Ամերիկյան հասարակությունը ոչ մի կերպ չի կարողանույմ հաշտվել այն մտքի հետ, որ 52-ամյա Ջորջ Քլունին դեռ չի ամուսնացել: Ամերիկյան W ամսագրին տված հարցազրույցում դերասանը ստիպված է եղել բացատրել, թե ինչու է մինչև այժմ միայնակ:

«Ես դեռ չեմ հանդիպել իմ սիրուն»,-կարճ պատասխանել է հոլիվուդյան աստղը:

Բացի այդ, Քլունին պատմել է իր մանկության կուռքերի մասին. «Երբ ես փոքր էի, ես սիրահարված էի Օդրի Հեփբերնին: Ես 11 տարեկան էի, երբ դիտեցի նրա մասնակցությամբ «Հռոմեական արձակուրդներ» ֆիլմը:  Իմ կարծիքով, նա աշխարհի ամենաէլեգանտ կինն է: Ես սիրահարվեցի նրան խելագարի պես: Ինձ դուր եր գալիս նաև Գրեյս Քելլին: Երբ ես «Բռնել գողին» ֆիլմում տեսա, թե նա ինչպես է դուրս գալիս ջրից, ես մտածեցի, որ նա ամենագեղեցիկ կինն է, որին երբևէ տեսել եմ»,-անկեղծացել  է Ջորջ Քլունին:

Միրանդա Քերի մասին շշուկները չեն դադարում: Նոր վարկած էր շրջանառվում, թե մոդելը հանդիպում է Լենարդո Դի Կապրիոյի հետ: Սակայն Օրլանդո Բլումի նախկին կինը վերջերս շատ ժամանակ է անցկացնում իր հին ընկերոջ, ավստրալիացի միլարդատեր Ջեյմս Պեկերի հետ:

Աստղի նոր ընտրյալն իրենից 16 տարով մեծ է (Միրանդան 30 տարեկան է, իսկ Ջեյմսը՝ 46): Պեկերների ընտանիքը հայտնի է իր ունեցվածքով, Ջեյմսի հայրը նույնպես շատ հարուստ է եղել:

Նշենք, որ ավստրալիացի մեծահարուստը  վերջերս է ամուսնալուծվել: Իսկ արդեն երեկ Woman`s Day-ը հաստատել է այն տեղեկությունը, որ  Միրանդան և Ջեյմսը միասին են՝ ամսագրի շապիկին տեղադրելով նաև զույգի նկարը:

Շուտով ամանորյա տոներն են. «Հայկական Վարկածը» փորձել է իր ընթերցողի համար պարզել, թե ինչ է փոխվել հայ հանրությանը հայտնի մարդկանց մտածելակերպում՝ կապված Նոր տարվա հետ, ու թե ինչպե՞ս և որտե՞ղ են են նրանք անցկացնելու տոնը:

«Այնտեղ, որտեղ ստամոքսի տոն  չէ Ամանորը: Այնտեղ որտեղ կարիք չկա ամանորյա սեղանով զարմացնել ինչ որ մեկին ,կամ բանկից վերցրած վարկով Նոր տարի նշել:

Թող Նոր տարին մի լավ բան մեր երկրին  բերի: Ասում ենք, խնդրում ենք, բայց այդպես էլ չի լինում»:

Սուրեն Շահվերդյան

«Քանի որ իմ փոքրիկներն արդեն գիտեն ձմեռ պապիկի մասին, որոշել ենք գնել մեծ տոնածառ ու տան պայմաններում նշել այն՝ դիմավորելով ձմեռ պապիկին. մի խոսքով ընտանիքով՝ հարազատ պատերի ներքո»:

Սարգիս Գրիգորյան

«Այս տարի ևս Ամանորը դիմավորելու եմ մեր ընտանիքի ավանդույթների համաձայն, որն արդեն տասնամյակներով շարունակվում է՝ դեռևս իմ հայրական ընտանիքից սկսված: Ամբողջ ընտանիքով ենք դիմավորում Նոր տարին՝ առանց որևէ մեկի բացակայության, ավանդույթ է, որ տան բոլոր լույսերը պետք է վառված լինեն, իհարկե մի քանի ժամ առաջ զարդարվում է տոնածառը՝ մեր տան ամենափոքրի կողմից, նաև իմ կողմից տեղադրվում  և զարդարվում է փոքրիկ Սուրբ ծննդյան տնակը՝ իր երկու մոմերով և Մարիամ Աստվածածնի նկարով, որը ևս իմ հոր կողմից է ինձ ավանդվել: Բնականաբար, ամանորյա նվերներ իմ կողմից բոլորին, ինձ ևս չեն մոռանում իմ սիրելիները: Եվ իհարկե ավանդական սեղան իր անփոփոխ ավանդական ամանորյա ճաշատեսակներով և անպայման շատ համեստ: Ժամը տասներկուսի զարկելուն պես՝ շնորհավորում ենք  միմյանց և զանգում՝ շնորհավորելու մեր մյուս հարազատներին»:

Տիգրան Ներսիսյան

«Ամանորի համար սա բահուս որոշ ծրագիր մը  չունիմ ,ընդհանրապես մինչև ժամը 12 ընտանիքիս հետ միասին, հետո ընկերներով միասին գըլլամ»:

Սիբիլ՝ ստամբուլահայ երգչուհի

«Քանի որ ես ձմեռը չեմ սիրում, չեմ սիրում նաև այդ տոնը: Ուստի նշում եմ բավականին համեստ, միայն Ամանորի գիշերը ընտանիքիս ու մոտ ընկերներիս հետ միասին … հաջորդ օրվանից տոնն ինձ համար ավարտվում է … »

Ռուզաննա Հարությունյան

«Անկեղծ ասած ես Ամանորը այդքան էլ չեմ սիրում: Ուստի երբեք կանխավ ծրագրեր չեմ ունենում տոնի հետ կապված»:

Մարջան Ավետիսյան

«Ամանորի գիշերը ժամը 12-ին կլինեմ տանը, կնշեմ հարազատներիս հետ …ինչպես միշտ ու դա իմ համար արդեն շատ սիրելի ավանդույթ է դարձել …իսկ հետո ընկերներիս հետ արդեն որևիցե ակումբում կուրախանանք մինչև լույս»:

Արշավիր Փանոսյան

«Եթե լինեմ Հայաստանում ինչպես որ բոլոր հայկական օջախները, ծնողներիս ու հարազատներիս հետ, քանի որ միակ տոնն է, որ կարողանում եմ բոլոր հեռու մոտիկ բարեկամներիս տեսնեմ: Բայց ցավոք այս Նոր Տարին դիմավորելու եմ Դուբայում իմ երաժիշտ կոլլեգաներիս հետ»:

Կամո Սեյրանյան

«Ինչպես միշտ, իհարկե, ընտանիքով,  ընկերներիս հետ կամ տանը, կամ Վանաձորի «Թեժ լեռ պանսիոնատում»:

Արա Գևորգյան

Հ.Գ. «Հայկական Վարկած»-ը մինչև տարեվերջ ձեզ կներկայացնի, թե  հայ հայտնիներից ով որտեղ է պատրաստվում նշել Ամանորը

Գարիկ Ավետիսյան

Այսօր՝  Երևանի ժամանակով  21:45-ին, Կիևի «Ուկրաինա» Արվեստների ազգային պալատում տեղի կունենա  «Մանկական Եվրատեսիլ 2013» երգի 11-րդ մրցույթի եզրափակիչ փուլը:

Հայաստանը ներկայացնող մասնակից Մոնիկա Ավանեսյանը, «Choco Factory» երգով, ելույթ կունենա երրորդ համարի ներքո:

Այս տարի «Մանկական Եվրատեսիլ»-ին մասնակցելու է 12 երկիր:

1. Հայաստան — Մոնիկա Ավանեսյան, «Choco Factory»

2. Բելառուս — Իլյա Վոլկով, «Poy so Mnoy»

3. Վրաստան — Սմայլ Շոփ, «Give your smile»

4. Մոլդովա — Ռաֆայել Բոբեյկա, «Cum să fim»

5. Մակեդոնիա — Բարբարա Պոպովիչ, «Ohrid i muzika»

6. Մալթա — Գայա Կոչի, «The Start»

7. Նիդերլանդներ — Միլենե եւ Ռոզանե, «Double Me»

8. Ռուսաստան — Դայանա Կիրիլովա, «Dream on»

9. Սան Մարինո — Միշելե Պերնիոլա, «O-o-O Sole intorno a me»

10. Շվեդիա — Էլիաս, «Det är dit vi ska»

11. Ուկրաինա — Սոֆիա Տարասովա, «We Are One»

12. Ադրբեջան — Ռուստամ Քարիմով, «Me And My Guitar»

Էշտոն Կետչերը և Դեմի Մուրը վերջնականապես ամուսնալուծվեցին: Հիմա ամերիկյան ԶԼՄ-ների ուշադրության կենտրոնում Կետչերի ընկերուհին է՝ Միլա Կունիսը. այս մասին գրում է 7days.ru-ն:

Վերջերս 30-ամյա դերասանուհին կրում է լայն հագուստներ: Ակնհայտ է, որ Կունիսի  շապիկները նախատեսված են ապագա մայրերի համար:

Հղիության մասին լուրերը հաստատում են նաև այն լուսանկարները, որոնք պապարացիներն արել են նոյեմբերի 25-ին: Նկարներում երևում է, թե ինչպես է Կետչերը պայուսակով փակում ընկերուհուն, որպեսզի վերջինիս չլուսանկարեն:

Կունիսի և Կետչերի ընկերները People ամսագրին պատմել են, որ զույգը պատրաստ է ընտանիք կազմելուն: «Նրանք երկուսով ցանկանում են երեխաներ ունենալ: Ես կարծում եմ, որ շուտով Միլայի հղիության մասին կլսենք: Հնարավոր է նրանց ամուսնությունից անմիջապես հետո, չի բացառվում նաև դրանից շուտ», -ասել է աստղային զույգի մտերիմներից մեկը:

Նոյեմբերի 28-ին հրապարակվել է ՖԻՖԱ-ի դասակարգման նոր աղյուսակը: Հայաստանի հավաքականը, չնայած հաշվետու ժամանակաշրջանում չի անցկացրել հանդիպումներ, այդուհանդերձ, առաջադիմել է 4 հորիզոնականով և զբաղեցնում է ռեկորդային՝ 34-րդ տեղը:

32-ամյա դերասանուհի Ջեսսիկա Ալբան համարձակորեն փոփոխել է իր արտաքին տեսքը: Այս անգամ  նա որոշել է մի քանի փոփոխություններ անել. նա նոր դաջվածք ունի, իսկ սև մազերն այլևս բաց գույնի են:

Հիմա դերասանուհու մատերի վրա գրված է «NO!»: Հետաքրքիր է, ո՞ւմ է նա որոշել այդպես վճռական ասել «ՈՉ»:

Անջելինա Ջոլի և Բրեդ Փիթ զույգը համարվում է Հոլիվուդում ամենաամուրը: Նրանց հարաբերություններին նախանձում են շատ շատերը:

Որպես ապացույց իր զգացմունքների` Անջելինա Ջոլին սրտաձև կղզի է նվիրել Փիթին՝ ամուսնու 50-ամյակի կապակցությամբ, որը դեկտեմբերի 18-ն է: Այդ անակնկալն արժե 12$ մլն: Կղզին գտնվում է Նյու Յորքից 50 կմ հեռավորության վրա:

Բրիթնի Սփիրսն առաջին անգամ խոսել է իր և փաստաբան Դեյվիդ Լուկադոյի հարաբերությունների մասին: Երգչուհին հարցազրույց է տվել և պատմել իր երջանկության մասին: Ինչպես երևում է, նա վերջապես գտել է այն մարդուն, որին այնքան փնտրում էր:

«Հիմա ես երջանիկ եմ,-ասել է Բրիթնին՝ Entertainment Tonight ամսագրի հետ զրույցում,-Ինձ շատ հաճելի է Դեյվիդի հետ: Նա շատ ուրախ և կրքոտ մարդ է: Ինձ դուր են գալիս նրա հետաքրքրությունները, իսկ նրա սովորությունները վարակիչ են»:

Շշուկներ էին պտտվում, թե Սպիրսն ու իր ընկերը նշանվել  են, սակայն երգչուհին չի հասցրել անգամ ծանոթացնել Դեյվիդին իր հոր հետ. «Նա շատ լավ արձագանքեց, և ես նրան հասկանում եմ»,- նշել է Բրիթնին:

Իսկ ահա Սփիրսի տղաներին Դեյվիդ Լուկադոն վաղուց է ճանաչում. նրանց հաճախ կարելի է տեսնել միասին:

Չեմպիոնների լիգայի խմբային փուլի նախավերջին՝ 5-րդ տուրում Դորտմունդի «Բորուսիա»-ն սեփական հարկի տակ 3:1 հաշվով պարտության է մատնել «Նապոլի»-ին:

«Բորուսիա»-ի գլխավոր մարզիչ Յուրգեն Կլոպը իր կարծիքն է հայտնել խաղի և մասնավորաես՝ Հենրիխ Մխիթարյանի մասին:
«Ամբողջ թիմը հիանալի գործեց: Ի սկզբանե պարզ էր, որ հետաքրքիր և դիտարժան խաղ է լինելու: Մենք բազմաթիվ գոլային պահեր ստեղծեցինք և կարողացանք օգտագործել դրանցից մի քանիսը: Մխիթարյանն ավելի արագ է, քան նախորդ տարիների մեր մյուս նորեկները:
Սա զարգացման, առաջադիմության գործընթաց է: Մխիթարյանն անկասելի էր, ինչպես «Շալկե»-ի դեմ խաղում: Պետք է փորձենք այնպես անել, որ նման գործողություններ նրա կատարմամբ տեսնենք յուրաքանչյուր խաղի»,- հայտարարել է Կլոպը: