ԱՉՔԵՐԸ ՀՈԳԻԻՆ ՊԱՏՈՒՀԱՆՆ ԵՆ….Եթէ մէկը սուտ խօսի, իր զգացումները կեղծէ, խորամանկութիւն մը մտածէ, աչքերը կը մատնեն իր հոգեվիճակը…: Նոյնն է պարագան, երբ շիտակ խօսք կ’ըսենք, անկեղծ ու անմիջական ենք, երբ զուլալ եւ մաքուր է մեր հոգին…: Երբ ուրախ ենք, մեր աչքերը կը ժպտին, ներքին փայլ մը կը ցոլայ անոնց մէջ, իսկ երբ տխուր ենք, որքան ալ ուրախ ձեւանանք, մեր աչքերը կը մատնեն ներքին թախիծը…: «Աչքերուս նայէ՛», կ’ըսէ դիմացինին չհաւատացողը, ստուգելու համար անոր ճշմարտախօսութիւնը: Իսկ երբ աչքերդ կ’արտասուակալեն, ներքին իրա՛ւ յուզումդ կ’արտայայտեն անոնք: Արցունքը կրնա՞յ խաբել…: Բարի, անմեղ եւ լուսաւոր ժպիտ ունեցողը կրնա՞յ երբեւէ չար ըլլալ….

Երան Գույումջյանի ֆեյսբուքյան էջից

ԵՂԵՌՆԱՅՈՒՇ ԱՊՐԻԼԷՆ ետք, ՄԱՅԻՍԸ յուշարարն է ՍԱՐԴԱՐԱՊԱՏԵԱՆ յաղթանակի, որ ԱՊՐԵԼՈՒ մեր իրաւունքը վերահաստատեց՝ այս արեւին տակ, մեր պատմական հայրենիքի փոքրիկ հողակտորին վրայ….Ապրելու՝ հայեցի մեր հարազատ ինքնութեամբ, մեր ՄՇԱԿՈՅԹՈՎ….իսկ ՄՇԱԿՈՅԹԸ մանաւանդ ԽՈՐՈՒԹԻՒՆ կը պահանջէ գերազանցօրէն, քան լայնատարած հողեր….ԽՈՐՈՒԹԻՒՆ՝ մեր մարդկային եւ ազգային ԻՍԿՈՒԹԵԱՆ մէջ, մեր ԳԻՏԱԿՑՈՒԹԵԱՆ մէջ, մեր ՈԳԻԻՆ մէջ…., պեղելու եւ յայտնաբերելու նոր գանձեր, նուաճելու բարոյական-հոգեւոր նոր բարձունքներ, ազգային —մարդկային գիտակցութեան նոր շերտեր…: Հայրենիքը, անկախութիւնը, ի վերջոյ, կ’իմաստաւորուին՝ պահպանումովը ՄԱՅՐ ՄՇԱԿՈՅԹԻՆ, անոր վրայ ՆՈՐԱՆՈՐ ԸՆՁԻՒՂՆԵՐՈՒ յաւելումով….

Երան Գույումջյանի ֆեյսբուքյան էջից

ԱՇԽԱՏԱՒՈՐՈՒԹԵԱՆ ՄԻՋԱԶԳԱՅԻՆ ՕՐ….Բոլոր աշխատաւորներուն տօնը՝ շնորհաւոր, իսկ բոլորս ալ աշխատաւորներ չե՞նք, ա՛յս կամ ա՛յն ձեւով..: Աշխատանքն է որ կ’իմաստաւորէ մեր գոյութիւնը այս աշխարհիս վրայ, բովանդակութիւն ու իմաստ կու տայ անոր….Երանի՛ անոր, որուն աշխատանքը հարազատ բխումն է իր հոգիին, սրտին, բանականութեան…..արտայայտիչը իր սեփական ապրումներուն, երազներուն, տեսլականին….Թող ԲԱՐԻ, ԱԶԳՕԳՈՒՏ ԵՒ ԲԵՂՄՆԱՒՈՐ աշխատանքը մշտապէս արժեւորէ մեր կեանքը, յաղթահարելով ամէն խոչընդոտ ու պատուար….իր նպաստը բերէ ԱԶԳԻ ու ՀԱՅՐԵՆԻՔԻ ՅԱՌԱՋԴԻՄՈՒԹԵԱՆ ու ԶԱՐԳԱՑՄԱՆ կարեւոր նպատակին….

Երան Գույումջյանի ֆեյսբուքյան էջից

Տառապանքը դպրոց է նաեւ….նոյնն են հիասթափութիւնը, պատրանաթափութիւնը, որոնք կը սորվեցնեն աւելի ԶԳՕՆ ու ԶԳԱՍՏ ըլլալ, ցանկալին իրականի տեղ չդնել….փորձարկել, վերլուծել, կշռադատել դէպքերն ու դէմքերը, դատումը առկախել, եզրակացութեան չգալ անմիջապէս….եւ շարունակաբար ԲԱՑ պահել միտքը՝ նախապաշարումներէ եւ կարծրատիպերէ ձերբազատ: ՄՏՔԻ ԱՐԹՆՈՒԹԻՒՆԸ ՏԵՒԱԿԱՆ ՎԱՐԺՈՒԹԵԱՆ ԿԸ ԿԱՐՕՏԻ….Անիկա դիւրութեամբ ձեռք չբերուիր: Իսկ հիասթափութիւնները մեծագոյն ԳՐԳԻՌ են աւելի ԶԳՕՆ եւ ԶԳԱՍՏ դատելու յետագային….

Երան Գույումջյանի ֆեյսբուքյան էջից

ՆՈՐ ՀԱՅԱՍՏԱՆԻ ՄԸ ՏԵՍԻԼՔԸ….Սա է որ պիտի զբաղեցնէ մեր միտքերը, ոչ՝ ներկայի անմխիթար դրուածքը, որուն մասին ահա կը խօսինք, կը գրենք երկար ատենէ ի վեր, ջուր ծեծելու նման…. աւաղ ապարդիւն….Ի՞նչ տեսակ ՀԱՅԱՍՏԱՆ մը կ’ուզենք, որպէս ԱԶԳԻ ՀԱՅՐԵՆԻՔ, որ կարենայ հարազատ հայելին ըլլալ ազգային եւ անհատական մեր երազներուն եւ իղձերուն, մեր տեսլականին, որ կարենայ ազատ, արդար, արժանավայել կեանք ստեղծել ԱԶԳԻ ԶԱՒԱԿՆԵՐՈՒՆ, որ կարենայ ճիշդ ՀԱՅԵԼԻՆ ըլլալ ազգային մեր ինքնութեան, հայ մշակոյթին, հայ արժէքներու ամբողջութեան…., որ կարենայ ԶԱՐԳԱՑՄԱՆ իրապաշտ եւ միաժամանակ խիզախ եւ յանդուգն հեռանկարներ ստեղծել մեր ԵՐԿՐԻՆ ու ԺՈՂՈՎՈՒՐԴԻՆ, ՀԱՄԱՅՆ ԱԶԳԻՆ…., որ խօսի ՍՐՏԻՆ ու ՄՏՔԻՆ մէն մի հայուն, ո՛ւր որ ալ ապրի ան, եւ դէպի իրեն քաշէ զայն, որպէս ԼՈՒՍԱՏՈՒ ՓԱՐՈՍԸ ՀԱՄԱՅՆ ՀԱՅՈՒԹԵԱՆ….Սա պիտի ըլլայ մեր ՀԱՒԱՔԱԿԱՆ ՄԱՐՏԱՀՐԱՒԷՐԸ, ՄԵՐ ԳՈՅՈՒԹԵԱՆ ԻՄԱՍՏԸ, ՄԵՐ ԳՈՅՈՒԹԵԱՆ ՊԱՏՃԱՌԸ….Մեր հաւաքական ՀԱՒԱՏՔԸ, մեր հաւաքական ԲԱՆԱԿԱՆՈՒԹԻՒՆՆ ու ՔԱՂԱՔԱԿԱՆ ԿԱՄՔԸ կրնան կեանքի կոչել զայն, եթէ իրապէս օժտուած ենք անոնցմով….

Երան Գույումջյանի ֆեյսբուքյան էջից

ՀԵՌՈՒ ՄՆԱԼ ԿՈՒՌՔԵՐԷ….Մեծերը կարդալ շատ հոգեշահ եւ մտաշահ է անկասկած….Անոնցմէ իւրաքանչիւրը նոր մտահորիզոններ կը բանայ տեսադաշտիդ դիմաց, նոր խորութիւններ կը յայտնաբերէ, նորովի մտածել կու տայ հի՛ն-հի՛ն բաներու մասին….Բայց սխալ պիտի ըլլար զանոնք կուռքի վերածելը, որքա՛ն ալ ՄԵԾ ըլլան անոնք: Միշտ պիտի հարցադրել, քննել ու վերաքննել, վերլուծել, փորձարկել եւ կրկին փորձարկել…: Կուռքի վերածելը ճշմարտութիւնը բացարձակացնել կը նշանակէ, ապա զայն քարացնել եւ կաղապարի վերածել….մինչդեռ ամէն խոհ ու միտք ԱԶԱՏ ՇԱՐԺՈՒՄ կ’ենթադրէ…..

Երան Գույումջյանի ֆեյսբուքյան էջից

Ոմանք այնքան շուտ ԴԻՄԱՓՈԽ կ’ըլլան, որ դժուար կ’ըլլայ զանոնք ճանչնալը….ԴԻՄԱՓՈԽՈՒԹԻՒՆԸ յատուկ է այն անձանց, որոնք արեւածաղիկի պէս կը դառնան ա՛յն կողմը, ուր կան արեւուն ճառագայթները….իրենց պարագային՝ սեփական շահերը: Մինչ այդ, սակայն, մեծ-մեծ բառերով կը բարբաջեն ՀԱՅ ԱԶԳԱՅԻՆ-ՀԱՒԱՔԱԿԱՆ ՇԱՀԵՐՈՒՆ մասին, երդում-պատառ ըլլալով որ իրենք նուիրուած են միայն ու միայն անոնց….ԲԱՅՑ ԱՆԿԱՇԱՌ ԺԱՄԱՆԱԿԸ ԿԸ ԲԱՑԱՅԱՅՏԷ ԱՄԷՆ ԻՆՉ…..

***

Շնորհիւ արեւմտեան ՔԱՐՈԶՉԱԿԱՆ հուժկու մեքենային, շատերուն համար ԱՆԿԱԽ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ կը նշանակէ ԱՐԵՒՄՏԱՄԷՏ ՀԱՅԱՍՏԱՆ, մոռացութեան տալով արեւմտեան երկիրներու դաւաճանութիւնը՝ Հայաստանին ու հայութեան, Ա Աշխարհամարտէն ետք եւ մինչեւ հիմա ալ….: Այս ըսելով, ես բնաւ կողմ չեմ ՌՈՒՍԱՄԷՏՈՒԹԵԱՆ կամ որեւէ այլ ԿԱՅՍԵՐԱՄԷՏՈՒԹԵԱՆ, քանզի բոլոր ԿԱՅՍԵՐԱՊԱՇՏԱԿԱՆ միաւորները ունին միայն սեփական շահեր, որոնց իրականացման ճամբուն վրայ, վայրկեան իսկ չեն տատամսիր ՈՏՆԱԿՈԽ ընելու մեզ….ԵՍ ՄԷԿ ԿՈՂՄ ՈՒՆԻՄ, ԱՏԻԿԱ ՀԱՅԱՄԷՏՈՒԹԻՒՆՆ ու ՀԱՅԱՍՏԱՆԱՄԷՏՈՒԹԻՒՆՆ Է, եւ ուրիշ ոչինչ:

Երան Գույումջյանի ֆեյսբուքյան էջից

Այսօր ՈԳԵԿՈՉՈՒՄԻ ՀԱՆԴԻՍՈՒԹԻՒՆՆ է ԱՊՐԻԼ 24-Ի ՆԱՀԱՏԱԿՆԵՐՈՒՆ….հոս Նիկոսիոյ մէջ, Նահատակաց Յուշակոթողին առջեւ…Մտքիս մէջ՝ բազում հարցումներ, Ցեղասպանութենէն շուրջ 100 տարի ետք…եւ հարցումներուն մէջ՝ կարեւոր հարցում մը կը մրճահարէ միտքս. մենք քաղաքականապէս կրցա՞նք հասուննալ Ցեղասպանութենէն 100 տարի ետք…: Տակաւին, մեզմէ շատեր կը հարցնեն. «այս անձը մե՞ր կողմէն է», «մե՞ր ակումբը կու գայ», «մեզմէ՞ է» եւ նման այլ հարցումներ, որոնք որքան ԺԱՄԱՆԱԿԱՎՐԷՊ են, որքան ՀԱՅԱՎՆԱՍ, որքան մեր ՄԻԱՍՆԱԿԱՆՈՒԹԻՒՆԸ ՋԼԱՏՈՂ….Իսկ թուրքը բնաւ խտրութիւն դրա՞ւ իր ՀԱՅԱՍՊԱՆՈՒԹԵԱՆ մէջ….ՑԵՂԱՍՊԱՆՈՒԹԵԱՆ ՈԳԵԿՈՉՈՒՄԸ ՆԱԵՒ ԻՄԱՍՏՆԱՆԱԼՈՒ ԿՈՉ Է ՈՒ ՀՐԱՒԷՐ….

***

Ի՞նչ փոխուեցաւ հարիւր տարուայ մէջ….Թուրքը մնաց թուրք՝ իր էութեամբ, յօշոտելու, կողոպտելու, սպաննելու իր բնոյթով….Իսկ՝ մե՞նք, հայերս: Կրցա՞նք դէն նետել ԶՈՀԻ կարզավիճակը, դադրիլ ուրիշներուն գթութիւնն ու ողորմութիւնը մուրալէ….կրցա՞նք որպէս ՊԱՀԱՆՋԱՏԷՐ ներկայանալ աշխարհին՝ ՄԷԿ, ԼԻԻՐԱՒ ՁԱՅՆՈՎ, ԱՐԺԱՆԱՊԱՏՈՒՈՒԹԵԱՄԲ, ՀԵՏԵՒՈՂԱԿԱՆ ԾՐԱԳԻՐՈՎ….,թէ՞՝ արդէն հաշտուած ենք ԶՈՀԻ մեր կարգավիճակին հետ, եւ փոխանակ դէպքերուն վրայ ներազդելու, կը թողունք որ մեզ եւ մեր Դատը գործածեն ուրիշներ, յանուն իրենց շահերուն….

Երան Գույումջյանի ֆեյսբուքյան էջից

Մատթեոս ավետարանիչ և ստացողներ։
Ավետարան, 1475 թ. (Մատենադարան, ձեռ. 2634)։ Գրվել է Բոլորաբերդում (Վայոց ձոր)։ Նկարիչն Աբրահամ րաբունապետն է, այն մարդը, որը պատրաստել է նաև Սևանի վանքի հայտնի փայտյա փորագրազարդ դուռը։
Մանրանկարում ձեռագրի ստացող Սատաղան պատկերված է իր կնոջ հետ, մի բան, որ միջնադարում քիչ է հանդիպում։

Կարեն Մաթևոսյանի ֆեյբուքյան էջից

ԱԶԳԱՅԻՆ ԳԱՂԱՓԱՐԱԽՕՍՈՒԹԻՒՆԸ մէկն է՝ ԱՄԲՈՂՋԱԿԱՆ ՀԱՅՈՒԹԻՒՆ ԵՒ ԱՄԲՈՂՋԱԿԱՆ ՀԱՅԱՍՏԱՆ…Ա՛յն ինչ կը նպաստէ, կը սատարէ այս ՀԱՄԱԶԳԱՅԻՆ ԳԵՐՆՊԱՏԱԿԻՆ ամբողջ սրտովս ողջունելի է, իսկ ա՛յն ինչ կը հակասէ այս ԳԵՐՆՊԱՏԱԿԻՆ մերժելի է ինծի համար, ի՛նչ որ ալ ըլլան այդ հակասութիւնը պատճառող փաստերը….ներազգային գզուըռտոց թէ ոչ-ժողովրդանուէր իշխանութիւններ, մենատիրական, հատուածական մտածողութիւն եւ գործելակերպ, թէ հայութեան եւ հայկականութեան ինքնութիւնն ու լինելութիւնը վտանգող գործօններ…..Երանի համայն հայութիւնը ԳԻՏԱԿԻՑ ԵՒ ՅԱՆՁՆԱՌՈՒ ԸԼԼԱՐ ԱՅՍ ԳԵՐՆՊԱՏԱԿԻՆ ԿԵՆՍԱԳՈՐԾՄԱՆ….Յայնժամ ոչ մէկ ոյժ կրնար յաղթել մեզ…..

***

Իւրաքանչիւր հայու սրտին մէջ անջնջելի դրոշմ մը կայ, որքան ալ փորձէ ան ժամանակ առ ժամանակ անտեսել զայն, մոռնալու տալ զայն: Անիկա Ցեղասպանութեան եւ Հայրենահանումի դրոշմն է, որ սերունդէ-սերունդ ժառանգուեցաւ որպէս ԿՏԱԿ ՍՐԲԱԶԱՆ….«Այսքան չարիք թէ մոռանան մեր որդիք, Թող ողջ աշխարհ հայուն կարդայ նախատինք»….Չէ՛, չմոռցանք արհաւիրքն այդ, անոր անմար ցաւը վերածելով ՀԱՅ ՄՆԱԼՈՒ, ՀԱՅ ԱՊՐԵԼՈՒ ՊԱՅՔԱՐԻ, ինչ որ դիւրին գործ չէր Սփիւռքի օտար երկինքներու տակ…: Ո՛ւր որ գնաց ՀԱՅԸ, հոն ստեղծեց իր «փոքրիկ Հայաստանը»՝ հայ ընտանիքով, հայ դպրոցով, հայ եկեղեցիով, հայ մամուլով ամրապինդ…., կառչեցաւ իր Մեծասքանչին մանաւանդ, իր ներքին Հայաստանին…: Անգամ մը եւս, մեր սիրտերը քովէ-քով, ԱՊՐԻԼ 24-ԻՆ, պիտի վերանորոգենք մեր ՈՒԽՏԸ՝ հաւատարիմ մնալու մեր ՆԱՀԱՏԱԿՆԵՐՈՒ ԿՏԱԿԻՆ, այլեւ նոր ճիգերով արդիւնաւորելու մեր ՊԱՀԱՆՋԱՏԻՐՈՒԹԻՒՆԸ…, կրկնելով սրբազան աղօթքի պէս. «Եւ հաւատա՛ կրանիթեայ ո՛վ Աստուած, Սրբազան լեռ հաւատա՛, Որ կը հասնինք, մենք կը հասնինք կատարիդ»….

Երան Գույումջյանի ֆեյսբուքյան էջից