Հունիսի 7-ին, ժամը 20:00-ին Վազգեն Սարգսյանի անվան «Հանրապետական» մարզադաշտում տեղի կունենա 2014թ. Աշխարհի գավաթի խաղարկության ընտրական փուլի Հայաստան-Մալթա հանդիպումը:

Հայաստանի ազգային հավաքականի գլխավոր մարզիչ Վարդան Մինասյանը հրապարակել է այն 22 ֆուտբոլիստների անունները, ովքեր կնախապատրաստվեն առաջիկա հանդիպմանը. այս մասին տեղեկանում ենք ՀՖՖ-ի պաշտոնական կայքից:

Ազգային հավաքականի գլխավոր մարզչի հրապարակած կազմն այսպիսին է.

Դարպասապահներ

Ռոման Բերեզովսկի, «Դինամո» Մ., Ռուսաստան

Գևորգ Կասպարով, «Զոբ Ահան», Իրան
Արթուր Հարությունյան, «Շիրակ»

Պաշտպաններ

Ռոբերտ Արզումանյան, «Ակտոբե», Ղազախստան

Վալերի Ալեքսանյան, «Սանաթ Նաֆթ», Իրան
Կամո Հովհաննիսյան, «Փյունիկ»
Տարոն Ոսկանյան, «Փյունիկ»
Վարազդատ Հարոյան «Փյունիկ»
Արտյոմ Խաչատուրով, «Շերիֆ», Մոլդովա
Արթուր Ավագյան «Գանձասար»

Կիսապաշտպաններ

Կառլեն Մկրտչյան, «Մետալուրգ» Դոնեցկ, Ուկրաինա

Դավիթ Մանոյան «Փյունիկ»

Արթուր Եդիգարյան, «Հովերլա», Ուկրաինա
Արաս Օզբիլիս, «Կուբան», Ռուսաստան
Հենրիխ Մխիթարյան, «Շախտյոր», Ուկրաինա
Մարկոս Պիզելի, «Կրասնոդար», Ռուսաստան
Գևորգ Ղազարյան, «Մետալուրգ», Դոնեցկ, Ուկրաինա
Նորայր Ասլանյան, «Էմմեն», Հոլանդիա
Արթուր Յուսպաշյան, «Փյունիկ»

Հարձակվողներ

Էդգար Մանուչարյան, «Ուրալ», Ռուսաստան

Յուրա Մովսիսյան «Սպարտակ», Մոսկվա, Ռուսաստան
Արթուր Սարկիսով, «Վոլգա», Ռուսաստան

Ինչպես ՀՖՖ պաշտոնական կայքին տեղեկացրել է Հայաստանի ազգային հավաքականի գլխավոր մարզիչ Վարդան Մինասյանը, հունիսի 6-ին կայանալիք 2015թ Եվրոպայի երիտասարդական առաջնության Հայաստան-Իսլանդիա հանդիպումից հետո երիտասարդական հավաքականի որոշ խաղացողներ հնարավոր է միանան ազգային հավաքականին: Վնասվածքների պատճառով հավաքի չեն հրավիրվել Լևոն Հայրապետյանն ու Հրայր Մկոյանը:

Հայաստանի ազգային հավաքականի և «Կուբանի» հարձակվող Մարկոս Պիզելին տեղափոխվել է Կրասնոդարի համանուն թիմ: Այս մասին տեղեկանում ենք «Կրասնոդարի» պաշտոնական կայքից:

Մարկոս Պիզելին պայմանագիր է կնքել 2+1 տարի համակարգով:
Հիշեցնենք, որ Մարկոս Պիզելին «Կուբան» էր տեղափոխվել 2011 թվականին, որի կազմում անցկացրել է 33 հանդիպում և խփել 9 գնդակ:

Երեկ աշխարհի ուշադրությունը կենտրոնացած էր Լոնդոնի «Ուեմբլի» մարզադաշտի վրա, որտեղ, շուրջ 87000 հանիսականների ներկայությամբ, գերմանական երկու ակումբներ` «Բավարիան» և «Բորուսիան», վիճարկում էին Եվրոպայի Չեմպիոնների լիգայի գավաթը:

Ցանկացած դեպքում` գավաթն ուղևորվելու էր Գերմանիա: Պատահական չէ, որ ֆուտբոլային խաղի ամենաազդեցիկ հանդիսատեսը` Գերմանիայի կանցլեր Անգելա Մերկելը, պատասխանելով լրագրողի հարցին, ասել էր, թե ինքը երկրպագելու է Գերմանիայի համար:

Երեկ երեկոյան ֆուտբոլային տոնը ստացվեց, ականատեսը դարձանք գեղեցիկ գոլերի, երկու դարպասապահների հրաշալի խաղի:

Բոլոր առումներով` ավելի փորձառու «Բավարիայի» առավելությունն ակնհայտ էր:

Մյունխեցիներն առնվազն երեք հարթության մեջ գերազանցեցին իրենց մրցակիցներին:

Առաջին հերթին` նրանք խաղը հաղթեցին հոգեբանորեն: Եթե «Բորուսիայի» ֆուտբոլիստները, հատկապես երկրորդ խաղակեսի միջնամասից հետո, զգուշավոր պաշտպանվում էին, ապա «Բավարիայի» ֆուտբոլիստները շեշտը դրեցին արագ գրոհների վրա:

Մյունխենի ակումբը մրցակցին ակնհայտորեն գերազանցեց  ֆիզիկական պատրաստվածության առումով. դա տեսանելի էր խաղի վերջին 20-25 րոպեներին: Դա էլ վճռորոշ եղավ` հաղթական գոլը խփելու առումով:

Եվ վերջապես` «Բավարիայի» ֆուտբոլիստները, գրեթե բոլոր դեպքերում, հաղթող էին դուրս գալիս երկրորդ հարկում, ինչը նրանց առավելությունն ընդգծված էր դարձնում հատկապես ստանդարտ դիրքերի իրացման պարագայում:

Սխալ կլինի ասել, թե «Բավարիայի» առաջատար զույգը լավագույն մարզավիճակում է. հոլանդացի Արյեն Ռոբենն երեկ կորցրեց գոլային բազում պահեր, ֆրանսիացի Ֆրանկ Ռիբերին հաճախ ստվերում էր:

Բայց հենց այս ֆուտբոլիստները կերտեցին իրենց թիմի հաղթանակը:

Նրանց գեղեցիկ կոմբինացիան եզրափակեց խորվաթ հարձակվող Մարիո Մանջուկիչը` բացելով խաղի հաշիվը:

Հաղթական գոլը, խաղի վերջին րոպեին, խփեց հենց Ռոբենը` Ռիբերիի փոխանցումից հետո:

«Բավարիայի» հաղթանակով նաև արդարություն հաստատվեց: Այս թիմը` 2010-ից սկսած, երրորդ անգամ էր վիճարկում եվրոպական լավագույն ակումբի տիտղոսը: Առաջին երկու դեպքերում ձախողվել էր` զիջելով իտալական «Ինտերին» և անգլիական «Չելսիին»: Այս անգամ մյունխենցիները հաղթեցին` ապացուցելով, որ այս պահին լավագույնն են Եվրոպայում:

Երեկ արձանագրվեց նաև գերմանական ֆուտբոլի հաղթանակը:

Եթե կուզեք, այս հաղթանակի հիմքում քաղաքական, հոգեբանական գործոններն են:

Համաշխարհային ճգնաժամի համատեքստում, երբ եվրոպական շատ երկրներ ենթարկվեցին ցնցումների, Գերմանիան դարձավ Միասնական Եվրոպայի և կայունության խորհրդանիշը:

Բրավո «Բավարիա», բրավո Գերմանիա…

Սուրեն Սուրենյանց 

Օլիմպիական չեմպիոններ գրոսմայստերներ Սերգեյ Մովսիսյանը, Վլադիմիր Հակոբյանը, Գաբրիել Սարգսյանը և միջազգային վարպետ Աշոտ Նադանյանը կմասնակցեն Ռուսաստանի Խանտի Մանսիյսկ քաղաքում անցկացվելիք աշխարհի արագ և կայծակնային խաղի առաջնություններին, հայտնում է armchess.am-ը:

Առաջնությունը կկայանա հունիսի 6-10-ն ընկած ժամանակահատվածում:

Այսօր Լոնդոնում կկայանաՉեմպիոնների լիգայի  «Բավարիա» — «Բորուսիա» եզրափակիչ խաղը: Այս թիերն իրենց 101-րդ պաշտոնական հանդիպումը կանցկացնեն լեգենդար «Ոեմբլի» ստադիոնում:

Երկու թիմերի պայքարում 45 անգամ հաղթել է «Բավարիան», «Բորուսիան»՝ 26 անգամ,  29 հանդիպում ավարտվել է ոչ ոքի:

Որոշ առաջատար եվրոպական բուքմեյքերական ընկերությունների` «Բավարիա»-ի հաղթանակի գործակիցը կազմում 1.80, «Բորուսիա»-ինը` 4.50, իսկ ոչ-ոքին դեպքում` 3.50:

«Բորուսիա» — «Բավարիա» հանդիպումը կմեկնարկի Երևանի ժամանակով 22:45-ին:

Գրոսմայստերներ Լիլիթ Մկրտչյանը, Մարիա Կուրսովան, Լիլիթ Գալոյանը և միջազգային վարպետ Աննա Հայրապետյանը կմասնակցեն հուլիսի 22 — ից մինչեւ օգոստոսի 4 — ը Սերբիայի մայրաքաղաք Բելգրադում անցկացվելիք Եվրոպայի կանանց 14 — րդ անհատական առաջնությանը, այս մասին հայտնում է armchess.am-ը:

Հայաստանի ազգային հավաքականի և «Մետալուրգի» երկու ֆուտբոլիստներ՝ Կարլեն Մկրտչյանը և Գևորգ Ղազարյանը հրավիրվել են ազգային հավաքական՝ Աշխարհի 2014-ի առաջնության ընտրական փուլի երկու հանդիպման մասնակցելու համար. այս մասին տեղեկացնում է դոնեցկյան ակումբի պաշտոնական կայքը:

Հիեցնենք, որ B խմբում ընդգրկված Հայաստանի ընտրանին հունիսի 7-ին Երևանում կհյուրընկալի Մալթայի ընտրանուն, ապա հունիսի 11-ին կմեկնի Կոպեհագեն, որտեղ իր ուժերը կչափի Դանիայի հավաքականի հետ:

Չեմպիոնների լիգայի Բավարիա-Բորուսիա եզրափակիչ խաղը, եթե ավարտվի Բորուսիայի հաղթանակով, ապա  յուրաքանչյուր խաղացող կստանա 150 հազար եվրո պարգևավճար, իսկ գլխավոր մարզիչ Յուրգեն Կլոպը՝ 300 հազար. տեղեկացնում է Bild-ը:

Նշենք, որ չեմպիոնների լիգայի եզրափակիչը տեղի կունենա Լոնդոնի «Ուեմբլի» մարզադաշտում մայիսի 25-ին:

Հայաստանի 2012/13թթ. առաջնությունում վերջին հորիզոնականը զբաղեցրեց Երևանի «Բանանցը»: Ակումբի նախագահ Սարգիս Իսրայելյանն որոշել է հրաժարական տալ: Այս մասին տեղեկանում ենք «Բանանցի» պաշտոնական կայքից:
Սարգիս Իսրայելյանը հանդես է եկել հայտարարությամբ, որում ասված է.

«Ավարտվեց ևս մեկ ֆուտբոլային առաջնություն, ևս պատմությանմեկ էջ թերթվեց «Բանանց» ֆուտբոլային ակումբի համար:Դժբախտաբար այս մրցաշրջա-նում թիմը հանդես եկավ շատ ցածրարդյունքներով, թիմը հայտվեց առաջնության ետնամասում:Ունենալով լավ տրադիցիաներով հարուստ պատմություն այսօրստացվեց այն ինչ ստացվեց:

«Բանանց» ակումբի պատմությունը սկսվում է 1992 թվականից:

Հայաստանը նոր էր ձեռք բերել իր անկախությունը, և որոշվեց անցկացնել Հայաստանի ֆուտբոլի անկախ առաջնություն, քանի որերկիրը ուներ ֆուտբոլային պատմության հարուստ էջեր : Եսլինելով աշխարհի ամենատարածված խաղերից մեկի ֆուտբոլիսիրահար և լեգենդար ՙԱրարատ՚ ֆուտբոլային թիմի երկրպագու,որոշեցի ներդնել կարողություններս, հնարավորություններս ու միջոցներս ստեղծելու մի թիմ, որտեղ կընդգրկվեին այնֆուտբոլիստները, որոնք ժամանակին տարբեր պատճառներով չէին ներգրավվել «Արարատ» թիմի կազմի մեջ: Նրանք իսկապեսբարձրակարգ ֆուտբոլիստներ էին, և օժտված էին ոչ միայն բարձր պրոֆեսիոնա-լիզմով այլ մարդկային որակներով, ես նրանցգիտեի մանկուց և վստահ էի, որ կա-րող են հանդես գալ ամենաբարձ մակարդակով և ամենաբարձրակարգ թիմերում:

1992 թվականին թիմը ստեղծվեց և իմ առաջարկությամբ անվանվեց իմ ծննդավայրի «Բանանց» անունով:

Թիմը տղաների էնտուզիազմի, հայրենասիրության և իրենց գործի մեջ ունեցած տաղանդների շնորհիվ հենց նույն տարին 1992թ. մայիսին դարձավ Հայաստա-նի առաջին գավաթակիրը և ազգային առաջնության բրոնզե մեդալակիրը:

Նորաստեղծ թիմը մասնակցելով Հայաստանի Հանրապետության առաջնությանը նոր վերելքով հանդես գալով իր փայլունանունը գրեց հայկական ֆուտբոլի պատմության մեջ, դառնալով նրա առաջատարներից մեկը:

Հայացք նետելով թիմի ելույթներին և ցույց տված արդյունքներին պարզ է դառնում, թե ինչու «Բանանցը» կարողացավ գրավելերկրպագուների սրտերը:

Երկար տարիներ իմ հովանավորությամբ և ղեկավարությամբ թիմը ցուցադրել է կայուն տեխնիկապես գրագետ խաղ ևտարբեր մասնագետների կարծիքով «Բանանց» այդ տարիներին հանդիսանում էր Հայաստանի ուժեղագույն ֆուտբոլային թիմերից մեկը:

Հետագայում երկրի սոցիալական և տնտեսական ծանր վիճակը ազդեց նաև «Բանանց» թիմի գործունեության վրա:Կարճատև դադարից հետո ի ուրախություն ինձ և թիմի երկրպագուների, ակումբը նորից վերածնունդ ապրեց ֆուտբոլիաշ-խարհում հայտնի հայրենասեր բարերար հովանավորի շնորհիվ: Նա պատրաստ էր իր անձնական միջոցները ներդնելհայկական ֆուտբոլի զարգացման գործում: Ես շատ շնորհակալ եմ նրան, որ վստահեց ինձ համագործակցել և շարունակելղեկա-վարել ակումբը: Իմ միակ խնդրանքը եղել է այն, որ պահպանվի ակումբի անունը: Նրա կողմից այն ընդունվեցըմբռնումով:

Ոգևորվելով փոփոխություններով, նոր ծրագրերով ակումբը իր առաջ դրեց ի կատար ածել ամենաբարձր նպատակներ և այդպատճառով բոլոր մակարդակներով ձգտեց բարձր պրոֆեսիոնալիզմի: Բնորոշ ցուցանիշներ կարող են համարվելառաջնություններում թիմի գրաված բարձր տեղերը և այժմյան ստեղծված ենթակառույցների առկայությունը, որտեղ կարողեն ներգրավվել և ֆուտբոլով զբաղվել տարբեր տարիքի 600 երեխաներ: Ակումբը շարունակական ճիշտ քաղաքականություն էվարել ֆուտբոլի զարգացման գործում: Ճիշտ է կարող է և թվացյալ թերացումներ են եղել, բայց դրա արդյունքները կերևանհետագայում, ժամանակ է պետք:

Տարիների ընթացքում «Բանանց» տվել է բազմաթիվ շրջանավարտներ, որոնք ընդգրկվել և այժմ էլ ընդգրկված ենհանրապետության տարբեր հավաքականների կազմերում: Այսօր հանրապետության տարբեր թիմերում հանդես են գալիսակումբի բազմաթիվ շրջանավարտներ: Սա վկայում է այն մասին, որ ակումբը մեծ աշխատանք է կատարել հայկականֆուտբոլի զարգացման և կայացման գործում: 2012թ. ակումբը ստեղծել է իր մանկապատանեկան ֆուտբոլի ակադեմիան,որտեղ փորձի փոխանակման նպատակով Հոլանդիայից հրավիրվել են ֆուտբոլի հայտնի մասնա-գետներ, ավարտվել էմարզաբազայի շինարարությունը, ստեղծվել են ֆուտբոլի զարգացմանն անհրաժեշտ բոլոր ենթակառույցներ:

Այժմ ակադեմիան լիարժեք գործում է:

Լինելով ակումբի նախագահը աշխատել եմ պահպանել ակումբի ավանդույթները, միշտ հորդորել եմ մարզչական կազմինձգտել կատարելության, զբաղվել եմ երիտասարդ մասնագետների պատրաստմամբ:

Ակումբի ձեռք բերած այս հաջողությունների ֆոնի վրա աններելի եմ համարում այս տարվա ֆուտբոլի բարձրագույն խմբերիառաջնությունում «Բանանց» թիմի անհաջող ելույթները: Ես չեմ ուզում այստեղ նշել որևէ մեկի սխալը, աշխատանքում եղածթերությունները: Ես համարում եմ, որ լինելով ակումբի նախագահը չպետք է թերանայի իմ աշխատանքի որոշ օղակներում, որը հանգեցրեց նրան, այն ինչ ունենք:

Նորից ու նորից ուզում եմ հատուկ շնորհակալություն հայտնել ակումբի հովանավորին ինձ վստահելու համար: Եսբարեխղճորեն կատարել եմ իմ պարտականությունները արդարացնելով նրա վստահությունը:

Ուզում եմ եմ շնորհակալություն հայտնել այն բոլոր մարդկանց, որոնք միշտ ինձ սատարել են, օգնել են դժվար պահերին ի կատար ածելու մեր բոլոր մտահղացումները: Վստահ եղեք, մենք բոլորս կատարել ենք շատ հայրենանվեր աշխատանք, որիարդյունքները ես համոզված եմ կգնհատվեն հետագայում:

Այս ամենից ելնելով, հաշվի առնելով «Բանանց» թիմի անհաջողությունների օբյեկտիվ և սուբյեկտիվ պատճառները ես ամբողջ պատասխանատվությունը վերցնում եմ ինձ վրա և պատրաստ եմ հրաժարվել իմ պարտականություններից:

Մոտակա ժամանակներս այս ամենի մասին պարտավորվում եմ տեղեկացնել ակումբի հովանավորին և ակումբիաշխատակազմին:

Ես ուզում եմ ներողություն խնդրել բոլոր ֆուտբոլասերներից «Բանանց» թիմի երկրպագուներից, այսօրվաանհաջողությունների համար:

Միևնույն ժամանակ հպարտ եմ, ակումբի ստեղծման, կայացման համար, հպարտ եմ, որ կարողացել եմ բարձր պահել ակումբի անունը, որ մասնակցություն եմ ունեցել Հայկական ֆուտբոլի զարգացման գործին, հպարտ եմ, որ բարեխղճորենկատարել եմ իմ բոլոր պարտականությունները»:

Ռուսաստանի առաջնության 29-րդ տուրում ԲԿՄԱ-ն սեփական հարկի տակ հյուրընկալել էր Կրասնոդարի Կուբանին և մրցավեճը ավարտվեց գոլազուրկ ոչ ոքի`0-0: Ոչ ոքին ԲԿՄԱ-ի համար չեմպիոնական էր և նա երկրորդ տեղում ընթացող Զենիթից առաջ է անցել 6 միավորով, իսկ իր հերթին պետերբուրգյան թիմը ապահովեց երկրորդ հորիզոնականը, այս մասին գրել է footballcity.am-ը:

Ավելացնենք, որ մրցավեճին որակազրկման պատճառով չի մասնակցել Արազ Օզբիլիզը: Չնայած Մարկոս Պիզելին հայտավորված էր հանդիպման, նա նույնպես չմասնակցեց մրցավեճին: