Գերմանիայի Բունդեսթագն, այսօր՝ հունիսի 2-ին, ընդունեց Հայոց ցեղասպանությունը դատապարտող բաանաձեւը: Դեմ է քվեարկել միայն մեկ պատգամավոր, եւս մեկը ձեռնպահ է մնացել:

«Հայերի ու մյուս քրիոստոնեական փոքրամասնությունների ցեղասպանությունների հիշատակի 101 տարի» անվանումով բանաձեւը ներկայացրել էր իշխող խորհրդարանական մեծամասնությունը՝ Անգելա Մերկելի ՔԴՄ/ ՔՍՄ ու Գերմանիայի Սոցիալ դեմոկրատական կուսակցության կուսակցական դաշինքը, նաեւ Կանաչների կուսակցությունը:

Բանաձեւում նաեւ նշվում է, որ Գերմանիայի կառավարությունը ճանաչում է պատասխանատվության իր մասնաբաժինը այդ պատմական իրադարձությունների համար, նաեւ 1915-ի ողբերգական իրադարձությունները՝ հայերի տեղահանություններն ու սպանությունները «ցեղասպանություն» է կոչում:

Ավելի վաղ Անգելա Մերկելի մամուլի քարտուղարը հայտնել էր, որ ինքը համամիտ է իր կուսակցության հետ, բայց չի մասնակցի քվեարկությանը:

Նշելով, որ այսօր Գերմանիայում բանաձևը դրվել է քվեարկության, Յըլդըրըմն ասել է. «Իրենց խելքով փորձում են մեզ մեղադրել 1915 դեպքերի համար: Սա ոչ առաջին անգամ է, ոչ էլ գուցե վերջինը կլինի: Երբեմն մեզ բարեկամ երկրները, ներքաղաքական կյանքում անելանելի իրավիճակներում հայտնվելիս, մտածում են, թե ինչպես շեղեն հանրության ուշադրությունը և ահա այսպիսի պայծառ մտքերով  են հանդես գալիս: Ահա սա էլ դրանցից մեկն է»:

Վարչապետը նաև տեղեկացրել է, որ նախօրեին Գերմանիայի կանցլերի հետ ունեցած հեռախոսազրույցի ժամանակ վերջինիս հիշեցրել է Գերմանիայի՝ Թուրքիային դաշնակից լինելը, ընդգծելով, որ Գերմանիան այս կերպ բարեկամության քննություն է հանձնում:

ՀՀ ՊՆ Ռազմական ոստիկանության հատուկ օպերատիվ ծառայության աշխատակիցների հետևողական աշխատանքի շնորհիվ, առանձնակի խոշոր չափի կաշառք` 5000 ԱՄՆ դոլար, ստանալու ժամանակ ձերբակալվել է Երևան քաղաքի Մաշտոցի զինկոմիսարիատի 2-րդ բաժնի պետ, փոխգնդապետ Շանթ Ավետիսյանը:

Արծրուն Հովհաննիսյան

Սյունիքի մարզի Ագարակ քաղաքում գտնվող «Ագարակի պղնձամոլիբդենային կոմբինատի» մի խումբ աշխատակիցներ այսօրվանից գործադուլ են սկսել: Armtimes.com-ին հայտնի դարձավ, որ գործարանի ջարդման արտադրամասի առաջին հերթափոխի աշխատակիցներն այսօր չեն աշխատել, իսկ պատճառն այն է, որ մոտ 6-7 ամիս առաջ գործարանի տնօրինությունը բոլոր աշխատակիցների աշխատավարձերը 20-ից 30 տոկոսով կրճատել է: Կոմբինատից կառավարությանը հայտնել են, թե կապիտալ վերանորոգման գործընթաց է ընթանում, եւ դրա համար է, որ չեն աշխատում:

«Ագարակի պղնձամոլիբդենային կոմբինատ»-ից պարզաբանում ստանալու մեր փորձերն ապարդյուն անցան, Երեւանի գրասենյակից հորդորեցին դիմել Ագարակի գրասենյակ, այնտեղ էլ մեր հեռախոսազանգերին չպատասխանեցին:

Հիշեցնենք, որ կոմբինատը պատկանում է օֆշորում գրանցված «Գեոպրոմայնինգ գոլդը» ՍՊԸ-ին, որը երկար ժամանակ Հայաստանի 1000 խոշոր հարկատուների ցանկում է եղել: Մամուլում էլ այս ընկերությունը կապվում Սերժ Սարգսյանի եւ Ռոբերտ Քոչարյանի անվան հետ:

Ադրբեջանական մամուլում հայտնվել է Ադրբեջանի նախագահի խորհրդական Նովրուզ Մամեդովի հարցարզրույցը ԱՊԱ գործակալությանը, որում ադրբեջանցի պաշտոնյան որոշ ուշագրավ հայտարարություններ է կատարել:

«Ներկա պահին ընթանում են Հայաստանի եւ Ադրբեջանի նախագահների միջեւ սուբստանտիվ բանակցությունների կազմակերպչական աշխատանքները»,- ԱՊԱ գործակալության հետ զրույցում հայտնել է Ադրբեջանի նախագահի խորհրդական Նովրուզ Մամեդովը: Վերջինս նաեւ նշել է, որ հենց այս առնչությամբ էլ ԱԳ նախարար Էլմար Մամեդյարովը հանդիպել է եռանախագահներին Բրյուսելում: Ադրբեջանցի պաշտոնյան նաեւ մեկնաբանել է ՀՀ նախագահի այն հայտարարությունը, թե Հայաստանը կվերադառնա բանակցային սեղանին այն ժամանակ, երբ Բաքուն կվերադարձնի ապրիլին գրաված հողերը: Մամեդովը բավական կոպիտ ձեւով ասել է, որ Բաքուն չի վերադարձնի այդ հողերը. «Սերժ Սարգսյանը չի տեսնի այդ հողերը, ինչպես չի կարող տեսնել սեփական ականջները»: Մամեդովը նաեւ հայտարարել է, որ Սերժ Սարգսյանի ասած 800 հեկտարը եւս սուտ է, եւ իրականում հայկական կողմը կորցրել է 2500-3000 հեկտար:

Ադրբեջանցի բարձրաստիճան պաշտոնյան նաեւ հավելել է, որ Սերժ Սարգսյանն է խնդրել Մոսկվային դադարեցնել ապրիլյան պատերազմը: Հայկական կողմը դեռեւս չի արձագանքել այս հայտարարությանը:

Նյութի աղբյուրը ` hraparak.am

Հանրային ծառայությունները կարգավորող հանձնաժողովը միաձայն որոշեց «Գազպրոմ Արմենիա» ՓԲԸ կողմից սպառողներին վաճառվող բնական գազի նոր սակագները: Ամսական մինչև 10 հազար խորանարդ մետր սպառում ունեցող սպառողների համար բնական գազի սակագինը սահմանվել է 146 հազար 700 դրամ` սպառված յուրաքանչյուր 1000 խորանարդ մետր բնական գազի համար: Նախկինում այն 156 հազար դրամ էր:

Այսօր Փաստաբանների պալատի վարչական շենքի բակում տեղի ունեցավ հայ մտածող-գիտնական, օրենսդիր Մխիթար Գոշի հուշարձանի բացման հանդիսավոր արարողությունը:

Բացման արարողությանը մասնակցում էին ՀՀ արդարադատության նախարար Արփինե Հովհաննիսյանը, ՀՀ Վճռաբեկ դատարանի նախագահ Արման Մկրտումյանը, Քննչական կոմիտեի ղեկավար Աղվան Հովսեփյանը, պատգամավորներ և այլ հյուրեր:

ՓՊ նախագահ Արա Զոհրաբյանը կարևոր համարեց իրենց վարչական շենքի դիմաց Մխիթար Գոշի հուշարձանի տեղադրումը:

https://www.youtube.com/watch?time_continue=2&v=49hAObhJNY4

Տեսանյութը՝armlur.am

Հանրապետության տարածքում՝

Մայիսի 31-ին, hունիսի 1-4-ը կեսօրից հետո և գիշերվա առաջին կեսին շրջանների մեծ մասում սպասվում է անձրև և ամպրոպ, առանձին հատվածներում հնարավոր է կարկուտ:

Քամին՝ հարավ-արևմտյան` 2-7 մ/վ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վ:

Օդի ջերմաստիճանն աստիճանաբար կբարձրանա 2-4 աստիճանով:

Երևանում՝

Մայիսի 31-ին, հունիսի 1-4-ը կեսօրից հետո և գիշերվա առաջին կեսին սպասվում է անձրև և ամպրոպ, ամպրոպի ժամանակ‵ քամու ուժգնացում‵ 18-23մ/վ արագությամբ:

Երևանի մայիսի 31-ի բազմամյա կլիմայական տվյալներ.

• Օդի առավելագույն ջերմաստիճան`          33.6<sup>0</sup>C (1990 թ.)
• Օդի նվազագույն ջերմաստիճան`               8.3⁰C (1991 թ.)
• Օդի միջին օրական ջերմաստիճան`          19.8⁰C

Թուրքիայի Գազիայնթեփ նահանգում իրականացված հակաահաբեկչական հատուկ գործողության ընթացքում հայտնաբերվել է «Իսլամական պետություն» (ԻՊ) ահաբեկչական կազմակերպության զինյալների վարձատրության ժամանակացույց, որտեղ ներառված են եղել կառույցի 23 զինյալների աշխատավարձների վերաբերյալ տվյալներ: Ըստ այդմ՝ փաստաթղթում նշված աշխատավարձերի չափը տատանվում է 120-690 դոլարի սահմաններում: Նվազագույն՝ 120 դոլարով վարձատրվում են չամուսնացած զինյալներն, ամուսնացածներին հավելյալ վճարվում է ևս 120 դոլար կնոջ և 50 դոլար՝ երեխայի համար: Բացի նշվածից, առանձին գումար է հատկացվում նաև բնակարանի վարձավճարների, կենցաղային ծախսերը հոգալու համար:

Ծանր հիվանդությունից հետո մահացել է բանաստեղծ Ռազմիկ Դավոյանի որդին՝ Մհեր Դավոյանը:

Հայկական վանրկածը  ցավակցում է Մհեր Դավոյանի ընտանիքի անդամներին և հարազատներին: