08.05.2024 | 15:10
Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայան...08.05.2024 | 14:10
Շտապօգնության տնօրենը պարզաբանում է բուժակի հետ կապված միջադեպը...08.05.2024 | 13:10
ՀՀ կառավարության ղեկավարը թշնամուն է հանձնել ՀՀ ինքնիշխան տարածքը` ՀՀ քր. օրենսգ...08.05.2024 | 12:10
Լավ ճանաչելով Նիկոլին՝ գիտեմ, թե ինչ է հիմա կատարվում նրա գլխում, փորձում է օրակ...08.05.2024 | 11:10
Հորդորում ենք միանալ «Տավուշը հանուն Հայաստանի» շարժման երթին․ Արցախի թեմի կոչը...07.05.2024 | 15:10
Տավուշում դրվող սյուները անվտանգության երաշխիքի սյուներն են․ Փաշինյան...07.05.2024 | 14:10
Պուտինի օգնականն ասել է, որ Պուտինը մայիսի 8-ին Փաշինյանի հետ բանակցությունների ...07.05.2024 | 13:10
Վարչապետի աշխատակազմից արձագանքել են Բագրատ արքեպիսկոպոս Գալստանյանի հայտարարութ...07.05.2024 | 12:10
Այս «պինգ-պոնգ» դիվանագիտության շրջանակում արդեն հաջողվել է Ադրբեջանի հետ համաձա...07.05.2024 | 11:10
Փաշինյանը և Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթի...06.05.2024 | 15:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին ...06.05.2024 | 14:10
Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ...06.05.2024 | 13:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամա...06.05.2024 | 11:10
Սահմանազատման գործընթացը գաղտնի է և հատուկ դուրս է դրված իրավական մեխանիզմներով ...04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...Ոստիկանության քրեական հետախուզության, կազմակերպված հանցավորության դեմ պայքարի գլխավոր վարչությունների, Երևան քաղաքի վարչության մետրոպոլիտենի պահպանության բաժնի և Լոռու մարզային վարչության ծառայողները օգոստոսի 5-ին, ժամը 18.20-ին, երեխայի առուվաճառք կատարելու կասկածանքով, Վանաձոր քաղաքի Տիգրան Մեծի պողոտայի թիվ 41 շենքի մոտից Լոռու մարզային վարչություն բերման են ենթարկել Աննա Է.-ին, 1961 թ. ծնված Գեղեցիկ Վ.-ին, 1985 թ. ծնված Սերինե Ա.-ին, իսկ Վանաձոր քաղաքի համալիրի մոտից` 1973 թ. ծնված Նարեկ Ս.-ին և Վանաձոր քաղաքի Տիգրան Մեծի պողոտայում գտնվող հանրախանութի մոտից` 1955 թ. ծնված Արշալույս Հ.-ին, որոնք, համաձայնության գալով օտարերկրյա քաղաքացուհի 1980 թ. ծնված Ալլա Հ.-ի հետ, պայմանավորվել են 15.000 դոլարով վերջինիս վաճառել անչափահաս, 2009 թ. ծնված Ռիմա Ա.-ին:
Պայմանավորվածության համաձայն` օգոստոսի 5-ին, Գեղեցիկ Վ.-ն երեխայի վաճառքի համար Ալլա Հ.-ից պահանջել և ստացել է 7.000 դոլար, իսկ մնացած 8.000 դոլարը, ըստ նախնական պայմանավորվածության, Ալլա Հ.-ն Գեղեցիկ Վ.-ին պետք է հանձներ մի քանի օրվա ընթացքում:
Ոստիկանության լրատվական ծառայությունից հայտնում են, որ փաստի առթիվ ոստիկանության քննչական գլխավոր վարչությունում ՀՀ քրեական օրենսգրքի 168 հոդվածի 1-ին մասի հատկանիշներով հարուցվել է քրեական գործ:
Աննա Է.-ն և Գեղեցիկ Վ.-ն ձերբակալված են:
Կատարվում է նախաքննություն:
ՀՀ ոստիկանությունը Գորիսի նախկին քաղաքապետ Սամվել Հարությունյանին հրավիրել է ոստիկանություն՝ մամուլում նրա արած հայտարարությունների հետ կապված, սակայն նա հրաժարվել է ներկայանալ: Այս մասին «Փաստինֆո»-ի թղթակցին հայտնել է ՀՀ ոստիկանության հասարակայնության հետ կապերի ու լրատվության վարչության պետ Աշոտ Ահարոնյանը:
Նախկին քաղաքապետը վերջերս հայտարարություններ էր արել՝ մեղադրելով Սյունիքի նախկին մարզպետ Սուրիկ Խաչատրյանին հանցագործություններ կատարելու մեջ: Քաղաքացին նաև մտավախություն էր հայտնել իր անվտանգության հետ կապված:
Ըստ ՀՀ ոստիկանության օպերատիվ հաղորդագրությունների ամփոփագրերի` օգոստոսի 3-ից 5-ն ընկած ժամանակահատվածում հանրապետությունում արձանագրված մարմնական վնասվածք հասցնելու 17 դեպքից բացահայտվել է 16-ը, գողության 14 դեպքից` 7-ը, խարդախության 6 դեպքից` 3-ը, խուլիգանության 4 դեպքից` 3-ը, իսկ կողոպուտի 2 դեպքերն էլ բացահայտվել են:
Նախկինում կատարված հանցագործություններից բացահայտվել է խարդախության` 1, մարմնական վնասվածք հասցնելու և կողոպուտի 2-ական դեպք:
Անցած 2 օրերի ընթացքում հանրապետությունում արձանագրվել է ճանապարհատրանսպորտային 12 պատահար. 2 մարդ զոհվել է, 25-ը` ստացել տարբեր աստիճանի մարմնական վնասվածքներ:
Վերաքննիչ դատարանը՝ դատավոր Կարինե Դարբինյանի նախագահությամբ, մերժել է փաստաբան Մուշեղ Շուշանյանի միջնորդությունը:
Փաստաբանը միջնորդել էր փոխել խափանման միջոցը և ազատ արձակել ՀԱԿ ակտիվիստին:
«Քրեական գործում չկա այնպիսի մի դեպք, երբ Տիգրան Առաքելյանը փորձել է խոչընդոտել գործի քննությունը: Կալանքի տակ պահելու տևականությունը անցել է ողջամտության բոլոր ժամկետները: Չկա՛ նրան կալանքի տակ պահելու անհրաժեշտություն, չկա՛ հանրային շահ»,-նշել է Մուշեղ Շուշանյանը:
Իսկ Տիգրան Առաքելյանը, խոսքի իրավունք խնդրելով, ասել է. «Երբ իմացա, որ դատավորը հայ կին է, հայ մայր, ըստ էության, ուզում էի ծաղիկներով գալ, հիմա հասկացա, որ ուրեմն ճիշտ ենք անում, որ պայքարում ենք, որ դուք կախված չլինենք ոչ մեկից։ Ես հիասթափված չեմ դեռ, ես դեռ հիասթափված չեմ»:
Դահլիճը մերժման որոշումը և Տիգրան Առաքելյանի հայտարարությունը լսելուց հետո բուռն ծափահարություններ է հնչեցրել ՝ վանկարկելով «ամոթ, ամոթ»:
Էրեբունի և Նուբարաշեն վարչական շրջանների ընդհանուր իրավասության դատարանը հուլիսի 29-ին «ԷՅ-Ի-ՋԻ սերվիս» ՍՊԸ Երևանի ԳՀՏՍ ծառայության Էրեբունու տեղամասի փականագործ Աշոտ Մարտիրոսյանին դատապարտեց տուգանքի` 300.000 դրամի չափով` զրկելով նրան ազգաբնակչությանը կենցաղային սպառման համար բնական գազի մատակարարման ծառայություններ մատուցելու և անվտանգության ապահովման բնագավառներում որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից 2 տարի ժամկետով։
Հիշեցնենք, 2012 թվականի մարտի 3-ին «գազի թունավորում» ախտորոշմամբ «Էրեբունի» բժշկական կենտրոն էր տեղափոխել Նոր-Արեշի բնակիչ Կարեն Մեսրոպյանը, որին ծնողներն անգիտակից վիճակում հայտնաբերել էին իրենց տան լոգարանում։ Նույն օրը Կարեն Մեսրոպյանը հիվանդանոցում մահացել էր։
Դատաբժշկական փորձաքննությունը եզրակացրել էր, որ Կարեն Մեսրոպյանի մահը վրա է հասել ածխածնի մոնօքսիդով սուր թունավորման հետևանքով, իսկ Ճարտարագիտատեխնիկական և հրդեհատեխնիկական համալիր փորձաքննության եզրակացության համաձայն`լոգարանում տեղադրված ջրատաքացուցիչի մասով խախտված են եղել «Անվտանգության կանոնները գազի տնտեսությունում» տեխնիկական կանոնակարգի պահանջները, մասնավորապես’ լողասենյակը օդափոխության անցուղիներ և դռան ու հատակի միջև անցք չի ունեցել:
Նախաքննությամբ պարզվել է, որ Աշոտ Մարտիրոսյանը, աշխատելով նշված ընկերությունում, և պատասխանատու լինելով բնակիչներին մատակարարվող գազի անվտանգության համար, դեպքից շուրջ մեկ տարի առաջ այցելել է Մեսրոպյանների տուն, որտեղ հայտնաբերել է անվտանգության վերոհիշյալ խախտումները, կազմել համապատասխան արձանագրություն, սակայն, չի անջատել գազը, քանի որ տան տերերը թույլ չեն տվել։ Ամիսներ անց դարձյալ այցելելով նույն բնակարանը, Աշոտ Մարտիրոսյանը որևէ խախտում չի արձանագրել, չնայած այն բանին, որ նախկինում իր արձանագրած խախտումները վերացված չեն եղել։
Տեսուչի անգործությունը և բնակիչների անհոգությունը, փաստորեն երիտասարդ տղայի մահվան պատճառ են դարձել:
Հարկ է նշել,որ այսօրինակ դեպքերը վերջին շրջանում մեր երկրում ավելացել են: Շմոլ գազից թունավորումների դեպքերը պարբերական բնույթ են կրում, չնայած այն հանգամանքին, որ գազամատակարարման բաժանորդները սպառած գազի դիմաց վճարելուց բացի նաև լրացուցիչ գումարներ են վճարում գազասպառման համակարգի տեխնիկական սպասարկման և անվտանգության ապահովման համար:
Բաժանորդներին նաև պարբերաբար տեսուչներ են այցելում, բայց, ինչպես ցույց են տալիս ցավալի դեպքերի աճն ու կոնկրետ այս դեպքի վերաբերյալ կատարված քննությունը, այդ այցերը հիմնականում ձևական բնույթ են կրում:
Փաստինֆո
ՀՀ գլխավոր դատախազությունն այսօր ստացել է փաստաբան Հայկ Ալումյանի դիմում-հարցումը՝ Սյունիքի նախկին մարզպետ Սուրիկ Խաչատրյանի մասին մամուլի հրապարակումներով, և ուղարկել ՀՀ հատուկ քննչական ծառայություն՝ քննարկելու ու դիմումատուին պատասխանելու համար:
Ինչպես «Փաստինֆո»-ի թղթակցին պարզաբանել է ՀՀ գլխավոր դատախազի խորհրդական Սոնա Տռուզյանը, մամուլի հրապարակումներն առնչվում են գործադիր իշխանության մարմնի ներկայացուցիչ հանդիսացող նախկին մարզպետին, իսկ ՀՀ քրեական դատավարության օրենսգրքի 190-րդ հոդվածի համաձայն` հիշյալ մարմինների ղեկավար աշխատողների վերաբերյալ քրեական գործերի քննությունը իրականացնում է ՀՔԾ-ն:
Փաստաբան Հայկ Ալումյանը, ով Գորիսում Սյունիքի մարզպետ Ս.Խաչատրյանին պատկանող առանձնատան դիմաց տեղի ունեցած կրակոցների գործի շրջանակում իրականացնում է մեղադրյալ Արտակ Բուդաղյանի պաշտպանությունը, դիմել էր ՀՀ գլխավոր դատախազին՝ խնդրելով տեղեկատվություն տրամադրել, թե նախկին մարզպետի վերաբերյալ հրապարակումներից որևէ մեկը դիտվե՞լ է որպես հաղորդում հանցագործության մասին և ինչ-ինչ որոշումներ կայացվե՞լ են, թե` ոչ:
Շիրակի մարզի դատախազությունում հարուցվել է քրեական գործ` Գյումրի քաղաքի ավագ դպրոցներից մեկի տնօրենի կողմից պաշտոնեական դիրքն օգտագործելով յուրացում կատարելու փաստի առթիվ:
Նախապատրաստված նյութերով պարզվել է, որ ավագ դպրոցի տնօրենը 2011-2012թթ. ընթացքում 10-րդ, 11-րդ և 12-րդ դասարանների չորս անուն դասագրքերի վաճառքի արդյունքում աշակերտներից հավաքագրված խոշոր չափի` 2 729 430 դրամ գումարը «Դասագրքերի, դասամտյանի իրացումից մուտքեր» պետական գանձապետական հաշվեհամարին չի մուտքագրել:
Տնօրենը, իր լիազորությունների շրջանում օժտված լինելով վերահսկողություն իրականացնելու հանրակրթկան դպրոցի աշխատողների կողմից իրենց աշխատանքային պարտականությունների կատարման նկատմամբ, համակարգելու և հսկելու մանկավարժական և այլ աշխատողների աշխատանքը, ապահովելու բյուջետային հատկացումների արդյունավետ տնօրինումը, վերոնշյալ գումարը, ըստ նախաքննության նյութերի, օգտագործելով անձնական կարիքների համար, յուրացման եղանակով հափշտակել է:
Փաստի առթիվ հարուցվել է քրեական գործ` ՀՀ քրեական օրենսգրքի 179-րդ հոդվածի 2-րդ մասի 1-ն և 3-րդ կետերով: Քրեական գործի նախաքննությունը հանձնարարվել է ՀՀ կառավարությանն առընթեր ոստիկանության Շիրակի մարզի քննչական բաժնին:
«Բարգավաճ Հայաստան» կուսակցության պատգամավոր Արագած Ախոյանի որդու վրա ավազակային հարձակում գործած անձինք, ամենայն հավանականությամբ, հայտնաբերվել են, պարզապես սպասում են նախաքննությունն ավարտվի, նոր հրապարակեն կատարողների տվյալները։ Այս փաստը հաստատեց ԲՀԿ-ական պատգամավորը։
Հիշեցնենք, որ այս տարվա ապրիլին ավազակային հարձակում էր եղել Աժ պատգամավոր Արագած Ախոյանի որդու՝ 19-ամյա Հայկ Ախոյանի վրա, որին դիմակավորված անձինք մի քանի անգամ էլեկտրահարել էին և հափշտակել բջջային հեռախոսն ու տան բանալիները։ Դեպքի առթիվ հարուցվել է քրեական գործ ՔՕ 175-րդ հոդվածի հատկանիշներով (ավազակություն):
Մանրամասները՝ «Հրապարակ»-իայսօրվա համարում:
ՀՀ հատուկ քննչական ծառայությունում ավարտվել է ՀՀ ոստիկանության Շենգավիթի բաժնի համայնքային ոստիկանության բաժանմունքի ավագ տեսուչ, ոստիկանության մայոր Բակուր Ավետիկյանի կողմից կաշառք պահանջելու և ստանալու, ինչպես նաև պաշտոնեական լիազորություններն անցնելու դեպքերի առթիվ ՀՀ քրեական օրենսգրքի 309-րդ և 311-րդ հոդվածների 2-րդ մասերով հարուցված քրեական գործի նախաքննությունը:
Նախաքննության ընթացքում պարզվել է, որ ՀՀ ոստիկանության Երևան քաղաքի վարչության Շենգավիթի ոստիկանության բաժնի համայնքային ոստիկանության բաժանմունքի ավագ տեսուչ, ոստիկանության մայոր Բակուր Ավետիկյանն իր ծառայողական պարտականությունները կատարելիս տեսել է, որ քաղ. Հ.Մ.-ն թիթեղով ծածկված ցանկապատի հատվածը վերակառուցում է քարե պատով:
Պարզելով, որ վերջինս շինարարական աշխատանքները կատարում է առանց համապատասխան թույլտվության, նշված վարչական իրավախախտման փաստն իր լիազորությունների շրջանակում չարձանագրելու և համապատասխան մարմիններին ըստ ենթակայության չուղարկելու համար նա միջնորդ Կ.Հ.-ի միջոցով պահանջել և ստացել է կաշառք` գարեջրատանը կազմակերպված հյուրասիրության տեսքով:
Սակայն ոստիկանության աշխատակիցը, չբավարարվելով հյուրասիրությամբ, իր լիազորությունների շրջանակում ակնհայտ ապօրինի նույն անգործության համար, դարձյալ նույն Կ. Հ.-ի միջոցով պահանջել է որպես կաշառք իրեն տալ նաև գումար մինչև 100 000 դրամի սահմաններում:
Կաշառքի նոր պահանջ ներկայացնելու հանգամանքն առաջացրել է քաղ. Կ. Հ.-ի զայրույթը, և նա այդ հարցը պարզաբանելու նպատակով գնացել է Բակուր Ավետիկյանի աշխատավայր: Հարցի պարզաբանման կապակցությամբ առաջացած վիճաբանության ընթացքում Բակուր Ավետիկյանը, ոստիկանության Շենգավիթի բաժնի Չարբախի բաժանմունքում, ակնհայտորեն դուրս գալով իր լիազորությունների շրջանակից, բռնություն է գործադրել Կարեն Հարությունյանի նկատմամբ. ձեռնաշղթաներով կապել է վերջինիս ձեռքերը և ձեռքերով ու ոտքերով բազմաթիվ հարվածներ հասցրել նրա մարմնի տարբեր մասերին` առողջությանը պատճառելով թեթև վնաս:
Վերոնշյալ հանցավոր արարքները կատարելու համար Բակուր Ավետիկյանին մեղադրանք է առաջադրվել ՀՀ ՔՕ 309-րդ և 311-րդ հոդվածների 2-րդ մասերով և նրա նկատմամբ որպես խափանման միջոց է կիրառվել կալանավորումը: Քրեական գործի նախաքննությունն ավարտած քննիչը քրեական գործը մեղադրական եզրակացությամբ հանձնել է հսկող դատախազին այն հաստատելու և դատարան ուղարկելու համար:
Ցմահ դատապարտյալների հարազատները բաց նամակով դիմել են ՀՀ իշխանություններին:
Նամակում ասվում է.
«2003թ. օգոստոսի 1-ին ՀՀ նախագահ Ռ.Քոչարյանի հրամանագրով «ներում» շնորհվեց մահապատժի դատապարտված 42 անձանց: Այդ հրամանագրի անօրինականությանը մենք դեռ կանդրադառնանք, իսկ այս պահին այդ անօրեն և զուտ քաղաքական շահ հետապնդող որոշումից ուղիղ 10 տարի անց ստիպված ենք ցավով արձանագրել, որ ՀՀ-ում մահապատիժ պատժատեսակը չի վերացվել, այլ մահապատիժը գնդակահարության միջոցով 2003թ. փոխարինվել է մահապատժի ցմահ բանտարկության միջոցով: 10 տարի առաջ Ռ.Քոչարյանի ստորագրած հրամանագիրն իրականում հակասում էր թե՛ ՀՀ օրենսդրությանն ու սահմանադրությանը և թե՛ Մարդու իրավունքների եվրոպական կոնվենցիային: Նախկին նախագահն ակնհայտորեն գերազանցել է իր լիազորությունները, քանի որ նախագահն իրավունք ունի մասնակի կամ լրիվ ներում շնորհել, այլ ոչ ստանձնել դատարանի լիազորությունները և պատժաչափ որոշել ու նշանակել, այն էլ` օրենսդրությամբ տվյալ դեպքում չնախատեսված պատժաչափ:
Վերոհիշյալ չարաբաստիկ հրամանագրին անդրադարձել և ՀՀ իշխանություններին ուղղված պահանջի տեսքով իր գիրքորոշումն է արտահայտել նաև Եվրախորհրդարանը. այն հորդորել է ՀՀ իշխանություններին վերանայել նախկինում մահապատժի դատապարտվածների պատժաչափերն ու օրենքին համապատասխան անհատական որոշումներ ընդունել և ոչ թե մեխանիկորեն բոլորին նույն պատժաչափով դատապարտել: Մինչդեռ ՀՀ իշխանությունը, 3 տարի այդ խնդիրը քնեցնելուց հետո, միայն 2006թ.-ին` այն էլ անտեսելով Եվրախորհրդի պահանջը և ՀՀ օրենքները, դատարանների ձևական որոշումներով ամրագրեց ՀՀ նախագահի կողմից ընդունված սխալ որոշումը: Այս 10 տարիներին ոչինչ չի արվել օրինականությունը վերականգնելու ուղղությամբ: Հաշվի չի առնվել, որ նորանկախ Հայաստանում դատական համակարգն անկատար է ու բազմաթիվ թերություններ ունի, եղել են բազմաթիվ անմեղ կամ չափազանցված պատժաչափերի արժանացած դատապարտյալներ, եղել են դժվար ու ծանր տարիներին կյանքի չարաբաստիկ հանգամանքների բերումով հանցագործ դարձած մարդիկ, որոնք իրենց բնույթով մոլագար մարդասպաններ չեն, և կարելի է նրանց հասարակություն վերադառնալու և ապրելու հնարավորություն տալ. մարդուն վերափոխում, վերադաստիարակում է ոչ թե ազատազրկումը, այլ` ազատազրկման վայրում ու ազատազրկման ընթացքում նրա նկատմամբ շրջապատի, պետության, մարդկանց վերաբերմունքը:
Սակայն այսօր, 10 տարի անց, մենք` դատապարտյալների հարազատներս, համոզվեցինք, որ ՀՀ իշխանությունները ոչ միայն չեն ջանում որևէ քայլ անել նախկինում թույլ տրված սխալներն ուղղելու համար, այլ նույնիսկ ավելին` ցմահ բանտարկության միջոցով դանդաղ և տանջալից մահվան են մղում քաղաքական որոշումների զոհ դարձած, բայց դեռևս հույսերը չկորցրած նախկին մահապատժի դատապարտվածներին:
Արդեն երրորդ տարին է, ինչ անխտիր մերժվում են ազատազրկման 20 տարին լրացրած նախկին մահապատժի դատապարտվածների` վաղաժամկետ ազատման բոլոր դիմումները. ամեն ինչ արվում է, որ ճահճից ոչ ոք ողջ դուրս չգա, կործանելով դատապարտյալների ու նրանց հարազատների վերջին հույսերը: Ահա այս ամենի հետևանքով շատերը մահացան, շատերը հոգեկան շեղումներ ստացան, մնացյալներն էլ ծայրահեղ ֆիզիկական ու հոգեկան վիճակում են:
Ուստի մենք` բանտարկյալների հարազատներս, որոնք ևս դատապարտված են կրելու իրենց կալանավորի պատիժը, մեր հարցն ենք ուղղում ՀՀ նախագահին և իշխանությանը. «Դեռ քանի՞ բանտարկյալ պիտի մահանա, ինքնասպան լինի կամ խելագարվի, որ վերջապես հանձն առնեք կանգնեցնել այս մարդասպան օրենքի գործողությունը, վերականգնել արդարացի վերաբերմունքը մարդու նկատմամբ, օրինականորեն հանել «մահապատիժ» սպանիչ պիտակը մեր և մեր հարազատների վրայից: Նման ակնհայտ անօրինականություն, ինչպիսին կատարվեց 10 տարի առաջ Ռ.Քոչարյանի հրամանագրով, համաշխարհային իրավական պրակտրկայում իրականացվել է միայն քրիստոնյա Հայաստանում և անակունք Ադրբեջանում: Հետևություններն ու գնահատականները թողնում ենք Ձեր դատին… »:
-
-
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
06.05.2024 | 03:10
Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան -
06.05.2024 | 12:10
Ո’չ երաշխավոր կա, ոչ պատերազմից խուսափելու երաշխիք` հանձնելուց` պատերազմ, չհանձնելուց` պատերազմ. Բագրատ Սրբազան -
08.05.2024 | 03:10
Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայանում -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
06.05.2024 | 01:10
ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը -
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
07.05.2024 | 01:10
Վարչապետի աշխատակազմից արձագանքել են Բագրատ արքեպիսկոպոս Գալստանյանի հայտարարությանը՝ ՔՊ բարձրաստիճան անդամների՝ իրեն միանալու մասին -
07.05.2024 | 02:10
Պուտինի օգնականն ասել է, որ Պուտինը մայիսի 8-ին Փաշինյանի հետ բանակցությունների ժամանակ բոլոր հարցերը կպարզաբանի -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.