03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...Վերջապես Բաղրամյան 26-ը լուծեց Երևանի Կենտրոն, Նորք-Մարաշ վարչական շրջանի դատարանի նախագահի նշանակման հարցը:
Երեկ արդարադատության խորհուրդը դատարանի նախագահ է նշանակել Քանաքեռ-Զեյթուն վարչական համայնքի դատավոր Ռուբեն Վարդազարյանին:
Վարդազարյանը ծնվել է 1967 թ. Երևանում, ավարտել է ԵՊՀ իրավաբանական ֆակուլտետը, աշխատել է միջազգային «Սպուտնիկ» տուրիստական բյուրոյում որպես իրավախորհրդատու, ապա` իրավաբանական բաժնի վարիչ, որից հետո տեղափոխվել է ՀՀ կառավարության վարչական մարմինների վարչություն` գլխավոր մասնագետի հաստիքով:
2001-2007թթ. եղել է ՀՀ Նախագահին առընթեր քաղաքացիության հարցերի հանձնաժողովի անդամ.
2003-2007թթ. -երկակի նշանակության ապրանքների և տեխնոլոգիաների արտահանման վերահսկողության հանձնաժողովի քարտուղար,
2008թ. նշանակվել է հարավային քաղաքացիական դատարանի դատավոր,
2009թ. — Արաբկիր և Քանաքեռ-Զեյթուն համայնքների ընդհանուր իրավասության դատարանի դատավոր:
ԱԱԾ դպրոցն անցած և երկար տարիներ դատախազության կամքին հլու-հնազանդ Ժորա Վարդանյանից հետո այս նշանակումը գալիս է փաստելու, որ մայրաքաղաքի կենտրոնական դատարանը դուրս է բերվում դատախազական վերահսկողությունից: Նման սուղ աշխատանքային փորձով դատավորի նշանակումը դատարանի նախագահի պաշտոնում, փոքր-ինչ զարմանալի է, բայց և տրամաբանական. Նախագահ Սարգսյանը ամրապնդում է դիրքերը` իր ձեռքը վերցնելով արդարադատության լծակները:
ՀՀ Առողջապահության նախարարության պաշտոնական վիճակագրությամբ հղիությունների 45%-ը ավարïվում են աբորտով: Իսկ կանանց 37%-ը իրենց կյանքի ընթացքում ունեցել են առնվազն մեկ աբորտ: Այս կանանց շրջանում 65%-ն ունեցել է 2 կամ ավելի աբորտ.
Չնայած վերջին տարիներին աբորտների թիվը զգալիորեն նվազել է, մեր երկիրը տարածաշրջանում Վրաստանից հետ է և առաջ Ադրբեջանից, սակայն խնդիրը մնում է հրատապ։
Ըստ ԱՆ պաշտոնական վիճակագրության կյանքի ընթացքում ունեցած աբորտների տոկոսն ըստ կրթական մակարդակի ամենաբարձրը միջնակարգ և միջին մասնագիտական կրթությամբ կանանց մոտ է, նրանք միասին կազմում են 84%, հիմնական ընդհանուր և բարձրագույն կրթությամբ կանայք յուրաքանչյուրը կազմում են 27%: ՀիմնակաÝ ընդհանուր կրթությամբ կանանց թիվը քիչ է, քանի որ հղիությունները մեծ մասամբ ավարտվում են ծննդաբերությամբ:
Աբորտի գինը ոչ միայն դրամական արժեք ունի, այն ունի ավելի խորը հոգեբանական արժեք, չնայած աբորտից հետո ավելի շուտ կինը թեթևություն է զգում, քան ծանրություն, քանի որ ամեն ինչ արդեն հետևում է լինում:
Վճարովի , ինչպես և որոշ սոցիալական խմբերի համար անվճար աբորտը անպայման կատարվում է միմիայն հիվանդանոցային պայմաններում, ամբուլատոր պայմաններում աբորտ կատարել չի թույլատրվում։
Ցավազրկմամբ աբորտները հիմնականում կնոջ թե հոգեբանական, թե ֆիզիկական դաշտի վրա ավելի քիչ են ազդում, քան առանց ցավազրկման արվածները: Չնայած ցանկացած աբորտ վնասակար է առողջությանը, ժամանակակից վիրաբուժական միջոցները վնասը հասցրել են մինիմալի, ու որակյալ մասնագետի կողմից իրականացված աբորտը համարյա բացասական հետևանքներ չի թողնում:
ՀՀ օրենքը չի թույլատրում աբորտներ 12 շաբաթականից ավելի հղիության ժամկետում, եթե չկան հատուկ բժշկա-սոցիոլոգիական ցուցումներ: Իսկ այդ ցուցումները հետևյալն են.
1.Եթե կնոջ կյանքին վտանգ է սպառնում:
2.Եթե կնոջ ամուսինը մահացել է հղիության ընթացքում:
3.Եթե կինը դատապարտված ազատազրկման է կամ գտնվում է ազատազրկման մեջ:
4.Եթե կնոջ ամուսինը դատապարտված է ազատազրկման կամ գտնվում է ազատզրկման մեջ:
5.Ծայրահեղ աղքատությունը, որը ֆիքսված է սոցիալական մարմինների կողմից:
6.Մյուս բոլոր դեպքերում 12 շաբաթականից ավելի պտղի հեռացումը քրեորեն պատժելի արարք է.
Օրենքի 5-րդ դրույթն ասում է .«Հղիության արհեստական ընդհատումից առաջ և հետո առողջապահական հաստատությունը կնոջը տրամադրում է անվճար բժշկասոցիոլոգիական խորհրդատվություն անցանկալի հղիությունից պաշտպանվելու միջոցների ընտրության վերաբերյալ: Սակայն անվճար խորհրդատվություն կանայք համարյա չեն ստանում, եթե չունեն վստահելի գինեկոլոգ։
Չնայած հակաբեղմնավորիչների ցանկը բավականին մեծ է` սկսած պահպանակներից (կանացի և տղամարդու), ներարգանդային պարույրներից, հորմոնալ հակաբեղմնավորիչ հաբերից, սպերմիցիդ (սերմնահեղուկը սպանող հատկություն) մեթոդներից մինչև արհեստական ամլացում: Ցավոք, կանայք այդքան էլ տեղեկացված չեն դրանց մասին և օրինակ, հորմոնալ հակաբեղմնավորիչների նկատմամբ անվստահություն ունեն, ներարգանդային պարույրները ոչ բոլորին են անվնաս, ամլացումը անդառնալի է: Մեր կանանց մեծամասնությունը` 47%, ոչ մի հակաբեղմնավորման մեթոդ չի օգտագործում, 28%-ը գերադասում է ընդհատված սեռական հարաբերություն, 6%-ը` այլ ավանդական մեթոդներ, 8%-ը` պահպանակ, 9%-ը` ներարգանդային պարույրներ, 2%-ը` այլ ժամանակից մեթոդներ:
Ժամանակակից հակաբեղմնավորիչներ օգտագործում են, հիմնականում քաղաքաբնակ կանայք, և կանայք, որոնց կրթական մակարդակն ավելի բարձր է:
Շատ հաճախ ամուսինները հրաժարվում են հակաբեղմնավորիչներ օգտագործել, պատճառ բերելով մենթալ ու ազգային ավանդական և կրոնական արգելքներ: Երբեմն կանայք ինքնագլուխ իրականացնում են դեղորայքային աբորտ, հետևելով հարևանների կամ ընկերուհիների խորհրդին` տնային պայմաններում: Դեղորայքային աբորտը ընդունված մեթոդ է որոշ երկրներում, չնայած համաշխարհային վիճակագրության համաձայն դրա էֆֆեկտիվությունն ընդամենը 2% է կազմում և շատ երկրներում չի թույլատրվում, այն թույլատրվում է Հայաստանում: Դրանք ստամոքսի խոցի բուժման համար նախատեսված հորմոնալ, ցիտոցիդային պրեպարատներ են(սայտոտեկ, օքսիտոցին, միզոպրոստալ), որոնց մեծ քանակությամբ ընդունումը (մինչև 63 օր հղիության ժամկետում) առաջացնում են արգանդի հարթ մկանների կծկումներ և դրա հետևանքով արհեստական վիժում: Սակայն այս մեթոդը կարող է իրականացվել միայն բժշկի հսկողության տակ, քանի որ հաճախ այն չի բերում պտղի լիովին վիժմանը, կնոջ օրգանիզմում մնում են կտորներ, որոնք կարող են լինել առանց որևէ նշանների, բայց ժամանակի ընթացքում թունավորել կնոջ օրգանիզմը:
Առաջին աբորտից հետո ու ամեն հետևյալ անգամները երդում էի ուտում, որ էլ չեմ անի, բայց անում էի: Կանայք, որ աբորտ են անում, երևի հատուկ դժոխքի փայ են դառնում: Ավետարանն ասում է, որ էդպիսի դեպքերում մեղքը երկուսինն է, ու երկուսն էլ պատասխանատու են Աստծու առաջ:
Ես զանգահարեցի քաղաքի 7 խոշոր հիվանդանոցներ և ծանոթացա գնային համակարգին, աբորտի իրականացման կարգին և թույլատրելի ժամկետներին: Գները տատանվում են 12500-20000 դրամի միջեւ`առանց ցավազրկման աբորտների դեպքում, ցավազրկմամբ` 28000-35000 դրամ: Այդ 7 հիվանդանոցներից 4-ում ինձ պատասխանեցին մոտավորապես այսպես.
«Օրենքով չի թույլատրվում, դա ավելի թանկ կլինի, եկեք, կանենք»: Թանկի կոնկրետ գինը չսակարկվեց, պետք է գնայի տեղում ասեին: Երկու հիվանդանոցում ասացին, որ կարող են անել, եթե տվյալ բժիշկը համաձայնվի: Եւ միայն «Էրեբունի» բժշկական կենտրոնի հեռախոսավարուհին ասաց, թե. «Չենք անում, իրավունք չունենք, միայն հատուկ ցուցումների դեպքում ենք անում»:
Աննա. Ն. 35 տարեկան, առաջին հղիությունը 17 տարեկանում է ունեցել, որն ավարտվել է ծննդաբերությամբ: Ամուսնացած է. ունի 4 երեխա: Մինչ այսօր նրա ամուսինը հրաժարվում էր պահպանակներ օգտագործելուց և այդ կինը իր վերարտադրողական կյանքի ընթացքում (18 տարի) ունեցել է 20-ից ավելի աբորտ, ճշգրիտ թիվը չի հիշում: Աբորտներն ըստ իր ցանկության և ֆինանսական հնարավորությունների կատարվել են առանց ցավազրկման: Առաջին 10 աբորտը կատարել է Հանրապետական հիվանդանոցի վերարտադրողական կենտրոնում նույն բժշկի մոտ: Հաջորդ 10 աբորտները նույն կենտրոնի մի այլ բժշկի մոտ: Բժիշկների անունները հրաժարվում է հրապարակել: Ոչ մի անգամ նրա հետ խորհրդատվություն չեն անցկացրել հակաբեղմնավորիչների մասին և նախքան աբորտը ոչ մի հետազոտություն չի անցել: Հղիությունը մեծ մասամբ ընդհատվել է մինչև 12 շաբաթական հղիության ժամկետում: Առանց ցավազրկման աբորտներից դժգոհություն չի արտահայտում, քանի որ արդեն սովորական են դարձել իր համար: Աբորտներից հետո ոչ մի տհաճ հետևանքներ կամ բարդություններ չի ունեցել: Վերջին աբորտը ինքնուրույն է իրականացրել ընդունելով «Սայտոտեկ» պրեպարատը: Առաջին օրը ջերմություն է ունեցել, և քանի որ կասկածներ էին մնացել, թե վիժումը կայացել է, անցել է ուլտրաձայնային հետազոտություն, որի ժամանակ պարզվել է, որ պտուղն ամբողջովին չի դուրս եկել կնոջ օրգանիզմից: Նա չի հավատացել և 15 օր անց կրկին անցել է այդ հետազոտությունը, որի պատասխանը նույնն էր. Արգանդում պտղի կտորներ են մնացել: Նրան խորհուրդ են տվել մաքրել արգանդի խոռոչը օրգանիզմի թունավորումը կանխելու համար, որից նա հրաժարվում է մինչ այսօր, պատճառաբանելով լավ ինքնազգացողությամբ: Իմ այն հարցին, թե արդյոք ամուսինը մինչ այսօր հրաժարվում է պաշտպանվելուց, ասաց, որ հիմա համաձայն է:
Նարինե Պ. 22 տարեկան: Ամուսնացած չէ, այդ իսկ պատճառով դիմել է անլեգալ աբորտի, որտեղ բուժքույրը նրան առաջարկել է ինչ-որ դեղ, որը արգանդի կծկումներ է առաջացրել և վիժում: Մի քանի օր անց մի մեծ մսագունդ դուրս է մղվել նրա օրգանիզմից և սկսվել է արյունահոսություն: Նրան անմիջապես հոսպիտալացրել են, որտեղ պարզվել է, որ պտղի կեսը մնացել է կնոջ արգանդում և սկսել թունավորել օրգանիզմը: Բուժքրոջ անունը հրաժարվում է հրապարակել:
Ավանդապաշտությունը, տգիտությունը և անիրազեկությունը աբորտների հիմնական պատճառներն են: Դեռահասության շրջանում դրա պատճառը սեռական դաստիարակության և անցանկալի հղիությունից պաշտպանվելու մասին տեղեկությունների բացակայությունն է: Հաճախ կանայք առանց ամուսիններին տեղյակ պահելու են գնում աբորտի, որոշ դեպքերում ամուսիններն իրենք են դրդում դրան: Ինչ պատճառներով էլ կինը դիմի աբորտի, միևնույն է, այն մնում է մեր բնակչության մեջ ամենատարածված հակաբեղմնավորիչը: Եթե կինը որոշում է կայացնում աբորտ անել, ապա նա պիտի դիմի միայն որակյալ մասնագետի և աբորտը պիտի իրականացվի օրենքով սահմանված կարգով և միայն առողջապահական հաստատություններում: Նախքան գինեկոլոգիական բազկաթոռ բարձրանալը կինը, ով դիմել է առողջապահական հաստատություն աբորտ իրականացնելու համար, պետք է պահանջի անցկացնել բժկական և ախտաբանական հետազոտություններ: Այլապես կարող են լինել բազմաթիվ բարդություններ` ընդհուպ մինչև անպտղություն և մահ:
Հորմոնալ և այլ ժամանակակից հակաբեղմնավորիչներ օգտագործելուց առաջ նույնպես պետք է անցկացնել որոշակի հետազոտություններ, քանի որ որոշ կանանց համար որոշ հակաբեղմնավորիչներ կարող են բարդություններ առաջացնել:
ՀԳ. Ստացվում է, որ մեր ծննդատներում ամեն օր հանցագործություն է տեղի ունենում. Մարդ են սպանում ու օրենք խախտում, իսկ մենք աչք ենք փակում։
Լուսինե Վայաչյան
Ոստիկանապետ Ալիկ Սարգսյանի պատվի հարցը անժամկետ անորոշության է մատնվել. Հատուկ քննչական ծառայությունում կասեցրել են նախկին փոխոստիկանապետ Գեւորգ Մհերյանի սպանության փաստով հարուցված քրգործը.
Հիշեցնենք, որ սպանությունից հետո բազմաթիվ վարկածներ շրջանառվեցին, ոստիկանապետը խրոխտ հայտարարեց ,թե մարդասպանին գտնելը իր պատվի հարցն է նույնիսկ գործի շրջանակներում ձերբակալություն եղավ։ Ձերբակալված էր Գ. Իգիթյանը, որի եղբոր դատապարտման համար ջանք չէր խնայել Մհերյանը, իհարկե ունենալով Բաղրամյան 26-ի դաբրոն։ Խոսքը տարիներ ձգված դատավարության մասին է, որտեղ էդպես էլ մեղավորն ու անմեղը չտարբերվեցին։ ինչեւէ Իգիթյանի մեղքը չկարողացան ապացուցել, բայց մեր իրավապահների գործելաոճին հատուկ է «անսխալական ությունը» ձերբակալվածին հո բաց չէին թողնի. մի թեթեւ հոդված տվեցին շալակն ու դատապարտեցին։
Խորհրդարանական ճեպազրույցներին լրագրողները ՀՀԿ խմբակցության ղեկավար Գալուստ Սահակյանից հարցրել են, թե ինչպես է վերաբերվում իր խմբակցության պատգամավորներից մեկի` նախորդ օրը օգտագործած հայհոյանքին` երեք մատի կոմբինացիայի տեսքով` ուղղված քննարկվող օրինագծի դեմ բողոքող բազմությանը:
Սահակյանը պատասխանել է. §Մի առիթով արդեն ասել եմ, որ ես կողմնակից եմ նաև քաղաքականության մեջ հայհոյանքին հայհոյանքով պատասխանելուն: Ուրիշ ճար չկա: Ես փորձում եմ հայհոյել “գրական լեզվով¦` կանգնել-խոսելով, մյուսը պատասխանում է այնպես, ինչպես իրեն դիմում են: Ես էլ հայհոյեցի, մոտեցա, լռեցրեցի, նայեցի բոլորի աչքերին և ասացի` համենայնդեպս նկատում եմ, որ մի քանի հայի աչքեր տեսնում եմ: Դա էլ գրական հայհոյանք էր”:
Գրեթե տարբերություն չկա Գալուստ Գրիգորիչը հայհոյում է, թե զրուցում` երկու դեպքում էլ նա հայերենի հերն անիծում է։
Եթե Ուզբեկստանի նախագահ Քարիմովի դուստրը 180 հազար եվրո վճարեց Մոնիկա Բելուչիի հետ 4 ժամ անցկացնելու և ընթրելու համար, ապա Նազենի Հովհաննիսյանի և Բելուչիի համբավն ունենալ երազող շատ այլ հայ աստղերի հետ շփվելու համար ոչ միայն կարիք չկար նախագահի դուստր լինել և հազարավոր եւրոներ վճարել, այլ բավական էր ընդամենը 100 դրամ և աստղերը «քոնը» կլինեին: Երեխաների պաշտպանության հաջորդ օրը` հունիսի 2-ին ընդամենը 100 դրամով նրանցից շատերը պատրաստ էին քեզ տալ այն, ինչ ունեին տվյալ պահին: Շարքային քաղաքացիներն աստղերի հետ շփման հնարավորություն ստացան Հայ օգնության ֆոնդի շնորհիվ, քանի որ, այսպես կոչված, աստղերը կամ, ավելի պարզ, քիչ թե շատ հայտնի մարդիկ այս կազմակերպության երեխաների աջակցության կենտրոնի «Բարեկամների խորհրդի» անդամ են:
Հունիսի 2-ին Հաղթանակ զբոսայգում մի յուրահատուկ իրարանցում էր: «Լավագույնը երեխաներին» միջոցառումն այստեղ էր հավաքել թե´ հայտնիներին, թե´ նրանց հետ շփվել ցանկացող կամ պարզապես նրանցից ինչ-որ բան գնելու գաղթակղությանը չդիմացող մարդկանց: 2008թ. հոլիվուդյան դերասան Հյու Գրանտը 250 հազար դոլար վճարեց ԽՍՀՄ նախկին նախագահ Միխայիլ Գորբաչովի հետ ժամանակ անցկացնելու և ընթրելու համար: Հունիսի 2-ին ես վճարեցի 500 դրամ և ՀՀ երկրորդ նախագահի տիկին Բելլա Քոչարյանն ինձ պաղպաղակ տվեց, ձեռքս սեղմեց, ժպտաց, մի երկու քաղցր խոսք ասաց, նույն գումարի շրջանակում նույն գործողությունը կատարեց նախկին արտգործնախարարի Օսկանյանի տիկինը` Նանե Օսկանյանը, ինչպես նաև ԱԺ փոխնախագահ Արևիկ Պետրոսյանը, նաև մի աղջիկ, որին չէի ճանաչում, բայց որը ոգևորությամբ ասաց` «սպասե´ք, դուք արժանի եք ևս մեկ պաղպաղակ ստանալու»:
«Լավագույնը երեխաներին» ակցիային մասնակցել էին նաև տարբեր կազմակերպություններ` անվճար տրամադրելով իրենց արտադրանքը, ինչն էլ վաճառում էին օգնության կարիք ունեցող երեխաների բարեկամները: Նրանք, իհարկե, տարբեր էին, ինչպես և տարբեր են մարդկային որակները: Ամենաբարձր գնահատականը առանց կասկածելու և առանց մտածելու, թե նման գնահատականի հիմքում կարող է ինչ-որ շահագրգռություն ընկած լինել, կարելի է տալ Բելլա Քոչարյանին. նա այնպիսի եռանդով ու, կարևորը, հավեսով էր վաճառում իրեն բաժին հասած պաղպաղակները, որ մարդ կարող էր կարծել, թե գործ ունես աշխարհի ամենալավ պաղպաղակավաճառի հետ: Առաջին տիկնոջը երեխաներին օգնելու եռանդով չէր զիջում «32 ատամ» ակումբի Արմուշը, «Կարմիր գլխարկ»-ի նմանությամբ, ճիշտ է, անգլխարկ, բայց շատ բարեհամբույր ձևով կարկանդակներ էր վաճառում Աիդա Սարգսյանը:
Որքան էլ զարմանալի, այնուամենայնիվ, Նազենի Հովհաննիսյանի պաղպաղակներն այդքան էլ չէին թռցնում, թեև նա օգնողներ էլ ուներ և, որքան էլ ասում են, թե հայ տղաներից շատերն են երազում նրան թեկուզ վճարելու հնարավորություն ունենալ, սակայն այդպես էլ նման երազողներ կարծես թե չկային գեղեցկուհու շուրջը. հիմնականում կանայք էին երեխաների հետ: «Լա~վ ձողիկ, քա~ղցր ձողիկ»` կանչում էր Սամվել Գրիգորյանը: Արմինկան այդ ժամանակ և առհասարակ ամբողջ ժամանակ մազերն էր ուղղում` դիրք ընդունելով ու լուսանկարվելով ցանկացողների հետ: Այս առումով ամենապահանջվածը Ռազմիկ Ամյանն էր, որը սկզբում մի տեղ էր, հետո, երբ բոլորի ուշադրությունը քոչարյանական տաղավարի կողմն էր, հանկարծ հայտնվեց նրանց հարևանությամբ: Բայց Ռազմիկը, ամեն դեպքում, մշտապես ժպտում էր, իսկ ահա երբ Մարտին Վարդազարյանին, որ դարձել էր անճանաչելի ՀՕՖ-ական գոգնոցային հագուկապի մեջ հարցրի, թե «ի՞նչ արժե գնդակը», վերջինս մի այնպիսի սառը հայացք գցեց վրաս, որից կարելի էր, ենթադրել պատասխանը ` «կարող ա՞ գիտես քո համար վաճառող եմ, ես երկնքից իջած աստղ եմ», իսկ հաջորդ` ջերմությամբ ասված նախադասությունս ընդհանրապես ապակյա սառը հայացքի արժանացավ. հետաքրքիր էր` այս անձնավորությունը քանի՞ դրամի օգուտ տվեց երեխաներին:
Այս ամբողջ ժամանակ ՀՕՖ-ի երեխաները մի տեսակ երկրորդ պլանում էին` նրանք շրջում էին երեխայի իրավունքների ցուցապաստառներով, իսկ ՀՕՖ երեխաների աջակցության կենտրոնի գործադիր տնօրեն Միրա Անտոնյանն ընդհանրապես վազվզում էր` համակարգելով կազմակերպված առևտուրը և մտածելով, թե ոնց անի տոնավաճառին հաջորդող համերգին ներկա VIP պերսոնաների աթոռների հարցը լուծի: Հարցիս` «արդարացվա՞ծ է արդյոք աստղերի մասնակցությունը նման ծրագրերին»` Անտոնյանը պատասխանեց` «միանշանակ արդարացված է»: Համերգի վերջում հավաքված գումարը հաշվվեց և պարզվեց, որ Հայաստանի աստղերը մի քանի ժամում աշխատել են 1 միլիոն 312 հազար դրամ:
ԱԺ պատգամավոր Վիկտոր Դալլաքյանը, ելույթ ունենալով §Լեզվի մասին¦ օրենքում փոփոխություններ կատարելու օրինագծի քննարկմանը, ասել է, թե դա օրինագիծ է 30 արծաթի կամ հայ մարդուն զոմբիացնելու մասին: “Թմրամոլը 1 տոկոս ընդունի, թե 99 տոկոս, նրա անունը թմրամոլ է: Կինն ամուսնուն մեկ անգամ դավաճանի, թե 10 անգամ, անունը մարմնավաճառ է”:
Թմրամոլների նկատմամբ վերաբերմունքը հասկացանք, իսկ ի՞նչ են արել կանայք Վիկտոր Դալլաքյանին, որ նա այդքան անողոք է եղել գնահատականներ տալիս: Որքան հայտնի է, նա, իբրև նորմալ տղամարդ, բավական լուրջ հակում ունի քնքուշ սեռի ներկայացուցիչների նկատմամբ և արտամուսնական կապեր հաստատելիս չի բավարարվում մեկ կնոջով, այլ միանգամից կարող է մի քանի սիրուհի ունենալ, իսկ ամեն անգամ նոր կանանց հանդիպելուց հետո էլ յուրայինների մոտ գլուխ գովել, թե “ընենց ծտե՜ր եմ կպցրել”:
Եթե Վիկտոր Դալլաքյանը սիրում է նման կապերը, ապա ինչու՞ կանայք էլ չեն կարող սիրել և ի՞նչ հիմքով մեկ անգամ ամուսնուն դավաճանած կինը կարող է մարմնավաճառի համարում ունենալ: Ի՞նչ է` բոլոր այն կանայք, ում հետ այս տարիներին §գործ է ունեցել¦ Դալլաքյանը, մարմնավաճառնե՞ր են եղել. չէ՞ որ նա բոլորի հետ չէր կարողօրինավոր կապված լինել և ոչ էլ այդ բոլոր կանայք կարող էին Վիկտորին ցմահ հավատարմության երդում տալ ու պահել խոսքը:
Կառավարության թ.11.51-Ն որոշմամբ այս տարվա օգոստոսի 1-ից լուծարվելու է Գյումրու թ. 23 միջնակարգ դպրոցը: Լուծարվում է 55 տարվա պատմություն, 429 աշակերտ և 77 աշխատող ունեցող դպրոց, որի շենքը գտնվում է այսպես կոչված §8-ой городок¦ թաղամասում: Թաղամասը զինվորական է և պատկանում է ՌԴ պաշտպանության նախարարությանը,որն իր թիվ 19ռուսական դպրոցի շենքում 16 տարի ժամկետով անհատույց տարածք է տրամադրել հայկական դպրոցին ` հուսալով, որ մեր հարազատ կառավարությունը հետագայում նոր շենք կհատկացնի դպրոցին:
Կառավարությունը ոչ միայն չի հոգացել այդ խնդիրը, այլև «դպրոց չկա, շենք պետք չի» տրամաբանությամբ որոշել է լուծարել դպրոցը` առաջացնելով դպրոցի մանկավարժական կոլեկտիվի և ծնողների զայրույթը: Նրանք բողոքում են, պահանջելով վերանայել կառավարության որոշումն ու առաջարկում են Գյումրու «Մուշ-2» թաղամասում կառուցվող դպրոցի շենքում վերականգնել թ. 23 միջնակարգ դպրոցը:
Կատարվածի վերաբերյալ փորձեցինք հարցուփորձ անել Գյումրիում: Ըստ գյումրեցների դպրոցի լուծարումը անմիջականորեն առնչվում է արդեն նախկին մարզպետ Լ. Նանյանին: Բանն այն է, որ տիկին Նանյանը և դպրոցի նախկին տնօրեն Արփինե Ալեքսանդրովնան եղել են կից հարեւաններ: Գյումրեցիները պատմում են, որ ամեն ինչ սկսվել է փոքրիկ կենցաղային վեճից, ինչը վերածվել է մի մի կաթիլ մեղրի. Ըստ նրանց Ալեքսանդրովնայի տունը երեք հարկանի է, իսկ տիկին Նանյանինը`երկու: Տիկին Ալեքսադրովնան իր բարձրունքից հաճախ է հետևել, թե ինչ է կատարվում հարևանի տանը: Նանյանը դա նկատել է և բուռն վեճ է սկսվել: Գյումրեցիները դպրոցի փակումը կապում են երկու կանանց անձնական հաշիվների հետ: Եթե դա ճիշտ է, ներկայիս մարզպետը պետք է անդրադառնա այդ հարցին, չպետք է թույլ տալ, որ մոտ 500 մարդու ճակատագիր վճռվի կանացի քմահաճույքների արդյունքում:
Երիտասարդ հայ ֆիզիկոս Ռուզան Սոխոյանը, երբ ծրագիր էր ներկայացրել միջազգային մի դրամաշնորհի համար, ժյուրիի անդամները միանգամից զգացել էին, որ գործ ունեն լուրջ հայտ ներկայացնող գիտնականի հետ և թեև ֆինանսավորող կողմն այլևս չուներ հնարավորություն դրամաշնորհ տալու, անդամներից երկուսը, որ նաև ֆիզիկայի Նոբելյան մրցանակակիրներ էին, խնդրել էին Ռուզանին այլ ծրագրերի եւս մասնակցել, պատրաստակամություն հայտնելով երաշխավորել հայ գիտնականին:
Հունիսի 7-ին Աշտարակում գտնվող ՀՀ ԳԱԱ Ֆիզիկական հետազոտությունների ինստիտուտում Ռուզան Սոխոյանը ատենախոսություն պաշտպանեց «Գերսառն ատոմական գազերում մոլեկուլների ձևավորումը քվազիռեզոնանսային դաշտերով» թեմայով, որը լուրջ նորույթ էր «ֆիզիկա» գիտության մեջ: Ռուզանի այս պաշտպանությունն առաջինն էր հայ-ֆրանսիական համագործակցության ծրագրի շրջանակում։ Ատենախոսության ղեկավարները երկու երկրներից էին. Հայկական կողմը ֆիզ-մաթ. գիտությունների դոկտոր, ԳԱԱ թղթակից անդամ Արթուր Իշխանյանն էր, ֆրանսիականը` Բուրգունդիայի համալսարանի պրոռեկտոր` Հանս Ժոսլան և պրոֆեսոր Կլոդ Լերոյ: Ռուզանին միանգամից շնորհվեց ֆիզիկական գիտությունների թեկնածուի և ֆրանսիական PHP Doctorate-ի ամենաբարձր աստիճանը, այսպես կոչված կառավարական PHP Doctorate-ը, որն արդեն 10 տարի Ֆրանսիայում ոչ մեկի չի շնորհվել: Ռուզանը, կարելի է ասել, գիտությամբ է զբաղվում երեք լեզվով, ճիշտ է, պաշտպանությունը հայերեն էր, սակայն նա ազատ խոսում է նաև ռուսերեն, անգլերեն, ֆրանսերեն: Ռուզանն այսօր արդեն աշխատանքի երեք առաջարկ ունի ` աշխարհի առաջատար գիտական կենտրոններից և երկընտրանքի առջև է: Հայաստանում նրան սպասում է 27 500 դրամ աշխատավարձն ու գիտնականի անտեսված ճակատագիրը: Ո՞րն է երիտասարդ գիտնականի ընտրությունը, ի՞նչ է մտածում նա Հայաստանում գիտության վիճակի, ընդհանրապես երիտասարդ գիտնականների մասին: Հարցի մասին փորձեցինք զրուցել մեկ ժամ առաջ պաշտպանած գիտնականի հետ:
-Ճիշտ եք ասում,նման աշխատավարձով, մարդ չի կարող գոյատեւել, և հիմա ես ստիպված եմ ապրել իմ ընտանիքի հաշվին։ Դուրս է գալիս, որ ինձ համար գիտությամբ զբաղվելը շռայլություն է: Արտասահմանյան իմ այցելությունների ընթացքում, ինձ նորմալ աշխատավարձ էին տալիս,որով կարողանում էի, թե´ ինձ պահել, թե´ընտանիքիս օգնել:
-Ինչքա՞ն էին վճարում:
-Նայած ծրագիր. Ֆինլանդիայում ամսական 1200 եվրո վճարում էին, ընդ որում, ինձ տվել էին տուն քաղաքի կենտրոնում, որի վարձը ևս իրենք էին վճարում: Շատ լավ պայմաններ էին ստեղծել, որի շնորհիվ մարդը պարզապես իր աշխատանքն է անում, ու հաճույք ստանում դրանից: Իսկ այստեղ չեմ պատկերացնում` երիտասարդ գիտնականը, եթե ընտանիք կազմի և արդեն երեխա ունենա… պարզ չի՞` կթողնի գիտությունը, կասի` ավելի կարևոր է իմ երեխայի ապահովությունը, քան իմ ինչ-որ բարձունքների հասնելը: Հենց այդ պատճառով ինձ հետ սովորած շատ տղաներ, որ տաղանդավոր էին, հիմա հանուն բարձր աշխատավարձի աշխատում են որպես ծրագրավորող ու իրենք այսօր անում են, ասենք, «ռուտին» գործ, նորարարություն չեն անում:
Ինչպե՞ս եմ պատկերացնում իմ ապագան. Նախ էդպիսի բան կա, երբ մարդը ինչ-որ տեղ ասպիրանտուրայում պաշտպանում է, գնում է մեկ այլ տեղ լաբորատորիայում աշխատելու, որպեսզի մտքի լճացում տեղի չունենա: Դրա համար ես ենթադրում եմ, որ ինչ-որ գիտական նախագծով կդիմեմ որեւէ համալսարան, կգնամ` մեկ-երկու տարի այնտեղ կաշխատեմ: Ես շատ կուզենայի, որ համագործակցություն լիներ, ես ունենայի իմ բազան նաև այստեղ, հիմնականում այստեղ աշխատեյի ու գնայի-գայի: Բայց նույն այդ համագործակցական ծրագրերը ունեն որոշակի պայմաններ, որ դրվում են պայմանագրի հիմքում։ Այդ պայմանները նաև մեր կառավարության համար է։ Այնպիսի տպավորություն է, թե մեր կառավությունն ամեն ինչ անում է, որ համագործակցությունը խափանվի: Անգամ դրամաշնորհային ծրագրերում մի չնչին բան, որ իրենք պիտի անեն, չեն անում: Այդպես պիտի հայ-ֆրանսիական լաբորատորիա ստեղծվեր, բայց անցյալ տարի հայկական կողմը մեկ տարվա համար 25 հոգու համար տվեց ընդամենը 10 հազար դոլար: Իսկ էս տարի ընդհանրապես 0 դրամ են տվել: Էն ինչ որ ես ստացել եմ, կարծեմ 100 դոլարի կարգի գումար էր:
-Իմացա եղբայրդ էլ է դրսում, այո՞:
-Այո, նա Գերմանիայում է: Դեռ չի պաշտպանել, նա էլ է ֆիզիկոս: Շատ մարդիկ չէին էլ ցանկանա գնալ, բայց ստիպած են: Ես էլ եմ ստիպված գնալու:
ՀԵՏԳՐՈՒԹՅՈՒՆ
Ռուզանը շուտով ամուսնանալու է օտարերկրացու հետ և, ըստ ամենայնի, կմեկնի: Ինչպես տեսնում ենք, հայ գիտնականներին` հատկապես երիտասարդներին, նախանձել պետք չէ, ինչքան էլ վարչապետը վարդագույն ներկայացնի նրանց ապագան:
Ամերիկացի գիտնականները ուրախացրել են սուրճի երկրպագուներին: Նրանք պարզել են, որ առույգացնող ըմպելիքի կանոնավոր օգտագործումը իջեցնում է սրտի ռիթմի խախտման հնարավոր վտանգը:
Հայտնի է, որ կոֆեինի չափից ավելի օգտագործումը հաճախակի է առիթմիա, առաջացնում: Թեմային վերաբերվող ուսումնասիրություններից մեկը կատարվել է Դանիայում: Այն ցույց է տվել, որ ըմպած սուրճի քանակը չի հանգեցնում նախասրտերի ռիթմի խախտմանը` այսպես կոչված թարթուն առիթմիային:
Կայզերի հետազոտական ինստիտուտի աշխատակիցները երկար ժամանակ հետևել են 18 — 90 տարեկան մոտ 130 հազար տղամարդկանց և կանաց. Նրանց 27%-ը ընդհանրապես սուրճ չի օգտագործել, 14%-ը ըմպել է օրական մոտ մեկ գավաթ սուրճ, 42%-ը` 1- 3, իսկ 17%-ը` չորս գավաթից ոչ պակաս:
Ուսումնասիրությունների ընթացքում մասնակիցներից 3 317-ը հոսպիտալացվել են սրտանոթային հիվանդություններով: Սակայն ամփոփելով ստացված բոլոր տվյալները գիտնականները եկել են եզրակացության, որ սուրճ չօգտագործողների համեմատ օրական 1 — 3 գավաթ սուճ ըմպող անձիք մոտ 7%-ով, իսկ 4 գավաթից ոչ պակաս օգտագործողները, մոտ 18%-ով քիչ են հիվանդանում սրտի առիթմիայով:
Հեինակ` Իրինա Լիսիչկինա
2008թ. հուլիսի 1-ից Հայաստանում «Մանկաբարձագինեկոլոգիական օգնություն» բյուջետային ծրագրով ներդրվեց ծննդօգնության պետական հավաստագրի համակարգը, որով հղի կինն իրավունք ստացավ ազատորեն դիմել ցանկացած բուժհաստատություն` ծննդաբերելու համար: Սա մի կողմից կարելի է բավական դրական երևույթ համարել. մարդիկ ընտրության հնարավորություն ստացան, ծննդատները` մրցակցության. եթե բուժհաստատությունը լավն է, ավելի շատ դիմողներ է ունենում, այնպես որ հավաստագիրը կարծես թե պարտադրում է բուժանձնակազմին հնարավորինս լավ աշխատել: Սակայն մյուս կողմից, մարզային բազմաթիվ բժիկներ սկսեցին բողոքել, թե իրենք պոտենցիալ ծնունդներից զրկվում են, քանի որ ծննդկանները նախընտրում են մայրաքաղաքի անհամեմատ հարմարավետ բուժհաստատությունները: Փաստորեն, ստացվում է, որ հավաստագրերի ներդրմամբ մարզային ծննդատները հայտնվեցին բավական ծանր վիճակում: Առողջապահության նախարարության տվյալներով հանրապետությունում 01.01-31.05.2010թ. գրացվել է 8030 ծնունդ, որից 5876-ը` երևանցիներ են, 2105-ը` մարզերի բնակիչներ: Մայրաքաղաքի ծննդատներն ամենաշատը գրավել է Արմավիրցիներին, որտեղից Երևանի ծննդատներ են դիմել 665 մայրեր, Արարատից դիմողները` 355-ն են, Կոտայքից`348-ը, Արագածոտնից` 244-ը: Այսինքն` ավելի քան խոցելի վիճակում են հայտնվում մայրաքաղաքին մոտ գտնվող մարզային հիվանադանոցները: Ի՞նչ է այս մասին մտածում նախարարությունը, արդյո՞ք մարզային բժիշկների` պարապուրդի մատնվելու հեռանկարը մտահոգում է նրանց: Այս հարցի շուրջ զրուցեցինք ՀՀ ԱՆ “Մոր և մանկան առողջության պահպանման” բաժնի պետ Կարինե Սարիբեկյանի հետ:
— Մենք կշեռքի նժարին դնում ենք երկու բան` մարդու ազատ ընտրության իրավունքը. այն, որ գյուղի բնակիչը գուցե ամբողջ կյանքում երազել է Երևանում ծննդաբերել, նույն աղքատ մասսան, որ հնարավորություն չի ունեցել, բայց հիմա հավաստագրով անվճար ծննդաբերում է Երևանում և խնդիրներ չունի: Եվ նժարի մյուս ծայրին այն է, որ սա կարող է առաջացնել ֆինանսական դիսբալանս, երբ մարզային ծնունդները հաշվարկված են նախորդ տարվա չափով և բյուջեն հաշվարկված է այդ գներով, Երևանը մեկ այլ քանակով և այլ գնով, երբ որ տեղաշարժը է առաջանում, բնականաբար, բյուջեի խնդիր է առաջ գալիս: Դրա համար էլ նախարարությունն ուզում է հոսքերը կանոնակարգել: Բայց կա նաև երրորդ խնդիրը, որ մենք անընդհատ ասում ենք` մարզում ծնունդը պահելու համար, չպետք է պարզապես ասել մի´ գնացեք, այլ հարկավոր է ստեղծել պայմաններ, որոնք ավելի գրավիչ կլինեն, մատուցել որակյալ ծառայություններ և այդ դեպքում ոչ մի կին չի ցանկանա, թողնել և գալ Երևանում ծննդաբերել: Եվ մենք ասում ենք` մարզե´ր, Ձեր պայմանները լավացրե´ք, որպեսզի պահեք ձեր ծնունդները:
-Բայց ինչպե՞ս: Ի նկատի ունեք ինքնուրույնաբար, սեփական ուժերո՞վ:
-Ինքնուրույնաբարը ո՞րն ա, իրենք ունեն հիմնադիր, ունեն մարզպետարան, իրենց բյուջեն, ես չեմ ասում գնան սպորնսոր գտնեն, իրենք շատ հաճախ այլ ծառայությունների համար ռեսուրսներ գտնում են, նույն էս ծրագրի շրջանակներում, թող օպտիմալ աշխատեն, որովհետև աշխատավարձը միայն ծնունդների թվով չի պայմանավորվում, կարևոր է նաև բուժանձնակազմի թիվը. եթե ծնունդները քիչ են, աշխատակազմը` մեծ, բնականաբար, այդ բոնուսները բաշխվում են և ցածր աշխատավարձ են ստանում: Շատ քչերն են բարձր ստանում, ովքեր իսկապես լավ բժիշկ են և ում մոտ իսկապես ծնունդները շատ են:
-Այսինքն, մարզերում կան ծննդատներ, որտեղ ուռճացված անձնակա՞զմ է պահվում:
-Մարզերում այդքան անձնակազմի խնդիրը չէ, կան, իհարկե, նման դեպքեր էլ, բայց մարզերի խնդիրը ավելի շատ վատ պայմաններն են: Հենց այս կոնտեքստում ենք ասում` լավացրեք ձեր պայմանները, ծնունդները թող մնան ձեզ մոտ: Եվ կա հարցի մեկ այլ կողմ, որ մենք փորձում ենք կանոնանկարգել, այն, որ եթե կինը բարձր ռիսկի է, չպիտի ծննդաբերի մարզում, պետք է բերվի Երևան: Օրինակ, հենց երեկ, Երևանին մոտ մի մարզկենտրոնում անհաս երեխա էր, միայն նրա համար, որ դա անհաս երեխա է և դա իրենց փող է բերելու, ընդունել են, բայց երեխան ծնվել է և հիմա երեխային Երևան տեղափոխելու խնդիր է առաջացել` չկան պայմաններ, չկա տեղ, տրանսպորտի հետ կապված խնդիրները ներառյալ. բարձր ռիսկի երեխան պետք է տեղափոխվի մոր փորիկի մեջ, ոչ թե ծննդաբերությունն ընդունեն ու ասեն` դե, երեխային եկեք տարեք: Դրա համար մենք ասում ենք` մարզերում պետք է ծննդաբերեն նորմալ, հղիության ընթացքում չբարդացած, ոչ բարձր ռիսկի հղիությունները: Ա´յ, այսպիսի դեպքեր են լինում, երբ կինը պետք է ծննդաբերի Երևանում, բայց որպեսզի հանկարծ իրենց մոտ ծնունդները չպակասեն, շատ հաճախ ուղղակի արհեստականորեն իրենց մոտ են ընդունում ծնունդը:
Խնդիրը այդքան պարզ և միանշանակ չէ: Մենք հիմա միայն մի մարզում` Արմավիրում ունենք պրոբլեմ, որն էլ երևի շուտով չունենանք, քանի որ հիվանդանոցը վերանորոգվում է, կմնա միայն Էջմիածնի խնդիրը, իսկ դա քաղաքին այնքան մոտ է, որ…
-Հեռավոր մարզերում վիճակը ավելի բարվո՞ք է:
— Հեռավոր մարզերից հոսքեր գրեթե չունենք, ոչ մի հղի Մեղրիից չի գա ծննդաբերելու: Ղափանում վերանորոգում է, Գորիսում նույնպես, Իջևանը վերանորոգվեց: Մարզերը անգամ կարելի է ասել ավելի լավ վիճակում են, քան Երևանի այն ծննդատները, որտեղ ծնունդները քիչ են. մարզերը նախ կոմպակտ են, բուժանձնակազմը մեծ չի, բժիշկ-գինեկոլոգները աշխատում են և´ ծննդատանը, և´ կանանց կոնսուլտացիայում և փող ստանում են երկու աղբյուրից և, ասեմ, միջին աշխատավարձը մարզերում շատ ավելի բարձր է, քան Երևանում, էլ չեմ ասում առանձին բժիշկներ, որ կարող են շատ բարձր աշխատել, դրանք պահանջված բժիշկներն են, որոնց անձնապես շատ են դիմում: Աշխատավարձը ձևավորվում է` բազային աշխատավարձ, պլյուս յուրաքանչյուր ծննդաբերության դիմաց որոշակի գումար:
-
-
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
03.05.2024 | 01:10
Հայաստանի հետ բարեկամությունը լավ, բայց դատարկ երազանք է․ Թուրք վերլուծաբան -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.