17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...10.05.2024 | 12:09
Բագրատ Սրբազան. Արթմության զգացումը կա, այս բոլորն այլևս պետք է տեղափոխվի քաղաքա...09.05.2024 | 15:10
Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հա...09.05.2024 | 14:10
ՀՀ-ի ամենաերկար թունելը․ ներկայացվել է Հյուսիս-հարավի 60կմ-ոց նոր ճանապարհահատվա...09.05.2024 | 13:10
Այս շարժումն իր էությամբ քաղաքական չէ, բայց այն կրում է քաղաքացիական ներգրավվածո...«Սասնա Ծռեր» խմբի անդամ Արմեն Բիլյանը շարունակում է հացադուլը և չի համաձայնվում դադարեցնել այն: Այս մասին ԼՈւՐԵՐ.com-ի թղթակցի հետ զրույցում ասաց Արմեն Բիլյանի փաստաբան Արմինե Ֆանյանը:
Նշենք, որ արդեն 7-րդ օրն է՝ ինչ Արմեն Բիլյանը հացադուլի մեջ է: Բիլյանը պահանջում է, որ իրեն հետազոտութոյւնների ենթարկեն բանտից դուրս՝ քաղաքացիական բուժհաստատությունում, քանի որ ունի առողջական լուրջ խնդիրներ։
«Բիլյանն ունի լուրջ առողջական խնդիրներ, բայց պատշաճ բժշկական օգնություն չի ցուցաբերվում: Իրեն էլ ոչ մի կերպ չենք կարողանում համոզել, որպեսզի դադարեցնի հացադուլը: Նա շարունակելու է հացադուլը` մինչև պատշաճ հետազոտությունների չենթարկվի: Նրա մոտ առկա խնդիրները կապված են նյարդային համակարգի հետ, գլխում, բերանի մեջ այրոցներ ունի»,-ասաց փաստաբանը:
Նրա խոքով՝ այս ընթացքում միայն «Դատապարտյալների հիվանդանոց» ՔԿՀ-ից հանձնաժողով է եկել, որպեսզի պարզեն Արմեն Բիլյանի առողջական վիճակը. «Ձևական մեկ-երկու հարց են տվել, ճնշումն են չափել, թողել-գնացել են: Ոչ մի ախտորոշում, ոչ մի բուժում չի նշանակվել»:
Պաշտպանը նշեց՝ ՔԿՀ-ի վարչության պետին դիմում է հասցեագրել՝ խնդրելով ապահովել իր պաշտպանյալի բժշկական հետազոտությունները. «Խնդրել եմ պատշաճ բուժօգնություն ցուցաբերել, անհրաժեշտության դեպքեւմ ՔԿՀ-ից դուրս՝ քաղաքացիական հիվանդանոցում: Խնդրել եմ նաև՝ նրան տեղափոխել, մասնավորապես, Արմավիր ՔԿՀ, այնտեղ պայմանները փոքր-ինչ բարվոք են, քանի որ այստեղ 6-7 հոգանոց խցում 13 հոգի է պահվում, ովքեր ծխում են, ինչն անհամատեղելի է իմ պաշտպանյալի առողջության հետ»,- նշեց փաստաբանը:
Նա ընդգծեց՝ պատրաստվում է նաև դիմել Մարդու իրավունքների պաշտպանին` խնդրին ուշադրություն դարձնելու համար:
Նշենք, որ Արմեն Բիլյանը մեղադրվում է ՊՊԾ գնդի տարածքում ոստիկանության ավագ ենթասպա Գագիկ Մկրտչյանի սպանության մեջ, նրան մեղադրանք է առաջադրվել նաեւ Քրեական օրենսգրքի 238–րդ հոդվածի 4-րդ մասի 2-րդ կետով (զենք զինամթերք շորթելը, որը կատարվել է կազմակերպված խմբի կողմից, կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով) եւ 104 հոդվածի 2-րդ մասի 1-ին, 2-րդ, 3-րդ եւ 11-րդ կետերով: Արմեն Բիլյանն իրեն առաջադրված մեղադրանքները չի ընդունում:
Կոտայքի մարզում հղի կնոջ բռնաբարության փորձի դեպք է գրանցվել: Այս մասին հաստատեցին Ոստիկանության լրատվության և հասարակայնության հետ կապերի բաժնից:
«Դեկտեմբերի 24-ին, ժամը 6:20-ի սահմաններում Կոտայքի մարզից ահազանգ է ստացվել, որ 24-ամյա հղի կնոջ տուն ներխուժած անձնավորությունը նախ ծեծել է նրան, ապա փորձել է բռնաբարել»,- փոխանցեցին ոստիկանությունից:
Ըստ տեղեկությունների՝ այդ պահին տուն է վերադարձել կնոջ ամուսինը, ով կանխել է տուն ներխուժած տղամարդու գործողությունները:
Նշենք, որ 28 շաբաթական հղի կինը տեղափոխվել է հիվանդանոց՝ բուժօգնություն ստանալու նպատակով:
Այսօր՝ դեկտեմբերի 23-ին, վանդալիզմի դեպք է տեղի ունեցել Երևանում։ Անհայտ անձը կամ անձինք Արաբկիր վարչական շրջանում հրկիզել են «Սուրբ Աստվածածին» նորակառույց մատուռը, գրում է shamshyan.com-ը։
Ինչպես դեպք վայրից հայտնում է ֆոտոլրագրող Գագիկ Շամշյանը, տականքներն այրել են սրբապատկերը, որն ամբողջովին վերածվել է մոխրակույտի։ Ավելի վաղ ֆոտոլագրողը նշված վայրից հայտնել էր, որ դեկտեմբերի 16-ին Երևանի քաղաքապետ Տարոն Մարգարյանը, Արաբկիր վարչական շրջանի ղեկավար Հովհաննես Վարդանյանը այցելել էին Արաբկիր վարչական շրջանի՝ ժողովրդին հայտնի «Մալականի այգուց» դեպի Հրազդան կիրճ տանող ճանապարհի աջակողմյան հատվածում Արամ Մարգարյանի, նրա եղբայրների ու ընկերների կողմից 2003 թվականից անբարեկարգ հատվածը Սրբության սրբոցի վերածած, նրանց կողմից կառուցված փոքրիկ մատուռ։ Արարատյան Հայրապետական թեմի Արաբկիր համայնքի հոգևոր հովիվ տեր Բաբկեն քահանա Հայրապետյանը կատարել էր մատուռի օրհնության կարգ, որից հետո այն անվանակոչվել էր Սուրբ Աստվածածնի անունով: Մատուռի օծումից հետո բաժանվել էր մատաղ։
Մոր առոջությանը դիտավորությամբ ծանր վնաս պատճառելու մեջ մեղադրվող դուստրը անմեղսունակ է ճանաչվել:
Երիտասարդ աղջկա պաշտպան Լյուդվիգ Ավետիսյանը «Փաստինֆո»-ի թղթակցի հետ զույցում հայտնեց, որ նախաքննության ընթացքում նշանակված փորձաքննության եզակացության համաձայն՝ աղջիկն անմեղսունակ է ճանաչվել և տեղափոխվել հոգեբուժական հիվանդանոց:
Քրեական գործն ուղարկվել է դատարան՝ աղջկա նկատմամբ բժշկական բնույթի հարկադրանքի միջոց կիրառելու նպատակով:
Ըստ մեղադրանքի՝ աղջիկը 2017թ. հոկտեմբերի 1-ին մոր և քրոջ հետ գտնվել է Երևան քաղաքում գտնվող իրենց տանը:
Մայրն աղջկան ասել է, որ դեղերը խմի, իսկ նա քաղցած է եղել և խնդրել է կերակուր պատրաստել, և երբ մայրը գնացել է խոհանոց, որպեսզի ուտելիք բերի դստեր համար, վերջինս սեղանից վերցրել է խոհանոցային դանակը և առանց պատճառի հարվածել է մորը:
Դանակի հարվածը վնասել է կնոջ թոքը:
pastinfo.am
««Ժողովուրդ»-ի տեղեկություներով` ՀՀ մի շարք քրեակատարողական հիմնարկներում այս օրերին տեղեկություններ են տարածվել, որ Ամանորին ընդառաջ` Սերժ Սարգսյանը պատրաստվում է երեք ցմահ դատապարտյալների ներում շնորհել: Իսկ թե ովքեր կլինեն նրանք, դեռեւս գաղտնի է պահվում:
Ըստ տարածված խոսակցությունների` քրեակատարողական հիմնարկի ղեկավարությունից այս օրերին համապատասխան փաստաթղթեր են պահանջել, որպեսզի հասկանան, թե որ ցմահ դատապարտյալի դեպքում հնարավոր կլինի ներում շնորհել` հաշվի առնելով նրա` ազատազրկման մեջ գտնվելու տարիների վարքագիծը եւ մի շարք այլ գործոններ:
Չի բացառվում, որ այդ թվում լինեն ՀՅԴ-ականներ Արսեն Արծրունին ու Արմենակ Մնջոյանը, որ 90-ականներին Սերժ Սարգսյանի` ԱԱԾ նախարար եղած ժամանակ ձերբակալվել էին «Դրո»-ի եւ «30+1» գործի շրջանակներում ու ցմահ դատապարտվել` բանդիտիզմի, երկու եւ ավելի հոգու սպանության, զինված պետական հեղաշրջում նախապատրաստելու համար:
Արծրունին ու Մնջոյանն այս ընթացքում մի քանի անգամ արդեն դիմել են Սերժ Սարգսյանին: Չի բացառվում. այս հարցում ակտիվ են նաեւ իշխող կոալիցիայի անդամ ՀՅԴ-ականները, որոնք ժամանակին այս գործերի շրջանակներում դատապարտվել էին, բայց 1998թ. իշխանափոխությունից հետո իրադրության փոփոխության պատճառով ազատ արձակվեցին»:
«Ժողովուրդ»
Առավել մանրամասն՝ թերթի այսօրվա համարում։
2011 թվականից Արդարադատության նախարարության Քրեակատարողական վարչությունում աշխատող Է․ Հ․֊ն 2015 թվականին ազատվել է աշխատանքից, սակայն վերջահաշվարկ և արձակուրդային չի ստացել։ Քրեակատարողական վարչությունից պատճառաբանել են, որ 2014 թվականից գործում է օրենք, համաձայն որի՝ ՔԿՀ-ներում աշխատողները համարվում են պետական պաշտոնյա և չեն ստանում վերջնահաշվարկ։
Է․Հ․֊ի բողոքի հիման վրա գործն այժմ քննվում է Շենգավիթ վարչական շրջանի ընդհանուր իրավասության դատարանում։ Epress.am-ի հետ զրույցում Է․Հ․-ի շահերի պաշտպան, փաստաբան Արայիկ Պապիկյանը ներկայացրել է այն հիմքերը, համաձայն որոնց իր վստահորդը կարող է հաղթանակ տանել դատարանում՝ նախադեպային վճռի հասնելով։
«Վերջին տարիներին հատկապես Քրեակատարողական վարչությունում աշխատողներին աշխատանքից ազատման մեխանիզմը, աշխատանքային իրավահարաբերությունները չեն կարգավորում Աշխատանքային օրենսդրությամբ։ Այնտեղ ասում են՝ մենք Քրեակատարողական օրենսգրքով ենք առաջնորդվում, որը սահմանում է, որ Աշխատանքային օրենսդրությունը չի տարածվում այդ իրավահարաբերությունների վրա։ Բայց նույն օրենքը (Քրեակատարողական օրենսգրքի) ասում է, որ այն հարցերը, որոնք կարգավորված չեն սույն օրենքով, կարգավորվում են Աշխատանքային օրենսգրքով։ Հենց վերջինով էլ կարգավորվում է «վերջնահաշվարկ» կոչվածը», -ասում է Պապիկյանը։
Փաստաբանի փոխանցմամբ՝ իր վստահորդն աշխատելու ժամանակ ունեցել է վերջնահաշվարկի իրավունք, սակայն այն չի ստացել՝ 2014 թվականի օրենքի առկայության պատճառաբանությամբ։
«Այդ նոր օրենքը ընդունելու ժամանակ նրա հետ համաձայնագիր չեն ստորագրել, պայմանագիր չեն ստորագրել, բացի դրանից՝ նոր ընդունված օրենքը հետադարձ իրավաբանական ուժ չունի», — նշում է փաստաբանը՝ հիշեցնելով, որ իր վստահորդը աշխատանքի է անցել 2011֊ին։ Բացի դրանից՝ Է․ Հ․-ին աշխատանքից ազատել են, երբ վերջինս արձակուրդում էր և բուժվում էր Ոստիկանության պոլիկլինիկայում։
Դատավարության ընթացքում պարզ է դարձել, նշում է Պապիկյանը, որ նման իրավիճակում է գտնվում ոչ միայն իր վստահորդը, այլ նաև Քրեակատարողական վարչության տասնյակ այլ աշխատակիցներ, որոնք վերջին 2-3 տարվա մեջ աշխատանքից ազատվել են տարբեր պատճառներով, սակայն չեն ստացել վերջնահաշվարկ՝ հիմք ընդունելով 2014 թվականի նոր օրենքը։
Եթե դատարանի կողմից հաստատվեն բերված փաստերը և վճիռն իրենց օգտին լինի, դա անխուսափելիորեն շատ լուրջ հետևանքներ կունենա, վստահ է փաստաբանը։
«Այն բոլոր անձինք, ովքեր որ աշխատել են մինչև 2014 թվականը, սակայն աշխատանքից ազատվել են 2014 ից հետո, կարող են դիմել դատարան և ստանալ օրենքով իրենց հասնող չվճարված գումարները», ֊ նշում է Պապիկյանը։
Դեկտեմբերի 18֊ից հացադուլի մեջ գտնվող «Հանուն գիտության նախաձեռնության» անդամ Դավիթ Պետրոսյանն Ֆեյսբուք սոցիալական ցանցի միջոցով արված տեսաուղերձում խոսել է ներբանակային որոշ խնդիրների մասին, որոնք, ըստ նրա, անհրաժեշտ է վերացնել։
«Մենք պետք է խոսենք այս խնդիրների մասին, եթե ցանկանում ենք բանակը բերել այնպիսի բանակի, ինչպիսին Իսրայելում է»,֊ ընդգծել է Դավիթ Պետրոսյանը։
Ուսանողի խոսքով՝ հայկական բանակը մեր հասարակության «խտացված տարբերակն է»։
«Հիմնականում նորակոչիկի առաջին տրամադրվածությունը լինում է այնպիսին, որ նա եկել է մի միջավայր, որտեղ երկու տարի իր գոյության համար պետք է կռիվ տա։ Պետք է լինեն կանոնադրական հարաբերություններ, բայց դա չի նշանակում, որ սպան ոնց ուզի կարող է զինվորի հետ խոսել»,֊ ասել է Պետրոսյանը։
Նախկին զինծառայողի կարծիքով՝ «գումարտակում և պոստերում իրավիճակը նույնն է»։
«Այն, ինչ կա գումարտակում տեղափոխվում է պոստ։ Չի կարող այնպես լինել, որ գումարտակում բոլորը բոլորի հետ կռվեն, բայց պոստում բոլորը բոլորի հետ լավ լինեն։ Սրա պատճառով պոստում առաջանում են այնպիսի խնդիրներ, ինչպիսիք են կրակոցները, ինքնասպանության դեպքերը, հայհոյանքները»,֊պատմել է նա։
Տարկետման օրենքի վերանայման պահանջով հացադուլ անող ուսանողը խոսել է նաև ՊՆ֊ի կողմից զինվորներին տրամադրվող 3400 դրամի մասին։
«Շատ են խոսում 3400 դրամների մասին, սակայն, չեն խոսում այն մասին, թե որտե՞ղ է այդ գումարը ծախսվում։ Երբ զինվորը ստանում է այդ գումարը, նա միանգամից գնում է չայնի՝ քաղցր սնունդ ստանալու։ Նա այդ գումարը չի օգտագործում այլ նպատակներով։ Սեփական կարիքները հոգալու համար դա բավական չէ, դրա համար մենք ունենք տուլիկների ինստիտուտ։ Ծնողներն իրենց երեխաներին ուղարկում են բանակ, բայց ամեն ամիս 10 հազար դրամից ավելի գումար են ուղարկում։ Սակայն, մեզ մոտ առկա սոցիալական պայմաններում ոչ բոլոր ընտանիքներն են կարող օգնել իրենց զինվոր երեխաներին։ Արդյունքում ինչ֊որ մարդիկ սնվում են, ինչ֊որ մարդիկ մնում են սոված»,֊ ասել է Պետրոսյանը։
Նա նաև անդրադարձել է ռազմական ոստիկանության հարցին․ «Քանի՞ հոգի մարդ հանցագործություն տեսնելու դեպքում կզանգի ոստիկանություն։ Այս նույն խնդիրը կա բանակում։ Զինվորին ստիպում են, եթե քո ընկերոջը խփում են, դու պետք է լեյտենանտին ասես, նա էլ ռազմական ոստիկանությանը և նրանք այս հարցը կգան կլուծեն։ Միթե՞ մարդիկ պատրաստ են այսպիսի բանի։ «Գործ տալ» բառակապակցությունը, որ մեզ մոտ այսպես տարածված է, մենք ուզենք թե չուզենք գնում է բանակ։ Եվ ոչ միայն զինվորնեը դա չեն ընդունում, այլև՝ սպաները»։
Ըստ Դավիթ Պետրոսյանի՝ զինվորների՝ ընտանիքի հետ հեռախոսի միջոցով կապը պահելու խնդիրը ևս մեծ է բանակում։
«Եկեք գնանք ցանկացած վաշտ և տեսնենք, թե քանի՞ վաշտում նախատեսված երեք հեռախոսները կան։ Կամ ինչ֊որ լեյտենանտ իր պարտքերի համար ծախել է, կամ ինչ֊որ մեկը գողացել է։ Արդյուքնում զինվորները պահում են հեռախոսներ։ Սպաներին ստիպում են հետևել, որ զինվորները չպահեն, կամ եթե պահում են, ուրեմն նրանք պետք է իմանան»,֊ ասել է Պետրոսյանը՝ նշելով, որ այս դաշտը բանակում ևս չի կարգավորվում։
Պետրոսյանը խոսել է չինովնիկների սահմանային այցելությունների և նրանց վարքագծի մասին։
«Այժմ շատ մարդիկ բանակն օգտագործում են որպես PR֊ի միջոց։ Գնում են պոստեր, ինչ֊որ քարի մոտ նկարվում են, զինվորի հետ են նկարվում, լավագույն դեպքում ինչ֊որ շոկոլադ են տանում և անունը դնում են, որ մենք մտածում ենք բանակի մասին։ Բայց սա նեղ ամբիցիաներ հետապնդող քայլեր են։ Զինվորի, բանակի հաշվին անձնական վարկանիշ հավաքելը։ Սա անթույլատրելի է»,֊ նշել է ուսանողը։
Պետրոսյանը չի շրջանցել նաև չինովնիկների վարքագիծը ապրիլյան պատերազմի օրերին․ «Պոստում զինվորների համար սահմանված քնելու տեղեր կան։ Երբ այդ մարդիկ գալիս են և գիշերը քնում են, 18 տարեկան տղան ամաչում է գնա ասի հորեղբայր իմ քնելու ժամանակն է ես պետք է քնեմ։ Նույնիսկ սպան նրան չի կարող ասել, որ այն ամանը, որից դու կերել ես, քո հետևից պետք է լվանաս։ Այդ ամանը լվանում է զինվորը։ Եվ սա զինվորների մոտ խնդիրների պատճառ է»։
Հ քննչական կոմիտեի հատկապես կարևոր գործերի քննության գլխավոր վարչությունում շարունակվում են ձեռնարկվել մեծածավալ քննչական գործողություններ՝ «Դիլիջան ազգային պարկ» պետական ոչ առևտրային կազմակերպության տարբեր պահաբաժիններում իրականացված ապօրինի ծառահատումներին մասնակցություն ունեցած անձանց ինքնությունը պարզելու, նրանցից յուրաքանչյուրի գործողությունները անհատականացնելու ուղղությամբ: Հետախուզում է հայտարարվել «Դիլիջան ազգային պարկ» ՊՈԱԿ-ի տնօրենի նախկին տեղակալի նկատմամբ։
Քրեական գործի նախաքննությամբ պարզվել է, որ 2016թ. նոյեմբերի 16-ից մինչև 2017թ. մայիսի 17-ն ընկած ժամանակահատվածում Վ.Վասիլյանը զբաղեցրել է «Դիլիջան ազգային պարկ» պետական ոչ առևտրային կազմակերպության պահպանության գծով տնօրենի տեղակալ–բաժնի պետի պաշտոնը, ով «Դիլիջան ազգային պարկ» պետական ոչ առևտրային կազմակերպության տնօրենի՝ արձակուրդում գտնվելու ընթացքում՝ 2017թ. փետրվարի 15-ից մինչև ապրիլի 28-ը, կատարել է ՊՈԱԿ-ի տնօրենի պարտականությունները։
Նախնական քննության տվյալներով՝ «Դիլիջան ազգային պարկ» պետական ոչ առևտրային կազմակերպության տնօրենի պարտականությունները Վ.Վասիլյանի կողմից կատարելու ընթացքում՝ 2017թ. փետրվարի 19-ից մինչև 2017թ. ապրիլի 26-ն ընկած ժամանակահատվածում, «Հաղարծին տեղամաս», «Դիլիջան տեղամաս» և «Շամախյան տեղամաս» մասնաճյուղերի մի շարք պահաբաժիններում հայտնաբերվել են տարբեր տեսակի և տրամագծի՝ ընդհանուր 471 ծառի ապօրինի հատման դեպքեր, որի արդյունքում ընդհանուր առմամբ բնությանը պատճառվել է առանձնապես խոշոր չափի՝ 72.056.250 ՀՀ դրամի վնաս:
Վ.Վասիլյանը, հանդիսանալով կազմակերպական–տնօրինչական, վարչատնտեսական գործառույթներ իրականացնող ղեկավար պաշտոնատար անձ, անձնական շահագրգռվածությունից ելնելով, պաշտոնեական դիրքն օգտագործել է ծառայության շահերին հակառակ՝ պարկի ռեժիմի խախտման մասին տեղեկություններն իրավապահ մարմիններին չի տրամադրել, դրա հետևանքով բնությանը պատճառված վնասը հատուցելու համար միջոցներ չի ձեռնարկել, ինչի արդյունքում դրանք թողնվել են անհետևանք: Վերջինիս գործողություններն առաջացրել են ծանր հետևանքներ. ապօրինի կերպով չի հաշվարկվել բնությանը պատճառված վնասի չափը, ժամանակին միջոցներ չեն ձեռնարկվել ծառերի ապօրինի հատման դեպքերը բացահայտելու, դրանք կատարած անձին կամ անձանց պատասխանատվության ենթարկելու, ինչպես նաև՝ պետությանը պատճառված առանձնապես խոշոր չափերի գույքային վնասը վերականգնելու ուղղությամբ:
Ձեռք բերված ապացույցների համակցությամբ՝ 2017թ. դեկտեմբերի 21-ին որոշում է կայացվել՝ Վ.Վասիլյանին ՀՀ քրեական օրենսգրքի 308-րդ հոդվածի 2-րդ մասով որպես մեղադրյալ ներգրավելու մասին, նրա նկատմամբ որպես խափանման միջոց է ընտրվել կալանավորումը և հայտարարվել հետախուզում: Հանձնարարություն է տրվել ոստիկանության համապատասխան ստորաբաժանումներին միջոցներ ձեռնարկել՝ հետախուզվողին հայտնաբերելու և վարույթն իրականացնող մարմնին ներկայացնելու ուղղությամբ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ քննչական կոմիտե
Քիչ առաջ սպանություն է տեղի ունեցել Երևանում։ Ժամը 11։50-ի սահմաններում Նոր Նորք վարչական շրջանում գտնվող «Երևան Սիթի»-ից ծայրահեղ ծանր վիճակում՝ դանակահարված, «Սուրբ Գրիգոր Լուսավորիչ» բժշկական կենտրոն է տեղափոխվել մի քաղաքացի։ Ինչպես դեպքի վայրից հայտնում է ֆոտոլրագրող Գագիկ Շամշյանը, վերջինս վնասվածքը ստացել է պարանոցի մասում և հիվանդանոցի ճանապարհին մահացել է։
Այս պահին դեպքի վայր են ժամանել Ոստիկանության Երևան քաղաքի վարչության օպերատիվ խումբը՝ վարչության պետ, Ոստիկանության գնդապետ Սարգիս Մարտիրոսյանի, վարչության պետի օպերծով տեղակալ, ոստիկանության գնդապետ Արտակ Պողոսյանի և քրեական հետախուզության բաժնի պետ, ոստիկանության գնդապետ Գարիկ Ղուկասյանի գլխավորությամբ։
Տեղում են նաև Ոստիկանության Նոր Նորքի բաժնի օպերատիվ խումբը՝ բաժնի պետ, ոստիկանության գնդապետ Արթուր Մկրտչյանի գլխավորությամբ։ Այս պահին տեղում աշխատում են Հայաստանի քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնի մեծ թվով քննիչներ՝ բաժնի պետ Դավիթ Գևորգյանի գլխավորությամբ։
Փաստի առթիվ քննչական բաժնում ՀՀ քր.օր-ի 104 հոդվածի 1-ին մասի հատկանիշներով հարուցվել է քրեական գործ։ Ոստիկանությունն ու քննչական բաժինը պարզում են մահացածի ինքնությունը։
Գ. Շամշյանի տեղեկություններով՝մահացածը 60-ամյա Լևոն Ասատրյանն էր։
Ամանորին ընդառաջ Ռոսկաչեստվոն փորձաքննության է ենթարկել 28 մսարտադրողի սերվելատներ: Արդյունքում մսամթերքում հայտնաբերվել է սոյա, ձիու միս և հակաբիոտիկներ: Բայց փորձագետները նաև հայտնաբերել են, որ իսկապես որակյալ սերվելատ, որը ամանորյա սեղանի անբաժան մասն է հանդիսանում, այդուհանդերձ գոյություն ունի:
Ի դեպ, սերվելատը ոչ թե երշիկի անվանումն է, ինչպես կարծում է սպառողների մեծամասնությունը, այլ երշիկի կտրած հատվածում հատուկ նախշը: Սերվելատը կարող է լինել եփած-ապխտած, կամ հում-ապխըած: Սակայն քանի որ մեծապես սպառվում է եփած-ապխտած տարբերակը, ապա և Ռոսկաչեստվոն փորձաքննության է ուղարկել հենց դա:
28 մսարտադրողներից միայն երեքի երշիկն է ճանաչվել լավագույնն ու որակյալը: Դա «Велком», «Ремит» и «Ближние горки» ընկերությունների սերվելատն է, որը համապատասխանում է բոլոր չափանիշներին ու ԳՈՍՏ-ին:
Եվս 16 ընկերությունների սերվելատ ճանաչվել է անվտանգ օգտագործման համար և որակյալ: Դրանք են «Рублевский», «Дымов», «Мясницкий ряд», «Егорьевская», «Клинский», «Микоян», «Владимирский стандарт», «МясновЪ», «Царицыно», «Папа может», «Останкино», «ВкусВилл», «Горин продукт», «Кортлав», «Пит-продукт», «Иней» արտադրողների սերվելատները:
Իսկ ահա 9 արտադրողի սերվելատների ուսումնասիրությունները խախտումներ է բացահայտել: Դրանք են «Мясной дом Бородина», «Стародворские колбасы», «Дмитрогорский», «Атяшево», «Натуральные продукты Малаховские», «Великолукский мясокомбинат», «Черкизовский», «Йола агрохолдинг», «Фамильные колбасы» ընկերությունների երշիկները: Ռոսկաչեստվոն խորհուրդ է տալիս սպառողներին զերծ մնալ այս ընկերությունների արտադրանքների օգտագործումից:
Կարևոր է, որ որևէ նմուշում վտանգավոր միկրոօրգանիզմներ, աճի հորմոններ, ԳՁՕ, մկների ու առնետների ԴՆԹ, երանգավորիչներ (բացառությամբ կարմինի) չեն հայտնաբերվել: Տոքսիկ նյութերի, ռադիոնուկլիդների, կանցերոգենների, նատրիի նիտրիտի և աղի պարունակությունը չի գերազանցում առավելագույն թույլատրված մակարդակը: Որոշակի չափաբաժին կրախմալ է հայտնաբերվել «Микоян» (5%) «Стародворские колбасы» (1%), «Царицыно» (2%) սերվելատներում: Գրեթե աննշան կրախմալ է հայտնաբերվել «Мясной дом Бородина», «Атяшево», «Кортлав» ընկերությունների երշիկներում, բայց դրա առկայության մասին արտադրողները նշել են:
Փորձաքննության ենթարկված նմուշներում հիմնական խնդիրը հակաբիոտիկների չափաբաժնի գերազանցումն է, խոնավությունը և որոշ բաղադրիչների առկայությունը, որոնք թաքցվել են սպառողից:
Հակաբիոտիկներ,մասնավորապես, հայտնաբերվել են «Стародворские колбасы» և «Черкизовский» գործարանների սերվելատներում (մետրոնիդազոլ), «Дмитрогорский» սերվելատում (օքսիտետրացիկլին), «Йола агрохолдинг»-ի սերվելատում (ֆուրացիլին), «Великолукский мясокомбинат»-ի սերվելատում (լևոմիցիտին, դոկսիցիկլին, խլորտետրացիկլին):
Սոյայի և եգիպտացորեին ԴՆԹ հայտնաբերվել է «Микоян»-ի սերվելատում, ինչպես նաև «Стародворские колбасы», «Атяшево», «Царицыно», «Натуральные продукты «Малаховские», «Великолукский мясокомбинат», «Кортлав», «Фамильные колбасы» սերվելատներում: Սոյա չի հայտնաբերվել «Великолукский мясокомбинат»-ի և «Фамильные колбасы» արտադրած սերվելատներում:
Ձիու ԴՆԹ հայտնաբերվել է «Рублевский» և «Владимирский стандарт» սերվելատներում, թեև սպառողին այդ մասին չի տեղեկացվել:
13 արտադրողի սերվելատներում հայտնաբերվել է հավի և հնդկահավի ԴՆԹ` «Егорьевская», «Микоян», «Стародворские колбасы», «Владимирский стандарт», «Атяшево», «Царицыно», «Натуральные продукты Малаховские», «Великолукский мясокомбинат», «Черкизовский», «Останкино», «Кортлав», «Фамильные колбасы», «Иней»: Սակայն միայն «Фамильные колбасы» ընկերությունը չի տեղեկացրել սպառողին այդ մասին: Իսկ «Атяшево» ընկերության սերվելատում ընդհանրապես բացակայել է տավարի միսը, թեև այն նշված է պիտակում:
Աղբյուրը նշում է, որ բոլոր սերվելատներում առկա է խոնավության թույլատրելի նորմի գերազանցում. Ըստ ԳՈՍՏ-ի, այն պետք է չգերազանցի 42% տոկոսը, սակայն փորձաքննություն անցած նմուշներում այն տատանվում է 46 մինչև 66%: Փորձագետները նշում են, որ այս խնդիրը պայմանավորված է ճարպի ոչ բավարար քանակով` սերվելատները դարձել են ավելի թաց, քան 20-30 տարի առաջ էր, քանի որ ճարպի պարունակությունը դրանցում նվազել է:
Նշենք, որ նշված արտադրանքը հասանելի է նաև հայ սպառողին:
-
-
11.05.2024 | 01:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ուղերձը Բաքվի բանտից -
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գործընթացի մասին -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ) -
16.05.2024 | 12:10
Գործողությունները լինելու են կետային, թիրախային. Բագրատ Սրբազան -
16.05.2024 | 01:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.