06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...Հրապարակ. Ամերիկյան NDI Ազգային ժողովրդավարության ինստիտուտ կազմակերպությունը «Ազատություն» ռադիոկայանին դրամաշնորհ է տրամադրել, որը պետք է օգտագործվի տարբեր ընտրատարածքների պատգամավորության թեկնածուների միջև հրապարակային բանավեճեր կազմակերպելու համար: Դրանք պետք է տեղի ունենային «Կոնգրես» հյուրանոցում: Սակայն թերթին հայտնի է դարձել, որ այս ծրագիրը կարող է ձախողվել, քանի որ գրեթե ոչ մի թեկնածու, այդ թվում նաև տարբեր ընդդիմադիր կուսակցություններից, չեն համաձայնում մասնակցել հրապարակային բանավեճերին: Երեկ թերթը դիմել է «Ազատություն» ռադիոկայանի տնօրեն Աղասի Ենոքյանին, հարցնելով, թե արդյո՞ք բանավեճերի թեման կարելի է փակված կամ վերջնականապես ձախողված համարել: Ենոքյանն ասել է, որ նման բան ասել չի կարելի, քանի որ թեկնածուների հետ համաձայնեցման պրոցեսը շարունակվում է: «Մեր կողմից ասենք, որ այդ պրոցեսը կարող է շարունակվել մինչև մայիսի 4-ը: Հայաստանում թեկնածուները նախընտրում են միայնակ նստել էկրանի առաջ և պատասխանել նախապես պայմանավորված և համաձայնեցված հարցերին, իսկ բանավեճի դեպքում դիմացինը կարող է անհարմար հարցեր տալ և դրանով ընտրողների մոտ բացահայտել խոսողի իրական կարողությունները: Դրա համար էլ թեկնածուներն առաջնորդվում են «շառից, փորձանքից հեռու» կարգախոսով»,- գրում է թերթը:
Հայաստանի կրթության և գիտության նախարար Արմեն Աշոտյանն այսօր կրկին հրաման է ստորագրել` Երևանի Վ. Բրյուսովի անվան պետական լեզվաբանական համալսարանի ռեկտոր Ս. Զոլյանի նկատմամբ «խիստ նկատողություն» կարգապահական տույժ կիրառելու մասին: Հրամանի համար հիմք է ծառայել ՀՀ կրթության և գիտության նախարարի 2012 թվականի մարտի 19-ի թիվ 190-Ա/Ք հրամանով ստեղծված հանձնաժողովի կողմից, սույն թվականի մարտի 20-27-ը, Երևանի Վ. Բրյուսովի անվան պետական լեզվաբանական համալսարանում իրականացված վերահսկողության արդյունքներով՝ 12.04.2012 թվականին կազմված ակտը:
Երեկ ԵՊՀ հայ բանասիրության ֆակուլտետի Հայոց լեզվի ամբիոնի վարիչ Լևոն Եզեկյանը, մեզ հետ զրույցում շատ վրդոված էր. հարցին` թե գիտնականների ֆինանսավորման ավելացման պահանջի մասին ի՞նչ կասեք, չափազանց նեղսրտած ասաց. «Ինչ գիտնական. գիտնականներն այսօր անտեսված են: Ես ուղղակի պահանջում բարձրացնել այս հարցը, սա ինչ արհամարհանք է առհասարակ մանկավարժության հանդեպ: Շատ վիրավորական է, շատ: Ընդունվում են մարդիկ , որոնք հայերեն գրել անգամ չգիտեն: Եկեք նայեք մեր քննությունները, ձեր աչքով տեսեք»:
Այս իրավիճակի համար մեղադրել Աշոտյանին, իհարկե տեղին չէ, սակայն զրույցի մասնակիցներից մեկը, ի պատասխան նրան, թե` կրթության նախարարը ոչ մի բան չի անում ասաց. «Ընտրություններից հետո Աշոտյանը չի լինելու: Էդ մեկը հաստատ»:
«Հրապարակ». Երեկ խմբագրություն էր զանգահարել Աբովյան քաղաքից մի քաղաքացի և ասում էր, որ այս օրերին Աբովյանում Գագիկ Ծառուկյանի պաստառներով «Ոսկե ձկնիկ» ավտոբուսներ են շրջում և իրականացնում աբովյանցիների ցանկությունները: Թերթին զանգահարած Արմեն Խաչատրյանի խոսքով, Ծառուկյանի «քարոզիչները» քաղաքացիների կոմունալ վարձերն են վճարում, նաև հեռախոս և ալյուր են բաժանում: «Ավտոբուսները շրջում են, Ծառուկյանի քարոզիչները ցուցակագրում են` ով ինչի կարիք ունի, մարդիկ ասում են իրենց կարիքները, նրանք ցուցակագրում են և տեղում կամ հաջորդ օրը կանչում են և փողը տալիս: Մի խոսքով, մարդկանց բոլոր ցանկությունները կատարում են»,- ասաց Արմեն Խաչատրյանը: Ի դեպ, ԲՀԿ-ն ալյուր է բաժանում նաև Վայոց ձորի մարզում` յուրաքանչյուր ընտրողի 25 կիլոգրամ: Օրերս Վայք քաղաքում ԲՀԿ-ի պոտենցիալ ընտրողներին ցուցակագրել են: Քաղաքացիներն անձնագրերը տարել են, ցուցակագրվել են, նրանց կտրոններ են տվել, որը մի քանի օր անց` ապրիլի 19-ին, պետք է ներկայացնեն և ստանան իրենց հասանելիք 25 կիլոգրամ ալյուրը: Թերթը նշում է, որ ալյուրի հերթագրման համար ԲՀԿ գրասենյակի մոտ հսկայական, կիլոմետրանոց հերթ էր գոյացել: Մարդիկ, իրենց և իրենց ընտանիքի մյուս անդամների անձնագրերը ձեռքներին, միմյանց հերթ չէին տալիս` րոպե առաջ «ալյուրի ցուցակում» հայտնվելու համար: Բայց ԲՀԿ-ից հետ չի մնում նաև ՀՀԿ-ն: Ընտրակաշառքի հարցում մրցավազք է սկսվել, և կուսակցություններն իրար հետ մրցում են, թե ով ավելի շատ ֆանտազիա կներդնի ու ավելի անսպասելի կաշառք կբաժանի: Թերթին պատմել են, որ հանգստյան օրերին Նորք-Մարաշի բնակիչներին տնկիներ են բաժանել ՀՀԿ-ի օգտին: Ծառատունկի օրերն են, և դրանք շատ պետք կգան նորքեցիներին:
Առավոտ թերթը գրում է, որ Մասիսի թիվ 2 դպրոցի ուսուցչուհիներից մեկը՝ Էմմա Թանգյանը ՀԱԿ-ի հանրահավաքի առաջին շարքերում էր եւ չէր վախենում տեսախցիկների առջեւ երեւալ. «Ես պահանջում եմ արդարություն, այս ռեժիմին ձայն չտանք, ոչինչ, թող ինձ դրա համար աշխատանքից հեռացնեն, ինձ համար դա փույթ չէ»,- ասել է նա:
«Մեր հարցին՝ փորձե՞լ են ձեզ հանրապետականացնել՝ ուսուցչուհին պատասխանեց. «Ոչ, ինձ չեն կարող, եթե փորձեն՝ ես տեղ ունեմ գնալու: Ես գրագետ եմ, կարող եմ թերթերին թղթակցություն տալ: Թող ինձ հանեն: 53 տարի աշխատում եմ դպրոցում: Ինձ վրա չեն կարողանում ճնշումներ գործադրել, որովհետեւ ինձ գիտեն, բա կարողողանո՞ւմ են: Թող մեզ գրագետ մարդ ղեկավարի, բալիկ ջան»:
Նա վստահ է, որ ՀԱԿ-ը Մասիսում ընտրազանգված ունի, որքան էլ ՀԱԿ-ի երեւանյան հանրահավաքներին տեղի իշխանությունները խոչընդոտում են՝ իրենք տաքսի են վարձում՝ գալիս-հասնում. «Ո՞նց են ոստիկաններն ասում, թե էդպիսի բան չկա: Միշտ էլ ճանապարհները փակել են, միշտ տաքսիով եմ եկել: Ինչի՞ պիտի սուտ խոսեմ, մի աշխատանք է՝ թող էդ էլ իրենց լինի, իրենք չեն մարսելու: Չե՞ք տեսնում, միտինգին մարդ չկա, որովհետեւ ամբողջ հարկային վարչության պետը ընկած է նույնիսկ խանութները, ինչի՞ մասին է խոսքը: Փող էլ բաժանում են»:
Կինը վստահեցնում էր, որ մինչեւ հանրահավաքը բնակիչներին ահաբեկել են: Ավելին՝ դպրոցի ուսուցչուհին պատմեց, թե ինչ են արել Սերժ Սարգսյանի՝ Մասիս կատարած այցելության օրը. «Այն օրը դպրոցը 2 ժամ դաս էր արել, սաղին վախեցրել էին, բերել էին այստեղ: Իսկ ինչո՞ւ այսօր չէին փակում դպրոցները: Կեսը երեխաներ էին, ուսուցիչներն էլ վախվորած են գալիս, որպեսզի իրենց աշխատանքից չհեռացնեն»,- գրում է թերթը:
«Ազգային երաժշտական մրցանակաբաշխություն 2012»-ի լավագույն կատարողներ են ճանաչվել Սոնա Շահգելդյանն ու Էրիկը: Մրցանակաբաշխությունը կայացել է Ալեքսանդր Սպենդիարյանի անվան Օպերայի եւ բալետի ազգային ակադեմիական թատրոնի դահլիճում :
Մի քանի ժամ տեւած մրցանակաբաշխությանը ներկայացված էր 15 անվանակարգ եւ 16 հատուկ մրցանակ: «Տարվա հայտնություն» անվանակարգում հաղթող է ճանաչվել Նարինե Դովլաթյանվ, «Կատարողական արվեստի տարվա հայտնություն»` Նարեկ Հախնազարյանը, «Լավագույն տեսահոլովակ» ճանաչվել Սիրուշոյի I like it երգը, «Լավագույն ալբոմ»՝ «Դորիանս» ռոք խմբի FLY ալբոմը, «Լավագույն դուետ»՝ Լիլիթ Հովհաննիսյանը եւ Միհրան Ծառուկյանը, «Լավագույն ջազ նախագիծ»` «Կատուներ» խումբը, «Լավագույն ռադիոնախագիծ»՝ Time out հաղորդաշարը:
«Լավագույն ժողովրդական համույթ» է ճանաչվել Թաթուլ Ալթունյանի անվան երգի-պարի անսամբլը, «Լավագույն ռոք խումբ»՝ The beautified project-ը, «Լավագույն դասական ալբոմ»՝ Էդգար Հովհաննիսյանի «Խմբերգերը», «Լավագույն Սաունդտրեք»՝ Արտո Թունջբոյաջյանի՝ «Ալաբալանիցան», «Տարվա հիթ»՝ Գոհար համույթի «Պապենական Կիլիկիան»:
Տիգրան Նաղդալյանի անվան հատուկ մրցանակը բաժին է հասել Հայաստանի Հանրային ռադիոյին: Հատուկ մրցանակի է արժանացել նաեւ Հայաստանի նախագահի տիկնոջ՝ Ռիտա Սարգսյանի հեղինակած «Հույսի նավակ» երգը: Հատուկ մրցանակի են արժանացել նաեւ Դար 21 հեռուստաընկերությունը, Հայաստանի պետական երիտասարդական նվագախումբը, Արմեն Թորոյանը, Լեւոն Մալխասյանն ու Լեւոն Իգիթյանը, Պատրիկ Ֆիորին, Ռուբեն Ջաղինյանը, 2011 թ. Մանկական Եվրատեսիլի կազմակերպիչները, Երգի պետական թատրոնի գեղարվեստական ղեկավար Արթուր Գրիգորյանը, Նադեժդա Սարգսյանը եւ ստամբուլահայ երգչուհի Սիբիլը:
Այսօր լրագրողների հետ հանդիպման ժամանակ աստղաբան-էզոթերիկ, պարահոգեբան Գուրգեն Հովհաննիսյանը ասաց, որ հասարակության շրջանում տոներն ու ընտրություններն առաջացնում են մասսայական լարվածություն, ինչը հաճախ վերածվում է դեպրեսիայի:
Ըստ աստղաբանի այդ ամենից ազատվելու լավագույն միջոցը այն է, որ դրանց կարևորություն պետք չէ տալ ու դրանք չկապել կենսակերպի հետ.« Տոներին և կամ ընտրություններին պետք է վերաբերվել ոչ լավ, ոչ վատ, այլ որպես բնականոն երևույթ»,- ասաց Հովհաննիսյանը:
Վերջինս նաև փորձեց կանխատեսումներ անել առաջիկա խորհրդարանական ընտրությունների վերաբերյալ նշելով, թե մայիսի 6-ին կլինի հանդարտ փոփոխություն. «Ճիշտ օր է ընտրված: Տիեզերական ուժերը ներկայացված են Վեներայի ազդեցության տակ, որը թույլ է տալիս ենթադրել, որ կլինի հանդարտ փոփոխություն, այսինքն՝ քանդել հինը և կառուցել նորը»,-ասաց նա:
Գուրգեն Հովհաննիսյանը նկատում է, թե հենց այդ ուժերի ազդեցության տակ ընտրության օրը, արդեն իսկ կողմնորոշված քաղաքացին, կարող է գնալ ընտրատեղամաս և 5-10 րոպեում մտափոխվել ու կատարել բոլորովին այլ ընտրություն:
Պարահոգեբանը ակտիվ քարոզչական գործունեություն ծավալելու համար նպաստավոր ժամանակաշրջան է համարում մինչև ապրիլի 19-ը, իսկ դրանից հետո նա քաղաքական ուժերին խորհուրդ է տալիս՝ վարել ավելի կայուն, հանդարտ և ներդաշանակ քարոզարշավ:
Ըստ աստղաբանի ընդդիումությունը, և իշխանությունը ներկայացված կլինեն խորհրդարանում, իսկ թե ինչ չափաբաժնով, դա հստակ ասել չի կարող:
«ՄԳԱ Վոթըր» ընկերությունը («Մաքուր ջուր» ապրանքանիշ) երեկ Տնտեսական մրցակցության պաշտպանության պետական հանձնաժողով (ՏՄՊՊՀ) է ներկայացրել տուգանքի վճարման անդորրագիր: Ընկերության նկատմամբ կիրառվել էր օրենքով նախատեսված առավելագույն պատիժ՝ շրջանառության 1 %-ի չափով, գումարը կազմում է մոտ 5 մլն 240 հզ. դրամ:
«Հայկական Վարկածի» Ֆեյսբուքյան էջին «Մաքուր ջուր»-ը տեղադրել էր հետևյալ հղումը.«ՄԳԱ ՎՈԹԸՐ» ընկերությունը շնորհակալություն է հայտնում իր սպառողներին 9 տարիների վստահության եւ համագործակցության համար: Մենք գնահատում եւ արժեւորում ենք այն ուղին, որն անցել ենք մեր սպառողի հետ, իրականացրել ենք առավելագույնը նրանց սպասումները արդարացնելու համար:
Ի պատասխան մամուլում տեղ գտած հրապարակումների` հարկ ենք համարում եւս մեկ անգամ հայտարարել, որ «ՄԱՔՈՒՐ ՋՈՒՐ»-ը որևէ տեղ որևէ միջոցով երբևէ չի հայտարարել, որ իր կողմից առաջարկվող ԲՆԱԿԱՆ ԱՂԲՅՈՒՐԻ ԽՄԵԼՈՒ ՋՈՒՐՆ ուղղակիորեն լեռնային աղբյուրից է, այլ ոչ թե աղբյուրից դուրս եկող և ջրամատակարարման ցանցով առաքվող: Մեր Ընկերությունը հայտարարելով որ իր առաջարկած ջուրն ԲՆԱԿԱՆ ԱՂԲՅՈՒՐԻ ԽՄԵԼՈՒ ՋՈՒՐ է` այդպիսով մատնանշում է շշալցման ժամանակ օգտագործվող ջրի իրական ծագումը` այն է Գառնիի տարածքում բխող աղբյուրների ջուրը, որը մինչ շշալցվելը ենթարկվում է վերամշակման` համապատասխան խմելու ջրի ՀՀ եւ միջազգային չափանիշներին: Այդ տեղեկությունը միշտ բաց է եղել և միշտ փոխանցվել է մեր սպառողներին:
Տեղեկացնում ենք նաեւ, որ «ՄԳԱ Վոթըր» ընկերությունը պատրաստվում է դիմել դատարան, բողաքարկելու ՀՀ ՏՄՊՀՀ-ի 30.03.2012թ կայացրած որոշումը:
Հարկ ենք համարում տեղեկացնել, որ Հայաստանի Հանրապետությունում շշալցված բնական աղբյուրի խմելու ջրի վերաբերյալ տերմիններ և ցուցանիշներ (քիմիական կազմը) սահմանող ազգային ստանդարտներ չեն գործում: Այսպիսով ՙՄԳԱ Վոթըր՚ ՍՊ Ընկերությունը հումքային ջրի ծագման մասին միշտ տվել է ճշտգրիտ տեղեկություններ:
Այդ առիթից օգտվելով մեր ընկերության մրցակիցները` փորձում են գցել թյուրիմացության մեջ ոչ միայն մեր սպառողներին, այլ նաեւ ամբողջ հասարակությանը, օգտագործելով բոլոր մեթոդները:
Կարեւորելով հետագա համագործակցությունը մեր սպառողների հետ` հատուկ շնորհակալություն ենք հայտնում հազարավոր հաճախորդներին, որ այս տարիների ընթացքում միասին ներդրում ունեցանք Միացյալ Ազգերի կազմակերպության Մանկական Ֆոնդի` UNICEF-ի «ՀԱՆՈՒՆ ՆՈՐԱԾԻՆՆԵՐԻ» առողջության ծրագրին եւ վստահ ենք, որ մենք համատեղ ջանքերով կշարունակենք բարձրացնել մեր երկրում հետծննդյան խնամքի մակարդակը, քանի որ յուրաքանչյուր շիշ «ՄԱՔՈՒՐ ՋՐԻՑ» հասույթ կշարունակվի փոխանցվել UNICEF-ին Հայաստանի ծննդատներին բուժսարքավորումներ ձեռքբերելու նպատակով:
ՏՄՊՊՀ-ն պահանջել էր, որ 5-օրյա ժամկետում վերացվի խախտումը, և այժմ տեղեկացնում է, որ ընկերությունը խնդրել է, տեխնիկական վերակազմավորման ժամկետը երկարաձգել ևս 15 օրով:
Ստացվում է որ չնայած հայտարություններին, թե ընկերությունը դիմում է դատարան և վիճարկում է հանձնաժողովի որոշումը, հանձնաժողովը վարչական բողոք չի ստացել:
Հիշեցնենք, որ «ՄԳԱ Վոթըր» ընկերությունը մեղադրվել էր անբարեխիղճ մրցակցության մեջ: Ըստ ՏՄՊՊՀ-ի` «ՄԳԱ Վոթըր» ընկերությունը սպառողին առաջարկում է խմելու մաքուր ջուր, սակայն ջրի հումքային ծագման մասին տալիս է ոչ ճիշտ տեղեկություններ: Մասնավորապես` «Մաքուր ջրի» շշալցման ժամանակ օգտագործվում է ոչ թե լեռնային աղբյուրի, այլ քաղաքային սովորական ջրամատակարարման ցանցի ջուր:
Մեզ հասած մի շարք դժգոհությունները Բիլայն կապի ծառայությունից, ինձ ստիպեցին անդրադառնալ տարիներ առաջ տեղի ունեցած մի դեպքի, որի մասին խոստացել էի պատմել, և որի պատճառով այսօր ինձ համար ստեղծվել է մի շատ տհաճ իրավիճակ:
Կարծում եմ, որ «ԱրմենՏել»ից քաշվածները քիչ չեն ու այս պատմությունը կնորոգի մարդկանց հիշողությունները, իսկ մենք պատրաստ ենք «հրապարակել» դրանք: Այն անզորությունը, որ դու զգում ես քո իսկ երկրում, բախվելով օտարերկրյա ընկերությունների անառիկ պատին, մեկ անգամ ևս գալիս է փաստելու, քո իսկ երկրում անպաշտպան քաղաքացի լինելու տխուր իրականությունը:
Չգիտեմ, Արմենտելի ղեկավարությունը տեղյա՞կ է, որ իր աշխատակիցների անտարբերության ու փնթի աշխատանքի պատճառով, բաժանորդներն ընկնում են չափազանց տհաճ իրավիճակի մեջ ու անվանարկվում է ընկերությանը: Իրենք` իրենց փնթիությունը չբացահայտելու, թե՞ ղեկավարության չոր ցուցումը կատարելու համար կոծկում են իրական պատկերը ու դժգոհների թիվը գնալով ստվարանում է:
Այս պատմութունը դրա հավաստի ապացույցն է.
Իսկ պատմությունը հետևյալն է. Հեռախոսահամարը, որն ըստ Բիլայնի տրամադրած տեղեկանքի, խզվել է 23.05. 2008-ին այժմ ունի 83 889 դրամ պարտք, որը ենթակա է վճարման: Այդ մասին բաժանորդը` հանձինս ինձ, տեղեկացվում է 4 տարի անց` 2012 –ի շատ պատահաբար, երբ հաշիվները ակտիվացնելիս տեսնում է, որ դրանց վրա կալանք կա:
Ի՞նչ է տեղի ունեցել. 2008-ին իմ բջջային հեռախոսահամարի վրա եկած պատքի չափն ինձ զարմացրեց, ու ես դիմեցի Չարենցի փողոցի վրա գտնվող ԱրմենՏելի բաժանմունք, պարզելու եղելությունը: Այնտեղ աշխատակիցը ինձ հավատացրեց, որ նմանատիպ բողոքները շատ են, քանի որ «համարների վրա անկապ զանգեր են նստել»: Ու ասաց թե` իրենց մոտ հիմա ստուգումներ են, երբ կպարզվի ինչն ինչոց է, տեղյակ կպահեն: Հետո հեռախոսահամարն անջատվեց ու, քանի որ մնացել էի առանց կապի միջոցի, որոշեցի վերցնել այլ օպերատորի նույն համարը: Ու ստացվեց այնպես, որ չհետևեցի գործի ընթացքին: Եւ դա է իմ միակ մեղքը: Հետո ինձ ասացին, որ հետևողական չլինելու` այսինքն Բիլայնին վստահելու` ընթացքում, սպասելով տեղեկության, անջատված համարի վրա չգիտես ո՞ր ծառայության դիմաց պարտքեր են կուտակվել ու գումարը դարձել է մոտ 84 հազար դրամ:
Իսկ որ ամենահետաքրքիրն է, Բիլայնը մտնում է դատարան, որն էլ առանց ճշտելու կողմին պատշաճ ծանուցվել է թե ոչ, որոշում է կայացնում ու որոշում կալանք դնել իմ հաշիվների վրա, ինչն էլ ի կատար է ածում ԴԱՀԿ — ը:
Օրերս ԱրմենՏել ընկերությունը տեղեկացրել է, ֆիքսված հեռախոսակապի կորպորատիվ հաճախորդներին, որ վերջին շրջանում նկատվում են Asterisk համակարգի վրա աշխատող ծրագրային հեռախոսային կայանները չարագործների կողմից կոտրելու ու չարտոնված զանգեր կատարելու դեպքեր:
ԱրմենՏելը հայտնել է իր բաժանորդներին, որ նման միջամտություններով չարագործները կատարում են զանգեր` միջազգային տարբեր ուղություններով: Արդյունքում հաճախորդները ստիպված են վճարել իրենց կողմից չկատարած զանգերի դիմաց:
Մոտավորապես նման իրավիճակ էր և 4 տարի առաջ: Սակայն այսօր ընկերությունը հորդորում է իր հաճախորդներին կասկածելի ուղություններով զանգեր հայտնաբերելու դեպքում անհապաղ դիմել իրավապահ մարմիններին:
Մենք էլ հորդորում ենք` հետևողական եղեք, այլապես գուցե թե տարիներ հետո ստիպված կլինեք, վճարել Արմենտելին, ձեր չկատարած զանգերի համար, քանի որ այս ընկերությունում ոչ ոք պատասխանատվություն չի կրում: Տեղի ունեցած ցանկացած աբսուրդի համար պատասխանատուն բաժանորդն է:
Ռուզան Ավոյան
Գիտության ֆինանսավորման նոր հայեցակարգը առաջնային նշանակություն ունի մեր երկրի կայացման համար: Նախընտրական շրջանում կուսակցությունները, իրար հերթ չտալով, շահարկում են այդ խնդիրը: Սակայն համոզված ենք, որ նրանք ամբողջական պատկերացում չունեն, թե ինչի մասին է խոսքը: Գիտության ֆինանսավորման նշված հիմնախնդրի շուրջ զրուցեցինք ԵՊՀ իրանագիտության ամբիոնի վարիչ, բ.գ.դ., պրոֆեսոր Գառնիկ Ասատրյանի հետ:
— Պրն. Ասատրյան, նկատի ունենալով, որ Դուք անմիջական առնչություն ունեք քննարկվող հիմնահարցին, կխնդրեինք Ձեր տեսակետը Գիտության ֆինանսավորման ավելացման հարցի վերաբերյալ:
— Իհարկե, լավ կլիներ, որ գիտության ֆինասավորումն ավելացվեր, այսինքն՝ պետական բյուջեից տրամադրվող միջոցները կրկնապատկվեին, նույնիսկ եռապատկվեին: Սակայն, իմ կարծիքով, դրանց բախշման այսօրվա կարգը թույլ չի տալիս այն նպատակային օգտագործել: Դա կլինի այնպես, ոնց որ ավազի մեջ լցնես: Ինչու՞ ավազի, քանի որ այդ ֆինանսների նպատակայնությունը ճշգրտված չէ: Մենք ռեգիստր չունենք, թե գիտության ո՞ր ճյուղերում կարող ենք մրցունակ դառնալ, կամ ո՞ր ճյուղերում է այդ միջոցների ներդնումը հեռանկարային: Այսինքն` գիտության ո՞ր բնագավառում զարգացման ինչ ներուժ ունենք: Սա պետք է որոշակիացվի: Հստակ չափանիշներ մշակվեն, և այդ չափանիշներով մարդիկ, հիմնարկները, ինստիտուտներն աշխատեն: Դրանից հետո միայն պետք է մտածել ֆինասավորման մասին, գտնել դրանց հայթայթման այլընտրանքային աղբյուրներ: Այդպես պետք է լինի: Այժմ հախուռն տարփողվող ֆինանսավորման կարգախոսը գիտականորեն հիմնավորված չէ, և այդ գումարները գնալու են ի տնօրինություն այն մարդկանց, ովքեր ավելի քան մոտավոր պատկերացում ունեն մեր հանրապետության գիտական բազայի և վերջինիս զարգացման ոլորտների հեռանկարայնության մասին: Այս պարագայում նոր հատկացումները ոչինչ չեն փոխի:
— Իսկ հնարավո՞ր չէր այդ ամենը անել մինչ օրս:
— Պետք է կազմվի հանձնախումբ՝ ներառելով միջազգային որոշակի շրջաններ, ոչ թե սփյուռքի (խնդրում եմ չշփոթել), որովհետև սփյուռքում մենք, ցավոք, առանձնապես գիտական մեծ ներուժ չունենք, այլ միջազգային ճանաչված մասնագետների՝ նրանց փորձագիտական կարծիքը ստանալու համար: Պետք է ճշգրտել մեր գիտական ներուժը (բուհ, ակադեմիա, գիտական և ճյուղային հիմնարկներ), և դրա հիման վրա և այդ մեկնակետից էլ կատարել ֆինանսավորումները:
Հայտնի իրողություն է, որ այն մարդիկ, ովքեր գիտության բնագավառում գործ են անում, ղեկավար դիրքերում չեն, հետևաբար նրանց այդ գումարը չի հասնի: Այսինքն` ամեն ինչ պետք է կոնկրետացվի: Ասենք, օրինակի համար, ֆիզիկայի որևէ ճյուղում, օրինակ՝ օպտիկայում, մենք ի՞նչ ունենք, ովքեր ի՞նչ կարողություն ունեն՝ միջազգային նորմերին համապատասխանության առումով: Նույնը նաև հասարակական և գիտության մյուս ոլորտներում:
— Ինչպե՞ս կբնորոշեք ազգային գիտությունը, ու կա՞ նման հասկացություն մեզանում: Ո՞ր ճյուղն է առաջագնա:
— Չկա ազգային կամ միջազգային գիտություն, չկա հայկական կամ ամերիկայն գիտություն: Այն կամ կա, կամ չկա:
— Հայաստանում գիտության համարումը ընկել է, և նախկինի պես չի կարևորվում գիտնականի վաստակը:
— Ես բնագետ չեմ, սակայն գիտեմ, որ բնական գիտություններում, մասնավորապես ֆիզիկայի, կենսաբանության, մաթեմատիկայի ոլորտներում զգալի ձեռքբերումներ կան: Համենայն դեպս, ժամանակակից հասարակական գիտությունների ոլորտից կարող եմ փաստել, որ հայ իրանագիտությունը կամ, մեծ իմաստով, կովկասագիտությունը միջազգային լուրջ ճանաչում ունի, որ, ըստ ամենայնի, ջանում ենք զարգացնել: Բայց հասարակական գիտություններում, գրեթե բոլոր բնագավառներում, հետընթաց է նկատվում: Սա մտահոգիչ է, քանի որ, գաղտնիք չէ, Թուրքիան և Ադրբեջանը լրջորեն զբաղվում են միջազգային գիտա-ուսումնական կենտրոններում երիտասարդ մասնագետներ պատրաստելու խնդրով: Այստեղ մենք թերանում ենք:
-Իսկ ի՞նչ է պետք դրա համար, ի՞նչն է, որ մենք չենք կարողանում անել:
— Դրա համար նախ պետք է մշակել չափանիշներ և այնպիսի համակարգ, որ գիտնականը վարձատրվի իր աշխատանքին համահունչ: Պետք է մշակել գիտնակաների գործունեության գնահատման չափանիշներ: Շատերն ասում են` կադրեր ուղարկենք արտասահման՝ սովորեն, գան: Եթե ես մեկին ուղարկեմ Հարվարդում սովորի, այնուհետև Գերմանիայում, Ֆրանսիայում և այլուր գիտական հոդվածներ գրի, գրքեր հրատարակի և վերադառնա Հայաստան, այստեղ նա չի կարողանա արժանապատիվ գոյություն ապահովել: Նա չի կարող կարիերիայի զարգացում ապրել, քանի որ հաշվի չի առնվում նրա գործունեության չափանիշները. ոչ ոքի չի հետաքրքրում նրա գիտական պատրաստվածությունը և զարգացման ներուժը: Այսինքն`այս բացասական «ընտրության» և արժևորման խնդիրն այն է, որ մարդ մտածում է՝ ինչու վերադառնալ: Իսկ եթե չափանիշները գործեն, բնական է, որ մարդիկ շահագրգռված կլինեն գնալ արտասահման սովորելու: Այսինքն՝ արժանիին արժանին մատուցելու խնդիրն է: Դրանով էլ գիտությունը կզարգանա, պետությունը կզարգանա: Մենք ուրիշ ճանապարհ չունենք. ինչքան էլ միլիոներ ներդրես, որևէ արդյունք չի տա:
— Ուզում եք ասել, որ գիտությամբ զբաղվելը խթանող մեխանիզմնե՞ր է հարկավոր մշակել:
— Այո, անցել են ժամանակները, երբ գիտության մշակի համարումը գոհացնում էր մարդկանց: Այսօր գիտությանը նվիրվող երիտասարդը պետք է իմանա, որ կարող է ապահովել իր ընտանիքը, հոգալ իր դիրքին հարիր կարիքները, արժանապատիվ ապրել: Նա պետք է վստահ լինի իր զարգացման հեռանկարում, հեռանկար, որ որոշարկված կլինի ազնիվ մրցակցությամբ:
Շուշան Գալստյան
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.