04.05.2024 | 15:10
Եթե իշխանությունը շարունակի ազգակործան քաղաքականությունը, Սփյուռքը ստիպված է ավե...04.05.2024 | 14:10
Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույ...04.05.2024 | 13:10
Կրեմլը «վտանգավոր» է որակել Մակրոնի և Քեմերոնի հայտարարությունները...04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան...04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով...03.05.2024 | 14:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան...03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդ...03.05.2024 | 11:10
Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան...02.05.2024 | 15:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին...02.05.2024 | 14:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիք...02.05.2024 | 13:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկու...02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը...02.05.2024 | 11:10
Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ը...01.05.2024 | 15:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգ...01.05.2024 | 14:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակու...01.05.2024 | 13:10
Ճշմարտության և ներքին առողջացման շարժումը թակելու է նաև «մեծարգո»-ի սպասարկման հ...01.05.2024 | 12:13
Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել...01.05.2024 | 11:10
Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի...23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...Հոկտեմբերի 26-ին, ժամը 01.30-ին, հիվանդանոցից ոստիկանության Շենգավիթի բաժնում հաղորդում էր ստացվել, որ շտապօգնության խումբը Նորագավիթի 4-րդ փողոցի թիվ 49/1 տան մոտից՝ «ազդրերի, գոտկատեղի և աճուկային շրջանի ծակած-կտրած վերք» ախտորոշմամբ բուժօգնության է տեղափոխել 1990 թ. ծնված Անդրանիկ Գ.-ին, «որովայնի, վերին և ստորին վերջույթների ծակած-կտրած վերքեր» ախտորոշմամբ` 1991 թ. ծնված Արթուր Գ.-ին, «ազդրերի ծակած-կտրած վերքեր» ախտորոշմամբ` 1994 թ. ծնված Դավիթ Ա.-ին:
Ըստ բժշկի տեղեկանքի՝ վերջիններս ի վիճակի չեն եղել հաղորդում տալու:
Ոստիկանության ծառայողների ձեռնարկած օպերատիվ-համալիր միջոցառումների շնորհիվ պարզվել է, որ նույն օրը, ժամը 00.30-ին, Նորագավիթի 4-րդ փողոցի թիվ 49/1 տան մոտ, վիճաբանության ժամանակ, վերջիններիս նշված վնասվածքները պատճառել են 1997 թ. ծնված Նարեկ Հ.-ն և 1993 թ. ծնված Գևորգ Հ.-ն:
Հոկտեմբերի 26-ին, ժամը 23.50-ին, Գևորգ Հ.-ն ներկայացել է բաժին և տվել ցուցմունք:
Ձեռնարկվում են միջոցառումներ Նարեկ Հ.-ին հայտնաբերելու ուղղությամբ:
Կատարվում է նախաքննություն:
ՀՈԴՎԱԾ 1. «Վարչական իրավախախտումների վերաբերյալ» Հայաստանի Հանրապետության 1986 թվականի հունվարի 6-ի օրենսգրքի (այսուհետ` օրենսգիրք) 123.4-րդ հոդվածի`
1) վերնագիրը շարադրել հետևյալ խմբագրությամբ. «ՀՈԴՎԱԾ 1234. Սահմանված կարգով չհաշվառված (չվերահաշվառված) տրանսպորտային միջոց վարելը, տրանսպորտային միջոցի նկատմամբ այլ երկրում ծագած սեփականության իրավունքը սահմանված ժամկետում գրանցման չներկայացնելը».
2) 2-րդ մասը ճանաչել ուժը կորցրած:
ՀՈԴՎԱԾ 2. Օրենսգրիքը լրացնել 123.8-րդ հոդվածով` հետևյալ բովանդակությամբ.
«ՀՈԴՎԱԾ 123.8. Հայաստանի Հանրապետության տարածքում հաշվառված տրանսպորտային միջոցը տեխնիկական զննություն անցկացնելու համար պետական տուրքը չվճարելը, առանց տվյալ տրանսպորտային միջոցը տեխնիկական զննություն անցկացնելու համար պետական տուրք վճարելու վարելը
1. Հայաստանի Հանրապետության տարածքում հաշվառված տրանսպորտային միջոցը տեխնիկական զննություն անցկացնելու համար պետական տուրքը չվճարելը, սեփականատիրոջ կամ այդպիսի պարտավորություն ունեցող ցանկացած այլ անձի կողմից, որը տևել է ավելի քան երեսուն օր`
առաջացնում է տուգանքի նշանակում յուրաքանչյուր երեսուն օրվա համար` սահմանված նվազագույն աշխատավարձի հնգապատիկի չափով, սակայն յուրաքանչյուր տարվա համար` ոչ ավելի, քան սահմանված նվազագույն աշխատավարձի քառասնապատիկի չափով:
2. Առանց տեխնիկական զննություն անցկացնելու համար պետական տուրքի վճարման` Հայաստանի Հանրապետության տարածքում ընդհանուր օգտագործման ավտոմոբիլային ճանապարհներով տրանսպորտային միջոցը վարելը՝
առաջացնում է տուգանքի նշանակում՝ սահմանված նվազագույն աշխատավարձի քսանապատիկի չափով:»:
ՀՈԴՎԱԾ 3. Օրենսգրքի 224-րդ հոդվածի 1-ին մասում «123.6-123.7» բառերը փոխարինել «123.6-123.8» բառերով:
ՀՈԴՎԱԾ 4. Սույն օրենքն ուժի մեջ է մտնում 2015 թվականի հունվարի 8-ից։
ՀՈԴՎԱԾ 1. «Պետական տուրքի մասին» Հայաստանի Հանրապետության 1997 թվականի դեկտեմբերի 27-ի օրենքի (այսուհետ` օրենք) 16-րդ հոդվածի`
1) 28-րդ կետը ճանաչել ուժը կորցրած.
2) 28.1-րդ մասի «Լիցենզառուներին տրանսպորտային միջոցների պարտադիր տեխնիկական զննության համապատասխան նմուշի փաստաթուղթ տրամադրելու համար» բառերը փոխարինել «տրանսպորտային միջոցների պարտադիր տեխնիկական զննություն իրականացնելու համար» բառերով:
ՀՈԴՎԱԾ 2. Սույն օրենքն ուժի մեջ է մտնում 2015 թվականի հունվարի 8-ից։
ՀՈԴՎԱԾ 1. «Ճանապարհային երթևեկության անվտանգության ապահովման մասին» Հայաստանի Հանրապետության 2005 թվականի հուլիսի 8-ի ՀՕ-166-Ն օրենքի (այսուհետ` օրենք) 9-րդ հոդվածի առաջին մասի «թ.» պարբերությունը ճանաչել ուժը կորցրած:
ՀՈԴՎԱԾ 2. Օրենքի 15-րդ հոդվածի`
1) 1-ին մասը լրացնել հետևյալ բառերով «որը յուրաքանչյուր դեպքում իրականացվում է միայն տեխնիկական զննություն իրականացնելու` այդ թվում նաև տեղեկատվական համակարգ ստեղծելու համար գանձվող պետական տուրքի վճարումը հավաստող փաստաթղթի հիման վրա».
2) 2-րդ մասի 2-րդ պարբերությունում «, որը պետք է փակցվի տեխնիկական զննության կտրոնի համար նախատեսված տեղում» բառերը հանել.
3) 3-րդ մասի վերջին պարբերությունը շարադրել հետևյալ խմբագրությամբ.
«Տրանսպորտային միջոցը սույն մասի պահանջին համապատասխանող տարում տեխնիկական զննություն անցկացնելու պետական տուրքը պետք է վճարվի մինչև նախորդ վճարման օրացուցային օրը:».
4) 6-րդ և 7-րդ մասերը ճանաչել ուժը կորցրած:
ՀՈԴՎԱԾ 3. Օրենքի 18-րդ հոդվածի 1-ին մասի «ժա» կետից հանել «, կամ սահմանված կարգով փակցված չէ տվյալ տարվա տեխնիկական զննության կամ հաշվառման կտրոնը» բառերը:
ՀՈԴՎԱԾ 4. Օրենքի 18.2-րդ հոդվածի 1-ին մասից հանել «, բացառությամբ այն դեպքի, երբ տեխնիկական զննության կամ հաշվառման կտրոնը գտնվում է վարորդի մոտ:» բառերը:
ՀՈԴՎԱԾ 5. Օրենքը լրացնել 7.1-րդ գլխով` հետևյալ բովանդակությամբ.
«ԳԼՈՒԽ 7.1
Տեղեկատվական համակարգը, տեղեկատվական համակարգի հիման վրա հայտնաբերված տեխնիկական զննություն անցնելու պահանջի խախտման գործերով իրականացվող վարչական վարույթի առանձնահատկությունները
ՀՈԴՎԱԾ 32.1. Տեղեկատվական համակարգը
1. Հայաստանի Հանրապետության ոստիկանության կազմում գործում է տեղեկատվական համակարգ, որը տեխնիկական զննություն անցնելու համար պետական տուրքը վճարած լինելու փաստի արձանագրումը երաշխավորելու համար ապահովում է անհրաժեշտ տեղեկատվության հավաքագրումը և դրա մատչելիությունը տեղեկատվական համակարգից օգտվողների համար: Տեղեկատվական համակարգը տեղեկություններ է պարունակում տեխնիկական զննություն անցնելու համար պետական տուրքը վճարած անձանց և նրանց սեփականության կամ այլ իրավունքով պատկանող տրանսպորտային միջոցների վերաբերյալ, ինչպես նաև հավաքագրում է օրենքով և իրավական այլ ակտերով սահմանված այլ տեղեկություններ:
2. Տեղեկատվական համակարգից օգտվելու իրավունք ունեն ոստիկանությունը, ֆինանսների բնագավառում Հայաստանի Հանրապետության կառավարության լիազոր պետական կառավարման մարմինը, ինչպես նաև պետական այլ մարմինները` սույն հոդվածի 1-ին մասով նշված տեղեկատվության իրենց առնչվող մասով:
3. Տեղեկատվական համակարգը ձևավորվում է ոստիկանությունում տրանսպորտային միջոցների սեփականատերերի և օգտագործման իրավունք ունեցող անձանց և համապատասխան տրանսպորտային միջոցների վերաբերյալ առկա և տեխնիկական զննություն անցնելու համար պետական տուրքը վճարած լինելու վերաբերյալ ֆինանսների բնագավառում Հայաստանի Հանրապետության կառավարության լիազոր պետական կառավարման մարմնում առկա տեղեկատվության հիման վրա:
4. Ոստիկանությունը երաշխավորում է տեղեկատվական համակարգ մուտքագրվող և պահպանվող տեղեկությունների ամբողջականությունը: Հավաքագրված տեղեկությունները ոստիկանությունը պարտավոր է պահպանել առնվազն տասնհինգ տարի:
ՀՈԴՎԱԾ 32.2. Տեխնիկական զննություն անցնելու համար պետական տուրքը չվճարելու դեպքում Հայաստանի Հանրապետության ոստիկանության լիազորությունները
1. Ոստիկանությունը տեղեկատվական համակարգում մուտքագրված տեղեկությունների հիման վրա միջոցառումներ է ձեռնարկում այն տրանսպորտային միջոցների հայտնաբերման և օրենքով նախատեսված դեպքերում պատասխանատվության միջոցի կիրառման ուղղությամբ, որոնք հաշվառված են Հայաստանի Հանրապետության տարածքում կամ երթևեկում են Հայաստանի Հանրապետության ընդհանուր օգտագործման ավտոմոբիլային ճանապարհներով` առանց սահմանված կարգով տեխնիկական զննություն անցնելու համար պետական տուրքը վճարելու:
ՀՈԴՎԱԾ 32.3. Տեղեկատվական համակարգի հիման վրա հայտնաբերված տեխնիկական զննություն անցնելու պահանջի խախտման գործերով իրականացվող վարչական վարույթի առանձնահատկությունները
1. Վարչական իրավախախտումների վերաբերյալ Հայաստանի Հանրապետության օրենսգրքի 123.8-րդ հոդվածի 1-ին մասով նախատեսված իրավախախտումների գծով վարչական վարույթն իրականացվում է Վարչական իրավախախտումների վերաբերյալ Հայաստանի Հանրապետության օրենսգրքով սահմանված կարգով, եթե այլ կարգավորում նախատեսված չէ սույն հոդվածով:
2. Սույն հոդվածի 1-ին մասով նախատեսված գործերով վարչական վարույթը բաղկացած է իրավախախտման հատկանիշների պարզման և վարչական ակտի ընդունման փուլերից:
3. Իրավախախտման հատկանիշների պարզման փուլում իրավախախտումը հիմնավորող ապացույցը տեղեկատվական համակարգից ստացված տեղեկությունն է` տվյալ ժամանակահատվածում տրանսպորտային միջոցը տեխնիկական զննության ենթարկելու համար պետական տուրքի չվճարումը, և տրանսպորտային միջոցների սեփականության իրավունքի պետական գրանցման և պետական հաշվառման (վերահաշվառման) շտեմարանում առկա տեղեկատվությունը` տրանսպորտային միջոցը հաշվառված լինելու մասին:
4. Սույն հոդվածի 3-րդ մասով նախատեսված ապացույցները պահպանվում և վարչական ակտի հասցեատիրոջն են տրամադրվում «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» Հայաստանի Հանրապետության օրենքով սահմանված կարգով:
5. Իրավախախտման հատկանիշների պարզման փուլում վարույթ իրականացնող վարչական մարմինը համադրում է տեղեկատվական համակարգից ստացված տեղեկությունները և իր տվյալների բազայում առկա տվյալներն ու վեր հանում իրավախախտման հատկանիշների առկայությունը կամ բացակայությունը:
6. Սույն հոդվածով նախատեսված վարչական վարույթի շրջանակներում արձանագրություն չի կազմվում, իսկ իրավախախտման հատկանիշները հայտնաբերվում, վարչական ակտն ընդունվում և վարչական ակտի հասցեատիրոջն է հանձնվում, ինչպես նաև վարչական ակտի հասցեատիրոջ կողմից վարչական ակտը կատարվում է «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» Հայաստանի Հանրապետության օրենքով սահմանված կարգով և ժամկետներում` հաշվի առնելով սույն հոդվածով նախատեսված վարչական վարույթի առանձնահատկությունները:
7. Տեխնիկական զննություն անցնելու համար պետական տուրքը վճարած լինելու դեպքում վարչական ակտի հասցեատերն իրավունք ունի չվճարելու կամ պակաս վճարելու նշանակված տուգանքը, եթե վարչական ակտն ուժի մեջ մտնելուց հետո` 30-օրյա ժամկետում, ճանապարհային երթևեկության անվտանգության ապահովման համար պատասխանատու պետական կառավարման լիազոր մարմին է ներկայացվում մինչև ենթադրյալ իրավախախտման օրը տեխնիկական զննություն անցնելու համար պետական տուրքի վճարումը հավաստող փաստաթուղթ:
8. Սույն հոդվածով սահմանված կարգը չի տարածվում այն դեպքերի վրա, երբ Վարչական իրավախախտումների վերաբերյալ Հայաստանի Հանրապետության օրենսգրքի 123.8-րդ հոդվածի 1-ին մասով նախատեսված իրավախախտումը հայտնաբերվել է ճանապարհային երթևեկության անվտանգության ապահովման համար պատասխանատու պետական կառավարման լիազոր մարմնի աշխատակցի համապատասխան ավտոտրանսպորտային միջոցը օրենքով սահմանված կարգով կանգնեցվելու միջոցով` անկախ խախտումը նաև տեղեկատվական համակարգից ստացված տեղեկությունների հիման վրա հայտնաբերված լինելու հանգամանքից:»:
ՀՈԴՎԱԾ 4. Սույն օրենքն ուժի մեջ է մտնում 2015 թվականի հունվարի 8-ից։
2014թ. հոկտեմբերի 27-ին` ժամը 18:25-ին, շտապօգնության 7-րդ ենթակայանից ահազանգ է ստացվել, որ շտապօգնության 71-րդ բրիգադը կանչով մեկնել է Երևան քաղաքի Անդրանիկի փողոցի 13-րդ շենքի 9-րդ բնակարան, որտեղ պարզվել է, որ նշված տանը սպանվել է Մելանյա Պողոսյանը:
Դեպքի առթիվ նույն օրը ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է քրեական գործ` ՀՀ քրեական օրենսգրքի 104-րդ հոդվածի 1-ին մասի հատկանիշներով:
Նախաքննության ընթացքում պարզվել է, որ դեպքի օրը՝ կենցաղային հարցերի շուրջ ամուսիններ Մ.Պողոսյանի և Ա.Մնացականյանի միջև ծագած վիճաբանության ժամանակ, վերջինս ծալովի դանակով, կյանքից զրկելու դիտավորությամբ, բազմաթիվ հարվածներ է հասցրել Մելանյա Պողոսյանի մարմնի տարբեր մասերին` զրկելով նրան կյանքից:
Առերևույթ հանցագործություն կատարելու կասկածանքով հոկտեմբերի 27-ին Ազատ Մնացականյանը ձերբակալվել է:
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ քննչական կոմիտեի տեղեկատվության և
հասարակայնության հետ կապերի բաժին
Օմբուդսմեն Կարեն Անդրեասյանը գրություն է ուղարկել Ազգային ժողովի խմբակցությունների ղեկավարներին` տնտեսվարողների դժգոհությունն առաջացրած, շրջանառության հարկի օրենքում կատարված փոփոխությունների վերաբերյալ: Օմբուդսմենն առաջարկել է առևտրականների համար սահմանել շրջանառության հարկով աշխատելու երկու տարբերակ:
Հիշեցնենք, որ ավելի վաղ մի խումբ առևտրականներ դիմում-բողոք էին ներկայացրել Մարդու իրավունքների պաշտպանին օրենքում կատարված փոփոխությունների վերաբերյալ: Այնուհետև Պաշտպանի` սոցիալ-տնտեսական իրավունքների հարցերով տեղակալն աշխատանքային քննարկում էր կազմակերպել առևտրականների հետ՝ վերջիններիս մտահոգություններին ծանոթանալու և խնդրի լուծման տարբերակներ մշակելու նպատակով:
Օրենքով նախատեսված փաստաթղթավորման պահանջը հատկապես լուրջ դժվարություններ է ստեղծում շրջանառության փոքր ծավալ ունեցող առևտրականների համար: Ուստի, Օմբուդսմենն առաջարկում է շրջանառության հարկ վճարողներին բաժանել երկու խմբի՝ մինչև 20 մլն և 20-ից 58.35 մլն դրամ շրջանառություն ունեցողների: Ըստ դրա` առաջին խմբի առևտրականներին հնարավորություն տալ ընտրելու` աշխատել ապրանքների պարտադիր փաստաթղթավորմամբ՝ վճարելով 1 տոկոս շրջանառության հարկ, կամ աշխատել առանց պարտադիր փաստաթղթավորման՝ վճարելով 3.5 տոկոս շրջանառության հարկ:
Օմբուդսմենը անթույլատրելի է համարում փոքր բիզնեսով զբաղվող առևտրականների գործունեության պայմանների վատթարացումը և լիահույս է, որ փաստաթղթավորման և հարկի չափի ընտրության հնարավորություն ստանալու դեպքում նրանք կազատվեն վարչարարական քաշքշուկից, ինչպես նաև կկարողանան պահպանել իրենց բիզնեսը:
Ոստիկանության Հրազդանի բաժնում հաղորդում էր ստացվել, որ գիշերը պատուհանը բացելով՝ մտել են Հրազդան քաղաքի Միկրոշրջան թաղամասում գործող խանութ և գողացել դյուրակիր 5 համակարգիչ` պատճառելով 1.240.000 դրամի վնաս:
Ոստիկանության Հրազդանի և Սևանի բաժնի ծառայողների ձեռնարկած միջոցառումների արդյունքում պարզվել է, որ գողությունը կատարել է 1982 թ. ծնված Արգամ Գ.-ն:
Գողոնը մասամբ առգրավված է:
Արգամ Գ.-ն ձերբակալված է:
Նախաքննությունը շարունակվում է:
Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Արշակ Վարդանյանի նախագահությամբ, շարունակվում է դատական կարգադրիչների գործով դատական քննությունը:
Այս նիստին հարցաքննվեց գործով վկա Հայկանուշ Արիկյանցը, որը ամբաստանյալ Բագրատ Արիկյանցի աղջիկն է: Նրա խոսքով` հայրը խնդրել է իր սոցիալական քարտը, սակայն ինքը չի հարցրել, թե ինչի համար: Երբ 2013թ. օգոստոսին իրեն որպես վկա են կանչել, նոր իմացել է, որ հայրը, աղջկա շահերից ելնելով, ձևակերպել է նրան ՝որպես պետական կարգադրիչ:
Գործով անցնող մյուս վկա Էլյա Ասլանյանը պատմեց, որ առաջին անգամ աշխատանք ստանալու նպատակով դիմել է ծառայություն և իրեն կադրերի բաժնից կանչել են ու ասել, որ Աբովյանում կարող է գործի անցնել: Սակայն Էլյա Ասլանյանը հրաժարվել է, որովհետև վերջինիս հարմար չի եղել տեղի առումով: Նրան ասել են, որ կարող են ձևակերպել որպես կարգադրիչ, իսկ երբ երևանում աշխատատեղ բացվի իրեն կկանչեն ու չեն կանչել.
<<Ժամանակ անց ես եմ զանգահարել ու ասել, որ երեխայի եմ սպասում և ինձ ֆիզարձակուրդ են ձևակերպել:Իսկ աշխատավարձ չեմ ստացել>>,- պատմեց վկան:
Գործով մյուս վկան Կարեն Միքայելյանն էր, որի խոսքով` ինքը դիմել է Շիրակի մարզի դատարան, իրեն ասել են գնա Երևանի վարչություն:
<<Կոմիտասով բարձրանում ես, էդտեղա>>,- իրեն առաջադրված հարցին, թե որտեղ է այդ վարչությունը, ասյպես պատասխանեց վկան: Կարեն Միքայելյանը պատմեց նաև, որ մեկ ու կես տարի անց զանգահարել են իրեն և ասել, որ աշխատանքի է ընդունվել: Երկու ամիս աշխատել է 50.000 դր. աշխատավարձով, բայց քանի որ աշխատավարձը չի բավականացրել դուրս է եկել: Նա շեշտեց, որ գործերը տվել է և միայն մեկ ու կես տարի հետո է իմացել, որ աշխատող է:
Մյուս վկա` Արման Կարապետյանի ցուցմունքում կողմերը հակասություններ նկատեցին, այդ պատճառով հրապարակվեց վկայի նախաքննական ցուցմունքը: Վկան խնդրեց, որ հիմք ընդունեն իր նախաքննական ցուցմունքը:
Մյուս վկա Ռաֆայել Սաֆարյանի ցուցմունքում էլ հակասություններ կային` կապված աշխատավարձի ստացման, աշխատանքային ստաժի և Գեղամ Գրիգորյանի զրույցի: Վկան
դատարանում չնշեց, որ զրույցի ընթացքում Գեղամ Գրիգորյանն իրեն ասել էր, թե աշխատավարձ չի ստանա, սակայն աշխատանքային ստաժը կհոսի և ինքն էլ համաձայվել է, այնինչ նախաքննական ցուցմուքնում այդպես էր ասել:
Գործով հարցաքննվեցիչն նաև Լիլիթ Վարդանյանն ու Հայկ Խուդոյանը:
Դատաքննությունը շարունակվում է…
Հիշեցնենք, որ ՀՀ դատական դեպարտամենտի դատական կարգադրիչների ծառայության մի շարք աշխատակիցներ մեղադրվում են պաշտոնեական դիրքը չարաշահելու, պաշտոնեական կեղծիքներ և խարդախության եղանակով առանձնապես խոշոր չափերի գույքի հափշտակություն կատարելու մեջ:
ՀՀ դատախազությունը՝ հետաքննության եւ նախաքննության օրինականության նկատմամբ հսկողություն իրականացնելու գործառույթի իրականացման արդյունքում ՀՀ քննչական կոմիտեի Շենգավիթ և Մալաթիա-Սեբաստիա վարչական շրջանների քննչական բաժիններում քննվող գործերի նախաքննության ընթացքում արձանագրել է մի շարք չարաշահումներ: Այս մասին հաղորդում է ՀՀ դատախազության լրատվական ծառայությունը:
ՀՀ գլխավոր դատախազության հատկապես կարևոր գործերով քննության վարչության դատախազների որոշումներով ՀՀ քննչական կոմիտեի Շենգավիթ վարչական շրջանի քննչական բաժնի պետի, նույն բաժնի քննիչի, ՀՀ քննչական կոմիտեի Մալաթիա-Սեբաստիա վարչական շրջանի քննչական բաժնի ավագ քննիչի կողմից իրենց վարույթում գտնվող քրեական գործերի նախաքննության ընթացքում պաշտոնեական լիազորությունները չարաշահելու դեպքերի առթիվ ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցվել են քրեական գործեր:
Հարուցված քրեական գործերն ուղարկվել են ՀՔԾ՝ նախաքննություն կատարելու համար:
Հոկտեմբերի 24-ին, ժամը 13.15-ին, հիվանդանոցից ոստիկանության Թումանյանի բաժնում հաղորդում էր ստացվել, որ պատռված վերքով իրենց մոտ է տեղափոխվել Հունաստանի քաղաքացի, 1981 թ. ծնված Վահե Ա.-ն և հայտնել է, որ վնասվածքը ստացել է փողոցում վայր ընկնելու հետևանքով:
Ոստիկանները պարզել են, որ հոկտեմբերի 24-ին, ժամը 13.00-ի սահմաններում, Ալավերդի քաղաքի Ջրավազանի փողոցում Վահե Ա.-ն վիճաբանել է աներոջ՝ 1956 թ. ծնված Արտավազդ Չ.-ի հետ, ձեռքերով հարվածներ հասցրել նրան: Այդ ընթացքում էլ կնոջ հայրը դանակով հարվածել է Վահե Ա.-ին:
Նշանակվել է դատաբժշկական փորձաքննություն:
Արտավազդ Չ.-ն ստորագրությամբ բաց է թողնվել:
Նյութերով զբաղվում է Թումանյանի քննչական բաժինը:
-
-
02.05.2024 | 01:10
Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն -
04.05.2024 | 12:10
ՀՀ-ում ոչ մի ՄԻՊ այսքան սիրված չի եղել իշխանության կողմից․ Իրավապաշտպան -
01.05.2024 | 03:10
Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա -
03.05.2024 | 02:10
Գործող ռեժիմն ընդամենը սգո ծառայություններ է մատուցում. Ստեփան Դանիելյան -
02.05.2024 | 12:10
Պահի հրամայականն է կասեցնել Տավուշում սահմանագծման անօրինական գործընթացը -
02.05.2024 | 02:10
«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին -
02.05.2024 | 03:10
Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը -
01.05.2024 | 02:10
Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով -
03.05.2024 | 12:10
ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին -
04.05.2024 | 11:10
ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով տեղյակ ենք՝ Հայաստանը որևէ նոր քայլ չի ձեռնարկել
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.