Ազգային ժողովում մեծամասնություն կազմող «Քաղաքացիական պայմանագիր» խմբակցությունը քիչ առաջ որոշում է կայացրել ԱԺ փոխնախագահ Իշխան Սաղաթելյանին և ԱԺ տնտեսական հարցերի մշտական հանձնաժողովի նախագահ Վահե Հակոբյանին պաշտոններից զրկելու գործընթաց սկսելու մասին:

Տեղեկությունը ֆեյսբուքյան իր էջում հայտնել է իշխող խմբակցության քարտուղար Արթուր Հովհաննիսյանը:

Հիշեցնենք՝ ՀՀ ԱԺ նախագահ Ալեն Սիմոնյանն այսօր հայտարարել էր, որ ընդդիմության մանդատների հարցը իշխող քաղաքական ուժը կքննարկի առաջիկա օրերին։ Նա նշել էր, որ ներկա պահին կա երկու կարծիք` մի մասը համարում է, որ ընդդիմությունն արդեն ինքն իրեն զրկել է մանդատներից, երկրորդ կարծիքը, ըստ Սիմոնյանի, այն է, որ հարկավոր է մինչև վերջ «մաշեցնել» այն, ինչ ընդդիմությունն արդեն սկսել է։

ԱԺ «Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան գրառմամբ անդրադարձել է ՀՀ ԶՈՒ ԳՇ անձնակազմի կառավարման գլխավոր վարչության պետի տեղակալ, գնդապետ Սահակ Սահակյանի հայտարարությանը, https://news.am/arm/news/709373.html թե ԶՈՒ նպատակն է ժամկետային զինծառայողներին հանել առաջնագծից: Գրառման մեջ ասվում է․

«Գլխավոր շտաբի ներկայացուցիչ Սահակ Սահակյանը լրագրողների հետ զրույցում անդրադարձել է դեռ նախորդ տարի իշխող ուժի ղեկավարի և նրա թիմակիցների՝ պարտադիր ժամկետային զինծառայության ժամկետը կրճատելու վերաբերյալ հայտարարությանը, նշելով, որ պարտադիր զինծառայությունը կրճատելու խոսակցություններ եղել են, բայց դեռևս ոչ մի հիմնավոր բան չկա, քննարկումներ են:

«Դա հնարավորություններից է կախված: Կարող է ցանկանանք, որ ծառայության ժամկետը կրճատենք 2 տարուց 1,5 տարի, բայց պետք է հնարավորություն ընձեռենք, որ ծառայության բոլոր խնդիրները կատարվեն»,-ասել է նա։

Փաստացի Փաշինյանի ու նրա թիմի՝ պարտադիր ժամկետային ծառայության կրճատման մասին հայտարարության շարժառիթը եղել է 2021 թվականի նախընտրական ժամանակահատվածը, որն օգտագործելով վերջիններս այն որպես նախընտրական խոստում էին ներկայացնում։

ԳՇ պաշտոնյան նշել է, որ քննարկումներ եղել են, բայց կրճատման հիմնավորումներ դեռևս չկան՝ ակնարկելով, որ դա միայն ցանկությունից չէ կախված, այլ խնդիրների լուծման հնարավորությունից։

Փաստացի գլխավոր շտաբը պնդում է, որ ՀՀ-ն նման բան իրեն չի կարող թույլ տալ, սակայն դա քիչ հետաքրքիր է քաղաքական իշխանությանը, ով իր ներքաղաքական շահերն իրացնելիս պատրաստ է ցանկացած քայլի միայն թե իշխանությունը չկորցնի»։

Բերձոր (Լաչին) քաղաքը նոր ճանապարհի դիմաց Ադրբեջանին հանձնելու մասին խոսակցությունները ծաղրող գործիչներն ու պաշտոնյաները ծանո՞թ են արդյոք այս նկարների իրողությանը։ Սա Սյունիքի Կոռնիձոր գյուղի մոտից սկսվող և մինչև Հինշեն, Մեծշեն, Լիսագոր հասնող նոր ճանապարհն է։ Արդեն արագությամբ ասֆալտապատում են, իսկ Հայաստանի իշխանությունները ջայլամի նման գլուխները ավազի մեջ են մտցրել, իբր ոչինչ չեն տեսնում, հետևաբար ոչ մի վտանգ չկա։ Ալիևը խոստացել է (ՀՀ իշխանությունն էլ տեղյակ է), որ հենց ավարտի ճանապարհը, առանց մեկ վայրկյան սպասելու՝ մտնելու է Բերձոր (Լաչին) ու դնելու է իր դրոշը։ Ի՞նչ է այդ ժամանակ ասելու Հայաստանի իշխանությունը, ինչպե՞ս է արդարացնելու իր անգործությունը, ինչպե՞ս է բացատրելու, որ ամիսներ շարունակ ծաղրում էր խնդիրը բարձրաձայնողներին և ամենակարևորը՝ ինչպե՞ս է ապահովելու Բերձորի, Սուսի, Աղավնոյի բնակիչների կեցության հարցերը։ Հարցեր, որոնց պատասխանը ոչ ոք չի ուզում տալ։

Բաքու-Անկարա-Նուր Սուլթան եռակողմ ձևաչափը կարող է արդյունավետ հարթակ դառնալ տարածաշրջանում անվտանգությունը, կայունությունն ու համագործակցությունն ամրապնդելու համար, ինչպես հայտնում է «Սպուտնիկ Ադրբեջան»-ը, այսպիսի հայտարարությամբ է հանդես եկել Ադրբեջանի ԱԳ նախարար Ջեյհուն Բայրամովը՝ Ադրբեջանի, Թուրքիայի և Ղազախստանի ԱԳ և տրանսպորտի նախարարների՝ Բաքվում կայացած առաջին եռակողմ հանդիպման ժամանակ։ 

Բայրամովը նշել է, որ երեք երկրները միասին կարող են «դիմագրավել մարտահրավերներին»։

«Մեր համագործակցությունը մեծ նշանակություն ունի տարածաշրջանային մակարդակում ռիսկերը և մարտահրավերները կանխարգելելու տեսանկյունից»,- ասել է նա։

Ադրբեջանի ԱԳ նախարարի խոսքով՝ եռակողմ համագործակցության կարևորագույն ուղղություններից մեկը պետք է լինի անվտանգ, արդյունավետ և հուսալի տրանսպորտային և հաղորդակցական կապերի հաստատումը Եվրոպայի և Ասիայի միջև:

«Ադրբեջան-Թուրքիա-Ղազախստան՝ այսօր ստեղծված եռակողմ ձևաչափը նոր խոսք է Ադրբեջանի արտաքին քաղաքականությունում։ Հավատում ենք, որ մեր համատեղ ջանքերի արդյունքում այն կդառնա արդյունավետ հարթակ՝ տարածաշրջանում անվտանգության, կայունության և համագործակցության ամրապնդման համար»,- ասել է Բայրամովը։

Yandex տաքսի ծառայության վարորդները բողոքում են՝ բարձրացել է, թե փոխադրման մեկնարկային գինը, թե միջնորդավճարը։ Վարորդները չեն հասկանում, թե ինչու է ավելացել միջնորդավճարը ու այսօր հավաքվել էին գրասենյակի մոտ՝ պարզաբանումներ պահանջելու։

«Հաճախորդին փոխադրելը հաշվարկել է 5 հազար 300 դրամ, ինձանից պահել է 970 դրամ։ Ընդ որում, նաեւ կոնդիցիոներ եմ աշխատացրել, ես 2 հազար դրամ ծախսել եմ միայն հեղուկ գազի համար»,- բողոքել է վարորդներից մեկը։ Մյուսն էլ նշել է. «Տոկոսն իջեցրեք, մենք էլ գնանք մեր գործին, հակառակ դեպքում անընդհատ կրկնվելու է մեր բողոքը, անընդհատ մերժելու ենք հաճախորդներին, պատվերներ չենք վերցնելու, թող Yandex-ը տուժի»։

Վարորդները վրդովված են, որ միջնորդավճարի բարձրացումը նախապես չի քննարկվել վարորդների հետ. «Կարող էիք մի նախագիծ գծեիք ու զանգեիք Yandex-ի վարորդներին ու ասեիք, տղերք, համաձա՞յն եք, թե՞ ոչ։ Այդքան բան»,- ասաց մեկ այլ վարորդ՝ նշելով, որ եթե տոկոսադրույքը չի իջնելու՝ իրենք այլեւս ծառայություններ չեն մատուցի։

«Ոնց Փաշինյանն է երկիրը տալիս, դուք էլ՝ կազմակերպությունը»,- նկատել է մեկ ուրիշը։ Ակցիային մասնակից վարորդները հայտարարել են, որ հաստատակամ են իրեն որոշման մասին՝ կոչ անելով բոլորին աջակցել ծրագիրը, նոր պայմաններով հրաժարվելու են վարել մեքենաները, ինչը կառաջացնի պատվիրատուների դժգոհությունը։

«Մի շաբաթ, որ ձգենք այդպես, իրենք մեզ կխնդրեն, որ աշխատենք»,- նշել է վարորդներից մեկը։ Կազմակերպության ներկայացուցիչը հրաժարվել է որեւէ մեկնաբանություն տալ՝ թանկացումների վերաբերյալ, սակայն խոստացել է վարորդների բարձրացրած հարցը քննարկել ու լուծում տալ։

ՀՀ վերաքննիչ քրեական դատարանը Սոնա Մնացականյանին վրաերթի ենթարկած՝ ՀՀ վարչապետ Նիկոլ Փաշինյանին ուղեկցող ՃՈ ավտոմեքենայի վարորդին չկալանավորեց, քանի որ որովհետեւ նա վարչապետին ուղեկցող ավտոշարասյան վարորդն էր։ Այս մասին NEWS.am-ի հետ զրույցում ասաց Սոնա Մնացականյանի հայրը՝ Մնացական Մնացականյանը:

Նրա խոսքով ՝ գործում առկա որոշակի ձայնագրություններ են ոչնչացվել. «Ի՞նչ է ստացվում, որ կա դասակարգում մահվան ելքով վրաերթի դեպքում հասարակ «Գազել»–ի վարորդի ու վարչապետին ուղեկցող ավտոշարասյան վարորդի միջեւ: Ամենաբարձր մակարդակով քարոզում են՝ ոստիկանը ծառայում է ժողովրդին, օրենքը հավասար է բոլորի համար, դատավորներին որեւէ գործով չեն հրահանգում, ստացվում է, որ դա ընդամենը միֆ է ու փուչիկ»։

Մնացական Մնացականյանը նշեց, որ ստացել է փորձաքննության նախնական եզրակացությունը, ըստ որի, վարորդը գերազանցել է թույլատրելի արագությունը. «Հարվածի պահին նրա մեքենայի արագությունը կազմել է առնվազն 108,7 կմ ժամ արագություն: Դե պատկերացրեք՝ որքան է եղել արագությունը խաչմերուկ մտնելու պահին: Մինչդեռ, ըստ գործող կանոնակարգի՝ տվյալ ավտոշարասյան թույլատրելի առավելագույն արագությունը նշված տարածքում 100 կմ ժամ է, այն էլ՝ միայն բացառիկ դեպքերում»։

Հիշեցնենք, որ ապրիլի 26-ին՝ ժամը 18:05-ի սահմաններում, Պարոնյան-Լեո փողոցների խաչմերուկում ՀՀ ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարն իր կողմից վարած «Տոյոտա Պրադո» մակնիշի ավտոմեքենայով վրաերթի է ենթարկել Արարատի մարզի 28-ամյա բնակչուհուն, որի հետեւանքով ստացած մարմնական վնասվածքներով վերջինս տեղափոխվել է «Նաիրի» բժշկական կենտրոն, որտեղ գիտակցության չգալով՝ մահացել է: Նշված ավտոշարասյունն ուղեկցելիս է եղել  վարչապետ Նիկոլ Փաշինյանին, իսկ մահացած կինը հղի է եղել։

Երթուղու փոփոխություն տեղի ունենալու պարագայում այն տարածքները, որոնք չեն գտնվում նախկին ԼՂԻՄ սահմանի կազմում, անցնելու են Ադրբեջանի վերահսկողության տակ։ Այս մասին օնլայն ասուլիսի ժամանակ պատասխանելով Բերձորը շրջանցող նոր ճանապարհի շահագործման դեպքում Բերձոր, Աղավնո, և Սուս գյուղերի՝ Ադրբեջանին անցնելու մասին հարցին, ասաց Նիկոլ Փաշինյանը։

«Այդ հարցի մեջ գյուղեր է թվարկվում, ես վստահ չեմ, որ խոսքը բոլոր այդ բնակավայրերի մասին է»,- ասաց նա։

Հարցին՝ ի՞նչ ճակատագիր են ունենալու նշված համայնքների բնակիչեները, Փաշինյանը ասաց․

«Լաչինի բնակիչների հարցերը կառավարությունը լուծում է, բնակիչները բնականաբար պետք է ապահովվեն բնակարաններով։ Ըստ էության Լաչինում այսօր ընտանիքներ չեն բնակվում, իսկ Աղավնո գյուղի բնակչների խնդիրները Արցախի կառավարության միջոցներով կլուծվեն, Սուսի մասին այս պահին հստակ ոչինչ չեմ կարող ասել, խնդիրն այն է, որ այդ տարածքները ԼՂԻՄ սահմաններից ներս, թե՞ դուրս են գտնվում։ Համենայն դեպս, երբ այս հարցը քննարկել ենք Արցախի իշխանությունների հետ, Սուս գյուղի անունը չի քննարկվել»։

Այսօր Վրաստանի արտակարգ իրավիճակների նախարարությունը հայտարարել է Վերին Լարսի ճանապարհահատվածի փակ լինելու մասին, որը պայմանավորված է եղանակային պայմաններով։ Տարբեր տեղեկություններով` ճանապարհի վերանորոգման աշխատանքները կարող են տևել 1-2 շաբաթ։ Այս մասին Facebook-ի իր էջում գրել է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը:

Նա, մասնավորապես, նշել է. «Այս ժամանակահատվածը գյուղմթերքի արտահանման ամենակտիվ շրջանն է, նույնիսկ մի քանի օրը մեծ վնաս կհասցնի արտահանողներին և գյուղատնտեսներին, քանի որ բերքը ծառի վրա կամ սառնարանում չի կարող սպասել այդքան ժամանակ։

Վերին Լարսի անցակետը փակ լինելու, դոլարի արժեզրկման և վառելիքի ծախսերի ավելացման պատճառով արտահանողներն արդեն իսկ մեծ կորուստներ են կրել մայիս-հունիս ամիսներին, ևս մեկ հարվածի նրանք ուղղակի չեն դիմանա․ կսնանկանան և իրենց հետ կսնանկացնեն հազարավոր գյուղացիական տնտեսություններ։ 

Հետևաբար, ՀՀ կառավարությունը հրատապ պետք է բանակցություններ սկսի տարածաշրջանի բոլոր երկրների հետ այլընտրանքային ժամանակավոր ճանապարհ բացելու ուղղությամբ։

Հ․Գ․ Եթե ՀՀ կառավարությունը ձախողի գյուղմթերքի արտահանումը, ապա չի կարողանալու ապահովել 2022 թվականի համար տնտեսական աճի ցուցանիշը»։

Մի պահի կարող է ՔՊ-ից այնպիսի փախուստ սկսվել, որ իրար հերթ չեն տա, եթե նման վիճակ ստեղծվի երկրում։ «Փաստինֆո»-ի եթերում ասել է քաղտեխնոլոգ Վիգեն Հակոբյանը՝ անդրադառնալով ներքաղաքական զարգացումներին։

Նրա խոսքով, ընդդիմության «պլան Բ»-ն կարող է լինել ՔՊ-ական 20 պատգամավորի վերբովկա անելը, առավել ևս երբ օգոստոսի 2-ից վարչապետին իմպիչմենտ հայտնելու օրենքով հնարավորություն է բացվում։

Խոսելով Արթուր Վանեցյանի մանդատը վայր դնելու մասին՝ քաղտխենոլոգը նկատեց, որ նա ևս, ինչպես ամբողջ ընդդիմություն, մարտավարական և արժեհամակարգային փոփոխություններ է անում իր գործունեության մեջ և սկսում է իր բրենդի, այն է՝ «Հայրենիք» կուսակցության անվան տակ հանդես գալ։

«Խոսակցություններ կան նաև, որ նա պայքարի մեջ կմտնի առաջիկա Երևանի քաղաքապետի ընտրություններում որպես քաղաքապետի թեկնածու»,- ասել է Հակոբյանը։

Բանախոսն անդրադարձել է նաեւ արտաքին զարգացումներին, և համոզմունք հայտնել, որ ԱՄՆ-ն մեծ առումով դժգոհ է Նիկոլ Փաշինյանից, և ՀՀ-ում ԱՄՆ նոր դեսպանի փոփոխությունն ունի կոնկրետ նպատակ և անելիք։

Ի դեպ՝ ըստ բանախոսի առաջիկայում կփոխվի նաև ՀՀ-ում ՌԴ դեսպանը։
Մանրամասները՝ տեսանյութում։

Փորձ է արվում Արցախի հարցը բացառապես ռուս-ադրբեջանական ձևաչափ տեղափոխել, Հայաստանն էլ ինչ-որ փոքր դերակատարում ունի։ Երրորդ աթոռը դատարկ չմնա համար Հայաստանն էլ է մասնակցում բանակցություններին, բայց այլևս սուբյեկտ չէ: «Փաստինֆո»-ի հետ զրույցում հայտարարել է քաղտեխնոլոգ Արմեն Բադալյանը:

Քաղտեխնոլոգի խոսքով՝ բանակցային այս իրավիճակը Հայաստանին ձեռք չի տալիս, այդ պատճառով անընդհատ նշում է, որ ԵԱՀԿ ՄԽ ձևաչափ գոյություն ունի ու անընդհատ նայում է դեպի Արևմուտք.

«Արևմուտքն էլ անընդհատ կանչում է Հայաստանի ու Ադրբեջանի ղեկավարներին՝ ինչ-որ հայտարարություններ ստորագրելու համար, բայց Ռուսաստանը հասկացնում է՝ վերջ, ձեր ժամանակն անցել է:-
Նշենք, որ վերջերս ՌԴ ԱԳ նախարար Սերգեյ Լավրովն Ադրբեջանի ԱԳ նախարար Բայրամովի հետ հանդիպումից հետո մի շարք տարակուսելի հայտարարություններ է արել:

Նա, մասնավորապես,նշել է, որ Մինսկի խումբը դադարեցրել է իր գործունեությունը ԱՄՆ-ի և Ֆրանսիայի նախաձեռնությամբ, իսկ ԼՂ խնդրի կարգավորման հիմքում ընկած են բացառապես Ռուսաստանի, Ադրբեջանի և Հայաստանի ղեկավարների եռակողմ հայտարարությունները.
« Ինչպես հասկանում եմ, այս իրողությունն ընդունում են մեր եվրոպացի հարևանները, որոնք փորձում են ներառել Եվրամիության ջանքերը մնացած խնդիրների լուծման գործում։ Բայց նրանք բոլորն էլ ընդունում են, որ իմ նշած եռակողմ փաստաթղթում նշված են այդ խնդիրները, և այդ փաստաթղթերը որևէ առնչություն չունեն Մինսկի խմբի գործունեության հետ, բացառությամբ վերջնական նպատակի, ինչպես նաև մինչ օրս այս խմբի կատարած աշխատանքի հետ։ Վերջնական նպատակը Ղարաբաղի հարակից շրջանների ազատագրման ու Ղարաբաղի ու նրա բնակչության կենցաղային հարցերի լուծումն է», — ասել է ՌԴ ԱԳ նախարարը։

Անդրադառնալով Լավրովի այս հայտարարություններին՝ քաղտեխնոլոգը նկատում է՝ Ռուսաստանը երբեք տարակուսելի հայտարարություններ չի անում, անում է բացառապես իր շահերից բխող հայտարարություններ:

Արմեն Բադալյանի մեկնաբանությամբ՝ Լավրովն այս հայտարարությամբ ակնարկել է, որ բանակցություններում մինչ այս գոյություն ունեցող սկզբունքներն այլևս չկան, իսկ հետագա բանակցությունների համար հիմք են ծառայելու բացառապես 2020թ-ի նոյեմբերի 9-ի եռակողմ հայտարարությունը, ինչը բխում է միայն Ռուսաստանի և Ադրբեջանի շահերից.

«Հայաստանն այլևս սուբյեկտ չէ, որ շահ ունենա, պատերազմի արդյունքում Արցախին հարակից ողջ տարածքներն անցել են Ադրբեջանի վերահսկողության տակ, այնտեղ կբնակվեն ադրբեջանցիներ, նրանց խնդիրները կլուծվեն, մնում է միայն Արցախի մնացյալ հատվածում բնակվող հայերի կարգավիճակի հարցը, կենցաղային պայմանների և մյուս խնդիրների լուծման հարցը՝հոսանք, ջուր, գազ, անվտանգություն, ինչի համար էլ Ռուսաստանն այնտեղ զորք է պահում»,-ասաց Բադալյանը:Փորձագետի արձանագրմամբ, Ռուսաստանն այս դիրքորոշումը հայտնելով՝ փորձում է չեզոքացնել ԵԱՀԿ Մինսկի խումբը, չեզոքացնում է ԱՄՆ-ի և Ֆրանսիայի, ինչպես նաև ԵՄ-ի ջանքերը՝ այս տարածաշրջանում ինչ-որ խնդիրներ լուծելու հարցում.

«Հաշվի առնելով Ռուսաստան-Արևմուտք հարաբերությունները՝ Ռուսաստանն այլևս ցանկություն չունի Ղարաբաղի հարցի լուծման կոնտեքստում դիտարկել ԱՄՆ-ի կամ Ֆրանսիայի դիրքորոշումները, նրանք արդեն համարվում են Ռուսաստանի թշնամի երկրներ,իսկ քանի որ այդ երկու երկրները նաև Մինսկի խմբի համանախագահներն են, այդ պատճառով Ռուսաստանը հայտարարում է որ Մինսկի խումբ գոյություն չունի, բայց սա չի նշանակում, որ նրանց դերակատարումը չեզոքացվել է, քանի որ ԵՄ-ն, հատկապես, Մեծ Բրիտանիան, փորձելու են աշխատել ԼՂ հարցում, բայց ՌԴ-ն ասում է՝ իզուր է, այլևս մի արեք, սա այլևս իմ վերահսկողության տակ գտնվող տարածք է»,-ասաց Բադալյանը: