Անգլիացի հայտնի 38-ամյա ֆուտբոլիստ Դևիդ Բեքհեմը ավարտում է  պրոֆեսիոնալ ֆուտբոլիստի կարիերան:

«Ես շատ շնորհակալ եմ ՊՍԺ-ից այն բանի համար, որ ինձ թույլ տվեց շարունակել խաղալ, սակայն ես հիմա հասկանում եմ, որ կարիերաս ավարտելու ժամանակն է»,-իր որոշումն այսպես է մեկնաբանել Բեքհեմը:

Այժմ Բեքհեմը պատրաստվում է Ֆրանսիայի առաջնության նախավերջին` 37-րդ տուրի` «Բրեստի» դեմ խաղին:

Ձեր ուշադրության ենք ներկայացնում նրա` տուգանային հարվածից խփած բոլոր 65 գոլերը:

Լեհաստանում ավարտվեց շախմատի տղամարդկանց Եվրոպայի անհատական առաջնությունը. տեղեկացնում է  armchess.am-ը:

Հայաստանի 14 ներկայացուցիչներից ամենաբարձր՝ 7-րդ տեղը զբաղեցրեց Սերգեյ Մովսեսյանը:

Հայ շախմատիստներ զբաղեցրին հետևյալ տեղերը.

Վլադիմիր Հակոբյան- 76
Սերգեյ Մովսեսյան  — 7
Գաբրիել Սարգսյան- 31
Տիգրան Պետրոսյան — 39
Հրանտ Մելքումյան — 10
Ավետիք Գրիգորյան  —  109
Զավեն Անդրիասյան  — 68
Ռոբերտ Հովհաննիսյան  — 65
Արման Փաշիկյան  — 58
Կարեն Գրիգորյան  —  150
Հովհաննես Գաբուզյան  — 136
Էլինա Դանիելյան  -157
Ռոբերտ Աղասարյան  — 63
Վլադիմիր Պողոսյան  —  237

Ֆրանսիական ՊՍԺ-ի ղեկավարությունը պորտուգալացի ֆուտբոլիստ Կրիշտիանու Ռոնալդուին պատրաստ է առաջարկել տարեկան 18 մլն եվրո աշխատավարձ:

Ինչպես տեղեկացնում է L’Equipe-ը,  Ռոնալդուին ձեռք բերելու համար ՊԱԺ-ը ստիպված կլինի վաճառել մոտ 100 մլն եվրո տրանսֆերային գումար:

Հիշեցնենք, որ  Ռոնալդուով  հետաքրքրված է նաև «Մանչեսթեր Յունայթեդը»:

Բարսելոնայի դարպասապահ Վիկտոր Վալդեսը որոշել է ամռանը հեռանալ կատալոնական թիմից:

Նշենք, որ Վալդեսը չի սպասելու պայմանագրի ավարտին, որը լրանում է 2014 թվականի ամռանը:

Football Espana-ն տեղեկացնում է, որ Վալդեսը ցանկանում է խաղալ անգլիական պրեմիեր լիգայում: Վալդեսին ցանկանում են ձեռք բերել Լիվերպուլն ու Արսենալը: 31-ամյա դարպասապահով հետաքրքրված է նաև ֆրանսիական Մոնակոն:

Վալդեսը մի քանի օր առաջ 6-րդ անգամ դարձավ Իսպանիայի չեմպիոն և Բարսելոնայի կազմում նվաճեց իր 20-րդ տիտղոսը:

Այսօր՝ ժամը 20.00-ին, Վազգեն Սարգսյանի անվան մարզադաշտում կմեկնարկի 2014թ. ԱԱ ընտրական փուլի Հայաստան-Չեխիա հանդիպումը: Թիմերի նախնական մեկնարկային կազմերն են.

Հայաստանի հավաքական

Բերեզովսկի-Խաչատուրով, Արզումանյան, Հարոյան, Ոսկանյան-Մանուչարյան, Մխիթարյան, Մուրադյան, Ղազարյան, Պիզելի-Յուրա Մովսիսյան

Չեխիայի հավաքական

Պետր Չեխ-Գեբրե Սելասիե, Տոմաշ Սիվոկ, Վ.Կադլեց, Լիմբերկսի-Հյուբշման, Պլաշիլ, Վիդրա, Ռոսիցկի, Լադիսլավ Կրեյչի-Դավիդ Լաֆատա

«Ինչպես բոլոր պատանիները, այնպես էլ ես պատանեական տարիներին հետաքրքրություն ունեի դեպի սպորտը: Ծնողներս քաջալերեցին, իսկ ես որոշեցի ամեն ինչ անել որ կարողանամ բարձրացնել իմ երկրի դրոշը»,- մեզ հետ զրույցում պատմեց  ArmFighting  ֆեդերացիայի նախագահ Հայկ Ղուկասյանը:

—         Կարելի՞ է ասել, որ մարզիկները հիմնականում լավ մարդիկ են, քանի որ նրանք ուժեղ են:

— Մարզիկը ունենում է կամային  հատկություններ և դժվարություններ հաղթահարող,առողջ մարմին, որի մեջ  առողջ հոգի: Պայծառ հայացք ունեցող,խիզախ և հպարտ մարդու բնորոշում ունի  մարզիկն, իմ կարծիքով: 

—  Չկա մի ասպարեզ, որտեղ մրցակցություն չլինի, իհարկե, անառողջ մրցակցության մասին է խոսքը: Միմյանց պիտակավորելու, չհարգելու տենդենցը գնալով ակնառու ու տխուր է դառնում: Ինչպե՞ս է վիճակը մարզիկների մոտ, կամ մարզաշխարհում:

— Մեր երկրում եթե ինչ որ մի ոլորտ միավորված և առողջ  է դա սպորտն է և մարզիկները:

— Որպես մարզիկ նաև կառույցի ղեկավար եք: Այսօր պատկերը հուսադրող չէ: Ձեզ շրջապատող իրականությունը տեսնելով հավատու՞մ եք, որ կգա ազգային համախմբման ժամանակները:

— Եթե խոսքը քաղաքական դաշտի մասին է,ապա քանի աթոռի պայքար է գնում, իզուր է խոսել համախմբման մասին: Իսկ ինչ վերաբերվում է սպորտին ապա ևս մեկ անգամ նշեմ՝ միակ ոլորտն է, որ համախմբված գնում է առաջ:

— Ինչ եք կարծում մարզիկը միայն պե՞տք է սպորտով զբաղվի: Հասարակության մեջ նա իր կերպարով անելիք ունի…

— Մարզիկը հասարակությանը մեջ իրոք անելիք ունի. Նա պետք է ոգևորի իր հաղթանակներով երիտասարդությանը, նպաստի որ նրանք զբաղվեն սպորտով, ներկայացնի իր հաջողությունները, հայրենիքի նկատմամբ ցուցաբերած սերը  և առողջ ապրելակերպը:

—Ին՞չն է Ձեզ ամենից  առավել անհանգստացնում մեր երկրում:

Անարդարությունը:

—Ին՞չ երազանքներ ունեք

-Մինչև կյանքիս վերջ ծառայել և ներկայացնել  իմ երկիրն աշխարհում:

—Ձեր կարծիքով ինչպիսի՞ իրավիճակում են գտնվում մեր երկրի երիտասարդ մարզիկները:

-Ես կարող եմ պատասխանել միայն այն ֆեդերացիայի մարզիկների մասով, որը ղեկավարում եմ ես: Նրանք գերազանց կարգավիճակում են, քանի որ ամեն ինչ կատարվում է իրենց համար:

— Ո՞րն է ձեր սիրած մարզական կերպարն, որին երբևէ երազել եք նմանվել:

— Իմ սիրած  մարզական կերպարը, որին երազել եմ նմանվել Վարազդատ թագավորն է, առաջին Օլիմպիական խաղերի չեմպիոնը, որն իր անունը փառքով պսակեց հայկական լեռնաշխարհում և ողջ աշխարհում:

— Կա՞ մի բան, որ կցանկանայիք ասել:

— Ամեն ինչ դեռ առջևում է, շարունակենք մարզվել, շարունակենք հաղթանակել, աշխարհի ամենաթանկ պարգևը դա երկրի դրոշն է, որը մենք ներկայացնում եք:Մեր երկիրը պատերազմական շրջանում է և մենք պետք է տարածաշրջանում բոլոր ոլորտներից  լինենք առաջինը. սա պարտականություն է յուրաքանչյուրիս համար:

Առողջություն և միայն հաղթանակ հայ մարզիկներին: Սիրենք և հարգենք իրար, լինենք համախմբված քաղաքական դաշտում: Պետք չէ սպորտը փնովել և քաղաքականացնել: Դրա փոխարեն տեր կանգնե՛ք հայկական սպորտին և յուրաքանչյուրն իր հնարավորությամբ թող աջակից լինի: Այսօր երիտասարդության մեջ ունենք շնորհալի մարզիկներ, տեր կանգնենք, որպիսի վաղը ուրախանանք նրանց հաջողություններով:

Հարցազրույցը՝ Գարիկ Ավետիսյանի

Ծանոթություն. Ընդհանուր մենամարտ մարզաձեւը հաճախ օգտագործվում էր օլիմպիական խաղերում` սկսած 33-րդ օլիմպիական խաղերից (մ.թ.ա. 644թ.): Կիրառվում էր կոպիտ, անզիջելի մարտավարություն ու օրենքներ: Այդ ձեւը կոչվում էր Պանկրատիոն, որը նշանակում է ըմբշամարտի և բռնցքամարտի հնարքների ու հարվածների օգտագործում մարտի ժամանակ:
Հայաստանում զարգացած են եղել հատկապես ձեռնամարտը, ձիասպորտը, որսորդությունը, նիզակի նետումը, ըմբշամարտը, բռնցքամարտը և այլն: Ձեռնամարտը, որը չի տարբերվել ընդհանուր մենամարտերի  հարվածներից և հնարքներից,  համարվել է  հայերի ամենասիրելի սպորտաձեւերից մեկը: Այդ մասին են վկայում Խորենացու, Փավստոս Բյուզանդի, Եղիշեի և այլ պատմիչների հաղորդված հետաքրքիր և արժեքավոր նյութերը, որոնք հնարավորություն են տալիս ապացուցել, որ հայերը եղել են սպորտ սիրող եւ ուժեղ ժողովուրդ:

 Օրինակ` Խորենացին նկարագրում է այն փաստը, որ մեր թվագրության 65թ. Հայոց Տրդատ Առաջին թագավորը Հռոմում մասնակցել է հասարակական խաղերին ( խաղերը կազմակերպել էին Ներոն տիրակալի կողմից ) և հաղթող է ճանանչվել, 385թ. Հունաստանի 275-րդ օլիմպիական խաղերին Հայոց Վարազդատ արքան ճանանչվել է  հաղթող  ընդհանուր մենամարտերից:
Միջին դարերում (9-րդ դարում Աշոտ Առաջինի օրոք) Հայաստանում կառուցված են եղել հատուկ հրապարակներ, որտեղ անց են կացրել ընդհանուր մենամարտերի մրցաշարեր: Այդ հրապարակներն անվանում էին մրցարաններ և կռվանոցներ: Մատենադարանում Հայաստանում  ընդհանուր մենամարտերի պատմությունից պահպանված հետաքրքիր նյութեր կան: Օրինակ` հայկական հին ձեռագիր, որտեղ պատկերված են ընդհանուր մենամարտերի մի քանի մարտակադրեր` շրջապատված հանդիսականներով: Կան նաեւ Հայաստանում հայտնաբերված սափորներ ու քանդակներ ընդհանուր մենամարտերի պատկերներով: Հիշարժան  են նաև Գագիկ Արծրունու կողմից կառուցված Ախթամար վանքի պատերի պատկերները:

Կարեն  Դեմիրճյանի անվան մարզահամերգային համալիրում մեկնարկում է բռնցքամարտի աշխարհի երիտասարդական առաջնությունը: Այդ կապակցությամբ Երևան են ժամանել  շուրջ 70 երկրների  650 ներկայացուցիչներ: Այս մասին տեղեկացնում է ՀԱՕԿ-ի մամուլի քարտուղարությունը:

Հայաստանի հավաքականի ավագ մարզիչ , վաստակավոր մարզիչ Դերենիկ  Ոսկանյանը   ռինգ կուղեկցի 10 մարզիկների: Առաջնության բացման հանդիսավոր արարողությունը տեղի կունենա  նոյեմբերի   28-ին : Հաջորդ օրը  իրենց ունակությունները կսկսեն դրսևորել մասնակիցները:

Հայաստանի մարզական դրոշի պատիվը կպաշտպանեն հետևյալ երիտասարդ վարպետները .   Հայրիկ  Նազարյան  (49 կգ, Գավառ),  Հենրիկ Մոքոյան (52 կգ, Երևան ), Տարոն Սողոմոնյան (56 կգ , Զովունի), Արման Դարչինյան (60 կգ, Վանաձոր),  Գոռ Երիցյան (64 կգ , Երևան), Յուրա Միքայելյան (69 կգ, Գյումրի),  Արտավազդ  Հարոյան (75 կգ, Գյումրի), Նիկոլ Հարությունով (81 կգ, Աբովյան), Ռաֆայել Սիմոնյան (91 կգ, Վանաձոր), Նարեկ Մելքոնյան (+ 91 կգ , Էջմիածին):

Մրցաշարի կազմակերպիչների թվում է  նաև Հայաստանի ազգային օլիմպիական կոմիտեն և ՀՀ  սպորտի ու երիտասարդության հարցերի նախարարությունը:

Օլիմպիական կրկնակի չեմպիոն Արմեն Նազարյանը զբաղեցրել է հունահռոմեկան ոճի ըմբշամարտի Բուլղարիայի հավաքականի գլխավոր մարզիչի պաշտոնը, հայտնում է capital.bg-ը:

«Կարեւոր է, որ տղաները վստահում են ինձ: Առջեւում շատ կարեւոր մրցաշարեր կան եւ մենք անմիջապես կանցնենք նախապատրաստական փուլին: Հավաքականում դռները բաց կլինեն բոլորի առջեւ: Ով արժանի է, նա հանդես կգա Բուլղարիայի հավաքականում»,- հայտարարել է Արմեն Նազարյանը:

Այդ պաշտոնում հայ ըմբիշը կփոխարինի Բրատան Ցենովին, ով Բուլղարիայի հավաքականում չորս տարի աշխատելուց հետո նոյեմբերի 21-ին հրաժարական է տվել:

Բուլղարիայի հավաքականում Արմեն Նազարյանին կօգնեն Վալենտին Ռոնչեւն ու Սերաֆիմա Բարզակովը: Նազարյանը 1996-ից է բնակվում Բուլղարիայում: Նա անկախ Հայաստանի պատմության մեջ միակ օլիմպիական չեմպիոնն է:

Ավելի վաղ լուրեր էին շրջանառվում, որ Նազարյանը ցանկանում է մասնակցել 2016թ. Ռիո դե Ժանեյրոյի Օլիմպիական խաղերին:

Այսօր՝ նոյեմբերի 21-ին Էրեբունի քրեակատարողական հիմնարկում օլիպիական եռակի չեմպիոն Շախմատի Հայաստանի հավաքականի գրոսմայստերներ Լևոն Արոնյանն ու Սերգեյ Մովսեսյանը շախմատային սեանս  անցկացրեցին Հայաստանի տարբեր կալանավայրերի 16 բանտարկյալների հետ:

Երեք լավագույն խաղացողները՝ Հարություն Դանիելյանը (Վարդաշեն), Երեմ Առաքելյանը (Կոշ), Շիրակ Միրզոյանը (Էրեբունի, )հնարավորություն ստացան մեկ անգամ առանձին հանդիպել հարազատների հետ։

Մրցաշարի մասնակիցները արժանացան   պատվոգրերի:

Արդարադատության նախարար Հրայր Թովմասյանը նրանց հանձնեց Լևոն Արոնյանի մոր՝ Սեդա Արոնյանի հեղինակած գիրքը։ Դատապարտյալներն իրենց հերթին նվերներ հանձնեցին գրոսմայստերներին։

Հայաստանի ազգային հավաքականի գլխավոր մարզիչ Վարդան Մինասյանը հրապարակել է նոյեմբերի 12-ից մեկնարկող Հայաստան-Լիտվա հանդիպման նախապատրաստական մարզական հավաքի ծրագիրը:

Նոյեմբերի 12-ից, ժամը 13:00-ից Հայաստանի ազգային հավաքական հրավիրված ֆուտբոլիստները և ազգային հավաքականի մարզչական շտաբը կհանգրվանեն հավաքի կենտրոնատեղիում`ՀՖՖ տեխնիկական կենտրոնում՝ Ֆուտբոլի ակադեմիայում:

Նոյեմբերի 12-ին, ժամը 19:00-ին Ֆուտբոլի ակադեմիայում տեղի կունենա Հայաստանի ազգային հավաքականի մարզումը, որին կարող են ներկա լինել միայն լրագրողները: Մարզումից հետո, ժամը 20:15-ից-21:00-ն լրագրողներին հնարավորություն կտրվի զրուցել ազգային հավաքականի ֆուտբոլիստների հետ:

Նոյեմբերի 13-ին Հայաստանի ազգային հավաքականը կանցկացնի «փակ» մարզում:

Նոյեմբերի 13-ին, ժամը 13:00-ին Վազգեն Սարգսյանի անվան «Հանրապետական» մարզադաշտի մամուլի ասուլիսների սրահում տեղի կունենա Հայաստանի ազգային հավաքականի գլխավոր մարզիչ Վարդան Մինասյանի մամուլի ասուլիսը:

Հայաստան-Լիտվա հանդիպումը տեղի կունենա նոյեմբերի 14-ին, ժամը 19:00-ին, Վազգեն Սարգսյանի անվան «Հանրապետական» մարզադաշտում: