Արդեն հայտնի է, որ դեկտեմբերի 24-ին կայացավ «ՀՖՖ մրցանակաբաշխություն 2013»-ը, որի ընթացքում հայտնի դարձավ, որ Հայաստանի 2013 թ. «Տարվա լավագույն ֆուտբոլիստ» է ճանաչվել Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը ով ՀՖՖ պաշտոնական կայքի հետ զրույցում կիսվել է իր տպավորություններով և պատմել ապագա ծրագրերի մասին:

— Ի՞նչ զգացողություններ ունեցար 4-րդ անգամ Հայաստանի լավագույն ֆուտբոլիստ ճանաչվելու կապակցությամբ:

-Բնականաբար, շատ հաճելի էր Հայաստանի լավագույն ֆուտբոլիստ ճանաչվելը: Ուզում եմ շնորհակալություն հայտնել ազգային հավաքականում բոլոր խաղընկերներիս, որոնց շնորհիվ ես կարողացա հասնել այս հաջողությանը: Յուրա Մովսիսյանը և Արաս Օզբիլիսը նույնպես արժանի էին այդ կոչմանը:

 -Մրցանակաբաշխության ընթացքում ՈՒԵՖԱ-ի նախագահ Միշել Պլատինին հատուկ տեսաուղերձի միջոցով անձամբ բացեց փակ ծրարը եւ հայտարարեց քո անունը: Ի՞նչ զգացիր այդ պահին:

-Կարծում եմ՝ ինչպես ինձ, այնպես էլ բոլորի համար դա մեծ անակնկալ էր: Բնականաբար, շատ հաճելի էր, որովհետև ամեն օր չես լսի, որ ՈՒԵՖԱ-ի նախագահն անձամբ հայտարարի քո անունը:

-Մի փոքր կխոսես առաջիկա ծրագրերիդ մասին

-Դեկտեմբերի 28-ին մեկնում եմ արձակուրդ, իսկ հունվարի 5-ին պետք է միանամ «Բորուսիային», քանի որ թիմը սկսում է մարզումները: Դրանից հետո կանցկացնենք 8-օրյա հավաք իսպանական Լա-Մանգայում և կպատրաստվենք մրցաշրջանի երկրորդ հատվածին:

-Ի՞նչ կմաղթես Ամանորի կապակցությամբ:

-Սրտանց շնորհավորում եմ բոլորի Ամանորը և Սուրբ Ծնունդը: Երկրպագուներին մաղթում եմ, որ միշտ լինեն մեր կողքին, լինեն առողջ: Մաղթում եմ, որ գալիք՝ 2014 թվականը լինի հաջողությունների տարի և մենք էլ կարողանանք ուրախացնել մեր երկրպագուներին:

Օսկարի՝ լավագույն օտարալեզու ֆիլմ անվանակարգում կինոմրցանակի ինը հավակնորդների «շորթ-լիստն» արդեն հրապարակվել է:

76 ֆիլմերից 9-ը ընտրվել են քվեարկության միջոցով. ռեժիսորներ Սերժ Ավեդիքյանի և Ելենա Ֆետիսովայի «Փարաջանով» ֆիլմը, որը ներկայացնում էր Ուկրաինան, չի ներառվել ֆիլմերի ցուցակում:

Նշենք, որ մրցանակաբաշխությունը տեղի կունենա մարտի 2-ին Լոս Անջելեսում

Ռեալիթի շոուի աստղ Քիմ Քարդաշյանը ոչ միայն հասցնում է մեծ թափով նիհարել՝ հարսանիքին գեղեցիկ տեսքով ներկայանալու համար, այլև դաստիարակում է իր փոքրիկին՝ Նորթին, որի կես տարին կլրանա շուտով:

Վերջերս Քիմը որոշել է ուրախացնել իր երկրպագուներին՝  միկրոբլոգում տեղադրելով ժպտացող փոքրիկի նկարը:

Մենք պիտի չընդօրինակենք ուրիշին քաղաքական վարդապետութիւնները կուրօրէն, կամ բաց աչքով, բայց ստրկամտօրէն….Մենք պիտի ստեղծենք ՄԵՐԸ, ՀԱՅԿԱԿԱՆԸ, որ համահունչ ըլլայ ՀԱՅ հոգեւոր-մշակութային ԱՐԺԷՔՆԵՐՈՒ համակարգին հետ…, որ հիմնուած ըլլայ ԱԶԳԱՅԻՆ ՄԵՐ ԳԱՂԱՓԱՐԻՆ վրայ, մեր կենսակերպին վրայ….ՕՏԱՐԱՄՈԼՈՒԹԻՒՆԸ այնքան խոր նստած է մեր մէջ, որ կը սիրենք երբեմն կոյրզկուրայն հետեւիլ ուրիշին, առանց հարց տալու, թէ ուրիշին ձեւած-չափած-կարած հագուստը կը յարմարի՞ արդեօք մեր մարմնին, թէ՞ ընդհակառակը այլանդակ պիտի ընծայէ զայն….ՍՏԵՂԾԵՆՔ ՄԵՐԸ, ՀԱՅԿԱԿԱՆԸ ԵՒ ԹՈՂ ՈՒՐԻՇՆԵՐ ՕՐԻՆԱԿ ԱՌՆԵՆ ՄԵՐ ՍՏԵՂԾԱԾԷՆ…ՀԻ՛Ն-ՀԻ՛Ն դարերուն, աշխարհը որչա՛փ բան սորված է հայկական քաղաքակրթութենէն….ԻՍԿ ՀԻՄԱ՞….

Երան Կույումջյանի ֆեյսբուքյան էջից

Հռոմի պապ Ֆրանցիսկոսի տարեդարձին մասնակցել են նաև 4 հռոմեացի անօթևաններ:

Ինչպես հայտնում է Интерфакс-ը՝ վկայակոչելով իտալական Corriere della Sera պարբերականին, անօթևանները նախաճաշել են Սանտա Մարտա նստավայրում, որտեղ ապրում է պոնտիֆիկոսը։

Ճաշկերույթին մասնակցել են Հռոմի պապի մտերիմները և նստավայրի աշխատակիցները։

Հայտնի ռեալիթի շոու աստղ Քիմ Քարդաշյանի փոքր քույրը՝ Քլոե Քարդաշյանը և 34-ամյա բասկետբոլիստ Լամար Օդոմը չկարողացան պահպանել իրենց ամուսնությունը, որը տևեց մոտ 4 տարի:

Ինչպես հայտնում է People ամսագիրը, 29-ամյա հեռուստաաստղը դիմել է Լոս Անջելեսի դատարան:

Այն, որ զույգը խնդիրներ ունի, հայտնի էր դեռևս սեպտեմբերին: Քլոեն ու Լամարը նոյեմբերին հաճախում էին ընտանեկան հոգեբանի մոտ, սակայն, ինչպես երևում է, նրանց չի հաջողվել կարգավորել հարաբերությունները:

Լուրեր են շրջանառվում, թե 46-ամյա դերասանուհի Ջուլիա Ռոբերտսը երեխայի է սպասում: Վերջերս դերասանուհին ներկայացել է «Օգոստոս» ֆիլմի պրեմիերային և երկրպագուներին կրկին մտածելու տեղիք տվել. իսկապես նա հղի՞ է:

Միջոցառման ժամանակ Ջուլիան կրել է  Proenza Schouler-ի հագուստը, որը կարծես քողարկում էր նրա հղիության փաստը:

Ի դեպ, վերջերս դերասանուհին մասնակցել է նաև Դեյվիդ Լետերմանի շոուհին: Այս անգամ ևս Ռոբերտսը կրել է լայն հագուստ:

Սակայն դեռևս, դերասանուհու հղիության մասին շշուկները մնում են շշուկներ:

Երգիչ, երգչուհիների լռությունը ստեղծագործական կյանքում հաճախ պայմանավորված է լինում Հայաստանից հեռանալու, այլ աշխատանքով զբաղվելու կամ անձնական կյանքում փոփոխություններ կատարելու հանգամանքներով։ Աիդա Սարգսյանն այս տարի պասիվ էր երգարվեստում. «Հայկական Վարկած»-ի թղթակիցը ճշտեց, թե այժմ  ինչով է նա զբաղված։

Երգչուհին տեղեկացրեց, որ Հայաստանից մեկնելու ծրագրեր չկան, հաճախ բացակայում է երկրից, սակայն հյուրախաղերի մեկնելու նպատակով։ Մենահամերգներով հիմնականում հանդես է գալիս արտերկրում։ Վերջերս Ռուսաստանի Դաշնության քաղաքներում էր հյուրընկալված, այժմ ունի առաջարկ Իրանից:

«Զբաղված եմ համերգային գործունեությամբ։ Այնքան երգեր ունեմ, որ երեք ժամից ավելի ծրագիր եմ ներկայացնում։ Շուտով նոր երգերի ձայնագրություններ և տեսահոլովակ կլինի», — ասաց Աիդա Սարգսյանը։

Իսկ այն հարցին, թե ինչու այս ընթացքում նոր տեսահոլովակ չի եղել, երգչուհին պատասխանեց՝ «Շատ լավ գիտենք, որ տեսահոլովակ նկարահանելը մեծ բյուջե է պահանջում, և գաղտնիք չէ, որ բոլորի մոտ է պասիվություն նկատվում, նաև համերգային գործունեությունում»։

Առաջիկայում Աիդա Սարգսյանը հանդես կգա հետաքրքիր նորություններով. «Հայրենասիրական երգեր եմ ձայնագրել, արտերկրում նման երգերի պահանջարկն էլ է շատ մեծ։ Դեռ չեմ ուզում մելոդիկ երգեր անել, չնայած շատ գեղեցիկ ստեղծագործություններ են նվիրել, բայց այսօր նոր շնչով և ավելի ռիթմիկ երգերին եմ տալիս նախապատվությունը, իսկ թե որ երգի հիման վրա կնկարահանեմ տեսահոլովակ, դեռ չեմ հստակեցրել, բայց աշխույժ երգերով կներկայանամ։ Տարբեր հեղինակների՝ նոր անունների հետ եմ աշխատում», — նշեց նա։

Մարինե Ամիրյան

Արգենտինայում և Ուրուգվայում այսօր նշում են Տանգոյի միջազգային օրը:

Տոնի շրջանակներում կազմակերպել են գալա համերգներ, պարային երեկոներ և հանդիպումներ՝ հանրահայտ պարարվեստի գործիչների հետ:

Այդ երկրներում, սկսած 1977թ.-ից,  դեկտեմբերի 11-ին  (Երևանի ժամանակով՝ դեկտեմբերի 12) մեծ շուքով են նշում  տանգոյի միջազգային օրը:

Պարը ծագել է Ռիո դե լա Պլատա քաղաքում և տարածում գտել ամբողջ աշխարհում:
2009 թվականին Ուրուգվայն ու Արգենտինան առաջարկեցին տանգոն ներառել ՅՈՒՆԵՍԿՕ-ի ոչ նյութական ժառանգության ցուցակում և նույն թվականի հոկտեմբերին ՅՈՒՆԵՍԿՕ-ն տվեց իր համաձայնությունը:

Տանգոյում կարևորը հոգին է, զգացմունքները: Այն միակ պարն է, որի միջոցով կարելի է արտահայտել ամեն ինչ` սեր, ատելություն, զայրույթ և կիրք:

Կառլոս Գարդելը՝ ֆրանսիացի ներգաղթյալը, ամենաակնառու դեմքն է տանգոյի պատմության մեջ:

«Տանգո» բառը առաջացել է պարից շատ առաջ: Ի սկզբանե այդ բառը Կանարյան կղզիներից մեկում օգտագործվում էր՝ բնորոշելու համար «նեգրերի հավաքը պարելու կամ թմբուկ նվագելու համար»: Այդ թմբուկները նույնպես կոչվում էին «տանգո»:

Ներկայումս կա տանգոյի մի քանի տեսակ՝ միլոնգերո, սալոնային տանգո, Liso կամ հասարակ տանգո, Nuevo կամ նոր տանգո, տանգո «ֆանտազիա»:

«Անժելա Սարգսյանը վերադառնում է». նման վերտառությամբ տեսաձայնագրությունն այսօր ամենաշատ դիտումն ունի:

Տեսանյությում նշվում են տարբեր սկանդալային  մեկնաբանություններ, որոնց պարզաբանումները մենք փորձեցինք ստանալ Անժելա Սարգսյանի պրոդյուսեր և իրավաբան Մարիաննա Եղիազարյանից:

Նա նշեց, որ Անժելա Սարգսյանը պայմանագիր է կնքել ATV հեռուստաընկերության և Հրաչ Մուրադյանի հետ, համաձայն որի՝ մինչև 16.12.2013 նրանք իրավունք չունեն ԶԼՄ-ներին տեղեկատվություն տրամադրել:

Սպասեք մեր հետագա հոդվածներին՝ Անժելա Սարգսյանի և նրա պրոդյուսերի մեկնաբանությունների հետ կապված: