18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...18.05.2024 | 13:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանի...18.05.2024 | 12:10
Կիրանցեցիներին ասել են՝ պետք է լքեք ձեր տները. Գառնիկ Դանիելյան...18.05.2024 | 11:10
Ինչ են առաջարկում քաղաքական ուժերը Բագրատ Սրբազանին․ «Հրապարակ»...17.05.2024 | 15:10
Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստ...17.05.2024 | 14:10
Տեսա Ղարաբաղում էլ մարդ չկա, եկա ՀՀ․ իմ միակ խնդիրը՝ արցախցիների հետ վերադարձն է...17.05.2024 | 13:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավ...17.05.2024 | 12:10
Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նա...17.05.2024 | 11:10
Կիրանցում ադրբեջանական վերահսկողությանն է ապօրինաբար հանձնվում 2 տուն և մոտ 57 հ...16.05.2024 | 15:10
Եթե նոր սահմանագիծ ստեղծենք, դա կլինի էսկալացիայի և ռազմական բախումների հարատև ա...16.05.2024 | 14:10
Եթե սա է լեգիտիմությունը… ծիծաղելի է16.05.2024 | 13:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու...16.05.2024 | 12:10
Գործողությունները լինելու են կետային, թիրախային. Բագրատ Սրբազան...16.05.2024 | 11:10
Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առա...15.05.2024 | 15:10
Բագրատ արքեպիսկոպոսն առաջնորդում է Փաշինյանին հեռացնելու և Հայաստանը փրկելու ջան...15.05.2024 | 14:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայ...15.05.2024 | 13:10
Փաշինյանը ցանկանում է՝ Հայաստանը 2024 թվականին դառնա ԵՄ անդամ...15.05.2024 | 12:10
Սա մարող շարժում է և այսպիսի շարժումներ վերջին տարիներին շատ ենք տեսել. Փամբուխչ...15.05.2024 | 11:10
Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահման...14.05.2024 | 15:10
Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանա...14.05.2024 | 14:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը...14.05.2024 | 13:10
Նկատել ենք, որ ռուս սահմանապահները հեռանում են Ներքին Հանդից․ համայնքապետ...14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատ...14.05.2024 | 11:10
Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիել...13.05.2024 | 14:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով ...13.05.2024 | 13:10
Փաշինյանին մեղադրում են Հայոց ցեղասպանությունը ժխտող թեզեր տարածելու մեջ...13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը...13.05.2024 | 12:10
Ինչ ունենք այս պահին13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ)...13.05.2024 | 11:04
Ովքեր չեն կարող լինել վարչապետի թեկնածու. շարժման առաջնորդը ներկայացրեց պահանջնե...11.05.2024 | 15:10
Սահմանազատումն իրականացվում է մեր պայմանների հիման վրա, և սա մեր հաջորդ հաղթանակ...11.05.2024 | 13:10
Արտաքին աշխարհից մեկուսացված՝ ես խորհելու շատ ժամանակ ունեմ․ Ռուբեն Վարդանյանի ո...11.05.2024 | 12:10
Պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պա...11.05.2024 | 11:10
Բագրատ հոգևորականը ՔՊ-ից 1․5 ձայն էլ չի ստանա․ Անդրանիկ Քոչարյանը՝ իմփիչմենթի գո...10.05.2024 | 15:10
Ես հավակնություն չունեմ, ոչ էլ կարծում եմ, որ ճիշտ է. Բագրատ սրբազանն իր վարչապե...10.05.2024 | 14:10
Փաշինյանը պատրաստվում է նոր զիջումների` հօգուտ Ադրբեջանի․ «Հրապարակ»...10.05.2024 | 13:10
Երեկվանից ՔՊ-ից որոշ կոնտակտներ իրենց նախաձեռնությամբ մեզ հետ են եղել․ Սուրեն Պե...10.05.2024 | 12:18
Վարչապետի թեկնածուն պետք է լինի Բագրատ Սրբազանը. Վարդան Օսկանյա...Ըստ թուրքական Today’s Zaman պարբերականի՝ Ստամբուլի առաջին ատյանի 14-րդ դատարանն «Ակօս» թերթի խմբագրապետ Հրանտ Դինքի գործով ցմահ ազատազրկման է դատապարտել գլխավոր մեղադրյալ Յասին Հայալին։
Գործով անցնող մյուս ամբաստանյալը`Էրհան Թունցելն արդարացվել է սպանության մասով. նրան դատարանը մեղավոր է ճանաչել 2004թ. Ստամբուլի McDonalds’-ի պայթյունը կազմակերպելու գործում մասնակցության համար և դատապարտվել 10 տարվա ազատազրկման։
Հրանտ Դինքի ընտանիքը համաձայն չէ վճռի հետ և գտնում է, որ արդարությունը չի հաղթանակել. Ընտանիքի փաստաբան Ֆեթիե Չեթինը մեկնաբանելով դատարանի վճիռն ասել է, թե` այն նշանակում է, որ «քաղաքական սպանությունների պետական ավանդույթը» միտումնավոր կերպով անփոփոխ մնաց, քանի որ այն չի առնչվում 2007թ. Դինքի սպանությանը պետության ներգրավվածության վերաբերյալ մեղադրանքներին։ «Հինգ տարի տևած դատական գործընթացի ընթացքում նրանց ծիծաղեցին մեզ վրա։ Մենք չէինք սպասում, որ նրանք ամենամեծ կատակը կթողնեին վերջին պահի համար»,- վճռի հրապարակումից հետո ասել է նա։
Դինքի ընտանիքի փաստաբանը խոստացել է օգտագործել դատական բոլոր հնարավոր միջոցներն ընդդեմ դատարանի վճռի՝ վստահեցնելով, որ առաջին ատյանի դատարանի վճիռը դեռ ոչինչ չի նշանակում. այն Դինքի գործի միայն սկզբնական փուլն է։
«Այս վճիռը նշանակում է, որ մի սովորույթ անփոփոխ մնաց՝ քաղաքական սպանությունների պետական ավանդույթը, որով այն խտրականություն է դնում իր որոշ քաղաքացիների նկատմամբ և նրանց վերածում թշնամիների»,- նկատել է փաստաբանը։
Դատարանի շենքի դիմաց ինչպես միշտ մարդաշատ է եղել. Մարդիկ ցուցապասառներով էին. «Դատական այս գործն այսօր չի ավարտվի» կարգախոսով:
«Հրանտի ընկերներ» անվամբ խումբը, որը դատական բոլոր նիստերի ժամանակ բողոքի ցույցեր է կազմակերպել դատարանի շենքի առջև, այսօր նույնպես Ստամբուլի դատարանի շենքի դիմաց էր:
Պարզվում է որ մեղադրող դատախազը նույնպես բավարարված չէր վճռով, նա դատարանից պահանջել էր ցմահ դատապարտել Դինքի սպանությամբ մեջ մեղադրվող յոթ մարդու, իսկ դատավճռի հրապարակումից հետո ասել է, որ ինքը կբողոքարկի վճիռը:
Հիշեցնենք, որ Հրանտ Դինքը սպանվել է «Ակօս» շաբաթաթերթի խմբագրության շենքի դիմաց 2007թ. հունվարի 19-ին։
Պատմությունը կրկնվում է. այս պահին գրեթե 350 մարդ, հիմնականում Հայաստանի քաղաքացիներ, չեն կարողանում Վերին Լարս անցակետով Ռուսաստան մտնել` եղանակային անբարենպաստ պայմանների պատճառով: Այս մասին տեղեկացնում է ԻՏԱՌ-ՏԱՍՍ-գործակալությունը, նշելով, որ քամի է առատ ձյուն ու փոթորիկ: Մառախուղի ու տեսանելիության պակասի արդյունքում հետագա անելիքների մասին ոչինչ չի նշվում:
Վրացական լրատվամիջոցները հաղորդում են, որ քաղաքացիներին ապաստան են տրամադրել Դուշեթի շրջկենտրոնում, ապահովել սննդամթերքով, նրանց կայցելի Վրաստանում Հայաստանի դեսպանատան աշխատակիցը: Քաղաքացիների մեծամասնությունը Վլադիկավկազի ուղևորներն են: Հավատացնում են, որ սահմանը կբացվի եղանակի կարգավորվելուն պես, իսկ կանխատեսումների մասին ոչինչ չի հաղորդվում:
Ռուսաստանի և Վրաստանի միջեւ գտնվող «Վերին Լարս» անցակետը փակվել է հունվարի 16-ին ` մինչեւ հատուկ կարգադրություն ստանալը այն կմնա փակ: հունվարի 15-ից փակ է նաև նաեւ Ռուսաստանն Անդրկովկասի հետ կապող մյուս անցուղին` Տրանսկամը:
Վրաստանը չդադարող տեղումներով և անբավարար տեսանելիությամբ է պայմանավորում սողանքային առավել վտանգավոր օջախները վերացնելու անհնարինությունը:
Հիշեցնենք, որ Ռուս — վրացական սահմանին գտնվող Վերին Լարսի մատուցած անակնկալները նոր չեն. անցակետը վրացական կողմից փակվեց նաև նոյեմբերի սկզբներին, ինչը ըստ Վրաստանի պայմանավորված չէր քաղաքական շարժառիթներով: Սակայն հայ վարորդները պնդում էին, որ վերաբերմունքը հայերի և մյուս բեռնափոխադրողների միջև տարբեր են եղել և անցակետում խնդիրներ են ունեցել հատկապես հայերը:
Այդ ժամանակ վրացական կողմը անցակետում հայտարարություններ չէր փակցրել, թե երբվանից է փակում անցակետը, ինչպես սովորաբար վարվում էր նախորդ տարիներին: Այդ պատճառով հայ վարորդները հանկարծակի էին եկել` տեսնելով փակ անցակետը: Երկրորդ` նախորդ տարի բավական երկար ժամանակ չէր գործել Փոթի — Նովոռոսիսյսկ լաստանավը, ինչի հետևանքով բեռնատար մեքենաները պարզապես այլընտրանք չունեին: Դոնի Ռոստովից մինչեւ Վերին Լարս ճանապարհներին հայտնվեցին սպասողական վիճակում:
Ճիշտ է դեկտեմբերի 2-ին և 3-ին տեղումները դադարեցին, ինչը հնարավոր դարձրեց բեռնատարների փոխադրումը քարշակներով:Սակայն որպես վարձ այդ ծառայության համար յուրաքանչյուր մեքենայից գանձվել էր 220 դոլար: Հետաքրքիր է այս անգամ ի՞նչքան կնստացնեն հայ վարորդների վրա Լարսի անցակետը:
Վաղը Ապարանցիները նշում են իրենց նոր տարին, որը Ապարան հայրենակացական միության նախագահի փոփոխությունից հետո, 2012 –ին, ասում են, տոնվելու է մի առանձին շուքով: Ճիշտ է, մարդիկ մտավախություն ունեն, որ նորաթուխ նախագահ Սամվել Ալեքսանյանի շռայլությունը կարող է իրենց վրա շատ թանկ նստել, քանի որ թե’ ապարանցիները, թե’ նրանց հյուրերը վախենում են խմել նրա արտադրած օղին, բայց դե սա այն պահն է, որ հրաժարվել էլ չեն կարող:
Ինչևէ, այսօր երեկոյան Մոսկվայից Երևան կժամանիթիվ մեկ ապարանցին`գլխավոր դատախազ Աղվան Հովսեփյանը, որի հյուրերն են հիմնականում լինում հին տոմարով Նոր տարի նշող ու ապարանցիներին պատվող հրավիրյալները:
Այսօր մեկնարկած դատական նիստին ՃՈ նախկին պետ Մարգար Օհանյանը դատարանին հայտնեց, որ առաջադրված մեղադրանքներում իրեն մեղավոր չի ճանաչում:
Մենք արդեն տեղեկացրել ենք, որ այսօր առավոտյան սկսվել է վերջին շրջանի ամենաաղմակահարուց դատավարություներից մեկը:
Օրվա երկրորդ կեսին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում դատավոր Մխիթար Պապոյանը մերժեց Մարգար Օհանյանին գրավի դիմաց ազատ արձակելու կամ խափանման միջոցը փոխելու պաշտպանի միջնորդությունը:
Դատարանում մեղադրող Հարություն Հարությունյանը ներկայացրեց մեղադրական եզրակացությունը, Մարգար Օհանյանին մեղավոր ճանաչելով պաշտոնական դիրքը չարաշահելու և առանձնապես խոշոր չափերի յուրացումներ կատարելու մեջ:
Մինչ դատավարությանն անցնելը նշենք մի փոքրիկ նրբություն. ամբաստանյալն իրեն մեղավոր չի ճանաչել, այդ մասին նա հայտարարեց նաև դատարանում, սակայն բավականին խոշոր գումար է փոխանցել պետբյուջե, մի մասն էլ դեռ պատրաստվում է փոխանցել:
Դատարանում, ի տարբերություն գործով անցնող մյուս ամբաստանյալի, խոսք չգնաց նաև իրեն մասնակի մեղավոր ճանաչելու մասին: Հարց է ծագում, եթե նախկին ՃՈ պետը համաձայն չէ իրեն առաջադրված մեղադրանքի երկու կետի հետ էլ,ապա ինչու է փոխանցում գումարը: Իսկ մեղադրանքի` պաշտոնական դիրքը չարահաշելու մասով Մարգար Օհանյանը դատավարության հենց սկզբում ասաց, թե բացահայտումներ ունի անելու:
Չի բացառվում, որ փոխհատուցելով գումարը և ասելով այն` ինչը որոշակի պայմանավորվածությունների շրջանակներում նրան թույլատրված է ասել, Օհանյանին մեղմ պատժեն: Չի բացառվում, որ մարգարօհանյան օպերացիայով լուծվում են մի քանի հարցեր. Նախ նախընտրական ժամանակահատվածում, երբ ոստիկանության դերն էապես աճում է՝ իրավիճակը վերահսկելու տեսանկյունից, իշխանությունը փորձում է հավատացնել ժողովրդին, թե` անձեռնմխելիներ չկան:
Սա կարող է վերաբերվել նաև ոչ միայն նախկին ՃՈ պետին: Այլ ուղղակի առնչվել նաև Օհանյանի խոստացած հետաքրքրական բացահայտումների զոհին: Դրանք կարող են հետաքրքրական արձագանքներ առաջ բերել նաև ոստիկանական համակարգում: Ինչը ժամանակահատվածի հետ կապված, շատ կարևոր է այսօր:
Արդյո՞ք Օհանյանի վՃարումների ու դրա հետ կապված մեղմ պատժի մասին լուրերը, նրա այսօրվա դուխը, պայմավավորված չէ այն հանգամանքով, որ արդեն կա սցենար, որի համաձայն նրան թույլ են տվել մի քանի քար նետել իր գլխավոր ախոյանի` Ալիկ Սերգեյիչի ուղղությամբ: Կտա՞ փուռը Սերգեյիչին, Բաղրամյան 26-ը, դեռ պարզ չէ, բայց որ կսմիթներ կլինեն, արդեն ակնհայտ է, իսկ թե ինչպես է և ում հեղինակությամբ էր ՀՔԾ –ում ամիսներ շարունակ մշակվում այս սցենարը, կարելի է կռահել: Ի դեպ Սերգեյիչի պաշտոնանկության հիմնական պատճառներն էլ պետք է փնտրել այդ լաբիրինթոսում:
Հ.Գ.Դատարանում մյուս ամբաստանյալը` 2-րդ սպայական գումարտակի նախկին հրամանատար Ստեփան Կարախանյանը առհասարակ հրաժարվեց պատասխանել հարցերին, իսկ Արա Լևոնյանն ու Սամվել Մախմուրյանը իրենց մեղավոր ճանաչեցին. Միայն ըստ վերջինիս`մեղադրական եզրակացության մեջ սխալ կա, ու նա իրեն մեղավոր է ճանաչում, սակայն մասնակի վերապահումներով` եզրակացության բովանդակության հետ էլ համաձայն չէր: Նա պարզաբանեց, որ Մարգար Օհանյանը իրեն ոչինչ չի հանձնարարել, կամբատը` այսինքն Ստեփան Կարախանյանն է հանձնարարել:
Դատավարությունն անցկացնելու կարգը որոշելուց հետո`այն սկվելու է ապացույցների հետազոտմամբ, դատավոր Պապոյանը նիստը հետաձգեց մինչեւ հունվարի 13-ը, ժամը 11:30-ը:
Սիրելիներ, շնորհավորում ենք Ձեր և աշխարհասփյուռ հայության Ամանորն ու Սուրբ Ծնունդը։ Թող 2012–ին մեր ժողովրդին ուղեկցեն խաղաղությունն ու բարօրությունը: Թող Աստծո կամոք շենանա մեր երկրը և յուրաքանչյուր հայի օջախ ջերմությամբ և ուրախությամբ լցվի։ Ու, մենք էլ միայն բարի լուրեր ավետելու առիթներ ունենանք։
Այսօր այսպես կոչված համառուսաստանյան հանրահավաքն է: Նույնիսկ մեր թունդ ժողովրդավարներից մի քանի նմուշ պատրաստվում են Ռուսաստանի դեսպանատան մոտ բողոքի ցույց անցկացնել «ընդդեմ ըտրակեղծիքների, և գողերի ու ժուլիկների կուսակցության»: Խոշոր հաշվով` դա ռուսների ներքին գործն է: Միայն մեկ փոքրիկ դետալ` հակապուտինյան հանրահավաքին ելույթի համար հերթագրվել է Ռուսաստանի իսլամական կոմիտեի նախագահ Հեյդար Ջեմալը: Ճշմարտության պահն է` ռուս պետականության թշնամիները միավորվում են պանթուրքիզմի գաղափարախոսների հետ…
Մի այլընտրանքային հանրահավաք պետականամետների համար կազմակերպում է մեր հայրենակից Սերգեյ Կուրղինյանը, որ տեսագրված ուղերձով դիմել է Ռուսաստանի քաղաքացիներին: Այսինքն` լինելու են պետականամետ և հակապետական ուժերի զուգահեռ հանրահավաքներ: Իրար հետ դժվար թե անմիջապես բախվեն, սակայն երկու մտածողությունների հակամարտությունն ակնհայտ է: Մեկն արտացոլում է նրանց մոտեցումը, ովքեր պատրաստ են ամեն ինչի, միայն թե արտահայտեն իրենց դժգոհությունը, մյուսները մտադիր չեն ոտնատակ անել պետականությունը, թեև դժգոհ են Պուտինից: Եթե զուգահեռներ անցկացնենք մեր երկրի հետ, ապա առաջինների տեսակը մեզանում առատորեն ներկայացված էր 2008-ին, հատկապես մարտիմեկյան խժդժություններին, սակայն այժմ ցիրուցան վիճակում է շնորհիվ ժամանակի գործոնի և իշխանություն-ընդդիմություն «գյալաջիների»:
Այսօր «կրակոտ հեղափոխականները» մեզանում հիմնականում վնասազերծված են, ու ցնցումներ չեն լինի, եթե ամբողջատիրական աղանդների ներկայացուցիչները իրենց հոգևոր չոբանների հրամանով դուրս չգան հրապարակներ: Բայց բոլոր դեպքերում մեռելային կայունությունն էլ խաբուսիկ է, իշխանություն — ընդդիմություն կռիվներին փոխարինելու են եկել ներիշխանական կռիվները: Սակայն նույն ռուսների մոտ քաղաքական նոր գաղափարներ ենք հայտնաբերում:
Պարզվում է, դեռ ամառվանից Ռուսաստանում ստեղծվել է շարժում հանուն էվոլյուցիոն աստիճանական փոփոխությունների: Մինչ խորհդարանական ընտրարշավում անիմաստ ու բութ կրքեր էին եռում, մարդիկ հռչակել էին կարգախոս. «Այո` փոփոխություններին, ոչ` իշխանափոխությանը»: Եվ մտադիր են մինչև նախագահական ընտրությունները կազմակերպել 100 հազարանոց երթ` հօգուտ վերնախավի քաղաքական կուրսի փոփոխության: Հիմնական գաղափարը բավականին պարզ է` իշխանափոխություն առանց Ռուսաստանի կազմաքանդիչ ուժերի խրախճանքի անհնարին է, բոլոր պայքարները «հանուն արդար ընտրությունների» հանգում են նույն կազմաքանդմանը, ուստի` ավելի լավ է չթողնել կազմաքանդիչներին նախաձեռնել Ռուսաստանի գերեզմանափոր «Պերեստրոյկա-2»-ը, առավել ևս, որ «արդար ընտռրություններ» պահանջողների մեջ է նաև ԽՍՀՄ-ը կործանած «Պերեստրոյկա-1»-ի հեղինակ Միխայիլ Գորբաչովը, և փորձել ճնշումների միջոցով պարտադրել Պուտինի վարչախմբին կուրսի աստիճանական շրջադարձ` դեպի Ռուսաստանի ազգային շահը…
Թերևս դա այն օրինակն է, որը իմաստ ունի ընդօրինակել ռուսներից: Իշխանափոխության անհնարինությունը մեր երկրում այժմ ապացուցման կարիք չունի, բոլոր հնարավոր տեսական տարբերակներն էլ հանգում են արտաքին բացահայտ ընդարձակ միջամտությանը, որը չավարտված պատերազմում գտնվող երկրի համար կործանարար է: Ներիշխանական խմբավորումների պայքարին, մանդատների և պորտֆելների համար ՀՀԿ-ԲՀԿ — ՕԵԿ գզվռտոցին էլ ժողովրդին մասնակից դարձնելը անիմաստ և անօգուտ գործընթաց է:
Ավելի լավ է հանրությունը ձեռնպահ մնա այդ տխմարությանը մասնակցելուց` թող իրենք իրենցով վերաբաշխեն այդ քվոթաները, քանզի մեկը մյուսից ոչնչով լավը չէ: Իսկ հանրությունն ավելի լավ է կենտրոնանա ոչ թե այն հարցի վրա, թե ով քանի խորհրդարանական մանդատ կունենա, այլ ինչ է ակնկալում և պահանջում իշխանությունից: Թող բոլոր նորմալ ուժերը` առանձին-առանձին, կամ ավելի լավ է` համախմբված, ձևավորեն այդ պահանջները, և մենք իրոք 100 հազարանոց երթ անենք կոնկրետ և առարկայական փոփոխությունների պահանջով: Թող ներկայիս էլիտան իշխանության գլուխ մնա թեկուզ 10, 20, 50 տարի, միևնույն է`«ազատ ընտրությունների» և «ժողովրդի իշխանության» գաղափարներն ընդամենը գեղեցիկ պատրանք են… Չմոռանանք, որ նույն իշխանությունը պատրաստ էր ՀԱԿ-ի հետ «երկխոսել» ցանկացած հարցի շուրջ, բացի իշխանություն հանձնելուց… Դե ուրեմն եկեք իշխանությունից պահանջենք ու ստանանք ցանկացած բան, բացի իշխանություն փոխելուց: Եվ պահանջենք այնքան համախմբված ու հուժկու, որ ՀԱԿ-ի ամենահզոր հանրահավաքներն ու երթերը դրա համեմատ մանկական խաղ թվան: Ի վերջո մեզ հետաքրքիր է ոչ թե այն, թե ով է իշխանություն, այլ այն, որ իշխանությունը մարդավարի կատարի ժողովրդի ծառայի իր գործառույթը: Սովետական բանակում լավ կարգախոս կար. «Не хочешь-заставим, не можешь-научим», և հենց այդ սկզբունքով պետք է վարվենք իշխանության հետ: Հենց վաղվանից սկսած…
Իսկ սկսել կարելի է, օրինակ, թեկուզ Լիսկայի պես անհաջող կադրին անհապաղ չվաստակած հանգստի ուղարկելու պահանջից:
Շաբաթվա Վարկածները քննեց ԱՐՍԵՆ ՎԱՀԱՆՅԱՆԸ
Աչքներս լույս. Երևանի Կարեն Դեմիրճյանի անվան մարզահամերգային համալիրում մեկնարկած «Նիգ-Ապարան» հայրենակցական միության 5-րդ համագումարում ԱԺ պատգամավոր, գործարար Սամվել Ալեքսանյանը (Լֆիկ Սամո) ընտրվել է միության նախագահ։ Այս պաշտոնում Ալեքսանյանը փոխարինել է Երևանի Ա. Շահինյանի անվան ֆիզմաթ դպրոցի տնօրեն Հայկազ Նավասարդյանին։
Թե ինչու օլիգարխ Լֆիկ Սամոն հանկած հիշեց իր ապարանյան արմատները, որոնք մինչ այդ առանձնապես չէր ցուցադրում, կարելի է միայն ենթադրել: Թերևս նա լուրջ դրդապատճառներ ունի ի ցույց հանելու իր մտերմությունը «Նիգ-Ապարան» հայրենակցական միության պատվավոր, իսկ ավելի ճիշտ` իրական նախագահ Աղվան Հովսեփյանի հետ և ավելին, հայցել «անխորտակելի» գլխավոր դատախազի հովանավորությունը: Բանն այն է, որ Լֆիկը թերևս զգացել է, որ օլիգոպոլիաների հնարավորությունները սահմանափակելու շունչը աստիճանաբար իրեն է հասնում: Թեև ՀՀ նախագահը նրան դեռևս ուղղակի չի ճնշում, այնուամենայնիվ, առաջին ազդանշանը հնչեց գործարար Սիլվա Համբարձումյանի շուրթերով: Լիսկայի հետ նրա հակամարտության ֆոնի վրա շատերը մոռացել են, որ նա հասցրել էր խոսել Հայաստան ներմուծվող շաքարի ոչ այնքան բարձր գների մասին և բարձրաձայնել էր ցանկությունը` նաև շաքար ներմուծել:
Ընդհանրապես սույն գործարար տիկինը կարծես թե բազմաքայլանոց ու կազմակերպված ինտրիգի մասնակից է: Նա միաժամանակ և՛ մեսիջ ուղարկեց Լֆիկին, թե մենաշնորհային դիրքերդ խարխլելու ժամանակներն են մոտենում, և՛ Լիսկային ներքաշեց այնպիսի կոնֆլիկտի մեջ, որ վերջինս դարձավ անպատժելի բռիության խորհրդանիշ և հանրության աչքի գրող, և՛ հպանցիկ շոշափեց որոշ հանքավայրերի անուններ, որոնց իրական տերն ընդունված է համարել Ռոբերտ Քոչարյանին…
Եվ Լիսկայի պարագայում վերջակետը դեռ ամենևին դրված չէ: Ի վերջո ինչպե՞ս ձևակերպվեց Լիսկայի քրեական հետապնդման դադարեցումը` հայտարարվեց, որ նա ՀՔԾ-ում հանդես է եկել «գործուն զղջումով», Սիլվա Համբարձումյանն էլ հայտարարեց, թե ընդունում է նրա ներողությունը… Ամենայն հավանականությամբ, այդ ձևակերպումների իրական հեղինակը կրկին Աղվան Գառնիկիչն է, և դրանց միջոցով Լիսկան ընկավ «թակարդը»: Վերջինիս մնում էր կամ հայտարարել, որ ինքը զղջացող ու ներողություն խնդրող տղա չի, ու դրանով իշխանությանը հնարավորություն տալ իրեն ասելու, որ նա չի օգտագործել իր վերջին շանսը, հետևաբար` պետք է «մի դիմում էլ ինքը գրի», կամ «կոտրվել» ու Սյունյաց «ահուսարսափի» իր կարգավիճակը կորցնել: Առայժմ նա կիսաձայն ուրացել է իր զղջումը, և Սիլվա Համբարձումյանն ամենևին ոչ կիսաձայն հայտարարել է, որ դեռ մի քանի օր ունի բողոքարկելու ՀՔԾ որոշումը, քրգործը կարճելու վերաբերյալ: Այսինքն` Լիսկայի ճակատագիրը կրկին Աղվան Հովսեփյանի ձեռքերում է հայտնվում…
Գլխավոր դատախազը ըստ էություն կարևոր ստվերային դեր է խաղացել և այնպիսի հարցում, ինչպիսին է բյուջեի ընդունումը խորհրդարանում: Հարկ է հիշեցնել, որ բյուջեի քվեարկության քվորումը ապահովվեց մեկ դաշնակցականի և մեկ «ժառանգականի» դեմ քվեարկելու շնորհիվ, այլապես կտապալվեր, ու դա հղի կլիներ խոշոր անախորժություններով վարչապետի համար… Եվ այդ մեկ «ժառանգականը» հենց Աղվան Հովսեփյանի հավատարիմ կադր Արմեն Մարտիրոսյանն է, որը վերջերս աչքի ընկավ իր և Շմայսի միջև ծագած հայտնի «հայվանապատման» շնորհիվ:
Ահա այսպիսի բաներ: «Նիգ-Ապարանի» առաջնորդ գլխավոր դատախազը փաստորեն առիթները բաց չի թողնում ավելացնելու սեփական ռեսուրսը. Լիսկայի պարագայում իր ձեռքում կենտրոնացրեց անտեսանելի թելեր, փրկեց բյուջեի քվեարկությունը (և դեռ այդքան էլ պարզ չէ` դրանով վարչապետի՞ն մեծ լավություն արեց, թե՞ իրագործեց այն, ինչը այդ պահին անհրաժեշտ էր նախագահականին), գումարած դրան էլ հռչակեց իր հովանավորությունը Լֆիկ Սամոյի նկատմամբ:
Բնականաբար, այդ օլիգարխի վիթխարի ֆինանսական ռեսուրսը այսուհետ ծառայեցվելու է գլխավոր դատախազի քաղաքական նպատակներին: Խոսքը մեծամասնական ընտրակարգով մի քանի ապարանցի պատգամավոր անցկացնելու մասին չէ միայն, հաստատ ավելի մեծ նպատակներ էլ կան: Բանն այն է, որ ամենայն հավանականությամբ ապարանցի հայտնի պատգամավոր Լյովա Խաչատրյանն ըստ ամենայնի մտնելու է ՕԵԿ-ի նախընտրական ցուցակ կամ, եթե կոալիցիան հանդես գա միասնական ցուցակով, կգրանցվի ՕԵԿ-ի քվոթայով: Ու թեև Լյովա Խաչատրյանը հրապարակավ կեսլուրջ, կեսկատակ հայտարարել էր, թե ապարանցին ոչնչից չի վախենում, քանի որ «ուղեղ չունի», տվյալ դեպքում ախքիկացումը միայն առաջին հայացքից է թվում անուղեղ քայլ: Պարզից էլ պարզ է, որ Լյովա Խաչատրյանը դժվար թե այդպիսի բան աներ առանց Աղվան Գառնիկիչի հուշարարության, եթե ոչ կարգադրության, իսկ «գլխավոր ապարանցի» գլխավոր դատախազը հաստատ անչափ հեռու է անուղեղային վիճակներից: Այս ամենը բերում է նրան, որ կարծես թե Աղվան Հովսեփյանը որոշել է «շեֆություն անել» ամբողջովին վարկանիշաթափ ՕԵԿ-ին, և վերջինիս փրկելով ընտրություններում անխուսափելի պարտությունից, այդ կուսակցությունն «իրենով անել», չկրելով որևէ պատասխանատվություն ՕԵԿ-ի համար և պաշտոնապես ՕԵԿ-ի հետ ոչ մի կապ չունենալով:
Ինչևէ, «Նիգ-Ապարանի» առաջնորդը ոչ մի այն շատ ամուր է պահում իր աթոռը (վկան` իր դեմ դուրս եկած Ալիկ Սերգեիչին խցանի պես թռցնելը), այլև գտնում է ուղիներ`անտեսանելիորեն էլ ավելի ամրապնդվելու քաղաքական դաշտում: Եվ կարելի է փաստել, որ «ՀՀ թիվ 1 ապարանցի» գլխավոր դատախազը շատ հեռու է ապարանցիների մասին անեկդոտներում նկարագրված կերպարներից: Նա ինքը ի վիճակի է ուրիշներին դարձնել անեկդոտի հերոս… և եթե «հոկտեմբերի 27-ի» շուրջ ձևավորված ալիքի վրա նրան Գագիկ Ջհանգիրյանի պես հմուտ ու նենգ ինտրիգանը չկարողացավ «ուտել», ապա մյուսներին առավելևս դա չի հաջողվի: Իսկ գործող նախագահի վստահությունը պահպանելու, վերջինիս քայլերին ու մտահղացումներին համահունչ գործելու արվեստը Աղվան Հովսեփյանը շատ վաղուց և շատ լավ գիտի…
Ու այս ամենը բերում է նրան, որ ինչպես Գառնիկիչին խոստացել է նախագահը, նա մինչև իր թոշակի անցնելը, անխռով կպաշտոնավարի:
Վարկածները քննեց ԱՐՍԵՆ ՎԱՀԱՆՅԱՆԸ
Չմեռանք` դա էլ տեսանք. Նեմեց Ռուբոն` բողոքի ցույցի մասնակից: Բողոքի ցույցն էլ ընդդեմ մեկ այլ օլիգարխի է` Աշոտ Աղաբաբյանի (Բուռնաշի), որը մտադիր է «Հրազդան» տոնավաճառի տարածքում` հենց մարզադաշտի կողքին, 20 մետր բարձրությամբ առևտրի կենտրոն կառուցել:
Ահա ինչ է ասում ինքը` Ռուբեն Հայրապետյանը. «Նման կառույցի կործանումը չի ներվի սերունդների կողմից: Ես ամեն ինչ անելու եմ` ընդհուպ էքսկավատորի տակ պառկելը: Այս պահին միջազգային որեւէ խաղ չենք կարող անցկացնել: Շատ կարեւոր է մարդկանց տարհանումը, որին կարող է խոչընդոտել առեւտրի կենտրոնը: Բացի այդ խոտածածկը պետք է փոխվի: Գալիք մրցափուլում Մալթային եւ Բուլղարիային հյուրընկալվելիս 6 միավոր վաստակելուց հետո` հայ ֆուտբոլասերներին հնարավոր չի լինի զսպել, քանի որ հաջորդ խաղը Երեւանում է լինելու Իտալիայի հետ»:
Պատկերացնո՞ւմ եք`մի օլիգարխը կարող է պառկել մեկ այլ օլիգարխի էքսկավատորի տակ: Մեր կյանքը ռեա՞լ է, թե՞ ապրում ենք հայտնի ֆիլմի «մատրիցայի» ներսում:
Մեկ ուրիշ հետաքրքիր դրվագ. ԱԱԾ-ն, բերման է ենթարկել պոռնոսկանդալի հերոսուհի Անժելա Սարգսյանի նախկին (կամ իբր նախկին) ամուսնուն` ԵՊՀ փիլիսոփայության դասախոս Ղազար Ավետիսյանին, և նա հարցաքննվել է ԱԱԾ-ում` կեղծ վկայականներ տրամադրելու գործի շրջանակներում: Առայժմ ազատ են արձակել: Դե ԱԱԾ-ն ժամանակին այլոց էլ էր ազատ արձակում հարցաքննություններից հետո, բայց դա որոշ դեպքերում 15 տարվա ազատազրկման դատավճռով… Կհետևենք, տեսնենք, թե սա ինչքան ջուր կքաշի:
Հա, քանի որ հիշեցինք Անժելին, չենք կարող չհիշել և ռուսական ժողովրդավարության մերկաստինք պաշտպաններին` ուկրաինական «Ֆեմեն» կազմակերպությունից: Այդ նպատակով Մոսկվա ժամանած երեք աղջիկներին չի կանգնեցրել նույնիսկ դեկտեմբերյան ցուրտը: Նրանք մերկացել են Սուրբ Փրկչի եկեղեցու մոտ, կոնքերին փաթաթել Ռուսաստանի դրոշի տեսքով պարկերի կտորներ: Բոլոր աղջիկների մարմիններին նկարված է եղել ուղղափառ խաչ: Բացի այդ, նրանցից մեկի ձեռքին եղել է մտրակ: Աղջիկների ձեռքին եղել են պաստառներ, որոնց վրա անգլերեն եւ ռուսերեն գրված է եղել: «Աստված, քշիր թագավորին»: Աչքիս, սրանք էլ ինչ-որ աղանդի հետ կապ ունեցող են, այլապես…
Սակայն մեր քաղաքական դաշտն էլ առանձնապես չի տարբերվում այդ մերկ աղջիկներից: Հանուն քաղաքական իրավիճակի վրա ազդելու ինչի ասես կգնան մեր քաղաքական այրերը: Ճիշտ է, ՀԱԿ-ի ակտիվիստուհիները «հանուն ավազակապետության կազմաքանդման» դեռևս «ֆեմինիստուհիների» պես հրապարակավ չեն մերկանում, սակայն նրաց առաջնորդ Լևոն Տեր-Պետրոսյանի`հրապարակ նետած ՀԱԿ-ԲՀԿ դաշինքի գաղափարն, արդեն երկու շաբաթ է, ինչ ալեկոծում է ամբողջ քաղաքական դաշտը: Լուրջ-լուրջ խոսում են դրա մասին, նաև քաղաքագետ կոչված մարդիկ են դա «վերլուծում» որպես հնարավոր տարբերակ: Այդ վիրտուալ բլեֆը այնքան է տարել ոմանց, որ էլ դու սուս… Բայց անգամ իշխանության ներսում է այդ բլեֆը ազդեցություն թողնում:
Գագիկ Ծառուկյանն ու ԲՀԿ-ն այդպես էլ հրապարակավ չեն հայտարարում, որ դա կատարյալ էշություն է: Իբր թե չհայտարարելով կարող են վախեցնել ՀՀԿ-ին ու Սերժ Սարգսյանին, թե եթե հանկարծ իրենց հատկացվելիք տեղերից դժգոհ մնացին, մեկ էլ տեսար ՀԱԿ-ի հետ ընկերություն կանեն: Մեկ էլ նույն ձևով ոչ հաստատում են, ոչ հերքում այն լուրերը, թե Ռոբերտ Քոչարյանը կարող է գլխավորել ԲՀԿ ցուցակը: Բայց չէ՞ որ, ինչպես նկատեց Բառադի Համո մականունով հանրապետական պատգամավոր Համլետ Հարությունյանը, «Քոչարյանը թիմ չունի, էդ մարդը իրենց տանը նստած է»: Բայց հանրապետականներն էլ պակաս չեն` այն բանի համար, որ ԲՀԿ-ն հրապարակավ չի ասում, որ ՀԱԿ-ի հետ դաշինք հնարավոր չի, Ռոբերտ Քոչարյանն էլ իրենց ցուցակում չի լինի առաջին տեղում, ԲՀԿ-ում ինչքան «պլանքաշ» կա` բոլորի վրա գործ հարուցեցին: Դե ձեր սեփական «պլանքաշներին» էլ հավաքեք…
Ստացվեց աբսուդային խաղ. «Ասա»-«Չեմ ասի», «Չէ, կասես»-«Չեմ ասի»: Գրողը տանի, իշխող կոալիցիայի լուրջ կուսակցություննե՞ր եք, թե՞ «կազակի-ռազբոյնիկի» խաղացող 10-12 տարեկան մանչուկներ: Կարճ ասած, ընկղմվում ենք մի վիրտուալ «Մատրիցայի» մեջ, ուր հասարակ ողջամտությունն ու առողջ տրամաբանությունը հեչ հագի չեն:
Վարկածները քննեց ԱՐՍԵՆ ՎԱՀԱՆՅԱՆԸ
Այն, որ ցանկացած իրեն անկախ համարող կազմակերպության աշխատանք, այս կամ այն չափով թելադրվում է իշխանության կողմից, ու մեր երկրում չկան անկախ կառույցներ, պարզ դարձավ այսօր` «Վարկած» ակումբում տեղի ունեցած ասուլիսի ժամանակ:
Հյուրերը երկուսն էին. մտահոգ մարդիկ մեր երկրի ճանապարհների, և դրանցից անբաժան վարորդների խնդիրներով` Հայաստանի Միջազգային փոխադրողների ասոցիացիայի (TIR) նախագահ Հերբերտ Համբարձումյանը և Երևանի թիվ 1 ճանշին կազմակերպության նախկին պետ Վահան Առաքելյանը.
«Բլոկադան սկսվեց նրանից, որ Կապի և տրանսպորտի նախարարության փաստացի հրահանգի արդյունքում, Համբարձումյանը հրաժարվեց նույն`բանավեճի սեղանի շուրջ նստել Առաքելյանի հետ: Առաջ անցնելով նշենք, որ ասուլիսին ներկա ոչ քիչ թվով լրատվամիջոցները խուսափել են ներկայացնել Վահան Առաքելյանի բացահայտումները, թեպետ մինչև վերջին պահը ներկա են եղել և նույնիսկ ասուլիսից հետո էլ մնացել էին հարցեր տալու:
Ինչևէ, պարոն Առաքելայնը զիջեց Համբարձումյանին և նա առաջինը միայնակ նստեց ֆոտոխցիկների առջև.«Ռուս-վրացական սահմանին գտնվող Վերին Լարսի անցակետի փակումը վրացական կողմից նոյեմբերի սկզբներին պայմանավորված չէր քաղաքական շարժառիթներով», — հայտարարեց նա ի պատասխան այն հարցի, թե վարորդները պնդում են, որ վերաբերմունքը հայերի և մյուս բեռնափոխադրողների միջև տարբեր են եղել և անցակետում խնդիրներ են ունեցել հատկապես հայերը:
Չնայած դրան Համբարձումյանը խոստովանեց, որ խնդիրներ, այնուամենայնիվ, եղել են: Նախ, վրացական կողմը անցակետում հայտարարություններ չէր փակցրել, թե երբվանից է փակում անցակետը, ինչպես սովորաբար վարվում էր նախորդ տարիներին: Այդ պատճառով հայ վարորդները հանկարծակի են եկել` տեսնելով փակ անցակետը: Երկրորդ` այս տարի բավական երկար ժամանակ չէր գործում Փոթի-Նովոռոսիսյսկ լաստանավը, ինչի հետևանքով բեռնատար մեքենաները պարզապես այլընտրանք չունեին: Եւ վերջապես, երրորդ`ձմեռն այս տարի եկավ ժամանակից շուտ ու շատ անականկալ:
Եւ արդյունքում` մոտ 200 հայկական բեռնատարներ Դոնի Ռոստովից մինչեւ Վերին Լարս ճանապարհներին հայտնվեցին սպասողական վիճակում:
«Սակայն, բարեբախտաբար դեկտեմբերի 2-ին եւ 3-ին տեղումները դադարեցին, ինչը հնարավոր դարձրեց բեռնատարների փոխադրումը քարշակներով: Իսկ որպես վարձ այդ ծառայության համար յուրաքանչյուր մեքենայից գանձվել է 220 դոլար» — ասաց նա:
Ըստ Համբարձումյանի այս պահին այդ անցակետի շրջանում այլեւս կուտակված մեքենաներ չկան` հայկական բեռնատարները փոխադրվում են լաստանավով, թեև դա մոտ 40 տոկոսով ավելի թանկ է: Երեւան-Մոսկվա 1 բեռնատարի ուղերթը Վերին Լարսով արժե 4000 դոլար, լաստանավով` մոտ 5700 դոլար, որից 1500 դոլարը լաստանավի «տոմսի» արժեքն է:
Իսկ Վահան Առաքելյանը, որպես փորձառու ճանապարհաշինարար եկել էր զգուշացնելու, որ առաջիկայում հնարավոր են նոր սողանքներ: Քանի որ «Տավուշի» հայտնի ողբերգությունից հետո էլ, ոչ մի աշխատանք չի կատարվել: Նա ասաց, որ Ճանշին-ը չի կարող այլ կերպ աշխատել, քանի դեռ այն ղեկավարում են դիլետանտ մարդիկ, ովքեր թույլ տվեցին, որ սննկացած ընկերության բազան վերածվի վետերոկների: Վարչությունը բաժանվեց առանձին ստորաբաժանումների, ստեղծվեց ՊՈԱԿ, որը ղեկավարում է նախկին մարզպետ Հենրիկ Քոչինյանը, որն առհասարակ կապ չունի Ճանշինի հետ:
Սա այն տարբերակն է, որ մարդուն գործ էր պետք տվեցին, սակայն ճանապարհների հարցը, որտեղ կարող է վտանգվել մարդկանց կյանքը, ռազմավարական խնդիր է, որի լուծումը, պրն Առաքելյանը տեսնում է մեկ տարբերակով. Վերահսկողություն սահմանել այն կցելով կամ նախագահի, կամ վարչապետի ինստիտուտին, ինչպես նախկին ԱՊՀ մի շարք երկրներում է:
«Ամենաթողությունը կարող է ամեն պահ վթարային իրավիճակ ստեղծել է Ախուրյանի ճանապարհին, որտեղ Ախուրյան ճանշինը մաքրում է միայն իր սպասարկելիք հատվածը, իսկ մինչև Բավրա տանող ճանապարհը առաջին իսկ ձյան դեպքում վերածվում է ռեալ վտանգ հանդիացող սահադաշտի: Դիլիջանում ևս կան վտանգավոր հատվածներ և այս պես կարելի է թվել»,- զգուշացրեց ճանապարահաշինարարը:
Հ.Գ. Տրանսպորտի նախարարությունը, Հենրիկ Քոչինյանին թույլ չտվեց մասնակցելու բանավեճին, ասելով թե նպատակահարմար չեն գտնում, ոչ նրա, ոչ էլ առհասարակ որևէ մեկի ներկայությունը, պարզաբանելով, թե` մեր կայքում ամեն բան դրված է:Հետաքրքիր է վերընշված հարցերից քանի՞սն են արծարծված կայքում:
Սահակաշվիլին քաշվեց ու քաշվեց: Ոչ միայն ռուսների, այլև հրեաների ձեռամբ: Նա հրեա գործարարներ Ռոնի Ֆուքսին եւ Զեեւ Ֆրենկելին ներում շնորհելու փոխարեն 70 միլիոն դոլար է ստացել: Այս մասին հայտարարել է վրացի փորձագետ Իրակլի Սեսիաշվիլին, գրում է վրացական «Մեդիայնուզ» գործակալությունը:
Փորձագետը գործակալությանը տված հարցազրույցում հռետորական հարց է հնչեցրել. «Ի՞նչ տարբերություն գործարարները կառավարությանը գումարը կտային կաշառելո՞ւ, թե՞ բանտից ազատվելու համար: Գործարարներին դեռ ծուղակը գցեցին, ապօրինաբար ձերբակալեցին, բանտում ստեղծեցին անհանդուրժելի պայմաններ, իսկ հետո ներում շնորհելու փոխարեն պահանջեցին 70 միլիոն դոլար: Դա չի կոչվում ներում շնորհել, դա կոչվում է նրանց վաճառել ազատությունը»:
Ինչպես ասում են` այ էդ բանը չպիտի անեիր… Մանավանդ, որ այս կիրակի Ռուսաստանում գրանցվելու է Սահակաշվիլու համար նույնիսկ հասարակ բարևն ափսոսող Վլադիմիր Պուտինի հաղթանակը: Սեփական թշնամիների քանակն ավելացնելը, մեղմ ասած, խելամիտ չէ: Լավ է գոնե մեր նախագահի այցի ժամանակ ֆահմել է որևէ բանի «ոչ» չասելու: Ճիշտ է, այլ հարց է` արդյո՞ք մերոնք նրանից պոկել են հնարավոր ամեն ինչ, բայց դե փաստ է` պատրաստ է սահմանել այնպիսի ռեժիմ, որ Վրաստան մուտք գործող ՀՀ քաղաքացին ընդամենն ավտոմեքենայի լուսամուտից փաստաթուղթ ցույց տա սահմանապահին: Այսինքն` անցյալ են դառնալու այն խայտառակությունները, երբ Ջավախք եկողից առգրավում էին անգամ հայերեն ցանկացած գիրք ու հետ ուղարկում: Քանի Միշիկոյին լրիվ չեն կերել` պիտի շտապենք երկկողմանի փաստաթղթերով այդ կարգն ամրագրել:
Սակայն անդրադառնանք մեր ներքին նախընտրական կրքերին: Երբ Լևոն Տեր-Պետրոսյանը հրապարակավ առաջարկեց ԲՀԿ-ին համագործակցել «ընդդեմ ավազակապետության», դա միանգամից դարձավ թիվ 1 ներքաղաքական ինտրիգը: Ոմանք Ռոբերտ Քոչարյանի շրջապատում միանգամից որդեգրեցին այն գիծը, որ ԲՀԿ — ՀԱԿ դաշինքը միակ շանսն է, և ով բացահայտ կամ անուղղակի դեմ է դրան` ոչնչով չի տարբերվում «դատարկ դհոլ» Արտաշես Գեղամյանից: Ու այդ հիմքով արդեն «Սերժի հաճախորդ» հռչակեցին «Հանրապետություն» կուսակցության առաջնորդ Արամ Սարգսյանին: Բայց հարց է ծագում` այդ կրքերի իմա՞ստը որն է: Վաղը, եթե Լևոն Հակոբիչն էլ մի կողմ դրեց այդ գաղափարը, նրա՞ն էլ կհռչակեն «դհոլ» և «հաճախորդ»:
Իշխանության ռեակցիան էլ է հետաքրքիր: Պարզ է, որ ԲՀԿ-ն չի շտապում Լևոն Տեր-Պետրոսյանի առաջարկությունը հռչակել անհնարին, ընդամենը մեկ պատճառով` որպեսզի ընտրություններին ընդառաջ ընդամենը սեփական գինը բարձրացնի, մեկ-երկու պատգամավորական մանդատ կամ նախարար-փոխնախարարական պորտվել ավել կորզի: Ուրեմն մի՞թե այդ քվոթաներն այնքան կարևոր են, որ հանուն դրա ոստիկանությունը բերման ենթարկեց ԲՀԿ-ում ու դրա շուրջ եղած բոլոր պլանքաշներին, ոստիկանապետն էլ հայտարարեց, որ պլանքաշաց դասի կուսակցական պատկանելիությամբ չի հետաքրքրվում:
Ախր պարզից էլ պարզ է, որ ԲՀԿ-ն ընդդիմադիր դաշտ չի գնալու: Ձերբալալվածներն էլ քաղբանտարկյալ չեն հռչակվելու: Կա խաղ, կան խաղի կանոններ, շեղվողների աչքի առաջ էլ կա Գռզոյի ու Լեդի Հակոբի ճակատագիրը, դրա կրկնության հեռանկարով խանդավառ «կամավորներ» չկան ու չեն կարող լինել: ԲՀԿ-ի` ՀՀԿ-ից որևէ բանով տարբեր լինելն էլ կատարյալ բլեֆ է: ԲՀԿ-ի պատգամավորները որևէ հարցով երբևէ քվեարկե՞լ են այլ կերպ, քան ՀՀԿ-ականները: ԲՀԿ-ի նախարարները ՀՀԿ-ի նախարարներին հակառակ որևէ դիրքորոշում հայտնե՞լ են: Քանի որ պատասխանը բացասական է, ուրեմն կռիվը պրծավ: Այդ դեպքում ինչո՞ւ կոալիցիայից տարբեր կերպ քվեարկող դաշնակին որակում են կեղծ ընդդիմադիր, իսկ կեսքայլ աջուձախ չշեղվող ԲՀԿ-ն հանկարձ դարձավ ապագա «իշխանափոխիչ», ընդդիմության հույս ու հավատ…
Այլ հարց է, որ ՀՀ նախագահն այնքան է լուծել իշխանության կենտրոնացման խնդիրը, որ արդեն օլիգարխներից կարող է պահանջել հրապարակավ խոստովանել սեփական հնազանդությունը: Ու խոստովանելու են, դիմադրելու ռեսուրս ԱՐԴԵՆ չունեն: Եթե 2 ամիս առաջ նույնիսկ վատ երազում չէին կարող նման բան թողնել, զի իշխանության հույսն ու հենարանն էին, այսօր նրանց կարգավիճակն իջեցվել է: Ճիշտ է, դեռ կան մեկ-երկուսը, որ իրենց «թռփոշ» են զգում, բայց դա էլ է ժամանակավոր: Եթե այսօր «պլանքաշների հաշվառման» ոստիկանական օպերացիաներ են իրագործվում, վաղը կարող է հանկարծ ավելի լուրջ բաներ սկսեն հաշվառել: Իսկ դրա տակից դուրս գալ չեն կարող, նամանավանդ ներկայիս ոստիկանապետը «կոմպլեքսներ» չունի, և ի տարբերություն բոլոր նախորդների, նրա «ձեռը կգնա» ցանկացածի վրա… Դե, Աղվան Գառնիկիչին էլ միայն առիթ է պետք, որ այդ «ձեռը գնացածների» մեղադրական եզրակացությունները հաստատելով, իր հետագայի հարցերը լուծի:
Բայց բոլոր դեպքերում, դեռ ահագին ժամանակ քաղաքական ֆանտաստիկայի ժանրով ժողովրդին կերակրողների պակաս չի լինի: Ժողովրդին էլ ի՞նչ է պետք` հաց և զվարճալիք: Զվարճալիք մատուցողների պակաս հիմա էլ չկա, բայց եթե մայիսից հետո էլ հացը ուշացնեն… Աստված մի արասցե…
Շաբաթվա Վարկածները քննեց ԱՐՍԵՆ ՎԱՀԱՆՅԱՆԸ
-
-
13.05.2024 | 02:10
Ովքե՞ր էին 24News-ի լրագրողին բռնության ենթարկող բերետավորները և ո՞ւմ հրահանգով էին գործում. հայտարարություն -
15.05.2024 | 02:10
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ ՀՀ վարչապետ -
14.05.2024 | 02:10
Բագրատ Սրբազանն Արման Բաբաջանյանին կոչ է արել պատմել իր կենսագրությունը -
13.05.2024 | 12:40
Այսօրվանից Երևանի մետրոպոլիտենը կաշխատի ժամը 07։00-ից մինչև 24:00-ը -
18.05.2024 | 01:10
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին -
14.05.2024 | 12:10
Նախևառաջ պետք է օգտվել ուղեղի անվճար ծառայություններից․ Արշակ արքեպիսկոպոս Խաչատրյանը՝ Արսեն Թորոսյանին -
17.05.2024 | 01:10
Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ -
13.05.2024 | 11:06
Ինքնագլորներով ու այլ միջոցներով փողոցներ են փակում. (տեսանյութ) -
16.05.2024 | 12:10
Գործողությունները լինելու են կետային, թիրախային. Բագրատ Սրբազան -
16.05.2024 | 01:10
Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.