Երևանում ընթանում է շախմատի Եվրոպայի անհատական առաջնությունը: Այսօր կայացել են առաջին տուրի պարտիաները:

Այսպես.

Վլադիմիր Հակոբյանը միավոր է կիսել թուրք Մուհամեդ Բատուհան Դաստանի հետ, Գաբրիել Սարգսյանը ոչ ոքի է խաղացել վրացի Գեորգի Բագատուրովի հետ:

Էլինա Դանիելյանը պարտվել է ուկրաինացի Պավել Էլյանովին, իսկ Լիլիթ Մկրտչյանը ոչ ոքի է խաղացել ռուսաստանցի Դմիտրի Յակովենկոյի հետ:

Հովիկ Հայրապետյանը  պարտվել է ռուսաստանցի Վլադիմիր Մալախովին: Տիգրան Լ. Պետրոսյանը հաղթանակ է տարել ռուսաստանցի Ռուսլան Մուսալովի նկատմամբ:

Նշենք, որ մրցաշարային աղյուսակը գլխավորում է ֆրանսիացի Էթյեն Բաքրոն:

Ինչպես արդեն տեղեկացրել ենք, այսօր առավոտյան ֆուտբոլի Հայաստանի ազգային հավաքականը և Հայաստանի ֆուտբոլային պատվիրակությունը՝ ՀՖՖ նախագահ Ռուբեն Հայրապետյանի գլխավորությամբ, չարտերային ուղիղ չվերթով մեկնել են Ռուսաստան, որտեղ վաղը` մարտի 5-ին, տեղի կունենա ընկերական հանդիպում Ռուսաստանի և Հայաստանի ազգային հավաքականների միջև: Ինչպես Կրասնոդարից ՀՖՖ պաշտոնական կայքին տեղեկացրել է ՀՖՖ մամուլի քարտուղար Տիգրան Իսրայելյանը, Հայաստանի ազգային հավաքականի ինքնաթիռն արդեն վայրէջք է կատարել: Մեր ֆուտբոլային ընտրանին հանգրվանելու է «Ինտուրիստ» հյուրանոցում: Այսօր երեկոյան, ժամը 18:00-ին, Հայաստանի ազգային ընտրանին մարզում կանցկացնի «Կրասնոդար» ակումբի Ակադեմիայում, որի առաջին 15 րոպեն բաց կլինեն ԶԼՄ-ների ներկայացուցիչների համար: Մարզումից առաջ Ակադեմիայի մամուլի ասուլիսների սրահում տեղի կունենա Հայաստանի ֆուտբոլի ֆեդերացիայի տեխնիկական տնօրեն Վարդան Մինասյանի նախախաղային մամուլի ասուլիսը:

Ինչպես հաղորդվել է ավելի վաղ, Հայաստանի ֆուտբոլի ֆեդերացիայի և Ռուսաստանի ֆուտբոլային միության միջև ձեռք բերված պայմանավորվածության համաձայն, մարտի 5-ին, Կրասնոդարի «Կուբան» մարզադաշտում տեղի կունենա ընկերական հանդիպում Ռուսաստանի և Հայաստանի ազգային հավաքականների միջև:

Ինչպես տեղեկանում ենք Հայաստանի ֆուտբոլի ֆեդերացիայի պաշտոնական կայքից, այդ հանդիպման համար Հայաստանի ազգային հավաքական են հրավիրվել 23 ֆուտբոլիստներ:

Դարպասապահներ

Ռոման Բերեզովսկի «Դինամո Մ.» Ռուսաստան

Գևորգ Կասպարով «Միկա»

Արսեն Բեգլարյան «Գանձասար»

Պաշտպաններ

Ռոբերտ Արզումանյան «Ակտոբե», Ղազախստան

Հրայր Մկոյան «Շիրակ»

Վարազդատ Հարոյան «Փյունիկ»

Տարոն Ոսկանյան «Փյունիկ»

Կամո Հովհաննիսյան «Փյունիկ»

Հովհաննես Համբարձումյան «Բանանց»

Կիսապաշտպաններ

Գևորգ Ղազարյան «Մետալուրգ Դոնեցկ», Ուկրաինա

Արտակ Դաշյան «Ալ-Մուհարաք», Բահրեյն

Կառլեն Մկրտչյան «Անժի», Ռուսաստան

Արտակ Եդիգարյան «Ժալգիրիս», Լիտվա

Արթուր Եդիգարյան «Կայրաթ», Ղազախստան

Արաս Օզբիլիս «Սպարտակ Մ.», Ռուսաստան

Մարկոս Պիցելլի «Ակտոբե», Ղազախստան

Հենրիխ Մխիթարյան «Բորուսիա Դորտմունդ», Գերմանիա

Կարեն Մուրադյան «Շիրակ»

Դավիթ Հակոբյան «Շիրակ»

Աղվան Պապիկյան «Փյունիկ»

Հարձակվողներ

Յուրա Մովսիսյան «Սպարտակ Մ.», Ռուսաստան

Արթուր Սարկիսով «Վոլգա», Ռուսաստան

Սարգիս Ադամյան «Նոյշտրելից», Գերմանիա

Հիշեցնենք, որ Ռուսաստանի ազգային հավաքականի հետ ընկերական խաղում Հայաստանի ազգային հավաքականին կնախապատրաստի ՀՖՖ տեխնիկական տնօրեն Վարդան Մինասյանը:

Սոչիի Ձմեռային օլիմպիական խաղերի Հայաստանի ներկայացուցիչներ Սերգեյ Միքայելյանը և Արթուր Եղոյանը չեն մասնակցի սպրինտ դահուկավազքին, տեղեկացնում է Օլիմպիական խաղերի պաշտոնական կայքը:

Հայ մարզիկներն ընդգրկված չեն սպրինտ մարզաձևի մասնակիցների ցուցակում: Այս մրցմանը կմասնակցի 86 մարզիկ:

Սոչիի Ձմեռային օլիմպիական խաղերում Հայաստանի ներկայացուցիչներ Սերգեյ Միքայելյանը և Արթուր Եղոյանը սքիաթլոն 30կմ դահուկավազքում, համապատասխանաբար, 46-րդ և 63-րդ հորիզոնականներում էին:

Փետրվարի 13-ին կանանց դահուկավազքի 10 կմ դասական մրցավազքում իր ուժերը կչափի Կատյա Գալստյանը (14:00-15:30): Սերգեյ Միքայելյանը և Արթուր Եղոյանը ասպարեզ կվերադառնան փետրվարի 14-ին (14:00-15:45): Նրանք կմրցեն դահուկավազքի 15 կմ տարածությունում:

Լեռնադահուկային հսկա ոլորավայրէջքում Հայաստանի միակ ներկայացուցիչն Արման Սերեբրակյանն է: Նա հանդես կգա փետրվարի 19-ին (14:30-16:00): Սերեբրակյանը կմրցի նաև փետրվարի 22-ին (16:45-18:15 և 20:15-21:45): Փետրվարի 23-ին Սերգեյ Միքայելյանը և Արթուր Եղոյանը ժամը 11:00-13:55-ը կմրցեն դահուկավազքի 50 կմ մասստարտ տարածությունում:

Փետրվարի 7-ին Սոչիում մեկնարկած ձմեռային 22-րդ Օլիմպիական խաղերին Հայաստանը ներկայացնում են չորս մարզիկներ. Բացման արարողության ժամանակ մեր երկրի դրոշը տանելու պատիվն ընձեռված էր 22-ամյա դահուկորդ Սերգեյ Միքայելյանին։

Ընդհանուր առմամբ, Սոչիի Օլիմպիադան 11-րդն է Հայաստանի պատմության ընթացքում, այդ թվում՝ 6-րդ ձմեռայինը։

Մեր մարզիկները դեռ երբեք մեդալներ չեն վաստակել ձմեռային Օլիմպիադաներում, բայց շատ յուրահատուկ ռեկորդի հեղինակ են դարձել»
1998թ. Նագանոյում կայացած ձմեռային Օլիմպիական խաղերում Հայաստանի դրոշակակիրն էր դահուկորդուհի Ալլա Միքայելյանը, ով Սոչիի Օլիմպիական խաղերում  Հայաստանի դրոշակակիր Սերգեյ Միքայելյանի մայրն է։ Օլիմպիական խաղերի 100-ամյա պատմության ընթացքում սա առաջին դեպքն է, երբ մայր ու որդի արժանանում են երկրի դրոշակը տանելու պատվին:

Հայկական ժամանակ

«Մանչեսթեր Յունայթեդի» գլխավոր մարզիչ Դևիդ Մոյեսն անդրադառնալով Անգլիայի առաջնության 25-րդ տուրում «Ֆուլհեմի» դեմ հանդիպումը (2:2), նշել է, թե մի փոքր անզգույշ են խաղացել հատկապես պաշտպանությունում:

«Նման բան ընթացիկ մրցաշրջանում մեզ հետ արդեն պատահել է: Մենք անհավանական քանակությամբ պահեր ստեղծեցինք, չեմ հասկանում` ինչու չհաղթեցինք: Մենք պետք է շատ գոլ խփեինք: Տխուր եմ, որ հաշիվը չդարձրինք 3:1»,-ասել է Մոյեսը, մեջբերում է BBC-ն:

Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը ֆեյսբուքի իր էջում գրել է.

«Ողբերգական կորուստ է բոլորիս համար: Իմ խորին ցավակցությունն եմ հայտնում Մայկոնի ընտանիքին, ընկերներին և «Շախտյորի» նրա ընկերներին: Հանգչիր խաղաղությամբ»,-գրել է Մխիթարյանը:

Նշենք, որ Դոնեցկի «Շախտյորի» 25-ամյա ֆուտբոլիստ Մայկոնը մահացել է ավտովթարի պատճառով:

Սոչիի օլիմպիական խաղերի առաջին ոսկե մեդալակիրն արդեն հայտնի է.

Սլոուփսթայլ մարզաձևում, որն առաջին անգամ է  ընդգրկվել Օլիմպիական խաղերում, առաջին տեղը գրավեց ամերիկացի Սեյջ Կոթսենբուրգը` 93,5 միավորով:

Նրան հաջորդեց Ստոլե Սանդբեկը՝ Նորվեգիայից  (91,75):
Իսկ երրորդ հորիզոնականը գրավեց կանադացի Մարկ Մաքմորիսը (88,75):

Ցյուրիխում ընթացող շախմատային գերմրցաշարի արագ խաղի երկրորդ տուրում Արոնյանը հաղթանակ տարավ Մագնուս Կարլսենի նկատմամբ:

Այժմ հայ շախմատիստն իր ակտիվում ունի 8 միավոր, առաջատարը Կարլսենն է` 9 միավորով:

Սոչիի ձմեռային օլիմպիական խաղերին Հայաստանի ներգրավվածությունը խիստ «օլիմպիական» է, ընդամենը մասնակցում են, ինչպես եղել է միշտ: Ճիշտ է, փոքր-ինչ դիսկոմֆորտ է, որ Սոչիում են լինելու նաև ՀՀ քաղաքական երկու «հզորագույն» թիմերը` ի դեմս ՀՀ նախագահի ու ՀԱՕԿ նախագահի, բայց ինչ ունենք, այն ունենք: Այնուհանդերձ, խոսակցություններ կային, որ Գագիկ Ծառուկյանը վերջին շրջանում շատ լրջորեն զբաղված է դրսից «ուժեղ» սպորտսմենների ներգրավմամբ, որպեսզի վերջիններս մեր դրոշի տակ հանդես գան ու հաղթեն, այնուհանդերձ, ՄՕԿ-ի նախօրեին հաստատած 4 հոգանոց ցանկից ակնհայտ է դառնում, որ քաղաքական ու սպորտային ֆեդերացիաների հետ լուրջ «գործընթացների» մեջ հայտնված ՀԱՕԿ նախագահին առանձնապես չի հաջողվել այդ գործը ևս:

Դիտարկման հետ ՀԱՕԿ պատասխանատուներն ամենևին չհամաձայնեցին. «Հայաստանի դրոշի տակ է հանդես գալու լեռնադահուկորդ Արմեն Սերբերակյանը` Ամերիկայի Կալիֆորնիա նահանգից: Ուզում եմ իմանաք, որ աշխարհում ձմեռային սպորտաձևերում հայտնի քիչ հայեր ունենք, զուտ դրա համար Լոնդոնի օլիմպիադայի ժամանակ ադրբեջանցիները նեգր էին բերել, դարձրել ադրբեջանցի` էդ նեգրը ոչ մի բան էլ չարեց, խայտառակ եղան, ուզում ենք հայ բերել, ոչ թե ուրիշներին»:

Նախորդ ձմեռային օլիմպիադայի ժամանակ էլ ոնց որ մեր դահուկորդներից մեկն ամենաուշը եկավ, մյուսն էլ, ասում են, մոլորվել էր: «Մոլորվե՜լ էր… հեքիա՛թ. էդ լրագրողներն էին հորինել, նրանք ինչ ասես հորինում են, լավ է չեն գրում` հայ լողորդներն էլ ջրում խեղդվել են»: Չեն հավատա՝ դրա համար, բայց դե, «թագավոր ախպեր» Ծառուկյանից սպասումներն ավելի էին:

Հրապարակ