Մայր Աթոռ Սուրբ Էջմիածնի Տեղեկատվական համակարգի տնօրեն տեր Վահրամ քահանա Մելիքյանն ի պատասխան PanARMENIAN.Netհարցմանը մեկնաբանել է Կոնստանդնուպոլսի պատրիարքի փոխանորդ Արամ Աթեշյանի նամակը Թուրքիայի նախագահ Էրդողանին՝ Հայոց ցեղասպանության փաստը ճանաչող Բունդեսթագի հայտարարության վերաբերյալ:

Նա հիշեցրել է, որ օրեր առաջ Ամենայն Հայոց Կաթողիկոսը շնորհակալական նամակ է ուղղել Բունդեսթագի նախագահին՝ փոխանցելով Գերմանիայի ժողովրդին Հայ Եկեղեցու և հայ ժողովրդի երախտագետ զգացումները։

«Սակայն այս դեպքում գործ ունենք Թուրքիայի և նրա վարած քաղաքականության հետ։ Բնավ չփորձելով արդարացնել որևէ մեկին՝ միևնույն ժամանակ նշեմ, որ չենք բացառում հարկադրանքի պարագան», — ընգծգել է Էջմիածնի մամլո դիվանի պատասխանատուն։

«Պետք չէ վիրավորել և այպանել այս իրավիճակում, պարզապես վերհիշեք, թե ինչպիսի քայլեր և ելույթներ էր ունենում ոչ վաղ անցյալում Մեսրոպ պատրիարքը կամ նույն Արամ արքեպիսկոպոսը։ Հայոց պատրիարքարանը պատասխանատվություն ունի հայ համայնքի համար. կարծում եմ նման հայտարարություններով սոսկ տեղական խնդիր է լուծվում, որը բացարձակ կապ չունի ողջ Եկեղեցու և նրա դիրքորոշումների հետ: Թուրքիան ջանում է բոլոր հնարավոր միջոցների գործադրությամբ ինչ-ինչ խնդիրներ լուծել։ Վերստին՝ չեմ բացառում հարկադրանքը», — նշել է նա։

.panarmenian.net

Ռուս գեներալը Արցախյան պատերազմի ժամանակ աջակցել է ադրբեջանցիներին. Քանի որ ՀՀ իշխանությունը ցանկանում է հայկական ՀՕՊ-ը միացնի ռուսական ՀՕՊ-ի հետ , ապա պետք է որոշ տեղեկություն ստանալ տվյալ երկրի ՀՕՊ /Հակաօդային պաշտպանություն/ զորքերի մասին : Տվյալ ստորաբաժանման մասին տեղեկությունը սկսում է հենց ՀՕՊ զորքերի հրամանատարի կենսագրությամբ: Բաց թողնենք նրա կյանքի մանրամասն դրվագները ու կենտրոնանանք այն հարցերի շուրջ ինչը կարևոր է մեզ համար: Ռուսաստանի ՀՕՊ զորքերի հրամանատար գեներալ-գնդապետ Վլադիմիր Շամանովը Արցախյան պատերազմի ժամանակ աջակցել է Ադրբեջանին: Նրա գունդը տեղակայված է եղել Կիրովաբադում: 1992 թվականին, հենց այդ շրջանից, մասնակցել է պատերազմական գործողությունների և մեծ օգուտ է տվել ադրբեջանցիներին: Պատերազմից հետո գունդը տեղափոխվել է Ուլյանովսկ:

Ու հիմա ինչքանո՞վ է նպատակահարմար ու անվտանգ , որ պատերազմական վիճակում գտնվող երկրի գլխավոր պաշտպանները՝ ՀՕՊ զորքերը, համագործակցեն, հետագայում նաև վստահ եմ ենթարկվեն , մի մարդու ղեկավարած ստորաբաժանման հետ , որը տարիներ առաջ եղել է թշնամու կողմը ու լուրջ գործողություններ է կատարել մեր երկրի դեմ:

Աշոտ Ասատրյան

Համացանցում Հայկ Խանումյանի ծեծի միջադեպը կապվում է Սամվել Բաբայանի վերադարձի եւ վերջինիս Պաշտպանության նախարար նշանակվելու համար նրա նախաձեռնած շարժման հետ: : Խանումյանի կինը՝ լրագրող Դիաննա Մովսիսյանն իր ֆեյսբուքյան էջում տեղի ունեցածի մասին գրել է. «Бандитская хунта Бако Саакяна и ко. Больше нечего добавить»:

Հիշեցնենք, որ երեկ Հայկ Խանումյանը հայտարարել էր, որ ստեղծվել է նախաձեռնող խումբ՝ Սամվել Բաբայանին Արցախի Պաշտպանության նախարար-պաշտպանության բանակի հրամանատար նշանակելու պահանջով: «Վաղվանից սկսում ենք կազմակերպչական աշխատանքներն այս հարցով մեծ հավաք կազմակերպելու ուղղությամբ: Նախաձեռնող խումբը գրասենյակ է վարձակալել «Օկեան» հյուրանոցի տարածքում, վաղվանից սկսում ենք ակտիվորեն աշխատել: Հավաքի օրվա, ժամի և այլ մանրամասների մասին կտեղեկացնենք նախօրոք»,- գրել էր Խանումյանը:

յսօր ծեծի է ենթարկվել Լեռնային Ղարաբաղի Ազգային ժողովի ընդդիմադիր «Վերածնունդ» խմբակցության ղեկավար, «Ազգային վերածնունդ» կուսակցության նախագահ Հայկ Խանումյանը, «Ազատության»-ը փոխանցեց կուսակցության համակիր Էլմիրա Գրիգորյանը։

«Բերել են մեր տան մոտ։ Տաքսիով են ուղարկել։ Չգիտեմ դաշտեր են տարել, թե որտեղ, հետո տաքսի են դրել, ծեծված բերել են։ Նոր են բերել», — ասաց Գրիգորյանը։

Խանումյանի հարազատների խոսքով՝ դեպքը տեղի է ունեցել Ստեփանակերտի կենտրոնական հրապարակում։ Նրանց փոխանցմամբ, Ազգային ժողովից դուրս գալիս Խանումյանին են մոտեցել զինվորական համազգեստով մարդիկ և նրան ծեծելով նստեցրել մեքենան:

Նշենք, որ այդ տարածքը վերահսկվում է Ազգային ժողովի և հարակից հյուրանոցի տեսախցիկներով։

Խանումյանի կինը՝ Դիանա Մովսիսյանը փոխանցեց, որ քիչ առաջ զրուցել է ամուսնու հետ, վերջինս իրեն հրահանգել է տանից դուրս չգալ։

Ընդդիմադիր պատգամավորի հարազատները ցույց տվեցին Խանումյանի կոստյումը՝ ամբողջովին պատռված՝ վրան ոտնահետքեր։

Հայկ Խանումյանն այս պահին գտնվում է Ստեփանակերտի հիվանդանոցի վերակենդանացման բաժանմունքում։

Հիվանդանոց է եկել Լեռնային Ղարաբաղի Ազգային ժողովի ընդդիմադիր «Շարժում 88» խմբակցության պատգամավոր Վիտալի Բալասանյանը։

Լեռնային Ղարաբաղի ոստիկանությունից Ֆելիքս Հարությունյանն «Ազատության»-ը փոխանցեց, որ Խանումյանին ծեծի ենթարկելու վերաբերյալ տեղեկությունները իրականությանը չեն համապատասխանում: «Նման բան չկա, էտ ասեկոսեներին մի հավատացեք», — ասաց Հարությունյանը:

Քիչ առաջ ոստիկանության ներկայացուցչները ժամանեցին հիվանդանոց։

azatutyun.am

Հունիսի 6-10-ին‵ շրջանների մեծ մասում կեսօրից հետո և գիշերվա առաջին կեսին սպասվում է անձրև և ամպրոպ, առանձին հատվածներում հնարավոր է կարկուտ:

Քամին՝ հարավ-արևմտյան 2-7 մ/վրկ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վրկ: Օդի ջերմաստիճանը 5-7-ին էապես չի փոխվի, 8-ին‵ կնվազի 3-4 աստիճանով:

Լոռու մարզի Վանաձոր քաղաքում հունիսի 5-ի լույս 6-ի գիշերը տարօրինակ դեպք է տեղի ունեցել:

NEWS.am-ի թղթակիցը հաղորդում է, որ գիշերը սպիտակ «Նիվա»-ով շրջող երիտասարդները քաղաքի կենտրոնական փողոցներում գոռացել են, թե երկրաշարժ է, տներից դուրս եկեք: Նրանց կոչը խուճապի է մատնել վանաձորցիներին, որոնք տներից դուրս են եկել:

Երիտասարդներին նկատել են հերթական ահազանգից վերադարձող փրկարարները, որոնք էլ ահազանգել են ոստիկանության:

Դեպքի հանգամանքները պարզվում են:

Երևանի Նորքի զանգված թաղամասի Մոլդովական հասցեի շենքերից մեկի բակում տղամարդու դի է հայտնաբերվել։

Tert.am-ի տեղեկություններով տղամարդը, որը շենքի բնակիչ չէ, իրեն նետել է վերևի հարկերից։ Ընկնելիս գլուխը հարվածել է երկաթի, ինչի արդյունքում գլուխը պոկվել է։  Դեպքը տեղի է ունեցել առավոտյան 9։30-ի սահմաններում։

Թուրքիայում սիրիացի փախստականների համար նախատեսված ճամբարում, որպես հավաքարար աշխատող թուրքը, հունիսի 3-ին դատապարտվել է 108 տարվա ազատազրկման: Թուրք հավաքարարը մեղադրվում է սիրիացի երեխաներին սեռական շահագործման ենթարկելու մեջ:

29-ամյա տղամարդը դատարանում չի ժխտել իրեն առաջադրված մեղադրանքը և կատարել սենսացիոն հայտարարություն՝ ասելով, որ ճամբարի ղեկավար աշխատակիցները ևս սիրիացի տղա երեխաներին ենթարկում են սեռական շահագործման:

Ըստ նրա՝ ճամբարում տղա երեխաներին վճարում են 2-5 լիրա ($ 0.70- $ 1.70) և սեռական հարաբերություններ ունենում:

Խոսքը մասնավորապես վերաբերվում է Թուրքիայի հարավ-արևելյան Գազիանթեփի քաղաքում սիրիացի փախստականների համար տեղակայաված Նիզիփ ճամբարի մասին:

108 տարի ազատազրկման դատապարտված անձը դատապարտվել է ութ սիրիացի տղաների նկատմամաբ սեռական գործողոություններ իրականացնելու մեղադրանքով:

Այս լուրը մեծ վրդովմունք է առաջացրել միջազգային կազմակերպությունների շրջանակներում:

Միջազգային կառույցները սկսել են մեղադրել Թուրքիային՝ պայմանագրերով իրեն վերապահած պարտավորությունները չկատարելու մեջ:

Թուրքիան 2.7 միլիոն փախստականների համար միջազգային հանրությունից տարբեր ճանապարհներով ստանում է աստղաբաշխական գումարներ:

Գերմանիայի կանցլեր Անգելա Մերկելը ևս դժգոհել է Թուրքիայի իշխանությունից և փախստականների նկատմամբ Թուրքիայի պարտավորությունների թերի կատարումից:

Կարեն Հովհաննիսյան. ֆեյսբուք: 

nyut.am-ի  հավաստամբ` եկող շաբաթ ևս երկու գեներալներ կազատվեն Պաշտպանության նախարարության համակարգից:

Տվյալներ կան, որ օրերս ձերբակալված գեներալ-մայոր Մելս Չիլինգարյանը, գնդապետներ Արմեն Մարգարյանը և Մհեր Պապյանը, աշխատանքից ազատվելուց հետո, ձերբակալվելուց առաջ, հասցրել են պառկել ՊՆ կենտրոնական զինվորական հոսպիտալում: Նրանց հենց այնտեղից էլ ձերբակալել են: Ընդհանրապես այսպիսի ընկալում կա. եթե ձերբակալում են հոսպիտալից, ապա ձերբակալությունից հետո քեզ ոչ թե խուց են տեղափոխում, այլ համապատասխան բժշկական կետի պալատ: Այդ իսկ պատճառով, գոնե այս «մինիմումն» ապահովելու համար ձերբակալության ենթակա անձը փորձում է մինչ այդ հայտնվել հոսպիտալում:

Մեր ունեցած տվյալներով, առաջիկա շաբաթում պաշտոնանկ կլինեն այս պահին զինվորական հոսպիտալում գտնվող ՀՀ ԶՈւ Գլխավոր շտաբի պետ, գեներալ-գնդապետ Յուրի Խաչատուրովը և ՊՆ անձնակազմի հետ տարվող աշխատանքների վարչության պետ, գեներալ-մայոր Ալեքսան Ալեքսանյանը:

Որքանով ստույգ կլինի այս տեղեկատվությունը` կերևա առաջիկա շաբաթվա ընթացքում: