ՊԲ օպերատիվ տվյալների համաձայն, մարտի 29-ից ապրիլի 4-ն ընկած ժամանակահատվածում ղարաբաղա-ադրբեջանական հակամարտ զորքերի  շփման գծում հակառակորդի կողմից հրադադարի պահպանման ռեժիմը խախտվել է շուրջ 700 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների  ուղղությամբ արձակվել է ավելի քան 14000 կրակոց:

Բացի հրադադարի ռեժիմի վերոնշյալ խախտումներից, ապրիլի 3-ին` ժամը 04:40-ին, շփման գծի հարավային ուղղությամբ հակառակորդը, օգտագործելով հակահետևակային ականազերծման կայանք, հերթական անգամ ձեռնարկել է դիվերսիոն-հետախուզական ներթափանցման գործողություն

Մեր դիրքապահների հմուտ գործողությունների շնորհիվ հակառակորդը կորուստներ կրելով հետ է շպրտվել իր ելման դիրքերը:

ՊԲ առաջապահ զորամասերը վերահսկում են պետական սահմանը և շարունակում վստահորեն իրականացնել մարտական հերթապահություն:

ԼՂՀ ՊՆ մամուլի ծառայություն

ՀՀ հյուսիսարևելյան ուղղությամբ տեղակայված N զորամասի պահպանության տեղամասի մարտական դիրքում, ըստ նախնական տվյալների, հակառակորդի կողմից արձակած կրակոցներից ստացած հրազենային մարմնական վնասվածքների արդյունքում զոհվել է ավագ ենթասպա, 1972թ. ծնված Հայկ Սարգսի Քեշիշօղլյանը:

Դեպքի առթիվ ՀՀ ՔԿ զինվորական քննչական գլխավոր վարչությունում հարուցվել է քրեական գործ ՀՀ քրեական օրենսգրքի 104-րդ հոդվածի 2-րդ մասի 7-րդ և 13-րդ կետերով, կատարվում է նախաքննություն:

ՀՀ հատուկ քննչական ծառայությունում քննվող քրեական գործով ՀՀ քննչական կոմիտեի մարզային ստորաբաժանման հատկապես կարևոր գործերի ավագ քննիչ Արմեն Ս.-ին ՀՀ քրեական օրենսգրքի 311-րդ հոդվածի 3-րդ մասի 3-րդ կետով մեղադրանք է առաջադրվել այն բանի համար, որ նա, 2014թ. ապրիլի վերջին զբաղեցնելով ՀՀ ոստիկանության նախկին ՔԳՎ մարզային քննչական բաժնի ՀԿԳ ավագ քննիչի պաշտոնը, իր վարույթում քննվող քրեական գործով  նախաքննությունն իրականացնելիս կասկածյալներ Կարապետ Մ.-ի և Ռոբերտ Մ.-ի օգտին իր լիազորությունների շրջանակում գործողություն կատարելու, այն է՝ նրանց չկալանավորելու, այլ ստորագրությունը որպես խափանման միջոց ընտրելու համար վերջիններիս ընկերոջ հոր՝ Պետրոս Ս.-ի միջոցով նրանց ծնողներից՝ Սամվել Մ.-ից և Մերուժան Պ.-ից, 2014թ. ապրիլի 22-ին պահանջել է խոշոր չափերով՝ 826 հազ. ՀՀ դրամին համարժեք 2 հազ. ԱՄՆ դոլար կաշառք, որի մի մասը վերջիններիցս ստացել է:

ՀՀ հատուկ քննչական ծառայությունում քննվող քրեական գործով ՀՀ քրեական օրենսգրքի 38-312-րդ հոդվածի 2-րդ մասով մեղադրանք է առաջադրվել նաև քաղաքացի Պետրոս Ս.-ին այն բանի համար, որ նա  քաղաքացիներ Սամվել Մ.-ին և Մերուժան Պ.-ին դրդել է պաշտոնատար անձ հանդիսացող, ՀԿԳ ավագ քննիչ Արմեն Ս.-ին տալ խոշոր չափերով՝ 2 հազ. ԱՄՆ դոլար կաշառք:

ՀՀ քննչական կոմիտեի մարզային ստորաբաժանման հատկապես կարևոր գործերի ավագ քննիչ Արմեն Ս.-ի և քաղաքացի Պետրոս Ս.-ի նկատմամբ որպես խափանման միջոց ընտրվել է կալանավորումը:

Նախաքննությունը շարունակվում է:

ՀՀ հատուկ քննչական ծառայությունում քննվող քրեական գործի նախաքննության ընթացքում ՍՊ ընկերության տնօրեն Սեյրան Կ.-ն հայտնել է, որ ՍՊ ընկերության վարկային պարտավորությունների կատարումն ապահովելու նպատակով բանկում գրավադրված անշարժ գույքերն աճուրդի եղանակով օտարելու գործընթացը երկարաձգելու և այդ կերպ` գրավադրված գույքը ձեռք բերելու հնարավորություն ընձեռելու դիմաց ՍՊԸ-ի սնանկության գործով կառավարիչը 2014 թվականի հոկտեմբերի 7-ին իրենից պահանջել է 10 հազ. ԱՄՆ դոլար կաշառք: Բացի այդ, ՍՊ ընկերության հաշվապահական փաստաթղթերում առկա որոշակի խնդրով պայմանավորված` սնանկության գործով կառավարիչն իրենից նաև 2 հազ. ԱՄՆ դոլար կաշառք է պահանջել:

Պետական հատուկ ծառայություն իրականացնող պաշտոնատար անձի` Լոռու մարզի ընդհանուր իրավասության դատարանի դատավոր Խաչատուր Խաչատրյանի նկատմամբ հարուցված և նախաքննությունն ավարտված քրեական գործի նյութերով ՀՀ հատուկ քննչական ծառայությունում ՀՀ քրեական օրենսգրքի 200-րդ հոդվածի 3-րդ մասով հարուցվել է նոր  քրեական գործ:

Կատարվում է նախաքննություն:

ՀՀ քննչական կոմիտեի ՀԿԳ քննության գլխավոր վարչությունում շարունակվում է Գյումրիում Ավետիսյանների ընտանիքի անդամների սպանության դեպքի առթիվ հարուցված քրեական գործի նախաքննությունը, որի շրջանակներում ստացվել են նշանակված դատաբժշկական փորձաքննությունների եզրակացությունները։

ՀՀ Քննչական կոմիտեից հայտնում են, որ հաշվի առնելով նշված քրեական գործի նկատմամբ ձեւավորված հասարակական մեծ հետաքրքրությունը ՝ տեղեկացնում ենք, որ եզրակացությունների համաձայն՝ տուժողներից 6-ը մահացել են հրազենից ստացված, իսկ մանկահասակ տղա երեխան՝ կտրող-ծակող գործիքով պատճառված մարմնական վնասվածքների հետեւանքով։

Նախաքննությունը շարունակվում է:

ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական բաժնում շարունակվում է Հակոբ Կոջոյանի բրոնզե կիսանդրու գողության դեպքի առթիվ հարուցված քրեական գործի նախաքննությունը:

Նախաքննությամբ ձեռնարկված միջոցառումների արդյունքում պարզվել է Կոջոյանի կիսանդրին գողացած անձի ինքնությունը, ով, ձեռք բերված ապացույցների համաձայն,  միաժամանակ  փորձել է գողանալ նաեւ Արա Սարգսյանի կիսանդրին։

Նախաքննությամբ  պարզվել է, որ քաղաքացի Ա.Աղանիկյանը 2015  հունվարի սկզբներին գնացել է Երևան քաղաքի Պուշկինի փողոց, իր հետ նախապես վերցրած մետաղյա առարկայով՝   Հակոբ Կոջոյանի բրոնզե կիսանդրին անջատել է պատվանդանից եւ տեղավորել պարկի մեջ՜ ապա փորձել է պոկել   նաեւ Ա.Սարգսյանի բրոնզե կիսանդրին։  Նկատելով մոտեցող մարդկանց՝ չի կարողացել հանցագործությունն ավարտին հասցնել եւ, վերցնելով միայն Հ.Կոջոյանի կիսանդրին, հեռացել է։

Քրեական գործով նշանակված դատահետքաբանական փորձաքննության եզրակացության համաձայն՝  Ա.Սարգսյանի բրոնզե քանդակի եւ պատվանդանի վրա առկա են հետքեր եւ վնասվածքներ, որոնք մեխանիկական բնույթի են եւ կարող են առաջանալ օտար, պինդ մարմնի ներգործության արդյունքում։

Նախաքննությամբ  պարզվել է նույն անձի կողմից նախկինում կատարված գողության մեկ այլ դրվագ եւս. բավարար ապացույցներ են ձեռք բերվել, որ նա 2014 թվականի գարնանը  Երեւանի մի բնակչի խորդանոցից հափշտակել է միկրոսխեմաներ եւ գունավոր մետաղներ։

Ձեռք բերված ապացույցների համակցությամբ՝ Ա.Աղանիկյանին մեղադրանք է առաջադրվել  ՀՀ քրեական օրենսգրքի 34-177-րդ հոդվածի 2-րդ մասի 2-րդ կետով եւ  177-րդ հոդվածի 2-րդ մասի 3-րդ կետով:

Նախաքննությունը շարունակվում է, միջոցներ են ձեռնարկվում դեպքի հանգամանքների բազմակողմանի և լրիվ հետազոտումն ապահովելու ուղղությամբ։

Անժելա Սարգսյանի լուսանկարները տարածած Կարեն Արայանն այսօր` ապրիլի 3-ին, «Նուբարաշեն» ՔԿՀ-ից ազատ կարձակվի: Նա ձերբակալվել էր 2011թ. հոկտեմբերի 5-ին, դատապարտվել ազատազրկման 3 տարի 6 ամիս ժամկետով: 2013թ. հայտարարված համաներումը նրա վրա չէր տարածվել, և նա պատիժը կրել է, ինչպես բերդում են ասում, «կալենդար»:

Նրա պատժի ժամկետը լրանում է ապրիլի 5-ին, բայց քանի որ այդ օրը կիրակի է, ուստի դատապարտյալն ազատ է արձակվում շաբաթվա վերջին աշխատանքային օրը:

Հրապարակ