Սկզբից սկսենք նրանից, թե ինչպես եք վարակվել։ Կտացնելով ինչոր մի բան, որը չպետք է կտացնեիք։ Օրինակ, սենց մի նամակ․

Բայց մենակ կտացնելը քիչ է։ Հայտնվելով կտացրած տեղը պետք է խուսափել երկու բանից․

ա․ Չի կարելի ոչ մի բան ներբեռնել։ Հաքերները կառաջարկեն, օրինակ, իբր թարմացնել Ֆլեշ փլեյերը, բայց դրա տեղը ձեզ վիրուս կկերակրեն, որը դուք ինքներդ կտեղադրեք ձեր համակարգչի վրա

բ․ Չի կարելի թույլ տալ տեղադրել հավելված։ Այսօրվա ֆեյսբուքի վիրուսների մեծ մասը փորձում է անել հենց հետեւյալը․ տեղադրել ձեր Google Chrome-ի վրա, որը Հայաստանում ամենատարածված դիտարկիչն է, հավելված extension։ Սրա վատը այն է, որ համակարգիչը սա որպես վիրուս չի տեսնում։ Հավելվածը տեղադրելն էլ մարդ պետք է ինքն անի` համաձայնելով նմանատիպ պատուհանի առաջարկածի հետ․

Եթե դուք երկու բանն էլ չեք արել ապա նույնիսկ կտացնելով վրուսային հղմանը, ամենայն հավանականությամբ չեք վարակվել։ Իրականում վարակվելը այնքան էլ հեշտ չէ։ Բայց բոլորս գիտենք, որ մենք ջանք չենք խնայում, որ վարակվենք։ Հիմա․

Ինչ անել, եթե արդեն վարակվել եք․

ա․ Ստուգեք ամբողջ համակարգիչը հակավիրուսային ծրագրով, որպեսզի մաքրվեք հնարավոր վիրուսներից։ Եթե չունեք անտիվիրուս, ապա ամենաներքեւում տեղադրված է անվճար ծրագրերի ցանկը․ անպայման ներբեռնեք, տեղադրեք, պահեք միշտ միացրած եւ թարմ։ Արդեն ձեր կյանքի փորձը ցույց է տվել, որ դուք պրոֆեսիոնալ վարակվող եք, այնպես որ անտիվիրուս ձեր համակարգչին պետք է․ գոնե ձեզանից պաշտպանվելու համար:

բ․ Հակավիրուսով ստուգելուց հետո մի հատ restart արեք համակարգիչը

գ․ Հիմա մաքրում ենք ֆեյսբության վիրուսների հիմնական բունը․ Google Chrome֊ի հավելվածների ֊ extension ֊ մեջ։ Տեսանյութում ներկայացված է, թե ինչպես է պետք ջնջել հավելվածը։ Դուք պետք է մտնեք եւ ջնջեք ամեն անծանոթ եւ անհասկանալի բան հավելվածների բաժնում․

դ․ Հաճախ վիրուսը արգելափակում է մուտքը դեպի հավելվածների բաժինը, որ չկարողանանք հեռացնել։ Այդ դեպքում պարզապես ջնջեք ամբողջ Գուգլ Խրոմը ձեր համակարգչից ու հետո նորից տեղադրեք։ Վիրուսը կանհետանա։

Հաշվի առեք, որ վիրուսները անընդհատ ենթարկվում են մուտացիաների, եւ, հնարավոր է` այս մեթոդn ինչ-որ դեպքերում չաշխատի:

Անվճար անտիվիրուսներ․

Avast! Free Antivirus
AVG AntiVirus FREE
AVZ
Kaspersky
Malwarebytes Anti-Malware
ClamWin
Comodo Antivirus
Panda Cloud Antivirus
360 Total Security

Քիմ Քարդաշյանին կողոպտելու մասին լուրը այսօր թիվ մեկ քննարկվող թեման է հայտնի պարբերականներում։

Դեպքին արդեն արձագանքել է համացանցը, իսկ Քիմն էլ լքել է չարաբաստիկ Փարիզը, որտեղ այս գիշեր հայուհուն կողոպտել են դիմակներ հագած հինգ չարագործներ։ Քիմից գողացել են 16 մլն եվրո արժողության թանկարժեք իրեր։

FranceInfo-ին տված հարցազրույցում նախկին ոստիկան, հիմա գրող («Գանգստերները ու Հանրապետությունը» աղմկահարույց գրքի հեղինակ), նման գործերով փորձագետ Ֆրեդերիկ Պլոկանը նշել է, որ շատ մանրամասներ կան, որոնք վկայում են այն մասին՝ կողոպուտին օգնել է ինսայդերը։

«Նման հանցագործությունը չէր կարող սիրողական մակարդակով կազմակերպվել։ Բանն այն է, որ պետք է լավատեղյակ լինել, թե ինչ է կատարվում տվյալ մարդու կյանքում։ Իհարկե, Քիմը ուժեղ խայծ է, քանի որ անընդհատ սոցցանցերի բաժանորդներին տեղեկացնում է, թե որտեղ է այդ պահին ու ինչ է անում։ Նա նաեւ անընդհատ մամուլի առաջին էջերին է, որտեղ լուսանկարների վրա երեւում է, թե ինչքան թանկարժեք իրեր է նա իր հետ բերել։

Բայց ամեն դեպքում, նա, ով արել է դա, պետք է շատ ավելին իմանար, քան մենք գիտենք համացանցից։ Անկասկած մենք գործ ունենք պրոֆեսիոնալների հետ, որոնք գիտեին աստղի յուրաքանչյուր քայլի մասին, որոնք վստահ էին, որ կկարողանան այդ գործը գլուխ բերել ուշ գիշերային ժամին Փարիզում. հիշեցնենք որ Փարիզը հիմա ահաբեկչական սպառնալիքի պատճառով կարծես թե ուժեղացված հսկողության տակ է։ Եվ ամենակարեւոր հանգամանքը, որը հուշում է, որ այս մարդիկ հաստատ պրոֆեսիոնալներ են եղել, այն է, որ նրանք վստահ են, որ կարող են իրացնել գողոնը, այսինքն արդեն գնորդ ունեն։

Նաեւ շատ տարօրինակ է, որ Քիմի անվտանգության մակարդակն այդքան թույլ է եղել։ Աստղը ժամանում է Փարիզ, որտեղ ամենուրեք շրջում է թանկարժեք զարդերով, բնակություն հաստատում ընտանիքից հեռու՝ հյուրանոցում, որը ճիշտ է նրա սիրելին է ու այդ նույն գիշերը ազատ արձակում թիկնապահ Պասկալ Դյուվյեին՝ նրան հանձնարարելով ուղեկցել Քենդալ Ջեններին, որը ամբողջ գիշեր ընկերուհիների հետ զվարճանում էր քաղաքում։

Քիմը փաստորեն ամբողջ գիշեր մենակ է եղել, շենքը միայն դռնապանն էր հսկում, որը ատրճանակի սպառնալիքի տակ չարագործներին ուղեկցել է նրա համար, ու որտեղ արդեն Քիմը՝ դարձյալ ատրճանակի սպառնալիքի տակ, կողոպտվել է։ Ես վստահ եմ, որ սա ինսայդերների ձեռքի գործն է»,- ամփոփել է մասնագետը։

1. Մեր պետական կառավարման համակարգն այնպիսին է, որ բոլոր նախարարությունների նախարարների հրամանները, որոշումները սկզբից մակագրվում, հանձնարարվում են տարբեր ստորաբաժանումներ, վարչություններ, բաժիններ կարծիքի, եզրակացությունների համար, այնուհետև ետ գալիս նախարարի կաբինետ, ստորագրվում կամ ոչ…Այսինքն՝ այս տեսանկյունից էլի արհեստավարժներն ու կռիվ տեսածներն են որոշում կայացնելու, ստեղծելու…

2. Հատկապես մարտի, մարտի վարման և մարտավարական հարցերը մեծամասամբ ԳՇ-ի և այլ տեղային հրամանատարների իրավասության տակ են, այսինքն՝ կռիվ տեսածների և արհեստավարժների… (կարճ ասած՝ փոքր տրամաչափերի կրակել-չկրակելը, բնականաբար այլ հարցեր ևս…):

3. Մեծ իմաստով մինչև 2018թ-ը Գերագույն գլխավոր հրամանատարը դեռևս ՀՀ նախագահն է. կան հարցեր, որ մինչ այս էլ ՊՆ նախարարի որոշումով չէին լուծվում այլ նախագահի… Այսպիսի հարցերն էլի Գերագույն գլխավոր հրամանատարն է որոշելու դեռ. (Իսկանդեր, Սկադ կամ Սմերչ, մեկ ա, նախագահի որոշումով ա կրակելու կամ ոչ… ): Այս տեսանկյունից պաշտպանության նախարարի պաշտոնը կարող է մշակութաբան կամ փիլիսոփա էլ զբաղեցնել և որոշ իրավիճակների համար շատ ավելի ոչ ստանդարտ որոշումներ ընդունել:

4. Դեռ պարզ չէ՝ Օհանյանը ուր է գնալու… Կարող է՝ այնպիսի տեղ է նշանակվում, որ ավելի լավ է լինում թե՛ իր, թե՛ բանակի, պետության համար.

5. Միևնույն է, երկրի համար կարևոր պահերին բոլորով միասին հավաքվելու են մի սենյակում (որտեղ Օհանյանն էլ է լինելու) և որոշեն էլի.

Այ, որ Վիգեն Սարգսյանը ԳՇ պետ նշանակվեր, դա կլիներ խնդիր, իսկ նախարար, կարծում եմ, խնդիր չէ…

Ար Մենիա. ֆեյսբուք:

Որևէ մեկի համար գաղտնիք չէ, որ Հայաստանում  պետական մարմիններին ծառայություն մատուցող ընկերությունները այս կամ այն կերպ կապված են չինովնիկների հետ: Մեր երկրում հաստատված կարգ է, որ պատահական ընկերություններ չեն կարող ծառայություն մատուցել պետությանը և վճարվել պետական բյուջեից:

ՀՀ պետական մարմինները իրենց հատկացված ֆինանսական միջոցները հիմնականում ծախսում են «Մեկ անձից կատարվող գնումներ» անվան տակ, որպեսզի մրցույթներ չհայտարարեն, որի արդյունքում էլ կարող են պատահական ընկերություններ անցնել մրցույթը:

ՀՀ նախկին նախագահ Ռոբերտ Քոչարյանին պատկանող ընկերությունները ահռելի գումարներ են ստանում պետական բյուջեից: 2016 թվականին միայն ոստիկանությունից ստացող գումարները աստղաբաշխական են:

Ռոբերտ Քոչարյանի ընտանիքին պատկանող «Նաիրի Ինշուրանս» ապահովագրական ընկերությունը, ոստիկանությանը ապահովագրական ծառայություն մատուցելու համար, ստացել է ավելի քան 46 միլիոն դրամ:

Քոչարյանի ընտանիքին պատկանող մեկ այլ՝ «Տյոտա  Երևան» ընկերությունը ոստիկանությունից, մեքենաների սպասարկաման համար ստացել է 246 999 200 դրամ գումար:
Աղբյուրը՝ politik.am 

Քիչ առաջ ողբերգական դեպք է տեղի ունեցել Երևանում։ Ժամը 11։30-ի սահմաններում 1-03 շտապօգնության հերթապահ խումբը ահազանգել է ոստիկանության Երևան քաղաքի վարչության օպերատիվ կառավարման կենտրոն և հայտնել, որ կանչով մեկնել են Արշակունյաց 51 շենքի բնակարաններից մեկը, որտեղ հայտնաբերել են կախված կնոջ դի։

Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել ոստիկանության Շենգավիթի բաժնի օպերատիվ խումբը՝ բաժնի պետ Հրաչ Խոստեղյանի գլխավորությամբ։ Ժամանել են նաև Հայաստանի քննչական կոմիտեի Երևանի քննչական վարչության Շենգավիթի քննչական բաժնի քննիչները՝ բաժնի պետ Սամվել Մաթևոսյանի գլխավորությամբ։

Ոստիկաններն ու քննիչները պարզել են, որ կախված կինը հանդիսանում էր 30-ամյա Անի Սարգսյանը։ Փաստի առթիվ Շենգավիթի քննչական բաժնում նյութեր են նախապատրաստվում։

Գեղարքունիքի մարզում ամուսինների միջև լարվածությունն ու փոխադարձ անբարյացկամ հարաբերությունները հասել են նրան, որ տղամարդը պարտադրել է կնոջը ընդհատել հղիությունը՝ սպառնալով սպանել նրա հարազատներից մեկին:

«Փաստինֆո»-ի տեղեկություններով՝ տղամարդը կնոջը պարտադրել է դադարեցնել մոտ երկու ամսական հղիությունը՝ նրան տալով մի քանի հատ «Սայտոտեկ» տեսակի դեղահաբ և պարտադրել որպեսզի նա խմի:

Դեպքը զարգացել են դեռևս նախորդ տարի ապրիլ ամսին, տեսնելով, որ կինը հրաժարվում է խմել այդ դեղահաբերն ամուսինը նրան սպառնացել է չխմելու դեպքում սպանել հարազատներից մեկին կամ ինքնավնասում կատարել:

Այսքան էլ դեռ քիչ է, տղամարդը սպառնացել է ոտքով հարվածել կնոջ որովայնին որպեսզի հղիությունը ընդհատվի:

Ի վերջո տղամարդուն հաջողվել է հասնել իր «նպատակին» կինը գտնվելով հոգեբանական ծանր վիճակում ընդունել է ամուսնու կողմից տրված դեղահաբերը և հենց նույն օրը տեղի է ունեցել հղիության ընդհատում:

«Փաստիֆո»-ի տեղեկություններով՝ դեպքի առթիվ հարուցվել է քրեական գործ, տղամարդը գտնվում է հետախուզման մեջ:

Աղբյուր` Փաստինֆո

SHAMSHYAN.com-ի տեղեկություններով՝ սեպտեմբերի 29-ին արտակարգ դեպք է տեղի ունեցել Արմավիրի մարզում։ Ինչպես հայտնում է ֆոտոլրագրող Գագիկ Շամշյանը, ժամը 21։30-ի սահմաններում Վաղարշապատի բժշկական կետրոնից ոստիկանության Վաղարշապատի բաժին հայտնել են, որ «կրծքավանդակի կտրած-ծակած վերքեր» ախտորոշմամբ իրենց մոտ են տեղափոխվել Նորակերտ գյուղի բնակիչներ, 17-ամյա Հովհաննես Տաշչյանը, «գանգուղեղային տրավմա» ախտորոշմամբ՝ 48-ամյա Սերժիկ Հակոբյանը, «գլխի ճակատային շրջանի կտրած վերքեր, աջ ծնկի կտրած վերք» ախտորոշմամբ՝ 29-ամյա Հովհաննես Եսայանը և «գանգուղեղային տրավմա» ախտորոշմամբ՝ Մեծամոր գյուղի բնակիչ, 33-ամյա Հակոբ Սարգսյանը։

Հիվանդանոց են մեկնել ոստիկանության Վաղարշապատի բաժնի օպերատիվ խումբը՝ բաժնի պետ Արթուր Մկրտչյանի գլխավորությամբ։ Ժամանել են նաև Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժնի խումբը՝ բաժնի պետ Կարեն Խաչատրյանի և քննիչ Քյասինյանի գլխավորությամբ։ Ոստիկաններն ու քննիչները պարզել են, որ նույն օրը, ժամը 20։00-ի սահմաններում Նորակերտ գյուղի Շինարարների փողոցի թիվ 1 տան դիմաց կենցաղային հարցերի շուրջ ծագած վիճաբանության ժամանակ փոխադարձ հարվածներ են իրար հասցրել նշված անձինք։ Պարզվել է նաև, որ Հ. Եսայանը իր մոտ եղած գաղտնի փականով դանակով հարվածներ է հասցրել Հ. Տաշչյանին և Ս. Հակոբյանին։ Հիվանդանոցում բժիշկներն օպերատիվ քննչական խմբին հայտնել են, որ Հ. Տաշչյանը կատարվածի մասին ի վիճակի չէ հայտարարություն տալու։ Արդեն ժամեր անց Վաղարշապատի ոստիկանության քրեական հետախուզության բաժանմունքի աշխատակիցները հիվանդանոցից տուն գնալու ժամանակ բաժին են բերման ենթարկում Հ. Եսայանին, որտեղ էլ նրա մոտ հայտնաբերվում է հանցագործության գործիք հանդիսացող գաղտնի փականով դանակը

։ Քննիչ Քյասինյանի որոշմամբ Հ. Եսայանը ձերբակալվում է։

Վանաձոր» քրեակատարողական հիմնարկի կալանավորը պնդում է, որ ուրիշի արարքն իր վրա է վերցրել ոստիկանության աշխատակցի հորդորով, քանի որ իրականում նրա եղբայրն էր եղել հանցանք կատարողը։ Այս մասին տեղեկացնում են ՀՀ հատուկ քննչական ծառայությունից՝ նշելով, որ հաղորդման հիման վրա կատարվում է նախաքննություն։

Տարածված հաղորդագրության մեջ մասնավորապես ասվում է.

ՀՀ արդարադատության նախարարության քրեակատարողական վարչության «Վանաձոր» քրեակատարողական հիմնարկի կալանավորը հայտնել է պետական հատուկ ծառայություն իրականացնող պաշտոնատար անձի կողմից պաշտոնեական լիազորությունները չարաշահելու վերաբերյալ տվյալներ:

Մասնավորապես՝ դիտավորությամբ ուրիշի առողջությանը կյանքի համար վտանգավոր ծանր վնաս պատճառելու մեջ մեղադրվող, ՀՀ արդարադատության նախարարության քրեակատարողական վարչության «Վանաձոր» քրեակատարողական հիմնարկի կալանավոր Ա. Գ.-ն ներկայացրած հաղորդմամբ հերքել է իր առնչությունը իրեն մեղսագրվող արարքին՝ հայտնելով, որ դեպքից հետո, իր հետ հանդիպել է նշված հանցավոր արարքը իրականում կատարած անձի՝ ՀՀ ոստիկանության ծառայող եղբայրը, ով իրեն խնդրել, համոզել է, որպեսզի դեպքի կատարումը վերցնի իր վրա՝ խոստանալով 3 օրվա ընթացքում ազատ արձակել տալ, սակայն ոստիկանության ծառայողի կողմից խոստումը չկատարելու պատճառով ինքը ապօրինի հայտնվել է կալանքի տակ:

ՀՀ ոստիկանության պետական հատուկ ծառայություն իրականացրած պաշտոնատար անձի կողմից պաշտոնեական լիազորությունները չարաշահելու դեպքի առթիվ ՀՀ հատուկ քննչական ծառայությունում ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցվել է քրեական գործ:

Աղբյուր` Փաստինֆո

«Աբսուրդ է, բայց Հայաստանում արդարադատության համակարգն ամենից շատ արդարության խնդիր ունի։ Այստեղ արմատական, կտրուկ լուծումներ են հարկավոր։ Առանձին քննարկման թեմա է վաղաժամկետ ազատման դրույթի կիրառումը, որի մասին տարիներ շարունակ խոսում են ցմահ ազատազրկվածները։

Այս խնդրի առնչությամբ պետությունը մշտապես որդեգրել է, կոպիտ ասած, «ցրողական» գործելաոճ՝ անընդհատ լարված վիճակում պահելով այդ հոդվածի կիրառմանը սպասող դատապարտյալներին ու նրանց հարազատներին։ Նրանցից շատերի քսան տարին արդեն լրացել է, սակայն ցանկալի ազատությունն այդպես էլ իրական չի դառնում։ Վերջերս հրապարակ նետված այն տեղեկությունը, որ հնարավոր է համաներում հայտարարվի, բավականին մեծ ոգևորություն էր առաջացրել ցմահ ազատազրկվածների շրջանում, սակայն այդպես էլ պաշտոնապես չհստակեցվեց՝ ի վերջո, լինելո՞ւ է դա, թե՞ ոչ։

Իսկ մինչ այդ մի ուշագրավ հանգամանք. պետությունը յուրաքանչյուր դատապարտյալի օրապահիկի համար ամսական հատկացնում է 120 հազար դրամ, այնինչ բոլոր ազատազրկվածները միաբերան պնդում են, թե հազիվ 30 հազարն է ծախսվում իրենց սննդի վրա, քանի որ ամեն օր էժանագին մակարոն ու ցորեն են ուտում։ Իսկ ո՞ւր են գնում այդ գումարները՝ հարցրինք։ Դատապարտյալները միամիտ համարեցին հարցը և նշեցին. «Ձեզ ի՞նչ է թվում, ինչո՞ւ չեն կիրառում վաղաժամկետ ազատումը, որովհետև յուրաքանչյուր բանտարկյալ իրենց համար փողի տոպրակ է։ Բյուջեից նրանց «գլխաքանակով» գումարներ են դուրս գրվում, ու կեսից ավելին մտնում է «արդարադատության» վերադասների գրպանը։ Ո՞վ կհրաժարվի նման յուղոտ պատառից, հետո՞ ինչ, որ օրենքը չի պահպանվում, ու մարդկանց ճակատագրեր են խեղվում»։

Ստացվում է, որ յուրաքանչյուր դատապարտյալի օրապահիկի համար բյուջեից ավելի շատ գումար է դուրս գրվում, քան, ասենք, ուսուցչի աշխատավարձը վճարելու համար։ Խղճուկ թոշակների ու նպաստների հետ համեմատությունն էլ լրիվ ավելորդ է։ Հարց է առաջանում՝ ինչո՞ւ չի կիրառվում օրենքը, որ և՛ ցմահ ազատազրկվածներն ազատություն ստանան, և՛ բավականին կլորիկ գումար տնտեսվի՝ ուղղվելով տնտեսության այլ ոլորտների զարգացմանը։ Հայտնի ֆիլմի հրաշալի խոսքերը, թերևս, լավագույնս են բնութագրում իրավիճակը. «Մեր պետությունը բժշկին քիչ է վճարում, հովվին քիչ է վճարում, բոլորին քիչ է վճարում, որ խնայված միջոցներով էս երկիրը երկիր դարձնի, իսկ դու գողանում ես այդ խնայված միջոցները սերմացու գողացող մկան պես, թուխս գողացող աղվեսի պես»։

«Իրատես»

Մանրամասները՝ թերթի այսօրվա համարում։

Ազգային ժողովը սեպտեմբերի 29-ի արտահերթ նիստի ժամանակ երկրորդ և վերջնական ընթերցմամբ ընդունել է «Մարդու վերարտադրողական առողջության և վերարտադրողական իրավունքների մասին» օրենքի լրացումները, որոնք վերաբերում են փոխնակ մայրությանը:

Ինչպես նշել է ՀՀ առողջապահության փոխնախարար Սերգեյ Խաչատրյանը, ամեն տարի Հայաստանում փոխնակ մոր ծառայություններին է դիմում 30-40 մարդ, հայտնում է Նովոստի Արմենիան:

«Օրենքում ամրագրվում է, որ փոխնակ մայրը որևէ իրավունք չունի երեխայի նկատմամբ: Լրացումներով նաև նախատեսվում է, որ միայնակ օտարերկրյացիները չեն կարող Հայաստանում դիմել փոխնակ մայրերի ծառայություններին», — ասել է Խաչատրյանը:

Նա տեղեկացրել է, որ լրացումներով նախատեսվում է նաև, որ կինը կարող է փոխնակ մայր լինել առավելագույնը երկու անգամ: