Այսօր` նոյեմբերի 2-ին, Միխայիլ Գորբաչովի նախաձեռնությամբ նշվում է Տղամարդկանց համաշխարհային օրը (World Mens Day): Տղամարդկանց օրն ավանդաբար նշվում է նոյեմբերի առաջին շաբաթ օրը:

Այդ օրը տղամարդիկ հատկապես ակնկալում են կանանց ուշադրությունը` որպես նվեր:

Հետաքրքիր է, որ գոյություն ունի նաև Տղամարդկանց միջազգային օր (International Men’s Day), որը նշվում է նոյեմբերի 19-ին: Այս տոնն առաջին անգամ նշվել է 1999-ի նոյեմբերի 19-ին` Տրինիդադ և Տոբագոյում, դրանից հետո այն նշում են նաև ԱՄՆ-ում, Մեծ Բրիտանիայում, Ավստրալիայում, Հնդկաստանում, Սինգապուրում, Մալթայում և Հարավային Աֆրիկայում:

Բանաստեղծ, արձակագիր, հասարակական գործիչ Ավետիք Իսահակյանը ծնվել է 1875 թ. հոկտեմբերի 30-ին, Ալեքսանդրապոլում: Սովորել է Էջմիածնի Գևորգյան ճեմարանում, 1893-ին ընդունվել է Լայպցիգի համալսարան՝ որպես ազատ ունկնդիր:

Գրական գործունեությանը զուգնթաց վաղ երիտասարդական տարիներից զբաղվել է նաև քաղաքական գործունեությամբ: 1895-ին վերադառնալով Լայպցիգից՝ ընդգրկվել է նորաստեղծ ՀՀԴ կուսակցության Ալեքսանդրապոլի կոմիտեի մեջ, մասնակցել Ալեքսանդրապոլից Արևմտյան Հայաստան ուղարկվող զինյալ խմբերի ստեղծմանը, զենք և դրամական միջոցների հայթհայթման գործին: 1896-ին ձերբակալվել է և մեկ տարի արգելափակվել Երևանի բերդում:

Բանտից դուր գալուց հետո տպագրել է «Երգեր և վերքեր» բանաստեղծությունների իր առաջին գիրքը (1897), սակայն շուտով կրկին ձեռբակալվել է և, որպես ցարական միապետության դեմ պայքարող «Ընդհատակյա հեղափոխական կազմակերպոււթյունների» անդամ, աքսորվել Օդեսա: 1897-ին մեկնել է արտասահման, Ցյուրիխի համալսարանում ունկդրել գրականության և փիլիսոփայության պատմություն: 1902-ին վերադարձել է հայրենիք, ապա հաստատվել Թիֆլիսում: 1899-1906-ին ստեղծել է «Հայդուկի երգեր» բանաստեղծությունների շարքը, որը դարձավ հայ ֆիդայական պայքարի անդրանիկ արտահայտությունը հայ դասական պոեզիայի մեջ: 1908-ի դեկտեմբերին, ի թիվս 158 հայ առաջադեմ մտավորականների, Իսահակյանը ձերբակալվել է «դաշնակցության գործով» և կես տարի Թիֆլիսի Մետեխի բանտում մնալուց, խոշոր գրավականով ազատվել կալանքից: Կովկասում մնալը այլևս անհնար էր, և 1911-ին Իսահակյանը հեռանում է:

Իսահակյանը մեկնել է Բեռլին և մի շարք գերմանական մտավորականների հետ մասնակցել Գերմանա-հայկական ընկերության ստեղծմանը՝ միաժամանակ խմբագրելով ընկերության «Մեսրոբ» պարբերական հանդեսը: Սկսված առաջին համաշխարհային պատերազմը և Մեծ եղեռնը հաստատեցին Իսահակյանի ամենամռայլ կանխատեսումները երիտթուրքերի հայաջինջ քաղաքականության վերաբերյալ: Պատերազմից և եղեռնից հետո Իսահակյանը արտացոլել է հայ ժողովրդի ողբերգական ճակատագիրն ու նրա հերոսական ազատամարտը: Այդ ժամանակահատվածում Իսահակյանը հիմնականում հանդես է եկել հրապարակախոսական հոդվածներով, որոնց բովանդականությունը Հայկական հարցն էր, Հայաստանի վերամիավորման խնդիրը, հայկական պետականության վերականգնումը: Եղեռնի ծանր պատկերներով են հագեցած նրա «Ձյունն է եկել ծածկել հիմա…», «Հայաստանին», «Ահա նորեն գարուն եկավ» բանաստեղծությունները:

1926 Իսահակյանը այցելեց Խորհրդային Հայաստանը։ Այստեղ նա հրատարակեց նոր բանաստեղծությունների հավաքածու և մի շարք պատմվածքներ (օրինակ՝ «Համբերության չիբուխը» 1928)։ Վերադարձավ արտասահման 1930թ և ապրեց այնտեղ մինչ 1936թ՝ հանդես գալով որպես Խորհրդային Միության կողմնակից։ 1936 բանաստեղծը վերջնականապես վերադարձավ հայրենիք։

Ստացել է ԽՍՀՄ Պետական Մրցանակ 1946թ, 1946–57թթ Հայաստանի գրողների միության նախագահ է։

Մահացել է 1957թ հոկտեմբերի 19-ին՝ Երևանում:

Արևմտյան լրատվամիջոցներում տեղեկություն է հայտնվել, թե հոլիվուդյան 38-ամյա դերասանուհի Անջելինա Ջոլին ցանկանում է ԱՄՆ նախագահ դառնալ:

Ջոլին, ոչ միայն շարունակում է կատարել ՄԱԿ-ի բարի կամքի դեսպանի պարտականությունները, այլև ակտիվորեն հանդիպում է քաղաքական տարբեր գործիչների հետ:

Սակայն Ջոլիի Սպիտակ տուն մտնելու միտքը շատ բացասական է ընդունում Հիլարի Քլինթոնը, որը բոլորովին չի համակրում դերասանուհուն և նրան կեղծավոր է համարում:

«Հիլարին կտրականապես հրաժարվել է հանդիպել Անջելինայի հետ: Նրա խոսքով, Սպիտակ տունը Ջոլիի տեղը չէ: Իսկ պատգամավորների առջև ելույթի ժամանակ Հիլարին դերասանուհուն կեղծավոր  է անվանել»-պատմել է Քլինթոնին մոտ կանգնած աղբյուրը:

Հայտնի երգիչ Վալերի Մելաձեն պաշտոնապես հաստատել է իր կնոջից՝ Իրինայից ամուսնալուծվելու մասին լուրերը:

Ինչպես տեղեկացնում է  7дней.ru-ն, Մելաձեն հոկտեմբերի 21-ին հայց է ներկայացրել դատարան, և այն դեռևս քննարկման փուլում է:

Վալերին և Իրինան որոշել են ամուսնալուծվել 18 տարի տևած համատեղ կյանքից հետո: Զույգն ունի 3 դուստր՝ 22-ամյա Ինգան, 14-ամյա Սոֆիան և 11-ամյա Արինան:

Հիշեցնենք, որ վերջերս բաժանվել էր նաև Վալերի Մելաձեի եղբայրը՝ հայտնի պրոդյուսեր Կոնստանտին Մելաձեն, որը շարունակում է հոգ տանել իր զավակների մասին. «Կոստյան իրեն շատ արժանապատիվ է պահում, և նրա նման հայրեր շատ քիչ են»-հաստատում են Մելաձեի ընկերները:

Ժամանակը ցույց կտա, թե ինչպիսի հայր է Վալերի Մելաձեն և արդյո՞ք նա կկատարի իր հայրական պարտավորությունները:

Բժիշկը` Քոնրադ Մյուրեյը, որը մեղավոր էր ճանաչվել փոփ լեգենդ Մայքլ Ջեքսոնի մահվան համար, այսօր բանտից ազատ է արձակվել:

Ինչպես հայտնում է Sky News-ը, բժիշկն ազատ է արձակվել Կալիֆոռնիայի բանտերի գերհագեցած լինելու և լավ վարքի համար:

Քոնրադ Մյուրեյն ազատազրկումը կրել է 2 տարուց էլ քիչ ժամկետում:

Օրենքով նրան հասնում էր 4 տարվա առավելագույն ազատազրկում, որից 2 տարուց ավելին լրացել էր 2011-ի դրությամբ, երբ նրան բանտարկեցին տևական դատավարությունից հետո:

Հիշեցնենք, որ  Ջեքսոնի բժիշկը՝ Քոնրադ Մյուրեյն, երգչին շատ ուժեղ դեղամիջոց է նշանակել:  Ըստ փորձագետների՝ եթե Ջեքսոնը չմահանար 2009 թ. հունիսի 25-ին, ապա նա կմահանար մի քանի օր անց՝ անքնությունից:

Հանրապետության տարածքում՝ հոկտեմբերի 26-ին, 28-30-ին սպասվում է առանց տեղումների եղանակ, 27-ին Վայոց ձորում և Սյունիքում սպասվում են տեղումներ:

Քամին հյուսիս-արևմտյան՝ 2-5 մ/վրկ:

Ըստ ԱԻՆ կայքի, օդի ջերմաստիճանը հոկտեմբերի 26-27-ի ցերեկը կբարձրանա 2-3 աստիճանով:

Երևանում՝  հոկտեմբերի 26-30-ին սպասվում է առանց տեղումների եղանակ:

Ավարտվեց ևս մեկ աստղային սիրո պատմություն: Հայտնի բրիտանացի դերասան Օրլանդո Բլումը և սուպերմոդել Միրանդա Քերը պաշտոնապես հայտարարել են իրենց ամուսնալուծության մասին:

Զույգի բաժանման մասին լուրերը վաղուց էին շրջանառվում. վերջերս շատ հազվադեպ կարելի էր տեսնել Բլումին և Միրանդային միասին:

«Նրանք հայտարարում են, որ արդեն մի քանի ամիս է չեն հանդիպում: Վեց տարի տևած համատեղ կյանքից հետո, նրանք որոշել են ամուսնալուծվել»,- նշել է Բլումի ներկայացուցիչը:

Բաժանման պատճառները դեռևս հայտնի չեն:  Եթե հավատանք մամուլի հրապարակումներին, Միրանդան հաճախ է դավաճանել ամուսնուն՝ մի անգամ նույնիսկ բացահայտ սիրահետելով Լեոնարդո Դի Կապրիոյին:

Ռեալիթի-շոուի աստղ Քիմ Քարդաշյանը և ռեփեր Քանիե Ուեսթը պատրաստվում են իրենց հարսանիքն անել Լաս Վեգասում:

Showbizspy.com-փոխանցմաբ, Քանիե Ուեսթը, որը վերջերս էր Քիմին ամուսնության առաջարկ արել, Լաս Վեգասում արդեն ընտրել է այն մատուռը, որտեղ անցկացվելու է արարողությունը:

«Քանիեն Էլվիս Փրեսլիի մեծ երկրպագուն է և նա կարծում է, որ մատուռում ամուսնանալը հետաքրքիր է: Նա Քիմին առաջարկեց ամուսնական երդումն ասել հենց այնտեղ և շատ զարմացած էր, երբ Քիմը համաձայնեց: Զույգը ցանկանում է, որպեսզի Էլվիսի կրկնօրինակը նրանց համար կատարի Love Me Tender երգը»,- պատմել է զույգի մտերիմներից մեկը:

Facebook սոցիալական կայքի ադմինիստրացիան պարզաբանել է, թե ինչու երեկ օգտատերեր չէին կարողանում հրապարակումներ կատարել, ինչպես նաև like դնել:

Facebook Inc.-ի ներկայացուցչի հավաստմամբ, ցանցի պլանային սպասարկման աշխատանքների ժամանակ խնդիրներ են առաջացել, որոնք ժամանակավորապես զրկել են Facebook-ի օգտատերերին գրառումներ կատարելու հնարավորությունից:

«Սակայն այս պահին անսարքությունները անբողջովին վերացված են, և կայքն անխափան աշխատում է: Մենք հայցում ենք ձեր ներողամտությունը»,-հայտնել են ընկերությունից։

Անիի արվարձան. Հովվի եկեղեցուց մնացած հատվածը։
Հեռվում Անիի պարիսպներ են, իսկ ճիշտ կենտրոնում՝ միջնաբերդը։

Կարեն Մաթևոսյանի ֆեյսբուքյան էջից