Քիմ Քարդաշյանի ամուսնալուծության հետ կապված խոսակցությունները թեեւ դեռ չեն դադարել, ռեալիթի-շոուի աստղի անունը շոշափելու եւս մեկ առիթ է ստեղծվել: PETA կազմակերպությունը պաստառ է տպագրել, որտեղ կրքոտ սեւահերին մեղադրում է սառնասիրտ սպանության մեջ:

Կենդանիների հետ էթիկական վերաբերմունքի կողմնակիցների առաջնային նպատակն է ստիպել Քիմ Քարդաշյանին հրաժարվել բնական մորթիներ կրելուց:

Ամեն տարի նոյեմբերի 26-ը նշվում է որպես Տեղեկատվության համաշխարհային օրը (World Information Day)։ Նախաձեռնողները Տեղեկատվության միջազգային ակադեմիան (ՏՄԱ) և Համաշխարային տեղեկատվական խորհրդարանն են։ 1992թ. այս օրը ՏՄԱ-ն անցկացրեց Տեղեկատվության առաջին միջազգային համաժողովը, որի աշխատանքին մասնակցում էին ավելի քան 10 հազար գիտնականներ և մասնագետներ 29 երկրից։ Իսկ համաշխարհային օրը հռչակվեց համաժողովի շնորհանդեսին։ ՅՈՒՆԵՍԿՕ-ի կառույցները այդ օրը պաշտոնապես գրանցեցին 1994 թ.։ Տեղեկատվությունն իր ընդհանուր, բառարանային իմաստով, տեղեկություն է, որը փոխանցվում է մի մարդուց մյուսին` բանավոր, գրավոր կամ մեկ այլ ձևով, բացի այդ, այն նաև տեղեկությունը փոխանցելու կամ ստանալու գործընթաց է: Միայն թե այսօր դա առավել հաճախ դիտարկվում է մարդու կյանքում խաղացած իր նշանակալի դերով: Հատկապես սկսած 20-րդ դարի կեսերից` սոցիալական առաջընթացի ու գիտության և տեխնիկայի բուռն զարգացման պայմաններում տեղեկատվության դերն անասելիորեն մեծացրել է՝ իրավամբ ձեռք բերելով «տեղեկատվական պայթյուն» անվանումը:

ԱՄՆ-ում  մեկնարկել է «սև ուրբաթ»-ը. այսօրվանից ամերիկյան խանութներում ամանորյա զեղչերը են:Սակայն, ինչպես հայտնում են  Ամերիկյան լրատվամիջոցները, հեղինակավոր բրենդերը նույնիսկ «սև ուրբաթի» օրը չեն փոխում իրենց գնային քաղաքականությունը: Իսկ  Apple խոշորագույն ընկերությունը որոշել է մասնակցել ակցիային` առաջարկելով զեղչեր: Օրինակ, ինչպես հաղորդում է Apple Insider-ը, iPad 2 կարելի է ձեռք բերել 65 դոլարի զեղչով, ավելի քան 100 դոլարի զեղչ է առաջարկվում համակարգիչների համար,ինչպես նաև զեղչեր` աքսեսուարների ու այլ ապրանքների ձեռքբերման համար:

Ըստ փորձագետների, այս տարի գնորդների թիվը կլինի ռեկորդային`հասնելով 152 մլն մարդու, որը 10 տոկոսով ավելի է նախորդ տարվա համեմատ: Արդեն այսօր խանութներ են այցելել ռեկորդային թվով մարդիկ: Նույնիսկ որոշ հիպերմարկետներ բացվել են նախատեսվածից մեկ օր շուտ` Գոհաբանության օրը:

Քիմ Քարդաշյանը կոչ է արել մասնակցել «Հայաստան» համահայկական հիմնադրամի կազմակերպած հեռուստամարաթոնին: Նա Twitter-ի իր էջում բոլորին կոչ է արել մասնակցել մարաթոնին, որի միջոցները կուղղվեն Արցախի ջրամատակարարման խնդիրների լուծմանը:

«Մնացել է 10 րոպե «Հեռուստամարաթոն-2011»-ին նվիրատվություններ անելու համար: Ես արդեն զանգահարում եմ»,-գրել է Քարդաշյանը:

Ինչպես հաղորդում է Radio France Internationale-ը Դանիայում միասեռամոլներին հնարավորություն կտրվի ամուսնանալ եկեղեցում: Առաջին ամուսնությունն ակնկալվում է 2012 թվականի ամռանը:
Նոր մշակած օրինագիծը մոտ ժամանակներում կընդգրկվի խորհրդարանի օրակարգում:«Դանիական եկեղեցու բոլոր հետևորդներին, անկախ իրենց սեռական կողմնորոշումից, պետք է եկեղեցական ամուսնություն գրանցելու հնարավորություն տրվի»,- ասված է նախարարության հաղորդագրության մեջ:

Դանիական օրենսդրությունը ընդունում է միասեռական ամուսնությունները, նման զույգերին հնարավորություն է տրվում օգտվել բոլոր իրավունքներից ու արտոնություններից, բացառությամբ որդեգրման:

ԱՄՆ նախագահ Բարաք Օբաման նախընտրական քարոզարշավը կազմակերպելու համար իր անձնական էջն է բացել Google+ սոցցանցում: «Բարի գալուստ Google+-ում «Օբամա 2012» էջ: Մենք դեռ փորձարկում ենք, փորձում են պարզել, թե դուք ինչ եք ուզում տեսնել այստեղ, և մենք այս էջը ներմուծել ենք նախընտրական քարոզարշավը կազմակերպելու համար»,- ասվում է առաջին հաղորդագրության մեջ:

Օբամայի էջում առայժմ հայտնվել են երեք հաղորդագրություններ: Բոլորում պատմվում է նախընտրական միջացառումների մասին, որոնց մասնակցելու է Օբաման:

ԱՄՆ նախագահ ակտիվորեն կիրառում է սոցցանցերը իր կողմնակիցներին մոբիլիզացնելու համար: Դեռ անցած նախընտրական արշավի ժամանակ նա իր էջերն էր բացել Twitter-ում և Facebook-ում:

Բացի այդ, նախագահի թեկնածու Օբամայի կայքն ունեցել է ներքին սոցիալական ցանց` My.BarackObama.com, որի օգնությամբ կազմակերպվել են կամավորների աշխատանքները:

Օբաման առաջին քաղաքական գործիչներից էր, որը ակտիվորեն օգտվել է սոցցանցերի և համացանցի հնարավորություններից:

Ֆրանսիական հեռուստատեսությամբ՝ կիրակնօրյա հեռուստաշոուներից մեկի ժամանակ, ֆրանսիական շոու բիզնեսի աստղ, փոփ երգչուհի Սիլվի Վարդանն առաջին անգամ հրապարակավ հայտարարել է, որ ինքը հայ է։ Այս մասին հաղորդում է ֆրանսահայ անկախ լրագրող Ժան Էքյանը:

Հեռուստահաղորդավարի հարցին ի պատասխան երգչուհին ասել է «Այո, ես հայ եմ, հորս կողմից»։

Երգչուհին պատմել է, որ իր հայրը՝ Գեորգիս Վարդանը, ժամանակին աշխատել է Սոֆիայում՝ Ֆրանսիայի դեպանատանը՝ որպես մամուլի քարտուղար։

Սիլվին ծնվել է Բուլղարիայում՝ 1944թ.։ Նրա մայրը բուլղարուհի է։ Սիլվին իր ծնողների հետ Փարիզ է տեղափոխվել 1952թ.։

Ֆրանսիական շոու բիզնեսում իր առաջին քայլերը Սիլվին արել է 16 տարեկան հասակում և բավական շուտ ճանաչում ձեռք բերել. նա հատկապես հայտնի է դարձել Շառլ Ազնավուրի՝ La plus belle pour aller danser (Պարի դուրս եկող ամենագեղեցիկ աղջիկը) երգով։

Սիլվին առաջին անգամ ամուսնացել է հայտնի ռոքեր Ջոնի Հոլիդեյի, ապա ամերիկացի ռեժիսոր Թոնի Սքոթի հետ։

Նոյեմբերի 23–ին երգչուհին Փարիզում իր կարիերայի 50–ամյա տարեդարձի կապակցությամբ Բուլղարիայի սիմֆոնիկ նվագախմբի հետ համերգ է տվել։

Շոու բիզնեսի ամենավառ դեմքերից մեկը Անի Թովմասյանը` Շպռոտը հեռացավ Հայաստանից ու այժմ ԱՄՆ -ում հյուրանոցներ է մաքրում: Օրերս նրա ազգականներից մեկի հետ էինք զրուցում: Նա ասաց, որ Անին մտադիր չէ թողնել երգելը պարզապես գումար է աշխատում  ու համարում է, որ դա աշխատանքի ավելի պատվաբեր ձև է քան այն ինչ ընտրում են ոմանք, հենց նույն հայկական շոու բիզնեսից: Անին հարուստ չէր,իսկ  երգելու համար գումար է պետք, սակայն նրա ճաշակն ու ձայնը, և այն մի քանի տեսահոլովակները, որոնց ծանոթ ենք, գալիս են ասելու, որ նա ասելիք ունի ու կարող է նոր խոսք ասել ժանրում: Գուցե նաև Հայաստանից դուրս, չնայած հարազատները հավատացնում են, թե նա անպայման վերադառնալու է:

Այս խոսակցությունը, Անիի չտեղավորվելը հայ իրականության մեջ, հիշեցրեց մի պատմություն. Անին վառ գույն էր շոու բիզնեսում, շատերը նրան մատչելի  էին համարում: Մեծահարուստներ կան որ, երևի թե արտերկրի օրինակով, ցանկանալով գիշեր անցկացնել մեր «աստղերի» հետ, նրանց պատկառելի գումար են առաջարկում մի գիշերվա համար: Իհարկե գումարի չափը դրսի հետ համեմատած չնչին է, բայց դե մերոնց էլ չես համեմատի:

Նման փորձառություն ունեցող մեկը,որն ի դեպ բավականին պատկառելի տարիքում էր պատմում էր, որ ինքն այդպիսի առաջարկ մի քանիսին է արել. ծրարով գումար է ուղարկել նախապես, հետո` հանդիպման առաջարկ: Եւ Շպռոտը եղել է այն միակ կինը, որ գնացել է հանդիպման` գումարը վերադարձնելու համար: Իսկ նրանք ովքեր շատ են սիրում փող ու փառք ու համարվում են անմատչելի, չեն մերժել նրան:

Շուտով պատրաստ կլինեն դիմորդների համար համապատասխան առարկաների ուղեցույցները. դրանք հիմնականում վերահրատարակություններ են: Այս մասին, այսօր` նոյեմբերի 23-ին հրավիրված մամուլի ասուլիսի ընթացքում տեղեկացրեց Գնահատման եւ թեսթավորման կենտրոնի տնօրեն Գուրգեն Խաչատրյանը:

Նրա խոսքով, ներկա պահին հրատարակման են պատրաստվում Հայոց պատմություն եւ օտար լեզու առարկաների ուղեցույցները եւ դեկտեմբերի սկզբերին դրանք արդեն կհասցվեն դպրոց: Ուղեցույցներն, ինչպես միշտ, դիմորդներին անվճար են տրվելու:

Լրագրողների այն հարցին, թե այս տարի քանի՞ շրջանավարտ կա, նա պատասխանեց. «Կանխատեսումներ դժվար է անել, քանի որ շրջանավարտների թիվը հաստատուն չէ: Որպես ուղենիշ ընդունում են այն փաստը, որ նախանցյալ տարի 17 հազար դիմորդ ենք ունեցել եւ մոտավորապես այդ թվի շրջանակներում դիմորդներ կունենանք: Ներկա պահին շրջանավարտների թիվը շուրջ 40 հազար է»:

Մայքլ Ջեքսոնի Neverland ռանչոյի իրերը կցուցադրվեն նյույորքցի լուսանկարիչ Հենրի Լյութվայլերի ֆոտոցուցահանդեսում: Ըստ «Ռիա նովոստիի»` ցուցահանդեսը կբացվի վաղը, «Ազատություն» պատկերասրահում:

«Առաջին անգամ մարդկանց հնարավորություն կտրվի դիտել միլիոնավոր բյուջե արժողությամբ տեսահոլովակների ու մեծամասշտաբ շոուների հակառակ կողմը: Կոտրելով մեդիաների ստեղծած միֆը՝ Լյութվայլերը ստեղծում է մարդու դիմանկար»,- ասված է սրահի տարածած հաղորդագրության մեջ:

Ջեքսոնի ռանչոն երկար ժամանակ եղել է մամուլի ուշադրության կենտրոնում: Երգիչը Neverland-ում հյուրընկալել է բազմաթիվ երեխաների, որից հետո նրան սկսեցին մեղադրել դեռահասների նկատմամբ սեռական ոտնձգություններ կատարելու մեջ: Այդ դեպքից հետո Ջեքսոնը տեղափոխվեց ռանչոյից, իսկ նրա տան իրերը պետք է աճուրդի հանվեին: Հենց այդ ժամանակ էլ արվել են լուսանկարները, որոնք կցուցադրվեն «Ազատություն» պատկերասրահում: