18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...18.05.2024 | 13:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանի...18.05.2024 | 12:10
Կիրանցեցիներին ասել են՝ պետք է լքեք ձեր տները. Գառնիկ Դանիելյան...18.05.2024 | 11:10
Ինչ են առաջարկում քաղաքական ուժերը Բագրատ Սրբազանին․ «Հրապարակ»...17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...ՀՀ մարդու իրավունքների պաշտպանի աշխատակազմը հաղորդագրություն է տարածածել, որում ասվում է.
Ծածկած շուկայի խնդրով արդեն պետք է զբաղվեն իրավապահ մարմինները, այլ ոչ թե` նախարարություններն ու քաղաքապետարանը: Այլևս ակնհայտ է, որ Ծածկած շուկայում իրականացված շինարարությունն ապօրինի է, ինչը հաստատող հայտարարություններով բազմիցս հանդես են եկել ՀՀ քաղաքաշինության նախարարության, ՀՀ մշակույթի նախարարության և Երևանի քաղաքապետարանի ներկայացուցիչները:
Վերջին գրությամբ Երևանի քաղաքապետարանը, որն, ի դեպ, պատասխանատու է Երևանում ապօրինի շինությունների ապամոնտաժման համար, հայտնել էր, որ «Երևանի թիվ 1 շուկա» ՍՊԸ-ի տնօրենը տեղեկացվել է Մաշտոցի պողոտայի 5 հասցեում գտնվող շուկայի տարածքում ապօրինությունները վերացնելու և դրանից հետո միայն քաղաքաշինական փաստաթղթերին համապատասխան կառուցապատումը շարունակելու անհրաժեշտության մասին: Սակայն, ինչպես տեսնում ենք, քաղաքապետարանի պահանջը մինչ այսօր ոչ միայն չի կատարվել, այլև ավարտվել է Ծածկած շուկայի տարածքում ապօրինի կառույցների իրականացումը:
Այս առումով անհասկանալի է իրավապահ մարմինների և առաջին հերթին` ՀՀ ոստիկանության դիրքորոշումը: ՀՀ քրեական օրենսգրքով պատասխանատվություն է նախատեսված ինչպես ֆիզիկական կամ իրավաբանական անձի կողմից կրկնակի վարչական պատասխանատվության ենթարկվելուց հետո ապօրինի շինության կառուցումը չդադարեցնելու համար, այնպես էլ պատասխանատու պաշտոնատար անձանց կողմից շինությունների ինքնակամ կառուցումը կասեցնելու միջոցներ չձեռնարկելու համար: Իրավապահ մարմինների կողմից մերժվել է քրեական գործի հարուցումը թե´ վերը նշված և թե´ պատմության ու մշակույթի հուշարձանները ոչնչացնելու կամ վնասելու հանցագործությունների դեպքերի կապակցությամբ, սակայն այդ որոշումների հիմնավորվածությունը վիճարկվելու է նաև դատարանում:
Մարդու իրավունքների պաշտպանն ակնկալում է նախ` դատարանի կողմից քրեական գործերի հարուցումը մերժելու մասին որոշումների հիմնավորվածության մանրակրկիտ և անկողմնակալ ստուգում, երկրորդ` այս օրերին հուշարձանի մոտ իրականացվող բողոքի ակցիայի մասնակիցների բոլոր իրավունքների և օրինական շահերի, այդ թվում` անձնական անվտանգության և անձեռնմխելիության պաշտպանություն ոստիկանության կողմից:
Կատարված ապօրինությունների համար, ի վերջո, պետք է իրագործվի պատասխանատվության անխուսափելիության սկզբունքը, առավել ևս, երբ խոսքը վերաբերում է պետության հատուկ պահպանության ներքո գտնվող պատմամշակութային հուշարձանին:
Ճանապարհատրանսպորտային երթևեկության կանոնների փոփոխման հեղինակին՝ Սերոբ Տեր-Պողոսյանին, հանրությունը, կարծես, մոռացության մատնեց:
Արդարադատության նախարարության քրեակատարողական վարչության հասարակայնության հետ կապերի պատասխանատու Գոռ Ղլեչյանը «Հայկական Վարկած»-ի հետ զրույցում տեղեկացրեց, որ մանկապղծության համար ազատազրկման դատապարտված Սերոբ Տեր-Պողոսյանն առողջական խնդիրներ ունի և օգոստոսի 21-ից գտնվում է «Նաիրի» բժշկական կենտրոնում, որտեղ ընդունում է քիմիական թերապիայի կուրսեր:
Քչերը գիտեն, որ հանրային խորհրդի նախկին անդամի՝ Սերոբ Տեր-Պողոսյանի ( նա տրանսպորտային ոլորտի մասնագետ է), առաջարկության արդյունքում է ընդունվել ամրագոտիների պարտադիր կրումը Երևանում և էլի մի շարք փոփոխություններ, որոնց դեմ ապարդյուն բողոքում ու դժգոհում են մեր վարորդները:
Հիշեցնենք, որ «Ախթալայի լեռնահարստացման կոմբինատի» սեփականատեր, ՀՀ վարչապետի խորհրդական, ամերիկահայ գործարար Սերոբ Տեր-Պողոսյանին, Լոռիի մարզի ընդհանուր իրավասության դատարանը, նոյեմբերի 17-ին 15 տարվա ազատազրկման է դատապարտել մանկապղծության համար: «Ախթալայի լեռնահարստացման կոմբինատի» 70-ամյա սեփականատիրոջը մեղադրում են մեկ տասնյակից ավելի անչափահասների բռնությամբ սեռական հարաբերություններին հարկադրելու մեջ:
Նրան մեղադրանք է առաջադրվել 139 հոդվածի 3-րդ մասով (Սեքսուալ բնույթի բռնի գործողությունները): Դատական նիստերն ընթացել են դռնփակ, իսկ հոկտեմբերի 28-ին կայացած նիստում մեղադրողներ Արամ Ամիրզադյանն ու Հովսեփ Սարգսյանը դատարանից խնդրել էին Սերոբ Տեր-Պողոսյանին դատապարտել 15 տարվա ազատազրկման: 15 տարին տվյալ հոդվածով նախատեսված առավելագույն պատիժն է:
Մինչ բուժկենտրոն տեղափոխվելը նա պատիժը կրում էր «Հրազդան» ՔԿՀ-ում:
Oգոստոսի 30-ին, ժամը 13.00, Բաղրամյան 26-ում ՀՀ նախագահի նստավայրի դիմաց բողոքի ակցիա էին անցկացնում ՀՀ քրեակատարողական հիմնարկներում պատիժը կրող անձանց ընտանիքի անդամները, հարազատներն ու ընկերները, որոնք բողոքում էին իրենց դատապարտյալների և կալանավորված անձանց նկատմամբ, իրենց կարծիքով,անարդար քրեական հետապնդումների դեմ, ինչպես նաև պատժի կրումից պայմանական վաղաժամկետ ազատման օրենսդրությունն իրենց հարազատների նկատմամբ ապօրինաբար չկիրառելու փաստերի դեմ:
Նախագահի նստավայրի դիմաց բողոքի ակցիա անցկացնելը, ըստ ակցիայի մասնակիցների, պայմանավորված է զուտ այն հանգամանքով, որ շուրջ 7 տարի է՝ սկսած 2006 հուլիսի 31-ից, ՀՀ նախագահի ՆՀ -163 Ն հրամանագրով ստեղծված մինչգերատեսչական անկախ հանձնաժողովների գործունեության արդյունքում ՀՀ քրեակատարողական հիմնարկներում պատիժ կրող 1000 -ավոր դատապարտյալներ, որոնք ենթակա են ՀՀ-ում գործող օրենսդրությամբ պայմանական վաղաժամկետ ազատվելու պատժի հետագա կրումից, ազատ չեն արձակվում:
Նրանք ասում էին, որ իրենց ունեցած տվյալներով, հրահանգը իջեցվել ՀՀ նախագահի աշխատակազմից: Օրինակ, հավաքի մասնակիցներից մեկը ՀՀ ԱՆ ՔԿ ծառայության Արթիկ ՔԿՀ-ում իր պատիժը կրող քաղաքական բանտարկյալ Արթուր Այվազյանի հայրը հայտարարեց, որ ինքը եկել է Բաղրամյան 26, որպեսզի ՀՀ նախագահին հորդորի, որ իր կողմից իջեցված վերոնշյալ «զապրետի» փոխարեն «դաբրո» իջեցնի, և պատժի կրումից պայմանական վաղաժամկետ ազատման ենթակա իր որդուն ազատ արձակեն: Բողոքի ակցիայի անցկացման օրն ընտրված էր Զորավար Անդրանիկի ծննդյան տարեդարձի օրը: Մարդիկ ասում էին, թե՝ հույս ունեն, որ դա կօգնի լսելի լինել ՀՀ նախագահի կողմից, սակայն նրանց հույսերն այդպես էլ չարդարացան…
Այստեղ ուշագրավ մի հանգամանք կա. անցկացվող բողոքի ակցիայի վերաբերյալ տեղեկացված էին ՀՀ-ում գրանցված և գործող գրեթե բոլոր իրավապաշտան հասարակական կազմակերպությունները, սակայն ակցիային մասնակցություն ունեցավ միայն Հելլսինկյան ասոցիացիայի նախագահ Միքայել Դանիելյանը:
Բողոքի ակցիայի մասին տեղեկացված էին նաև ՀՀ բոլոր ընդդիմադիր քաղաքական կուսակցությունները և ՀՀ ԱԺ ընդդիմադիր խմբակցության պատգամավորները, սակայն նրանք ևս չբարեհաճեցին իրենց ներկայությամբ պատվել ակցիան: Նրանց ներկայությունը օգտակար կլիներ հազարավոր քաղաքացիների ձայնն ավելի լսելի դարձնել, քանի որ մասնակիցներից որևէ մեկը չուներ ակցիայի անցկացման փորձ, և այդ պատճառով այն անցկացվեց մի տեսակ անկազմակերպ: Օրինակ՝ ակցիային մասնակցող դատապարտյալներից մեկի որդիները, որոնք բողոքի ակցիայի վայր էին փորձում տեղափոխել ակցիայի համար նախատեսված համապատասխան գրառումներով պաստառները, ձախողվեցին. մետրոյի կայարանը հսկող ոստիկանները առգրավեցին պաստառները: Բացի այդ, բողոքի ակցիայի անցկացման վայրից ՀՀ ոստիկանության արագ արձագանքման խմբի կողմից «վնասազերծվեցին» դատապարտյալներից մեկի ընկերները՝ «Տիգրան Մեծ» աշխարհազորայինի նախկին 5 ազատամարտիկներ, որոնք զինվորական համազգեստով ու շքանշաններով էին:
Ոստիկանները նրանց «վնասազերծելուց » հետո, տեղափոխեցին շրջանի մետրոպոլիտենի տարածք, ազատ արձակեցին և հորդորեցին այլևս չմասնակցել նմանատիպ ակցիաների՝ սպառնալով, թե իրենց տվյալները կփոխանցվի գեներալ Մանվել Գրիգորյանին:
Սակայն դատապարտյալների հարազատները որոշել են չընկրկել և բողոքի ակցիան կրկնել դարձյալ Բաղրամյան 26-ի դիմաց, հինգշաբթի օրը, ժամը՝ 12.00 ին: Նրանք կոչ են անում, որ իրենց բողոքի ակցիային միանան այն մարդիկ, ովքեր մտահոգված են ՀՀ-ում իրավական հասարակարգի կայացմամբ և օրենքի գերակայության հաստատմամբ:
Բողոքի ակցիայի մասնակիցները հայտարարում էին, որ իրենց բարձրացված խնդիրների նկատմամբ անտարբերության դեպքում՝ օրենքով չարգելված բոլոր միջոցներով, իրենք կշարունակեն բողոքի տարաբնույթ ակցիաները:
Աննա Սարգսյան
Դատական համակարգի www.court.am կայքը տեխնիկական պատճառներով ներկայումս հնարավոր չէ շահագործել: Առկա խնդիրների պատճառը կայքի բավականին հնացած և ծանրաբեռնված լինելն է: Ներկայումս կատարվում են արդիականացման աշխատանքներ:
Հայցում ենք ձեր ներողամտությունը: Թիմը աշխատում է հնարավորինս արագ:
Կայքի շահագործման և արդիականացման վերաբերյալ հետագայում կտրվեն լրացուցիչ տեղեկություններ:
Միաժամանակ հայտնում ենք, որ Հայաստանի Հանրապետության դատական համակարգի լրահոսին կարող եք հետևել www.dataran.am տեղեկատվական կայքում:
ՀՀ դատական դեպարտամենտ
Երեկ՝ օգոստոսի 30-ին, ոստիկանության Երևան քաղաքի վարչության քրեական հետախուզության բաժնի աշխատակիցների կողմից Երևան քաղաքի վարչություն են բերման ենթարկվել հայտնի գործարար Բենզին Ռուբո մականվամբ 49-ամյա Ռուբեն Գալուստյանը և նրա թիկնազորի 3 անդամները:
Ինչպես հայտնում է shamshyan.com-ը, նրա հետ բերման են ենթարկվել 38-ամյա Սամվել Թևոսյանը, 27-ամյա Արա Ասատրյանը և 41-ամյա Նորայր Առաքելյանը: Ֆոտոլրագրողը հայտնում է, որ Ռ. Գալուստյանը եղել է Mercedes մակնիշի 001 ԼT 01 համարանիշի ավտոմեքենայով, իսկ նրան ուղեկցող թիկնապահները՝ Range Rover մանկիշի 888 ՍԼ 88 համարանիշի ավտոմեքենայով: Վերջիններս Երևան քաղաքի կենտրոնական մի քանի փողոցներում չարամտորեն խախտել են ճանապարհային երթևեկության կանոնները այնքան ժամանակ, մինչև ոստիկանության Երևան քաղաքի վարչության քրեական հետախուզության բաժնի աշխատակիցները Տիգրան Մեծի պողոտայից նրանց բերման են ենթարկել:
Հանրապետության նախագահ Սերժ Սարգսյանը նշել էր, որ անընդունելի է թիկնապահների ուղեկցությամբ շրջելը, իսկ ոստիկանության պետ, գեներալ-լեյտենանտ Վլադիմիր Գասպարյանը խիստ հանձնարարական է տվել, որ ցանկացած տիպի անօրինական ուղեկցումները ոստիկանության կողմից կկասեցվեն:
Հիշեցնենք, որ օրեր առաջ Երևանի Ճանապարհային ոստիկանության պետ Արսեն Արշակյանի ցուցումով վարչական պատասխանատվության էին ենթարկվել Ազգային ժողովի պատգամավոր Սամվել Ալեքսանյանին սպասարկող «գոլդ» համարանիշներով ավտոմեքենաների վարորդները: Ոստիկանությունը շարունակելու է օրենքի շրջանակում խիստ գործողություններ կատարել այն անձանց նկատմամբ, ովքեր կփորձեն անօրինական շրջել թիկնապահների ուղեկցությամբ՝ անկախ նրանից՝ պատագամավորներ կլինեն, պետական պաշտոնյաներ, հայտնի օլիգարխներ, թե մի քանի կոպեկ ձեռքներն ընկած սուտի գործարարներ, ովքեր «լավ տղու իմիջ» ձեռք բերելու համար շրջում են ապառիկով ձեռք բերած թանկարժեք երկաթյա նժույգներով:
2013թ. օգոստոսի 27-ին ՀՀ գլխավոր դատախազության վարչական շենքի մոտ անցկացված հավաքի քաղաքացիական նախաձեռնության կողմից հրապարակվել է նամակ՝ ուղղված ՀՀ գլխավոր դատախազին, որում բարձրացված հարցադրումների կապակցությամբ, հաշվի առնելով հանրային հետաքրքրությունը, ՀՀ գլխավոր դատախազությունը տեղեկացնում է.
Երևան քաղաքում հանրային հետաքրքրություն ներկայացնող հարցերին վերաբերող հավաքների մասնակիցների և ոստիկանության ծառայողների միջև տեղի ունեցած միջադեպերի կապակցությամբ 2013թ. օգոստոսի 28-ի դրությամբ ստացվել են 9 հաղորդում-ահազանգեր, որոնցից 1-ով արդեն իսկ հարուցված է եղել քրեական գործ և ՀՀ հատուկ քննչական ծառայությունում կատարվում է նախաքննություն, 1 դեպքով նույն ծառայությունում նյութերի նախապատրաստումը շարունակվում է, իսկ 7 հաղորդում-ահազանգերի քննարկումը կատարվել է ոստիկանության տարածքային ստորաբաժանումներում:
Մեղավոր անձանց ի հայտ բերելու, նրանց արարքներին իրավական գնահատական տալու և դեպքերի հանգամանքների բազմակողմանի, լրիվ ու օբյեկտիվ քննության նպատակով ՀՀ գլխավոր դատախազի կողմից հանձնարարություն է տրվել ոստիկանության մարմիններում նախապատրաստվող` ոստիկանության ծառայողներին վերագրվող ապօրինի գործողությունների մասին հիշատակումով բոլոր նյութերն անհապաղ ՀՀ հատուկ քննչական ծառայության վարույթ փոխանցելու մասին:
Հաշվի առնելով հանրության հետաքրքրությունը` ներկայացվում է համառոտ տեղեկատվություն 2013թ. օգոստոսի 27-ի դրությամբ ստացված հիշյալ 9 հաղորդում-ահազանգերի քննարկման ընթացքի վերաբերյալ:
Երևան քաղաքի Գ. Լուսավորիչ փողոց (Երևանի քաղաքապետարան)
1. 2013թ. օգոստոսի 1-ին` ժամը 12.45-ին, ՀՀ ոստիկանության ՊՊԾ գնդի 1-ին վաշտի ոստիկանները ՀՀ վարչական իրավախախտումների վերաբերյալ օրենսգրքի 182-րդ հոդվածով սահմանված իրավախախտում կատարելո` Երևան քաղաքի Գ.Լուսավորիչ փողոցում հասարակական կարգը վերականգնելուն ուղղված ոստիկանի օրինական պահանջը չկատարելու կասկածանքով ձերբակալել են Արգիշտի Կիվիրյանին, ինչի կապակցությամբ կազմվել է վարչական ձերբակալության մասին արձանագրություն։ Նյութերի նախապատրաստման ընթացքում Ա.Կիվիրյանը բացատրություն է տվել, որ ոստիկանության աշխատակիցներն իրեն բերման են ենթարկել ապօրինի՝ բռնի ուժ գործադրելով և մարմնական վնասվածքներ պատճառելով:
Նշանակված դատաբժշկական փորձաքննության եզրակացության համաձայն` Արգիշտի Կիվիրյանի մոտ հայտնաբերվել են մարմնական վնասվածքներ աջ բազկի արյունազեղումների, աջ արմնկահոդի, աջ նախաբազկի, աջ ազդրի, սրունքների քերծվածքների, աջ բազկի և աջ ազդրի ճանկռվածքների ձևով, որոնք առողջության թեթև վնասի հատկանիշներ չեն պարունակում:
2013թ. օգոստոսի 16-ին նյութերն ուղարկվել են ՀՀ հատուկ քննչական ծառայություն` հետագա ընթացքը լուծելու համար:
Նյութերի նախապատրաստումը շարունակվում է:
2. 2013թ. օգոստոսի 25-ին քաղ. Միհրան Մարգարյանը ՀՀ ոստիկանության Կենտրոնականի բաժնում հաղորդում է տվել այն մասին, որ նույն օրը` ժամը 01.35-ի սահմաններում, Երևան քաղաքի Գ.Լուսավորիչ փողոցում` «Արարատ» հյուրանոցի դիմաց, արական սեռի մոտ 7 անձինք ծեծի են ենթարկել իրեն և ընկերոջը` Բաբկեն Տեր-Գրիգորյանին` պատճառելով մարմնական վնասվածքներ, իրեն` քթի և մեջքի շրջաններում, իսկ ընկերոջը` մեջքի, ոտքի և ձեռքերի շրջաններում:
Հաղորդման հիման վրա ՀՀ ոստիկանության Կենտրոնականի բաժնում նախապատրաստվել են նյութեր, որի ընթացքում Բաբկեն Տեր-Գրիգորյանը և Միհրան Մարգարյանը հրաժարվել են կատարված դեպքի վերաբերյալ բացատրություններ տալուց` պատճառաբանելով, որ բացատրություններ կտան ավելի ուշ` փաստաբանի ներկայությամբ:
2013թ. օգոստոսի 25-ին որոշումներ են կայացվել Բաբկեն Տեր-Գրիգորյանի և Միհրան Մարգարյանի վերաբերյալ դատաբժշկական փորձաքննություն նշանակելու մասին:
Նյութերի նախապատրաստման ընթացքում զննվել է թիվ 1 համալսարանական հիվանդանոցի կրիմինալ դեպքերի գրանցման մատյանը, համաձայն որի Բաբկեն Տեր-Գրիգորյանի մոտ արձանագրվել է «կրծքավանդակի սալջարդ, աջ սրունքի փափուկ հյուսվածքային սալջարդ» մարմնական վնասվածքներ, իսկ Միհրան Մարգարյանի մոտ` «կրծքավանդակի սալջարդ, քթի սալջարդ» մարմնական վնասվածքները:
Հանձնարարություն է տրվել ոստիկանության Կենտրոնականի բաժնի ՔՀ բաժանմունքի աշխատակիցներին` ձեռնարկելու համապատասխան օպերատիվ-որոնողական միջոցառումներ` հանցանք կատարած անձանց ինքնությունը պարզելու և հանցագործությունը բացահայտելու ուղղությամբ:
Նյութերի նախապատրաստումը շարունակվում է:
3. 2013թ. օգոստոսի 24-ին քաղ. Ռուզաննա Գրիգորյանը ՀՀ ոստիկանության Կենտրոնականի բաժնում հաղորդում է տվել այն մասին, որ նույն օրը` ժամը 19.00-19.30-ի սահմաններում, Երևանի քաղաքապետարանի բակում ոստիկաններն առանց օրինական հիմնավորման խոչընդոտել են իր ազատ տեղաշարժման իրավունքը եւ թույլ չեն տվել բարձրանալ քաղաքապետարանի աստիճանների վրա: Այնուհետև, առանց ծանուցման և հիմնավորման՝ ոստիկանները, քաշքշելով, իրեն վնասվածքներ հասցնելով, հորիզոնական վիճակում տեղափոխել են ոստիկանական մեքենա, որի հետեւանքով իրեն պատճառվել են մարմնական վնասվածքներ՝ ձեռքերի և ոտքերի շրջանում, տաբատը պատռվել է, բերման է ենթարկվել առանց կոշիկների:
Նշանակվել է դատաբժշկական փորձաքննություն:
Նախապատրաստված նյութերն օգոստոսի 28-ին ուղարկվել են ՀՀ հատուկ քննչական ծառայություն։
4. 2013թ. օգոստոսի 25-ին քաղ. Մկրտիչ Տոնոյանը ՀՀ ոստիկանության Կենտրոնական բաժնում հաղորդում է տվել այն մասին, որ նույն օրը` ժամը 22.20-ի սահմաններում, Երևան քաղաքի Հաղթանակ կամրջի վերջնամասում իրեն են մոտեցել երեք անծանոթ երիտասարդներ, մեղադրել իրենց ծնողների համար խնդիրներ ստեղծելու մեջ, սպառնացել, որ այլևս չերևան քաղաքապետարանի դիմացի ակտիվիստների մոտակայքում, որից հետո նշված անձանցից մեկը ձեռքով հարվածել է դեմքին ու աջ ձեռքին` պատճառելով մարմնական վնասվածքներ:
Հաղորդման հիման վրա ՀՀ ոստիկանության Կենտրոնականի բաժնում նախապատրաստվել են նյութեր, որի ընթացքում Մկրտիչ Տոնոյանը բացատրություն է տվել այն մասին, որ 2013թ. օգոստոսի 25-ին` ժամը 22.00-ի սահմաններում, Երևանի քաղաքապետարանի հարևանությամբ անցնելիս տեսել է իր ծանոթ լրագրող Թեհմինե Ենոքյանին, որի հետ շուրջ 20 րոպե զրուցելուց հետո շարունակել է ճանապարհը: Հաղթանակ կամրջի ձախ կողմում գտնվող հատվածում իրեն են մոտեցել 3 երիտասարդներ, որոնցից 2-ն եղել են սպորտային կազմվածքով ու համազգեստով, իսկ նրանցից մեկի աջ ձեռքը կապված է եղել սպիտակ վիրակապով: Վերջիններս իրեն սպառնացել են իրենց հայրերի համար խնդիրներ ստեղծելու մեջ ու հարցրել, թե արդյոք հանդիսանում է քաղաքացիական ակտիվիստ, թե ոչ: Բացասական պատասխան ստանալով` փորձել են իրեն տանել կամրջի աստիճաններով ներքև, սակայն մերժելուց հետո, նրանցից մեկը հարվածել է իր դեմքին և պատճառել մարմնական վնասվածք, որից հետո նրանք դիմել են փախուստի: Դրանից հետո ոտքով վերադարձել է Երևանի քաղաքապետարանի շենքի մոտ և տեղում գտնվող ոստիկաններին խնդրել իրեն ուղեկցել ոստիկանության բաժանմունք` հաղորդում տալու համար: Միջադեպը տևել է շուրջ մեկ րոպե, անցորդներ չեն եղել: Իրեն հարվածողին նկարագրել չի կարող, քանի որ դա արագ է տեղի ունեցել: Արտաքինով լավ հիշում է նրանցից մեկին, իրեն թվում է, որ նրան տեսել է ինչ-որ տեղ` ոստիկանների մեջ:
2013թ. օգոստոսի 25-ին նշանակվել է դատաբժշկական փորձաքննություն :
Հանձնարարություն է տրվել ոստիկանության Կենտրոնականի բաժնի ՔՀ բաժանմունքի աշխատակիցներին` ձեռնարկելու համապատասխան օպերատիվ-որոնողական միջոցառումներ հանցանք կատարած անձանց ինքնությունը պարզելու և հանցագործությունը բացահայտելու ուղղությամբ:
Նյութերի նախապատրաստումը շարունակվում է:
5. 2013թ. օգոստոսի 24-ին քաղ. Արսեն Օհանյանը ՀՀ ոստիկանության Կենտրոնական բաժնում հաղորդում է տվել այն մասին, որ նույն օրը` ժամը 19:30-ի սահմաններում, գտնվել է Երևանի քաղաքապետարանի մուտքի դիմացի մայթեզրին, որտեղ մի խումբ անձանց կողմից կազմակերպվել է երթուղային տրանսպորտի ուղևորային վճարի թանկացման հետ կապված բեմականացում: Այդ ընթացքում ոստիկանության 2 աշխատակիցներ մոտեցել են իրեն և առանց նախազգուշացման ոլորել ձեռքերը, բռնել պարանոցից` պատճառելով մարմնական վնասվածքներ, որից հետո բերման ենթարկել ոստիկանության բաժին:
Արսեն Օհանյանը բացատրություն է տվել, որ իրեն բերման են ենթարկել «հրեշտակների» համազգեստով ոստիկանները, որոնց անուններն ու կոչումները չի հիշում: Նրանցից մեկը բռնել է իր աջ ձեռքից, իսկ մյուսը, իջեցնելով գլուխը, նստեցրել ավտոմեքենան և իր նկատմամբ բռնի ուժ կիրառել: Արսեն Օհանյանը հերքել է այն հանգամանքը, որ ինքը պառկած է եղել փողոցի երթևեկելի հատվածում: Պահանջել է պատասխանատվության ենթարկել իր նկատմամբ բռնություն կիրառած ոստիկաններին:
2013թ. օգոստոսի 24-ին նշանակվել է դատաբժշկական փորձաքննություն:
ՀՀ ոստիկանության Կենտրոնական բաժնի հետաքննության մարմնին հանձնարարություն է տրվել դեպքի իրական հանգամանքները պարզելու և ականատեսներ հայտնաբերելու վերաբերյալ:
Նախապատրաստված նյութերն օգոստոսի 28-ին ուղարկվել են ՀՀ հատուկ քննչական ծառայություն։
Երևան քաղաքի Կոմիտասի 5
1. 2013թ. օգոստոսի 24-ին ՀՀ ոստիկանության ՊՊԾ գնդի 3-րդ հատուկ գումարտակի 2-րդ վաշտի 1-ին դասակի հրամանատար Վահան Վրթանեսյանը ՀՀ ոստիկանության Արաբկիրի բաժնում հաղորդում, ապա նաև բացատրություն է տվել այն մասին, որ նույն օրը` ժամը 16-ի սահմաններում, Երևան քաղաքի Կոմիտասի 5 հասցեի մոտ ծառայություն իրականացնելիս` նույն փողոցի երթևեկելի մասն ազատելու մասին ոստիկանության ծառայողի օրինական պահանջը չկատարելու համար ՃՈ ավտոմեքենայով Արգիշտի Կիվիրյանին ոստիկանության բաժին բերման ենթարկելու ժամանակ վերջինս հայհոյել է, բռունցքով հարվածել աջ թևի նախաբազկին, այնուհետև կծել այն` պատճառելով մարմնական վնասվածք:
Դեպքի առթիվ 2013թ. օգոստոսի 24-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 316-րդ հոդվածի 1-ին մասի հատկանիշներով հարուցվել է քրեական գործ:
Նույն դեպքով նյութերի նախապատրաստման ժամանակ Արգիշտի Կիվիրյանը հայտարարել է, որ ոստիկանության աշխատակիցներն են իրեն ավտոմեքենայի մեջ հայհոյանքներ տվել, ծեծի ենթարկել՝ պատճառելով մարմնական վնասվածքներ:
Վահան Վրթանեսյանի և Արգիշտի Կիվիրյանի ստացած մարմնական վնասվածքների աստիճանը որոշելու նպատակով նշանակվել են դատաբժշկական փորձաքննություններ:
2013թ. օգոստոսի 26-ին քրեական գործն ուղարկվել է ՀՀ հատուկ քննչական ծառայություն` նախաքննությունը շարունակելու համար:
2. 2013թ. օգոստոսի 24-ին ՀՀ ոստիկանության Երևան քաղաքի վարչության ՊՊԾ ոստիկանության գնդի 3-րդ հատուկ գումարտակի ծառայողներն Երևան քաղաքի Կոմիտաս պողոտայի և Վաղարշյան փողոցի խաչմերուկից ճանապարհատրանսպորտային երթևեկությունը խաթարելու և հակաօրինական գործողությունները դադարեցնելու, ոստիկանության ծառայողների օրինական պահանջներին չենթարկվելու համար ՀՀ ոստիկանության Արաբկիրի բաժին են բերման ենթարկել քաղ. Եղիա Ներսեսյանին, ում վերաբերյալ կազմվել է վարչական իրավախախտում կատարելու մասին արձանագրություն:
ՀՀ ոստիկանության Արաբկիրի բաժնում նյութերի նախապատրաստման ընթացքում Եղիա Ներսեսյանը դիմում է ներկայացրել այն մասին, որ 2013թ. օգոստոսի 24-ին` ժամը 13.00-ի սահմաններում, Երևան քաղաքի Կոմիտաս պողոտայի և Վաղարշյան փողոցի խաչմերուկից ՀՀ ոստիկանության Արաբկիրի բաժին բերման ենթարկելու ժամանակ ոստիկանության աշխատակիցն իրեն քարշ տալով պառկեցրել է գետնին, ինչի հետևանքով ստացել է մարմնական վնասվածք:
Նշանակվել է դատաբժշկական փորձաքննություն:
2013թ. օգոստոսի 27-ին նյութերն ուղարկվել են ՀՀ հատուկ քննչական ծառայություն` հետագա ընթացքը լուծելու համար:
Նյութերի նախապատրաստումը շարունակվում է:
3. 2013թ. օգոստոսի 26-ին քաղ. Հասմիկ Լալայանը ՀՀ ոստիկանության Արաբկիրի բաժնում հաղորդում է տվել այն մասին, որ 2013թ. օգոստոսի 24-ին` ժամը 12.00-ից մինչև 16.00-ն ընկած ժամանակահատվածում, Երևան քաղաքի Կոմիտաս պողոտայի 5 հասցեում բողոքի ակցիային մասնակցելու ժամանակ ծառայություն իրականացնող ոստիկանները ձեռքերով թիկունքից կրծքավանդակը սեղմելով հրել են, որի հետևանքով ինքը վայր է ընկել և ստացել մարմնական վնասվածք:
ՀՀ ոստիկանության Արաբկիրի բաժնում նախապատրաստվել են նյութեր, նշանակվել է դատաբժշկական փորձաքննություն:
2013թ. օգոստոսի 27-ին նյութերն ուղարկվել են ՀՀ հատուկ քննչական ծառայություն` հետագա ընթացքը լուծելու համար:
Նյութերի նախապատրաստումը շարունակվում է:
4. 2013թ. օգոստոսի 26-ին` ժամը 15.55-ին, քաղ. Սարգիս Սարգսյանը ՀՀ ոստիկանության Արաբկիրի բաժնում հաղորդում է տվել այն մասին, որ 2013թ. օգոստոսի 24-ին` ժամը 13.30-ի սահմաններում, Երևան քաղաքի Կոմիտաս պողոտայի և Վաղարշյան փողոցի խաչմերուկում բողոքի ակցիային մասնակցելու ժամանակ ծառայություն իրականացնող ոստիկանը ռետինե մահակով հարվածել է մեջքի ստորին հատվածին` պատճառելով ֆիզիկական ցավ:
ՀՀ ոստիկանության Արաբկիրի բաժնում նախապատրաստվել են նյութեր, նշանակվել է դատաբժշկական փորձաքննություն:
2013թ. օգոստոսի 27-ին նյութերն ուղարկվել են ՀՀ հատուկ քննչական ծառայություն` հետագա ընթացքը լուծելու համար:
Նյութերի նախապատրաստումը շարունակվում է:
ՀՀ հատուկ քննչական ծառայության վարույթում քննվող քրեական գործի նախաքննությամբ պարզվել է, որ ՀՀ ԿԱ ՊԵԿ օպերատիվ հետախուզության վարչության նախկին աշխատակից Արտակ Ղուկասյանը տարբեր անձանց անվամբ հիմնադրած, սակայն փաստացի իր կողմից կառավարվող գրավատներում և տարադրամի փոխանակման կետերում համատեղ ձեռնարկատիրական գործունեություն իրականացնելու` ներդրումներ կատարելու և ստացված եկամուտներից մասնաբաժին տալու պատրվակով, չարաշահելով բազմաթիվ քաղաքացիների վստահությունը, 2010-2012թթ. ժամանակահատվածում նրանցից ստացել է առանձնապես խոշոր չափերի հասնող գումարներ և խաբեությամբ հափշտակել է:
Արտակ Ղուկասյանին մեղադրանք է առաջադրվել ՀՀ ՔՕ 178-րդ հոդվածի 3-րդ մասի 1-ին կետով և նրա նկատմամ որպես խափանման միջոց կիրառվել է կալանավորումը:
Նրանք, ովքեր տուժել են Արտակ Ղուկասյանի գործողություններից, կարող են դիմել ՀՀ հատուկ քննչական ծառայություն (Հեռ.` 010 511 601, 010 511 609):
Նախաքննությունը շարունակվում է:
Այսօր, ժամը 12:00-ի սահմաններում, դատապարտյալների հարազատները հավաքվելու են Բաղրամյան 26-ում։
Բողոքելու են պատժի հետագա կրումից վաղաժամկետ ազատման հանձնաժողովի անգործության դեմ։ Մեզ հետ զրույցում ակցիայի մասնակիցները հայտնեցին, որ իրենք սնանկանում են կալանավայրերում դատապարտյալ պահելով, որ սնունդը զզվելի է, դատապարտյալի և կալանավորի անցկացրած ամեն օրը մեծ եկամուտ է ապահովում ՔԿՀ պաշտոնյաներին, որ իրենք պարտավոր են ամեն ամիս առնվազն 30 հազար դրամ «մուծվել» բանտապետերին, հակառակ դեպքում իրենց հարազատներին քրեական հեղինակությունների միջոցով կներքաշեն մոլի խաղերի մեջ և կգցեն մեծ «պարտքերի» տակ։ «Վարչությունում շահագրգռված չեն, որ մարդիկ ազատվեն։ Պետերը ձևական են դիմում վաղաժամկետ ազատման հանձնաժողովին։ Բայց իրենք լավ գիտեն, որ ոչ ոք էլ չի ազատվելու»,– բողոքում էին մեզ:
Մանրամասները՝ «Հրապարակ»-ի այսօրվա համարում:
Երեկ տեղեկություններ տարածվեցին, որ թմրամիջոցներ պահելու կասկածանքով ոստիկանության Կենտրոնի բաժին երեկ առավոտյան բերման է ենթարկվել արտաքին գործերի նախկին նախարար, ԱԺ ԲՀԿ խմբակցության պատգամավոր Վարդան Օսկանյանի որդին և վերջինիս ընկերը։ Ոստիկանության լրատվական ծառայությունից մեր թղթակցին հայտնեցին, որ երեկ առավոտյան ապօրինի թմրամիջոցներ պահելու և օգտագործելու կասկածանքով Մոսկովյան 31 հասցեից բերման են ենթարկվել երկու անձ, նշանակվել է փորձաքննություն։ Անուններ, սակայն, ոստիկանությունը չնշեց։ Մեր տեղեկություններով, տվյալ պարագայում խոսքը հենց Օսկանյանի որդու և նրա ընկերոջ մասին է, որոնք այժմ ազատության մեջ են։
Մանրամասները՝ «Հայկական ժամանակ»-ի այսօրվա համարում:
Սոցիալական ապահովության պետական ծառայության նախկին պետ Վազգեն Խաչիկյանի ու մյուսների գործով այսօրվա դատական նիստում լրացուցիչ հարցաքննվել է Գյումրու սոցիալական ապահովության տարածքային պետ վկա Էդուարդ Վարժապետյանը, ով սույն գործի անջատված մասով անցնում է որպես մեղադրյալ:
Նրան լրացուցիչ հարցաքննելու միջնորդությամբ հանդես էր եկել պաշտպանական կողմը՝ վկաներ Էդուարդ Վարժապետյանի և Արթուր Աբրահամյանի ցուցմունքներում էական հակասություն տեսնելով:
Հիշեցնենք, որ վկան նախորդ հարցաքննության ժամանակ նշել էր, որ 2010թ. Խաչիկյանը զանգահարել է իրեն և ասել, որ իրենց տարածքում կենսաթոշակների կրկնակի վճարումներ են եղել, պարզեն, թե ինչպես է եղել և իրեն վերադարձնեն այդ գումարները: Վկան հայտնեց, որ Գյումրու սոցիալական ապահովության տարածքային օպերատոր Արթուր Աբրահամյանը խոստովանել է, որ իր մեղքով են եղել կրկնակի վճարումները: Ա. Աբրահամյանը 3 օրվա ընթացքում վկային է փոխանցել 20 մլն դրամ, ապա 10 օր անց՝ ևս 9 մլն դրամ, գումարի մի մասը Է.Վարժապետյանին է փոխանցվել ՀՀ դրամով, իսկ մյուս մասը՝ ԱՄՆ դոլարով: Վարժապետյանը նշեց, որ 29 մլն դրամը Խաչիկյանին է տվել 3 ամսվա ընթացքում:
Իսկ վկա Արթուր Աբրահամյանը նշել էր, որ ինքը 20 մլն դրամը Վարժապետյանին է փոխանցել 1ամսվա ընթացքում:
Վարժապետյանը դատարանում հայտնեց, որ Արթուր Աբրահամյանն է շփոթում օրերը՝ ավելացնելով, որ երբ նա խոստովանել է, որ իր մեղքով է եղել կրկնակի վճարումները՝ նրան աշխատասենյակից դուրս է հրավիրել: Պարզվել է նաև, որ այդ գումարները Արթուրը փոխանցել է իրեն գործով մյուս վկա Ռուբեն Մնացականյանի միջոցով:
Պաշտպանական կողմը վկայի ցուցմունքներում էական հակասություններ տեսնելով միջնորդեց դատարանին հրապարակել նախաքննական մարմնին տված վկայի ցուցմունքը: Էդուարդ Վարժապետյանի և Ռուբեն Մնացականյանի առերեսման ժամանակ պարզվել է, որ ոչ թե կենսաթոշակների կրկնակի վճարումներ է եղել, այլև թաղման նպաստների կրկնակի վճարներ:
Այսօրվա նիստում հարցաքննվել է դատակոչված 2 վկա, 1 վկա էլ գրություն էր ուղարկել դատարանին, առ այն, որ աշխատանքային ծանրաբեռնվածության պատճառով չի կարող ներկայանալ դատարան և խնդրել հիմք ընդունել նախաքննական մարմնի տված իր ցուցմունքը և հրապարակել:
Դատարանը նախորդ նիստին իր դիրքորոշումը հայտնել էր այդ մասին, որ աշխատանքային ծանրաբեռնվածությունը չի կարող դատարան չներկայանալու հիմք հանդիսանալ:
Դատարանի կողմից մեկ այլ վկայի դատարան ներկայանալու ծանուցմանն էլ, որպես պատասխան եկել էր փոստատարի գրությունը, որ վկան մահացել է և որոշում է կայացվել ընթերցել վկայի նախաքննական մարմնին տված ցուցմունքը, որտեղ վկան նշել էր, ինքը երկար ժամանակ բացակայել է Հայաստանից և այդ ընթացքում ոչ ոքի չի լիազորել իր կենսաթոշակը ստանալ:
Դատավոր Մխիթար Պապոյանը տեղեկացրել է նաև, որ սեպտեմբերի 12-ին վկա Ռուբիկ Մնացականյանին հարցաքննելու համար գրությունն ուղարկվել է Արթիկի մեկուսարան, որտեղ և գտնվում է վկան:
Հարցաքննված վկաների թիվը մոտենում է 100-ին, հաջորդ՝ սեպտեմբերի 5-ին կայանալիք նիստում կշարունակվի վկաների հարցաքննությունը:
-
-
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
18.05.2024 | 01:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին -
14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատրյանը՝ Արսեն Թորոսյանին -
17.05.2024 | 01:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ) -
16.05.2024 | 12:10
Գործողությունները լինելու են կետային, թիրախային. Բագրատ Սրբազան -
16.05.2024 | 01:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.