 66 տոկոս:

Մանրամասները՝ «Հայկական ժամանակ»-ի այսօրվա համարում։

Գրոսմայստերներ Զավեն Անդրիասյանը եւ Էլինա Դանիելյանը Հոլանդիայի Գրոնինգեն քաղաքում անցկացվող մրցաշարում երեք տուրից հետո վաստակել են 2,5-ական միավոր: Նրանք հինգ առաջատարներից հետ են մնում կեսական միավորով. այս մասին տեղեկացնում է armchess.am-ը:

Աշխարհի ակումբային առաջնությունը լուրջ մրցաշար չեմ համարում. այս մասին խոստովանել է Դորտմունդի «Բորուսիայի» գլխավոր մարզիչ Յուրգեն Կլոպը:

«Եթե ակնեղծ, ապա կցանկանայի, որ «Բավարիան» դառնար հաղթող: Սակայն չեմ ասում, որ հանդիպումը հեռուստացույցի առաջ դիտելում եմ՝ կրելով մյունխենցիների մարզաշապիկը,-նշել է Կլոպը և հավելել, որ աշխարհի ակումբային առաջնությունն առայժմ լուրջ մրցաշար չէ»:

Մենք խաղացինք մինչև վերջ և կարողացանք գոլ հեղինակել, ինչի համար շատ ուրախ ենք. այս մասին  20minutes-ին տված հարցազրույցում ասել է Դորտմունդի «Բորուսիայի» կիսապաշտպան Հենրիկ Մխիթարյանը:

Նշենք, որ երեկ Չեմպիոնների լիգայի խմբային փուլի վերջին տուրում «Բորուսիան» 2-1 հաշվով հաղթանակ տարավ  «Օլիմպիկի» նկատմամբ:

«Սա առաջին անգամ էր, երբ Չեմպիոնների լիգայի շրջանակներում խաղացի Ֆրանսիայում, և սա ինձ շատ երջանկացրեց: «Օլիմպիկը» լավ ակումբ է, և զարմանալի է, որ այս տարի նրանք միավոր չվաստակեցին Չեմպիոնների լիգայում: Կարծում եմ` հաջորդ տարի նրանք կպայքարեն փլեյ-օֆֆի համար: Խմբից դուրս չգալու մտավախություն կար: 1:1 հաշվի ժամանակ իմացանք, որ «Նապոլին» հաղթում է «Արսենալին», այնպես որ, եթե խաղը ոչ-ոքի ավարտեինք, ապա փլեյ-օֆֆի ուղեգիր չէինք նվաճի: Խաղացինք մինչև վերջ և հասանք ցանկալի արդյունքի»,-նշել է Հենրիխ Մխիթարյանը:

Այսօր տեղի կունենան Չեմպիոնների լիգայի խմբային փուլի 6-րդ տուրի վերջին հանդիպումները.

Խումբ B

«Գալաթասարայ» — «Յուվենտուս»

Խումբ E 

«Չելսի» — «Ստյաուա»

«Շալկե» — «Բազել»

Խումբ F 

«Օլիմպիկ» Մարսել — «Բորուսիա» Դորտմունդ

«Նապոլի» — «Արսենալ»

Խումբ G 

«Ատլետիկո» — «Պորտու»

«Աուստրիա Վիեն» — «Զենիթ»

Խումբ H 

«Միլան» — «Այաքս»

«Բարսելոնա» — «Սելթիկ»

Այսօր մեկնարկում է Չեմպիոնների լիգայի 6-րդ տուրը, որի շրջանակներում տեղի կունենան հետևյալ հանդիպումները.

A խումբ

«Մանչեսթեր Յունայթեդ» — «Շախտյոր»

«Ռեալ Սոսյեդադ» — «Բայեր»

B խումբ 

«Կոպենհագեն» — «Ռեալ»

«Գալաթասարայ»  — «Յուվենտուս»

C խումբ

«Բենֆիկա» — ՊՍԺ

«Օլիմպիակոս»- «Անդերլեխտ»

D խումբ

«Բավարիա» — «Մանչեսթեր Սիթի»

«Վիկտորիա»  — ԲԿՄԱ

Անթալիայում ավարտվել է շախմատի աշխարհի թիմային առաջնությունը: Հայաստանի հավաքականը 10 միավորով զբաղեցրել է 5-րդ հորիզոնականը:

Առաջնության հաղթող է ճանաչվել Ռուսաստանի ընտրանին:

Հայաստանի հավաքականի առաջատար Լևոն Արոնյանը 9 տուրից մասնակցելով 8-ին՝ վաստակել է 6 միավոր և նվաճել է ոսկե մեդալ: Նա 8 պարտիայից 4-ում հաղթանակ է տոնել, մյուս 4-ում էլ` ոչ ոքի խաղացել:

Հայաստանի ազգային հավաքականի և «Սպարտակի հարձակվող Յուրա Մովսիսյանը ծնկի վիրահատության է ենթարկվել:

«Սպարտակի» պաշտոնական կայքի տեղեկացմամբ, վիրահատությունը, որը կատարվել է ԱՄՆ-ում, բարեհաջող է անցել:

Հիշեցնենք, որ ֆուտբոլիստը վնասվածք էր ստացել Ռուսաստանի առաջնության 16-րդ տուրում «Զենիթի» հետ հանդիպմանը: